നമ്മുടെ കുരു​ന്നു​കളെ ആർ സംരക്ഷി​ക്കും?

കുട്ടി​ക​ളോ​ടുള്ള ദുഷ്‌പെ​രു​മാ​റ്റം ഇപ്പോൾ ഒരു ആഗോള പ്രശ്‌ന​മാ​യി അംഗീ​ക​രി​ക്ക​പ്പെ​ട്ടി​രി​ക്കു​ന്നു എന്ന അറിവ്‌ പ്രോ​ത്സാ​ഹ​ജ​ന​ക​മാണ്‌. കുട്ടി​കളെ വാണിജ്യ അടിസ്ഥാ​ന​ത്തിൽ ലൈം​ഗി​ക​മാ​യി ചൂഷണം ചെയ്യു​ന്ന​തി​നെ​തി​രെ നടന്ന, 130 രാജ്യ​ങ്ങ​ളി​ലെ പ്രതി​നി​ധി​കൾ പങ്കെടുത്ത സ്റ്റോക്ക്‌ഹോം സമ്മേളനം പോലു​ള്ളവ ഈ പ്രശ്‌ന​ത്തിൽ ശ്രദ്ധ പതിപ്പി​ച്ചി​ട്ടുണ്ട്‌.

ഇതിനു​പു​റ​മേ, ചില രാജ്യങ്ങൾ ലൈം​ഗിക ടൂറി​സ​വും കുട്ടി​കളെ അനാശാ​സ്യ നടപടി​കൾക്ക്‌ ഉപയോ​ഗി​ക്കു​ന്ന​തും കുറ്റക​ര​മാ​ക്കുന്ന നിയമങ്ങൾ ഇപ്പോൾ പാസ്സാ​ക്കു​ന്നുണ്ട്‌. ചില രാജ്യ​ങ്ങ​ളാ​ണെ​ങ്കിൽ അറിയ​പ്പെ​ടുന്ന ബാലര​തി​പ്രി​യരെ കുറി​ച്ചുള്ള വിവരങ്ങൾ അടങ്ങിയ ഒരു രജിസ്റ്റർ സൂക്ഷി​ക്കു​ക​പോ​ലും ചെയ്യുന്നു, അതു നിമിത്തം കുട്ടി​കളെ എളുപ്പ​ത്തിൽ വലയിൽ കുടു​ക്കാൻ അത്തരക്കാർക്കു കഴിയു​ന്നില്ല.

കുട്ടി​ക​ളെ സംരക്ഷി​ക്കാ​നുള്ള നിയമങ്ങൾ പാസ്സാ​ക്കി​ക്കൊണ്ട്‌ അവർക്ക്‌ മെച്ചമായ ഒരു ജീവിതം ഉണ്ടാക്കി​ക്കൊ​ടു​ക്കാൻ ശ്രമി​ക്കു​ന്ന​വ​രും ഉണ്ട്‌. കുട്ടി​ക​ളെ​ക്കൊ​ണ്ടു പണി​യെ​ടു​പ്പിച്ച്‌ ഉണ്ടാക്കിയ ഉത്‌പ​ന്നങ്ങൾ വാങ്ങാൻ ചില രാജ്യ​ങ്ങ​ളും വ്യക്തി​ക​ളും വിസമ്മ​തി​ക്കു​ന്നു.

കുട്ടി​ക​ളോ​ടു​ള്ള ദ്രോഹം സമൂഹ​ത്തിൽ നിന്നു തുടച്ചു നീക്കാ​നുള്ള അത്തരം ശ്രമങ്ങൾ തീർച്ച​യാ​യും വിലമ​തി​ക്ക​ത്തക്കവ ആണെങ്കി​ലും നാം യാഥാർഥ്യ​ബോ​ധം ഉള്ളവർ ആയിരി​ക്കണം. കുട്ടി​ക​ളോ​ടുള്ള ദുഷ്‌പെ​രു​മാ​റ്റം സമൂഹ​ത്തിൽ വളരെ ആഴമായി വേരോ​ടി​യി​രി​ക്കു​ന്നു​വെന്നു നാം തിരി​ച്ച​റി​യണം. ഒരു നിയമം പാസ്സാ​ക്കു​ന്ന​തു​പോ​ലുള്ള നിസ്സാര പരിഹാ​ര​മാർഗങ്ങൾ കൊണ്ട്‌ നമ്മുടെ കുട്ടി​കൾക്കു പൂർണ സംരക്ഷണം പ്രദാനം ചെയ്യാൻ കഴിയും എന്നു ചിന്തി​ക്കു​ന്നതു ബുദ്ധി​ശൂ​ന്യ​മാണ്‌. പല നിയമ​ങ്ങ​ളും ഇതി​നോ​ട​കം​തന്നെ പ്രാബ​ല്യ​ത്തിൽ വന്നിട്ടു​ണ്ടെ​ങ്കി​ലും മിക്ക​പ്പോ​ഴും നോക്കു​കു​ത്തി​കളെ പോലെ നിൽക്കാ​നേ അവയ്‌ക്കു കഴിഞ്ഞി​ട്ടു​ള്ളൂ. കുട്ടി​ക​ളു​ടെ ജന്മാവ​കാ​ശങ്ങൾ നിരവധി നിയമ​ങ്ങ​ളു​ടെ സഹായ​ത്താൽ സംരക്ഷി​ക്ക​പ്പെ​ടേ​ണ്ടി​വ​രു​ന്നു എന്നതു​തന്നെ മുതിർന്ന​വ​രു​ടെ ദുഷ്‌കൃ​ത്യ​ത്തി​ന്റെ വ്യാപ്‌തിക്ക്‌ ഒരു സാക്ഷ്യ​പ​ത്ര​മാണ്‌.

നിയമ​ങ്ങൾകൊണ്ട്‌ കുട്ടി​കൾക്ക്‌ ആത്യന്തി​ക​മാ​യി സംരക്ഷണം നൽകാൻ കഴിയില്ല. ഒട്ടേറെ ഗവൺമെ​ന്റു​കൾ ഒപ്പു​വെ​ച്ചി​ട്ടുള്ള, ‘യുഎൻ ബാലജന അവകാശ ഉടമ്പടി’ പോലു​ള്ളവ ഇക്കാര്യ​ത്തിൽ എത്രമാ​ത്രം ഫലകര​മാ​യി​രു​ന്നു എന്നു പരി​ശോ​ധി​ച്ചാൽ ഇതു മനസ്സി​ലാ​ക്കാ​വു​ന്ന​തേ​യു​ള്ളൂ. കടുത്ത സാമ്പത്തിക ഞെരുക്കം അനുഭ​വി​ക്കുന്ന ഈ ഗവൺമെ​ന്റു​ക​ളിൽ പലതും തങ്ങളുടെ രാജ്യത്തെ കുട്ടി​കൾക്കെ​തി​രെ​യുള്ള ചൂഷണം നിർത്ത​ലാ​ക്കാൻ വേണ്ടതു ചെയ്യു​ന്നി​ല്ലെന്നു വ്യക്തമാ​യി തെളി​ഞ്ഞി​രി​ക്കു​ന്നു. കുട്ടി​ക​ളോ​ടുള്ള ദ്രോഹം ഒരു വലിയ അന്താരാ​ഷ്‌ട്ര പ്രശ്‌ന​മാ​യി​ത്തന്നെ തുടരു​ക​യാണ്‌.

മാതാ​പി​താ​ക്കൾക്കു വളരെ​യ​ധി​കം ചെയ്യാൻ കഴിയും

വിജയ​പ്ര​ദ​മാ​യി മക്കളെ വളർത്തി​ക്കൊ​ണ്ടു​വ​രിക എന്നതു ശ്രമക​ര​മായ ഒരു ദൗത്യ​മാണ്‌. അതിനാ​യി പലതും ബലി കഴി​ക്കേ​ണ്ടി​വ​രും. എന്നാൽ ബലി കഴിക്ക​പ്പെ​ടു​ന്നത്‌ തങ്ങളുടെ മക്കളല്ല എന്ന്‌ ചിന്തയുള്ള മാതാ​പി​താ​ക്കൾ ഉറപ്പാ​ക്കും. മിക്ക​പ്പോ​ഴും, “മക്കളെ വളർത്തു​ന്നത്‌ ഒരു ഹോബി​യാ​യി​ട്ടാ​ണു കണക്കാ​ക്ക​പ്പെ​ടു​ന്നത്‌” എന്ന്‌ മക്ലേൻസ്‌ മാസിക അഭി​പ്രാ​യ​പ്പെ​ടു​ന്നു. ഒരു കളിപ്പാ​ട്ടം വലി​ച്ചെ​റി​യാ​നോ ഒരു ഹോബി വേണ്ടെന്നു വെക്കാ​നോ കഴിയും, എന്നാൽ മക്കളെ വളർത്തു​ന്നത്‌ ഒരു ദൈവദത്ത ഉത്തരവാ​ദി​ത്വം ആണ്‌.

ഒരു നല്ല അച്ഛനോ അമ്മയോ ആയിരു​ന്നു​കൊണ്ട്‌ സന്തോ​ഷ​വും സുരക്ഷി​ത​ത്വ​വും കളിയാ​ടുന്ന ബാല്യം ആസ്വദി​ക്കാൻ മക്കളെ സഹായി​ക്കു​ന്ന​താണ്‌ നിങ്ങളു​ടെ കുട്ടി​കൾക്കു നൽകാൻ കഴിയു​ന്ന​തി​ലേ​ക്കും ഏറ്റവും വില​യേ​റിയ സമ്മാനം. അത്തരം ഒരു സുരക്ഷി​ത​ത്വം സാമൂ​ഹിക-സാമ്പത്തിക നിലവാ​രത്തെ ആശ്രയി​ച്ചി​രി​ക്കു​ന്നില്ല. നിങ്ങളു​ടെ കുട്ടി​കൾക്കു നിങ്ങളെ ആവശ്യ​മാണ്‌—നിങ്ങളു​ടെ സ്‌നേ​ഹ​വും വാത്സല്യ​വും സമയവു​മെ​ല്ലാം. ഭീഷണി നേരി​ടു​മ്പോൾ നിങ്ങൾ ഒപ്പം ഉണ്ടെന്ന ഉറപ്പ്‌ അവർക്ക്‌ ആവശ്യ​മാണ്‌. നിങ്ങൾ ചൊല്ലി​ക്കൊ​ടു​ക്കുന്ന കഥകൾ കേൾക്കാൻ, നിങ്ങളെ ഒരു മാതൃ​കാ​പാ​ത്രം ആയി കാണാൻ അവർ ആഗ്രഹി​ക്കു​ന്നു. നിങ്ങളിൽനി​ന്നുള്ള സ്‌നേ​ഹ​പൂർവ​ക​മായ ശിക്ഷണ​വും അവർക്ക്‌ ആവശ്യ​മാണ്‌.

ലൈം​ഗിക ധാർമി​ക​ത​യു​ടെ കാര്യ​ത്തിൽ, മാതാ​പി​താ​ക്കൾ കുടും​ബാം​ഗ​ങ്ങ​ളോ​ടുള്ള ഇടപെ​ട​ലിൽ മാന്യത പുലർത്തേ​ണ്ട​താണ്‌. കുട്ടി​ക​ളു​ടെ മനസ്സി​നോ​ടും ശരീര​ത്തോ​ടും അവർ ആദരവു പ്രകടി​പ്പി​ക്കണം. ധാർമിക വിഷയ​ത്തിൽ മാതാ​പി​താ​ക്കൾ കൽപ്പി​ച്ചി​ട്ടുള്ള അതിരു​കൾ ലംഘി​ക്കുന്ന പ്രവൃ​ത്തി​കൾ ഏതൊ​ക്കെ​യെന്നു കുട്ടികൾ വളരെ വേഗം പഠി​ച്ചെ​ടു​ക്കു​ന്നു. വീടിന്‌ അകത്തും പുറത്തും എങ്ങനെ പെരു​മാ​റണം എന്ന്‌ അവരെ പഠിപ്പി​ക്കണം. ഇക്കാര്യ​ത്തിൽ നിങ്ങൾ പരാജ​യ​പ്പെ​ടു​ന്ന​പക്ഷം നിങ്ങൾക്കു പകരം മറ്റാ​രെ​ങ്കി​ലു​മാ​യി​രി​ക്കും അതു ചെയ്യുക, പരിണ​ത​ഫലം നിങ്ങൾക്കു സഹിക്കാൻ പറ്റി​യെന്നു വരില്ല. ധാർമി​ക​ത​യ്‌ക്കെ​തി​രെ ഭീഷണി ഉയരു​ന്ന​പക്ഷം എങ്ങനെ പ്രതി​ക​രി​ക്കണം എന്നു കുട്ടി​കൾക്കു മനസ്സി​ലാ​ക്കി​ക്കൊ​ടു​ക്കുക. ശരീര​ത്തി​ലെ സ്വകാ​ര്യ​ഭാ​ഗ​ങ്ങ​ളു​ടെ ഉപയോ​ഗം അവർ അറിഞ്ഞി​രി​ക്കട്ടെ. അവ ദുരു​പ​യോ​ഗം ചെയ്യാൻ പാടി​ല്ലെന്ന്‌ അവരെ പഠിപ്പി​ക്കുക. അവരെ മുത​ലെ​ടു​ക്കാൻ ആരെങ്കി​ലും ശ്രമി​ക്കു​ന്നെ​ങ്കിൽ എങ്ങനെ പ്രതി​ക​രി​ക്കണം എന്ന്‌ അവർക്കു പറഞ്ഞു​കൊ​ടു​ക്കുക.

നിങ്ങളു​ടെ കുട്ടി എവി​ടെ​യാ​ണെ​ന്നും ആരുടെ കൂടെ​യാ​ണെ​ന്നും എപ്പോ​ഴും അറിഞ്ഞി​രി​ക്കണം. കുട്ടി​യു​ടെ അടുത്ത സുഹൃ​ത്തു​ക്കൾ ആരാണ്‌? നിങ്ങളു​ടെ അഭാവ​ത്തിൽ കുട്ടിയെ നോക്കു​ന്നത്‌ ആരാണ്‌? അവർ വിശ്വാ​സ​യോ​ഗ്യ​രാ​ണോ? എന്നാൽ, അച്ഛനോ അമ്മയോ എല്ലാവ​രെ​യും സംശയ​ദൃ​ഷ്ടി​യോ​ടെ വീക്ഷി​ക്കണം എന്ന്‌ ഇതിനർഥ​മില്ല. കുട്ടി​യു​ടെ ജീവി​ത​ത്തി​ലേക്കു കടന്നു​വ​രുന്ന മുതിർന്ന വ്യക്തി​കളെ കുറിച്ച്‌ ഉചിത​മായ വിലയി​രു​ത്തൽ നടത്തുക, പുറമേ കാണു​ന്ന​തി​നും അപ്പുറ​ത്തേക്കു നോക്കുക.

തങ്ങൾ വിശ്വാ​സം അർപ്പി​ച്ചി​രുന്ന പുരോ​ഹി​ത​ന്മാ​രോ അധ്യാ​പ​ക​രോ അടുത്ത കുടും​ബാം​ഗ​ങ്ങ​ളോ​തന്നെ കുട്ടിയെ ചൂഷണം ചെയ്‌തി​രി​ക്കു​ന്ന​താ​യി വളരെ വൈകി മാത്രം കണ്ടെത്തിയ മാതാ​പി​താ​ക്കൾക്ക്‌ അനുഭ​വ​പ്പെട്ട ഹൃദയ​വേ​ദ​നയെ കുറിച്ചു ചിന്തി​ച്ചു​നോ​ക്കൂ. ഒരു അച്ഛൻ അല്ലെങ്കിൽ അമ്മ എന്ന നിലയിൽ ഈ ചോദ്യ​ങ്ങൾ സ്വയം ചോദി​ക്കു​ന്നതു നല്ലതാ​യി​രി​ക്കും: ‘എന്റെ സഭ കുട്ടി​ക​ളോ​ടുള്ള ദുഷ്‌പെ​രു​മാ​റ്റത്തെ വെച്ചു​പൊ​റു​പ്പി​ക്കു​ക​യോ മൂടി​വെ​ക്കു​ക​യോ ചെയ്യു​ന്നു​ണ്ടോ? എന്റെ മതം ഉയർന്ന ധാർമിക തത്ത്വങ്ങൾ മുറുകെ പിടി​ക്കു​ന്നു​ണ്ടോ? അത്തരം ചോദ്യ​ങ്ങൾക്കുള്ള ഉത്തരങ്ങൾ നിങ്ങളു​ടെ മക്കളെ സംരക്ഷി​ക്കു​ന്ന​തിൽ ജ്ഞാനപൂർവ​ക​മായ തിര​ഞ്ഞെ​ടു​പ്പു​കൾ നടത്താൻ നിങ്ങളെ സഹായി​ക്കും.

സർവോ​പ​രി, മുമ്പ്‌ പ്രതി​പാ​ദി​ച്ച​തരം അപകട​ങ്ങ​ളിൽനിന്ന്‌ അവരെ സംരക്ഷി​ക്കുന്ന, സ്രഷ്ടാ​വി​ന്റെ തത്ത്വങ്ങൾ അറിയാ​നും അവയെ സ്‌നേ​ഹി​ക്കാ​നും അവരെ സഹായി​ക്കാൻ ശ്രമി​ക്കുക. ഉയർന്ന ധാർമിക തത്ത്വങ്ങ​ളോ​ടുള്ള തങ്ങളുടെ മാതാ​പി​താ​ക്ക​ളു​ടെ ആദരവു കാണു​മ്പോൾ അവർ ആ നല്ല മാതൃക പിൻപ​റ്റാൻ കൂടുതൽ സന്നദ്ധരാ​യി​രി​ക്കും.

യഥാർഥ​ത്തി​ലുള്ള ഒരേ​യൊ​രു പരിഹാ​രം

തീർച്ച​യാ​യും, നിയമ​ങ്ങൾകൊ​ണ്ടോ ദീർഘ​കാല ജയിൽശി​ക്ഷ​കൾകൊ​ണ്ടോ നമ്മുടെ കുട്ടി​കൾക്കു യഥാർഥ സംരക്ഷണം നൽകാൻ കഴിയില്ല. എന്നാൽ, തന്റെ നിശ്വസ്‌ത വചനമായ ബൈബി​ളി​ലൂ​ടെ മൃഗതു​ല്യ​രായ ആളുക​ളു​ടെ ചിന്തയ്‌ക്കു മാറ്റം വരുത്തി അവരെ സമുദാ​യ​ത്തി​ലെ നല്ല പെരു​മാ​റ്റം കാഴ്‌ച​വെ​ക്കുന്ന സ്‌നേ​ഹ​സ​മ്പ​ന്ന​രും ധർമി​ഷ്‌ഠ​രും സത്‌സ്വ​ഭാ​വി​ക​ളും ആയ വ്യക്തി​ക​ളാ​ക്കി​ത്തീർക്കാൻ സ്രഷ്ടാ​വി​നു കഴിയും.

ഇതു സാധ്യ​മാ​ണെന്ന്‌ ഇതി​നോ​ടകം തെളിഞ്ഞു കഴിഞ്ഞി​രി​ക്കു​ന്നു. ലൈം​ഗിക തൃഷ്‌ണ​യ്‌ക്ക്‌ അടിപ്പെട്ട ജീവി​ത​രീ​തി ഉപേക്ഷിച്ച ഒട്ടേറെ ആളുകൾ ഉണ്ട്‌. ദൈവ​വ​ച​ന​ത്തി​ന്റെ ശക്തിയു​ടെ ജീവി​ക്കുന്ന തെളി​വു​ക​ളാണ്‌ അവർ. ശരിയായ നടപടി ഇതാ​ണെ​ങ്കി​ലും ദുഷ്‌പ്ര​വൃ​ത്തി​ക്കാ​രിൽ ഭൂരി​ഭാ​ഗ​വും സ്വഭാ​വ​ത്തി​നു മാറ്റം വരുത്താൻ പോകു​ന്നില്ല. അതു​കൊ​ണ്ടാണ്‌ നമ്മുടെ കുട്ടി​കളെ ചൂഷണം ചെയ്യുന്ന ഏവരും അതു​പോ​ലെ​തന്നെ അവരുടെ തത്ത്വശാ​സ്‌ത്ര​ങ്ങ​ളും ലൈം​ഗിക തൃഷ്‌ണ​ക​ളും അത്യാ​ഗ്ര​ഹ​വും എല്ലാം പെട്ടെ​ന്നു​തന്നെ ഭൂമി​യിൽനി​ന്നു തുടച്ചു നീക്ക​പ്പെ​ടും എന്ന്‌ യഹോ​വ​യാം ദൈവം വാഗ്‌ദാ​നം ചെയ്‌തി​രി​ക്കു​ന്നത്‌.—1 യോഹ​ന്നാൻ 2:15-17.

ദൈവ​ത്തി​ന്റെ പുതിയ ലോക​ത്തിൽ, ദാരി​ദ്ര്യം മേലാൽ ഇല്ലാതി​രി​ക്കു​മ്പോൾ കുട്ടികൾ എല്ലാവ​രും സ്വസ്ഥവും പീഡന​വി​മു​ക്ത​വു​മായ ബാല്യം ആസ്വദി​ക്കും. കാരണം അത്‌ അവരുടെ ദൈവദത്ത അവകാ​ശ​മാണ്‌. കുട്ടി​ക​ളോ​ടുള്ള അതി​ക്ര​മ​ത്തി​നു മാത്രമല്ല ഇന്ന്‌ ആളുക​ളു​ടെ ജീവി​തത്തെ കുത്തി​നോ​വി​ക്കുന്ന വേദനാ​ജ​ന​ക​മായ എല്ലാ സംഗതി​ക​ളു​ടെ​യും ഓർമ​കൾക്കും അത്‌ അന്ത്യം കുറി​ക്കും: “മുമ്പി​ലെത്തവ ആരും ഓർക്കു​ക​യില്ല; ആരു​ടെ​യും മനസ്സിൽ വരിക​യു​മില്ല.”—യെശയ്യാ​വു 65:17.

അങ്ങനെ ദൈവ​ത്തി​ന്റെ പുതിയ ലോക​ത്തിൽ യേശു​ക്രി​സ്‌തു​വി​ന്റെ ഈ വാക്കുകൾ ഒരു മഹത്തായ അർഥത്തിൽ നിവൃ​ത്തി​യാ​കും: “ശിശു​ക്കളെ എന്റെ അടുക്കൽ വരുവാൻ വിടു​വിൻ; അവരെ തടുക്ക​രു​തു; സ്വർഗ്ഗ​രാ​ജ്യം [മനുഷ്യ​വർഗ​ത്തി​ന്റെ പറുദീ​സാ ഭവനമായ ഭൂമി​മേൽ ഭരിക്കുന്ന ഭരണകൂ​ടം] ഇങ്ങനെ​യു​ള്ള​വ​രു​ടേ​ത​ല്ലോ.”—മത്തായി 19:14.

[9-ാം പേജിലെ ചിത്രം]

ലൈംഗിക ഭീഷണി​യെ നേരി​ടു​മ്പോൾ എങ്ങനെ പ്രതി​ക​രി​ക്കണം എന്നു കുട്ടിയെ നയപൂർവം പഠിപ്പി​ക്കു​ക

[9-ാം പേജിലെ ചിത്രം]

നല്ല അച്ഛനോ അമ്മയോ ആയിരി​ക്കു​ന്ന​താ​ണു നിങ്ങളു​ടെ കുട്ടിക്കു നൽകാൻ കഴിയുന്ന ഏറ്റവും വില​യേ​റിയ സമ്മാനം

[9-ാം പേജിലെ ചിത്രം]

സ്രഷ്‌ടാവിന്റെ ഉദ്ദേശ്യ​ങ്ങ​ളെ​യും തത്ത്വങ്ങ​ളെ​യും കുറിച്ചു പഠിക്കാൻ മക്കളെ സഹായി​ക്കു​ക

[10-ാം പേജിലെ ചിത്രം]

ദൈവത്തിന്റെ പുതിയ ലോക​ത്തിൽ എല്ലാ കുട്ടി​ക​ളും പൂർണ​മായ അളവിൽ ബാല്യ​കാ​ലം ആസ്വദി​ക്കും