നമ്മുടെ കുട്ടി​കളെ റൗഡി​സം​ഘ​ങ്ങ​ളിൽനി​ന്നു സംരക്ഷി​ക്കൽ

“കുട്ടി​കൾക്ക്‌ തങ്ങളെ​ക്കു​റി​ച്ചു കരുതു​ന്ന​വരെ ആവശ്യ​മാണ്‌.”—നോട്ട്‌ മൈ കിഡ്‌—ഗാങ്‌ പ്രി​വെൻഷൻ ഫോർ പേരൻറ്‌സ്‌.

ദൈവ​വു​മാ​യുള്ള നമ്മുടെ ബന്ധം കഴിഞ്ഞാൽ പിന്നെ നമുക്ക്‌ ഏറ്റവും വിലപ്പെട്ട ഒരു സ്വത്താണ്‌ നമ്മുടെ കുട്ടികൾ. നാം അവരു​മാ​യി സംസാ​രി​ക്കു​ക​യും അവരെ ശ്രദ്ധി​ക്കു​ക​യും ആശ്ലേഷി​ക്കു​ക​യും ചെയ്യേ​ണ്ട​തുണ്ട്‌, അവർ നമുക്കു വളരെ പ്രധാ​ന​പ്പെ​ട്ട​വ​രാ​ണെന്ന്‌ അവർ അറിയു​ന്നു​വെന്ന്‌ ഉറപ്പു​വ​രു​ത്തു​ക​യും വേണം. അവരെ നാം നല്ല കാര്യങ്ങൾ അതായത്‌, സത്യസ​ന്ധ​രും സഹായ​മ​ന​സ്‌ക​രും ആയിരി​ക്കാ​നും നല്ല ജീവിതം നയിക്കാ​നും മറ്റുള്ള​വ​രോട്‌ ദയ പ്രകട​മാ​ക്കാ​നും പഠിപ്പി​ക്കേ​ണ്ട​തുണ്ട്‌.

പ്രായ​പൂർത്തി​യാ​കാ​ത്ത​വർക്കുള്ള ഒരു ജയിലി​ന്റെ സൂപ്രണ്ട്‌ പിൻവ​രുന്ന പ്രകാരം പറഞ്ഞ​പ്പോൾ ഇന്നത്തെ ഒരു വലിയ പ്രശ്‌ന​ത്തി​ലേക്കു വിരൽചൂ​ണ്ടി: “കുടും​ബ​ത്തി​നു​ള്ളിൽ മൂല്യങ്ങൾ പഠിപ്പി​ക്ക​പ്പെ​ടു​ന്നില്ല.” തീർച്ച​യാ​യും, അതു ചെയ്യാൻ നാം ശ്രദ്ധി​ക്കേ​ണ്ട​താണ്‌. നമ്മുടെ കുട്ടികൾ എങ്ങനെ ജീവി​ക്ക​ണ​മെന്നു നാം ആഗ്രഹി​ക്കു​ന്നു​വോ ആ വിധത്തിൽ നാം ജീവി​ക്കണം. അതുമൂ​ലം നമ്മുടെ ജീവി​ത​ത്തിൽ ഉണ്ടാകുന്ന സന്തോഷം അവർ കാണട്ടെ. അവരെ നാം ശരിയായ മൂല്യങ്ങൾ പഠിപ്പി​ക്കാ​ത്ത​പക്ഷം അവർ അത്തരം മൂല്യങ്ങൾ പിൻപ​റ്റു​മെന്ന്‌ നമു​ക്കെ​ങ്ങനെ പ്രതീ​ക്ഷി​ക്കാ​നാ​കും?

“സ്വയം പരാജി​ത​രാ​യി കാണു​ന്ന​വ​രും . . . സുരക്ഷി​ത​ത്വ​വും ഉറ്റബന്ധ​വും സമൂഹ​ത്തി​ന്റെ അംഗീ​കാ​ര​വും തേടു​ന്ന​വരു”മായ യുവജ​ന​ങ്ങ​ളെ​യാണ്‌ റൗഡി​സം​ഘങ്ങൾ മിക്ക​പ്പോ​ഴും ആകർഷി​ക്കു​ന്ന​തെന്ന്‌ അമേരി​ക്ക​യി​ലെ സ്‌കൂ​ള​ധ്യാ​പ​കർക്കു​വേണ്ടി പ്രസി​ദ്ധീ​ക​രിച്ച ടുഡേ എന്ന മാസിക പ്രസ്‌താ​വി​ക്കു​ക​യു​ണ്ടാ​യി. ഈ സംഗതി​കൾ—സുരക്ഷി​ത​ത്വം, കുടും​ബ​ത്തി​ലും സ്വന്തം ജീവി​ത​ത്തി​ലും ഒരു ഉറച്ച വിജയ ബോധം എന്നിവ—നാം നമ്മുടെ കുട്ടി​കൾക്ക്‌ വാസ്‌ത​വ​ത്തിൽ വീട്ടിൽവെച്ചു കൊടു​ക്കു​ന്നെ​ങ്കിൽ അവർ ഒരു റൗഡി​സം​ഘ​ത്തി​ന്റെ വ്യാജ വാഗ്‌ദാ​ന​ങ്ങ​ളാൽ ആകർഷി​ക്ക​പ്പെ​ടാ​നുള്ള സാധ്യത വിരള​മാ​യി​രി​ക്കും.

കുട്ടി കുഴപ്പ​ത്തി​ലാ​ണെന്നു പറയാ​നാ​യി പൊലീസ്‌ വാതിൽക്കൽ മുട്ടു​മ്പോൾ ഞെട്ടൽ മൂലം മാതാ​പി​താ​ക്ക​ളു​ടെ മുഖത്ത്‌ മിന്നി​മ​റ​യുന്ന ഭാവപ്പ​കർച്ച​ക​ളെ​ക്കു​റിച്ച്‌ കാലി​ഫോർണി​യ​യി​ലെ പൊലീസ്‌ ഡിപ്പാർട്ടു​മെൻറി​ലെ റൗഡി​സം​ഘ​വി​രുദ്ധ യൂണി​റ്റി​ന്റെ നേതാവ്‌ പറയുന്നു. തങ്ങൾക്കു വളരെ നന്നായി അറിയാ​മെന്നു കരുതി​യി​രുന്ന തങ്ങളുടെ കുട്ടി എന്തെങ്കി​ലും കുരു​ത്ത​ക്കേട്‌ ഒപ്പി​ച്ചെന്ന്‌ അവർക്കു വിശ്വ​സി​ക്കാ​നേ കഴിയില്ല. എന്നാൽ അവരുടെ കുട്ടി പുതിയ കൂട്ടു​കാ​രെ കണ്ടെത്തു​ക​യും അവന്‌ മാറ്റം സംഭവി​ക്കു​ക​യും ചെയ്‌തി​രു​ന്നു. മാതാ​പി​താ​ക്കൾ അത്‌ ശ്രദ്ധി​ച്ചി​ല്ലെന്നു മാത്രം.

മുൻക​രു​ത​ലു​ക​ളെ​ടു​ക്കു​ന്നത്‌ മർമ​പ്ര​ധാ​നം

യുവജ​ന​ങ്ങ​ളും മുതിർന്ന​വ​രും നല്ല വിവേ​ച​നാ​ശക്തി പ്രകട​മാ​ക്ക​ണ​മെ​ന്നും സംഘത്തെ വെല്ലു​വി​ളി​ക്കു​ക​യോ ഭീഷണി​പ്പെ​ടു​ത്തു​ക​യോ ചെയ്യരു​തെ​ന്നും റൗഡി​സം​ഘങ്ങൾ പ്രവർത്ത​ന​നി​ര​ത​മാ​യി​രി​ക്കുന്ന പ്രദേ​ശ​ങ്ങ​ളിൽ പാർക്കു​ന്നവർ പറയുന്നു. സംഘാം​ഗ​ങ്ങ​ളു​ടെ വലിയ കൂട്ടങ്ങളെ ഒഴിവാ​ക്കുക, അവരുടെ വസ്‌ത്ര​ധാ​രണ ശൈലി​യും അവർ ധരിക്കുന്ന വസ്‌ത്ര​ത്തി​ന്റെ നിറവും ഉൾപ്പെടെ, അവർ കാണ​പ്പെ​ടു​ക​യോ പ്രവർത്തി​ക്കു​ക​യോ ചെയ്യുന്ന വിധം അനുക​രി​ക്ക​രുത്‌. അവരെ അനുക​രി​ക്കു​ന്നത്‌ നിങ്ങളെ ഒരു ശത്രു സംഘത്തി​ന്റെ നോട്ട​പ്പു​ള്ളി​യാ​ക്കി​യേ​ക്കാം.

കൂടാതെ, ഒരു വ്യക്തി ഒരു സംഘത്തി​ന്റെ ഭാഗമാ​യി​ത്തീ​രാൻ ആഗ്രഹി​ക്കു​ന്ന​തു​പോ​ലെ വസ്‌ത്രം ധരിക്കു​ക​യോ പ്രവർത്തി​ക്കു​ക​യോ ചെയ്യു​ന്നെ​ങ്കിൽ തങ്ങളിൽ ഒരാളാ​യി​ത്തീ​രാൻ അതിലെ അംഗങ്ങൾ അയാളിൽ സമ്മർദം ചെലു​ത്തി​യേ​ക്കാം. പ്രാ​ദേ​ശിക സംഘാം​ഗ​ങ്ങ​ളു​ടെ മനോ​ഭാ​വങ്ങൾ മനസ്സി​ലാ​ക്കു​ന്നത്‌ എത്രമാ​ത്രം പ്രധാ​ന​മാ​ണെന്ന്‌ ചിക്കാ​ഗോ​യി​ലുള്ള മൂന്നു കുട്ടി​ക​ളു​ടെ പിതാവ്‌ വ്യക്തമാ​ക്കു​ക​യു​ണ്ടാ​യി. അദ്ദേഹം പ്രസ്‌താ​വി​ച്ചു: ‘എന്റെ തൊപ്പി വലത്തോ​ട്ടു ചെരി​ഞ്ഞി​രി​ക്കു​ന്നെ​ങ്കിൽ ഞാൻ അവരോട്‌ അനാദ​രവു കാട്ടു​ക​യാ​ണെന്ന്‌ അവർ വിചാ​രി​ക്കു​ന്നു.’ അതുമതി അക്രമം തുടങ്ങാൻ!

നിങ്ങളു​ടെ കുട്ടി​ക​ളിൽ താത്‌പ​ര്യ​മെ​ടു​ക്കുക

ഒരു മാതാവു പറഞ്ഞു: “നാം നമ്മുടെ കുട്ടി​കളെ—അവർ എന്തു വിചാ​രി​ക്കു​ന്നു​വെ​ന്നും എന്തു ചെയ്യു​ന്നു​വെ​ന്നും—അറി​യേ​ണ്ട​തുണ്ട്‌. നാം അവരുടെ ജീവി​ത​ത്തിൽ വ്യക്തി​പ​ര​മായ താത്‌പ​ര്യം എടുക്കു​ന്നി​ല്ലെ​ങ്കിൽ നമുക്ക​വരെ സഹായി​ക്കാൻ കഴിയില്ല.” മാതാ​പി​താ​ക്കൾ അവസാ​നി​പ്പി​ച്ചാ​ല​ല്ലാ​തെ റൗഡി​സം​ഘ​ങ്ങ​ളു​ടെ പ്രശ്‌നം അവസാ​നി​ക്കു​ക​യി​ല്ലെന്ന്‌ മറ്റൊരു മാതാവു പറഞ്ഞു. അവരി​ങ്ങനെ കൂട്ടി​ച്ചേർത്തു: “നമുക്ക്‌ അവരോട്‌ സ്‌നേഹം കാണി​ക്കാം. അവർ നശിച്ചാൽ നമുക്കാ​ണു പോകു​ന്നത്‌.”

നമുക്ക്‌ നമ്മുടെ കുട്ടി​ക​ളു​ടെ കൂട്ടു​കാ​രെ അറിയാ​മോ, സ്‌കൂളു വിട്ടു​ക​ഴിഞ്ഞ്‌ അവരെ​ങ്ങോ​ട്ടാ​ണു പോകു​ന്ന​തെ​ന്ന​റി​യാ​മോ, ഇരുട്ടി​ക്ക​ഴി​ഞ്ഞും അവരെ​വി​ടെ​യാ​ണു തങ്ങുന്ന​തെ​ന്ന​റി​യാ​മോ? തീർച്ച​യാ​യും, കുട്ടികൾ സ്‌കൂൾ വിട്ടു​വ​രു​മ്പോൾ എല്ലാ അമ്മമാർക്കും വീട്ടി​ലാ​യി​രി​ക്കാൻ കഴിയില്ല. എങ്കിലും, വാടക അടയ്‌ക്കാ​നും കുട്ടി​കളെ തീറ്റി​പ്പോ​റ്റാ​നു​മാ​യി ധൈര്യ​പൂർവം അധ്വാ​നി​ക്കുന്ന ഏകാകി​നി​ക​ളായ മാതാ​ക്കൾക്ക്‌, മറ്റ്‌ അമ്മമാ​രോ ആശ്രയ​യോ​ഗ്യ​രായ മറ്റാ​രെ​ങ്കി​ലു​മോ ഉച്ചകഴിഞ്ഞ്‌ കുട്ടി​കളെ നോക്കു​വാൻ തക്കവണ്ണം ക്രമീ​ക​രണം ചെയ്യാൻ കഴി​ഞ്ഞേ​ക്കും.

റൗഡി​സം​ഘ​ങ്ങൾ പ്രബല​മാ​യി​രി​ക്കുന്ന ഒരു മേഖല​യിൽ പാർക്കുന്ന മനുഷ്യ​നോട്‌ റൗഡി​സം​ഘ​ങ്ങ​ളിൽനിന്ന്‌ അദ്ദേഹം തന്റെ കുട്ടി​കളെ എങ്ങനെ​യാ​ണു സംരക്ഷി​ക്കു​ന്ന​തെന്നു ചോദി​ച്ചു. തന്റെ മകനെ അയൽപ​ക്ക​ത്തു​കൂ​ടി കൊണ്ടു​ന​ടന്ന്‌ റൗഡി​സം​ഘ​ത്തി​ന്റെ പ്രവർത്ത​ന​ത്തി​ന്റെ അനന്തര​ഫ​ലങ്ങൾ കാണി​ച്ചു​കൊ​ടു​ക്കു​ന്ന​താ​യി അദ്ദേഹം പറഞ്ഞു. ഭിത്തി​യി​ലെ കുത്തി​വ​ര​ക​ളും ഇടിഞ്ഞു​പൊ​ളി​ഞ്ഞു കിടക്കുന്ന കെട്ടി​ട​ങ്ങ​ളു​മൊ​ക്കെ അദ്ദേഹം ചൂണ്ടി​ക്കാ​ണി​ക്കു​ന്നു. കൂടാതെ, “ആ പ്രദേശം സുരക്ഷി​ത​മാ​യി കാണ​പ്പെ​ടു​ന്നി​ല്ലെ​ന്നും സംഘാം​ഗങ്ങൾ ജീവിതം പാഴാ​ക്കി​ക്കൊണ്ട്‌ വെറുതെ കറങ്ങി​ന​ട​ക്കു​ക​യാ​ണെ​ന്നും” അദ്ദേഹം മകന്‌ കാണി​ച്ചു​കൊ​ടു​ക്കു​ന്നു. അദ്ദേഹം ഇങ്ങനെ കൂട്ടി​ച്ചേർത്തു: “അതിനു​ശേഷം, ബൈബിൾ തത്ത്വങ്ങ​ള​നു​സ​രി​ച്ചു ജീവി​ക്കു​ന്നത്‌ അതു​പോ​ലൊ​രു ഗതി വരുന്ന​തിൽനിന്ന്‌ അവനെ തടയു​മെന്ന്‌ ഞാൻ വിശദീ​ക​രി​ക്കു​ന്നു.”

കുട്ടി​ക​ളു​ടെ സ്‌കൂൾ പ്രവർത്ത​ന​ങ്ങ​ളിൽ ആത്മാർഥ​മായ താത്‌പ​ര്യ​മെ​ടു​ക്കു​ന്ന​തു​പോ​ലുള്ള ലളിത​മായ കാര്യങ്ങൾ അവർക്കു സംരക്ഷ​ണ​മാ​യേ​ക്കാം. സ്‌കൂ​ളിൽ രക്ഷാകർത്തൃ യോഗ​മോ ക്ലാസ്‌മു​റി​കൾ സന്ദർശി​ക്കാ​നും അധ്യാ​പ​ക​രു​മാ​യി സംസാ​രി​ക്കാ​നും മാതാ​പി​താ​ക്കളെ ക്ഷണിക്കുന്ന മറ്റേ​തെ​ങ്കി​ലും വേളക​ളോ ഉണ്ടെങ്കിൽ തീർച്ച​യാ​യും പോകുക. നിങ്ങളു​ടെ കുട്ടി​ക​ളു​ടെ അധ്യാ​പ​കരെ അറിയുക. നിങ്ങളു​ടെ കുട്ടി​യി​ലും കുട്ടി​യു​ടെ പഠനകാ​ര്യ​ങ്ങ​ളി​ലും നിങ്ങൾക്കുള്ള താത്‌പ​ര്യം അവരറി​യട്ടെ. സ്‌കൂൾ സന്ദർശ​ന​ത്തി​നു​വേണ്ടി പ്രത്യേക ക്രമീ​ക​ര​ണ​മി​ല്ലാ​ത്ത​പക്ഷം നിങ്ങളു​ടെ കുട്ടി​യു​ടെ സ്‌കൂ​ളി​ലെ പുരോ​ഗ​തി​യെ​ക്കു​റി​ച്ചും നിങ്ങൾക്കു സഹായി​ക്കാൻ കഴി​ഞ്ഞേ​ക്കാ​വുന്ന വിധ​ത്തെ​ക്കു​റി​ച്ചും അധ്യാ​പ​ക​രോ​ടു സംസാ​രി​ക്കു​ന്ന​തി​നുള്ള അവസരങ്ങൾ കണ്ടെത്താൻ ശ്രമി​ക്കുക.

ഗൃഹപാ​ഠം ചെയ്യു​ന്ന​തിൽ കുടും​ബ​ത്തി​ന്റെ സഹായ​മോ പ്രോ​ത്സാ​ഹ​ന​മോ ലഭിച്ച വിദ്യാർഥി​ക​ളു​ടെ 9 ശതമാനം റൗഡി​സം​ഘ​ത്തിൽ ചേർന്ന​താ​യി അമേരി​ക്ക​യി​ലെ ഒരു വൻ നഗരത്തിൽ നടത്തിയ സർവേ കണ്ടെത്തി. എന്നാൽ അത്തരം ശ്രദ്ധ ലഭിക്കാഞ്ഞ വിദ്യാർഥി​ക​ളു​ടെ 18 ശതമാനം—അതായത്‌ ആദ്യ​ത്തേ​തി​ന്റെ ഇരട്ടി—റൗഡി​സം​ഘ​ത്തിൽ ചേർന്നു. നമ്മുടെ കുടും​ബം സ്‌നേ​ഹ​വും ഇഴയടു​പ്പ​വും ഉള്ളതാ​യി​രി​ക്കു​ക​യും നാം ആരോ​ഗ്യാ​വ​ഹ​മായ കാര്യങ്ങൾ ഒരുമി​ച്ചു ചെയ്യു​ക​യും ചെയ്യു​ന്ന​പക്ഷം നമ്മുടെ കുട്ടികൾ റൗഡി​സം​ഘ​ങ്ങ​ളു​ടെ വ്യാജ വാഗ്‌ദാ​ന​ങ്ങ​ളാൽ ആകർഷി​ക്ക​പ്പെ​ടാ​നുള്ള സാധ്യത കുറയും.

നമ്മുടെ കുട്ടി​കൾക്ക്‌ യഥാർഥ​ത്തിൽ ആവശ്യ​മാ​യി​രി​ക്കു​ന്നത്‌

നമുക്കാ​വ​ശ്യ​മുള്ള അതേ കാര്യ​ങ്ങൾതന്നെ നമ്മുടെ കുട്ടി​കൾക്കും ആവശ്യ​മാണ്‌—സ്‌നേഹം, ദയ, വാത്സല്യം. അനേകം കുട്ടി​ക​ളെ​യും അവരുടെ മാതാ​പി​താ​ക്കൾ സ്‌നേഹ-വാത്സല്യ​ത്തോ​ടെ ഒന്ന്‌ സ്‌പർശി​ക്കു​ക​യോ അവർ തങ്ങൾക്ക്‌ വില​യേ​റി​യ​വ​രാ​ണെന്ന്‌ അവരോ​ടു പറയു​ക​യോ ചെയ്‌തി​ട്ടില്ല. നമ്മുടെ കുട്ടി​ക​ളു​ടെ കാര്യ​ത്തിൽ ഒരിക്ക​ലും അങ്ങനെ സംഭവി​ക്കാ​തി​രി​ക്കട്ടെ! നമുക്ക​വരെ ആശ്ലേഷി​ക്കാം, അവരെ നാം സ്‌നേ​ഹി​ക്കു​ന്നു​വെന്ന്‌ നമുക്ക​വ​രോ​ടു പറയാം, നാമവരെ പഠിപ്പിച്ച സാന്മാർഗിക മാർഗ​ത്തിൽ അവർ ജീവി​ക്കു​ന്നു​ണ്ടെന്നു കാണാൻ നമുക്കു ശ്രമി​ക്കാം. അവർ നമുക്ക്‌ വളരെ വില​പ്പെ​ട്ട​വ​രാ​ക​യാൽ ആ വിധത്തി​ലുള്ള പെരു​മാ​റ്റം തന്നെ അർഹി​ക്കു​ന്നു.

ഒരു മുൻ റൗഡി​സം​ഘാം​ഗ​മായ ജെറൾഡ്‌ ഇങ്ങനെ വിശദീ​ക​രി​ച്ചു: “എനിക്കു നോക്കി പഠിക്കാൻ ഒരു പിതാ​വി​ല്ലാ​യി​രു​ന്നു. അതു​കൊണ്ട്‌ ജീവി​ത​ത്തി​ലെ ആ ശൂന്യത നികത്താൻ ഞാൻ റൗഡി​സം​ഘ​ങ്ങളെ അഭയം പ്രാപി​ച്ചു.” 12 വയസ്സു​ള്ള​പ്പോൾ അവൻ മയക്കു​മ​രുന്ന്‌ ഉപയോ​ഗി​ക്കാൻ തുടങ്ങി. എന്നാൽ, അവന്‌ 17 വയസ്സു​ള്ള​പ്പോൾ അവന്റെ അമ്മ യഹോ​വ​യു​ടെ സാക്ഷി​ക​ളോ​ടൊത്ത്‌ ക്രമമായ ഭവന ബൈബി​ള​ധ്യ​യനം ആരംഭി​ച്ചു. അവൾ ബൈബി​ളി​ലെ ഉത്തമ തത്ത്വങ്ങൾ തന്റെ ജീവി​ത​ത്തിൽ ബാധക​മാ​ക്കി. അവൻ ഇങ്ങനെ പറയുന്നു: “ഞാൻ അമ്മയി​ലു​ണ്ടായ മാറ്റം ശ്രദ്ധിച്ചു. ‘ഇതിൽ എന്തോ കാര്യ​മുണ്ട്‌,’ ഞാൻ വിചാ​രി​ച്ചു.” അമ്മയുടെ ഉത്തമ മാതൃക തന്റെ ജീവി​ത​ത്തി​നു മാറ്റം വരുത്താൻ അവനെ പ്രേരി​പ്പി​ച്ചു.

നാം നല്ല മാതൃ​ക​യാ​ണെന്നു നമ്മുടെ കുട്ടികൾ കാണണം—അതായത്‌ നാമവ​രോട്‌ എങ്ങനെ ജീവി​ക്ക​ണ​മെന്നു പറയു​ന്നു​വോ അതേ രീതി​യിൽ നാമും ജീവി​ക്കു​ന്നു​ണ്ടെന്ന്‌ അവർ അറിയണം. തങ്ങളുടെ കുടും​ബ​ത്തെ​ക്കു​റിച്ച്‌ അഭിമാ​നി​ക്കാൻ അവർക്കു കഴിയണം—കുടും​ബ​സ്വ​ത്തി​നെ​പ്ര​തി​യല്ല, കുടും​ബം ചെയ്യുന്ന കാര്യ​ങ്ങ​ളെ​പ്രതി. സ്വന്തം സാൻമാർഗിക പെരു​മാ​റ്റ​ത്തെ​ക്കു​റിച്ച്‌ അഭിമാ​നം തോന്ന​ത്ത​ക്ക​വി​ധ​ത്തിൽ കുട്ടി​കളെ സഹായി​ക്കേ​ണ്ട​തുണ്ട്‌. ലോസാ​ഞ്ച​ല​സി​ലെ മുൻ കൗണ്ടി ഡിസ്‌ട്രി​ക്‌റ്റ്‌ അറ്റോർണി​യായ ഐറ റെയ്‌നർ അതേക്കു​റിച്ച്‌ ഇങ്ങനെ​യാ​ണു പറയു​ന്നത്‌: “കുട്ടികൾ റൗഡി​സം​ഘ​ങ്ങ​ളിൽ ചെന്നു ചേരു​ന്ന​തി​നു​മു​മ്പേ നാം അവരെ സഹായി​ക്കണം.”

അവർക്കാ​വ​ശ്യ​മു​ള്ളതു പ്രദാ​നം​ചെ​യ്യൽ

കുട്ടി​കളെ സംബന്ധി​ച്ചി​ട​ത്തോ​ളം സുപ്ര​ധാ​ന​മാ​യി​രി​ക്കു​ന്നത്‌ നാം നൽകുന്ന ഭൗതിക വസ്‌തു​ക്കളല്ല. ഉത്തമ ധാർമിക നിലവാ​ര​ങ്ങ​ളുള്ള സ്‌നേ​ഹ​ധ​ന​രും കരുതൽമ​നോ​ഭാ​വ​മു​ള്ള​വ​രു​മായ മുതിർന്ന​വ​രാ​യി വളർന്നു​വ​രാൻ അവരെ സഹായി​ക്കു​ന്ന​താണ്‌ യഥാർഥ​ത്തിൽ പ്രാധാ​ന്യ​മർഹി​ക്കുന്ന സംഗതി. നീതി​മാ​നായ യാക്കോബ്‌ തന്റെ കുട്ടി​കളെ “ദൈവം [എനിക്കു] നൽകി​യി​രി​ക്കുന്ന മക്കൾ” എന്നു വിളി​ച്ച​താ​യി ബൈബിൾ പറയുന്നു. (ഉല്‌പത്തി 33:5) നാം നമ്മുടെ കുട്ടി​കളെ ആ വിധത്തിൽ—ദൈവം നമുക്കു നൽകി​യി​രി​ക്കുന്ന ദാനമാ​യി—കാണു​ന്നെ​ങ്കിൽ അവരോട്‌ സ്‌നേ​ഹ​ത്തോ​ടെ ഇടപെ​ടാ​നും സത്യസ​ന്ധ​മായ, നേരുള്ള, സാന്മാർഗിക ജീവിതം നയിക്കാൻ അവരെ പഠിപ്പി​ക്കാ​നും നാം കൂടുതൽ ചായ്‌വു​ള്ള​വ​രാ​യി​ത്തീ​രും.

അങ്ങനെ കുട്ടി​കൾക്ക്‌ ശരിയായ മാതൃ​ക​യാ​യി​രി​ക്ക​ത്ത​ക്ക​വി​ധ​ത്തിൽ നമ്മുടെ തന്നെ ജീവി​തത്തെ നയിക്കാൻ നാം കഴിവി​ന്റെ പരമാ​വധി ചെയ്യും. കുടും​ബ​ത്തെ​ക്കു​റിച്ച്‌ ഉചിത​വും ആരോ​ഗ്യാ​വ​ഹ​വു​മായ അഭിമാ​ന​ബോ​ധം നാം അവർക്കു പകർന്നു കൊടു​ക്കും. ഇത്‌ കുടും​ബ​ത്തി​ലെ ഭൗതിക സ്വത്തു​ക്ക​ളി​ലുള്ള അഭിമാ​നമല്ല, പിന്നെ​യോ നാം ഏതുതരം വ്യക്തി​ക​ളാ​ണെ​ന്ന​തിൽനിന്ന്‌ ഉരുത്തി​രി​യു​ന്ന​താണ്‌. അങ്ങനെ​യാ​കു​മ്പോൾ, അവർ തെരു​വു​ക​ളി​ലു​ള്ള​വ​രു​ടെ സഹായം തേടു​ന്ന​തി​നുള്ള സാധ്യത കുറവാ​യി​രി​ക്കും.

തന്റെ യൗവന​കാ​ല​ത്തേക്കു തിരി​ഞ്ഞു​നോ​ക്കി​ക്കൊണ്ട്‌ ഒരു മുത്തശ്ശൻ പറയുന്നു: “എന്റെ കുടും​ബ​ത്തി​ന്റെ​മേൽ ലജ്ജ വരുത്തുന്ന യാതൊ​ന്നും ഞാനൊ​രി​ക്ക​ലും ചെയ്യു​മാ​യി​രു​ന്നില്ല.” മാതാ​പി​താ​ക്കൾക്കു തന്നോ​ടുള്ള സ്‌നേ​ഹ​ത്തെ​ക്കു​റിച്ച്‌ തനിക്ക്‌ അറിയാ​മാ​യി​രു​ന്ന​തു​കൊ​ണ്ടാണ്‌ അങ്ങനെ ചെയ്യാ​തി​രു​ന്ന​തെന്ന്‌ അദ്ദേഹം സമ്മതിച്ചു. സ്വന്തം മാതാ​പി​താ​ക്ക​ളിൽനിന്ന്‌ ഒരിക്ക​ലും സ്‌നേഹം ലഭിച്ചി​ട്ടി​ല്ലാത്ത ചില മാതാ​ക്ക​ളെ​യും പിതാ​ക്ക​ന്മാ​രെ​യും സംബന്ധി​ച്ചി​ട​ത്തോ​ളം തങ്ങളുടെ കുട്ടി​ക​ളോട്‌ സ്‌നേഹം പ്രകടി​പ്പി​ക്കു​ന്നത്‌ എളുപ്പ​മാ​യി​രി​ക്കില്ല എന്നതു സത്യമാണ്‌. എങ്കിലും, കുട്ടി​ക​ളോട്‌ സ്‌നേഹം പ്രകടി​പ്പി​ക്കാൻ മാതാ​പി​താ​ക്കൾ ശ്രമി​ക്കേ​ണ്ട​താണ്‌.

ഇത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? യൂട്ടോ ഗാങ്‌ ഇൻവെ​സ്റ്റി​ഗേ​റ്റേ​ഴ്‌സ്‌ അസ്സോ​സ്സി​യേഷൻ പ്രസി​ദ്ധീ​ക​രിച്ച ഒരു മാസി​ക​യായ “വാട്ട്‌സ്‌ അപ്‌” ഇങ്ങനെ പറഞ്ഞു: “യുവജ​ന​ങ്ങൾക്കു തങ്ങൾ സ്‌നേ​ഹി​ക്ക​പ്പെ​ടു​ന്നു​ണ്ടെന്നു തോന്നു​ക​യും സുരക്ഷി​ത​ത്വം അനുഭ​വ​പ്പെ​ടു​ക​യും ചെയ്യു​മ്പോൾ—സാമ്പത്തിക സുരക്ഷി​ത​ത്വ​മല്ല, വൈകാ​രിക സുരക്ഷി​ത​ത്വം—റൗഡി​സം​ഘ​ങ്ങ​ളിൽ ചേരാൻ അവരെ പ്രേരി​പ്പി​ക്കുന്ന ഘടകങ്ങൾ മിക്ക​പ്പോ​ഴും ഇല്ലാതാ​കു​ന്നു.”

സ്‌നേ​ഹി​ക്കു​ന്ന അത്തരം കുടും​ബങ്ങൾ ഇന്നി​ല്ലെന്ന്‌ ചില വായന​ക്കാർ വിചാ​രി​ച്ചേ​ക്കാം. എന്നാൽ അവ ഇന്നുണ്ട്‌. ലോക​മെ​മ്പാ​ടു​മുള്ള യഹോ​വ​യു​ടെ സാക്ഷി​ക​ളു​ടെ സഭകളിൽ നിങ്ങൾക്ക്‌ അത്തരം അനേക കുടും​ബ​ങ്ങളെ കണ്ടെത്താൻ കഴിയും. ഈ കുടും​ബങ്ങൾ പൂർണ​ത​യു​ള്ള​വയല്ല എന്നതു സത്യം​തന്നെ, എന്നാൽ അവയ്‌ക്ക്‌ വലി​യൊ​രു നേട്ടമുണ്ട്‌: കുട്ടി​കളെ വളർത്തു​ന്ന​തി​നെ​ക്കു​റിച്ച്‌ ബൈബിൾ പറയുന്ന കാര്യങ്ങൾ മാതാ​പി​താ​ക്കൾ പഠിക്കു​ക​യും ബൈബി​ളി​ലെ ദൈവിക തത്ത്വങ്ങൾ സ്വന്തം ജീവി​ത​ത്തിൽ ബാധക​മാ​ക്കാൻ കിണഞ്ഞു​ശ്ര​മി​ക്കു​ക​യും ചെയ്യുന്നു. അതിലു​പരി, അവർ ആ തത്ത്വങ്ങൾ തങ്ങളുടെ കുട്ടി​കളെ പഠിപ്പി​ക്കു​ന്നു.

ദ ജേർണൽ ഓഫ്‌ ദി അമേരി​ക്കൻ മെഡിക്കൽ അസ്സോ​സ്സി​യേ​ഷ​നി​ലെ പ്രസ്‌താ​വ​ന​യോട്‌ യഹോ​വ​യു​ടെ സാക്ഷികൾ യോജി​ക്കു​ന്നു: “കൗമാ​ര​പ്രാ​യ​ക്കാർക്ക്‌ ‘ഉവ്വ്‌ എന്നു പറയാൻ’ എന്തെങ്കി​ലും നൽകാതെ അവർ ‘ഇല്ല എന്നു പറയു’മെന്ന്‌ പ്രതീ​ക്ഷി​ക്കാ​നാ​വില്ല.” മറ്റു വാക്കു​ക​ളിൽ പറഞ്ഞാൽ, നല്ലതും ആരോ​ഗ്യാ​വ​ഹ​വു​മായ കാര്യ​ങ്ങ​ളോട്‌ നമ്മുടെ കുട്ടികൾ ഉവ്വ്‌ എന്നു പറയാൻ നാം ആഗ്രഹി​ക്കു​ന്നെ​ങ്കിൽ നാം ആ ദിശയിൽ അവരെ നയി​ക്കേ​ണ്ട​തുണ്ട്‌.

ഒരു പിതാവു പറഞ്ഞതു​പോ​ലെ പറയാ​നി​ട​വ​രാൻ നമ്മിലാ​രും ഒരിക്ക​ലും ആഗ്രഹി​ക്കു​ക​യില്ല. അദ്ദേഹ​മി​ങ്ങനെ പറഞ്ഞു: ‘എന്റെ മകൻ മുമ്പൊ​രി​ക്ക​ലും അനുഭ​വി​ച്ചി​ട്ടി​ല്ലാത്ത ചങ്ങാത്ത​വും ആദരവും അവന്റെ റൗഡി​സം​ഘ​ത്തിൽ കണ്ടെത്തു​ന്നു.’ ഒരു യുവാവു പറഞ്ഞതു​പോ​ലെ നമ്മുടെ കുട്ടികൾ പറഞ്ഞു കേൾക്കാ​നും നാം ഒരിക്ക​ലും ആഗ്രഹി​ക്കു​ക​യില്ല: “ഞാൻ റൗഡി​സം​ഘ​ത്തിൽ ചേർന്നത്‌ എനി​ക്കൊ​രു കുടും​ബത്തെ ആവശ്യ​മാ​യി​രു​ന്ന​തി​നാ​ലാണ്‌.”

മാതാ​പി​താ​ക്ക​ളായ നാം ആയിരി​ക്കണം ആ കുടും​ബം. നമ്മുടെ വിലപ്പെട്ട കുട്ടികൾ ആ കുടും​ബ​ത്തി​ന്റെ ഊഷ്‌മ​ള​വും സ്‌നേ​ഹ​പു​ര​സ്സ​ര​വു​മായ ഒരു ഭാഗം ആയി നില​കൊ​ള്ളു​ന്നു​വെന്നു കാണാൻ നാം കഴിവി​ന്റെ പരമാ​വധി ചെയ്യണം.

[10-ാം പേജിലെ ചതുരം/ചിത്രങ്ങൾ]

മാതാപിതാക്കൾക്ക്‌ ഒത്തു​നോ​ക്കാ​നുള്ള പട്ടിക

✔ വീട്ടിൽ കുട്ടി​ക​ളോ​ടൊ​ത്തു സമയം ചെലവ​ഴി​ക്കുക, കുടും​ബ​മൊ​ന്നിച്ച്‌ കാര്യങ്ങൾ ചെയ്യുക

✔ കുട്ടി​ക​ളു​ടെ കൂട്ടു​കാ​രെ​യും അവരുടെ കുടും​ബ​ങ്ങ​ളെ​യും അറിയുക, നിങ്ങളു​ടെ കുട്ടികൾ എവിടെ, ആരോ​ടൊ​പ്പം പോകു​ന്നു​വെന്നു നിരീ​ക്ഷി​ക്കു​ക

✔ ഏതു സമയത്തും ഏതു പ്രശ്‌ന​വു​മാ​യി നിങ്ങളെ സമീപി​ക്കാൻ കഴിയു​മെന്ന്‌ കുട്ടികൾ അറിയട്ടെ

✔ മറ്റാളു​ക​ളെ​യും അവരുടെ അവകാ​ശ​ങ്ങ​ളെ​യും ആശയങ്ങ​ളെ​യും ആദരി​ക്കാൻ കുട്ടി​കളെ പഠിപ്പി​ക്കു​ക

✔ കുട്ടി​ക​ളു​ടെ അധ്യാ​പ​ക​രു​മാ​യി പരിച​യ​ത്തി​ലാ​യി​ക്കൊണ്ട്‌ കുട്ടി​കളെ പിന്തു​ണ​യ്‌ക്കുക, നിങ്ങൾ അവരെ വിലമ​തി​ക്കു​ന്നു​വെ​ന്നും അവരുടെ ശ്രമങ്ങളെ പിന്തു​ണ​യ്‌ക്കു​ന്നു​വെ​ന്നും അധ്യാ​പകർ അറിയട്ടെ

✔ ആക്രോ​ശ​ത്തി​ലൂ​ടെ​യോ അക്രമ​പ്ര​വൃ​ത്തി​ക​ളി​ലൂ​ടെ​യോ പ്രശ്‌നങ്ങൾ പരിഹ​രി​ക്കാൻ ശ്രമി​ക്ക​രുത്‌

കുട്ടിയുടെ സ്‌കൂൾ പ്രവർത്ത​ന​ങ്ങ​ളിൽ താത്‌പ​ര്യ​മെ​ടു​ക്കു​ന്നത്‌ സംരക്ഷ​ണ​മാ​യേ​ക്കാം

[9-ാം പേജിലെ ചിത്രം]

കുട്ടികൾക്ക്‌ നിങ്ങളു​ടെ ഊഷ്‌മ​ള​മായ സ്‌നേ​ഹ​വാ​യ്‌പ്‌ ആവശ്യ​മാണ്‌