എല്ലാ വൈക​ല്യ​ങ്ങ​ളും അപ്രത്യ​ക്ഷ​മാ​കു​മ്പോൾ

“മിക്ക ആളുക​ളു​ടെ​യും കായിക ശേഷി താത്‌കാ​ലി​ക​മാണ്‌” എന്ന്‌ കൈകാ​ലു​ക​ളു​ടെ സ്വാധീ​നം നഷ്ടപ്പെട്ട ഒരു സ്‌ത്രീ പറഞ്ഞു. അത്‌ എത്ര സത്യമാണ്‌! ഏതെങ്കി​ലു​മൊ​രു സമയത്തു ശാരീ​രിക വൈക​ല്യ​ങ്ങൾ നമു​ക്കൊ​ക്കെ സംഭവി​ച്ചേ​ക്കാം. അതു​കൊ​ണ്ടു​തന്നെ കണ്ണടകൾ, കോൺടാ​ക്‌റ്റ്‌ ലെൻസു​കൾ, വെപ്പു​പ​ല്ലു​കൾ, ശ്രവണ സഹായി​കൾ, ഇലക്‌​ട്രോ​ണിക്‌ പേസ്‌മേ​ക്ക​റു​കൾ, കൃത്രിമ മുട്ടു​ചി​ര​ട്ടകൾ എന്നിവ​യ്‌ക്കെ​ല്ലാം നല്ല ചെലവാണ്‌. റോമർ 8:22 പറയു​ന്ന​തു​പോ​ലെ, “സർവ്വസൃ​ഷ്ടി​യും ഇന്നുവരെ ഒരു​പോ​ലെ ഞരങ്ങി ഈററു​നോ​വോ​ടി​രി​ക്കു​ന്നു.”

അതു​കൊണ്ട്‌, അനുസ​ര​ണ​മുള്ള മനുഷ്യ​രെ നീതി വസിക്കുന്ന “പുതിയ ഭൂമി”യിൽ പൂർണ ശാരീ​രി​കാ​രോ​ഗ്യ​ത്തി​ലേക്കു പുനഃ​സ്ഥി​തീ​ക​രി​ക്കു​മെന്ന ദൈവ​ത്തി​ന്റെ വാഗ്‌ദാ​നം നമുക്ക്‌ എല്ലാവർക്കും ആശ്വാസം കൈവ​രു​ത്തുന്ന ഒന്നാണ്‌. (2 പത്രൊസ്‌ 3:13; വെളി​പ്പാ​ടു 21:3-5) യെശയ്യാ​വു 35:5, 6 ഇങ്ങനെ പറയുന്നു: “അന്നു കുരു​ട​ന്മാ​രു​ടെ കണ്ണു തുറന്നു​വ​രും; ചെകി​ട​ന്മാ​രു​ടെ ചെവി അടഞ്ഞി​രി​ക്ക​യു​മില്ല. . . . മുടന്തൻ മാനി​നെ​പ്പോ​ലെ ചാടും; ഊമന്റെ നാവും ഉല്ലസിച്ചു ഘോഷി​ക്കും.”

“ഒരു മഹാപു​രു​ഷാ​രം” ഇന്നത്തെ ദുഷ്ടവ്യ​വ​സ്ഥി​തി​യു​ടെ നാശത്തെ അതിജീ​വി​ക്കു​മെന്നു ബൈബിൾ മുൻകൂ​ട്ടി പറയുന്നു. (വെളി​പ്പാ​ടു 7:9, 14; സങ്കീർത്തനം 37:10, 11, 29) ആ നാശത്തി​നു ശേഷം ഉടൻതന്നെ ഗുരു​ത​ര​മായ വൈക​ല്യ​ങ്ങ​ളും ആരോ​ഗ്യ​പ്ര​ശ്‌ന​ങ്ങ​ളും തത്‌ക്ഷണം അപ്രത്യ​ക്ഷ​മാ​കും എന്നതിന്‌ യാതൊ​രു സംശയ​വു​മില്ല! (യെശയ്യാ​വു 33:24) ദൈവ​ത്തി​ന്റെ പുതിയ ഭൂമി​യിൽ സംഭവി​ക്കാ​നി​രി​ക്കുന്ന സൗഖ്യ​മാ​ക്കൽ പ്രക്രി​യ​യു​ടെ മുന്നോ​ടി​യെന്ന നിലയിൽ യേശു ഭൂമി​യി​ലാ​യി​രു​ന്ന​പ്പോൾ സമാന​മായ സുഖ​പ്പെ​ടു​ത്ത​ലു​കൾ നടത്തി. (മർക്കൊസ്‌ 5:25-29-ഉം 7:33-35-ഉം താരത​മ്യം ചെയ്യുക.) തങ്ങളുടെ കൃത്രി​മാ​വ​യ​വ​ങ്ങ​ളും ക്രച്ചസും ചക്രക്ക​സേ​ര​ക​ളും ഉപേക്ഷി​ക്കു​മ്പോൾ അംഗവി​ഹീ​നർക്ക്‌ ഉണ്ടാകാൻ പോകുന്ന സന്തോഷം വാക്കു​ക​ളാൽ വർണി​ക്കാൻ സാധ്യമല്ല! നല്ല കായിക ശേഷി ആസ്വദി​ക്കുന്ന അവർക്ക്‌ ഭൂമിയെ ഒരു പറുദീ​സാ ഭവനമാ​ക്കി മാറ്റാ​നുള്ള ദൈവദത്ത നിയമ​ന​ത്തിൽ പങ്കു​ചേ​രാൻ സാധി​ക്കും.—ലൂക്കൊസ്‌ 23:43.

അതുവരെ, അംഗഹീ​നർ തങ്ങളുടെ കുറവു​ക​ളു​മാ​യി മല്ലിട്ടേ പറ്റൂ. കാനഡ​യി​ലുള്ള നെൽസൺ എന്ന ഒരു അംഗഹീ​നൻ പറയുന്നു: “എനിക്ക്‌ എന്നോ​ടു​തന്നെ പാവം തോന്നു​മ്പോൾ മത്തായി 24:13-ൽ യേശു പറഞ്ഞ ഈ വാക്കുകൾ ഞാൻ ഓർക്കും: ‘എന്നാൽ അവസാ​ന​ത്തോ​ളം സഹിച്ചു​നി​ല്‌ക്കു​ന്നവൻ രക്ഷിക്ക​പ്പെ​ടും.’” ക്രിസ്‌തീയ വിശ്വാ​സ​ത്തിൽ സഹിച്ചു​നി​ന്നു​കൊണ്ട്‌, പരിമി​തി​ക​ളു​ണ്ടെ​ങ്കി​ലും അംഗഹീ​ന​രായ വ്യക്തി​കൾക്ക്‌ ഏറ്റവും പ്രധാ​ന​പ്പെട്ട ഒരു സംഗതി​യിൽ—ആത്മീയ​മാ​യി—തികവു​ള്ള​വ​രും ആരോ​ഗ്യ​മു​ള്ള​വ​രും ആയിരി​ക്കാൻ കഴിയും.—യാക്കോബ്‌ 1:3, 4, NW.

ഈ വിശ്വാ​സം സ്വന്തമാ​ക്കാൻ യഹോ​വ​യു​ടെ സാക്ഷികൾ ദശലക്ഷ​ക്ക​ണ​ക്കിന്‌ ആളുകളെ സഹായി​ച്ചി​ട്ടുണ്ട്‌. മുൻ ലേഖന​ത്തിൽ ഉദ്ധരി​ക്ക​പ്പെട്ട ഡെൽ എന്ന അംഗഹീ​ന​നായ വ്യക്തി പറയുന്നു: “എനിക്കു​ള്ള​തു​പോ​ലുള്ള ശാരീ​രിക പ്രശ്‌നങ്ങൾ യഥാർഥ​ത്തിൽ വെറും താത്‌കാ​ലി​ക​മാ​ണെന്നു മനസ്സി​ലാ​ക്കി​യ​പ്പോൾ എനിക്കു​ണ്ടായ വികാരം വർണി​ക്കാ​നാ​വില്ല.” അതേ, അത്തര​മൊ​രു പ്രത്യാ​ശ​യാൽ ശക്തീക​രി​ക്ക​പ്പെട്ട ഡെല്ലി​നെ​യും അദ്ദേഹത്തെ പോ​ലെ​യുള്ള മറ്റു പലരെ​യും വികലാം​ഗർ എന്നു വിശേ​ഷി​പ്പി​ക്കാൻ സാധി​ക്കില്ല.

[10-ാം പേജിലെ ചിത്രം]

വരാൻ പോകുന്ന നാശത്തെ അതിജീ​വി​ക്കു​ന്ന​വ​രു​ടെ വൈക​ല്യ​ങ്ങൾ അത്ഭുത​ക​ര​മാം വിധം സൗഖ്യ​മാ​ക്ക​പ്പെ​ടും