കല്ലിൽനി​ന്നു രത്‌ന​ത്തി​ലേക്ക്‌

ബെൽജിയത്തിലെ ഉണരുക! ലേഖകൻ

കണ്ണഞ്ചി​ക്കുന്ന അതിന്റെ മനോ​ഹാ​രിത, യുഗങ്ങ​ളോ​ളം അതിനെ ആളുക​ളു​ടെ പ്രിയ​ങ്ക​ര​മായ രത്‌ന​മാ​ക്കി മാറ്റി. പ്രകൃ​തി​യിൽ അറിയ​പ്പെ​ടു​ന്ന​തി​ലേ​ക്കും ഏറ്റവും കടുപ്പ​മേ​റിയ വസ്‌തു ആയതി​നാൽ പണി ആയുധ​ങ്ങ​ളി​ലും യന്ത്രസാ​മ​ഗ്രി​ക​ളി​ലും അതു വ്യാപ​ക​മാ​യി ഉപയോ​ഗി​ക്ക​പ്പെ​ടു​ന്നു. ഹൃദയ​ഹാ​രി​യായ ഈ കല്ലാണ്‌ വജ്രം.

ചില പ്രസിദ്ധ വജ്രങ്ങളെ ചുറ്റി​പ്പറ്റി കൗതു​ക​ക​ര​മായ കഥകളുണ്ട്‌. ഏഴു നൂറ്റാ​ണ്ടു​കൾക്കു മുമ്പ്‌ ഇന്ത്യയിൽ കണ്ടെത്തിയ “പ്രകാ​ശ​ത്തി​ന്റെ പർവതം” എന്ന്‌ അർഥം വരുന്ന കോഹി​നൂർ ഇത്തരത്തി​ലൊ​ന്നാണ്‌. നിയത​മായ ആകൃതി​യൊ​ന്നും ഇല്ലാതി​രുന്ന ഈ കല്ലിന്റെ തൂക്കം തുടക്ക​ത്തിൽ 191 കാരറ്റ്‌a ആയിരു​ന്നെ​ങ്കി​ലും, പിന്നീടു ചെത്തി​മി​നു​ക്കി​യ​പ്പോൾ 109 കാരറ്റ്‌ ആയി കുറഞ്ഞു. ഇനി, ഇതുവരെ കണ്ടെടു​ത്തു രൂപ​പ്പെ​ടു​ത്തി​യി​ട്ടു​ള്ള​തി​ലേ​ക്കും ഏറ്റവും വലിയ​തും ബ്രിട്ടീഷ്‌ മകുട​ര​ത്‌ന​ങ്ങ​ളിൽ (British crown jewels) ഒന്നുമായ കൂളിനൻ എന്ന വജ്രവു​മുണ്ട്‌.

ശിലയിൽ നിന്നു രത്‌ന​ത്തി​ലേക്ക്‌

ഒരു വജ്രം അതിമ​നോ​ഹ​ര​മായ ഒരു രത്‌ന​മാ​ക്കി മാറ്റു​ന്ന​തിൽ ധാരാളം പണി ഉൾപ്പെ​ട്ടി​രി​ക്കു​ന്നു. മിക്ക വജ്രങ്ങ​ളും ഭൂമി​ക്ക​ടി​യിൽ നിന്നും കുഴി​ച്ചെ​ടു​ക്കേ​ണ്ട​താ​യുണ്ട്‌. ഒരു കാരറ്റ്‌ ശുദ്ധവ​ജ്രം ലഭിക്കു​ന്ന​തി​നാ​യി ശരാശരി 250 ടൺ മണ്ണു കുഴി​ച്ചെ​ടുത്ത്‌ അരി​ക്കേ​ണ്ടി​വ​രും. പ്രതി​വർഷം ഖനനം ചെയ്യ​പ്പെ​ടുന്ന നാലു മുതൽ അഞ്ചു വരെ കോടി കാരറ്റി​ന്റെ ചെറിയ ഒരു അംശം മാത്രമേ ആഭരണ​ങ്ങൾക്കാ​യി ഉപയോ​ഗ​പ്പെ​ടു​ത്താ​നാ​കൂ.

മുറിച്ചു മിനു​സ​പ്പെ​ടു​ത്തു​ന്ന​തി​നു മുമ്പായി വജ്രങ്ങളെ വലിപ്പം, സ്‌ഫുടത, നിറം, ആകൃതി എന്നിവ​യു​ടെ അടിസ്ഥാ​ന​ത്തിൽ തരംതി​രി​ക്കേ​ണ്ട​തുണ്ട്‌. ആ സമയത്ത്‌, മിക്കവാ​റും എല്ലാ വജ്രങ്ങ​ളി​ലും തന്നെ മാലി​ന്യ​ങ്ങൾ ഉണ്ടാകും. പക്ഷേ ചില​പ്പോൾ വജ്രത്തി​ന്റെ ഒരു ഭാഗം കുറെ​യൊ​ക്കെ​യോ അല്ലെങ്കിൽ മുഴു​വ​നാ​യോ മാലി​ന്യ​മി​ല്ലാ​ത്ത​താ​യി​രു​ന്നേ​ക്കാം. അങ്ങനെ ഉള്ളപ്പോൾ, മാലി​ന്യ​വി​മു​ക്ത​മായ ഭാഗം ഒന്നുകിൽ പൊട്ടി​ച്ചെ​ടു​ക്കു​ക​യോ അല്ലെങ്കിൽ അറുത്തു​മാ​റ്റു​ക​യോ ചെയ്യുന്നു. വലിപ്പ​മേ​റി​യ​തും വിലപി​ടി​പ്പു​ള്ള​തു​മായ ഒരു കല്ലാണ്‌ ഉൾപ്പെ​ട്ടി​രി​ക്കു​ന്ന​തെ​ങ്കിൽ, അതിൽ കൈ​വെ​ക്കു​ന്ന​തി​നു മുമ്പു ചില​പ്പോൾ മാസങ്ങ​ളോ​ളം തന്നെ ശിൽപ്പി​കൾ അതു വളരെ ശ്രദ്ധാ​പൂർവം പഠനവി​ധേ​യ​മാ​ക്കു​ന്നു. ഇതു മനസ്സി​ലാ​ക്കുക എളുപ്പ​മാണ്‌, കാരണം ഒരൊറ്റ കൈപ്പിഴ മതി അതിന്റെ വിലയിൽ വൻഇടി​വു സംഭവി​ക്കാൻ അല്ലെങ്കിൽ കല്ല്‌ മൊത്ത​ത്തിൽ ഉപയോ​ഗ​ശൂ​ന്യ​മാ​കാൻ.

ഒടുവിൽ, വജ്രത്തെ മിനു​സ​പ്പെ​ടു​ത്തു​ന്നു. ഇങ്ങനെ അതിന്റെ ആകൃതി​ക്കു ചേരുന്ന ഒളിമു​ഖങ്ങൾ (facets) അതിനു ലഭിക്കു​ന്നു. ഈ ഒളിമു​ഖങ്ങൾ പ്രകാശം പ്രതി​ഫ​ലി​പ്പി​ക്കു​ന്ന​തി​നുള്ള വജ്രത്തി​ന്റെ പ്രാപ്‌തി സമ്പുഷ്ട​മാ​ക്കു​ന്നു. അങ്ങനെ അതിന്‌ ഇത്രയ​ധി​കം ജനപ്രീ​തി നേടി​ക്കൊ​ടു​ക്കുന്ന ഉജ്ജ്വല​കാ​ന്തി കൈവ​രു​ന്നു.

അടുത്ത തവണ നിങ്ങൾ ഉജ്ജ്വല​ശോ​ഭ​യു​ള്ള​തും വശ്യമ​നോ​ഹ​ര​വു​മായ ഒരു രത്‌നം കാണു​മ്പോൾ, ഖനകരു​ടെ കഠിനാ​ധ്വാ​ന​വും അതീവ കൃത്യ​ത​യോ​ടെ അവ രൂപ​പ്പെ​ടു​ത്തി​യെ​ടുത്ത ശിൽപ്പി​ക​ളു​ടെ വൈദ​ഗ്‌ധ്യ​വും ഓർമി​ക്കുക. അവരെ കൂടാതെ ഒരു വജ്രത്തിന്‌, അനാകർഷ​ക​മായ കല്ലിൽ നിന്ന്‌ അഴകുറ്റ ഒരു രത്‌ന​മാ​യി മാറാൻ ഒരിക്ക​ലും കഴിയി​ല്ലാ​യി​രു​ന്നു.

[അടിക്കു​റിപ്പ്‌]