നക്ഷത്ര​ങ്ങളെ കാണാ​നാ​വാ​ത്ത​തി​ന്റെ കാരണം

നിശാ നഭസ്സി​ലേക്ക്‌ ഉറ്റു​നോ​ക്കു​ക​യും ശൂന്യാ​കാ​ശ​ത്തി​ലേക്ക്‌ ബഹുദൂ​രം വ്യാപി​ച്ചു​കി​ട​ക്കുന്ന എണ്ണമറ്റ നക്ഷത്ര​ങ്ങ​ളു​ടെ മിന്നുന്ന സൗന്ദര്യ​ത്തിൽ അത്ഭുതം​കൂ​റു​ക​യും ചെയ്യാ​ത്ത​വ​രാ​യി ആരാണു​ള്ളത്‌? എങ്കിലും, വിസ്‌മ​യാ​വ​ഹ​മായ ഈ ദൃശ്യം സാവധാ​നം നമ്മുടെ കണ്ണുക​ളിൽനി​ന്നു മാഞ്ഞു​പൊ​യ്‌ക്കൊ​ണ്ടി​രി​ക്കു​ക​യാണ്‌. എന്താണു കാരണം? പ്രകാശ മലിനീ​ക​രണം.

തെരു​വു​കൾ, വീടുകൾ, വാണിജ്യ സ്ഥാപനങ്ങൾ, പൊതു കെട്ടി​ടങ്ങൾ, സ്‌പോർട്‌സ്‌ ഗ്രൗണ്ടു​കൾ എന്നിവി​ട​ങ്ങ​ളി​ലെ കൃത്രിമ വിളക്കു​കൾ ഉത്‌പാ​ദി​പ്പി​ക്കുന്ന അതിശ​ക്ത​വും കണ്ണഞ്ചി​ക്കു​ന്ന​തു​മായ വെളി​ച്ച​മാണ്‌ പ്രകാശ മലിനീ​ക​രണം. ഈ പ്രകാ​ശ​ത്തി​ന്റെ പകുതി ആകാശ​ത്തി​ലേക്കു വ്യാപി​ക്കു​ന്നു, അങ്ങനെ നക്ഷത്ര​ങ്ങ​ളി​ല​ധി​ക​ത്തെ​യും നമുക്കു കാണാൻ പറ്റാതാ​കു​ന്നു. ഈ പ്രശ്‌നം എത്രമാ​ത്രം ഗുരു​ത​ര​മാണ്‌? ഒരു ഉദാഹ​ര​ണ​മെ​ടു​ത്താൽ, ഉത്തര യൂറോ​പ്പി​ലെ മേഘങ്ങ​ളി​ല്ലാത്ത, ഒരു ഇരുണ്ട രാത്രി​യിൽ നഗ്നനേ​ത്രം കൊണ്ട്‌ ഏതാണ്ട്‌ 2,000 നക്ഷത്ര​ങ്ങളെ കാണാൻ കഴിയും. എന്നാൽ പട്ടണ​പ്രാ​ന്ത​ങ്ങ​ളിൽ പാർക്കു​ന്ന​വർക്ക്‌ 200 എണ്ണത്തെ​യും പ്രകാ​ശ​ത്തിൽ കുളി​ച്ചു​നിൽക്കുന്ന ഒരു നഗരത്തി​ന്റെ മധ്യത്തിൽ പാർക്കു​ന്ന​വർക്ക്‌ കേവലം 20 എണ്ണത്തെ​യും മാത്രമേ കാണാൻ കഴിയൂ. മുൻക​രു​ത​ലു​കൾ എടുക്കാ​ത്ത​പക്ഷം 25 വർഷത്തി​നു​ള്ളിൽ ഉത്തര യൂറോ​പ്പിൽ ഒരു നക്ഷത്ര​ത്തെ​പോ​ലും കാണാൻ പറ്റാത്ത അവസ്ഥ വരു​മെന്ന്‌ ചില ജ്യോ​തി​ശ്ശാ​സ്‌ത്ര​ജ്ഞ​ന്മാർ ഭയപ്പെ​ടു​ന്നു.

തീർച്ച​യാ​യും, കുറെ​യൊ​ക്കെ വെളിച്ചം അനിവാ​ര്യ​മാണ്‌. അത്‌ കുറ്റകൃ​ത്യ​ത്തെ തടയു​ക​യും അക്രമ​ത്തിന്‌ അടി​പ്പെ​ടാ​നി​ട​യുള്ള വീട്ടു​കാർക്ക്‌ കൂടുതൽ സുരക്ഷി​ത​ത്വം തോന്നാൻ ഇടയാ​ക്കു​ക​യും ചെയ്യുന്നു. എങ്കിലും, അനാവ​ശ്യ​മാ​യി വളരെ​യ​ധി​കം വെളിച്ചം കടന്നു​വ​രു​ന്നത്‌ സമ്മർദ​ത്തി​നി​ട​യാ​ക്കു​ക​യും ഉറക്കത്തി​ന്റെ ഗുണത്തെ ബാധി​ക്കു​ക​യും ചെയ്യുന്നു. മനുഷ്യർ മാത്രമല്ല ബാധി​ക്ക​പ്പെ​ടു​ന്നത്‌. ദേശാ​ട​ന​പ്പ​ക്ഷി​ക​ളു​ടെ​യും ഷഡ്‌പ​ദ​ങ്ങ​ളു​ടെ​യും ദിശാ​ബോ​ധം നഷ്ടപ്പെ​ടു​ന്ന​തിന്‌ വെളിച്ചം ഇടയാ​ക്കി​യേ​ക്കാം. സസ്യങ്ങ​ളിൽ അതു ദിവസ​ത്തിൽ ഒരു തവണ വീതമു​ണ്ടാ​കുന്ന നിജാ​വർത്ത​നത്തെ (circadian rhythm) തകിടം​മ​റി​ക്കു​ക​യും ചെയ്യുന്നു.

എന്നാൽ ഈ പ്രശ്‌നത്തെ ലഘൂക​രി​ക്കു​ന്ന​തിന്‌ എന്തു ചെയ്യാൻ കഴിയും? വെളി​യിൽ സ്ഥാപി​ച്ചി​രി​ക്കുന്ന ലൈറ്റു​കൾക്ക്‌ നല്ല ഷെയ്‌ഡ്‌ ഉണ്ടെന്നും അവയുടെ വെളിച്ചം താഴേക്കു പതിക്കു​ന്നു​വെ​ന്നും ഉറപ്പു​വ​രു​ത്തു​ന്ന​താണ്‌ സഹായ​ക​ര​മായ ഒരു നടപടി. എപ്പോ​ഴും കത്തിനിൽക്കുന്ന സുരക്ഷാ ലൈറ്റു​കൾക്കു പകരം സെൻസർ ഉപയോ​ഗി​ച്ചു പ്രവർത്തി​പ്പി​ക്കു​ന്നവ ഉപയോ​ഗി​ക്കാ​വു​ന്ന​താണ്‌. പ്രകാ​ശത്തെ ആവശ്യ​മു​ള്ളി​ട​ത്തേക്ക്‌ കൂടുതൽ കൃത്യ​മാ​യി തിരി​ച്ചു​വി​ടുന്ന ഉന്നത മർദത്തി​ലുള്ള സോഡി​യം വിളക്കു​കൾ ഉപയോ​ഗി​ച്ചു​കൊ​ണ്ടും ഇപ്പോ​ഴുള്ള നിമ്‌ന​മർദ തെരുവു വിളക്കു​ക​ളിൽ മൂടികൾ സ്ഥാപിച്ച്‌ വെളിച്ചം താഴേക്കു പതിക്കു​ന്ന​തിന്‌ ഇടയാ​ക്കി​ക്കൊ​ണ്ടും ഫ്രാൻസി​ലെ ഒരു നഗര​പ്രാ​ന്ത​ത്തിൽ പ്രശ്‌നം ഫലപ്ര​ദ​മാ​യി കൈകാ​ര്യം​ചെ​യ്യ​പ്പെട്ടു. റോഡു​ക​ളു​ടെ പ്രതല​ത്തിൽ പ്രകാ​ശത്തെ ആഗിരണം ചെയ്യുന്ന കറുത്ത ടാറിട്ടു. രാത്രി 11 മണിക്കു​ശേഷം പൊതു കെട്ടി​ട​ങ്ങ​ളി​ലെ ലൈറ്റു​കൾ അണച്ചു. ഇത്‌ മുകളി​ലേ​ക്കുള്ള പ്രകാശ മലിനീ​ക​ര​ണത്തെ ഏതാണ്ട്‌ ഇല്ലാതാ​ക്കു​ക​യും പ്രതി​ബിം​ബിത വെളി​ച്ച​ത്തി​ന്റെ അളവ്‌ മൂന്നിൽ രണ്ടായി കുറയ്‌ക്കു​ക​യും ചെയ്‌ത​തോ​ടൊ​പ്പം ഊർജ​ശേഷി 30 ശതമാനം വർധി​ക്കു​ന്ന​തി​നി​ട​യാ​ക്കു​ക​യും ചെയ്‌തു.

തീർച്ച​യാ​യും, അത്തരം പരിഹാ​ര​മാർഗ​ങ്ങ​ളെ​ല്ലാം സമയവും പണവും ആവശ്യ​മാ​ക്കി​ത്തീർക്കു​ന്നു—ഇക്കാലത്ത്‌ ദുർല​ഭ​മായ സംഗതി​ക​ളാണ്‌ അവ. ദൈവ​പു​ത്ര​നായ ക്രിസ്‌തു​യേ​ശു​വി​ന്റെ കൈക​ളി​ലെ ദൈവ​രാ​ജ്യ ഗവൺമെൻറ്‌ പെട്ടെ​ന്നു​തന്നെ എല്ലാത്ത​ര​ത്തി​ലുള്ള മലിനീ​ക​ര​ണ​വും നീക്കം​ചെ​യ്യു​മെ​ന്ന​റി​യു​ന്നത്‌ എത്ര നല്ല സംഗതി​യാണ്‌! അപ്പോൾ അതിന്റെ പ്രജകൾക്ക്‌ നമ്മുടെ സ്രഷ്ടാ​വി​ന്റെ കരവേ​ല​യായ നക്ഷത്ര​ഖ​ചി​ത​മായ സുന്ദരാ​കാ​ശത്തെ ഒരിക്കൽക്കൂ​ടെ വ്യക്തമാ​യി കാണാൻ കഴിയും.—സങ്കീർത്ത​നങ്ങൾ 19:1, 2; വെളി​പ്പാ​ടു 11:18.