കമ്പിളി​യു​ടു​പ്പു നിർമാ​ണം—പാറ്റ​ഗോ​ണി​യ​യിൽ

അർജൻറീനയിലെ ഉണരുക! ലേഖകൻ

“എനിക്കു തണുക്കു​ന്നു!” മിതോഷ്‌ണ മേഖല​ക​ളിൽ പാർക്കുന്ന ആരാണ്‌ എപ്പോ​ഴെ​ങ്കി​ലും അങ്ങനെ പറഞ്ഞി​ട്ടി​ല്ലാ​ത്തത്‌? നിങ്ങൾ അടുത്ത​താ​യി അന്വേ​ഷി​ക്കു​ന്നത്‌ ‘എന്റെ കമ്പിളി​യു​ടുപ്പ്‌ എവിടെ?’ എന്നായി​രി​ക്കും.

കമ്പിളി​യു​ടു​പ്പു ധരിക്കുന്ന ദശലക്ഷ​ക്ക​ണ​ക്കി​നാ​ളു​ക​ളിൽ ഒരാളാ​ണു നിങ്ങ​ളെ​ങ്കിൽ അത്‌ എങ്ങനെ​യാ​ണു നിർമി​ച്ച​തെന്നു നിങ്ങൾ എന്നെങ്കി​ലും ചിന്തി​ച്ചി​ട്ടു​ണ്ടോ? ആട്ടിൻരോ​മ​ത്തിൽനി​ന്നു കമ്പിളി​നൂൽ ഉണ്ടാക്കു​ന്നത്‌ എങ്ങനെ​യാണ്‌? അതിനു പലതര​ത്തി​ലുള്ള നിറങ്ങൾ കൊടു​ക്കു​ന്നത്‌ എങ്ങനെ? അർജൻറീന സ്വദേ​ശി​ക​ളായ അമേരി​ക്കൻ ഇന്ത്യക്കാർ ഈ പണി​യെ​ല്ലാം കൈ​കൊ​ണ്ടാ​ണു ചെയ്യു​ന്നത്‌. നമുക്ക​വരെ ഒന്നു സന്ദർശിച്ച്‌ അവരെ​ങ്ങ​നെ​യാണ്‌ അതെല്ലാം ചെയ്യു​ന്ന​തെന്നു നോക്കി​ക്കാ​ണാം.

പ്രാചീ​ന​രീ​തി​യി​ലുള്ള കമ്പിളി​യു​ടു​പ്പു നിർമാ​ണം

അറൗകാ​നി​യൻ ജനതയി​ലെ ഒരു അമേരി​ക്കൻ ഇന്ത്യൻ ഗോ​ത്ര​മായ മാപൂ​ച്ചെ​യിൽപ്പെട്ട അനേക​രും അർജൻറീ​ന​യിൽ പാറ്റ​ഗോ​ണി​യ​യു​ടെ തെക്കു​ഭാ​ഗ​ത്താ​ണു പാർക്കു​ന്നത്‌. രോമം നൂൽക്കു​ന്ന​തി​നും അതിൽ നിറം പിടി​പ്പി​ക്കു​ന്ന​തി​നും അവർ പരമ്പരാ​ഗത രീതി​ക​ളാണ്‌ അവലം​ബി​ക്കു​ന്നത്‌. ദക്ഷിണാർധ​ഗോ​ള​ത്തിൽ വസന്തകാ​ലം വന്നെത്തു​മ്പോൾ—അതായത്‌ നവംബർ ഒടുവി​ലും ഡിസംബർ ആദ്യവും—അവർ ചെമ്മരി​യാ​ടു​ക​ളു​ടെ രോമം കത്രി​ക്കു​ന്നു. ഇതിന്‌ സ്റ്റീൽകൊ​ണ്ടുള്ള പ്രത്യേക കത്രി​ക​ക​ളാണ്‌ ഉപയോ​ഗി​ക്കു​ന്നത്‌. രോമം കത്രിക്കൽ എന്ന കല ഒന്നു കാണേ​ണ്ടതു തന്നെയാണ്‌!

ആടുക​ളിൽനി​ന്നു കത്രി​ച്ചെ​ടു​ക്കുന്ന രോമ​ത്തിൽ തീർച്ച​യാ​യും പുല്ലും സസ്യങ്ങ​ളും മണ്ണു​മൊ​ക്കെ കാണും. അതു​കൊണ്ട്‌ അത്‌ നന്നായി കഴു​കേ​ണ്ട​തുണ്ട്‌. ഇതിനാ​യി അത്‌ ചൂടു​വെ​ള്ള​ത്തിൽ മുക്കി​വെ​ച്ചിട്ട്‌ വെളി​യി​ലിട്ട്‌ ഉണക്കുന്നു. അവശേ​ഷി​ക്കുന്ന മാലി​ന്യ​ങ്ങൾ നീക്കം​ചെ​യ്യു​ക​യാണ്‌ അടുത്ത പടി. ഈ പ്രക്രിയ എസ്‌കാർഡാ​ഡോ അഥവാ ആട്ടിൻരോ​മം ചീകൽ എന്ന്‌ അറിയ​പ്പെ​ടു​ന്നു. ഇത്‌ ശരിയായ രീതി​യിൽ ചെയ്യു​ന്ന​പക്ഷം ആട്ടിൻരോ​മം ഉണങ്ങി വൃത്തി​യാ​യി നല്ല മാർദ​വ​ത്തോ​ടെ​യി​രി​ക്കും. അതിന്റെ അർഥം ആട്ടിൻരോ​മം ഇപ്പോൾ കമ്പിളി​യു​ടു​പ്പു തുന്നു​ന്ന​തി​നുള്ള നൂൽ അഥവാ കമ്പിളി​നൂൽ ഉണ്ടാക്കു​ന്ന​തി​നു തയ്യാറാ​യി​ക്ക​ഴി​ഞ്ഞി​രി​ക്കു​ന്നു എന്നാണ്‌.

പരമ്പരാ​ഗ​ത​മാ​യ രണ്ടു മാർഗ​ങ്ങ​ളിൽ കമ്പിളി​നൂൽ ഉണ്ടാക്കാൻ കഴിയും. തക്ലി ഉപയോ​ഗി​ച്ചു​ള്ള​താണ്‌ ഒരു രീതി. (ഫോട്ടോ 1 കാണുക.) നൂൽ ഉണ്ടാക്കു​ന്ന​തി​നാ​യി നൂൽക്കു​ന്ന​യാൾ ആട്ടിൻരോ​മം കാലി​ന്മേൽവെച്ച്‌ ഒരു കൈ​കൊണ്ട്‌ തിരുമ്മി പിരി​ച്ചിട്ട്‌ തക്ലിയിൽ ചുറ്റുന്നു. കമ്പിളി​നൂൽ അങ്ങനെ തക്ലിയിൽ നിറയു​ന്നു. തക്ലിയിൽ ചുറ്റുന്ന ആട്ടിൻരോ​മ​ത്തി​ന്റെ അളവനു​സ​രിച്ച്‌ കമ്പിളി​നൂ​ലി​ന്റെ വണ്ണം വ്യത്യാ​സ​പ്പെ​ട്ടി​രി​ക്കു​ന്നു.

കമ്പിളി​നൂൽ ഉണ്ടാക്കുന്ന രണ്ടാമത്തെ രീതി ചർക്ക ഉപയോ​ഗി​ച്ചു​ള്ള​താണ്‌. നൂൽ നൂൽക്കു​ന്ന​യാൾ ഒരു പെഡൽ ഉപയോ​ഗി​ച്ചാ​ണു ചർക്ക പ്രവർത്തി​പ്പി​ക്കു​ന്നത്‌. ആട്ടിൻരോ​മം ഒരു ദ്വാര​ത്തി​ലൂ​ടെ ചർക്കയി​ലേക്കു കടത്തി​വി​ടു​ന്നു, നൂൽക്കു​ന്ന​യാ​ളാണ്‌ നൂലിന്റെ വണ്ണം നിയ​ന്ത്രി​ക്കു​ന്നത്‌. (ഫോട്ടോ 2 കാണുക.) കമ്പിളി​നൂൽ ഉണ്ടാക്കി​ക്ക​ഴി​യു​മ്പോൾ അത്‌ ചുറ്റി​ച്ചു​റ്റി ഒരു പന്തുരൂ​പ​ത്തിൽ ആക്കി​യെ​ടു​ക്കാൻ കഴിയും. മിക്ക സ്‌ത്രീ​ക​ളും വാങ്ങു​ന്നത്‌ ഇതാണ്‌. എന്നാൽ കമ്പിളി​നൂ​ലി​നു വ്യത്യസ്‌ത നിറങ്ങൾ കൊടു​ക്കുന്ന കാര്യ​മോ? എങ്ങനെ​യാണ്‌ അതു ചെയ്യു​ന്നത്‌?

ചില പ്രത്യേക ഇനം വേരു​ക​ളോ സസ്യങ്ങ​ളോ ലേശം ഉപ്പു ചേർത്ത വെള്ളത്തി​ലിട്ട്‌ ഏതാണ്ട്‌ 30 മിനി​റ്റു​നേരം തിളപ്പി​ച്ചാണ്‌ മാപൂച്ചെ നിറങ്ങ​ളു​ണ്ടാ​ക്കു​ന്നത്‌. യു.എസ്‌.എ.-യിലെ അരി​സോ​ണ​യി​ലുള്ള ചില നാവഹോ ഇന്ത്യക്കാർ, അവർ നെയ്‌തു​ണ്ടാ​ക്കുന്ന കരിമ്പ​ട​ങ്ങ​ളിൽ അടിക്കാ​നാ​യി നിറങ്ങൾ ഉത്‌പാ​ദി​പ്പി​ക്കുന്ന രീതി​യോ​ടു സമാന​മാണ്‌ ഇത്‌. അർജൻറീ​ന​യിൽ മാപൂച്ചെ മഞ്ഞച്ചായം ഉണ്ടാക്കു​ന്നത്‌ മിച്ചൈ—ബെർബെ​റിസ്‌ ഡാർവി​നൈ ചെടിക്ക്‌ അമേരി​ക്കൻ ഇന്ത്യക്കാ​രു​ടെ ഇടയി​ലുള്ള പേര്‌—കുറ്റി​ച്ചെ​ടി​യു​ടെ വേരുകൾ തിളപ്പി​ച്ചാണ്‌; വെള്ള കലർന്ന തവിട്ടു​ചാ​യം ഉണ്ടാക്കു​ന്നത്‌ റാഡാൽ കുറ്റി​ച്ചെ​ടി​യു​ടെ അഥവാ കാട്ടു വാൾന​ട്ടി​ന്റെ ഇലകൾ ഉപയോ​ഗി​ച്ചാണ്‌; ചെഞ്ചായം ഉണ്ടാക്കു​ന്ന​താ​കട്ടെ ബീറ്റ്‌റൂട്ട്‌ ഉപയോ​ഗി​ച്ചും. ഈ രീതി​യിൽ ചായം നിർമി​ക്കു​ന്നത്‌ ബുദ്ധി​മു​ട്ടുള്ള പണിയാ​ണെ​ങ്കി​ലും ഇങ്ങനെ ഉണ്ടാക്കി​യെ​ടു​ക്കുന്ന നിറങ്ങൾ എളുപ്പ​മൊ​ന്നും മങ്ങുക​യില്ല. ഇപ്പോൾ കമ്പിളി​നൂ​ലിൽ നിറം​പി​ടി​പ്പി​ച്ചു കഴിഞ്ഞ സ്ഥിതിക്ക്‌ നമുക്ക്‌ കമ്പിളി​യു​ടു​പ്പു തുന്നാൻ കഴിയും.

കമ്പിളി​നൂൽകൊണ്ട്‌ വസ്‌ത്ര​മു​ണ്ടാ​ക്കൽ—വ്യത്യസ്‌ത ശൈലി​കൾ

കമ്പിളി​നൂൽ തുന്നി തുണി​യു​ണ്ടാ​ക്കു​ന്ന​തിന്‌ സ്‌ത്രീ​കൾ നൂറ്റാ​ണ്ടു​ക​ളാ​യി സൂചികൾ ഉപയോ​ഗി​ച്ചി​ട്ടുണ്ട്‌, ഇങ്ങനെ കിട്ടുന്ന തുണി കൂട്ടി​ത്തു​ന്നി വസ്‌ത്ര​മു​ണ്ടാ​ക്കാൻ കഴിയും. സോക്‌സും കമ്പിളി​യു​ടു​പ്പി​ന്റെ കൈക​ളും കുഴലാ​കൃ​തി​യി​ലുള്ള ഭാഗങ്ങ​ളും ഉണ്ടാക്കു​ന്ന​തിന്‌ നാലു സൂചികൾ ഉപയോ​ഗി​ക്കാൻ കഴിയും. കമ്പിളി​നൂൽകൊണ്ട്‌ വസ്‌ത്ര​ങ്ങ​ളു​ണ്ടാ​ക്കുന്ന രീതി പൊ.യു. 200-ലോ മറ്റോ അറേബ്യ​യിൽ തുടങ്ങി​യി​രി​ക്കാ​മെന്ന്‌ ഒരു ഉറവിടം പറയുന്നു. ഈ കല പിന്നീട്‌ യൂറോ​പ്പി​ലേക്കു വ്യാപി​ച്ചു, സ്‌പെ​യിൻകാർ 16-ാം നൂറ്റാ​ണ്ടിൽ അത്‌ തെക്കേ അമേരി​ക്ക​യി​ലേ​ക്കും മധ്യ അമേരി​ക്ക​യി​ലേ​ക്കും കൊണ്ടു​വന്നു. എങ്കിലും സ്ഥലവാ​സി​ക​ളായ ചില കർഷകർ ഈ കല അതിനു​മു​മ്പേ സ്വായ​ത്ത​മാ​ക്കി​യി​രു​ന്നി​രി​ക്കാ​നി​ട​യുണ്ട്‌.

നമ്മുടെ തുന്നൽക്കാ​രി ഇപ്പോൾ സൗഹൃ​ദ​ഭാ​വ​ത്തിൽ ചോദി​ക്കു​ന്നു, “നിങ്ങൾക്ക്‌ എത്രമാ​ത്രം കട്ടിയുള്ള കമ്പിളി​യു​ടു​പ്പാ​ണു വേണ്ടത്‌?” നാം എന്തു മറുപടി പറയുന്നു എന്നതിന്റെ അടിസ്ഥാ​ന​ത്തി​ലാ​യി​രി​ക്കും എത്രമാ​ത്രം വീതി​യുള്ള സൂചി​ക​ളും എത്രമാ​ത്രം വണ്ണമുള്ള കമ്പിളി​നൂ​ലും ഉപയോ​ഗി​ക്ക​ണ​മെന്ന്‌ അവർ തീരു​മാ​നി​ക്കു​ന്നത്‌. അടുത്ത ചോദ്യം, “ഏതെല്ലാം നിറങ്ങ​ളാണ്‌ നിങ്ങൾക്കു വേണ്ടത്‌?” അതും​കൂ​ടെ അറിഞ്ഞ സ്ഥിതിക്ക്‌ അവർക്കി​പ്പോൾ തുന്നൽ ആരംഭി​ക്കാൻ കഴിയും.

കമ്പിളി​വ​സ്‌ത്രം ഉണ്ടാക്കാൻ അറിയി​ല്ലാ​ത്ത​വരെ അതിശ​യി​പ്പി​ക്കുന്ന സംഗതി, അതിന്‌ അടിസ്ഥാ​ന​പ​ര​മാ​യി രണ്ടുതരം തയ്യലുകൾ മതിയാ​കും എന്നതാണ്‌—കാണി തയ്യലും (knit stitch)—പ്ലെയ്‌ൻ എന്ന്‌ ചിലർ ഇതിനെ വിളി​ക്കു​ന്നു—പൂക്കു​ല​ക്കാ​ണി തയ്യലും (purl stitch). കാണി തയ്യലിന്റെ നേർ വിപരീ​ത​മാണ്‌ പൂക്കു​ല​ക്കാ​ണി തയ്യൽ. ഇത്‌ ഉയർന്നു നിൽക്കുന്ന ഒരിനം തയ്യലാണ്‌. ഈ രണ്ടു തയ്യലു​ക​ളും കൂടി ഉപയോ​ഗിച്ച്‌ വിവിധ പാറ്റേ​ണു​കൾ ഉണ്ടാക്കാൻ കഴിയും.

നമ്മുടെ തുന്നൽക്കാ​രി കമ്പിളി​യു​ടു​പ്പി​ന്റെ വിവിധ ഭാഗങ്ങൾ—മുൻഭാ​ഗ​വും പിൻഭാ​ഗ​വും കൈക​ളും കഴുത്തും—വേറെ​വേറെ ഉണ്ടാക്കു​ന്നു. എന്നിട്ട്‌ അവ കൂട്ടി​ത്തു​ന്നി ഉടുപ്പാ​ക്കി​യെ​ടു​ക്കു​ന്നു. അത്‌ ഉണ്ടാക്കി​യെ​ടു​ക്കാൻ മണിക്കൂ​റു​ക​ളോ ദിവസങ്ങൾ പോലു​മോ വേണ്ടി​വ​രു​ന്നു. അതു​കൊണ്ട്‌ നിങ്ങൾക്ക്‌ ഒരെണ്ണം സമ്മാനം കിട്ടു​ന്നെ​ങ്കിൽ അതിനെ നിസ്സാ​ര​മാ​യി കാണരുത്‌! ക്ഷമയോ​ടു​കൂ​ടെ വളരെ​യ​ധി​കം അധ്വാ​നി​ച്ചാണ്‌ അത്‌ ഉണ്ടാക്കി​യി​രി​ക്കു​ന്നത്‌.

ആധുനിക രീതികൾ

വ്യാവ​സാ​യിക വിപ്ലവത്തെ തുടർന്ന്‌, വളരെ കുറച്ചു സമയം​കൊണ്ട്‌ ആയിര​ക്ക​ണ​ക്കിന്‌ കമ്പിളി​യു​ടു​പ്പു​കൾ തുന്നാൻ കഴിവുള്ള യന്ത്രങ്ങൾ കണ്ടുപി​ടി​ക്ക​പ്പെ​ട്ടി​ട്ടുണ്ട്‌. ഇന്ന്‌, ഈ വ്യാവ​സാ​യിക തുന്നൽ യന്ത്രങ്ങ​ളിൽ പലതും കമ്പ്യൂട്ടർ നിയ​ന്ത്രി​ത​ങ്ങ​ളാണ്‌. പല സ്‌ത്രീ​ക​ളും വീട്ടി​ലി​രു​ന്നു തുന്നു​ന്ന​തിന്‌ വലുപ്പം​കു​റഞ്ഞ യന്ത്രം ഉപയോ​ഗി​ക്കു​ന്നു. ഇതുമൂ​ലം അവർക്കു വളരെ​യ​ധി​കം സമയം ലാഭി​ക്കാൻ കഴിയും.

പാറ്റ​ഗോ​ണി​യ​യിൽ കമ്പിളി​വ​സ്‌ത്രം ഉണ്ടാക്കു​ന്നത്‌ ഇപ്പോ​ഴും കുടും​ബ​മൊ​ത്തൊ​രു​മിച്ച്‌ ഏർപ്പെ​ടുന്ന ഒരു സംരം​ഭ​മാണ്‌. മാതാവ്‌ കമ്പിളി​നൂൽകൊണ്ട്‌ വസ്‌ത്രം തുന്നുന്നു. ഭർത്താ​വും കുട്ടി​ക​ളും വസ്‌ത്ര​ത്തി​ന്റെ പണിപൂർത്തി​യാ​ക്കാൻ സഹായി​ക്കു​ന്നു. കമ്പിളി​വ​സ്‌ത്രം ഉണ്ടാക്കു​ന്ന​തി​നുള്ള ഒരു ഗാർഹിക യന്ത്രം ഉപയോ​ഗി​ച്ചാണ്‌ മിക്ക​പ്പോ​ഴും അവർ ഇതു ചെയ്യു​ന്നത്‌. കുടും​ബ​ത്തി​ന്റെ ആവശ്യം കഴിഞ്ഞ്‌ അധിക​മുള്ള ഉത്‌പ​ന്നങ്ങൾ അവർ കമ്പിളി​വ​സ്‌ത്രം ഉണ്ടാക്കുന്ന ഫാക്ടറി​യിൽ കൊണ്ടു​പോ​യി വിൽക്കു​ന്നു. ഇത്‌ കുടും​ബ​ത്തിന്‌ ഒരു വരുമാ​ന​മാർഗ​മാ​കു​ന്നു.

നിങ്ങൾ ഒരു കമ്പിളി​യു​ടു​പ്പു വാങ്ങാൻ പോകു​ക​യാ​ണോ?

നിങ്ങൾ ഒരു കമ്പിളി​യു​ടു​പ്പു വാങ്ങാൻ പോകു​ക​യാ​ണെ​ങ്കിൽ എന്തെല്ലാം കാര്യ​ങ്ങ​ളാ​ണു ശ്രദ്ധി​ക്കേ​ണ്ടത്‌? കൈ​കൊ​ണ്ടു തുന്നി​യു​ണ്ടാ​ക്കിയ ഒരു കമ്പിളി​യു​ടു​പ്പാണ്‌ നിങ്ങൾക്കു വേണ്ട​തെ​ങ്കിൽ ഒരുപക്ഷേ കൂടുതൽ വിലയാ​യേ​ക്കാം. എങ്കിലും ആ വിലയ്‌ക്കുള്ള ഏറ്റവും നല്ല കമ്പിളി​യു​ടു​പ്പാ​യി​രി​ക്കും നിങ്ങൾക്കു കിട്ടു​ന്നത്‌. കമ്പിളി​യു​ടുപ്പ്‌ നിങ്ങളു​ടെ ആവശ്യ​ങ്ങൾക്ക്‌ അനുസൃ​ത​മാ​യി ശ്രദ്ധാ​പൂർവം തിര​ഞ്ഞെ​ടു​ക്കുക, അതിന്റെ ഗുണമേന്മ പരി​ശോ​ധി​ക്കുക. നിങ്ങൾക്ക്‌ അത്‌ എങ്ങനെ ചെയ്യാൻ കഴിയും? വസ്‌ത്ര​ത്തി​ന്റെ ചേർപ്പു​കൾ പരി​ശോ​ധി​ക്കുക, കഴുത്ത്‌ പാകമാ​ണോ​യെന്നു നോക്കുക. ഇഴഗു​ണ​വും നൂലിന്റെ ഘടനയും പരി​ശോ​ധി​ക്കുക. അത്‌ 100 ശതമാനം കമ്പിളി​യാ​ണോ? അതോ മറ്റെ​ന്തെ​ങ്കി​ലും കൂടെ ചേർത്തി​ട്ടു​ണ്ടോ? വലിച്ചു​നീ​ട്ടി​യാൽ അത്‌ പെട്ടെന്നു വലിയു​ക​യോ വലിഞ്ഞു​തന്നെ ഇരിക്കു​ക​യോ ചെയ്യു​ന്നു​ണ്ടോ, അതോ വലിച്ചു​നീ​ട്ടി​യാ​ലും അത്‌ പഴയപടി ആകുന്നു​ണ്ടോ? കമ്പിളി​യു​ടുപ്പ്‌ വാങ്ങി​ക്ക​ഴിഞ്ഞ്‌ അത്‌ ധരിക്കു​മ്പോ​ഴൊ​ക്കെ അതിന്‌ ആവശ്യ​മാ​യി വന്ന അധ്വാ​ന​ത്തെ​ക്കു​റി​ച്ചു ചിന്തി​ക്കുക, പ്രത്യേ​കി​ച്ചും അത്‌ പാറ്റ​ഗോ​ണി​യ​യിൽ കൈ​കൊ​ണ്ടു തുന്നി​യു​ണ്ടാ​ക്കി​യ​താ​ണെ​ങ്കിൽ!

[22-ാം പേജിലെ ഭൂപടം]

തെക്കേ അമേരിക്ക

അർജൻറീന

പാറ്റഗോണിയ

[കടപ്പാട്‌]

Mountain High Maps® Copyright © 1997 Digital Wisdom, Inc.

[23-ാം പേജിലെ ചിത്രങ്ങൾ]

1. തക്ലി ഉപയോ​ഗിച്ച്‌ നൂൽ നൂൽക്കു​ന്നു

2. ചർക്ക ഉപയോ​ഗി​ക്കു​ന്നത്‌ നൂൽ നൂൽക്കു​ന്ന​തി​നുള്ള വേഗത​കൂ​ടിയ മാർഗ​മാണ്‌

3. ആട്ടിൻരോ​മം ചർക്കയി​ലേക്ക്‌ കടത്തി​വി​ടു​ന്ന​തി​ന്റെ അടുത്ത വീക്ഷണം

4. പരമ്പരാ​ഗ​ത​രീ​തി​യിൽ കമ്പിളി​വ​സ്‌ത്രം ഉണ്ടാക്കു​ന്നു

5. ഒരു കമ്പിളി​യു​ടു​പ്പി​ന്റെ മുൻഭാ​ഗ​ങ്ങൾ

6. കമ്പിളി​വ​സ്‌ത്രം ഉണ്ടാക്കു​ന്ന​തി​നുള്ള ആധുനിക കമ്പ്യൂട്ടർ-നിയ​ന്ത്രിത യന്ത്രം