ഒരു ആഗോള പ്രതി​സ​ന്ധി

ബ്രസീ​ലി​ലെ തെരു​വു​കു​ട്ടി​ക​ളു​ടെ ദാരു​ണ​മായ കൂട്ട​ക്കൊല, പരിത്യ​ക്ത​രായ കുട്ടികൾ അഭിമു​ഖീ​ക​രി​ക്കുന്ന അപകട​ത്തി​ന്റെ മറ്റൊരു ഉദാഹ​ര​ണ​മാണ്‌. ഓരോ വർഷവും നൂറു കണക്കിനു കുട്ടികൾ കൊല ചെയ്യ​പ്പെ​ടു​ന്ന​താ​യി ആ രാജ്യ​ത്തു​നി​ന്നുള്ള റിപ്പോർട്ടു​കൾ പറയുന്നു.

സ്‌കോ​ട്ട്‌ലൻഡി​ലെ ഡൺബ്ലേ​നി​ലും ഇംഗ്ലണ്ടി​ലെ വൂൾവെർഹാം​പ്‌റ്റ​ണി​ലും മറ്റ്‌ അനേകം പ്രദേ​ശ​ങ്ങ​ളി​ലും കുട്ടി​കൾക്കു​നേരെ മൃഗീ​യ​മായ ആക്രമണം നടന്നി​ട്ടുണ്ട്‌. അംഗോ​ള​യി​ലെ അനാഥ​യായ 12 വയസ്സു​കാ​രി മരിയ​തന്നെ ഉദാഹ​രണം. ബലാത്സം​ഗ​ത്തിന്‌ ഇരയായ അവൾ ഗർഭി​ണി​യാ​യി. പിന്നീട്‌ ഏതാണ്ട്‌ 320 കിലോ​മീ​റ്റർ അകലെ​യുള്ള ഒരു സ്ഥലത്തേക്ക്‌ അവൾക്കു കാൽന​ട​യാ​യി യാത്ര ചെയ്യേ​ണ്ടി​വന്നു. അവി​ടെ​വെച്ച്‌ മാസം തികയു​ന്ന​തി​നു മുമ്പേ അവൾ പ്രസവി​ച്ചു. കുട്ടി രണ്ടാഴ്‌ചയേ ജീവി​ച്ചി​രു​ന്നു​ള്ളൂ. രോഗ​വും വികല​പോ​ഷ​ണ​വും നിമിത്തം ഒരാഴ്‌ച​യ്‌ക്കു ശേഷം മരിയ​യും മരിച്ചു.

“‘കുട്ടി​കൾക്കെ​തി​രെ​യുള്ള യുദ്ധം’ 20-ാം നൂറ്റാ​ണ്ടി​ലെ ഒരു പ്രതി​ഭാ​സ​മാണ്‌” എന്ന്‌ ഐക്യ​രാ​ഷ്‌ട്ര ശിശു​ക്ഷേമ നിധി​യു​ടെ 1992-ലെ ഒരു റിപ്പോർട്ട്‌ പറഞ്ഞു. ‘ശത്രു​ക്ക​ളു​ടെ വരും തലമു​റ​ക​ളും, അതായത്‌ ശത്രു​ക്ക​ളു​ടെ മക്കളും തുടച്ചു നീക്ക​പ്പെ​ടണം’ എന്നാണു ചിലരു​ടെ അഭി​പ്രാ​യം എന്ന്‌ ഐക്യ​രാ​ഷ്‌ട്ര ശിശു​ക്ഷേമ നിധി​യു​ടെ 1996-ലെ ഒരു റിപ്പോർട്ട്‌ പ്രസ്‌താ​വി​ച്ചു. ഒരു രാഷ്‌ട്രീയ ഭാഷ്യ​കാ​രൻ ആ മനോ​ഭാ​വത്തെ ഇങ്ങനെ​യാണ്‌ അവതരി​പ്പി​ച്ചത്‌: “വലിയ എലികളെ ഇല്ലായ്‌മ ചെയ്യാൻ ആദ്യം എലിക്കു​ഞ്ഞു​ങ്ങളെ കൊ​ല്ലേ​ണ്ട​തുണ്ട്‌.”

കഴിഞ്ഞ പത്തു വർഷത്തി​നു​ള്ളിൽ ഇരുപതു ലക്ഷം കുട്ടികൾ ദാരു​ണ​മാ​യി കൊല്ല​പ്പെ​ട്ടി​ട്ടുണ്ട്‌. കുഴി​ബോം​ബു​കൾ പൊട്ടി​ത്തെ​റിച്ച്‌ 40 ലക്ഷം കുട്ടി​കൾക്ക്‌ അംഗഭം​ഗം സംഭവി​ക്കു​ക​യോ കാഴ്‌ച നഷ്ടപ്പെ​ടു​ക​യോ മസ്‌തി​ഷ്‌ക​ത്തി​നു ക്ഷതം ഏൽക്കു​ക​യോ ചെയ്‌തി​രി​ക്കു​ന്നു. യുദ്ധം ഭവനര​ഹി​ത​രാ​ക്കിയ ദശലക്ഷ​ക്ക​ണ​ക്കിന്‌ ആളുകൾക്കൊ​പ്പം കഷ്ടിച്ചു രക്ഷപ്പെ​ട്ട​വ​രാണ്‌ ഇവർ. “കുട്ടികൾ നേരി​ടുന്ന യുദ്ധ​ക്കെ​ടു​തി​ക​ളു​ടെ ഭീകര​ചി​ത്രങ്ങൾ” എന്ന ശീർഷ​ക​ത്തിൻ കീഴിൽ ഒരു റിപ്പോർട്ട്‌ പ്രത്യ​ക്ഷ​പ്പെ​ട്ട​തിൽ അത്ഭുത​പ്പെ​ടാ​നില്ല.

കുട്ടി​കൾക്കെ​തി​രെ​യുള്ള ഈ കൊടും​ക്രൂ​ര​തകൾ മാനവ​രാ​ശി​യു​ടെ മുഖത്തേറ്റ കളങ്കമാണ്‌. ഏതാനും രാജ്യ​ങ്ങ​ളിൽ മാത്രമല്ല, പിന്നെ​യോ ഗോള​വ്യാ​പ​ക​മാ​യി കുട്ടികൾ പ്രതി​സ​ന്ധി​യി​ലാണ്‌ എന്നതി​നുള്ള നിഷേ​ധി​ക്കാ​നാ​വാത്ത തെളി​വാണ്‌ ഇത്‌. അതി​ക്ര​മ​ത്തി​നു വിധേ​യ​രായ കുട്ടികൾ പലരും വഞ്ചനയ്‌ക്കും ഇരകളാ​യ​വ​രാണ്‌.

വിശ്വാ​സ​വ​ഞ്ചന

കുട്ടി​ക​ളോ​ടു വിശ്വാ​സ​വഞ്ചന കാട്ടു​ന്നത്‌ അവരുടെ മനസ്സിൽ ഉണങ്ങാത്ത മുറി​വേൽപ്പി​ക്കും, വിശേ​ഷി​ച്ചും അതു ചെയ്യു​ന്നത്‌ മാതാ​വോ പിതാ​വോ സുഹൃ​ത്തോ അധ്യാ​പ​ക​നോ ആണെങ്കിൽ. ഐക്യ​നാ​ടു​ക​ളിൽ ടോക്ക്‌ ഷോ നടത്തുന്ന ഓപ്രാ വിൻഫ്രി​യു​ടെ “പേടി​ച്ചരണ്ട മൗനം: കുട്ടി​ക​ളോ​ടുള്ള അതി​ക്ര​മങ്ങൾ തുറന്നു കാട്ടലും അവസാ​നി​പ്പി​ക്ക​ലും” എന്ന പരിപാ​ടി​ക്കു​ശേഷം ഒരു ഹോട്ട്‌​ലൈ​നി​ലേക്ക്‌ (സ്വകാര്യ ദുഃഖങ്ങൾ പങ്കിടാ​വുന്ന ഒരു ടെല​ഫോൺ സർവീസ്‌) ഉണ്ടായ ഫോൺകോ​ളു​ക​ളു​ടെ പ്രവാ​ഹ​ത്തിൽനി​ന്നു മാതാ​പി​താ​ക്ക​ളിൽനി​ന്നുള്ള അതി​ക്ര​മ​ങ്ങ​ളു​ടെ ആധിക്യം മനസ്സി​ലാ​ക്കാ​വു​ന്ന​താണ്‌. “ഏറ്റവും ഞെട്ടി​ക്കുന്ന ഫോൺകോ​ളു​കൾ ലഭിച്ചതു കൊച്ചു കുട്ടി​ക​ളിൽനി​ന്നാ​യി​രു​ന്നു. ശാരീ​രി​ക​മോ ലൈം​ഗി​ക​മോ ആയ പീഡന​ത്തി​ന്റെ വേദന​യിൽനി​ന്നു രക്ഷപ്പെ​ടാൻ ആഗ്രഹി​ച്ചി​രുന്ന അവരുടെ വാക്കു​ക​ളിൽ ഭീതി നിഴലി​ച്ചി​രു​ന്നു” എന്ന്‌ എക്‌സി​ക്യൂ​ട്ടീവ്‌ നിർമാ​താ​വായ ആർനോൾഡ്‌ ഷാപ്പി​റോ അഭി​പ്രാ​യ​പ്പെ​ട്ട​താ​യി കുട്ടികൾ ഇന്ന്‌ എന്ന ഇംഗ്ലീഷ്‌ പത്രിക റിപ്പോർട്ടു ചെയ്‌തു.

കുട്ടി​ക​ളോട്‌ അതി​ക്രമം കാട്ടു​ന്നത്‌, കണ്ടാൽ പേടി തോന്നുന്ന അപരി​ചി​ത​രാണ്‌ എന്ന ആശയം ദൂരീ​ക​രി​ക്കാൻ ഈ പരിപാ​ടി വളരെ സഹായി​ച്ചു. “കുട്ടി​ക​ളോ​ടു മോശ​മാ​യി പെരു​മാ​റു​ന്നത്‌ അധിക​വും മാതാ​പി​താ​ക്ക​ളും മറ്റ്‌ അടുത്ത ബന്ധുക്ക​ളും തന്നെയാണ്‌” എന്നതാണു വസ്‌തുത എന്ന്‌ ഷാപ്പി​റോ അഭി​പ്രാ​യ​പ്പെ​ടു​ന്നു. മറ്റു ഗവേഷ​ണ​ങ്ങ​ളും ഈ കണ്ടെത്ത​ലി​നെ സ്ഥിരീ​ക​രി​ക്കു​ന്നുണ്ട്‌. വിശ്വാ​സ​യോ​ഗ്യ​രെന്നു കരുതി​യി​രുന്ന കുടും​ബ​സു​ഹൃ​ത്തു​ക്കൾ ചില​പ്പോൾ വിദഗ്‌ധ​മായ കരുനീ​ക്ക​ങ്ങ​ളി​ലൂ​ടെ കുട്ടി​യെ​യും വീട്ടു​കാ​രെ​യും ‘കയ്യി​ലെ​ടുത്ത്‌’ പിന്നീട്‌ കുട്ടിയെ ലൈം​ഗി​ക​മാ​യി ചൂഷണം ചെയ്‌തി​ട്ടു​ള്ള​താ​യും അവ ചൂണ്ടി​ക്കാ​ട്ടു​ന്നു. അടുത്ത ബന്ധുക്ക​ളാ​ലുള്ള ലൈം​ഗിക പീഡനം ആണ്‌ ഏറ്റവും കടുത്ത വിശ്വാ​സ​വഞ്ചന.

ലോക​വ്യാ​പ​ക​മാ​യി കുട്ടികൾ നേരി​ടുന്ന മറ്റൊരു ഭീഷണി​യാണ്‌ ബാലര​തി​പ്രി​യ​രിൽ നിന്നുള്ള ലൈം​ഗിക പീഡനം. ട്രെൻഡ്‌സ്‌ & ഇഷ്യൂസ്‌ ഇൻ ക്രൈം ആൻഡ്‌ ക്രിമി​നൽ ജസ്റ്റിസ്‌ അതിന്‌ ഇങ്ങനെ​യൊ​രു നിർവ​ചനം നൽകുന്നു: “ബാലര​തി​പ്രി​യം, നന്നേ ചെറിയ കുട്ടി​ക​ളോ​ടുള്ള ലൈം​ഗിക താത്‌പ​ര്യം ആണ്‌. . . . അതിൽ ലൈം​ഗിക ആക്രമണം, മര്യാ​ദ​യി​ല്ലാത്ത പെരു​മാ​റ്റം, കുട്ടി​കളെ ഉപയോ​ഗിച്ച്‌ അശ്ലീല ചിത്ര​ങ്ങ​ളും മറ്റും എടുക്കു​ന്ന​തു​മാ​യി ബന്ധപ്പെട്ട കുറ്റകൃ​ത്യ​ങ്ങൾ എന്നിവ ഉൾപ്പെ​ടു​ന്നു.”

കുട്ടി​ക​ളെ കാമാർത്തിക്ക്‌ ഇരകളാ​ക്കുന്ന ബാലര​തി​പ്രി​യ​രു​ടെ ശൃംഖ​ല​കളെ കുറി​ച്ചുള്ള ഞെട്ടി​ക്കുന്ന വാർത്തകൾ ലോക​മെ​മ്പാ​ടു​നി​ന്നും പ്രവഹി​ക്കു​ന്നു. (7-ാം പേജിലെ ചതുരം കാണുക.) ചെറിയ ആൺകു​ട്ടി​ക​ളും പെൺകു​ട്ടി​ക​ളും ഇവരുടെ ഇരകളാ​കു​ന്നുണ്ട്‌. മനസ്സാ​ക്ഷി​യി​ല്ലാത്ത ഇത്തരക്കാർ കുട്ടി​കളെ വശീക​രിച്ച്‌ ലൈം​ഗി​ക​മാ​യി ചൂഷണം ചെയ്‌ത​ശേഷം, അവർ തങ്ങളുടെ ‘ക്ലബ്ബിൽ’നിന്നു വിട്ടു​പോ​കാ​തി​രി​ക്കാൻ ഭീഷണി പ്രയോ​ഗി​ക്കു​ന്നു അല്ലെങ്കിൽ അമിത​മായ ലാളന ചൊരി​യു​ന്നു. ഇത്തരം ഹീനമായ പ്രവൃ​ത്തി​കൾ കാട്ടി​ക്കൂ​ട്ടു​ന്നത്‌ മിക്ക​പ്പോ​ഴും സമുദാ​യ​ത്തി​ലെ ഉന്നത നേതാ​ക്ക​ളാണ്‌, ചില​പ്പോ​ഴൊ​ക്കെ പൊലീ​സി​ന്റെ​യും നീതി​ന്യാ​യ​പാ​ല​ക​രു​ടെ​യും പൂർണ​മായ ഒത്താശ​യോ​ടെ​തന്നെ.

പുരോ​ഹി​ത​ന്മാർ കുട്ടി​കളെ ലൈം​ഗി​ക​മാ​യി ചൂഷണം ചെയ്യു​ന്ന​തും അമർഷം കത്തിപ്പ​ട​രാൻ ഇടയാ​ക്കി​യി​ട്ടുണ്ട്‌. ലോക​മെ​മ്പാ​ടു​നി​ന്നും ഉള്ള വാർത്താ റിപ്പോർട്ടു​കൾ, വൈദി​ക​രിൽനിന്ന്‌—ഒരുപക്ഷേ ദൈവ​ത്തി​ന്റെ നാമത്തിൽപ്പോ​ലും—കുട്ടികൾ നേരി​ടുന്ന അതി​ക്ര​മ​ങ്ങ​ളു​ടെ വ്യാപ്‌തി വെളി​പ്പെ​ടു​ത്തു​ന്നു. ഉദാഹ​ര​ണ​ത്തിന്‌, ലൈം​ഗിക ചൂഷണ​ത്തി​നു പിടി​യി​ലായ ഒരു ആംഗ്ലിക്കൻ പുരോ​ഹി​തൻ തന്റെ അതി​ക്ര​മ​ത്തി​നു പാത്ര​മായ ഒരു പത്തുവ​യ​സ്സു​കാ​ര​നോട്‌ “ദൈവം തന്നിലൂ​ടെ [പുരോ​ഹി​ത​നി​ലൂ​ടെ] സംസാ​രി​ക്കു​ക​യാ​ണെ​ന്നും താൻ ചെയ്യു​ന്ന​തോ [കുട്ടി] ചെയ്യു​ന്ന​തോ ആയ എന്തും ദൈവ​ത്തിന്‌ ഇഷ്ടമാ​ണെ​ന്നും അതു​കൊ​ണ്ടു​തന്നെ അത്‌ ശരിയാ​ണെ​ന്നും” പറയു​ക​യു​ണ്ടാ​യി.

ഓസ്‌​ട്രേ​ലി​യ​യിൽ, പോരാ​ട്ട​വും തിരി​ച്ച​ടി​യും: കുട്ടി​ക​ളോ​ടുള്ള ലൈം​ഗിക അതി​ക്ര​മ​ങ്ങൾക്ക്‌ എതി​രെ​യുള്ള യുദ്ധം എന്ന ഇംഗ്ലീഷ്‌ പുസ്‌ത​കത്തെ കുറി​ച്ചുള്ള ഒരു നിരൂ​പ​ണ​ത്തിൽ വൈദി​ക​രും വിശ്വാ​സ​യോ​ഗ്യ​രാ​യി കണക്കാ​ക്ക​പ്പെ​ടുന്ന മറ്റ്‌ ഉന്നത വ്യക്തി​ക​ളും കുട്ടി​ക​ളോ​ടു കാണി​ക്കുന്ന അതി​ക്ര​മ​ങ്ങളെ കുറിച്ച്‌ പരാമർശി​ച്ചി​രു​ന്നു. ഉൾപ്പെ​ട്ടി​രി​ക്കുന്ന സംഘട​നകൾ, സ്വന്തം പ്രതി​ച്ഛായ കാത്തു​സൂ​ക്ഷി​ക്കു​ന്ന​തി​ലാ​ണു ശ്രദ്ധ പതിപ്പി​ച്ചി​രി​ക്കു​ന്ന​തെ​ന്നും അപകട​ത്തിന്‌ ഇരകളാ​കാൻ സാധ്യ​ത​യുള്ള കുട്ടി​കളെ സംരക്ഷി​ക്കു​ന്ന​തി​നു പകരം അവർ സ്വയം സംരക്ഷി​ക്കാ​നാണ്‌ ശ്രമി​ക്കു​ന്ന​തെ​ന്നും പറയ​പ്പെട്ടു.

ദുരന്ത ഫലങ്ങൾ

സാധാ​ര​ണ​ഗ​തി​യിൽ, കുട്ടികൾ മുതിർന്ന​വ​രിൽ പൂർണ​മായ വിശ്വാ​സം അർപ്പി​ക്കു​ന്നു. അതു​കൊണ്ട്‌ വിശ്വാ​സ​വ​ഞ്ച​ന​യ്‌ക്ക്‌ ഇരകളാ​കു​മ്പോൾ അത്‌ അവരുടെ കുരുന്നു മനസ്സിനു താങ്ങാ​നാ​കില്ല. കുട്ടി​ക​ളോ​ടുള്ള ദുഷ്‌പെ​രു​മാ​റ്റ​വും അവഗണ​ന​യും (ഇംഗ്ലീഷ്‌) എന്ന പ്രസി​ദ്ധീ​ക​രണം ഇങ്ങനെ പറയുന്നു: “മുമ്പ്‌ സുരക്ഷി​ത​ത്വ​മോ പിന്തു​ണ​യോ പ്രദാനം ചെയ്‌തി​രുന്ന വ്യക്തി​ക​ളും സ്ഥലങ്ങളും ഇപ്പോൾ അപകട​ത്തി​ന്റെ​യും ഭീതി​യു​ടെ​യും ഉറവി​ട​ങ്ങ​ളാ​യി മാറി​യി​രി​ക്കു​ന്നു. കുട്ടി​ക​ളു​ടെ ലോകം എപ്പോൾ വേണ​മെ​ങ്കി​ലും എന്തും സംഭവി​ക്കാ​വുന്ന, നിയ​ന്ത്ര​ണാ​തീ​ത​മായ കാര്യങ്ങൾ നടക്കുന്ന ഒന്നായി തീരു​ക​യാണ്‌.”

ഒരുപക്ഷേ വർഷങ്ങ​ളോ​ളം​തന്നെ നേരി​ടേ​ണ്ടി​വന്ന ഇത്തരം അതി​ക്ര​മ​ങ്ങ​ളു​ടെ ഫലമായി ചില കുട്ടി​ക​ളിൽ പിൽക്കാ​ലത്ത്‌, ബാല്യം പിന്നി​ട്ട​ശേഷം പോലും, സാമൂ​ഹി​ക​വും മാനസി​ക​വു​മായ പ്രശ്‌നങ്ങൾ തലപൊ​ക്കി​യി​ട്ടുണ്ട്‌. ഇത്തരം വിശ്വാ​സ​വഞ്ചന കുട്ടിയെ സംബന്ധി​ച്ചി​ട​ത്തോ​ളം സഹിക്കാ​വു​ന്ന​തി​ലേ​റെ​യാണ്‌. കാരണം അവൻ അല്ലെങ്കിൽ അവൾ ചൂഷണം ചെയ്യ​പ്പെ​ട്ടത്‌ ഒരു കുട്ടി ആയതു​കൊ​ണ്ടു മാത്ര​മാണ്‌. അതി​ക്ര​മ​ങ്ങൾക്കു വിധേ​യ​രാ​കുന്ന പല കുട്ടി​ക​ളും സംഭവം പുറത്തു പറയാ​റില്ല—കുട്ടി​കളെ ചൂഷണം ചെയ്യു​ന്ന​വർക്ക്‌ മറയായി ഉതകു​ന്ന​തും ഇതുതന്നെ.

സമീപ വർഷങ്ങ​ളിൽ കുട്ടി​ക​ളോ​ടുള്ള അതി​ക്ര​മങ്ങൾ സംബന്ധിച്ച തെളി​വു​കൾ ലോക​വ്യാ​പ​ക​മാ​യി വർധി​ച്ചു​വ​രി​ക​യാണ്‌. അവഗണി​ക്കാ​നും നിഷേ​ധി​ക്കാ​നും ആകാത്ത തെളി​വു​ക​ളു​ടെ ഒരു കൂമ്പാരം തന്നെ ഇന്നുണ്ട്‌. എന്നാൽ കുട്ടി​ക​ളോ​ടുള്ള അതി​ക്ര​മങ്ങൾ ഇല്ലാതാ​ക്കുക എന്നതു ദുഷ്‌ക​ര​മായ ഒരു ദൗത്യ​മാണ്‌ എന്നു മിക്കവ​രും സമ്മതി​ക്കു​ന്നു. അതു​കൊണ്ട്‌ ഈ ചോദ്യ​ങ്ങൾ ഉയർന്നു​വ​രു​ന്നു: നമ്മുടെ കുട്ടി​കളെ യഥാർഥ​ത്തിൽ സംരക്ഷി​ക്കാൻ കഴിയുന്ന ആരെങ്കി​ലും ഉണ്ടോ? മാതാ​പി​താ​ക്കൾക്ക്‌ ഏതു വിധത്തിൽ തങ്ങളുടെ ദൈവദത്ത അവകാ​ശത്തെ സംരക്ഷി​ക്കാ​നും എളുപ്പ​ത്തിൽ അപകട​ത്തിന്‌ ഇരകളാ​യേ​ക്കാ​വുന്ന തങ്ങളുടെ കുഞ്ഞു​ങ്ങളെ പരിപാ​ലി​ക്കാ​നും കഴിയും? സഹായ​ത്തി​നാ​യി മാതാ​പി​താ​ക്കൾക്ക്‌ എങ്ങോട്ടു തിരി​യാൻ സാധി​ക്കും?

[7-ാം പേജിലെ ചതുരം/ചിത്രം]

ഇന്റർനെറ്റ്‌ രഹസ്യാ​ന്വേ​ഷ​ണം

ഇന്റർനെ​റ്റിൽ കുട്ടി​ക​ളു​ടെ അശ്ലീല ചിത്ര​ങ്ങ​ളും മറ്റും പ്രദർശി​പ്പി​ക്കു​ന്നതു സംബന്ധിച്ച്‌ ഏതാനും മാസങ്ങൾക്കു മുമ്പു നടത്തിയ ഏറ്റവും വലിയ രഹസ്യാ​ന്വേ​ഷ​ണ​ങ്ങ​ളി​ലൊ​ന്നിൽ 12 രാജ്യ​ങ്ങ​ളി​ലാ​യി ബാലര​തി​പ്രി​യർ എന്നു സംശയി​ക്ക​പ്പെട്ട 100-ലധികം പേരുടെ ഭവനങ്ങൾ പൊലീസ്‌ റെയ്‌ഡു ചെയ്‌തു. ഐക്യ​നാ​ടു​കൾ ആസ്ഥാന​മാ​ക്കി പ്രവർത്തി​ച്ചി​രുന്ന ബാലര​തി​പ്രി​യ​രു​ടെ ഒരു സംഘത്തിൽനി​ന്നു മാത്ര​മാ​യി കുട്ടി​ക​ളു​ടെ 1,00,000-ത്തിൽ അധികം അശ്ലീല ചിത്രങ്ങൾ അവർ പിടി​ച്ചെ​ടു​ത്തു.

അഞ്ചു മാസം നീണ്ടു​നിന്ന ഇന്റർനെറ്റ്‌ അന്വേ​ഷ​ണ​ത്തി​നു നേതൃ​ത്വം നൽകിയ ബ്രിട്ടീഷ്‌ കുറ്റാ​ന്വേ​ഷകൻ ഇങ്ങനെ പറഞ്ഞു: “പിടി​ച്ചെ​ടു​ക്ക​പ്പെട്ട ചിത്രങ്ങൾ നല്ല മനസ്ഥി​തി​യുള്ള ആരിലും അറപ്പു​ള​വാ​ക്കു​ന്ന​വ​യാ​യി​രു​ന്നു.” ആൺകു​ട്ടി​ക​ളു​ടെ​യും പെൺകു​ട്ടി​ക​ളു​ടെ​യും—രണ്ടു വയസ്സുള്ള കുട്ടി​ക​ളു​ടെ പോലും—ചിത്രങ്ങൾ ഇതിൽ ഉണ്ടായി​രു​ന്നു. ബെൽജി​യൻ പൊലീസ്‌ പറഞ്ഞ​പ്ര​കാ​രം, ഈ ഇന്റർനെറ്റ്‌ ചിത്രങ്ങൾ “കുട്ടി​കളെ അനാശാ​സ്യ നടപടി​കൾക്കു വിധേ​യ​രാ​ക്കു​ന്ന​തി​ന്റെ ഏറ്റവും ബീഭത്സ​മായ ചിത്രീ​ക​രണം ആയിരു​ന്നു. . . . ഏറ്റവും ആകർഷ​ക​മായ ചിത്രങ്ങൾ ലഭി​ക്കേ​ണ്ട​തിന്‌ ആളുകൾ സ്വന്തം കുട്ടി​കളെ പോലും ഹീനകൃ​ത്യ​ങ്ങൾക്ക്‌ ഉപയോ​ഗി​ച്ചു.” ഒരു മനുഷ്യൻ സ്വന്തം അനന്തി​ര​വളെ ബലാത്സം​ഗം ചെയ്യുന്ന രംഗത്തി​ന്റെ ഫോ​ട്ടോ​കൾ എടുത്ത്‌ കമ്പ്യൂ​ട്ട​റിൽ പകർത്തി.

സംശയാ​സ്‌പ​ദ​മാ​യി പിടി​ക്ക​പ്പെ​ട്ട​വ​രിൽ അധ്യാ​പ​ക​രും ഒരു ശാസ്‌ത്ര​ജ്ഞ​നും നിയമ​വി​ദ്യാർഥി​യും മെഡിക്കൽ വിദ്യാർഥി​യും സ്‌കൗ​ട്ട്‌മാ​സ്റ്റ​റും അക്കൗണ്ട​ന്റും യൂണി​വേ​ഴ്‌സി​റ്റി പ്രൊ​ഫ​സ​റും ഉൾപ്പെ​ടു​ന്നു.

[6-ാം പേജിലെ ചിത്രം]

സ്‌ഫോടനത്തിൽ അംഗഭം​ഗം സംഭവിച്ച ഒരു കുട്ടി

[കടപ്പാട്‌]

UN/DPI Photo by Armineh Johannes

[7-ാം പേജിലെ ചിത്ര​ത്തിന്‌ കടപ്പാട]

Photo ILO/J. Maillard