അംഗഹീ​നർക്കും സാധാരണ ജീവിതം നയിക്കാം

“പർവതാ​രോ​ഹകൻ വീണ്ടും കൊടു​മു​ടി​യിൽ.” ടോം ഹ്വിറ്റി​കർ എവറസ്റ്റ്‌ കൊടു​മു​ടി​യിൽ കാൽകു​ത്തി​യ​പ്പോൾ ഒരു പത്രം പ്രസ്‌താ​വി​ച്ചത്‌ അങ്ങനെ​യാണ്‌. മുമ്പ്‌ പലരും ഉയരമുള്ള ആ കൊടു​മു​ടി​യിൽ കയറി​യി​ട്ടു​ണ്ടെ​ങ്കി​ലും അംഗവി​ച്ഛേ​ദി​ത​നായ ഒരു വ്യക്തി ഇത്തര​മൊ​രു നേട്ടം കൈവ​രി​ക്കു​ന്നത്‌ ആദ്യമാ​യാണ്‌! ഒരു വാഹനാ​പ​ക​ട​ത്തിൽ ഹ്വിറ്റി​ക​റി​നു തന്റെ കാൽപ്പാ​ദം നഷ്ടപ്പെ​ട്ടി​രു​ന്നു. എങ്കിലും കൃത്രിമ കാൽപ്പാ​ദ​ത്തി​ന്റെ സഹായ​ത്താൽ കായി​ക​രം​ഗ​ത്തേക്കു തിരി​ച്ചു​വ​രാൻ അദ്ദേഹ​ത്തി​നു കഴിഞ്ഞു. സമാന​മായ കണ്ടുപി​ടി​ത്ത​ങ്ങ​ളു​ടെ ഫലമായി ആയിര​ക്ക​ണ​ക്കിന്‌ അംഗഹീ​നർക്കു സാധാരണ ജീവിതം നയിക്കാൻ കഴിയു​ന്നു. വാസ്‌ത​വ​ത്തിൽ, കൈയോ കാലോ ഇല്ലാത്ത ഒരു വ്യക്തി ഓട്ടമ​ത്സ​ര​ത്തിൽ പങ്കെടു​ക്കു​ന്ന​തും ബാസ്‌ക്കറ്റ്‌ ബോൾ കളിക്കു​ന്ന​തും സൈക്കിൾ ചവിട്ടു​ന്ന​തും ഇന്ന്‌ ഒരു അപൂർവ കാഴ്‌ചയല്ല.

മുമ്പൊ​ക്കെ കൃത്രിമ കൈകാ​ലു​കൾ പ്രാകൃത മാതൃ​ക​ക​ളി​ലുള്ള മരക്കു​റ്റി​ക​ളും ഇരുമ്പു​കൊ​ളു​ത്തു​ക​ളും ആയിരു​ന്നു. എന്നാൽ യുദ്ധങ്ങൾ മൂലം ആയിര​ക്ക​ണ​ക്കിന്‌ ആളുകൾക്ക്‌ അംഗഭം​ഗം സംഭവി​ക്കാൻ തുടങ്ങി​യ​തോ​ടെ അവ പരിഷ്‌ക​രി​ക്കാ​നുള്ള ശ്രമങ്ങ​ളും ആരംഭി​ച്ചു. യഥാർഥ​മെന്നു തോന്നി​ക്കു​ന്ന​തരം കൃത്രിമ അവയവ​ങ്ങൾക്ക്‌ ആദ്യമാ​യി രൂപം​നൽകി​യ​തും ഒരു സൈനിക ശസ്‌ത്ര​ക്രി​യാ​വി​ദ​ഗ്‌ധൻ—16-ാം നൂറ്റാ​ണ്ടിൽ ജീവി​ച്ചി​രുന്ന അംബ്ര​വൊസ്‌ പരെയ്‌ എന്ന ഫ്രഞ്ചു​കാ​രൻ—ആണ്‌. ഇന്നത്തെ ചില കൃത്രിമ കാലുകൾ ഹൈ​ഡ്രോ​ളിക്‌ സംവി​ധാ​നം ഉപയോ​ഗ​പ്പെ​ടു​ത്തി​യാ​ണു പ്രവർത്തി​ക്കു​ന്നത്‌. നൂതന മാതൃ​ക​യി​ലുള്ള ജാനു​സ​ന്ധി​കൾ (മുട്ടിലെ സന്ധികൾ), കാർബൺ നാരുകൾ കൊണ്ടു​ണ്ടാ​ക്കിയ വഴക്കമുള്ള പാദങ്ങൾ എന്നിവ അടക്കമുള്ള കൃത്രിമ കാലുകൾ ഇന്നു ലഭ്യമാണ്‌. സിലിക്കൺ, പ്ലാസ്റ്റിക്ക്‌ തുടങ്ങി​യവ കൊണ്ടു നിർമി​ക്കുന്ന ഉയർന്ന സാങ്കേ​തി​ക​മേ​ന്മ​യുള്ള ഈ ഉത്‌പ​ന്ന​ങ്ങ​ളു​ടെ സഹായ​ത്താൽ ഇന്നു പല ആളുകൾക്കും കൂടുതൽ സ്വാഭാ​വി​ക​മാ​യും സുഖ​പ്ര​ദ​മാ​യും നടക്കാ​നും മറ്റും സാധി​ക്കു​ന്നു, മുമ്പ്‌ സങ്കൽപ്പി​ക്കുക പോലും ചെയ്‌തി​ട്ടി​ല്ലാത്ത കാര്യ​ങ്ങ​ളാ​ണിവ. മൈ​ക്രോ ഇലക്‌​ട്രോ​ണി​ക്‌സിൽ ഉണ്ടായി​ട്ടുള്ള മുന്നേ​റ്റ​ങ്ങ​ളു​ടെ ഫലമായി കൂടുതൽ സ്വാഭാ​വി​ക​മായ രീതി​യിൽ ചലിപ്പി​ക്കാൻ സാധി​ക്കുന്ന കൃത്രിമ കൈപ്പ​ത്തി​ക​ളും കൈക​ളും ഇന്നു ലഭ്യമാണ്‌. കൃത്രി​മാ​വ​യ​വങ്ങൾ കാഴ്‌ച​യ്‌ക്കും മെച്ച​പ്പെ​ട്ടി​ട്ടുണ്ട്‌. ആധുനി​ക​കാ​ലത്തെ കൃത്രിമ കൈകാ​ലു​കൾക്കു വിരലു​കൾ ഉണ്ട്‌, ചിലതി​നു ഞരമ്പുകൾ പോലും ഉള്ളതായി തോന്നും. മോഡ​ലി​ങ്ങിൽ ഏർപ്പെ​ട്ടി​രുന്ന ഒരു പെൺകു​ട്ടി​യു​ടെ കാൽ അർബുദം ബാധി​ച്ച​തി​നെ തുടർന്നു മുറിച്ചു മാറ്റേണ്ടി വന്നു. പകരം ഒരു കൃത്രിമ കാൽ പിടി​പ്പി​ച്ചു. അതു കണ്ടാൽ കൃത്രി​മം ആണെന്നു തോന്നു​കയേ ഇല്ലായി​രു​ന്നു. അങ്ങനെ അവൾക്കു മോഡ​ലി​ങ്ങിൽ തുടരാൻ കഴിഞ്ഞു.

മനോ​ഭാ​വം പ്രാധാ​ന്യ​മർഹി​ക്കു​ന്നു

മാനസി​കാ​രോ​ഗ്യ വിദഗ്‌ധ​യായ എല്ലെൻ വിൻചെൽ ഈ മുന്നറി​യി​പ്പു നൽകുന്നു: “കൈയോ കാലോ മുറിച്ചു മാറ്റേണ്ടി വരുന്ന​തു​പോ​ലുള്ള വ്യക്തി​പ​ര​മായ ഒരു പ്രശ്‌നത്തെ നേരി​ടു​മ്പോൾ എല്ലാ തരത്തി​ലും—ശാരീ​രി​ക​വും വൈകാ​രി​ക​വും മാനസി​ക​വും ആത്മീയ​വു​മാ​യി—നിങ്ങൾക്കു വളരെ​യ​ധി​കം സമ്മർദം അനുഭ​വി​ക്കേണ്ടി വരും.” വില്യ​മി​ന്റെ കാര്യ​മെ​ടു​ക്കാം. കാലി​നേറ്റ പരിക്ക്‌ പഴുത്ത​തി​ന്റെ ഫലമായി അദ്ദേഹ​ത്തി​ന്റെ കാൽ മുറിച്ചു കളയേണ്ടി വന്നു. അദ്ദേഹം പറയുന്നു: “ജീവി​ത​ത്തി​ലെ വെല്ലു​വി​ളി​കളെ തരണം ചെയ്യു​ന്ന​തിൽ നമ്മുടെ മനോ​ഭാ​വം ഒരു സുപ്ര​ധാന പങ്കു വഹിക്കു​ന്നുണ്ട്‌. എന്റെ വൈക​ല്യ​ത്തെ ഒരു കുറവാ​യി ഞാൻ ഒരിക്ക​ലും വീക്ഷി​ച്ചി​ട്ടില്ല. അപകടത്തെ തുടർന്ന്‌ എനിക്കു പല നഷ്ടങ്ങളും ഉണ്ടായി​ട്ടു​ണ്ടെ​ങ്കി​ലും ഞാൻ ശുഭാ​പ്‌തി​വി​ശ്വാ​സ​ത്തോ​ടു കൂടിയ മനോ​ഭാ​വം വെച്ചു​പു​ലർത്തി​യി​രി​ക്കു​ന്നു.” അംഗവി​ച്ഛേ​ദി​ത​യായ എല്ലെൻ വിൻചെ​ലും ഇതി​നോ​ടു യോജി​ക്കു​ന്നു. അവരുടെ അഭി​പ്രാ​യ​ത്തിൽ ശുഭാ​പ്‌തി വിശ്വാ​സ​മി​ല്ലാത്ത ആളുകളെ അപേക്ഷിച്ച്‌ കൈകാ​ലു​ക​ളു​ടെ നഷ്ടവു​മാ​യി കൂടുതൽ നന്നായി പൊരു​ത്ത​പ്പെ​ടു​ന്നത്‌ ശുഭാ​പ്‌തി​വി​ശ്വാ​സം ഉള്ളവരാണ്‌. “സന്തുഷ്ട​ഹൃ​ദയം നല്ലോരു ഔഷധ​മാ​കു​ന്നു” എന്നു ബൈബി​ളും പറയുന്നു.—സദൃശ​വാ​ക്യ​ങ്ങൾ 17:22.

കൈയു​ടെ​യോ കാലി​ന്റെ​യോ നഷ്ടവു​മാ​യി നന്നായി പൊരു​ത്ത​പ്പെട്ടു കഴിയുന്ന ഒട്ടേറെ ക്രിസ്‌ത്യാ​നി​ക​ളു​മാ​യി ഉണരുക! സംസാ​രി​ക്കു​ക​യു​ണ്ടാ​യി. അംഗ​ച്ഛേദം സംഭവി​ച്ചവർ തങ്ങളുടെ വൈക​ല്യ​ത്തെ കുറിച്ച്‌ അമിത​മാ​യി ഉത്‌ക​ണ്‌ഠ​പ്പെ​ടു​ക​യോ അല്ലെങ്കിൽ അവ മറച്ചു​വെ​ക്കാൻ ശ്രമി​ക്കു​ക​യോ ചെയ്യരുത്‌ എന്നാണു മിക്കവ​രും നിർദേ​ശി​ച്ചത്‌. “സംസാ​രി​ക്ക​രു​താത്ത വിഷയ​ങ്ങ​ളിൽ ഒന്നാണ്‌ ഇത്‌ എന്ന മട്ടിൽ ആരെങ്കി​ലും പെരു​മാ​റു​ന്നത്‌ എന്നെ വിഷമി​പ്പി​ക്കും,” ഇടതു കാൽ മുട്ടിനു താഴെ​വെച്ചു മുറിച്ചു കളയേണ്ടി വന്ന ഡെൽ പറയുന്നു. “അത്‌ എല്ലാവർക്കും അസ്വസ്ഥത ഉളവാ​ക്കുന്ന ഒരു കാര്യ​മാ​ണെ​ന്നാണ്‌ എനിക്കു തോന്നു​ന്നത്‌.” വലതു കൈ നഷ്ടപ്പെട്ട നിങ്ങളെ ആർക്കെ​ങ്കി​ലും പരിച​യ​പ്പെ​ടു​ത്തി​ക്കൊ​ടു​ക്കുന്ന അവസര​ത്തിൽ ഹസ്‌ത​ദാ​നം നൽകു​ന്ന​തി​നു—ഇടതു കൈ കൊണ്ട്‌—നിങ്ങൾതന്നെ മുൻകൈ എടുക്കാൻ ചില വിദഗ്‌ധർ ശുപാർശ ചെയ്യുന്നു. നിങ്ങളു​ടെ കൃത്രി​മാ​വ​യ​വത്തെ കുറിച്ചു മറ്റുള്ളവർ എന്തെങ്കി​ലും ചോദി​ക്കു​ക​യാ​ണെ​ങ്കിൽ മറുപടി പറയാൻ മടികാ​ട്ടാ​തി​രി​ക്കുക. നിങ്ങൾക്കു ജാള്യം ഇല്ലെന്നു മനസ്സി​ലാ​ക്കു​മ്പോൾ മറ്റേ വ്യക്തി​ക്കും ആശ്വാ​സ​മാ​കും. സാധാ​ര​ണ​ഗ​തി​യിൽ സംഭാ​ഷണം ഉടൻതന്നെ മറ്റു വിഷയ​ങ്ങ​ളി​ലേക്കു കടക്കു​ക​യും ചെയ്യും.

“ചിരി​പ്പാൻ ഒരു കാലം” ഉണ്ട്‌. (സഭാ​പ്ര​സം​ഗി 3:4ബി) കൈ നഷ്ടപ്പെട്ട ഒരു സ്‌ത്രീ പറയുന്നു: ‘എല്ലാറ്റി​ലും ഉപരി നർമ​ബോ​ധം ഉള്ളവരാ​യി​രി​ക്കുക! മറ്റുള്ളവർ നമ്മളെ വീക്ഷി​ക്കുന്ന വിധം, നമ്മൾ നമ്മളെ തന്നെ എങ്ങനെ വീക്ഷി​ക്കു​ന്നു എന്നതിനെ ആശ്രയി​ച്ചി​രി​ക്കും എന്ന്‌ എല്ലായ്‌പോ​ഴും ഓർമി​ക്കേ​ണ്ട​തുണ്ട്‌.’

“കരവാൻ ഒരു കാലം”

കാൽ നഷ്ടപ്പെ​ട്ട​പ്പോൾ ആദ്യം ഡെൽ തന്നോ​ടു​തന്നെ ഇങ്ങനെ പറഞ്ഞു, “എല്ലാം തീർന്നു. എന്റെ ജീവി​തം​തന്നെ നശിച്ചു.” അംഗോ​ള​യിൽ കുഴി​ബോം​ബു​കൾ പൊട്ടി​ത്തെ​റിച്ച്‌ ഫ്‌ളോ​റിൻഡൂ​വി​ന്റെ​യും ഫ്‌ളോ​റി​യാ​നൂ​വി​ന്റെ​യും കാലുകൾ നഷ്ടപ്പെട്ടു. മൂന്നു ദിവസം രാപക​ലി​ല്ലാ​തെ കരഞ്ഞതാ​യി ഫ്‌ളോ​റിൻഡൂ പറയുന്നു. ഫ്‌ളോ​റി​യാ​നൂ​വി​നും തന്റെ വികാ​ര​ങ്ങ​ളു​മാ​യി പോരാ​ടേ​ണ്ട​തു​ണ്ടാ​യി​രു​ന്നു. “എനിക്ക്‌ 25 വയസ്സേ ഉണ്ടായി​രു​ന്നു​ള്ളൂ,” അദ്ദേഹം എഴുതു​ന്നു. “ആഗ്രഹി​ക്കു​ന്ന​തെ​ന്തും ചെയ്യാൻ കഴിയു​മാ​യി​രുന്ന എനിക്ക്‌ പെട്ടെ​ന്നൊ​രു ദിവസം എഴു​ന്നേറ്റു നിൽക്കാൻ പോലും സാധി​ക്കാ​താ​യി. ഞാൻ വിഷാ​ദ​ത്തിന്‌ അടി​പ്പെട്ടു. ഒന്നും ചെയ്യാൻ എനിക്ക്‌ ഉത്സാഹ​മി​ല്ലാ​താ​യി.”

“കരവാൻ ഒരു കാലം” ഉണ്ട്‌. (സഭാ​പ്ര​സം​ഗി 3:4എ) കനത്ത നഷ്ടം സഹി​ക്കേ​ണ്ടി​വ​രു​മ്പോൾ കുറച്ചു കാല​ത്തേക്കു ദുഃഖം തോന്നുക സ്വാഭാ​വി​ക​മാണ്‌. (ന്യായാ​ധി​പൻമാർ 11:37-ഉം സഭാ​പ്ര​സം​ഗി 7:1-3-ഉം താരത​മ്യം ചെയ്യുക.) “ദുഃഖ​ത്തിൽനി​ന്നു കരകയ​റ​ണ​മെ​ങ്കിൽ അത്‌ അനുഭ​വി​ച്ചു തീർക്കു​ക​തന്നെ വേണം” എന്ന്‌ എല്ലെൻ വിൻചെൽ എഴുതു​ന്നു. സഹാനു​ഭൂ​തി​യുള്ള കേൾവി​ക്കാ​ര​നോ​ടു തന്റെ വികാ​ര​ങ്ങളെ കുറിച്ചു പറയു​ന്നതു മിക്ക​പ്പോ​ഴും സഹായ​ക​മാണ്‌. (സദൃശ​വാ​ക്യ​ങ്ങൾ 12:25) പക്ഷേ ഈ ദുഃഖം എന്നേക്കും നീണ്ടു​നിൽക്ക​യില്ല. കൈയോ കാലോ നഷ്ടപ്പെട്ട ശേഷം ചില വ്യക്തികൾ പെട്ടെ​ന്നുള്ള വികാ​ര​വ്യ​തി​യാ​ന​ങ്ങൾക്ക്‌ വിധേ​യ​രാ​കു​ന്ന​വ​രോ വിമർശ​ന​ബു​ദ്ധി​ക്കാ​രോ ആശങ്കാ​കു​ല​രോ അന്തർമു​ഖ​രോ ആയിത്തീർന്നേ​ക്കാം. ഈ സ്വഭാ​വ​വി​ശേ​ഷ​തകൾ കാല​ക്ര​മേണ ഇല്ലാതാ​കേ​ണ്ട​താണ്‌. അങ്ങനെ സംഭവി​ക്കാ​ത്ത​പക്ഷം അതിനർഥം വിഷാ​ദ​രോ​ഗം കടന്നു​കൂ​ടി​യി​രി​ക്കാം എന്നാണ്‌. പൊതു​വെ വൈദ്യ​ചി​കിത്സ ആവശ്യ​മായ ഒന്നാണ്‌ ഇത്‌. അത്തരം സഹായം ആവശ്യ​മാ​ണെന്നു കാണി​ക്കുന്ന ഏതൊരു ലക്ഷണവും തിരി​ച്ച​റി​യാൻ കുടും​ബാം​ഗ​ങ്ങ​ളും സുഹൃ​ത്തു​ക്ക​ളും ജാഗ്ര​ത​യു​ള്ള​വ​രാ​യി​രി​ക്കണം.a

രണ്ടു കാലു​ക​ളു​ടെ​യും സ്വാധീ​നം നഷ്ടപ്പെട്ട ഡബ്‌ളി​യു. മിറ്റ്‌ചെൽ എഴുതു​ന്നു: “നമ്മെ കുറിച്ചു കരുത​ലുള്ള ആളുകളെ നമു​ക്കെ​ല്ലാം ആവശ്യ​മാണ്‌. ചുറ്റും സുഹൃ​ത്തു​ക്ക​ളും കുടും​ബാം​ഗ​ങ്ങ​ളും ഉണ്ടെങ്കിൽ എല്ലാം​തന്നെ സഹിക്കാ​വു​ന്ന​തേ​യു​ള്ളൂ. എന്നാൽ തനിയെ പോരാ​ടുന്ന ഒരാളെ സംബന്ധി​ച്ചി​ട​ത്തോ​ളം ചെറിയ ഒരു പ്രശ്‌നം മതി അടിപ​ത​റാൻ. ഒരു സുപ്ര​ഭാ​ത​ത്തിൽ തനിയെ പൊട്ടി​മു​ള​ക്കുന്ന ഒന്നല്ല സുഹൃ​ദ്‌ബ​ന്ധങ്ങൾ. പകരം, ധാരാളം ശ്രമം ചെലുത്തി നട്ടുവ​ളർത്തു​ക​യും പരിപാ​ലി​ക്കു​ക​യും ചെയ്യേണ്ട ഒന്നാണ്‌ അത്‌, അല്ലെങ്കിൽ അവ വാടി​ക്ക​രി​യും.”—സദൃശ​വാ​ക്യ​ങ്ങൾ 18:24 താരത​മ്യം ചെയ്യുക.

അംഗഹീ​നർക്കും സാധാരണ ജീവിതം നയിക്കാം

തങ്ങളുടെ വൈക​ല്യ​വും പേറി​ക്കൊ​ണ്ടു​തന്നെ കൈകാ​ലു​കൾ ഇല്ലാത്ത പലരും സാധാരണ ജീവിതം നയിക്കു​ന്നുണ്ട്‌. ഉദാഹ​ര​ണ​ത്തിന്‌ റസ്സലിന്റെ കാര്യം​തന്നെ എടുക്കാം. ജനിച്ച​പ്പോൾത്തന്നെ അദ്ദേഹ​ത്തിന്‌ ഇടതു​കാ​ലി​ന്റെ മുട്ടിനു താഴോ​ട്ടുള്ള ഭാഗം ഇല്ലായി​രു​ന്നു. നടക്കാൻ ഇപ്പോൾ ഊന്നു​വ​ടി​യു​ടെ സഹായം വേണ​മെ​ങ്കി​ലും 78-ാം വയസ്സി​ലും അദ്ദേഹം ക്രമമാ​യി വ്യായാ​മം ചെയ്യുന്നു, സന്തുഷ്ട​മായ ജീവി​ത​വും നയിക്കു​ന്നു. തന്റെ മറു​പേ​രു​തന്നെ ‘ഹാപ്പി’ എന്നാ​ണെന്ന്‌ പൊതു​വെ പ്രസന്ന​പ്ര​കൃ​ത​ക്കാ​ര​നായ റസ്സൽ പറയുന്നു.

രണ്ടാം ലോക​മ​ഹാ​യു​ദ്ധ​ത്തി​ലാ​ണു ഡഗ്ലസിനു തന്റെ കാൽ നഷ്ടപ്പെ​ട്ടത്‌. ഇപ്പോൾ അദ്ദേഹം ആധുനിക മാതൃ​ക​യി​ലുള്ള ഒരു കൃത്രിമ കാലിന്റെ സഹായ​ത്തോ​ടെ​യാ​ണു നടക്കു​ന്നത്‌. യഹോ​വ​യു​ടെ സാക്ഷി​ക​ളിൽ ഒരാളായ അദ്ദേഹം ആറു വർഷമാ​യി ഒരു സാധാരണ പയനിയർ—മുഴു​സമയ സുവി​ശേ​ഷകൻ—ആയി സന്തോ​ഷ​ത്തോ​ടെ സേവനം അനുഷ്‌ഠി​ക്കു​ന്നു. ഇനി, കാൽ നഷ്ടപ്പെ​ട്ട​തോ​ടെ തന്റെ ജീവിതം നശിച്ചു എന്നു കരുതിയ ഡെല്ലിനെ നിങ്ങൾ ഓർക്കു​ന്നു​ണ്ടോ? ഒരു പയനിയർ എന്ന നിലയിൽ അദ്ദേഹ​വും സംതൃ​പ്‌തി​ദാ​യ​ക​മായ ഒരു ജീവിതം നയിക്കു​ന്നു. മാത്രമല്ല, സ്വന്തം കാര്യങ്ങൾ നോക്കി​ന​ട​ത്താ​നും അദ്ദേഹ​ത്തി​നു കഴിയു​ന്നുണ്ട്‌.

ദാരി​ദ്ര്യം അനുഭ​വി​ക്കുന്ന അല്ലെങ്കിൽ യുദ്ധക​ലു​ഷി​ത​മായ പ്രദേ​ശ​ങ്ങ​ളിൽ ജീവി​ക്കുന്ന അംഗഹീ​ന​രായ വ്യക്തി​ക​ളു​ടെ കാര്യ​മോ? ലോകാ​രോ​ഗ്യ സംഘടന ഇങ്ങനെ പറയുന്നു: “വൈക​ല്യ​ങ്ങൾ ഉള്ളവരിൽ ചെറിയ ഒരു ശതമാ​ന​ത്തി​നു മാത്രമേ സഹായം ലഭിക്കു​ന്നു​ള്ളൂ എന്നതാണു യാഥാർഥ്യം.” ഊന്നു​വ​ടി​ക​ളു​ടെ​യും പ്രാകൃത രീതി​യി​ലുള്ള ക്രച്ചസി​ന്റെ​യും സഹായ​ത്തോ​ടെ​യാ​ണു പലരും നടക്കു​ന്നത്‌. എങ്കിലും ചില​പ്പോൾ സഹായം ലഭ്യമാണ്‌. അംഗോ​ള​യിൽ കുഴി​ബോം​ബു​കൾ പൊട്ടി​ത്തെ​റിച്ച്‌ അംഗഹീ​ന​രാ​യി​ത്തീർന്ന ഫ്‌ളോ​റി​യാ​നൂ​വി​നും ഫ്‌ളോ​റിൻഡൂ​വി​നും ഇന്റർനാ​ഷണൽ റെഡ്‌ ക്രോ​സി​ന്റെ​യും സ്വിസ്സ്‌ ഗവൺമെ​ന്റി​ന്റെ​യും സഹായ​ത്തോ​ടെ കൃത്രി​മ​കാ​ലു​കൾ വെക്കാൻ സാധിച്ചു. ഫ്‌ളോ​റി​യാ​നൂ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭയിൽ ഒരു ശുശ്രൂ​ഷാ​ദാ​സ​നാ​യി സന്തോ​ഷ​ത്തോ​ടെ സേവനം അനുഷ്‌ഠി​ക്കു​ന്നു. ഫ്‌ളോ​റിൻഡൂ​വാ​കട്ടെ ഒരു സഭാമൂ​പ്പ​നും മുഴു​സമയ സുവി​ശേ​ഷ​ക​നും ആണ്‌.

അതു​കൊണ്ട്‌, വികലാം​ഗരെ പരിച​രി​ക്കുന്ന ഒരു സമിതി ഇങ്ങനെ പറയുന്നു: “നിരു​ത്സാ​ഹി​ത​രാ​യ​വരെ മാത്രമേ വികലാം​ഗർ എന്നു വിശേ​ഷി​പ്പി​ക്കാൻ കഴിയൂ!” രസകര​മെന്നു പറയട്ടെ, വികലാം​ഗരെ പ്രോ​ത്സാ​ഹി​പ്പി​ക്കു​ന്ന​തിൽ ബൈബിൾ ഒരു വലിയ പങ്കു വഹിച്ചി​ട്ടുണ്ട്‌. “സുഖം പ്രാപി​ച്ചു​വ​രുന്ന അവസര​ത്തിൽ ബൈബിൾ സത്യം പഠിച്ചത്‌ എന്നെ വളരെ​യ​ധി​കം സഹായി​ച്ചു,” ഡെൽ പറയുന്നു. സമാന​മാ​യി റസ്സൽ പറയുന്നു: “ബുദ്ധി​മു​ട്ടു​കളെ നേരി​ട്ട​പ്പോൾ പിടി​ച്ചു​നിൽക്കാൻ എന്നെ സഹായി​ച്ചത്‌ എന്റെ ബൈബി​ള​ധി​ഷ്‌ഠിത പ്രത്യാ​ശ​യാ​യി​രു​ന്നു.” വികലാം​ഗർക്ക്‌ എന്തു പ്രത്യാ​ശ​യാ​ണു ബൈബിൾ വെച്ചു​നീ​ട്ടു​ന്നത്‌?

[അടിക്കു​റി​പ്പു​കൾ]

[8-ാം പേജിലെ ചതുരം]

മിഥ്യാവേദന

കൈയോ കാലോ നഷ്ടപ്പെട്ട ശേഷം അവ തൽസ്ഥാ​ന​ത്തു​തന്നെ ഉണ്ടെന്ന തോന്ന​ലി​നെ​യാണ്‌ ഫാന്റം ലിമ്പ്‌ സെൻസേഷൻ എന്നു പറയു​ന്നത്‌. അവയവം മുറിച്ചു മാറ്റപ്പെട്ട ശേഷം ഒരു വ്യക്തിക്ക്‌ സാധാ​ര​ണ​മാ​യി അങ്ങനെ​യൊ​രു തോന്നൽ ഉണ്ടാകാ​റുണ്ട്‌. അത്‌ അത്രയ​ധി​കം യാഥാർഥ്യ​മാ​യി അനുഭ​വ​പ്പെ​ടു​ന്ന​തു​കൊണ്ട്‌ അംഗ​ച്ഛേദം സംഭവി​ച്ച​വർക്കു വേണ്ടി​യുള്ള നിർദേ​ശങ്ങൾ അടങ്ങിയ ഒരു ചെറു​പു​സ്‌തകം ഇങ്ങനെ പറയുന്നു: “കൃത്രിമ കാലുകൾ പിടി​പ്പി​ക്കാ​തെ കിടക്ക​യിൽനി​ന്നോ കസേര​യിൽനി​ന്നോ എഴു​ന്നേൽക്കു​മ്പോൾ ഈ ഫാന്റം സെൻസേ​ഷനെ കുറിച്ച്‌ ഓർമ​യു​ണ്ടാ​യി​രി​ക്കുക. കാൽ ഇല്ല എന്നു സ്വയം ഓർമി​പ്പി​ക്കാൻ എപ്പോ​ഴും താഴേക്കു നോക്കുക.” രണ്ടുകാ​ലും നഷ്ടപ്പെട്ട ഒരു സ്‌ത്രീ ഡോക്‌ടർക്കു ഹസ്‌ത​ദാ​നം നൽകാൻ എഴു​ന്നേൽക്കു​ക​യും മറിഞ്ഞു വീഴു​ക​യും ചെയ്‌തു!

മറ്റൊരു പ്രശ്‌ന​മാണ്‌ ഫാന്റം ലിമ്പ്‌ പെയ്‌ൻ അഥവാ മിഥ്യാ​വേദന. മുറിച്ചു മാറ്റപ്പെട്ട കൈകാ​ലു​ക​ളിൽ വേദന അനുഭ​വ​പ്പെ​ടു​ന്ന​താ​യുള്ള തോന്ന​ലാണ്‌ ഇത്‌. അനുഭ​വ​പ്പെ​ടുന്ന വേദന​യു​ടെ തീവ്ര​ത​യും തരവും ദൈർഘ്യ​വും ഓരോ വ്യക്തി​യു​ടെ കാര്യ​ത്തി​ലും വ്യത്യ​സ്‌ത​മാ​യി​രി​ക്കും. സന്തോ​ഷ​ക​ര​മെന്നു പറയട്ടെ, മേൽപ്പറഞ്ഞ രണ്ടു സംഗതി​ക​ളും സാധാ​ര​ണ​ഗ​തി​യിൽ കാല​ക്ര​മേണ കുറയു​ന്ന​താ​യി​രി​ക്കും.

[6-ാം പേജിലെ ചിത്രം]

ആധുനിക മാതൃ​ക​യി​ലുള്ള കൃത്രി​മാ​വ​യ​വങ്ങൾ അംഗഹീ​ന​രു​ടെ ജീവിതം തികച്ചും ആസ്വാ​ദ്യ​മാ​ക്കി തീർക്കു​ന്നു

[കടപ്പാട്‌]

Photo courtesy of RGP Prosthetics

[7-ാം പേജിലെ ചിത്രം]

കനത്ത നഷ്ടം സംഭവി​ക്കു​മ്പോൾ ദുഃഖി​ക്കു​ന്നതു സ്വാഭാ​വി​കം

[8-ാം പേജിലെ ചിത്രം]

വികലാംഗരായ പലരും സാധാരണ ജീവിതം നയിക്കു​ന്നു