ഒരു മഹത്തായ ഉദ്ദേശ്യ​ത്തോ​ടെ നിർമി​ക്ക​പ്പെ​ട്ടത്‌

മുമ്പു പറഞ്ഞ​പ്ര​കാ​രം പണ്ടുമു​തലേ ആളുകൾ ആകാശ​ത്തേക്കു നോക്കി ‘ഇവയെ​ല്ലാം എന്തിനാണ്‌’ എന്ന്‌ ആശ്ചര്യ​പ്പെ​ട്ടി​ട്ടുണ്ട്‌. ഒരു പ്രഗത്ഭ സംഗീ​തജ്ഞൻ ദീർഘ​കാ​ലം മുമ്പ്‌ വിലമ​തി​പ്പോ​ടെ പാടി: “ആകാശം ദൈവ​ത്തി​ന്റെ മഹത്വത്തെ വർണ്ണി​ക്കു​ന്നു; ആകാശ​വി​താ​നം അവന്റെ കൈ​വേ​ലയെ പ്രസി​ദ്ധ​മാ​ക്കു​ന്നു.”—സങ്കീർത്തനം 19:1.

നമ്മുടെ മനോ​ഹ​ര​മായ ഭൂമി​യും ആളുക​ളിൽ ഇതേ പ്രതി​ക​രണം ഉളവാ​ക്കു​ന്നു. ഉദാഹ​ര​ണ​ത്തിന്‌ ഒരു ബഹിരാ​കാശ യാത്ര​യ്‌ക്കു ശേഷം ബഹിരാ​കാശ യാത്രി​ക​നായ ചാൾസ്‌ എം. ഡ്യൂക്ക്‌, ജൂനിയർ അത്ഭുത​ത്തോ​ടെ പറഞ്ഞു: “ബഹിരാ​കാ​ശ​ത്തു​നി​ന്നു നോക്കു​മ്പോൾ ഭൂമി അതിമ​നോ​ഹ​ര​മാണ്‌, കരയു​ടെ​യും കടലി​ന്റെ​യും മേഘങ്ങ​ളു​ടെ​യു​മെ​ല്ലാം നിറങ്ങ​ളു​ടെ ഒരു മേളനം.” അദ്ദേഹം കൂട്ടി​ച്ചേർത്തു: “ഇരുണ്ട ബഹിരാ​കാ​ശ​ത്തി​ന്റെ പശ്ചാത്ത​ല​ത്തിൽ അതിന്റെ ദൃശ്യം ഏതാണ്ട്‌ ഒരു ദൈവിക അനുഭവം പോ​ലെ​യാ​യി​രു​ന്നു.”

നക്ഷത്ര​ഖ​ചി​ത​മാ​യ വാന​ത്തേക്കു നോക്കു​മ്പോൾ, അല്ലെങ്കിൽ പ്രകൃതി രമണീ​യ​മായ ഒരു സ്ഥലം കാണു​മ്പോൾ നിങ്ങൾക്ക്‌ എന്താണു തോന്നു​ന്നത്‌? അത്‌ എങ്ങനെ​യാണ്‌ അല്ലെങ്കിൽ എന്തിനാണ്‌ അസ്‌തി​ത്വ​ത്തിൽ വന്നത്‌ എന്നു നിങ്ങൾ എപ്പോ​ഴെ​ങ്കി​ലും ചിന്തി​ച്ചി​ട്ടു​ണ്ടോ?

തന്റെ ഉദ്ദേശ്യം വെളി​പ്പെ​ടു​ത്തു​ന്നു

യഹോവ ഇയ്യോബ്‌ എന്ന മനുഷ്യ​നോട്‌ ഒരു ചോദ്യം ചോദി​ച്ചു: “ഞാൻ ഭൂമിക്കു അടിസ്ഥാ​ന​മി​ട്ട​പ്പോൾ നീ എവി​ടെ​യാ​യി​രു​ന്നു?” (ഇയ്യോബ്‌ 38:4) ഈ ചോദ്യം ഇയ്യോ​ബി​നെ താഴ്‌മ പഠിപ്പി​ച്ചു. കാരണം ആ സമയത്ത്‌ അവൻ അസ്‌തി​ത്വ​ത്തിൽ ഉണ്ടായി​രു​ന്നില്ല. ഇയ്യോബ്‌ ജനിക്കു​ന്ന​തി​നും ദീർഘ​കാ​ലം മുമ്പു​തന്നെ ദൈവം തന്റെ സ്വരൂ​പ​ത്തിൽ പുത്ര​ന്മാ​രെ—ആത്മവ്യ​ക്തി​ക​ളായ ദൂതന്മാ​രെ—സൃഷ്ടിച്ചു. (സങ്കീർത്തനം 104:4, 5) അതു​കൊണ്ട്‌ തുടർന്ന്‌ ദൈവം ഇയ്യോ​ബി​നോട്‌ ഇങ്ങനെ ചോദി​ച്ചു: “പ്രഭാ​ത​ന​ക്ഷ​ത്രങ്ങൾ ഒന്നിച്ചു ഘോഷി​ച്ചു​ല്ല​സി​ക്ക​യും ദൈവ​പു​ത്ര​ന്മാ​രെ​ല്ലാം സന്തോ​ഷി​ച്ചാർക്കു​ക​യും ചെയ്‌ത​പ്പോൾ . . . അതിന്റെ മൂലക്ക​ല്ലി​ട്ടവൻ ആർ?”—ഇയ്യോബ്‌ 38:6, 7.

ഭൂമിക്ക്‌ അടിസ്ഥാ​ന​മി​ട്ട​പ്പോൾ ദൈവ​ദൂ​ത​ന്മാർക്കി​ട​യിൽ ഇത്രയ്‌ക്കു സന്തോഷം ഉണ്ടായത്‌ എന്തു​കൊ​ണ്ടാ​യി​രു​ന്നു? വ്യക്തമാ​യും, ദൈവ​ത്തി​ന്റെ ഭൗതിക സൃഷ്ടി​ക​ളിൽവെച്ച്‌ ഭൂമിക്കു സവി​ശേഷത ഉണ്ടെന്ന്‌ അവർക്ക്‌ അറിയാ​മാ​യി​രു​ന്നു. ഒരുപക്ഷേ ഭൂമിയെ സംബന്ധിച്ച തന്റെ മഹത്തായ ഉദ്ദേശ്യ​ത്തെ കുറിച്ച്‌ ദൈവം ദൂതന്മാർക്ക്‌ ഒരു പൂർവ​വീ​ക്ഷണം പോലും നൽകി​യി​രി​ക്കാം. ‘വ്യർത്ഥ​മാ​യി​ട്ടല്ല [ഭൂമിയെ] സൃഷ്ടി​ച്ചതു; പാർപ്പി​ന്ന​ത്രേ അതിനെ നിർമ്മി​ച്ചതു’ എന്ന്‌ പിന്നീട്‌ യഹോവ മനുഷ്യ​വർഗ​ത്തോ​ടും വെളി​പ്പെ​ടു​ത്തി. അതേ മനുഷ്യർക്ക്‌ എന്നേക്കും വസിക്കാ​നും ആസ്വദി​ക്കാ​നും വേണ്ടി.—യെശയ്യാ​വു 45:18.

പുരു​ഷ​നെ​യും സ്‌ത്രീ​യെ​യും സൃഷ്ടി​ച്ച​ശേഷം ഭൂമിയെ സംബന്ധി​ച്ചുള്ള തന്റെ ഉദ്ദേശ്യം യഹോവ അവരെ അറിയി​ച്ചു. ആദ്യ മനുഷ്യ ജോഡിക്ക്‌ അവൻ ഈ നിർദേശം നൽകി: “നിങ്ങൾ സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറഞ്ഞു അതിനെ അടക്കി സമു​ദ്ര​ത്തി​ലെ മത്സ്യത്തി​ന്മേ​ലും ആകാശ​ത്തി​ലെ പറവജാ​തി​യി​ന്മേ​ലും സകലഭൂ​ച​ര​ജ​ന്തു​വി​ന്മേ​ലും വാഴു​വിൻ.” (ഉല്‌പത്തി 1:28) സന്താ​നോ​ത്‌പാ​ദ​ന​ത്തി​നുള്ള അത്ഭുത​ക​ര​മായ പ്രാപ്‌തി​യോ​ടെ​യാ​ണു ദൈവം മനുഷ്യ​ജോ​ഡി​യെ സൃഷ്ടി​ച്ചത്‌. തങ്ങളുടെ സ്രഷ്ടാ​വി​ന്റെ നല്ല ഗുണങ്ങളെ പ്രതി​ഫ​ലി​പ്പി​ക്കുന്ന പൂർണ മനുഷ്യ​രെ​ക്കൊണ്ട്‌ മുഴു ഭൂമി​യെ​യും നിറയ്‌ക്കുക എന്നതാ​യി​രു​ന്നു അവന്റെ ഉദ്ദേശ്യം.

ഇന്ന്‌ ഭൂമി​യിൽ എല്ലായി​ട​ത്തും​തന്നെ ആളുക​ളു​ണ്ടെ​ങ്കി​ലും സ്രഷ്ടാ​വി​നു മഹത്ത്വം കരേറ്റുന്ന വിധത്തി​ലല്ല അവർ അതിൽ വസിക്കു​ന്നത്‌. രോഗ​ഗ്ര​സ്‌ത​മായ, മരിച്ചു​കൊ​ണ്ടി​രി​ക്കുന്ന അവസ്ഥയി​ലാ​ണു മനുഷ്യ​വർഗം. ഭൂമി​യെ​യും അതിലെ ജീവജാ​ല​ങ്ങ​ളെ​യും വേണ്ടവി​ധ​ത്തിൽ അവർ പരിപാ​ലി​ക്കു​ന്നില്ല. മനുഷ്യ​രെ പൂർണ​രാ​യി​ട്ടാണ്‌ യഹോവ സൃഷ്ടി​ച്ചത്‌. കാലാ​ന്ത​ര​ത്തിൽ, ഭൗമിക പറുദീ​സ​യിൽ ഒരുമിച്ച്‌ എന്നേക്കും ജീവി​ക്കുന്ന നീതി പ്രവർത്തി​ക്കുന്ന ഒരു മാനുഷ കുടും​ബ​ത്തി​ന്റെ അധീന​ത​യിൽ മുഴു ഭൂമി​യും വരണം എന്നുള്ള​താ​യി​രു​ന്നു അവന്റെ ഉദ്ദേശ്യം.

അവന്റെ ഉദ്ദേശ്യം നിവർത്തി​ക്ക​പ്പെ​ടും എന്ന്‌ നമുക്ക്‌ ഉറപ്പു​ണ്ടാ​യി​രി​ക്കാം. കാരണം? ഉദ്ദേശി​ക്കുന്ന കാര്യ​മൊ​ക്കെ​യും താൻ “അനുഷ്‌ഠി​ക്കും” എന്ന്‌ അവൻ വാഗ്‌ദാ​നം ചെയ്‌തി​രി​ക്കു​ന്നു. (യെശയ്യാ​വു 46:11; 55:11) അവന്റെ വചനം ഈ ഉറപ്പു നൽകുന്നു: “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” (സങ്കീർത്തനം 37:29; വെളി​പ്പാ​ടു 21:3-5) മരിക്കു​മ്പോൾ തന്നോ​ടൊ​പ്പം ഉണ്ടായി​രുന്ന, അനുതാ​പം പ്രകട​മാ​ക്കിയ ദുഷ്‌പ്ര​വൃ​ത്തി​ക്കാ​രനു ദൈവ​പു​ത്ര​നായ യേശു​ക്രി​സ്‌തു നൽകിയ ഈ വാഗ്‌ദാ​നം പലരും ഓർമി​ക്കു​ന്നു​ണ്ടാ​കും: “നീ എന്നോ​ടു​കൂ​ടെ പരദീ​സ​യിൽ ഇരിക്കും.” (ലൂക്കൊസ്‌ 23:43) അത്‌ എങ്ങനെ നിവർത്തി​ക്ക​പ്പെ​ടും?

ദൈവ​ത്തി​ന്റെ ഉദ്ദേശ്യം നിവർത്തി​ക്ക​പ്പെ​ടുന്ന വിധം

ക്രിസ്‌തു തന്റെ ഭരണാ​ധി​പ​ത്യം ഭൂമി​യിൽ പൂർണ​മായ അളവിൽ സ്ഥാപിച്ചു കഴിയു​മ്പോൾ ആളുകൾ ദീർഘ​കാ​ല​മാ​യി പ്രാർഥി​ച്ചു​കൊ​ണ്ടി​രി​ക്കുന്ന സ്വർഗീയ ഭരണത്തിൻ കീഴിൽ ആ ദുഷ്‌പ്ര​വൃ​ത്തി​ക്കാ​രൻ ഭൂമി​യി​ലേക്ക്‌ ഉയിർപ്പി​ക്ക​പ്പ​ടും. (സങ്കീർത്തനം 72:1, 5-8; മത്തായി 6:9, 10; യോഹ​ന്നാൻ 18:36, 37; പ്രവൃ​ത്തി​കൾ 24:15) എന്നിരു​ന്നാ​ലും മരിച്ച​വ​രു​ടെ പുനരു​ത്ഥാ​നം നടക്കു​ന്ന​തി​നു മുമ്പ്‌, ദൈവത്തെ ആരാധി​ക്കാൻ വിസമ്മ​തി​ക്കുന്ന എല്ലാവ​രെ​യും നീക്കം ചെയ്‌ത്‌ അവൻ ഭൂമിയെ ശുദ്ധീ​ക​രി​ക്കും. ബൈബിൾ വാഗ്‌ദാ​നം ചെയ്യുന്നു: “സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും.” എന്നിട്ട്‌ അത്‌ ഇങ്ങനെ കൂട്ടി​ച്ചേർക്കു​ന്നു: “അതു ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.”—ദാനീ​യേൽ 2:44.

തന്റെ നല്ല ഗുണങ്ങളെ പ്രതി​ഫ​ലി​പ്പി​ക്കുന്ന ആളുക​ളെ​ക്കൊണ്ട്‌ ഭൂമിയെ നിറയ്‌ക്കുക എന്ന ഉദ്ദേശ്യം നിവർത്തി​ക്കാൻ നമ്മുടെ മഹാ​പ്ര​പ​ഞ്ച​ത്തി​ന്റെ സർവജ്ഞാ​നി​യായ സ്രഷ്‌ടാ​വി​നു തീർച്ച​യാ​യും കഴിയും! (ഉല്‌പത്തി 1:27) ദൈവം ഇതു നിവർത്തി​ക്കുന്ന വിധത്തെ കുറിച്ചു മനസ്സി​ലാ​ക്കാൻ മനുഷ്യർക്ക്‌ അവസരം ലഭി​ക്കേ​ണ്ട​തിന്‌ എല്ലായി​ട​ത്തു​മുള്ള ആളുകൾക്കു വായി​ക്കാൻ അവൻ ഒരു ഗ്രന്ഥം പ്രദാനം ചെയ്‌തു.a യു.എസ്‌.എ.-യിലെ ഒഹാ​യോ​യി​ലുള്ള ഒരു വ്യക്തി അതിനെ വർണി​ക്കു​ന്നതു ശ്രദ്ധി​ക്കുക:

“ഈ പുസ്‌ത​ക​ത്തി​ലെ വിവരങ്ങൾ വായി​ച്ചാ​ലും വായി​ച്ചാ​ലും തീരു​മെന്ന്‌ എനിക്കു തോന്നു​ന്നില്ല. മത്സരത്തി​ന്റെ ഫലമായി ഒരു മനോഹര ഭവനം താറു​മാ​റാ​യ​തി​നെ കുറി​ച്ചുള്ള വിവര​ണ​ത്തോ​ടെ​യാണ്‌ അതിന്റെ തുടക്കം. തുടർന്ന്‌ കഷ്ടപ്പാ​ടും ദുരന്ത​വും ദുഃഖ​വും കൊല​പാ​ത​ക​വും മരണവും രംഗ​പ്ര​വേശം ചെയ്യുന്നു. കുടും​ബം വലുതാ​കു​ന്ന​തോ​ടെ നിരാ​ശ​യി​ലേ​ക്കും അന്ധകാ​ര​ത്തി​ലേ​ക്കു​മുള്ള അതിന്റെ വീഴ്‌ച​യു​ടെ ഗതി​വേഗം വർധി​ക്കു​ന്നു. നൂറ്റാ​ണ്ടു​കൾ കടന്നു​പോ​കവെ രാഷ്‌ട്രങ്ങൾ രൂപം​കൊ​ള്ളു​ക​യും ശിഥി​ല​മാ​കു​ക​യും ചെയ്യുന്നു, ആയിര​ക്ക​ണ​ക്കി​നു കഥാപാ​ത്രങ്ങൾ രംഗത്തു വന്നു​പോ​കു​ന്നു. എല്ലാത്തരം മാനു​ഷിക വികാ​ര​ങ്ങ​ളും, ഉഗ്ര കോപം മുതൽ ഒരു രക്തസാ​ക്ഷി​യു​ടെ സ്‌നേ​ഹത്തെ കുറിച്ചു വരെ, നാം അതിൽ വായി​ക്കു​ന്നു. ഒരു നേരിയ പ്രകാ​ശ​കണം പോലെ പ്രത്യ​ക്ഷ​പ്പെട്ട പ്രത്യാശ, ഒരിക്ക​ലും മാറ്റം വരിക​യി​ല്ലാത്ത ഉറപ്പായി തീരുന്നു. മനോ​ഹ​ര​മായ ഭവനത്തിൽ പൂർണ​ത​യുള്ള ഒരു ഗവൺമെന്റ്‌ പുനഃ​സ്ഥാ​പി​ക്ക​പ്പെ​ടാൻ പോകു​ന്നു. അതിന്റെ ഭരണാ​ധി​പൻ രാജാ​വായ യേശു​ക്രി​സ്‌തു​വാണ്‌. ഗവൺമെന്റ്‌ ദൈവ​രാ​ജ്യം, കുടും​ബം മനുഷ്യ​വർഗ​വും. ആ ഗ്രന്ഥം ബൈബി​ളാണ്‌!”

ഏറ്റവും പ്രധാ​ന​പ്പെട്ട ഈ ഗ്രന്ഥം, അതായത്‌ ബൈബിൾ, പരി​ശോ​ധി​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. അതിലു​പ​രി​യാ​യി, ഈ പ്രപഞ്ച​വും അതിന്റെ അസംഖ്യം സവി​ശേ​ഷ​ത​ക​ളും യാദൃ​ച്ഛി​ക​മാ​യി ഉളവാ​യതല്ല എന്നുള്ള​തി​നുള്ള തെളി​വു​കൾ കൂടു​ത​ലാ​യി പരി​ശോ​ധി​ക്കാൻ ഞങ്ങൾ നിങ്ങളെ ക്ഷണിക്കു​ന്നു. ഈ വിഷയത്തെ കുറി​ച്ചുള്ള വിജ്ഞാ​ന​പ്ര​ദ​മായ ഒരു വിചി​ന്തനം നിങ്ങ​ളെ​ക്കു​റി​ച്ചു കരുത​ലുള്ള ഒരു സ്രഷ്‌ടാ​വു​ണ്ടോ? (ഇംഗ്ലീഷ്‌) എന്ന പുസ്‌ത​ക​ത്തിൽ കാണാ​വു​ന്ന​താണ്‌. അതിന്റെ ഒരു പ്രതി ലഭിക്കു​ന്ന​തിന്‌ എന്തു ചെയ്യണ​മെന്ന്‌ 32-ാം പേജിൽ വിശദീ​ക​രി​ച്ചി​രി​ക്കു​ന്നു.

[അടിക്കു​റി​പ്പു​കൾ]

[10-ാം പേജിലെ ചിത്രം]

‘ബഹിരാ​കാ​ശത്തെ അതിമ​നോജ്ഞ ദൃശ്യം’

[കടപ്പാട്‌]

NASA photo