ബൈബി​ളി​ന്റെ വീക്ഷണം

2000-ാം ആണ്ട്‌ എത്ര​ത്തോ​ളം പ്രാധാ​ന്യ​മർഹി​ക്കു​ന്നു?

പാശ്ചാത്യ രാജ്യ​ങ്ങ​ളി​ലും മറ്റിട​ങ്ങ​ളി​ലു​മുള്ള ആളുക​ളിൽനി​ന്നു വ്യത്യ​സ്‌ത​മാ​യി നിരവധി ആളുകൾ 2000-ാം ആണ്ടിനു മതപര​മായ യാതൊ​രു പ്രാധാ​ന്യ​വും കൽപ്പി​ക്കു​ന്നില്ല. ഉദാഹ​ര​ണ​ത്തിന്‌, യഹൂദ​ന്മാർക്കും മുസ്ലീ​ങ്ങൾക്കും ഹിന്ദു​ക്കൾക്കും മറ്റും തങ്ങളു​ടേ​തായ മതകല​ണ്ട​റു​ക​ളുണ്ട്‌. അവ പാശ്ചാത്യ കലണ്ടറു​മാ​യി യോജി​പ്പി​ല​ല്ല​താ​നും. മതപര​വും പരമ്പരാ​ഗ​ത​വു​മായ തീയതി​കൾക്കു ചൈനാ​ക്കാർ പിന്തു​ട​രു​ന്നത്‌ ഒരു ചാന്ദ്രിക കലണ്ടറാണ്‌. അതിനാൽ ഇന്ന്‌ ശതകോ​ടി​കൾ, ഒരുപക്ഷേ ലോക​ജ​ന​സം​ഖ്യ​യു​ടെ ഭൂരി​ഭാ​ഗം​തന്നെ, 2000-ാം ആണ്ടിനു പ്രത്യേ​ക​മായ യാതൊ​രു അർഥവും കൽപ്പി​ക്കു​ന്നില്ല.a

എന്നുവ​രി​കി​ലും ഗ്രി​ഗോ​റി​യൻ കലണ്ടർ അനുസ​രിച്ച്‌ സമാഗ​ത​മാ​കുന്ന മൂന്നാം സഹസ്രാ​ബ്ദ​ത്തി​ന്റെ ആരംഭ​ത്തി​നാ​യി അനേക​മാ​ളു​കൾ, വിശേ​ഷിച്ച്‌ പാശ്ചാത്യ രാജ്യ​ങ്ങ​ളി​ലു​ള്ളവർ, ജിജ്ഞാ​സാ​പൂർവം കാത്തി​രി​ക്കു​ക​യാണ്‌. ചിലരെ സംബന്ധി​ച്ചി​ട​ത്തോ​ളം ഇതു കേവല​മൊ​രു പ്രതീ​ക്ഷയല്ല. ഒരു നവയു​ഗ​പ്പി​റ​വി​യാ​യി, ചരി​ത്ര​ത്തി​ലെ ഒരു വഴിത്തി​രി​വാ​യി​ട്ടാണ്‌ 2000-ാം ആണ്ടിനെ അവർ വീക്ഷി​ക്കു​ന്നത്‌. ബൈബി​ളിൽ വിശ്വ​സി​ക്കു​ന്നെന്ന്‌ അവകാ​ശ​പ്പെ​ടുന്ന നിരവധി ആളുകൾ 2000-ാം ആണ്ടിനെ പ്രവച​ന​നി​വൃ​ത്തി​യു​മാ​യി ബന്ധപ്പെ​ടു​ത്തു​ന്നു. അന്ന്‌ വലിയ അളവി​ലുള്ള ആത്മീയ സംഭവ​വി​കാ​സങ്ങൾ ഉണ്ടാകു​മെ​ന്നാണ്‌ മറ്റു ചിലർ കരുതു​ന്നത്‌. വേറെ ചിലരാ​കട്ടെ ലോകാ​വ​സാ​ന​മാ​കുന്ന കൊടും​വി​പ​ത്തി​നെ ഭയക്കുന്നു. എന്നാൽ ഇത്തരം പ്രതീ​ക്ഷ​കൾക്കു ബൈബിൾപ​ര​മായ എന്തെങ്കി​ലും അടിസ്ഥാ​ന​മു​ണ്ടോ?

സമയപാ​ല​ക​നായ യഹോവ

ബൈബി​ളി​ലെ ദൈവത്തെ “നാളു​ക​ളിൽ പുരാ​തനൻ” എന്നു വർണി​ച്ചി​രി​ക്കു​ന്നു. (ദാനീ​യേൽ 7:9, NW) അവൻ സമയത്തെ പൂർണ​കൃ​ത്യ​ത​യോ​ടെ നിയ​ന്ത്രി​ക്കു​ന്നു. ഗ്രഹങ്ങ​ളു​ടെ ഭ്രമണം മുതൽ ആറ്റത്തിലെ ഉപകണ​ങ്ങ​ളു​ടെ ചലനം വരെയുള്ള അവന്റെ മിക്ക സൃഷ്ടി​ക​ളു​ടെ​യും പ്രവർത്ത​ന​ത്തിൽ അത്‌ സ്‌പഷ്ട​മാ​ക്ക​പ്പെ​ടു​ന്നു. താൻ കൃത്യ​ത​യോ​ടെ പറ്റിനിൽക്കുന്ന സ്വന്തം സമയപ്പ​ട്ടിക അവനുണ്ട്‌. അവൻ “[മനുഷ്യ​രു​ടെ] നിവാ​സ​ത്തി​ന്നു അതിരു​ക​ളും കാലങ്ങ​ളും നിശ്ചയി​ച്ചു” എന്ന്‌ ബൈബിൾ പറയുന്നു. (പ്രവൃ​ത്തി​കൾ 17:26) യഹോവ കൃത്യ​ത​യുള്ള സമയപാ​ല​ക​നാണ്‌.

ആയതി​നാൽ, കാലഗ​ണ​ന​യ്‌ക്കു ബൈബിൾ ഉയർന്ന പ്രാധാ​ന്യം കൊടു​ക്കു​ന്നു. മാനവ​ച​രി​ത്ര​ത്തി​ന്റെ ആരംഭം ക്രമീ​കൃ​ത​മാ​യി കണക്കാ​ക്കാൻ സാധി​ക്കുന്ന തുടർച്ച​യായ ഒരു ചരി​ത്ര​രേഖ ബൈബിൾ പ്രദാ​നം​ചെ​യ്യു​ന്നു. അത്തര​മൊ​രു കണക്കു​കൂ​ട്ടൽ ദൈവം ആദാമി​നെ സൃഷ്ടി​ച്ചത്‌ പൊ.യു.മു. 4026-ലാണെന്നു സൂചി​പ്പി​ക്കു​ന്നു. അതിനു​ശേഷം ഏതാണ്ട്‌ 2,000 വർഷം കഴിഞ്ഞ്‌ അബ്രാ​ഹാം ജനിച്ചു. യേശു ജനിച്ച​പ്പോ​ഴേ​ക്കും പിന്നെ​യും 2,000 വർഷം കൂടി കഴിഞ്ഞി​രു​ന്നു.

ബൈബിൾ കാലഗണന പഠിക്കുന്ന ചിലർ നിർദിഷ്ട ഭാവി​തീ​യ​തി​ക​ളി​ലേക്കു വിരൽചൂ​ണ്ടുന്ന സമവാ​ക്യ​ങ്ങൾ വികസി​പ്പി​ച്ചെ​ടു​ത്തി​ട്ടുണ്ട്‌. ഉദാഹ​ര​ണ​ത്തിന്‌, ആദാമും അബ്രാ​ഹാ​മും യേശു​വും ജീവി​ച്ചി​രുന്ന സമയത്തെ തമ്മിൽ വേർതി​രി​ക്കുന്ന ഏതാണ്ട്‌ 2,000 വർഷങ്ങ​ളു​ടെ തുടർച്ച​യായ കാലഘ​ട്ടത്തെ അടിസ്ഥാ​ന​മാ​ക്കി​ക്കൊണ്ട്‌, യേശു​വി​ന്റെ ജനന​ശേ​ഷ​മുള്ള 2,000 വർഷകാ​ല​ഘ​ട്ട​ത്തി​ന്റെ അന്ത്യത്തിൽ അശുഭ​ക​ര​മായ ഒരു സംഭവം അരങ്ങേ​റു​മെന്നു ചിലർ മുൻകൂ​ട്ടി പ്രഖ്യാ​പി​ക്കു​ന്നു. ബൈബിൾ കാലഗ​ണ​ന​യിൽ അധിഷ്‌ഠി​ത​മെന്ന്‌ ആരോ​പി​ച്ചു​കൊണ്ട്‌ കാലനിർണയം നടത്തുന്ന നിരവധി സൂത്ര​വാ​ക്യ​ങ്ങ​ളിൽ ഒന്നു മാത്ര​മാണ്‌ ഇത്‌.

ദുഷ്ടത നീക്കം​ചെ​യ്യു​ക​യും ഒരു പുതിയ ലോകം ആനയി​ക്കു​ക​യും ചെയ്‌തു​കൊണ്ട്‌ യഹോ​വ​യാം ദൈവം മാനുഷ കാര്യാ​ദി​ക​ളിൽ ഇടപെ​ടുന്ന സമയ​ത്തെ​ക്കു​റിച്ച്‌ ബൈബിൾ പ്രതി​പാ​ദി​ക്കു​ന്നു​വെ​ന്നതു ശരിതന്നെ. ബൈബിൾ പ്രവചനം ‘അന്ത്യകാ​ലം,’ ‘ലോകാ​വ​സാ​നം,’ ‘അന്ത്യനാ​ളു​കൾ,’ ‘ദൈവ​ദി​വസം’ എന്നിവ​യെ​ക്കു​റി​ച്ചൊ​ക്കെ പ്രസ്‌താ​വി​ക്കു​ന്നുണ്ട്‌. (ദാനീ​യേൽ 8:17; മത്തായി 24:3; 2 തിമൊ​ഥെ​യൊസ്‌ 3:1, NW; 2 പത്രൊസ്‌ 3:11) എന്നാൽ, ബൈബി​ളിൽ പ്രവചി​ക്ക​പ്പെ​ട്ടി​രി​ക്കുന്ന ‘അന്ത്യം’ യാതൊ​രു പ്രകാ​ര​ത്തി​ലും 2000-ാം ആണ്ടുമാ​യി ബന്ധപ്പെ​ട്ടി​രി​ക്കു​ന്നില്ല. ഗ്രി​ഗോ​റി​യൻ കലണ്ടർ അനുസ​രിച്ച്‌ കണക്കാ​ക്ക​പ്പെ​ടുന്ന രണ്ടാം സഹസ്രാ​ബ്ദ​ത്തി​ന്റെ അവസാ​ന​ത്തി​നു പ്രത്യേക പ്രാധാ​ന്യം കൽപ്പി​ക്കുന്ന വിധത്തി​ലുള്ള യാതൊ​രു സൂചന​യും തിരു​വെ​ഴു​ത്തു​കൾ നൽകു​ന്നില്ല.

“അതു എപ്പോൾ സംഭവി​ക്കും”

യേശു​വി​ന്റെ ശിഷ്യ​ന്മാർ ദൈവ​ത്തി​ന്റെ സമയപ്പ​ട്ടി​ക​യിൽ ഉത്‌ക്ക​ട​മായ താത്‌പ​ര്യം പ്രകടി​പ്പി​ച്ചു. അവർ അവനോട്‌ “അതു എപ്പോൾ സംഭവി​ക്കും എന്നും നിന്റെ വരവി​ന്നും ലോകാ​വ​സാ​ന​ത്തി​ന്നും അടയാളം എന്തു എന്നും പറഞ്ഞു​ത​രേണം എന്നു അപേക്ഷി​ച്ചു.” (മത്തായി 24:3) ഭാവി സംബന്ധിച്ച്‌ ഇന്ന്‌ അനേക​മാ​ളു​കൾക്കു സമാന​മായ ജിജ്ഞാ​സ​യുണ്ട്‌. അത്തരം ബൈബിൾ പ്രവച​ന​ങ്ങ​ളും അവ നിവൃ​ത്തി​യേ​റുന്ന സമയവും സംബന്ധിച്ച്‌ ആഴമായ താത്‌പ​ര്യ​മു​ണ്ടാ​യി​രി​ക്കു​ന്നതു സ്വാഭാ​വി​ക​മാണ്‌. എന്നാൽ, കാര്യാ​ദി​കൾ സംബന്ധിച്ച്‌ ദൈവ​ത്തി​നുള്ള വീക്ഷണം സ്വീക​രി​ക്കു​ന്ന​തും അതിനെ ആദരി​ക്കു​ന്ന​തും ജ്ഞാനമാണ്‌.

തന്റെ പുത്ര​നി​ലൂ​ടെ യഹോവ തന്റെ ഹിതം വെളി​പ്പെ​ടു​ത്തി​യി​ട്ടുണ്ട്‌, ഈ പ്രശ്‌ന​ത്തിന്‌ നേരി​ട്ടുള്ള ഒരു ഉത്തരവും അവൻ പ്രദാ​നം​ചെ​യ്‌തി​ട്ടുണ്ട്‌. യേശു​വി​ന്റെ സ്വർഗാ​രോ​ഹ​ണ​ത്തിന്‌ അൽപ്പം മുമ്പ്‌, അവന്റെ ശിഷ്യ​ന്മാർ ദൈവ​ത്തി​ന്റെ വാഗ്‌ദ​ത്തങ്ങൾ നിവൃ​ത്തി​യേ​റുന്ന സമയം സംബന്ധിച്ച്‌ യേശു​വി​നോ​ടു വീണ്ടും ചോദി​ച്ചു. യേശു ഉത്തരം പറഞ്ഞു: “പിതാവു തന്റെ സ്വന്ത അധികാ​ര​ത്തിൽ വെച്ചി​ട്ടുള്ള കാലങ്ങ​ളെ​യോ സമയങ്ങ​ളെ​യോ അറിയു​ന്നതു നിങ്ങൾക്കു​ള്ളതല്ല.” (ചെരി​ച്ചെ​ഴു​ത്തു ഞങ്ങളു​ടേത്‌.) (പ്രവൃ​ത്തി​കൾ 1:7) മുമ്പൊ​രി​ക്കൽ യേശു തന്റെ ശിഷ്യ​ന്മാ​രോട്‌ ഇങ്ങനെ പറഞ്ഞു: “ആ നാളും നാഴി​ക​യും സംബന്ധി​ച്ചോ എന്റെ പിതാവു മാത്ര​മ​ല്ലാ​തെ ആരും സ്വർഗ്ഗ​ത്തി​ലെ ദൂതൻമാ​രും പുത്ര​നും കൂടെ അറിയു​ന്നില്ല.”—മത്തായി 24:36.

അപ്പോൾ വ്യക്തമാ​യും, “കാലങ്ങ​ളെ​യോ സമയങ്ങ​ളെ​യോ അറിയു​ന്നതു,” വിശേ​ഷിച്ച്‌ ബൈബിൾ പ്രവച​ന​ങ്ങ​ളു​ടെ നിവൃത്തി എപ്പോ​ഴാ​ണെ​ന്ന​റി​യു​ന്നത്‌ മാനുഷ അധികാര പരിധി​യി​ലു​ള്ളതല്ല. അത്തരം വിവരങ്ങൾ നമുക്കു വെളി​പ്പെ​ടു​ത്താ​തി​രി​ക്കാൻ ദൈവം തീരു​മാ​നി​ച്ചി​രി​ക്കു​ന്നു. (മത്തായി 24:22-44) “ആ നാളും നാഴി​ക​യും” സ്വന്തമാ​യി കണക്കാ​ക്കു​ന്ന​തി​ലൂ​ടെ ദൈവ​ഹി​ത​ത്തി​നെ​തി​രാ​യി അവന്റെ ഉദ്ദേശ്യ​ങ്ങ​ളു​ടെ​മേൽ ഏതെങ്കി​ലും വിധത്തിൽ സ്വാധീ​നം ചെലു​ത്താൻ നമുക്കു സാധി​ക്കു​മോ? തീർച്ച​യാ​യും ഇല്ല. (സംഖ്യാ​പു​സ്‌തകം 23:19; റോമർ 11:33-35എ) ബൈബിൾ പ്രസ്‌താ​വി​ക്കു​ന്നു: ‘യഹോ​വ​യു​ടെ ആലോചന ശാശ്വ​ത​മാ​യി നില്‌ക്കു​ന്നു.’ (സങ്കീർത്ത​നങ്ങൾ 33:11) സർവശ​ക്ത​നായ ദൈവ​മെ​ന്ന​നി​ല​യിൽ അവൻ എല്ലായ്‌പോ​ഴും വിജയം​വ​രി​ക്കു​ന്നു.—യെശയ്യാ​വു 55:8-11.

‘തന്റെ സ്വന്ത അധികാ​ര​ത്തിൽ വെച്ചി​ട്ടുള്ള കാലങ്ങ​ളെ​യോ സമയങ്ങ​ളെ​യോ കുറി​ച്ചുള്ള അറിവ്‌’ സൂക്ഷി​ക്കാൻ ദൈവ​ത്തി​നു ശക്തിയു​ണ്ടെ​ങ്കി​ലും നിരവധി ആളുകൾ അത്‌ അനുമാ​നി​ച്ചെ​ടു​ക്കാൻ ഇഷ്ടപ്പെ​ടു​ന്നു. ചിലർ വിനാ​ശ​ത്തി​ന്റെ സ്വനി​യ​മിത പ്രവാ​ച​ക​ന്മാ​രാ​യി​ത്തീ​രു​ന്നു. അതു​കൊ​ണ്ടാണ്‌ അപ്പോ​സ്‌ത​ല​നായ പൗലൊസ്‌ തീയതി​കൾ അനുമാ​നി​ച്ചെ​ടു​ക്കുന്ന ആളുകളെ ശ്രദ്ധി​ക്കു​ന്ന​തി​ന്റെ അപകടം സംബന്ധിച്ച്‌ തെസ്സ​ലൊ​നീ​ക്യർക്കു കൃത്യ​മായ നിർദേശം കൊടു​ത്തത്‌. അവൻ ഇങ്ങനെ എഴുതി: “ഞങ്ങൾ നിങ്ങ​ളോ​ടു അപേക്ഷി​ക്കു​ന്നതു: കർത്താ​വി​ന്റെ നാൾ അടുത്തി​രി​ക്കു​ന്നു എന്നു​വെച്ചു നിങ്ങൾ വല്ല ആത്മാവി​നാ​ലോ വചനത്താ​ലോ ഞങ്ങൾ എഴുതി എന്ന ഭാവത്തി​ലുള്ള ലേഖന​ത്താ​ലോ സുബോ​ധം​വി​ട്ടു വേഗത്തിൽ ഇളകു​ക​യും ഞെട്ടി​പ്പോ​ക​യു​മ​രു​തു. ആരും ഏതുവി​ധേ​ന​യും നിങ്ങളെ ചതിക്ക​രു​തു.”—2 തെസ്സ​ലൊ​നീ​ക്യർ 2:1-3.

ഭാവി സംബന്ധി​ച്ചുള്ള ദൈ​വോ​ദ്ദേ​ശ്യ​ങ്ങൾ അവൻ മുൻകൂ​ട്ടി നിശ്ചയിച്ച സമയത്ത്‌, അവൻ തിര​ഞ്ഞെ​ടുത്ത ദിവസ​ത്തി​ലും നാഴി​ക​യി​ലും തീർച്ച​യാ​യും സംഭവി​ക്കു​മെന്ന്‌ യഹോ​വ​യു​ടെ സാക്ഷികൾ ദൃഢമാ​യി വിശ്വ​സി​ക്കു​ന്നു. (ഹബക്കൂക്ക്‌ 2:3; 2 പത്രൊസ്‌ 3:9, 10) ഈ സംഭവ​വി​കാ​സങ്ങൾ സമീപ​ഭാ​വി​യിൽത്തന്നെ നിവൃ​ത്തി​യേ​റു​മെ​ന്നും നാം വിശ്വ​സി​ക്കു​ന്നു. (2 തിമൊ​ഥെ​യൊസ്‌ 3:1-5) എന്നിരു​ന്നാ​ലും, പെരു​കി​ക്കൊ​ണ്ടി​രി​ക്കുന്ന ഇന്നത്തെ സിദ്ധാ​ന്ത​ങ്ങ​ളെ​ക്കു​റി​ച്ചു നാം ഊഹാ​പോ​ഹം നടത്തു​ക​യോ അവയെ പിന്തു​ണ​യ്‌ക്കു​ക​യോ ചെയ്യു​ന്നില്ല.b 2000-ാം ആണ്ടോ 2001-ാം ആണ്ടോ നിർണാ​യക സമയമാ​യി മനുഷ്യർ കണക്കാ​ക്കുന്ന മറ്റേ​തൊ​രു സമയമോ ആയി​ക്കൊ​ള്ളട്ടെ, അതിനു യഹോ​വ​യു​ടെ സമയപ്പ​ട്ടി​ക​യു​മാ​യി യാതൊ​രു ബന്ധവു​മില്ല എന്നതു തീർച്ച​യാണ്‌.

[അടിക്കു​റി​പ്പു​കൾ]