“കുട്ടികൾ ഇളപ്പമാണ്‌”

‘കുട്ടികൾ ഇളപ്പമാണ്‌; ഞാൻ കുട്ടി​ക​ളു​ടെ നടപ്പിന്‌ ഒത്തവണ്ണം സാവധാ​നം സഞ്ചരി​ക്കും.’—ഒന്നില​ധി​കം കുട്ടി​ക​ളു​ടെ പിതാ​വായ യാക്കോബ്‌, പൊ.യു.മു. 18-ാം നൂറ്റാണ്ട്‌.

കുട്ടി​ക​ളോ​ടുള്ള മോശ​മായ പെരു​മാ​റ്റം ഒരു പുതിയ സംഗതി​യല്ല. ആസ്റ്റെക്കു​കാർ, കനാന്യർ, ഇങ്കകൾ, ഫൊയ്‌നി​ക്യ​ക്കാർ എന്നിങ്ങനെ പുരാതന സംസ്‌കാ​ര​ങ്ങ​ളിൽപ്പെ​ട്ടവർ ശിശു​ബലി അർപ്പി​ക്കു​ന്ന​തിൽ കുപ്ര​സി​ദ്ധി ആർജി​ച്ച​വ​രാണ്‌. ഫൊയ്‌നി​ക്യ നഗരമായ കാർത്തേ​ജിൽ (ഇപ്പോൾ ഉത്തരാ​ഫ്രി​ക്ക​യി​ലെ ട്യൂണി​സി​ലെ ഒരു പ്രാന്ത​പ്ര​ദേ​ശ​മാണ്‌ ഇത്‌) നടത്തിയ കുഴി​ച്ചെ​ടു​ക്ക​ലു​കൾ, പൊ.യു.മു. അഞ്ചും മൂന്നും നൂറ്റാ​ണ്ടിന്‌ ഇടയ്‌ക്ക്‌ ബാൽ ദൈവ​ത്തി​നും താനിറ്റ്‌ ദേവി​ക്കും 20,000 കുട്ടി​കളെ ബലി കഴിച്ച​താ​യി വെളി​പ്പെ​ടു​ത്തി​യി​രി​ക്കു​ന്നു! പ്രതാ​പ​ത്തി​ന്റെ ഉച്ചാവ​സ്ഥ​യിൽ വെറും 2,50,000-ത്തോളം ജനങ്ങൾ മാത്രം ഉണ്ടായി​രു​ന്ന​താ​യി പറയ​പ്പെ​ടുന്ന ഒരു നഗരത്തി​ലാണ്‌ ഇത്രയ​ധി​കം കുട്ടികൾ ബലിക​ഴി​ക്ക​പ്പെ​ട്ടത്‌ എന്ന്‌ അറിയു​ന്നത്‌ ഒരു വ്യക്തിയെ കൂടുതൽ ഞെട്ടി​ച്ചേ​ക്കാം.

എന്നാൽ, വ്യത്യ​സ്‌ത​മായ ഒരു പുരാതന മനുഷ്യ സമൂഹം ഉണ്ടായി​രു​ന്നു. കുട്ടി​ക​ളോ​ടു ക്രൂരത കാട്ടി​യി​രുന്ന അയൽക്കാർക്കി​ട​യി​ലാ​ണു ജീവി​ച്ചി​രു​ന്ന​തെ​ങ്കി​ലും തങ്ങളുടെ കുട്ടി​ക​ളോ​ടുള്ള പെരു​മാ​റ്റ​ത്തിൽ ഇസ്രാ​യേൽ ജനത ശ്രദ്ധേ​യ​മായ വിധത്തിൽ വ്യത്യ​സ്‌തത പുലർത്തി​യി​രു​ന്നു. ആ ജനതയു​ടെ പിതാ​വായ, ഗോ​ത്ര​പി​താ​വായ യാക്കോബ്‌ നല്ല മാതൃക വെച്ചി​ട്ടുണ്ട്‌. ബൈബി​ളി​ലെ ഉല്‌പത്തി പുസ്‌തകം പറയു​ന്നത്‌ അനുസ​രിച്ച്‌ സ്വദേ​ശ​ത്തേക്കു മടങ്ങുന്ന അവസര​ത്തിൽ കുട്ടി​കൾക്കു യാത്ര ദുഷ്‌ക​ര​മാ​കാ​തി​രി​ക്കാൻ വേണ്ടി യാക്കോബ്‌ തന്റെ മുഴു പരിവാ​ര​ത്തി​ന്റെ​യും ഗതിയിൽ ക്രമ​പ്പെ​ടു​ത്ത​ലു​കൾ വരുത്തി. “കുട്ടികൾ ഇളപ്പമാണ്‌,” അവൻ പറഞ്ഞു. ആ സമയത്ത്‌ അവന്‌ 5-നും 14-നും ഇടയ്‌ക്കു പ്രായ​മുള്ള മക്കൾ ഉണ്ടായി​രു​ന്നു. (ഉല്‌പത്തി 33:13, 14, NW) അവന്റെ സന്തതി​ക​ളായ ഇസ്രാ​യേ​ല്യ​രും കുട്ടി​ക​ളു​ടെ ആവശ്യ​ങ്ങ​ളോ​ടും അന്തസ്സി​നോ​ടും അതേ ആദരവു പുലർത്തി​യി​രു​ന്നു.

തീർച്ച​യാ​യും ബൈബിൾ കാലങ്ങ​ളി​ലെ കുട്ടി​കൾക്ക്‌ അനേകം കാര്യങ്ങൾ ചെയ്യാ​നു​ണ്ടാ​യി​രു​ന്നു. വളർന്നു​വ​രവെ ആൺകു​ട്ടി​കൾക്കു തങ്ങളുടെ പിതാ​വിൽനിന്ന്‌ കൃഷി​പ്പ​ണി​യി​ലോ ആടുമാ​ടു​കളെ വളർത്തു​ന്ന​തി​ലോ ആശാരി​പ്പണി പോ​ലെ​യുള്ള എന്തെങ്കി​ലും തൊഴി​ലി​ലോ പ്രാ​യോ​ഗിക പരിശീ​ലനം ലഭിച്ചി​രു​ന്നു. (ഉല്‌പത്തി 37:2; 1 ശമൂവേൽ 16:11) പെൺകു​ട്ടി​ക​ളെ​യാ​കട്ടെ, ജീവി​ത​ത്തിൽ പിൽക്കാ​ലത്ത്‌ ഉപകരി​ക്കുന്ന തരം ഗൃഹ​ജോ​ലി​കൾ അമ്മമാർ പഠിപ്പി​ച്ചു​കൊ​ടു​ത്തി​രു​ന്നു. യാക്കോ​ബി​ന്റെ ഭാര്യ​യായ റാഹേൽ ചെറു​പ്പ​ത്തിൽ ആടിനെ മേയി​ക്കുന്ന ജോലി​യിൽ ഏർപ്പെ​ട്ടി​രു​ന്നു. (ഉല്‌പത്തി 29:6-9) യുവതി​കൾ മുന്തി​രി​ത്തോ​പ്പു​ക​ളി​ലും കൊയ്‌ത്തു​കാ​ലത്ത്‌ വയലു​ക​ളി​ലും പണി​യെ​ടു​ത്തി​രു​ന്നു. (രൂത്ത്‌ 2:5-9; ഉത്തമഗീ​തം 1:6)a അത്തരം ജോലി​കൾ പൊതു​വെ മാതാ​പി​താ​ക്ക​ളു​ടെ സ്‌നേ​ഹ​പൂർവ​ക​മായ മേൽനോ​ട്ട​ത്തിൻ കീഴി​ലാ​യി​രു​ന്നു ചെയ്യ​പ്പെ​ട്ടി​രു​ന്നത്‌. മാത്രമല്ല, അവയ്‌ക്ക്‌ വിദ്യാ​ഭ്യാ​സ മൂല്യ​വും ഉണ്ടായി​രു​ന്നു.

എന്നാൽ ഇതോ​ടൊ​പ്പം ഇസ്രാ​യേ​ലി​ലെ കുട്ടി​കൾക്കു വിശ്ര​മ​വും ലഭിച്ചി​രു​ന്നു, അവർ വിനോ​ദങ്ങൾ ആസ്വദി​ക്കു​ക​യും ചെയ്‌തി​രു​ന്നു. പ്രവാ​ച​ക​നായ സെഖര്യാവ്‌ ‘നഗരത്തി​ന്റെ വീഥികൾ കളിച്ചു​കൊ​ണ്ടി​രി​ക്കുന്ന ആൺകു​ട്ടി​ക​ളെ​യും പെൺകു​ട്ടി​ക​ളെ​യും കൊണ്ടു നിറഞ്ഞി​രി​ക്കു’ന്നതായി പറഞ്ഞു. (സെഖര്യാ​വു 8:5) കൂടാതെ, ചന്തസ്ഥല​ങ്ങ​ളിൽ ഇരുന്ന്‌ കുഴലൂ​തു​ക​യും നൃത്തം ചെയ്യു​ക​യും ചെയ്‌തി​രുന്ന കുട്ടി​കളെ കുറിച്ച്‌ യേശു​ക്രി​സ്‌തു പരാമർശി​ക്കു​ക​യു​ണ്ടാ​യി. (മത്തായി 11:16, 17) ഇസ്രാ​യേ​ല്യർ ഇപ്രകാ​രം കുട്ടി​ക​ളോട്‌ ആദര​വോ​ടെ ഇടപെ​ട്ടി​രു​ന്ന​തി​ന്റെ കാരണം എന്തായി​രു​ന്നു?

ഉന്നത തത്ത്വങ്ങൾ

ഇസ്രാ​യേ​ല്യർ ദൈവ​നി​യ​മങ്ങൾ പാലി​ച്ചി​രു​ന്നി​ട​ത്തോ​ളം കാലം അവർ തങ്ങളുടെ കുട്ടി​കളെ ദ്രോ​ഹി​ക്കു​ക​യോ ചൂഷണം ചെയ്യു​ക​യോ ചെയ്‌തി​രു​ന്നില്ല. (ആവർത്ത​ന​പു​സ്‌തകം 18:10, 11-നെ യിരെ​മ്യാ​വു 7:31-മായി താരത​മ്യം ചെയ്യുക.) അവർ തങ്ങളുടെ പുത്ര​ന്മാ​രെ​യും പുത്രി​മാ​രെ​യും “യഹോവ നല്‌കുന്ന അവകാശ”മായി, “പ്രതിഫല”മായി വീക്ഷി​ച്ചി​രു​ന്നു. (സങ്കീർത്തനം 127:3-5) ഒരു പിതാവ്‌ തന്റെ മക്കളെ ‘തന്റെ മേശെക്കു ചുറ്റു​മുള്ള ഒലിവു​തൈ​ക​ളെ​പോ​ലെ’ കരുതി—ഒലിവു​തൈകൾ ആ കർഷക സമൂഹത്തെ സംബന്ധി​ച്ചി​ട​ത്തോ​ളം അമൂല്യ​മാ​യി​രു​ന്നു! (സങ്കീർത്തനം 128:3-6) പുത്രൻ, പുത്രി എന്നീ വാക്കു​കൾക്കു പുറമേ കുട്ടികൾ എന്നതിന്‌ വേറെ ഒമ്പതു വാക്കുകൾ കൂടെ പുരാതന എബ്രായ ഭാഷയിൽ ഉണ്ടായി​രു​ന്നു എന്നും അവയിൽ ഓരോ​ന്നും ജീവി​ത​ത്തി​ന്റെ വ്യത്യസ്‌ത ഘട്ടങ്ങളെ കുറി​ക്കു​ന്ന​താ​യി​രു​ന്നു എന്നും ചരി​ത്ര​കാ​ര​നായ ആൽഫ്രഡ്‌ അഡർഷൈം പറയുന്നു. അദ്ദേഹം ഇങ്ങനെ നിഗമനം ചെയ്യുന്നു: “വളർച്ച​യു​ടെ ഓരോ ഘട്ടത്തെ​യും ചിത്രീ​ക​രി​ക്കുന്ന വാക്കു​കൾക്കു രൂപം നൽകത്ത​ക്ക​വി​ധം കുട്ടി​ക​ളു​ടെ ജീവി​തത്തെ സശ്രദ്ധം വീക്ഷി​ച്ചി​രു​ന്ന​വർക്ക്‌ തങ്ങളുടെ മക്കളോട്‌ അളവറ്റ വാത്സല്യം ഉണ്ടായി​രു​ന്നി​രി​ക്കണം, തീർച്ച.”

ക്രിസ്‌തീ​യ യുഗത്തിൽ, മക്കളോ​ടു മാന്യ​ത​യോ​ടും ആദര​വോ​ടും കൂടെ പെരു​മാ​റാൻ മാതാ​പി​താ​ക്കൾ ബുദ്ധി​യു​പ​ദേ​ശി​ക്ക​പ്പെ​ട്ടി​രു​ന്നു. കുട്ടി​ക​ളോ​ടു മാന്യ​മാ​യി പെരു​മാ​റുന്ന കാര്യ​ത്തിൽ യേശു വിശി​ഷ്ട​മായ മാതൃക വെച്ചു. യേശു​വി​ന്റെ ഭൗമിക ശുശ്രൂ​ഷ​യു​ടെ അവസാ​ന​ത്തോ​ട​ടുത്ത്‌ ഒരു സന്ദർഭ​ത്തിൽ ആളുകൾ തങ്ങളുടെ കൊച്ചു കുട്ടി​കളെ അവന്റെ അടുക്ക​ലേക്കു കൊണ്ടു​വ​രാൻ തുടങ്ങി. യേശു വളരെ തിരക്കി​ലാ​ണെ​ന്നും അതു​കൊണ്ട്‌ അവനെ ശല്യ​പ്പെ​ടു​ത്തേ​ണ്ടെ​ന്നും കരുതി​യി​ട്ടാ​കണം ശിഷ്യ​ന്മാർ അവരെ തടയാൻ ശ്രമിച്ചു. എന്നാൽ യേശു തന്റെ ശിഷ്യ​ന്മാ​രെ ശാസി​ക്കു​ക​യാ​ണു ചെയ്‌തത്‌: “ശിശു​ക്കളെ എന്റെ അടുക്കൽ വിടു​വിൻ, അവരെ തടുക്ക​രു​തു.” യേശു കുട്ടി​കളെ ‘അണെച്ചു പിടി’ക്കുക പോലും ചെയ്‌തു. കുട്ടി​കളെ വില​യേ​റി​യ​വ​രും ദയാപൂർവ​ക​മായ പെരു​മാ​റ്റ​ത്തി​നു യോഗ്യ​രും ആയി യേശു കണക്കാക്കി എന്നതിനു സംശയ​മില്ല.—മർക്കൊസ്‌ 10:14, 16; ലൂക്കൊസ്‌ 18:15-17.

പിന്നീട്‌ അപ്പൊ​സ്‌ത​ല​നായ പൗലൊസ്‌ പിതാ​ക്ക​ന്മാ​രോട്‌ ഇങ്ങനെ പറഞ്ഞു: “പിതാ​ക്കൻമാ​രേ, നിങ്ങളു​ടെ മക്കൾ അധൈ​ര്യ​പ്പെ​ടാ​തി​രി​ക്കേ​ണ്ട​തി​ന്നു അവരെ കോപി​പ്പി​ക്ക​രു​തു.” (കൊ​ലൊ​സ്സ്യർ 3:21) ഈ കൽപ്പന​യോ​ടുള്ള യോജി​പ്പിൽ അന്നത്തെ പോ​ലെ​തന്നെ ഇന്നും ക്രിസ്‌തീയ മാതാ​പി​താ​ക്കൾ തങ്ങളുടെ മക്കൾക്കു ദോഷം ചെയ്യുന്ന ചുറ്റു​പാ​ടിൽ പണി​യെ​ടു​ക്കാൻ ഒരിക്ക​ലും അവരെ അനുവ​ദി​ക്കില്ല. കുട്ടി​ക​ളു​ടെ ശാരീ​രി​ക​വും വൈകാ​രി​ക​വും ആത്മീയ​വു​മായ വളർച്ച​യ്‌ക്ക്‌ സ്‌നേഹം കളിയാ​ടുന്ന, കരുത​ലും സുരക്ഷി​ത​ത്വ​വും ഉള്ള ഒരു അന്തരീക്ഷം ആവശ്യ​മാണ്‌ എന്ന്‌ അവർ തിരി​ച്ച​റി​യു​ന്നു. മാതാ​പി​താ​ക്ക​ളു​ടെ ഭാഗത്ത്‌ യഥാർഥ സ്‌നേഹം വ്യക്തമാ​യും പ്രകട​മാ​യി​രി​ക്കണം. ആരോ​ഗ്യ​ത്തി​നു ഹാനി​ക​ര​മായ തൊഴിൽ സാഹച​ര്യ​ങ്ങ​ളിൽനി​ന്നു മക്കളെ സംരക്ഷി​ക്കു​ന്നത്‌ ഇതിൽ ഉൾപ്പെ​ടു​ന്നു.

ആധുനിക യാഥാർഥ്യ​ങ്ങൾ

“ഇടപെ​ടാൻ പ്രയാ​സ​മായ ദുർഘ​ട​സമയ”ത്താണു നാം ജീവി​ക്കു​ന്നത്‌ എന്നുള്ളതു ശരിയാണ്‌. (2 തിമൊ​ഥെ​യൊസ്‌ 3:1-5, NW) കടുത്ത സാമ്പത്തിക പരാധീ​ന​തകൾ മൂലം പല രാജ്യ​ങ്ങ​ളി​ലും, ക്രിസ്‌തീയ കുടും​ബ​ങ്ങ​ളിൽ ഉള്ളവർക്കു​പോ​ലും തങ്ങളുടെ മക്കളെ തൊഴിൽ ചെയ്യാൻ വിടേ​ണ്ട​തായ സാഹച​ര്യം ഉണ്ടാ​യേ​ക്കാം. മുമ്പു പറഞ്ഞതു​പോ​ലെ, ആരോ​ഗ്യാ​വ​ഹ​വും വിദ്യാ​ഭ്യാ​സ മൂല്യ​മു​ള്ള​തു​മായ തൊഴി​ലു​കൾ ചെയ്യാൻ കുട്ടി​കളെ അനുവ​ദി​ക്കു​ന്ന​തിൽ യാതൊ​രു തെറ്റു​മില്ല. ആവശ്യ​മായ വിദ്യാ​ഭ്യാ​സ​ത്തി​നും വിശ്ര​മ​ത്തി​നും വിനോ​ദ​ത്തി​നും തടസ്സം സൃഷ്ടി​ക്കാത്ത അത്തരം തൊഴിൽ കുട്ടി​യു​ടെ ശാരീ​രി​ക​മോ മാനസി​ക​മോ ആത്മീയ​മോ ധാർമി​ക​മോ സാമൂ​ഹി​ക​മോ ആയ വളർച്ചയെ ത്വരി​ത​പ്പെ​ടു​ത്തും.

നിസ്സം​ശ​യ​മാ​യും, മക്കൾ തങ്ങളുടെ സ്‌നേ​ഹ​പൂർവ​ക​മായ മേൽനോ​ട്ട​ത്തിൻ കീഴിൽ—ക്രൂര​രോ നിർദ​യ​രോ മനസ്സാ​ക്ഷി​യി​ല്ലാ​ത്ത​വ​രോ ആയ തൊഴി​ലു​ട​മ​ക​ളു​ടെ കീഴിലല്ല—ജോലി ചെയ്യാ​നാ​ണു ക്രിസ്‌തീയ മാതാ​പി​താ​ക്കൾ താത്‌പ​ര്യ​പ്പെ​ടുക. മക്കൾ ചെയ്യുന്ന എന്തു ജോലി​യും അവരെ ശാരീ​രി​ക​മോ ലൈം​ഗി​ക​മോ വൈകാ​രി​ക​മോ ആയി അപകട​പ്പെ​ടു​ത്തു​ക​യി​ല്ലെന്ന്‌ ഉറപ്പു​വ​രു​ത്താൻ അത്തരം മാതാ​പി​താ​ക്കൾ ആഗ്രഹി​ക്കും. കൂടാതെ, മക്കൾ കൺവെ​ട്ട​ത്തു​തന്നെ ഉണ്ടാക​ണ​മെ​ന്നും അവർക്കു നിർബ​ന്ധ​മാ​യി​രി​ക്കും. അങ്ങനെ​യാ​കു​മ്പോൾ അവർക്ക്‌ ആത്മീയ പ്രബോ​ധകർ എന്ന നിലയി​ലുള്ള തങ്ങളുടെ ബൈബി​ള​ധി​ഷ്‌ഠിത ധർമം നിർവ​ഹി​ക്കാൻ സാധി​ക്കും: “നീ [ദൈവ​ത്തി​ന്റെ വചനങ്ങൾ] നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്ക​യും വേണം.”—ആവർത്ത​ന​പു​സ്‌തകം 6:6, 7.

ഇതിനു പുറമേ, സഹാനു​ഭൂ​തി​യും സ്‌നേ​ഹ​വും ആർദ്രാ​നു​ക​മ്പ​യും ഉള്ളവനാ​യി​രി​ക്കാൻ ഒരു ക്രിസ്‌ത്യാ​നി​യോ​ടു പറയ​പ്പെ​ട്ടി​രി​ക്കു​ന്നു. (1 പത്രൊസ്‌ 3:8, NW) ‘എല്ലാവർക്കും നൻമ​ചെ​യ്യാൻ’ അയാൾ പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കു​ന്നു. (ഗലാത്യർ 6:10) മറ്റ്‌ ആളുക​ളോ​ടുള്ള പെരു​മാ​റ്റ​ത്തിൽ അത്തരം ദൈവിക ഗുണങ്ങൾ പ്രകട​മാ​ക്കേ​ണ്ട​താ​ണെ​ങ്കിൽ സ്വന്തം മക്കളോട്‌ അത്‌ എത്രയ​ധി​കം കാണി​ക്കണം! “മനുഷ്യർ നിങ്ങൾക്കു ചെയ്യേണം എന്നു നിങ്ങൾ ഇച്ഛിക്കു​ന്നതു ഒക്കെയും നിങ്ങൾ അവർക്കും ചെയ്‌വിൻ” എന്ന സുവർണ നിയമ​ത്തോ​ടുള്ള ചേർച്ച​യിൽ മറ്റുള്ള​വ​രു​ടെ മക്കളെ—അവർ സഹ ക്രിസ്‌ത്യാ​നി​ക​ളു​ടെ​യോ മറ്റു മതങ്ങളിൽ പെട്ടവ​രു​ടെ​യോ ആയി​ക്കൊ​ള്ളട്ടെ—ക്രിസ്‌ത്യാ​നി​കൾ ഒരിക്ക​ലും ചൂഷണം ചെയ്യു​ക​യില്ല. (മത്തായി 7:12) ഇതിനു പുറമേ, ക്രിസ്‌ത്യാ​നി​കൾ നിയമാ​നു​സാ​രി​ക​ളായ പൗരന്മാർ ആയതു​കൊണ്ട്‌, തങ്ങൾക്കു വേണ്ടി ജോലി ചെയ്യു​ന്ന​വ​രു​ടെ പ്രായ​പ​രി​ധി​യു​ടെ കാര്യ​ത്തിൽ ഗവൺമെന്റ്‌ വെച്ചി​ട്ടുള്ള നിയമങ്ങൾ ലംഘി​ക്കാ​തി​രി​ക്കാൻ അവർ ശ്രദ്ധയു​ള്ള​വ​രാ​യി​രി​ക്കും.—റോമർ 13:1.

യഥാർഥ പരിഹാ​രം

ഭാവി​യി​ലെ കാര്യ​മോ? കുട്ടി​കൾക്കും മുതിർന്ന​വർക്കും മെച്ചപ്പെട്ട ഒരു കാലം വരാൻ പോകു​ന്നു. ബാല​തൊ​ഴിൽ എന്ന പ്രശ്‌ന​ത്തി​നുള്ള ശാശ്വ​ത​മായ പരിഹാ​രം, “സ്വർഗ്ഗ​രാ​ജ്യം” എന്നു ബൈബിൾ വിളി​ക്കുന്ന, വരാനി​രി​ക്കുന്ന ഒരു ലോക ഗവൺമെന്റ്‌ ആണെന്ന്‌ സത്യ ക്രിസ്‌ത്യാ​നി​കൾ ഉറച്ചു വിശ്വ​സി​ക്കു​ന്നു. (മത്തായി 3:2) ദൈവ​ഭ​യ​മുള്ള ആളുകൾ നൂറ്റാ​ണ്ടു​ക​ളാ​യി അതിനു​വേണ്ടി പ്രാർഥി​ച്ചു​കൊ​ണ്ടി​രി​ക്കു​ന്നു: “സ്വർഗ്ഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ. നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.”—മത്തായി 6:9, 10.

ബാല​തൊ​ഴി​ലിന്‌ ഇടയാ​ക്കുന്ന സാഹച​ര്യ​ങ്ങ​ളും അതു​പോ​ലുള്ള മറ്റു സംഗതി​ക​ളും ഈ രാജ്യം നീക്കം ചെയ്യും. അത്‌ ദാരി​ദ്ര്യ​ത്തെ നിർമാർജനം ചെയ്യും. “ഭൂമി അതിന്റെ അനുഭവം തന്നിരി​ക്കു​ന്നു; ദൈവം, നമ്മുടെ ദൈവം തന്നേ, നമ്മെ അനു​ഗ്ര​ഹി​ക്കും.” (സങ്കീർത്തനം 67:6) ദൈവിക ഗുണങ്ങളെ അടിസ്ഥാ​ന​മാ​ക്കി​യുള്ള ഉചിത​മായ വിദ്യാ​ഭ്യാ​സം എല്ലാവർക്കും ലഭിക്കു​ന്നു​വെന്നു ദൈവ​രാ​ജ്യം ഉറപ്പു​വ​രു​ത്തും. “[ദൈവ​ത്തി​ന്റെ] ന്യായ​വി​ധി​കൾ ഭൂമി​യിൽ നടക്കു​മ്പോൾ ഭൂവാ​സി​കൾ നീതിയെ പഠിക്കും.”—യെശയ്യാ​വു 26:9.

അസമത്വ​ത്തിന്‌ ഇടയാ​ക്കുന്ന സാമ്പത്തിക വ്യവസ്ഥകൾ ദൈവ​ത്തി​ന്റെ ഗവൺമെന്റ്‌ ഇല്ലാതാ​ക്കും. വംശ​ത്തെ​യോ സമൂഹ​ത്തെ​യോ പ്രായ​ത്തെ​യോ ലിംഗ​ത്തെ​യോ അടിസ്ഥാ​ന​മാ​ക്കി​യുള്ള വിവേ​ചനം അന്നുണ്ടാ​യി​രി​ക്കില്ല. കാരണം, ആ ഗവൺമെ​ന്റി​ന്റെ പ്രമുഖ നിയമം, സ്‌നേ​ഹ​ത്തി​ന്റെ നിയമ​മാ​യി​രി​ക്കും. ഈ കൽപ്പന അതിൽ ഉൾപ്പെ​ട്ടി​രി​ക്കും: “കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം.” (മത്തായി 22:39) അത്തര​മൊ​രു നീതി​നി​ഷ്‌ഠ​മായ ലോക ഗവൺമെ​ന്റിൻ കീഴിൽ ബാല​തൊ​ഴിൽ എന്ന പ്രശ്‌നം പൂർണ​മാ​യും നീക്കം ചെയ്യ​പ്പെ​ട്ടി​രി​ക്കും!

[അടിക്കു​റി​പ്പു​കൾ]

[12-ാം പേജിലെ ചതുരം]

ഒരു വേശ്യാ​ലയ നടത്തി​പ്പു​കാ​രി തന്റെ കീഴി​ലുള്ള പെൺകു​ട്ടി​കളെ സ്വത​ന്ത്ര​രാ​ക്കു​ന്നു

കരീബി​യൻ ദ്വീപു​ക​ളി​ലൊ​ന്നി​ലാ​ണു സെസില്യയുടെb താമസം. 15 വർഷം അവർ അവിടെ ഒരു വേശ്യാ​ലയം നടത്തി​യി​രു​ന്നു. ഒരേ സമയത്ത്‌, 12 മുതൽ 15 വരെ പെൺകു​ട്ടി​കളെ അവർ വാങ്ങു​മാ​യി​രു​ന്നു, അവരിൽ മിക്കവ​രും 18 വയസ്സിനു താഴെ​യു​ള്ളവർ ആയിരു​ന്നു. വീട്ടു​കാർ വരുത്തി​വെച്ച കടബാ​ധ്യത നിമിത്തം വേശ്യാ​വൃ​ത്തി​യിൽ ഏർപ്പെ​ടാൻ നിർബ​ന്ധി​ത​രാ​യ​താ​യി​രു​ന്നു ഈ പെൺകു​ട്ടി​കൾ. സെസില്യ അവരുടെ കടം വീട്ടു​ക​യും പെൺകു​ട്ടി​കളെ തനിക്കു വേണ്ടി ജോലി ചെയ്യാൻ കൊണ്ടു​പോ​രു​ക​യും ചെയ്‌തു. അവർ സമ്പാദി​ക്കുന്ന പണം അവരുടെ ആഹാര​ത്തി​നും മറ്റ്‌ ആവശ്യ​ങ്ങൾക്കു​മാ​യി ചെലവ​ഴി​ച്ചി​രു​ന്ന​തോ​ടൊ​പ്പം ഒരംശം അവരെ വാങ്ങിയ വില ഈടാ​ക്കാ​നും നീക്കി വെച്ചി​രു​ന്നു. അവർ സ്വത​ന്ത്ര​രാ​ക​ണ​മെ​ങ്കിൽ വർഷങ്ങൾ കഴിയ​ണ​മാ​യി​രു​ന്നു. പെൺകു​ട്ടി​കൾ പുറത്തു പോകു​മ്പോ​ഴെ​ല്ലാം ഒരു പാറാ​വു​കാ​ര​നും കൂടെ​യു​ണ്ടാ​കും.

ഒരു സംഭവം സെസി​ല്യ​യു​ടെ ഓർമ​യിൽ മായാതെ കിടപ്പുണ്ട്‌. വേശ്യാ​വൃ​ത്തി ചെയ്‌തി​രുന്ന ഒരു പെൺകു​ട്ടി​യു​ടെ അമ്മ എല്ലാ ആഴ്‌ച​യും ഭക്ഷണ​പ്പൊ​തി​കൾ—മകൾ “തൊഴിൽ” ചെയ്‌ത്‌ ഉണ്ടാക്കുന്ന ആഹാരം—വാങ്ങാൻ വരുമാ​യി​രു​ന്നു. ആ പെൺകു​ട്ടിക്ക്‌ ഒരു മകൻ ഉണ്ടായി​രു​ന്നു. കടം വീട്ടാൻ അവൾക്കു കഴിഞ്ഞി​രു​ന്നില്ല. അതു​കൊ​ണ്ടു​തന്നെ സ്വാത​ന്ത്ര്യം ലഭിക്കു​ന്ന​തി​നെ കുറിച്ച്‌ അവൾക്ക്‌ യാതൊ​രു പ്രതീ​ക്ഷ​യും ഇല്ലായി​രു​ന്നു. അങ്ങനെ​യി​രി​ക്കെ ഒരു ദിവസം അവൾ തന്റെ ജീവ​നൊ​ടു​ക്കി, സെസി​ല്യ​യോ​ടു കുട്ടിയെ നോക്കാൻ അഭ്യർഥി​ച്ചു​കൊ​ണ്ടുള്ള ഒരു കുറി​പ്പും എഴുതി​വെ​ച്ചി​രു​ന്നു. തന്റെ നാലു മക്കളോ​ടൊ​പ്പം സെസില്യ ഈ ആൺകു​ട്ടി​യെ​യും വളർത്തി.

സെസി​ല്യ​യു​ടെ പെൺമ​ക്ക​ളിൽ ഒരാൾ യഹോ​വ​യു​ടെ സാക്ഷി​ക​ളു​ടെ മിഷന​റി​മാ​രോ​ടൊ​പ്പം ബൈബിൾ പഠിക്കാൻ തുടങ്ങി. അതിൽ പങ്കു​ചേ​രാൻ സെസി​ല്യ​യും പ്രോ​ത്സാ​ഹി​പ്പി​ക്ക​പ്പെട്ടു. എന്നാൽ എഴുത്തും വായന​യും അറിയാ​തി​രു​ന്ന​തു​കൊണ്ട്‌ അവർ ആദ്യം അതിനു വിസമ്മ​തി​ക്കു​ക​യാ​ണു ചെയ്‌തത്‌. എങ്കിലും ക്രമേണ, ബൈബി​ളിൽനി​ന്നുള്ള ചർച്ചകൾ കേൾക്കാൻ ഇടയാ​യ​പ്പോൾ അവർ ദൈവ​ത്തി​ന്റെ സ്‌നേ​ഹ​ത്തെ​യും ക്ഷമയെ​യും കുറിച്ചു മനസ്സി​ലാ​ക്കു​ക​തന്നെ ചെയ്‌തു. ക്ഷമിക്കാ​നുള്ള അവന്റെ മനസ്സൊ​രു​ക്കത്തെ അവർ വിലമ​തി​ച്ചു. (യെശയ്യാ​വു 43:25) ബൈബിൾ പഠിക്കാ​നുള്ള ആഗ്രഹ​ത്തോ​ടെ അവർ താമസി​യാ​തെ എഴുത്തും വായന​യും വശമാ​ക്കാൻ തുടങ്ങി. ബൈബിൾ പരിജ്ഞാ​ന​ത്തിൽ പുരോ​ഗതി പ്രാപി​ക്കവെ, ദൈവ​ത്തി​ന്റെ ഉന്നതമായ ധാർമിക നിലവാ​ര​ങ്ങൾക്കു ചേർച്ച​യിൽ പ്രവർത്തി​ക്കേ​ണ്ട​തി​ന്റെ ആവശ്യം അവർ മനസ്സി​ലാ​ക്കി.

ഒരു ദിവസം, പെൺകു​ട്ടി​കളെ അത്ഭുത​പ്പെ​ടു​ത്തി​ക്കൊണ്ട്‌ സെസില്യ അവരോ​ടു പൊയ്‌ക്കൊ​ള്ളാൻ പറഞ്ഞു! തങ്ങൾ ചെയ്‌തു​കൊ​ണ്ടി​രുന്ന പ്രവൃത്തി യഹോ​വയെ വളരെ​യ​ധി​കം അപ്രീ​തി​പ്പെ​ടു​ത്തുന്ന ഒന്നാ​ണെന്ന്‌ അവർ വിവരി​ച്ചു​കൊ​ടു​ത്തു. കൊടു​ത്തു തീർക്കാ​നുള്ള പണം അവർക്കാർക്കും തിരി​ച്ച​ട​യ്‌ക്കേണ്ടി വന്നില്ല. എങ്കിലും രണ്ടു പേർ അവരോ​ടൊ​പ്പം​തന്നെ താമസി​ച്ചു. വേറൊ​രു പെൺകു​ട്ടി ക്രമേണ സ്‌നാ​പ​ന​മേറ്റ ഒരു സാക്ഷി​യാ​യി തീർന്നു. സെസില്യ 11 വർഷമാ​യി ഒരു മുഴു​സമയ ബൈബിൾ അധ്യാ​പി​ക​യാണ്‌, ദൈവ​ത്തി​നു നിന്ദ വരുത്തു​ന്ന​തരം പ്രവൃ​ത്തി​ക​ളിൽനി​ന്നു വിട്ടു​പോ​രാൻ അവർ മറ്റാളു​കളെ ഇപ്പോൾ സഹായി​ക്കു​ന്നു.

[അടിക്കു​റിപ്പ്‌]