ബൈബി​ളി​ന്റെ വീക്ഷണം

നിങ്ങൾ ദൈവ​ത്തി​ന്റെ ദൃഷ്ടി​യിൽ വിലയു​ള്ള​വ​രാണ്‌!

ഒരു ക്രിസ്‌തീയ വനിത ഇപ്രകാ​രം എഴുതി: “ഒന്നിനും കൊള്ളാ​ത്ത​വ​ളാ​ണെന്ന ചിന്ത ജീവി​ത​ത്തിൽ മിക്ക​പ്പോ​ഴും എന്നെ വേട്ടയാ​ടി​യി​രു​ന്നു. ഞാൻ എത്രമാ​ത്രം യഹോ​വയെ സ്‌നേ​ഹി​ച്ചാ​ലും അവനെ സേവി​ക്കു​ന്ന​തിന്‌ എത്രയ​ധി​കം ശ്രമം ചെയ്‌താ​ലും അതൊ​ന്നും പോരാ എന്ന ചിന്തയാണ്‌ എന്റെ ഉള്ളിൽ എപ്പോ​ഴും.”

താൻ ഒന്നിനും കൊള്ളാ​ത്ത​വ​നാണ്‌ അല്ലെങ്കിൽ താൻ വേണ്ടത്ര ചെയ്യു​ന്നില്ല എന്ന രൂഢമൂ​ല​മായ ചിന്ത​യോ​ടു മല്ലിടുന്ന ആരെ​യെ​ങ്കി​ലും നിങ്ങൾക്ക​റി​യാ​മോ? അല്ലെങ്കിൽ, ചില​പ്പോൾ നിങ്ങൾക്കു തന്നെ അങ്ങനെ തോന്നാ​റു​ണ്ടോ? അത്തരം വികാ​രങ്ങൾ ദൈവ​ത്തി​ന്റെ വിശ്വസ്‌ത ആരാധ​ക​രു​ടെ ഇടയിൽ പോലും അപൂർവമല്ല. “ഇടപെ​ടാൻ പ്രയാ​സ​മായ ദുർഘ​ട​സ​മയങ്ങ”ളുടെ അനന്തര​ഫ​ല​ങ്ങ​ളാൽ ബാധി​ക്ക​പ്പെ​ടാത്ത ഒരൊറ്റ വ്യക്തി പോലു​മില്ല. “ആത്മനി​യ​ന്ത്ര​ണ​മി​ല്ലാ​ത്ത​വ​രും ഉഗ്രന്മാ​രും നന്മപ്രി​യ​മി​ല്ലാ​ത്ത​വ​രും” ആയ ആളുക​ളിൽ നിന്ന്‌ അനേകർക്കും അവഗണ​ന​യും ദ്രോ​ഹ​വും സഹി​ക്കേണ്ടി വന്നിട്ടുണ്ട്‌, വാസ്‌ത​വ​ത്തിൽ, ഇത്തരം സ്വഭാ​വ​വി​ശേ​ഷങ്ങൾ “അന്ത്യനാ​ളു​ക​ളിൽ” സർവസാ​ധാ​ര​ണ​മാണ്‌. (2 തിമൊ​ഥെ​യൊസ്‌ 3:1-5, NW) അത്തരം നീറുന്ന അനുഭ​വങ്ങൾ, ആഴത്തിൽ ഉള്ള വൈകാ​രിക വടുക്കൾ അവർക്കു സമ്മാനി​ച്ചി​ട്ടു​ണ്ടാ​കാം. തങ്ങളെ ഒന്നിനും കൊള്ളില്ല എന്ന ചിന്തയാ​കും ഇതിന്റെ ഫലം.

ഇനി, മറ്റു ചിലരിൽ നിഷേ​ധാ​ത്മ​ക​മായ വികാ​രങ്ങൾ ഉണ്ടാകു​ന്നത്‌ അവർ വളരെ ഉയർന്ന നിലവാ​ര​ങ്ങ​ളിൽ എത്തി​ച്ചേ​രാൻ ലക്ഷ്യമി​ടു​ന്നതു കൊണ്ടാണ്‌. വിചാ​രി​ക്കുന്ന ഉയരങ്ങൾ കീഴട​ക്കാൻ കഴിയാ​തെ വരു​മ്പോൾ തങ്ങൾ ഒന്നിനും കൊള്ളാ​ത്ത​വ​രാ​ണെന്ന അവരുടെ തോന്നൽ ശക്തമാ​കു​ന്നു. കാരണം എന്തുതന്നെ ആയിരു​ന്നാ​ലും, ഇത്തരം തോന്ന​ലു​കൾ സദാ ഉള്ളിൽ ഇരമ്പി​മ​റി​യു​മ്പോൾ, ദൈവം—അല്ലെങ്കിൽ മറ്റാ​രെ​ങ്കി​ലും—തങ്ങളെ സ്‌നേ​ഹി​ക്കു​ന്നു എന്ന വസ്‌തുത ഉൾക്കൊ​ള്ളുക പ്രയാ​സ​ക​ര​മാ​യി അനേക​രും കണ്ടെത്തു​ന്നു. സ്‌നേ​ഹി​ക്ക​പ്പെ​ടാ​നുള്ള യോഗ്യത തങ്ങൾക്കില്ല എന്നു​പോ​ലും അവർ വിചാ​രി​ച്ചേ​ക്കാം.

എന്നാൽ യഹോ​വ​യാം ദൈവം നിങ്ങളെ കുറിച്ച്‌ അങ്ങനെയല്ല ചിന്തി​ക്കു​ന്നത്‌! തന്റെ എതിരാ​ളി​യായ പിശാ​ചായ സാത്താന്റെ “കുടി​ല​ത​ന്ത്രങ്ങൾ”ക്കെതിരെ ജാഗരൂ​ക​രാ​യി​രി​ക്കാൻ തന്റെ വചനത്തി​ലൂ​ടെ യഹോവ നമുക്കു മുന്നറി​യി​പ്പു നൽകുന്നു. (എഫെസ്യർ 6:11, പി.ഒ.സി ബൈബിൾ) നാം നമ്മുടെ ദൈവത്തെ ആരാധി​ക്കു​ന്നതു നിറു​ത്തി​ക്ക​ള​യാ​നാ​ണു സാത്താൻ ഇവ പ്രയോ​ഗി​ക്കു​ന്നത്‌. ആ ലക്ഷ്യം സാധി​ച്ചെ​ടു​ക്കു​ന്ന​തി​നു വേണ്ടി, നാം ഒന്നിനും കൊള്ളാ​ത്ത​വ​രാ​ണെ​ന്നും യഹോ​വ​യ്‌ക്ക്‌ നമ്മെ ഒരിക്ക​ലും സ്‌നേ​ഹി​ക്കാ​നാ​വില്ല എന്നും മറ്റുമുള്ള ചിന്തകൾ നമ്മിൽ വളരാൻ അവൻ കളമൊ​രു​ക്കും. പക്ഷേ, സാത്താൻ ‘ഒരു നുണയ​നാണ്‌’—സത്യത്തിൽ, “നുണയു​ടെ പിതാ​വു​മാണ്‌.” (യോഹ​ന്നാൻ 8:44, പി.ഒ.സി. ബൈബിൾ) അതു​കൊണ്ട്‌, നാം അവന്റെ കുടില തന്ത്രങ്ങ​ളാൽ വഞ്ചിത​രാ​കാൻ പാടില്ല! യഹോ​വ​യു​ടെ ദൃഷ്ടി​യിൽ നാം വിലയു​ള്ള​വ​രാണ്‌ എന്ന ഉറപ്പ്‌ അവന്റെ തന്നെ സാന്ത്വ​ന​ദാ​യ​ക​മായ ശബ്ദത്തിൽ നമുക്കു ബൈബി​ളിൽ നിന്നു കേൾക്കാൻ കഴിയും.

സ്വന്തം വില സംബന്ധിച്ച ഒരു സമനി​ല​യുള്ള വീക്ഷണം

നിരു​ത്സാ​ഹ​ത്തി​നു നമ്മുടെ മേൽ ഉളവാ​ക്കാൻ കഴിയുന്ന വിപരീത ഫലങ്ങളെ കുറിച്ചു ബൈബിൾ മുന്നറി​യി​പ്പു നൽകുന്നു. സദൃശ​വാ​ക്യ​ങ്ങൾ 24:10 ഇപ്രകാ​രം പ്രസ്‌താ​വി​ക്കു​ന്നു: “കഷ്ടകാ​ലത്തു നീ കുഴഞ്ഞു​പോ​യാൽ [“നിരു​ത്സാ​ഹി​ത​നാ​യാൽ,” NW] നിന്റെ ബലം നഷ്ടം തന്നേ.” നിഷേ​ധാ​ത്മക ചിന്തകൾ നീണ്ട കാല​ത്തേക്കു തങ്ങിനിൽക്കാൻ അനുവ​ദി​ക്കു​ന്നതു നമ്മുടെ ശക്തി ക്ഷയിപ്പി​ച്ചേ​ക്കാം. നമ്മെ ദുർബ​ല​രും പെട്ടെന്നു വ്രണ​പ്പെ​ടു​ന്ന​വ​രും ആക്കിത്തീർക്കാൻ ഇതിനു കഴിയും. ഈ കാര്യം സാത്താനു വളരെ നന്നായി അറിയാം. തീർച്ച​യാ​യും, ഒന്നിനും കൊള്ളില്ല എന്ന വേദനാ​ജ​ന​ക​മായ ചിന്ത സദാ ഹൃദയത്തെ ഭാര​പ്പെ​ടു​ത്തു​ന്ന​തു​തന്നെ വിഷമ​മേ​റിയ ഒരു അവസ്ഥയാണ്‌. എന്നാൽ, ഇത്തരം ചിന്തകളെ സാത്താൻ മുത​ലെ​ടു​ക്കാൻ കൂടി ശ്രമി​ക്കു​മ്പോൾ, അത്‌ എരിതീ​യിൽ എണ്ണ ഒഴിക്കു​ന്ന​തു​പോ​ലെ​യാണ്‌.

അതു​കൊണ്ട്‌, നമ്മുടെ സ്വന്തം വില സംബന്ധിച്ച്‌ ഒരു ആരോ​ഗ്യാ​വ​ഹ​മായ, സമനി​ല​യുള്ള വീക്ഷണം ഉണ്ടായി​രി​ക്കേ​ണ്ടതു വളരെ പ്രധാ​ന​മാണ്‌. “ഞാൻ നിങ്ങളിൽ ഓരോ​രു​ത്ത​രോ​ടും പറയുന്നു, നിങ്ങൾ നിങ്ങ​ളെ​ക്കു​റി​ച്ചു തന്നെ വേണ്ടതി​ല​ധി​കം ചിന്തി​ക്ക​രുത്‌; പകരം സമചിത്തത ഉണ്ടായി​രി​ക്ക​ത്ത​ക്ക​വണ്ണം ചിന്തി​ക്കുക”, അപ്പൊ​സ്‌ത​ല​നായ പൗലൊസ്‌ ഓർമ​പ്പെ​ടു​ത്തു​ന്നു. (റോമർ 12:3, NW) അതേ വാക്യ​ത്തി​ന്റെ മറ്റൊരു പരിഭാഷ ഇങ്ങനെ വായി​ക്കു​ന്നു: “ഉള്ളതി​ല​ധി​കം മേൻമ ആരും ഭാവി​ക്ക​രുത്‌ എന്നു ഞാൻ നിങ്ങളിൽ ഓരോ​രു​ത്ത​രോ​ടും പറയുന്നു; മറിച്ച്‌, സമചി​ത്ത​ത​യോ​ടു കൂടി സ്വയം വിലയി​രു​ത്തുക.” (ചാൾസ്‌ ബി. വില്യംസ്‌) നമ്മെ കുറിച്ചു തന്നെ സമനി​ല​യുള്ള ഒരു വീക്ഷണം ഉണ്ടായി​രി​ക്കാ​നാണ്‌ ഈ തിരു​വെ​ഴു​ത്തു നമ്മെ പ്രോ​ത്സാ​ഹി​പ്പി​ക്കു​ന്നത്‌. അതു​കൊണ്ട്‌, ഗർവു​ള്ളവർ ആയിരി​ക്കു​ന്ന​തിന്‌ എതിരെ ജാഗ്രത പുലർത്തു​മ്പോൾ തന്നെ, നമ്മെ കുറിച്ച്‌ അങ്ങേയറ്റം നിഷേ​ധാ​ത്മ​ക​മായ ഒരു മനോ​ഭാ​വം വളർത്തി​യെ​ടു​ക്കാ​തി​രി​ക്കാ​നും സൂക്ഷി​ക്കേ​ണ്ട​തുണ്ട്‌. കാരണം, പൗലൊസ്‌ പറയു​ന്നത്‌, സമചിത്തത ഉള്ളവർ ആയിരി​ക്ക​ണ​മെ​ങ്കിൽ നമ്മെ കുറിച്ച്‌ കുറ​ച്ചെ​ങ്കി​ലും നന്നായി നാം ചിന്തി​ക്കേ​ണ്ട​തുണ്ട്‌ എന്നാണ്‌. അതെ, യഹോ​വ​യു​ടെ ദൃഷ്ടി​യിൽ നമ്മിൽ ഓരോ​രു​ത്തർക്കും വിലയുണ്ട്‌ എന്നാണു ദിവ്യ​നി​ശ്വ​സ്‌ത​മായ ആ വാക്കുകൾ സൂചി​പ്പി​ക്കു​ന്നത്‌.

നമ്മുടെ സ്വന്തം വില സംബന്ധി​ച്ചു സമനി​ല​യുള്ള ഒരു വീക്ഷണം ഉണ്ടായി​രി​ക്കേ​ണ്ട​താണ്‌ എന്നു യേശു​വി​ന്റെ വാക്കു​ക​ളും വ്യക്തമാ​ക്കു​ന്നു. അവൻ ഇങ്ങനെ പറയു​ക​യു​ണ്ടാ​യി: “കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം.” (മത്തായി 22:39) “നിന്നെ​പ്പോ​ലെ” എന്ന വാക്കുകൾ നമുക്കു കുറ​ച്ചൊ​ക്കെ ആത്മാഭി​മാ​നം അല്ലെങ്കിൽ നമ്മോടു തന്നെ കുറ​ച്ചെ​ങ്കി​ലും ബഹുമാ​നം ഉണ്ടായി​രി​ക്കേ​ണ്ട​തുണ്ട്‌ എന്നു സൂചി​പ്പി​ക്കു​ന്നു. നമുക്കു കുറവു​കൾ ഉണ്ട്‌ എന്നുള്ളതു സത്യമാണ്‌. നമുക്കു തെറ്റു​ക​ളും പറ്റാറുണ്ട്‌. എന്നാൽ നാം ദൈവത്തെ പ്രസാ​ദി​പ്പി​ക്കാൻ കഠിന യത്‌നം ചെയ്യു​ക​യും സംഭവി​ച്ചു പോയ പിഴവു​കളെ പ്രതി മനസ്‌താ​പം ഉള്ളവർ ആയിരു​ന്നു കൊണ്ട്‌ അവന്റെ ക്ഷമ തേടു​ക​യും ചെയ്യു​ന്നെ​ങ്കിൽ, ഒരളവു വരെ നമ്മുടെ വില സംബന്ധി​ച്ചു നല്ല ധാരണ ഉണ്ടായി​രി​ക്കാൻ അതു നമ്മെ സഹായി​ക്കും. സദാ കുറ്റ​പ്പെ​ടു​ത്തുന്ന ഹൃദയം ഒരുപക്ഷേ, മറിച്ചു ചിന്തി​ക്കാൻ നമ്മിൽ പ്രേരണ ചെലു​ത്തി​യേ​ക്കാം. എന്നാൽ ഇത്‌ എപ്പോ​ഴും ഓർക്കുക, ‘ദൈവം നമ്മുടെ ഹൃദയ​ത്തെ​ക്കാൾ വലിയ​വ​നാണ്‌.’ (1 യോഹ​ന്നാൻ 3:20) മറ്റു വാക്കു​ക​ളിൽ പറഞ്ഞാൽ, യഹോവ നമ്മെ കാണു​ന്നതു നാം നമ്മെ കാണു​ന്ന​തിൽ നിന്നു തികച്ചും വ്യത്യ​സ്‌ത​മാ​യിട്ട്‌ ആയിരു​ന്നേ​ക്കാം.

നുറു​ങ്ങിയ ഹൃദയ​ങ്ങ​ളും തകർന്ന മനസ്സു​ക​ളും

സങ്കീർത്ത​ന​ക്കാ​ര​നായ ദാവീദ്‌ ഇങ്ങനെ എഴുതി: “ഹൃദയം നുറു​ങ്ങി​യ​വർക്കു യഹോവ സമീപസ്ഥൻ; മനസ്സു തകർന്ന​വരെ അവൻ രക്ഷിക്കു​ന്നു.” (സങ്കീർത്തനം 34:18) മുഴു ബൈബി​ളി​നെ​പ്പ​റ്റി​യു​മുള്ള മാത്യു ഹെൻറി​യു​ടെ ഭാഷ്യം (ഇംഗ്ലീഷ്‌) ഈ വാക്യം വിശദീ​ക​രി​ക്കവെ ഇപ്രകാ​രം കുറി​ക്കൊ​ള്ളു​ന്നു: “പാപഭാ​ര​ത്താൽ എളിമ​പ്പെട്ട്‌, സ്വയം കൽപ്പി​ച്ചി​രുന്ന വില​യെ​ല്ലാം നശിച്ച്‌, നുറു​ങ്ങിയ ഹൃദയ​വും കടുത്ത പശ്ചാത്താ​പ​വും ഉള്ളവർ ആയിരി​ക്കുക . . . എന്നത്‌ നീതി​മാൻമാ​രു​ടെ ഒരു സ്വഭാ​വ​സ​വി​ശേ​ഷ​ത​യാണ്‌. സ്വന്തം ദൃഷ്ടി​യിൽ അവർ തീരെ വിലയി​ല്ലാ​ത്ത​വ​രാണ്‌ എന്നു മാത്രമല്ല, സ്വന്തം പ്രാപ്‌തി​ക​ളി​ലും കഴിവു​ക​ളി​ലും അവർക്കു യാതൊ​രു വിശ്വാ​സ​വു​മില്ല.”

“ഹൃദയം നുറു​ങ്ങി​യ​വ​രും” “മനസ്സ്‌ തകർന്ന​വ​രും” യഹോവ തങ്ങളിൽ നിന്നു വളരെ അകലെ​യാണ്‌ എന്നു ചിന്തി​ച്ചേ​ക്കാം. മാത്രമല്ല, യഹോ​വ​യു​ടെ കരുതൽ അർഹി​ക്കാത്ത അത്ര നിസ്സാ​ര​രാണ്‌ തങ്ങൾ എന്നും അവർ ചിന്തി​ച്ചേ​ക്കാം. എന്നാൽ അതല്ല സത്യം. “സ്വന്തം ദൃഷ്ടി​യിൽ തീരെ വിലയി​ല്ലാ​ത്ത​വരെ” യഹോവ ഉപേക്ഷി​ക്കു​ക​യില്ല എന്നു ദാവീ​ദി​ന്റെ വാക്കുകൾ നമുക്ക്‌ ഉറപ്പു നൽകുന്നു. മുമ്പെ​ന്ന​ത്തെ​ക്കാ​ളും അത്തരം സാഹച​ര്യ​ങ്ങ​ളിൽ നമുക്ക്‌ അവനെ ആവശ്യ​മാ​ണെന്നു മനസ്സലി​വുള്ള നമ്മുടെ പിതാ​വി​നു നന്നായി അറിയാം. അവൻ നമുക്കു സമീപ​സ്ഥ​നാ​യി​രി​ക്കു​ക​യും ചെയ്യും.

ഒരു ഉദാഹ​രണം പരിചി​ന്തി​ക്കുക. ഏതാനും വർഷങ്ങൾക്കു മുമ്പ്‌, ചുമയും ശ്വാസ​ത​ട​സ്സ​വും കലശലാ​യ​തി​നെ തുടർന്ന്‌ തന്റെ രണ്ടു വയസ്സുള്ള മകനെ​യും കൊണ്ട്‌ ഒരമ്മ ആശുപ​ത്രി​യിൽ പാഞ്ഞെത്തി. കുട്ടിയെ പരി​ശോ​ധി​ച്ച​തി​നു ശേഷം, അന്നു രാത്രി അവനെ അവിടെ കിട​ത്തേണ്ടി വരു​മെന്ന്‌ ഡോക്ടർമാർ അമ്മയോ​ടു പറഞ്ഞു. ആ അമ്മ എവിടെ ആണു രാത്രി ചെലവ​ഴി​ച്ചത്‌? തന്റെ കുഞ്ഞിന്റെ കിടക്ക​യു​ടെ തൊട്ട​രി​കിൽ, ഒരു കസേര​യിൽ. തന്റെ കുഞ്ഞ്‌ സുഖമി​ല്ലാ​തെ കിടക്കു​മ്പോൾ അവർ അവന്റെ തൊട്ട​രി​കിൽ അല്ലാതെ പിന്നെ മറ്റെവി​ടെ ആയിരി​ക്കാ​നാണ്‌? നമ്മുടെ സ്‌നേ​ഹ​നി​ധി​യായ സ്വർഗീയ പിതാ​വിൽ നിന്ന്‌ ഇതിലും കൂടുതൽ നമുക്ക്‌ ഉറപ്പാ​യും പ്രതീ​ക്ഷി​ക്കാൻ കഴിയും. നാം അവന്റെ സ്വന്തം പ്രതി​ച്ഛാ​യ​യിൽ സൃഷ്ടി​ക്ക​പ്പെ​ട്ട​വ​രാണ്‌! (ഉല്‌പത്തി 1:26, NW; യെശയ്യാ​വു 49:15) നമ്മുടെ ‘ഹൃദയം നുറു​ങ്ങി​യി​രി​ക്കു​മ്പോൾ’ സ്‌നേ​ഹ​നി​ധി​യായ ഒരു പിതാ​വി​നെ​യോ മാതാ​വി​നെ​യോ പോലെ, നമ്മെ മുമ്പ്‌ എന്നത്തെ​ക്കാ​ളും അടുത്തു നിരീ​ക്ഷി​ച്ചു കൊണ്ട്‌, അതീവ ശ്രദ്ധ​യോ​ടെ, ഏതു സമയത്തും സഹായി​ക്കാ​നുള്ള മനസ്സു​മാ​യി യഹോവ നമുക്കു ‘സമീപ​സ്ഥ​നാണ്‌’ എന്നു സങ്കീർത്തനം 34:18-ലെ ഹൃദയ​സ്‌പർശി​യായ വാക്കുകൾ നമുക്ക്‌ ഉറപ്പേ​കു​ന്നു.—സങ്കീർത്തനം 147:1, 3.

‘ഏറിയ കുരി​കി​ലു​ക​ളെ​ക്കാ​ളും നിങ്ങൾ വിലയു​ള്ളവർ’

തന്റെ ഭൗമിക ശുശ്രൂ​ഷ​ക്കാ​ലത്ത്‌ യേശു തന്റെ പിതാ​വായ യഹോ​വ​യാം ദൈവ​ത്തി​ന്റെ വിചാ​ര​ങ്ങ​ളും വികാ​ര​ങ്ങ​ളും നന്നായി വെളി​പ്പെ​ടു​ത്തു​ക​യു​ണ്ടാ​യി. തന്റെ ഭൗമിക ദാസന്മാ​രെ യഹോവ എങ്ങനെ വീക്ഷി​ക്കു​ന്നു എന്നതി​ലേ​ക്കും അവൻ വെളിച്ചം വീശി. യഹോ​വ​യു​ടെ ദൃഷ്ടി​യിൽ അവർ വിലയു​ള്ള​വ​രാണ്‌ എന്ന്‌ ഒന്നി​ലേറെ തവണ അവൻ തന്റെ ശിഷ്യ​ന്മാർക്ക്‌ ഉറപ്പേ​കു​ക​യു​ണ്ടാ​യി.—മത്തായി 6:26; 12:12.

ഉദാഹ​ര​ണ​ത്തിന്‌, വ്യക്തി​ക​ളെന്ന നിലയിൽ തന്റെ ശിഷ്യ​ന്മാ​രിൽ ഓരോ​രു​ത്ത​രും വിലയു​ള്ള​വ​രാണ്‌ എന്ന കാര്യം വ്യക്തമാ​ക്കി​ക്കൊ​ണ്ടു യേശു ഇങ്ങനെ ചോദി​ച്ചു: “കാശിന്നു [“നിസ്സാര മൂല്യ​മുള്ള ഒരു നാണയ​ത്തി​നു,” NW] രണ്ടു കുരി​കിൽ വില്‌ക്കു​ന്നി​ല്ല​യോ? അവയിൽ ഒന്നു​പോ​ലും നിങ്ങളു​ടെ പിതാവു സമ്മതി​ക്കാ​തെ നിലത്തു വീഴു​ക​യില്ല. എന്നാൽ നിങ്ങളു​ടെ തലയിലെ രോമ​വും എല്ലാം എണ്ണപ്പെ​ട്ടി​രി​ക്കു​ന്നു. ആകയാൽ ഭയപ്പെ​ടേണ്ടാ; ഏറിയ കുരി​കി​ലു​ക​ളെ​ക്കാ​ളും നിങ്ങൾ വിശേ​ഷ​ത​യു​ള്ള​വ​ര​ല്ലോ [“വിലയു​ള്ള​വ​ര​ല്ലോ,” NW].” (മത്തായി 10:29-31) യേശു​വി​നെ ശ്രദ്ധിച്ച ഒന്നാം നൂറ്റാ​ണ്ടി​ലെ ആളുകൾക്ക്‌ അവന്റെ വാക്കുകൾ എന്തർഥ​മാ​ക്കി​യി​രി​ക്കാം എന്നു ചിന്തിച്ചു നോക്കുക.

സ്‌പഷ്ട​മാ​യും, ആഹാര​ത്തി​നാ​യി ഉപയോ​ഗി​ച്ചി​രുന്ന ഏറ്റവും വിലകു​റഞ്ഞ പക്ഷിക​ളിൽ ഒന്നായി​രു​ന്നു കുരി​കിൽ. മിക്ക​പ്പോ​ഴും ഈ കുഞ്ഞു​പ​ക്ഷി​ക​ളു​ടെ തൂവ​ലെ​ല്ലാം പറിച്ചിട്ട്‌ അവയെ നീളമുള്ള കമ്പുക​ളിൽ കുത്തി​യെ​ടു​ത്തു പൊരി​ച്ചെ​ടു​ക്കു​മാ​യി​രു​ന്നു. ചന്തസ്ഥല​ങ്ങ​ളിൽ പാവപ്പെട്ട സ്‌ത്രീ​കൾ, തങ്ങൾക്ക്‌ അന്നേ ദിവസം എത്ര കുരി​കി​ലു​കളെ വാങ്ങാൻ കഴിയു​മെന്നു തിട്ട​പ്പെ​ടു​ത്താൻ കൈയി​ലുള്ള നാണയ​ങ്ങ​ളെ​ല്ലാം എണ്ണി​പ്പെ​റു​ക്കു​ന്നതു യേശു കണ്ടിട്ടുണ്ട്‌ എന്ന കാര്യ​ത്തിൽ യാതൊ​രു സംശയ​വു​മില്ല. നിസ്സാര മൂല്യ​മു​ള്ളൊ​രു നാണയം (ഒരു അസാരി​യൻ നാണയം—അതിന്റെ മൂല്യം അഞ്ചു സെന്റി​ലും കുറവാണ്‌) കൊണ്ട്‌ രണ്ടു കുരി​കി​ലു​കളെ വാങ്ങാൻ കിട്ടു​മാ​യി​രു​ന്നു. ഈ പക്ഷികളെ അത്രയ്‌ക്കു വിലകു​റഞ്ഞവ ആയാണു കണക്കാ​ക്കി​യി​രു​ന്നത്‌.

കുറച്ചു നാൾ കഴിഞ്ഞ്‌ ഇതേ ദൃഷ്ടാന്തം തന്നെ യേശു ഉപയോ​ഗി​ക്കു​ക​യു​ണ്ടാ​യി, ചെറിയ ഒരു വ്യത്യാ​സ​ത്തോ​ടെ​യാ​ണെന്നു മാത്രം. ലൂക്കൊസ്‌ 12:6-ൽ അവൻ ഈ ചോദ്യം ചോദി​ച്ചു. “രണ്ടു കാശിന്നു [“നിസ്സാര മൂല്യ​മുള്ള രണ്ടു നാണയങ്ങൾ കൊണ്ട്‌,” NW] അഞ്ചു കുരി​കി​ലി​നെ വില്‌ക്കു​ന്നി​ല്ല​യോ?” ഒരു നിമിഷം അതിനെ കുറിച്ച്‌ ഒന്നു ചിന്തിച്ചു നോക്കുക. നിസ്സാര മൂല്യ​മുള്ള ഒരു നാണയം കൊണ്ട്‌ രണ്ടു കുരു​കി​ലു​കളെ വാങ്ങാൻ കിട്ടു​മാ​യി​രു​ന്നു. എന്നാൽ, രണ്ടു നാണയം മുടക്കാൻ ഒരാൾ തയ്യാറാ​വു​ന്നെ​ങ്കിൽ അയാൾക്കു ലഭിക്കുക, നാലല്ല, അഞ്ചു കുരി​കി​ലു​ക​ളെ​യാണ്‌. യാതൊ​രു വിലയു​മി​ല്ലാ​ത്തൊ​രു ജീവി എന്നു തോന്നി​പ്പി​ക്കു​മാറ്‌ അഞ്ചാമത്തെ കുരി​കി​ലി​നെ കച്ചവട​ക്കാർ വെറുതെ കൊടു​ക്കു​മാ​യി​രു​ന്നു. യേശു ഇങ്ങനെ തുടരു​ന്നു: “[എന്നിട്ടും] അവയിൽ ഒന്നി​നെ​പ്പോ​ലും [വെറുതെ കൊടുത്ത ആ കുരി​കി​ലി​നെ പോലും] ദൈവം മറന്നു​പോ​കു​ന്നില്ല.” ഉപമയു​ടെ പ്രാ​യോ​ഗിക മൂല്യം വിശദ​മാ​ക്കി​ക്കൊണ്ട്‌ യേശു ഇങ്ങനെ ഉപസം​ഹ​രി​ച്ചു: “ഏറിയ കുരി​കി​ലി​നെ​ക്കാ​ളും നിങ്ങൾ വിശേ​ഷ​ത​യു​ള്ളവർ [“വിലയു​ള്ളവർ,” NW].” (ലൂക്കൊസ്‌ 12:7) യേശു​വി​ന്റെ ഈ വാക്കുകൾ അവന്റെ ശ്രോ​താ​ക്കാ​ളെ എത്ര പ്രോ​ത്സാ​ഹി​പ്പി​ച്ചി​ട്ടു​ണ്ടാ​കണം!

യേശു പറഞ്ഞ ഹൃദയ​സ്‌പൃ​ക്കായ ഈ ഉപമയു​ടെ സത്ത നിങ്ങൾക്കു പിടി​കി​ട്ടി​യോ? യഹോ​വ​യു​ടെ ദൃഷ്ടി​യിൽ ഈ കുഞ്ഞു​പ​ക്ഷി​കൾക്കു പോലും വിലയുണ്ട്‌ എങ്കിൽ അവന്റെ ഭൗമിക ദാസന്മാർ അവന്‌ എത്രയ​ധി​കം പ്രിയ​പ്പെ​ട്ട​വ​രാ​യി​രി​ക്കണം! നമ്മിൽ ഒരാൾ പോലും അവന്റെ കണ്ണിൽപ്പെ​ടാ​തെ പോകു​ന്നില്ല. അവന്റെ ദൃഷ്ടി​യിൽ നാം ഓരോ​രു​ത്ത​രും വളരെ​യ​ധി​കം വിലയു​ള്ളവർ ആയതി​നാൽ നമ്മെ സംബന്ധിച്ച തീരെ നിസ്സാര കാര്യ​ങ്ങ​ളു​ടെ വിശദാം​ശങ്ങൾ പോലും അവൻ സൂക്ഷി​ക്കു​ന്നു.—നമ്മുടെ തലമു​ടി​യു​ടെ കൃത്യ​മായ എണ്ണം പോലും അവനറി​യാം.

ഒന്നിനും കൊള്ളാ​ത്ത​വ​രാ​ണു നാം എന്ന ചിന്ത മുത​ലെ​ടു​ക്കു​ന്നതു പോലുള്ള “കുടി​ല​ത​ന്ത്രങ്ങൾ” സാത്താൻ ഇനിയും പ്രയോ​ഗി​ക്കും എന്നതിനു സംശയ​മില്ല. നാം യഹോ​വയെ സേവി​ക്കു​ന്നത്‌ എങ്ങനെ​യും നിറു​ത്തി​ക്കുക എന്നതാണ്‌ അവന്റെ ലക്ഷ്യം. എന്നാൽ അവനു വഴങ്ങി കൊടു​ക്ക​രുത്‌! തുടക്ക​ത്തിൽ പരാമർശിച്ച ആ ക്രിസ്‌തീയ വനിത​യു​ടെ കാര്യ​മെ​ടു​ക്കുക. നമ്മുടെ വികാ​ര​ങ്ങളെ മുത​ലെ​ടു​ക്കാ​നുള്ള സാത്താന്റെ ശ്രമങ്ങളെ കുറിച്ചു മുന്നറി​യി​പ്പു മുഴക്കിയ വീക്ഷാ​ഗോ​പു​രം മാസി​ക​യി​ലെ ഒരു ലേഖന​മാണ്‌ അവളെ സഹായി​ച്ചത്‌.a അവൾ ഇങ്ങനെ പറയുന്നു: “എന്നെ നിരു​ത്സാ​ഹ​പ്പെ​ടു​ത്തു​ന്ന​തിന്‌ എന്റെ തന്നെ വികാ​രങ്ങൾ സാത്താൻ ഉപയോ​ഗി​ക്കു​മെന്നു ഞാൻ അറിഞ്ഞ​തേ​യില്ല. ഈ അറിവ്‌ ഇത്തരം വികാ​ര​ങ്ങ​ളോ​ടു പോരാ​ടാൻ എനിക്കു പ്രചോ​ദ​ന​മേ​കു​ന്നു. ഇപ്പോൾ ആത്മവി​ശ്വാ​സ​ത്തോ​ടെ എനിക്ക്‌ ഈ സാത്താന്യ ആക്രമ​ണ​ങ്ങളെ ചെറു​ത്തു​നിൽക്കാ​നാ​വും.”

യഹോവ “എല്ലാം അറിയു​ന്നവ”നാണ്‌. (1 യോഹ​ന്നാൻ 3:20) അതെ, നാം ഇപ്പോൾ കടന്നു പൊയ്‌ക്കൊ​ണ്ടി​രി​ക്കുന്ന ദുഷ്‌ക​ര​സാ​ഹ​ച​ര്യ​ങ്ങളെ കുറിച്ച്‌ അവനു നന്നായ​റി​യാം. കൂടാതെ, നമ്മുടെ ആത്മാഭി​മാ​നം ഞെരി​ഞ്ഞു​ത​ക​രാൻ ഇടയാ​ക്കിയ കഴിഞ്ഞ​കാല സാഹച​ര്യ​ങ്ങളെ കുറി​ച്ചും അവന്‌ അറിയാം. ഓർക്കുക, നമ്മെ സംബന്ധിച്ച യഹോ​വ​യു​ടെ വീക്ഷണ​ത്തി​നാ​ണു വിലയു​ള്ളത്‌! ഒന്നിനും കൊള്ളാ​ത്ത​വ​രെ​ന്നോ സ്‌നേ​ഹി​ക്ക​പ്പെ​ടാൻ തീരെ അയോ​ഗ്യ​രെ​ന്നോ ഒക്കെ സ്വയം കരുതി​യാ​ലും, തന്റെ ദാസന്മാ​രിൽ ഓരോ​രു​ത്ത​രും തനിക്കു വിലയു​ള്ള​വ​രാണ്‌ എന്നു യഹോവ ആവർത്തിച്ച്‌ ഉറപ്പേ​കു​ന്നു. യഹോ​വ​യു​ടെ വാക്കിനു വിലയുണ്ട്‌, കാരണം അവന്റെ എതിരാ​ളി​യിൽ നിന്നു വ്യത്യ​സ്‌ത​നാ​യി ദൈവം ‘വ്യാജം പറയില്ല’.—തീത്തൊസ്‌ 1:3, പി.ഒ.സി. ബൈ.

[അടിക്കു​റി​പ്പു​കൾ]

[12-ാം പേജിലെ ചിത്രം]

സ്‌നേഹനിധിയായ ഒരു പിതാ​വി​നെ​യോ മാതാ​വി​നെ​യോ പോലെ, ഹൃദയ​ത്തിൽ വിഷാദം അനുഭ​വി​ക്കു​ന്ന​വർക്ക്‌ യഹോവ സമീപ​സ്ഥ​നാണ്‌

[13-ാം പേജിലെ ചിത്രം]

കുരികിലിനെ യഹോവ മറക്കു​ന്നില്ല എങ്കിൽ, അവനു നിങ്ങളെ എങ്ങനെ മറന്നു​ക​ള​യാ​നാ​കും?

[കടപ്പാട്‌]

Lydekker

Illustrated Natural History