അത്‌ യാദൃ​ച്ഛി​ക​മാ​യി ഉണ്ടായ​തോ അതോ സൃഷ്ടി​ക്ക​പ്പെ​ട്ട​തോ?

പ്രപഞ്ചം ബുദ്ധി​ശ​ക്തി​യുള്ള ഒരുവ​നാൽ സൃഷ്ടി​ക്ക​പ്പെ​ട്ട​താ​ണെന്ന ആശയം കേൾക്കു​ന്ന​തു​തന്നെ പല ശാസ്‌ത്ര​ജ്ഞർക്കും അസ്വസ്ഥത ഉളവാ​ക്കുന്ന ഒന്നാണ്‌. അതു​കൊണ്ട്‌ അത്‌ സ്വയം ഉണ്ടായ​താണ്‌ എന്ന്‌ അവർ ഊഹി​ക്കു​ന്നു. എന്നാൽ അത്‌ എങ്ങനെ സംഭവി​ച്ചു എന്നു വിശദ​മാ​ക്കാൻ ആർക്കും കഴിഞ്ഞി​ട്ടില്ല.

സയന്റി​ഫിക്ക്‌ അമേരി​ക്കൻ മാസി​ക​യു​ടെ 1999 ജനുവരി ലക്കത്തിൽ ഇങ്ങനെ റിപ്പോർട്ടു ചെയ്‌തു: “മഹാസ്‌ഫോ​ടന സിദ്ധാന്തം പ്രപഞ്ച​ത്തി​ന്റെ ഉത്ഭവം വിശദീ​ക​രി​ക്കു​ന്നില്ല.” ആ മാസിക ഇങ്ങനെ പറഞ്ഞു: “പ്രപഞ്ച​ത്തി​ന്റെ യഥാർഥ സൃഷ്ടി​പ്പി​നെ വിശദീ​ക​രി​ക്കാൻ അതിനും മുമ്പുള്ള കാലഘ​ട്ടത്തെ വിവരി​ക്കുന്ന മറ്റൊരു സിദ്ധാന്തം ആവശ്യ​മാണ്‌.”

എന്നാൽ, പ്രപഞ്ചം എങ്ങനെ​യോ തനിയെ ഉണ്ടായ​താണ്‌ എന്ന ആശയം ന്യായ​യു​ക്ത​മാ​ണെന്നു നിങ്ങൾക്കു തോന്നു​ന്നു​ണ്ടോ? രസത​ന്ത്ര​ജ്ഞ​നായ ചാൾസ്‌ എച്ച്‌. ടൗൺസ്‌ ഇങ്ങനെ അഭി​പ്രാ​യ​പ്പെട്ടു: “‘മഹാസ്‌ഫോ​ടന’ത്തിനു പിന്നിലെ കാരണങ്ങൾ കണ്ടെത്താ​മെ​ന്നും ഒരുപക്ഷേ നമ്മുടെ പ്രപഞ്ച​ത്തി​ന്റെ ഉത്ഭവത്തെ വിശദീ​ക​രി​ക്കാ​മെ​ന്നും—ഉദാഹ​ര​ണ​ത്തിന്‌ ഒരുതരം വ്യതി​യാ​ന​മെ​ന്നോ മറ്റോ—ഊർജ​ത​ന്ത്രജ്ഞർ പ്രത്യാ​ശി​ക്കു​ന്നു​ണ്ടെ​ന്നതു ശരിതന്നെ. എന്നാൽ അത്‌ എന്തിന്റെ വ്യതി​യാ​ന​മാ​യി​രു​ന്നു? ഈ വ്യതി​യാ​നം ഉണ്ടായത്‌ എങ്ങനെ? ശാസ്‌ത്രീയ വീക്ഷണ​ത്തി​ലൂ​ടെ മാത്രം അന്വേ​ഷി​ക്കു​ക​യാ​ണെ​ങ്കിൽ പ്രപഞ്ച​ത്തി​ന്റെ ഉത്ഭവത്തെ പറ്റിയുള്ള ചോദ്യം ഉത്തരം കിട്ടാത്ത ഒന്നായി അവശേ​ഷി​ക്കും എന്നാണ്‌ എനിക്കു തോന്നു​ന്നത്‌.”

പ്രപഞ്ചം ഒരു കാലത്ത്‌ ഉണ്ടായി​രു​ന്നി​ല്ലെ​ന്നും അത്‌ എങ്ങനെ​യോ ഉണ്ടായ​താ​ണെ​ന്നും ഉള്ള ആശയം ഇപ്പോൾ അംഗീ​ക​രി​ക്ക​പ്പെ​ട്ടി​രി​ക്കു​ന്നു. പ്രപഞ്ച​ത്തി​ലെ നിയമ​ങ്ങ​ളു​മാ​യി ബന്ധപ്പെട്ടു മനസ്സി​ലാ​ക്കി​യി​രി​ക്കുന്ന സംഗതി​കൾ പ്രപഞ്ചം എങ്ങനെ ഉണ്ടായി എന്ന്‌ അറിയാൻ നമ്മെ സഹായി​ക്കു​മോ?

“ഒരു നാണയ​ത്തി​ന്റെ രണ്ടു വശങ്ങൾ”

ഊർജ​ത്തെ​യും ദ്രവ്യ​ത്തെ​യും സംബന്ധി​ച്ചാണ്‌ ഇങ്ങനെ പറയ​പ്പെ​ട്ടി​രി​ക്കു​ന്നത്‌. “ഊർജ​ത്തി​ന്റെ ഒരു രൂപമാണ്‌ ദ്രവ്യം” എന്ന്‌ സയന്റി​ഫിക്ക്‌ അമേരി​ക്കൻ പ്രസ്‌താവിച്ചു. E=mc² (ഊർജം സമം പിണ്ഡം ഗുണം പ്രകാ​ശ​വേ​ഗ​ത്തി​ന്റെ വർഗം) എന്ന ഐൻ​സ്റ്റൈന്റെ പ്രസി​ദ്ധ​മായ സമവാ​ക്യ​ത്തിൽ ദ്രവ്യ​വും ഊർജ​വും തമ്മിലുള്ള ഈ ബന്ധം കാണുന്നു. ഒരു ചെറിയ പിണ്ഡത്തിൽ അവിശ്വ​സ​നീ​യ​മായ അളവിൽ ഊർജം അടങ്ങി​യി​ട്ടു​ണ്ടെന്ന്‌ ഈ സമവാ​ക്യം വെളി​പ്പെ​ടു​ത്തു​ന്നു. “ഓറഞ്ചി​ന്റെ വലുപ്പം മാത്ര​മുള്ള ഒരു ബോം​ബിന്‌ ഒരു നഗരത്തെ ഉന്മൂലനം ചെയ്യാൻ സാധി​ക്കു​ന്നത്‌ എങ്ങനെ എന്ന്‌ അതു കാണി​ക്കു​ന്നു,” യൂണി​വേ​ഴ്‌സി​റ്റി പ്രൊ​ഫ​സ​റായ തിമോ​ത്തി ഫെറിസ്‌ പറഞ്ഞു.

നാണയ​ത്തി​ന്റെ മറുവശം നോക്കി​യാൽ—ഐൻ​സ്റ്റൈന്റെ സിദ്ധാ​ന്ത​പ്ര​കാ​രം ഊർജത്തെ ദ്രവ്യ​മാ​ക്കി മാറ്റാ​നും കഴിയും. അതു​കൊണ്ട്‌ ഒരു പ്രപഞ്ച​ശാ​സ്‌ത്രജ്ഞൻ പറഞ്ഞ​പ്ര​കാ​രം, ഭൗതിക പ്രപഞ്ച​ത്തി​ന്റെ രൂപീ​ക​ര​ണ​ത്തിൽ “നാം ഇപ്പോൾ മനസ്സി​ലാ​ക്കി​ത്തു​ട​ങ്ങി​യി​രി​ക്കു​ന്നതു പോലെ ദ്രവ്യ​ത്തി​ന്റെ​യും ഊർജ​ത്തി​ന്റെ​യും ഏറ്റവും ഭയഗം​ഭീ​ര​മായ രൂപാ​ന്ത​രണം” ഉൾപ്പെ​ട്ടി​ട്ടു​ണ്ടാ​യി​രി​ക്കാം.

അത്തരം ഒരു “രൂപാ​ന്തരണ”ത്തിന്‌ ആവശ്യ​മായ ദ്രവ്യ​വും ഊർജ​വും ഉണ്ടായത്‌ എവി​ടെ​നി​ന്നാ​യി​രു​ന്നു? തൃപ്‌തി​ക​ര​മായ ഉത്തരം നൽകാൻ ശാസ്‌ത്ര​ത്തി​നു കഴിയു​ന്നില്ല. ശ്രദ്ധേ​യ​മാ​യി ബൈബിൾ ദൈവത്തെ കുറിച്ച്‌ ഇങ്ങനെ പറയുന്നു: “ഗതി​കോർജ​ത്തി​ന്റെ സമൃദ്ധി നിമി​ത്ത​വും അവൻ ശക്തിയിൽ ഊർജ​സ്വ​ലൻ ആകകൊ​ണ്ടും അവയിൽ ഒന്നും [ബഹിരാ​കാശ ഗോളങ്ങൾ] നഷ്ടപ്പെ​ടു​ന്നില്ല.” (യെശയ്യാ​വു 40:26, NW) പ്രപഞ്ചത്തെ സൃഷ്ടി​ക്കാൻ ദൈവം ഉപയോ​ഗിച്ച മാർഗം ഏതുമാ​യി​ക്കൊ​ള്ളട്ടെ, അതു ചെയ്യാൻ ആവശ്യ​മായ ഊർജ​വും ശക്തിയും അവനുണ്ട്‌ എന്നു വ്യക്തം.

ഒരു പരമോ​ന്നത ബുദ്ധി​ശാ​ലി നമ്മുടെ പ്രപഞ്ചത്തെ സൃഷ്ടിച്ചു എന്നു വിശ്വ​സി​ക്കു​ന്ന​തി​നുള്ള അടിസ്ഥാ​നം, ശാസ്‌ത്രീയ തെളിവു നൽകു​ന്നു​ണ്ടോ? പ്രപഞ്ച​ത്തി​ന്റെ ആരംഭ​ത്തി​ലേ​ക്കുള്ള ഒരു എത്തി​നോ​ട്ടം അതിന്‌ ഉത്തരം നൽകും.

ക്രമീ​കൃ​ത​മായ തുടക്കം

ഇതേ കുറിച്ചു ചിന്തി​ക്കുക: ന്യൂക്ലി​യർ ബോംബ്‌ പൊട്ടു​മ്പോൾ ഉണ്ടാകു​ന്ന​തു​പോ​ലെ അനിയ​ന്ത്രി​ത​മായ വിധത്തിൽ ദ്രവ്യം ഊർജ​മാ​യി മാറു​ന്നത്‌, ആകെ അലങ്കോ​ല​മായ അവസ്ഥ സൃഷ്ടി​ക്കും. 1945-ൽ ജപ്പാനി​ലെ ഹിരോ​ഷി​മ​യും നാഗസാ​ക്കി​യു​ടെ വലി​യൊ​രു ഭാഗവും നശിപ്പി​ക്ക​പ്പെ​ട്ട​പ്പോൾ സംഭവി​ച്ചത്‌ അതാണ്‌. എന്നാൽ അലങ്കോ​ല​മായ അവസ്ഥയി​ലുള്ള ഒന്നല്ല പ്രപഞ്ചം, മറിച്ച്‌ അത്‌ ക്രമമു​ള്ള​തും മനോ​ഹ​ര​വും ആണ്‌! അത്ഭുത​ക​ര​മായ ഈ ഭൂമി​യെ​യും അതിലെ വിസ്‌മ​യാ​വ​ഹ​മായ ജീവ വൈവി​ധ്യ​ത്തെ​യും കുറിച്ചു ചിന്തി​ക്കുക. ബുദ്ധി​പൂർവ​ക​മായ കാര്യ​നിർവ​ഹ​ണ​വും നിയ​ന്ത്ര​ണ​വു​മി​ല്ലാ​തെ അത്‌ അസ്‌തി​ത്വ​ത്തിൽ വരുമാ​യി​രു​ന്നില്ല!

പ്രപഞ്ച​ത്തി​ന്റെ സൃഷ്ടി​പ്പി​നെ സംബന്ധി​ച്ചുള്ള കണ്ടെത്ത​ലു​ക​ളി​ലെ സൂചനകൾ 1998 നവംബർ 9-ന്‌ ന്യൂസ്‌വീക്ക്‌ മാസിക പുനര​വ​ലോ​കനം ചെയ്യു​ക​യു​ണ്ടാ​യി. “ദ്രവ്യ​വും ചലനവും, [ബൈബി​ളി​ലെ] ഉല്‌പത്തി പുസ്‌ത​ക​ത്തിൽ പറയു​ന്ന​തു​പോ​ലെ, എക്‌സ്‌ നിഹി​ലോ, അതായത്‌ ഒന്നുമി​ല്ലാ​യ്‌മ​യിൽനിന്ന്‌, വെളി​ച്ച​ത്തി​ന്റെ​യും ഊർജ​ത്തി​ന്റെ​യും അത്ഭുത​ക​ര​മായ ഒരു സ്‌ഫോ​ട​ന​ത്തി​ലൂ​ടെ​യാണ്‌ ഉത്ഭവി​ച്ചത്‌” എന്നു തെളി​വു​കൾ “സൂചി​പ്പി​ക്കു”ന്നതായി അതു പറഞ്ഞു. പ്രപഞ്ച​ത്തി​ന്റെ ഉത്ഭവത്തെ ബൈബിൾ വിവര​ണ​വു​മാ​യി താരത​മ്യം ചെയ്യാൻ ന്യൂസ്‌വീക്ക്‌ നൽകിയ കാരണങ്ങൾ ശ്രദ്ധി​ക്കുക.

“കെട്ടഴി​ച്ചു​വി​ട​പ്പെട്ട ശക്തികൾ ശ്രദ്ധേ​യ​മാം​വി​ധം (അത്ഭുത​ക​ര​മാ​യി?) സന്തുലി​തം ആയിരു​ന്നു—അല്ലെങ്കിൽ ആണ്‌: മഹാസ്‌ഫോ​ട​ന​ത്തി​ന്റെ തീവ്രത അൽപ്പം കുറഞ്ഞു​പോ​യി​രു​ന്നെ​ങ്കിൽ പ്രപഞ്ച​വി​കാ​സ​ത്തി​ന്റെ വേഗം കുറയു​മാ​യി​രു​ന്നു. അങ്ങനെ പ്രപഞ്ചം താമസി​യാ​തെ (ഏതാനും ദശലക്ഷം വർഷങ്ങൾക്കകം, അല്ലെങ്കിൽ ഏതാനും നിമി​ഷ​ങ്ങൾക്കകം) തകർന്നു തരിപ്പ​ണ​മാ​കു​മാ​യി​രു​ന്നു. സ്‌ഫോ​ട​ന​ത്തി​ന്റെ തീവ്രത അൽപ്പം കൂടി​പ്പോ​യി​രു​ന്നെ​ങ്കിൽ, പ്രപഞ്ചം തീരെ നേർത്ത ഒരു സൂപ്പായി മാറു​മാ​യി​രു​ന്നു, നക്ഷത്ര​ങ്ങൾക്കു രൂപം​കൊ​ള്ളാൻ സാധി​ക്കാത്ത വിധം. പ്രപഞ്ചം യാദൃ​ച്ഛി​ക​മാ​യി അസ്‌തി​ത്വ​ത്തിൽ വരാനുള്ള സാധ്യത തീരെ കുറവാണ്‌. മഹാസ്‌ഫോ​ടനം നടന്ന സമയത്ത്‌ ബഹിരാ​കാ​ശ​ത്തി​ന്റെ വ്യാപ്‌തി​യു​മാ​യുള്ള ദ്രവ്യ​ത്തി​ന്റെ​യും ഊർജ​ത്തി​ന്റെ​യും അനുപാ​ത​ത്തിൽ ഒരു ശതമാ​ന​ത്തി​ന്റെ സഹസ്ര​ലക്ഷം കോടി​യിൽ ഒരംശ​ത്തി​ന്റെ വ്യത്യാ​സം പോലും ഉണ്ടായി​രു​ന്നെ​ങ്കിൽ പ്രപഞ്ചം ഉണ്ടാകു​മാ​യി​രു​ന്നില്ല.”

ഒരു വിധത്തിൽ പറഞ്ഞാൽ, പ്രപഞ്ച​ത്തിന്‌ ഒരു നിയന്താവ്‌ (Tuner) ഉണ്ടെന്ന്‌ ന്യൂസ്‌വീക്ക സൂചി​പ്പി​ച്ചു, ഇങ്ങനെ പറഞ്ഞു​കൊണ്ട്‌: “ഒരു നേരിയ വ്യത്യാ​സം പോലും ഉണ്ടായി​രു​ന്നെ​ങ്കിൽ (ഒരു ശതമാ​ന​ത്തി​ന്റെ സഹസ്ര​ലക്ഷം കോടി​യിൽ ഒരംശം) . . . ഫലം വെറും ക്രമ​ക്കേടു മാത്ര​മാ​യി​രി​ക്കില്ല, അനന്തമായ ലീനോർജ​വും (entropy) മഞ്ഞുക​ട്ട​യും ആയിരി​ക്കും. അങ്ങനെ​യെ​ങ്കിൽ എന്താണ്‌—ആരാണ്‌—ആ വലിയ നിയന്താവ്‌?

ശാസ്‌ത്ര​ജ്ഞർക്ക്‌, “ഇത്തരത്തിൽ അങ്ങേയറ്റം ചിട്ട​യോ​ടെ​യാ​ണു പ്രപഞ്ചം സൃഷ്ടി​ക്ക​പ്പെ​ട്ടി​രി​ക്കു​ന്നത്‌ എന്നുള്ളതു വളരെ അത്ഭുത​ക​ര​മാ​യി തോന്നു​ന്നു” എന്ന്‌ ജ്യോ​തിർഭൗ​തിക ശാസ്‌ത്ര​ജ്ഞ​നായ അലൻ ലൈറ്റ്‌മാൻ പറയുന്നു. “വിജയ​ക​ര​മായ ഏതൊരു പ്രാപ​ഞ്ചിക സിദ്ധാ​ന്ത​ത്തി​നും ആത്യന്തി​ക​മാ​യി ഈ ലീനോർജ പ്രശ്‌നത്തെ വിശദീ​ക​രി​ക്കാൻ കഴിയണം”—അതായത്‌, പ്രപഞ്ചം അലങ്കോ​ല​മായ അവസ്ഥയിൽ ആകാഞ്ഞത്‌ എന്തു​കൊ​ണ്ടാണ്‌ എന്നതു​തന്നെ.

വിശ്വ​സി​ക്കാൻ മടിക്കു​ന്ന​തി​ന്റെ കാരണം

പ്രപഞ്ചം “അങ്ങേയറ്റം ചിട്ട​യോ​ടെ​യാ​ണു” സൃഷ്ടി​ക്ക​പ്പെ​ട്ടി​രി​ക്കു​ന്നത്‌ എന്ന വസ്‌തുത ഒരു സംഘാ​ട​ക​നി​ലേക്കു വിരൽ ചൂണ്ടു​ന്ന​താ​യി നിങ്ങൾ സമ്മതി​ക്കു​ക​യി​ല്ലേ? മിക്കവ​രും സമ്മതി​ക്കും. എന്നാൽ നിരീ​ശ്വ​ര​വാ​ദി​കൾ അതു സമ്മതി​ക്കില്ല. എന്തു​കൊണ്ട്‌? വിശ്വാ​സം കാരണം! പ്രൊ​ഫസർ ഫെറിസ്‌ എഴുതി​യ​തു​പോ​ലെ, “മറ്റു വിശ്വാ​സ​ങ്ങളെ പോ​ലെ​ത​ന്നെ​യുള്ള ഒന്നാണു നിരീ​ശ്വ​ര​വാ​ദ​വും എന്നു പറയാതെ തരമില്ല.” എങ്കിലും, “പ്രപഞ്ച​വു​മാ​യി ബന്ധപ്പെട്ട വിഷയ​ത്തിൽനി​ന്നു ദൈവത്തെ മാറ്റി​നിർത്തു​ന്ന​താണ്‌” നല്ലത്‌ എന്നാണ്‌ അദ്ദേഹം പറഞ്ഞത്‌.

അൽപ്പം ബുദ്ധി​മു​ട്ടി​യാ​ണെ​ങ്കി​ലും പലരും ചെയ്യു​ന്നത്‌ അതുത​ന്നെ​യാണ്‌. പ്രപഞ്ച​ത്തി​ലെ രൂപഘ​ട​ന​യ്‌ക്കുള്ള തെളി​വു​ക​ളാ​യി കണക്കാ​ക്കാ​വുന്ന പല കാര്യ​ങ്ങ​ളും പരി​ശോ​ധിച്ച ശേഷം, ജ്യോ​തി​ശ്ശാ​സ്‌ത്ര പ്രൊ​ഫ​സ​റായ ജോർജ്‌ ഗ്രീൻസ്റ്റൈൻ ഇങ്ങനെ എഴുതി: “അത്തരം ‘ആകസ്‌മി​ക​തകൾ’ യാദൃ​ച്ഛി​ക​മാ​യി സംഭവി​ച്ച​താ​യി​രി​ക്കാൻ വഴിയി​ല്ലെന്ന്‌ എനിക്ക്‌ ഉറപ്പായി.” എന്നിരു​ന്നാ​ലും, “ദൈവം ഒരു വിശദീ​ക​ര​ണ​മാ​കു​ന്നില്ല” എന്നുത​ന്നെ​യാണ്‌ ഗ്രീൻസ്റ്റൈൻ പറയു​ന്നത്‌. അങ്ങനെ തങ്ങളുടെ പരമ്പരാ​ഗത ശാസ്‌ത്ര വിശ്വാ​സങ്ങൾ പരിര​ക്ഷി​ക്കാൻ ചില ശാസ്‌ത്ര​ജ്ഞ​ന്മാർ സ്‌പഷ്ട​മായ തെളി​വു​കളെ അവഗണി​ക്കു​ന്നു.

എങ്കിലും പ്രസിദ്ധ ഊർജ​ത​ന്ത്ര​ജ്ഞ​നായ ഫ്രെഡ്‌ ഹോയ്‌ലി​ന്റെ “വിശ്വാസ”ത്തിന്‌ പിൽക്കാ​ലത്ത്‌ ഇളക്കം തട്ടുക​യു​ണ്ടാ​യി. 1980-കളിൽ അദ്ദേഹം ഇങ്ങനെ ഏറ്റുപ​റഞ്ഞു: “സാമാ​ന്യ​ബു​ദ്ധി ഉപയോ​ഗിച്ച്‌ വസ്‌തു​തകൾ വ്യാഖ്യാ​നി​ക്കു​ക​യാ​ണെ​ങ്കിൽ ഒരു പരമോ​ന്നത ബുദ്ധി​ശാ​ലി ഊർജ​ത​ന്ത്ര​വും രസത​ന്ത്ര​വും ജീവശാ​സ്‌ത്ര​വു​മൊ​ക്കെ കൈകാ​ര്യം ചെയ്‌തി​രി​ക്കു​ന്ന​താ​യും ആരു​ടെ​യെ​ങ്കി​ലും നിയ​ന്ത്ര​ണ​ത്തി​ല​ല്ലാത്ത തരം ശക്തികൾ ഒന്നും പ്രകൃ​തി​യിൽ ഇല്ലാത്ത​താ​യും അതു സൂചി​പ്പി​ക്കും. ഈ വസ്‌തു​തകൾ ഉപയോ​ഗി​ച്ചു നടത്തുന്ന ഗണിത​ശാ​സ്‌ത്ര​പ​ര​മായ അനുമാ​നങ്ങൾ അത്യന്തം വിസ്‌മ​യാ​വ​ഹ​മാ​യ​തു​കൊണ്ട്‌ മേൽപ്പറഞ്ഞ നിഗമനം നിരാ​ക​രി​ക്കാൻ സാധ്യ​മ​ല്ലെ​ന്നാണ്‌ എനിക്കു തോന്നു​ന്നത്‌.”

രസാവ​ഹ​മാ​യി, ആധുനിക ശാസ്‌ത്ര അന്വേ​ഷ​ണ​ങ്ങ​ളു​ടെ യുഗത്തി​ന്റെ പിറവി​യിൽത്തന്നെ സർ ഐസക്‌ ന്യൂട്ട​നും സമാന​മായ നിഗമ​ന​ത്തിൽ എത്തി​ച്ചേർന്നു. തന്റെ കണ്ടെത്ത​ലു​ക​ളു​ടെ ഫലമായി അദ്ദേഹം ഇങ്ങനെ എഴുതാൻ പ്രേരി​ത​നാ​യി: “സൂര്യ ചന്ദ്രാ​ദി​ക​ളും വാൽന​ക്ഷ​ത്ര​ങ്ങ​ളു​മൊ​ക്കെ അടങ്ങുന്ന അതിമ​നോ​ഹ​ര​മായ ഈ പ്രപഞ്ചം ബുദ്ധി​ശാ​ലി​യും ശക്തനു​മായ ഒരു വ്യക്തി​യു​ടെ ബുദ്ധി​യിൽനി​ന്നും അധീശ​ത്വ​ത്തിൽനി​ന്നും ഉരുത്തി​രി​ഞ്ഞതു തന്നെയാണ്‌.”

ചലന നിയമങ്ങൾ സംബന്ധിച്ച ന്യൂട്ട​ന്റെ​യും ജോഹാ​ന്നസ്‌ കെപ്ലറി​ന്റെ​യും കണ്ടുപി​ടി​ത്തങ്ങൾ ഉളവാ​ക്കിയ ഒരു ഫലത്തെ കുറിച്ചു പരിചി​ന്തി​ക്കുക.

ബഹിരാ​കാ​ശ​യാ​ത്ര സാധ്യ​മാ​കുന്ന വിധം

ഗ്രഹങ്ങ​ളു​ടെ ചലനത്തെ സംബന്ധിച്ച നിയമങ്ങൾ 1600-കളുടെ ആരംഭ​ത്തി​ലാണ്‌ കെപ്ലർ വിവരി​ച്ചത്‌. ഇവ “കൃത്രിമ ഉപഗ്ര​ഹ​ങ്ങ​ളു​ടെ ഭ്രമണ​പ​ഥങ്ങൾ നിർണ​യി​ക്കാ​നും ബഹിരാ​കാശ പേടക​ങ്ങ​ളു​ടെ സഞ്ചാരം ആസൂ​ത്രണം ചെയ്യാ​നും ഉപയോ​ഗി​ക്കു”ന്നതായി ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ പറയുന്നു. 1687-ൽ ന്യൂട്ടൻ തന്റെ വിഖ്യാ​ത​മായ ചലന നിയമങ്ങൾ പ്രസി​ദ്ധീ​ക​രി​ച്ചു. ഈ നിയമങ്ങൾ “കെപ്ലറു​ടേതു പോ​ലെ​തന്നെ ബഹിരാ​കാശ സഞ്ചാരം ആസൂ​ത്രണം ചെയ്യു​ന്ന​തിൽ ഒരു മൂലക്ക​ല്ലാ​യി മാറി​യി​രി​ക്കു​ന്നു.” എന്തു​കൊണ്ട്‌?

കാരണം, ഈ നിയമ​ങ്ങ​ളു​ടെ സഹായ​ത്താൽ ഗണിത​ശാ​സ്‌ത്ര​പ​ര​മായ കണക്കു​ക്കൂ​ട്ട​ലു​ക​ളി​ലൂ​ടെ ബഹിരാ​കാ​ശ​ത്തിൽ ഒരു വസ്‌തു ഇന്ന സമയത്ത്‌ ഇന്ന സ്ഥലത്താ​യി​രി​ക്കും എന്നു നിർണ​യി​ക്കാൻ മനുഷ്യർക്കു സാധി​ക്കും. ചന്ദ്രനും ഭൂമി​യും ഉൾപ്പെ​ടെ​യുള്ള ആകാശ ഗോള​ങ്ങ​ളു​ടെ കൃത്യ​ത​യോ​ടെ​യുള്ള, പിഴവു പറ്റാത്ത ചലനമാണ്‌ അത്തരം കണക്കു​ക്കൂ​ട്ട​ലു​കൾ സാധ്യ​മാ​ക്കി​ത്തീർക്കു​ന്നത്‌. ഉദാഹ​ര​ണ​ത്തിന്‌, മണിക്കൂ​റിൽ 3,700 കിലോ​മീ​റ്റർ വേഗത്തിൽ ചന്ദ്രൻ ഭൂമിക്കു ചുറ്റും സഞ്ചരി​ക്കു​ന്നു. അത്ഭുത​ക​ര​മാ​യി മുൻകൂ​ട്ടി​പ്പ​റ​യാ​വുന്ന വിധം അത്ര കൃത്യ​ത​യോ​ടെ ഒരു മാസത്തിൽ അൽപ്പം താഴെ സമയം കൊണ്ട്‌ അതു സഞ്ചാരം പൂർത്തി​യാ​ക്കു​ന്നു. സമാന​മായ വിധത്തിൽ ഭൂമി​യും മണിക്കൂ​റിൽ 1,07,200 കിലോ​മീ​റ്റർ വേഗത്തിൽ ഒരു വർഷം​കൊണ്ട്‌ സൂര്യനു ചുറ്റു​മുള്ള അതിന്റെ ഭ്രമണം പൂർത്തി​യാ​ക്കു​ന്നു.

മനുഷ്യൻ ഭൂമി​യിൽനി​ന്നു ചന്ദ്രനി​ലേക്കു ബഹിരാ​കാശ പേടകം വിക്ഷേ​പി​ക്കു​മ്പോൾ, ഭ്രമണം ചെയ്‌തു​കൊ​ണ്ടി​രി​ക്കുന്ന ചന്ദ്രനിൽനിന്ന്‌ ആയിര​ക്ക​ണ​ക്കി​നു കിലോ​മീ​റ്റർ അകലെ​യുള്ള ഒരു സ്ഥാനം ലക്ഷ്യമാ​ക്കി​യാ​യി​രി​ക്കും അവർ അത്‌ അയയ്‌ക്കുക. വ്യത്യസ്‌ത കണക്കു​കൂ​ട്ട​ലു​കൾ നടത്തി, നിശ്ചിത സമയത്ത്‌ ചന്ദ്രൻ എവി​ടെ​യാ​യി​രി​ക്കും എന്ന്‌ അവർക്കു കൃത്യ​മാ​യി മനസ്സി​ലാ​ക്കാൻ കഴിയും. ബഹിരാ​കാശ പേടക​ത്തി​നു വേണ്ടത്ര ക്ഷമതയു​ണ്ടെ​ങ്കിൽ, അതിനു ലഭിക്കുന്ന നിർദേശം കൃത്യ​മാ​യി​രു​ന്നാൽ, അത്‌ ഉദ്ദേശിച്ച സ്ഥാനത്ത്‌ എത്തുക​യും ചന്ദ്രനിൽ ഇറങ്ങാൻ സാധി​ക്കു​ക​യും ചെയ്യും.

ആകാശ ഗോള​ങ്ങ​ളു​ടെ ചലനം ഇത്ര കൃത്യ​ത​യോ​ടെ മുൻകൂ​ട്ടി പറയാൻ കഴിയു​ന്നത്‌ എന്തു​കൊ​ണ്ടാണ്‌? ആദ്യമാ​യി ഭൂമിയെ വലംവെച്ച അമേരി​ക്കൻ ബഹിരാ​കാശ യാത്രി​ക​നായ ജോൺ ഗ്ലെൻ പ്രപഞ്ച​ത്തിൽ ദർശി​ക്കാൻ കഴിയുന്ന ക്രമത്തെ കുറിച്ച്‌ അത്ഭുത​ത്തോ​ടെ ഇങ്ങനെ പറയു​ക​യു​ണ്ടാ​യി: “അത്‌ ആകസ്‌മി​ക​മാ​യി സംഭവി​ച്ച​താ​യി​രി​ക്കു​മോ? . . . ആണെന്നു വിശ്വ​സി​ക്കാൻ എനിക്കു കഴിയില്ല.” എന്നിട്ട്‌ അദ്ദേഹം കൂട്ടി​ച്ചേർത്തു: “ഏതോ ഒരു ശക്തിയാണ്‌ ഇവയെ​യെ​ല്ലാം ഭ്രമണ​പ​ഥ​ത്തിൽ ആക്കി​വെ​ച്ചത്‌, അവിടെ അവയെ നിലനിർത്തു​ന്ന​തും അതാണ്‌.”

പ്രപഞ്ചത്തെ ഭരിക്കുന്ന നിയമ​ങ്ങ​ളിൽ വിസ്‌മയം പൂണ്ട ബഹിരാ​കാശ ശാസ്‌ത്രജ്ഞൻ ഡോ. വെർണർ വൊൺ ബ്രോൺ പറഞ്ഞു: “മനുഷ്യർ നടത്തിയ ബഹിരാ​കാശ യാത്രകൾ . . . ബഹിരാ​കാ​ശ​ത്തി​ന്റെ വിസ്‌മ​യാ​വ​ഹ​മായ അനന്തത​യി​ലേക്ക്‌ എത്തി​നോ​ക്കാൻ ഒരു ചെറിയ വാതിൽ മാത്രമേ ഇതുവ​രെ​യാ​യി​ട്ടും തുറന്നു തന്നിട്ടു​ള്ളൂ. ആ വാതിൽപ്പ​ഴു​തി​ലൂ​ടെ നോക്കു​മ്പോൾ ദർശി​ക്കാൻ കഴിയുന്ന പ്രപഞ്ച​ത്തി​ലെ അസംഖ്യം അത്ഭുതങ്ങൾ അതിന്റെ സ്രഷ്ടാ​വി​ലുള്ള നമ്മുടെ വിശ്വാ​സത്തെ ദൃഢമാ​ക്കു​ന്നു.”

കേം​ബ്രി​ഡ്‌ജ്‌ സർവക​ലാ​ശാ​ല​യി​ലെ ഒരു മുൻ ഗണിത​ശാ​സ്‌ത്ര പ്രൊ​ഫ​സ​റാ​യി​രുന്ന പി.എ.എം. ഡിറക്ക്‌ എന്ന പ്രശസ്‌ത ഊർജ​ത​ന്ത്രജ്ഞൻ ഇപ്രകാ​രം സമ്മതി​ച്ചു​പ​റഞ്ഞു: “ദൈവം ഗണിത​ശാ​സ്‌ത്ര​ജ്ഞ​രിൽ അഗ്രഗ​ണ്യ​നാണ്‌ എന്നും, പ്രപഞ്ച​ത്തി​ന്റെ നിർമാ​ണ​ത്തിൽ അവൻ വളരെ ഉയർന്ന ഗണിത​ശാ​സ്‌ത്ര തത്ത്വങ്ങൾ ഉപയോ​ഗി​ച്ചി​ട്ടുണ്ട്‌ എന്നും പറഞ്ഞു​കൊണ്ട്‌ ഇതിന്‌ ഒരു വിശദീ​ക​രണം നൽകാൻ കഴി​ഞ്ഞേ​ക്കും.”

സൃഷ്ടി​പ്പിൽ തെളിഞ്ഞു കാണുന്ന അത്ഭുത​ങ്ങൾക്കു കാരണ​ഭൂ​ത​നാ​യി​രി​ക്കുന്ന ഈ പ്രഗത്ഭ ഗണിത​ശാ​സ്‌ത്രജ്ഞൻ, ഈ പരമോ​ന്നത ബുദ്ധി​ശാ​ലി, ആരാണ്‌?

ആരാണ്‌ സൃഷ്ടി​ച്ചത്‌?

അപരി​ചി​ത​മായ ഒരു സ്ഥലത്തു​കൂ​ടെ നമ്മൾ പോകു​ക​യാ​ണെ​ന്നി​രി​ക്കട്ടെ. അഴകാർന്ന പൂന്തോ​ട്ട​വും വെട്ടി​നിർത്തിയ പുൽത്ത​കി​ടി​യു​മൊ​ക്കെ​യുള്ള മനോ​ഹ​ര​മായ ഒരു വീട്‌ നാം അവിടെ കാണുന്നു. അവയെ​ല്ലാം തനിയെ ഉണ്ടായ​താണ്‌ എന്നു നാം ഒരിക്ക​ലും അനുമാ​നി​ക്കു​ക​യില്ല. കാരണം അത്‌ അങ്ങേയറ്റം ബുദ്ധി​ശൂ​ന്യ​മായ ഒരു നിഗമനം ആയിരി​ക്കും. വിദഗ്‌ധ​നായ ഒരു നിർമാ​താ​വും നല്ല ഒരു തോട്ട​ക്കാ​ര​നും അതിനു പിന്നിൽ പ്രവർത്തി​ച്ചി​ട്ടുണ്ട്‌.

സമാന​മാ​യി, ഇതിലും വളരെ വളരെ സങ്കീർണ​മായ നമ്മുടെ പ്രപഞ്ച​ത്തി​നും ഒരു സ്രഷ്ടാവ്‌ ഉണ്ടെന്നു​ള്ളതു തീർച്ച. ബൈബി​ളിൽ ആ വ്യക്തി തന്റെ പേരു​പ​റ​ഞ്ഞു​കൊണ്ട്‌ സ്വയം തിരി​ച്ച​റി​യി​ക്കു​ന്നു: “ഞാൻ യഹോവ അതുതന്നേ എന്റെ നാമം.” (യെശയ്യാ​വു 42:8) ദൈവ​ത്തി​ന്റെ കരവേ​ലയെ വിലമ​തി​ക്കുന്ന ആളുകൾ ഇങ്ങനെ ഉദ്‌ഘോ​ഷി​ക്കു​ന്ന​താ​യി ബൈബിൾ രേഖ​പ്പെ​ടു​ത്തു​ന്നു: “കർത്താവേ, നീ സർവ്വവും സൃഷ്ടി​ച്ച​വ​നും എല്ലാം നിന്റെ ഇഷ്ടം ഹേതു​വാൽ ഉണ്ടായ​തും സൃഷ്ടി​ക്ക​പ്പെ​ട്ട​തും ആകയാൽ മഹത്വ​വും ബഹുമാ​ന​വും ശക്തിയും കൈ​ക്കൊൾവാൻ യോഗ്യൻ.”—വെളി​പ്പാ​ടു 4:11.

സ്വയം നൽകി​യി​രി​ക്കുന്ന, വ്യക്തി​പ​ര​മായ നാമം മനുഷ്യർക്കു വെളി​പ്പെ​ടു​ത്തി​യി​രി​ക്കു​ന്ന​തി​നു പുറമേ, മനുഷ്യ​വാ​സ​ത്തി​നാ​യി ഭൂമിയെ ഒരുക്കി​യി​രി​ക്കു​ന്ന​തി​ന്റെ പിന്നിലെ ഉദ്ദേശ്യ​വും തന്റെ ലിഖിത വചനത്തി​ലൂ​ടെ യഹോവ നമ്മെ അറിയി​ച്ചി​രി​ക്കു​ന്നു. ദൈവ​ത്തി​ന്റെ സ്വന്തം പുത്ര​നായ യേശു​ക്രി​സ്‌തു “നിന്റെ വചനം സത്യം ആകുന്നു” എന്നു പറഞ്ഞു​കൊണ്ട്‌ ദൈവ​ത്തി​ന്റെ വചനം ആശ്രയ​യോ​ഗ്യ​മാ​ണെന്ന്‌ ഉറപ്പു നൽകു​ക​യു​ണ്ടാ​യി.—യോഹ​ന്നാൻ 17:17.

കുറച്ചു നാൾ മുമ്പ്‌ ഒരു ശാസ്‌ത്ര മാസിക ഇങ്ങനെ അഭി​പ്രാ​യ​പ്പെ​ടു​ക​യു​ണ്ടാ​യി: “മുൻ തലമു​റ​ക​ളിൽനി​ന്നു വ്യത്യ​സ്‌ത​മാ​യി നാം എങ്ങനെ ഇവിടെ വന്നു എന്ന കാര്യം ഇപ്പോൾ നമുക്ക​റി​യാം. എന്നാൽ മുൻ തലമു​റ​കളെ പോ​ലെ​തന്നെ നാം എന്തിന്‌ ഇവിടെ വന്നു എന്ന്‌ നമുക്ക്‌ ഇപ്പോ​ഴും അറിയില്ല.” എന്നിരു​ന്നാ​ലും എന്തിന്‌? എന്ന ചോദ്യ​ത്തി​നുള്ള ഉത്തരം ലഭ്യമാണ്‌—ദൈവ​ത്തി​ന്റെ വചനം അതു പ്രദാനം ചെയ്യുന്നു. അടുത്ത ലേഖന​ത്തിൽ നൽകി​യി​രി​ക്കുന്ന ആ ഉത്തരം ദയവായി പരിചി​ന്തി​ക്കുക.

[6-ാം പേജിലെ ചിത്രം]

ഹിരോഷിമയിൽ നടന്ന ആണവ സ്‌ഫോ​ട​ന​ത്തിൽ അൽപ്പം ദ്രവ്യം വളരെ ഊർജം പുറത്തു​വി​ട്ടു

[കടപ്പാട്‌]

Hiroshima Peace and Culture Foundation from material returned by the United States Armed Forces Institute of Pathology

USAF photo

[7-ാം പേജിലെ ചിത്രം]

ക്രമീകൃതമായ, വിസ്‌മയം കൊള്ളി​ക്കുന്ന താരാ​പം​ക്തി​ക​ളാ​യി ഊർജം രൂപാ​ന്ത​ര​പ്പെ​ട്ടി​രി​ക്കു​ന്നു

[കടപ്പാട്‌]

Courtesy of Anglo-Australian Observatory, photograph by David Malin

[9-ാം പേജിലെ ചിത്രം]

ചന്ദ്രനിൽ ഇറങ്ങു​ന്നതു സാധ്യ​മാ​ക്കുന്ന നിയമങ്ങൾ ഏതാണ്‌?

[9-ാം പേജിലെ ചിത്രം]

“ഏതോ ഒരു ശക്തിയാണ്‌ ഇവയെ​യെ​ല്ലാം ഭ്രമണ​പ​ഥ​ത്തിൽ ആക്കി​വെ​ച്ചത്‌, അവിടെ അവയെ നിലനിർത്തു​ന്ന​തും അതാണ്‌.”—ജോൺ ഗ്ലെൻ

[കടപ്പാട്‌]

NASA photo