യുവജ​നങ്ങൾ ചോദി​ക്കു​ന്നു . . .

പരിഹാ​സത്തെ എനിക്ക്‌ എങ്ങനെ നേരി​ടാൻ കഴിയും?

സമപ്രാ​യ​ക്കാ​രു​ടേ​തിൽ നിന്നു വ്യത്യ​സ്‌ത​മായ പെരു​മാ​റ്റ​മോ വസ്‌ത്ര​ധാ​ര​ണ​രീ​തി​യോ ഉള്ള യുവജ​ന​ങ്ങൾക്കു ക്രൂര​മായ പരിഹാ​സം സഹി​ക്കേ​ണ്ട​താ​യി വന്നേക്കാം. ഇത്‌ ക്രിസ്‌തീയ യുവജ​ന​ങ്ങ​ളു​ടെ കാര്യ​ത്തിൽ സത്യമാണ്‌, കാരണം മിക്ക​പ്പോ​ഴും മറ്റു യുവജ​ന​ങ്ങ​ളു​ടേ​തിൽ നിന്നു പാടേ വ്യത്യ​സ്‌ത​മാണ്‌ അവരുടെ പെരു​മാ​റ്റം. യേശു തന്റെ യഥാർഥ അനുഗാ​മി​ക​ളോട്‌ ഇങ്ങനെ പറയു​ക​യു​ണ്ടാ​യി: “അവർ എന്നെ ഉപദ്ര​വി​ച്ചു എങ്കിൽ നിങ്ങ​ളെ​യും ഉപദ്ര​വി​ക്കും.”—യോഹ​ന്നാൻ 15:20.

യഹോ​വ​യു​ടെ സാക്ഷി​ക​ളു​ടെ ഇടയിലെ യുവജ​ന​ങ്ങൾക്ക്‌ ഇത്‌ എങ്ങനെ ആണു ബാധക​മാ​കു​ന്നത്‌? ചില വിശേ​ഷ​ദി​വ​സങ്ങൾ ആഘോ​ഷി​ക്കാ​ത്ത​തി​ന്റെ പേരിൽ അവരിൽ ചിലർക്കു കളിയാ​ക്കൽ സഹി​ക്കേണ്ടി വരുന്നു. പതാകയെ വന്ദിക്കാൻ തയ്യാറാ​കാ​ത്തതു നിമിത്തം മറ്റു ചിലർ വിമർശ​ന​ത്തിന്‌ ഇരകളാ​കു​ന്നു. ഇനി, വേറെ ചിലരെ സംബന്ധി​ച്ചി​ട​ത്തോ​ളം, മയക്കു​മ​രുന്ന്‌ ഉപയോ​ഗി​ക്കാ​ത്ത​തോ സത്യസന്ധത വെടി​യാ​ത്ത​തോ ബൈബി​ളി​ന്റെ ധാർമിക നിലവാ​രങ്ങൾ ഉപേക്ഷി​ക്കാൻ തയ്യാറാ​കാ​ത്ത​തോ പോലും പരിഹ​സി​ക്ക​പ്പെ​ടു​ന്ന​തി​നുള്ള കാരണ​ങ്ങ​ളാണ്‌.

എന്നാൽ, ഇത്‌ പുത്തരി​യല്ല. ഒന്നാം നൂറ്റാ​ണ്ടിൽ ജീവി​ച്ചി​രുന്ന ക്രിസ്‌ത്യാ​നി​ക​ളോട്‌ അപ്പൊ​സ്‌ത​ല​നായ പത്രൊസ്‌ ഇങ്ങനെ പറയു​ക​യു​ണ്ടാ​യി: “[ജാതി​ക​ളു​ടെ] ദുർവൃ​ത്തി​ക​ളിൽ ഇപ്പോൾ നിങ്ങൾ പങ്കു​ചേ​രാ​ത്ത​തു​കൊണ്ട്‌ അവർ വിസ്‌മ​യി​ക്കു​ക​യും നിങ്ങളെ ദുഷി​ക്കു​ക​യും ചെയ്യുന്നു.” (1 പത്രൊസ്‌ 4:4, പി.ഒ.സി ബൈബിൾ) അതേ വാക്യ​ത്തി​ന്റെ മറ്റു ചില പരിഭാ​ഷകൾ ഇങ്ങനെ വായി​ക്കു​ന്നു, അവർ “നിങ്ങളെ ദുഷിച്ച പേരുകൾ വിളി​ക്കും” (നോക്‌സ്‌), “അവർ നിങ്ങളെ അപമാ​നി​ക്കും.”—റ്റുഡേ​യ്‌സ്‌ ഇംഗ്ലീഷ്‌ ഭാഷാ​ന്തരം.

മതപര​മാ​യ ഉറച്ച ബോധ്യ​ങ്ങൾ നിമിത്തം നിങ്ങൾക്ക്‌ എന്നെങ്കി​ലും കളിയാ​ക്കൽ സഹി​ക്കേണ്ടി വന്നിട്ടു​ണ്ടോ? ഉണ്ടെങ്കിൽ, ധൈര്യ​പ്പെ​ടുക. നിങ്ങൾ ഒറ്റയ്‌ക്കല്ല! മാത്രമല്ല, വിശ്വാ​സ​ത്തി​ന്റെ പേരിൽ പരിഹാ​സ​പാ​ത്ര​മാ​കു​മ്പോൾ അതിനെ എങ്ങനെ നേരി​ടാൻ കഴിയു​മെന്നു നിങ്ങൾക്കു പഠിക്കാ​നും സാധി​ക്കും.

അവർ പരിഹ​സി​ക്കു​ന്ന​തി​ന്റെ കാരണം

തങ്ങളു​ടേ​തിൽ നിന്നു വ്യത്യ​സ്‌ത​മായ വിശ്വാ​സ​ങ്ങ​ളും പെരു​മാ​റ്റ​ങ്ങ​ളും ഉള്ളവരെ ചിലർ എന്തു​കൊ​ണ്ടാ​ണു പരിഹ​സി​ക്കു​ന്നത്‌? ചിലരു​ടെ കാര്യ​ത്തിൽ, അരക്ഷി​ത​ത്വ​ത്തി​ന്റെ വികാ​രങ്ങൾ ഉള്ളിൽ ഉറഞ്ഞു കിടക്കു​ന്ന​താ​യി​രി​ക്കാം കാരണം. ഈ കാര്യ​ത്തിൽ അവർ ഏതാണ്ട്‌ റൗഡി കുട്ടി​കളെ പോ​ലെ​യാണ്‌. കൂട്ടു​കാ​രു​ടെ മുന്നിൽ വെച്ചു സ്വന്തം പ്രതി​ച്ഛാ​യ​യ്‌ക്കു തിളക്കം കൂട്ടാൻ അവർ നിങ്ങളെ പരിഹ​സി​ച്ചേ​ക്കാം. എന്നാൽ സാധ്യ​ത​യ​നു​സ​രിച്ച്‌, ഒറ്റയ്‌ക്കാ​യി​രി​ക്കു​മ്പോൾ ഈ പരിഹാ​സി​ക​ളിൽ മിക്കവ​രും നിങ്ങളെ തുറന്നു വിമർശി​ക്കാൻ തുനി​യു​ക​യില്ല എന്നുമാ​ത്രമല്ല അവർക്ക്‌ അതിനുള്ള ധൈര്യ​വും ഉണ്ടായി​രി​ക്കു​ക​യില്ല.

ഇനി, അപ്പൊ​സ്‌ത​ല​നായ പത്രൊസ്‌ എഴുതി​യതു പോലെ, ചിലർക്കു നിങ്ങളു​ടെ നടത്ത കാണു​മ്പോൾ ‘വിസ്‌മയം’ തോന്നു​ന്നു. അതു​കൊ​ണ്ടാണ്‌ അവർ നിങ്ങളെ പരിഹ​സി​ക്കു​ന്നത്‌. അതേ, നിങ്ങളു​ടെ പെരു​മാ​റ്റ​രീ​തി​കൾ അവരെ യഥാർഥ​ത്തിൽ കുഴയ്‌ക്കു​ന്നു​ണ്ടാ​കാം. ഉദാഹ​ര​ണ​ത്തിന്‌, നിങ്ങൾ യഹോ​വ​യു​ടെ സാക്ഷി​ക​ളിൽ ഒരാളാണ്‌ എങ്കിൽ, ചില വിശേ​ഷ​ദി​വ​സ​ങ്ങ​ളോ​ടു ബന്ധപ്പെട്ട കാര്യ​ങ്ങ​ളിൽ നിങ്ങൾ പങ്കുപ​റ്റാ​ത്തത്‌ അവർക്കു ശരിക്കും വിചി​ത്ര​മാ​യി തോന്നി​യേ​ക്കാം. പോരാ​ത്ത​തിന്‌, സാക്ഷി​കളെ എങ്ങനെ​യും കരി​തേച്ചു കാണി​ക്കാൻ താത്‌പ​ര്യ​പ്പെ​ടു​ന്ന​വ​രിൽ നിന്ന്‌ അവർക്ക്‌ ഒരുപക്ഷേ വളച്ചൊ​ടി​ക്ക​പ്പെട്ട വിവര​ങ്ങ​ളും ലഭിച്ചി​ട്ടു​ണ്ടാ​കാം.

കാരണം എന്തുതന്നെ ആയിരു​ന്നാ​ലും, പരിഹാ​സ​ത്തി​ന്റെ കൂരമ്പു​കൾ ഏൽക്കു​മ്പോൾ ഒരുപക്ഷേ നിങ്ങൾ ബൈബി​ളി​ലെ ഈ സദൃശ​വാ​ക്യ​ത്തോ​ടു യോജി​ക്കാൻ ഇടയുണ്ട്‌: “തുളച്ചു​ക​യ​റുന്ന വാളു​പോ​ലെ, വീണ്ടു​വി​ചാ​ര​മി​ല്ലാ​തെ വാക്കുകൾ പ്രയോ​ഗി​ക്കു​ന്ന​വ​രുണ്ട്‌.” (സദൃശ​വാ​ക്യ​ങ്ങൾ 12:18, പി.ഒ.സി. ബൈ.) എന്നാൽ ഈ കാര്യം ഓർക്കുക. ഒരു വ്യക്തി എന്ന നിലയിൽ നിങ്ങളെ ഇഷ്ടമി​ല്ലാ​ത്തതു കൊണ്ടാ​യി​രി​ക്ക​ണ​മെ​ന്നില്ല അവർ അത്തരം സംഭാ​ഷണം നടത്തു​ന്നത്‌. ഒരുപക്ഷേ, മേൽപ്ര​സ്‌താ​വിച്ച സദൃശ​വാ​ക്യ​ത്തി​ലേതു പോലെ അവർ കേവലം “വീണ്ടു​വി​ചാ​ര​മി​ല്ലാ​തെ വാക്കുകൾ പ്രയോ​ഗി​ക്കു”ന്നതു മാത്ര​മാ​യി​രി​ക്കാം.

എന്നുവ​രി​കി​ലും, പരിഹാ​സ​പാ​ത്ര​മാ​യി തീരു​ന്നത്‌ വാളു​കൊ​ണ്ടുള്ള കുത്തു​പോ​ലെ വേദനാ​ജ​ന​ക​മാണ്‌. പരിഹാ​സ​ച്ചു​വ​യുള്ള സംഭാ​ഷണം ഒന്നു നിറു​ത്തി​ക്കി​ട്ടാൻ നിങ്ങളു​ടെ വിശ്വാ​സം സംബന്ധി​ച്ചു വിട്ടു​വീഴ്‌ച ചെയ്യാൻ പോലും നിങ്ങൾക്കു ചായ്‌വു തോന്നി​യേ​ക്കാം. എന്നാൽ വിശ്വാ​സത്തെ പ്രതി പരിഹ​സി​ക്ക​പ്പെ​ടു​മ്പോൾ നിങ്ങൾക്ക്‌ അതിനെ എങ്ങനെ നേരി​ടാൻ കഴിയും?

പ്രതി​വാ​ദം നടത്തൽ

അപ്പൊ​സ്‌ത​ല​നായ പത്രൊസ്‌ ക്രിസ്‌ത്യാ​നി​കളെ ഇങ്ങനെ ബുദ്ധി​യു​പ​ദേ​ശി​ക്കു​ക​യു​ണ്ടാ​യി: “നിങ്ങളി​ലുള്ള പ്രത്യാ​ശ​യെ​ക്കു​റി​ച്ചു ന്യായം ചോദി​ക്കുന്ന ഏവനോ​ടും സൌമ്യ​ത​യും ഭയഭക്തി​യും [“ആഴമായ ആദരവും,” NW] പൂണ്ടു പ്രതി​വാ​ദം പറവാൻ എപ്പോ​ഴും ഒരുങ്ങി​യി​രി​പ്പിൻ.” (1 പത്രൊസ്‌ 3:15) അങ്ങനെ ചെയ്യാൻ കഴിയ​ണ​മെ​ങ്കിൽ നിങ്ങളു​ടെ വിശ്വാ​സത്തെ കുറിച്ച്‌ സൂക്ഷ്‌മ​മായ പരിജ്ഞാ​നം നിങ്ങൾ നേടേ​ണ്ട​തുണ്ട്‌. മാത്രമല്ല, ഈ വിശ്വാ​സങ്ങൾ വെച്ചു​പു​ലർത്തു​ന്ന​തി​ന്റെ കാരണ​ങ്ങ​ളും ശരിക്കും മനസ്സി​ലാ​ക്കേ​ണ്ട​തുണ്ട്‌.

എന്നിരു​ന്നാ​ലും, അതു മാത്രം മതിയാ​കു​ന്നില്ല. മറ്റുള്ള​വ​രോട്‌ “ആഴമായ ആദര”വോടെ അല്ലെങ്കിൽ ദ ബൈബിൾ ഇൻ ബേസിക്‌ ഇംഗ്ലീഷ്‌ പറയു​ന്നതു പോലെ “അഹങ്കാ​ര​മി​ല്ലാ​തെ” കാര്യങ്ങൾ പറഞ്ഞു മനസ്സി​ലാ​ക്കി കൊടു​ക്കാ​നും നിങ്ങൾ പഠി​ക്കേ​ണ്ട​തുണ്ട്‌. ബൈബി​ളി​നെ കുറി​ച്ചും അതിന്റെ പഠിപ്പി​ക്ക​ലു​കളെ കുറി​ച്ചു​മുള്ള നിങ്ങളു​ടെ അറിവ്‌ നിങ്ങൾ മറ്റുള്ള​വ​രെ​ക്കാൾ മികച്ച​വ​നാണ്‌ എന്നു ചിന്തി​ക്കാൻ ഇടയാ​ക്ക​രുത്‌. അതിനു പകരം, അപ്പൊ​സ്‌ത​ല​നായ പൗലൊ​സി​ന്റെ അതേ മനോ​ഭാ​വം വളർത്തി​യെ​ടു​ക്കാൻ നിങ്ങൾ കഠിന​മാ​യി യത്‌നി​ക്കണം. തന്റെ ശുശ്രൂ​ഷയെ കുറിച്ച്‌ അവൻ ഇങ്ങനെ എഴുതി: “അധികം​പേരെ നേടേ​ണ്ട​തി​ന്നു ഞാൻ എന്നെത്തന്നേ എല്ലാവർക്കും ദാസനാ​ക്കി.”—1 കൊരി​ന്ത്യർ 9:19.

എന്നാൽ വിശ്വാ​സ​ത്തി​നു വേണ്ടി പ്രതി​വാ​ദം നടത്താ​നുള്ള ആത്മ​ധൈ​ര്യം നിങ്ങൾക്കി​ല്ലെന്നു തോന്നു​ന്നു​വെ​ങ്കി​ലോ? നിരാ​ശ​പ്പെ​ടേണ്ട. സാക്ഷി​ക​ളായ പല യുവജ​ന​ങ്ങ​ളും സമാന​മായ വിധത്തിൽ ചിന്തി​ച്ചി​ട്ടുണ്ട്‌. ജമാൽ ഇങ്ങനെ അനുസ്‌മ​രി​ക്കു​ന്നു: “ചില വിശേഷ ദിവസങ്ങൾ ആഘോ​ഷി​ക്കാ​ഞ്ഞ​തും പതാകയെ വന്ദിക്കാ​ഞ്ഞ​തും എന്തു​കൊ​ണ്ടെന്നു വിശദീ​ക​രി​ക്കാൻ പ്രാഥ​മിക വിദ്യാ​ഭ്യാ​സ കാലത്ത്‌ എനിക്ക്‌ അറിയി​ല്ലാ​യി​രു​ന്നു. എന്തി​നേറെ പറയുന്നു, വീടു​തോ​റു​മുള്ള ശുശ്രൂ​ഷ​യിൽ പങ്കെടു​ക്കു​ന്ന​തി​ന്റെ കാരണം പോലും വിശദീ​ക​രി​ക്കാൻ എനിക്കു കഴിഞ്ഞി​രു​ന്നില്ല.” ജമാലി​നെ സഹായിച്ച സംഗതി എന്തായി​രു​ന്നു? “ഈ കാര്യങ്ങൾ സ്വയം വിശദീ​ക​രി​ച്ചു കൊടു​ക്കാൻ കഴിയുന്ന ഘട്ടം വരെ പിതാവ്‌ എന്നെ സഹായി​ച്ചു. ഇത്‌ എന്നിൽ കാര്യ​മായ മാറ്റം വരുത്തി.” നിങ്ങളു​ടെ വിശ്വാ​സങ്ങൾ മറ്റൊ​രാ​ളോ​ടു വിശദീ​ക​രി​ക്കു​ന്ന​തിൽ ബുദ്ധി​മുട്ട്‌ അനുഭ​വ​പ്പെ​ടു​ന്നു​വെ​ങ്കിൽ, ദൈവത്തെ സംബന്ധിച്ച സൂക്ഷ്‌മ പരിജ്ഞാ​നം നേടാൻ ഒരുപക്ഷേ മാതാ​പി​താ​ക്ക​ളിൽ ഒരാളു​ടെ​യോ അല്ലെങ്കിൽ ക്രിസ്‌തീയ സഭയിലെ പക്വത​യുള്ള ഒരു അംഗത്തി​ന്റെ​യോ സഹായം തേടാ​വു​ന്ന​താണ്‌.—എഫെസ്യർ 3:17-19.

സ്‌കൂ​ളിൽ ധൈര്യ​പൂർവം സംസാ​രി​ക്കാൻ 16 വയസ്സുള്ള ഒരു സാക്ഷിയെ സഹായി​ച്ചത്‌ അവളുടെ വ്യക്തി​പ​ര​മായ ബൈബിൾ പഠന പരിപാ​ടി​യാണ്‌. അവൾ ഇങ്ങനെ സമ്മതിച്ചു പറയുന്നു: “ഒരു സാക്ഷി​യാ​യി​രി​ക്കു​ന്ന​തി​ന്റെ പേരിൽ മുമ്പൊ​ക്കെ സഹപാ​ഠി​കൾ എന്നെ കളിയാ​ക്കി​യി​രു​ന്ന​പ്പോൾ അവരോട്‌ എന്തു പറയണം എന്നെനിക്ക്‌ അറിഞ്ഞു​കൂ​ടാ​യി​രു​ന്നു. എന്നാൽ ഇപ്പോൾ, ഒരു മുഴു​സമയ ശുശ്രൂ​ഷ​ക​യെന്ന നിലയിൽ ബൈബിൾ വളരെ​യേറെ പഠിക്കു​ന്ന​തി​നാൽ അവർക്കു മറുപടി കൊടു​ക്കാൻ എനിക്കു കഴിയു​ന്നുണ്ട്‌. വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും ഏറ്റവും പുതിയ ലക്കങ്ങൾ വായി​ക്കു​ന്നത്‌ എന്റെ വിശ്വാ​സത്തെ കുറിച്ചു സ്‌കൂ​ളി​ലെ കൂട്ടു​കാ​രോ​ടു സംസാ​രി​ക്കാൻ എന്നെ സഹായി​ക്കു​ന്നു.”

തീർച്ച​യാ​യും, എല്ലാവ​രു​ടെ​യും സാഹച​ര്യം ഒരേ​പോ​ലെ ആയിരി​ക്കു​ക​യില്ല. അതു​കൊ​ണ്ടു​തന്നെ, സാഹച​ര്യ​ത്തിന്‌ ഇണങ്ങുന്ന രീതി​യിൽ പ്രവർത്തി​ക്കേണ്ടി വരും. എന്നാൽ, മറ്റുള്ള​വ​രു​ടെ നിർദയ സംസാരം നിങ്ങളെ പ്രകോ​പി​ത​നാ​ക്കു​ന്നു​വെ​ങ്കിൽ, ഒരിക്ക​ലും ‘തിന്മെക്കു പകരം, തിന്മ ചെയ്യരുത്‌.’ (റോമർ 12:17-21) കാരണം, തമാശ രൂപത്തിൽ ആണെങ്കിൽ പോലും, ഉരുള​യ്‌ക്ക്‌ ഉപ്പേരി പോലെ മറുപടി കൊടു​ക്കാൻ ശ്രമി​ച്ചാൽ അത്‌ എരിതീ​യിൽ എണ്ണയൊ​ഴി​ക്കാ​നേ ഉപകരി​ക്കൂ. മാത്രമല്ല, അതു കൂടുതൽ പരിഹാ​സം ക്ഷണിച്ചു വരുത്തുക പോലും ചെയ്‌തേ​ക്കാം. അതു​കൊണ്ട്‌, പരിഹാ​സങ്ങൾ ഗൗനി​ക്കാ​തി​രി​ക്കു​ക​യാണ്‌ ഏറെ നല്ലത്‌ എന്നു ചിലർ കണ്ടെത്തി​യി​രി​ക്കു​ന്നു.

ചില​പ്പോൾ, വെറുതെ തമാശ​യ്‌ക്ക്‌, നിങ്ങളെ മുറി​പ്പെ​ടു​ത്താ​നുള്ള യാതൊ​രു ഉദ്ദേശ്യ​വു​മി​ല്ലാ​തെ ആയിരി​ക്കാം കൂട്ടു​കാർ എന്തെങ്കി​ലും പറയു​ന്നത്‌. അതു ഗൗരവ​മാ​യിട്ട്‌ എടുക്കാ​തെ, അവരുടെ ചിരി​യിൽ പങ്കു​ചേ​രു​ന്ന​താ​യി​രി​ക്കും ബുദ്ധി​പൂർവ​ക​മായ സംഗതി. (സഭാ​പ്ര​സം​ഗി 7:9) പരിഹാ​സ​വാ​ക്കു​കൾ കേട്ടിട്ടു നിങ്ങൾക്കു യാതൊ​രു കുലു​ക്ക​വു​മില്ല എന്നു മനസ്സി​ലാ​ക്കു​മ്പോൾ പരിഹാ​സി താനേ പത്തിതാ​ഴ്‌ത്തി​ക്കൊ​ള്ളും.—സദൃശ​വാ​ക്യ​ങ്ങൾ 24:29-ഉം 1 പത്രൊസ്‌ 2:23-ഉം താരത​മ്യം ചെയ്യുക.

തുറന്നു സംസാ​രി​ക്കൽ

നിങ്ങളു​ടെ വിശ്വാ​സത്തെ കുറിച്ചു ഹ്രസ്വ​മാ​യും നയപര​മാ​യും വിശദീ​ക​രി​ക്കാൻ കഴിയുന്ന സാഹച​ര്യ​ങ്ങ​ളും വീണു​കി​ട്ടി​യേ​ക്കാം. യഹോ​വ​യു​ടെ സാക്ഷി​യായ ഒരു പതിമ്മൂ​ന്നു വയസ്സു​കാ​രി ഇതു പരീക്ഷി​ച്ചു​നോ​ക്കി​യ​പ്പോൾ ഫലം വിസ്‌മ​യാ​വ​ഹ​മാ​യി​രു​ന്നു. അവൾ ഓർമി​ക്കു​ന്നു: “ഞാൻ ക്ലാസ്സി​ലേക്കു പോകു​ന്നതു കണ്ടപ്പോൾ കുറെ വിദ്യാർഥി​കൾ യഹോ​വ​യു​ടെ സാക്ഷി​കളെ കുറിച്ചു കളിയാ​ക്കി സംസാ​രി​ക്കാൻ തുടങ്ങി. അവരോ​ടു ഒരുവാ​ക്കു സംസാ​രി​ക്കാം എന്നു തീരു​മാ​നി​ച്ചു തിരി​ഞ്ഞ​പ്പോ​ഴേ​ക്കും കളിയാ​ക്കി​ച്ചി​രി​ച്ചു​കൊണ്ട്‌ അവർ നടന്നകന്നു. എന്നാൽ ഒരു കുട്ടി മാത്രം അങ്ങനെ ചെയ്‌തില്ല.” അവൾ തുടരു​ന്നു: “ജെയ്‌മി എന്ന ആ പെൺകു​ട്ടി എന്നോട്‌ അവളുടെ പക്കൽ നിങ്ങൾക്ക്‌ ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം ഉള്ള കാര്യം പറഞ്ഞു.a അവൾ അത്‌ ഏതാണ്ടു മുഴു​വ​നാ​യി​ത്തന്നെ വായി​ച്ചു​വെ​ന്നും നമ്മുടെ വിശ്വാ​സത്തെ കുറിച്ചു കൂടുതൽ അറിയാൻ താത്‌പ​ര്യ​മു​ണ്ടെ​ന്നും പറഞ്ഞു. ഞാൻ ജെയ്‌മി​യോ​ടൊ​ത്തു ബൈബിൾ പഠിക്കാൻ ആരംഭി​ച്ചു.” ഈ അനുഭ​വ​ത്താൽ പ്രചോ​ദി​ത​യായ അവൾ മറ്റു യുവജ​ന​ങ്ങ​ളോ​ടും സംസാ​രി​ക്കാൻ തുടങ്ങി. അവൾ ഇങ്ങനെ തുടരു​ന്നു: “താത്‌പ​ര്യം പ്രകട​മാ​ക്കിയ മറ്റു നാലു സഹപാ​ഠി​ക​ളെ​യും ഞാൻ ക്രമമാ​യി സന്ദർശി​ക്കു​ന്നുണ്ട്‌. അവരു​മാ​യി ഉടനെ ബൈബി​ള​ധ്യ​യനം ആരംഭി​ക്കാ​മെന്ന്‌ എനിക്ക്‌ ഉറപ്പുണ്ട്‌.”

വർഷങ്ങൾക്കു മുമ്പ്‌, ഒരു ആഫ്രിക്കൻ രാജ്യ​മായ ലൈബീ​രി​യ​യി​ലെ ഒരു വിദ്യാർഥി​ക്കും സമാന​മായ അനുഭ​വ​മു​ണ്ടാ​യി. ഒരിക്കൽ സോ​ഷ്യോ​ളജി ക്ലാസ്സിൽ വെച്ച്‌, ഒരു യഹോ​വ​യു​ടെ സാക്ഷി​യെന്ന നിലയിൽ താൻ പരിണാ​മ​ത്തിൽ അല്ല സൃഷ്ടി​യി​ലാ​ണു വിശ്വ​സി​ക്കു​ന്നത്‌ എന്ന്‌ അദ്ദേഹം ബഹുമാ​ന​പു​ര​സ്സരം വിശദീ​ക​രി​ച്ചു. ആദ്യ​മൊ​ക്കെ, സഹപാ​ഠി​ക​ളിൽ മിക്കവ​രും അദ്ദേഹത്തെ രൂക്ഷമാ​യി വിമർശി​ച്ചു. എന്നാൽ തന്റെ വിശ്വാ​സം ക്ലാസ്സി​നോ​ടു വിശദീ​ക​രി​ക്കാൻ അധ്യാ​പകൻ അദ്ദേഹ​ത്തിന്‌ അവസരം നൽകി. അതിനു ശേഷം, അധ്യാ​പകൻ ജീവൻ—ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ? (ഇംഗ്ലീഷ്‌)b എന്ന പുസ്‌തകം സ്വീക​രി​ക്കു​ക​യു​ണ്ടാ​യി.

അതു വായി​ച്ച​തി​നു ശേഷം അധ്യാ​പകൻ ക്ലാസ്സി​നോട്‌ ഇങ്ങനെ പറഞ്ഞു: “ഈ പുസ്‌തകം അനുപ​മ​മാണ്‌. ഞാൻ വായി​ച്ചി​ട്ടുള്ള, സൃഷ്ടിയെ സംബന്ധിച്ച ശാസ്‌ത്ര​പു​സ്‌ത​ക​ങ്ങ​ളിൽ ഏറ്റവും മികച്ച ഒന്ന്‌.” അടുത്ത രണ്ടു സെമസ്റ്റ​റു​ക​ളിൽ പാഠപു​സ്‌ത​ക​ത്തോ​ടൊ​പ്പം താൻ സൃഷ്ടി പുസ്‌ത​ക​വും ഉപയോ​ഗി​ക്കാൻ പോകു​ക​യാണ്‌ എന്ന്‌ അധ്യാ​പകൻ വിശദീ​ക​രി​ച്ചു. ക്ലാസ്സിലെ എല്ലാവ​രും സാക്ഷി​യായ വിദ്യാർഥി​യിൽ നിന്ന്‌ അതിന്റെ ഓരോ കോപ്പി​കൾ വാങ്ങാൻ അദ്ദേഹം ആവശ്യ​പ്പെട്ടു. ഈ പുസ്‌ത​ക​ത്തി​ന്റെ ഡസൻക്ക​ണ​ക്കി​നു കോപ്പി​കൾ സമർപ്പി​ക്ക​പ്പെട്ടു. അനേകം വിദ്യാർഥി​കൾക്ക്‌ യഹോ​വ​യു​ടെ സാക്ഷി​ക​ളോ​ടു​ണ്ടാ​യി​രുന്ന മനോ​ഭാ​വ​ത്തി​നു തന്നെ മാറ്റം വന്നു!

പരി​ശോ​ധി​ക്ക​പ്പെട്ട വിശ്വാ​സം ശക്തമാണ്‌

നിങ്ങളു​ടെ ബൈബി​ള​ധി​ഷ്‌ഠിത നിലപാ​ടി​നോ​ടു യോജി​ക്കു​ക​യോ അതി​നോ​ടു വിലമ​തി​പ്പു പ്രകട​മാ​ക്കു​ക​യോ ചെയ്യാത്ത അനേകം പേർ ചുറ്റു​മു​ള്ള​പ്പോൾ ചില​പ്പോൾ നിങ്ങൾ തളർന്നു​പോ​യേ​ക്കാം എന്നതു സത്യം തന്നെ. (സങ്കീർത്തനം 3:1, 2 താരത​മ്യം ചെയ്യുക.) അതു​കൊണ്ട്‌, നിങ്ങളു​ടെ അതേ വിശ്വാ​സ​ങ്ങ​ളും ബോധ്യ​ങ്ങ​ളും ഉള്ളവരു​ടെ സൗഹൃദം തേടു​ന്നതു ബുദ്ധി​യാണ്‌. (സദൃശ​വാ​ക്യ​ങ്ങൾ 27:17) എന്നാൽ നിങ്ങളു​ടെ സ്‌കൂ​ളി​ലോ അയൽപ​ക്ക​ത്തെ​ങ്ങു​മോ അത്തരം യുവജ​നങ്ങൾ ഇല്ലെങ്കിൽ എന്തു ചെയ്യും?

നിങ്ങളു​ടെ ഏറ്റവും വലിയ സുഹൃത്ത്‌ യഹോ​വ​യാം ദൈവ​മാണ്‌ എന്ന്‌ ഈ സന്ദർഭ​ത്തിൽ ഓർക്കുക. നിങ്ങൾക്കു വേണ്ട പിന്തുണ നൽകി​ത്ത​രാൻ അവനു കഴിയു​മെ​ന്നും. ആയിര​ക്ക​ണ​ക്കി​നു വർഷങ്ങ​ളാ​യി പിശാ​ചായ സാത്താന്റെ പരിഹാ​സ​ത്തി​ന്റെ മുഖ്യ ഇര യഹോ​വ​യാം ദൈവ​മാണ്‌. അതു​കൊണ്ട്‌, നിങ്ങൾ വിശ്വാ​സ​ത്തിൽ അടിയു​റച്ചു നിൽക്കു​ന്നത്‌ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​മെ​ന്നത്‌ ഉറപ്പാണ്‌. തന്നെ ‘നിന്ദി​ക്കുന്ന [“പരിഹ​സി​ക്കുന്ന,” NW] സാത്താ​നോട്‌ ഉത്തരം പറയാൻ’ നിങ്ങളു​ടെ വിശ്വസ്‌ത ഗതി അവന്‌ അവസരം നൽകും.—സദൃശ​വാ​ക്യ​ങ്ങൾ 27:11.

നിങ്ങളു​ടെ വിശ്വാ​സം ഇടയ്‌ക്കി​ടെ പരി​ശോ​ധി​ക്ക​പ്പെ​ടു​മെ​ന്നതു പ്രതീ​ക്ഷി​ക്കാ​വു​ന്നതേ ഉള്ളൂ. (2 തിമൊ​ഥെ​യൊസ്‌ 3:12) എന്നാൽ, പരി​ശോ​ധി​ക്ക​പ്പെട്ട വിശ്വാ​സം “അഗ്നി​ശോ​ധ​നയെ അതിജീ​വി​ക്കുന്ന നശ്വര​മായ സ്വർണ്ണ​ത്തേ​ക്കാൾ വില​യേ​റി​യ​താ​യി​രി​ക്കും” എന്ന്‌ അപ്പൊ​സ്‌ത​ല​നായ പത്രൊസ്‌ നമുക്ക്‌ ഉറപ്പു നൽകുന്നു. (1 പത്രൊസ്‌ 1:7, പി.ഒ.സി. ബൈ.) അതു​കൊണ്ട്‌, വിശ്വാ​സത്തെ പ്രതി പരിഹ​സി​ക്ക​പ്പെ​ടു​മ്പോൾ അതു നിങ്ങളു​ടെ വിശ്വാ​സത്തെ ശക്തി​പ്പെ​ടു​ത്താ​നും നിങ്ങളു​ടെ സഹിഷ്‌ണുത പ്രകടി​പ്പി​ക്കാ​നു​മുള്ള ഒരവസ​ര​മാ​യി കാണുക. സഹിഷ്‌ണുത “ഒരു അംഗീ​കൃത നില” സമ്പാദി​ക്കാൻ സഹായി​ക്കു​മെന്ന്‌ അപ്പൊ​സ്‌ത​ല​നായ പൗലൊസ്‌ എഴുതു​ക​യു​ണ്ടാ​യി. (റോമർ 5:3-5, NW) അതേ, യഹോ​വ​യു​ടെ പ്രീതി സമ്പാദി​ക്കാ​നുള്ള ആഗ്രഹം വിശ്വാ​സത്തെ പ്രതി​യുള്ള പരിഹാ​സം നേരി​ടാൻ നിങ്ങൾക്കു ശക്തമായ പ്രചോ​ദനം നൽകും!

[അടിക്കു​റി​പ്പു​കൾ]

[13-ാം പേജിലെ ചിത്രം]

നിങ്ങളുടെ വിശ്വാ​സ​ത്തി​നു വേണ്ടി നിങ്ങൾക്കു പ്രതി​വാ​ദം നടത്താൻ കഴിയു​മോ?