നാം റൗഡി​സം​ഘ​ങ്ങ​ളെ​ക്കു​റിച്ച്‌ അറിഞ്ഞി​രി​ക്കേണ്ട കാര്യങ്ങൾ

കാലിഫോർണിയയിലെ ഒരു റൗഡി​സം​ഘ​ത്തിൽ മുമ്പ്‌ അംഗമാ​യി​രുന്ന വെയ്‌ഡ്‌ ഇങ്ങനെ പറഞ്ഞു: “ഞങ്ങൾ അയൽപ​ക്ക​ക്കാ​രായ പയ്യൻമാ​രാ​യി​രു​ന്നു. സ്‌കൂ​ളിൽ ഒരുമി​ച്ചു പഠിച്ചവർ. ഞങ്ങൾ ശരിയായ തീരു​മാ​നങ്ങൾ എടുത്തില്ല, അത്രതന്നെ.”

റൗഡി​സം​ഘങ്ങൾ മിക്ക​പ്പോ​ഴും തുടക്ക​മി​ടു​ന്നത്‌ ഏറെക്കു​റെ അയൽക്കാ​രു​ടെ സംഘങ്ങ​ളാ​യി​ട്ടാണ്‌. കൗമാ​ര​ത്തി​ന്റെ ആരംഭ​ദ​ശ​യി​ലു​ള്ള​വ​രോ അതിലും പ്രായം കുറഞ്ഞ​വ​രോ ആയ കുട്ടികൾ ഒരു തെരു​ക്കോ​ണിൽ കൂടി​വ​രു​ന്നു. അവർ ഒരുമി​ച്ചു കാര്യങ്ങൾ ചെയ്യു​ക​യും പിന്നീട്‌ സമീപ​ത്തുള്ള ഏറെ സുസ്ഥാ​പി​ത​മായ ഒരു സംഘത്തിൽനി​ന്നു തങ്ങളെ​ത്തന്നെ സംരക്ഷി​ക്കു​ന്ന​തി​നാ​യി ഏകീക​രി​ച്ചു പ്രവർത്തി​ക്കു​ക​യും ചെയ്യുന്നു. എന്നാൽ പെട്ടെ​ന്നു​തന്നെ അവരുടെ സംഘം അതിലെ ഏറ്റവും അക്രമാ​സ​ക്ത​രായ അംഗങ്ങ​ളു​ടെ നിലയി​ലേക്കു താഴാൻ തുടങ്ങു​ന്നു, അപകട​ക​ര​മായ കുറ്റകൃ​ത്യ​ങ്ങ​ളി​ലു​മേർപ്പെ​ടു​ന്നു.

മറ്റൊരു തെരു​വി​ലുള്ള ഒരു എതിർ സംഘം പുതിയ സംഘത്തെ അതിന്റെ ശത്രു​വാ​യി വീക്ഷി​ച്ചേ​ക്കാം. അപ്പോൾ കോപം അക്രമ​ത്തി​നു വഴിമ​രു​ന്നി​ടു​ന്നു. മയക്കു​മ​രു​ന്നു വ്യാപാ​രി​കൾ നിയമ​വി​രുദ്ധ മയക്കു​മ​രു​ന്നു​കൾ വിൽക്കു​ന്ന​തിന്‌ പ്രസ്‌തുത സംഘത്തെ ഉപയോ​ഗി​ക്കു​ന്നു. അതേത്തു​ടർന്ന്‌ മറ്റു കുറ്റകൃ​ത്യ​ങ്ങ​ളും രംഗ​പ്ര​വേ​ശം​ചെ​യ്യു​ന്നു

ലൂയി​സി​ന്റെ കൂട്ടു​കാർ ഒരു സംഘം രൂപീ​ക​രി​ച്ച​പ്പോൾ അവന്‌ 11 വയസ്സാ​യി​രു​ന്നു. 12 വയസ്സാ​യ​പ്പോൾ അവൻ മയക്കു​മ​രു​ന്നു​കൾ ഉപയോ​ഗി​ക്കാൻ തുടങ്ങി. 13-ാം വയസ്സിൽ ആദ്യമാ​യി അറസ്റ്റു ചെയ്യ​പ്പെട്ടു. അവൻ വാഹന മോഷ​ണ​ത്തി​ലും കുത്തി​ക്ക​വർച്ച​ക​ളി​ലും സായുധ കൊള്ള​യി​ലും പങ്കെടു​ത്തു. സംഘങ്ങൾ തമ്മിലുള്ള പോരാ​ട്ട​ങ്ങ​ളി​ലും ലഹളക​ളി​ലും പങ്കെടു​ത്തതു നിമിത്തം അവൻ അടിക്കടി ജയിലി​ലാ​യി.

സംഘാം​ഗങ്ങൾ ആരൊക്കെ എന്നറി​യു​ന്നത്‌ ചില​പ്പോൾ നമ്മെ അമ്പരപ്പി​ച്ചേ​ക്കാം. മാർത്ത വൃത്തി​യാ​യി വസ്‌ത്ര​ധാ​രണം ചെയ്‌ത, പ്രായ​ത്തിൽ കവിഞ്ഞ പ്രാപ്‌തി​യുള്ള ഒരു ഹൈസ്‌കൂൾ വിദ്യാർഥി​നി​യാ​യി​രു​ന്നു. നല്ല മാർക്കു​കൾ കിട്ടി​യി​രുന്ന അവൾ സ്‌കൂ​ളിൽ നന്നായി പെരു​മാ​റു​ക​യും ചെയ്‌തി​രു​ന്നു. എങ്കിലും, അവൾ മരിജ്വാ​ന, ഹെറോ​യിൻ, കൊ​ക്കെയ്‌ൻ എന്നിവ വിൽക്കുന്ന ഒരു സംഘത്തി​നു നേതൃ​ത്വം വഹിച്ചു. തന്റെ സുഹൃ​ത്തു​ക്ക​ളി​ലൊ​രാൾക്ക്‌ പല തവണ വെടി​യേൽക്കു​ക​യും ഒടുവിൽ അയാൾ കൊല്ല​പ്പെ​ടു​ക​യും ചെയ്‌ത​പ്പോൾ മാത്ര​മാണ്‌ അവൾ ഭയപ്പെട്ട്‌ തന്റെ ജീവി​ത​ത്തി​നു മാറ്റം​വ​രു​ത്തി​യത്‌.

അവർ റൗഡി​സം​ഘ​ങ്ങ​ളിൽ ചേരു​ന്ന​തി​ന്റെ കാരണം

അതിശ​യ​ക​ര​മെന്നു പറയട്ടെ, തങ്ങൾ സംഘത്തിൽ ചേർന്നത്‌ സ്‌നേ​ഹ​ത്തി​നു വേണ്ടി​യാ​ണെ​ന്നാ​ണു ചിലർ പറയു​ന്നത്‌. വീട്ടിൽ കണ്ടെത്താൻ കഴിയാഞ്ഞ സൗഹൃ​ദ​ത്തി​നും ഉറ്റബന്ധ​ത്തി​നും വേണ്ടി അവർ തിരയു​ക​യാ​യി​രു​ന്നു. യുവജ​നങ്ങൾ തങ്ങൾക്ക്‌ മറ്റൊ​രി​ട​ത്തും കണ്ടെത്താൻ കഴിയാത്ത സുരക്ഷി​ത​ത്വം തെരുവു റൗഡി​സം​ഘ​ങ്ങ​ളിൽ കണ്ടെത്താൻ ശ്രമി​ക്കു​ക​യാ​ണെന്ന്‌ ജർമനി​യി​ലെ ഹാംബർഗി​ലുള്ള പത്രമായ ഡി റ്റ്‌​സൈറ്റ്‌ പറഞ്ഞു. നിങ്ങൾ ഭവനത്തിൽ സ്‌നേഹം കണ്ടെത്തു​ന്നി​ല്ലെ​ങ്കിൽ “മെച്ചമായ ഒന്നിനാ​യി തിരഞ്ഞു​കൊണ്ട്‌ നിങ്ങൾ കുടും​ബ​ത്തി​നു വെളി​യിൽ പോകും” എന്ന്‌ റൗഡി​സം​ഘ​ത്തിൽ മുമ്പ്‌ അംഗമാ​യി​രുന്ന എറിക്ക്‌ പറഞ്ഞു.

റൗഡി​സം​ഘ​ത്തിൽ മുമ്പ്‌ അംഗമാ​യി​രുന്ന ഒരു പിതാവ്‌ തന്റെ ആദ്യകാല അനുഭ​വ​ങ്ങ​ളെ​ക്കു​റിച്ച്‌ ഇങ്ങനെ​യെ​ഴു​തി: “ദ്രോ​ഹ​പ​ര​മായ പെരു​മാ​റ്റം കാരണ​വും സംഘങ്ങൾ തമ്മിലുള്ള പോരാ​ട്ടം, ലഹള എന്നിവ​യി​ലുൾപ്പെ​ട്ടതു നിമി​ത്ത​വും അവസാ​ന​മാ​യി, ഓടി​ക്കൊ​ണ്ടി​രുന്ന ഒരു കാറി​ലി​രുന്ന്‌ ഒരാളെ വെടി​വെ​ച്ചു​കൊ​ല്ലാൻ ശ്രമി​ച്ചതു നിമി​ത്ത​വും ഞാൻ പലതവണ ജയിലി​ലാ​യി.” പിന്നീട്‌, അദ്ദേഹ​ത്തി​നൊ​രു പുത്രൻ—പേര്‌ റാമി​റോ—ജനിച്ച​പ്പോൾ കുട്ടി​യു​മാ​യി ചെലവി​ടാൻ അദ്ദേഹ​ത്തിന്‌ സമയമു​ണ്ടാ​യി​രു​ന്നില്ല. റാമി​റോ വലുതാ​യ​പ്പോൾ അവനും റൗഡി​സം​ഘ​ത്തിൽ ചേർന്നു. ഒരു സംഘ പോരാ​ട്ട​ത്തി​ലേർപ്പെട്ട അവനെ പൊലീസ്‌ അറസ്റ്റു ചെയ്‌തു. സംഘത്തിൽനി​ന്നു പുറത്തു​ക​ട​ക്കാൻ പിതാവ്‌ അവനെ നിർബ​ന്ധി​ച്ച​പ്പോൾ അവൻ ഇങ്ങനെ ആക്രോ​ശി​ച്ചു: “ഇപ്പോൾ അവരാണ്‌ എന്റെ കുടും​ബാം​ഗങ്ങൾ.”

ഒരു വർഷത്തി​ല​ധി​കം സമയം​കൊണ്ട്‌, തോക്കി​നി​ര​യായ 114 ചെറു​പ്പ​ക്കാ​രോട്‌ സംസാ​രിച്ച ടെക്‌സാ​സി​ലുള്ള ഒരു ആശുപ​ത്രി​യി​ലെ നേഴ്‌സ്‌ ഇങ്ങനെ പറഞ്ഞു: “അത്‌ വിചി​ത്രം​ത​ന്നെ​യാണ്‌. അവരി​ലാ​രെ​ങ്കി​ലും അമ്മയെ​ക്കു​റി​ച്ചോ മറ്റേ​തെ​ങ്കി​ലും കുടും​ബാം​ഗ​ത്തെ​ക്കു​റി​ച്ചോ ചോദി​ക്കു​ന്നത്‌ ഞാനൊ​രി​ക്ക​ലും കേട്ടി​ട്ടില്ല.”

റൗഡി​സം​ഘ​ങ്ങ​ളിൽ ചേരു​ന്നത്‌ പട്ടണത്തി​ലെ കൂടുതൽ ദരി​ദ്ര​മായ ഭാഗങ്ങ​ളിൽനി​ന്നുള്ള കുട്ടികൾ മാത്രമല്ല എന്ന സംഗതി ശ്രദ്ധേ​യ​മാണ്‌. നഗരത്തി​ലെ ഏറ്റവും സമ്പന്നവും ഏറ്റവും ദരി​ദ്ര​വു​മായ ഭാഗങ്ങ​ളി​ലുള്ള യുവജ​ന​ങ്ങളെ ഒരേ റൗഡി​സം​ഘ​ത്തിൽ കണ്ടെത്തി​യെന്ന്‌ പൊലീസ്‌ പറയു​ന്ന​താ​യി ഏതാനും വർഷം​മുമ്പ്‌ കാനഡ​യി​ലെ മാസി​ക​യായ മക്ലീൻസ്‌ റിപ്പോർട്ടു ചെയ്‌തു. വ്യത്യസ്‌ത പശ്ചാത്ത​ല​ങ്ങ​ളിൽനി​ന്നുള്ള ഈ ചെറു​പ്പ​ക്കാ​രെ സമാന​മായ ഒരു കാരണ​മാണ്‌ ഒരുമി​ച്ചു​ചേർക്കു​ന്നത്‌—അവരെ​ല്ലാം സ്വന്തം ഭവനത്തിൽ കണ്ടെത്താൻ കഴിയാത്ത കുടുംബ ഒത്തൊ​രു​മാ​ബോ​ധം തേടുന്നു.

ചില പ്രദേ​ശ​ങ്ങ​ളിൽ യുവജ​നങ്ങൾ വളർന്നു​വ​രു​ന്നത്‌ സംഘത്തിൽ അംഗമാ​കു​ന്ന​തി​നെ ഒരു സാധാരണ ജീവി​ത​രീ​തി​യാ​യി വീക്ഷി​ച്ചു​കൊ​ണ്ടാണ്‌. പതിനാ​റു​വ​യ​സ്സു​കാ​ര​നായ ഫെർനാൻഡോ ഇപ്രകാ​രം വിശദീ​ക​രി​ച്ചു: “സംഘത്തിൽ ചേരു​ന്നത്‌ പ്രശ്‌നങ്ങൾ പരിഹ​രി​ക്കാൻ തങ്ങളെ സഹായി​ക്കു​മെന്ന്‌ അവർ വിചാ​രി​ക്കു​ന്നു. അവരി​ങ്ങനെ ചിന്തി​ക്കു​ന്നു: ‘ഞാൻ കുറെ സുഹൃ​ത്തു​ക്കളെ സമ്പാദി​ക്കും. അവർ വലിയ​വ​രും തോക്കു​കൾ ഏന്തിയ​വ​രു​മാണ്‌. അവർ എന്നെ സംരക്ഷി​ക്കും. ആരും എന്നെ ഒന്നും ചെയ്യില്ല.’” എന്നാൽ, ഒരു സംഘത്തി​ലാ​യി​രി​ക്കു​ന്നത്‌ തങ്ങളെ സംഘത്തി​ന്റെ ശത്രു​ക്ക​ളു​ടെ നോട്ട​പ്പു​ള്ളി​യാ​ക്കു​ന്നു​വെന്ന്‌ പുതിയ സംഘാം​ഗങ്ങൾ പെട്ടെ​ന്നു​തന്നെ കണ്ടെത്തു​ന്നു.

കുറച്ചു പണവും ഒരുപാ​ടു തോക്കു​ക​ളു​മുള്ള പ്രദേ​ശ​ങ്ങ​ളി​ലാണ്‌ മിക്ക​പ്പോ​ഴും റൗഡി​സം​ഘ​ങ്ങളെ കാണാൻ കഴിയു​ന്നത്‌. 3 വിദ്യാർഥി​ക​ളിൽ 2 പേർ മാതാ​പി​താ​ക്ക​ളിൽ ഒരാൾ മാത്ര​മുള്ള ഭവനങ്ങ​ളിൽനി​ന്നാ​യി​രി​ക്കുന്ന വൻനഗ​ര​ത്തി​ലെ സ്‌കൂൾമു​റി​ക​ളെ​ക്കു​റിച്ച്‌ വാർത്താ റിപ്പോർട്ടു​കൾ പറയുന്നു. ചില​പ്പോൾ, ഒരു വിദ്യാർഥി​നി​യു​ടെ മാതാ​വോ പിതാ​വോ മയക്കു​മ​രുന്ന്‌ ആസക്തി​യു​ള്ള​യാ​ളാ​യി​രി​ക്കും, ആ വ്യക്തി രാത്രി​യിൽ വീട്ടിൽ തിരി​ച്ചെ​ത്തി​യെ​ന്നും വരില്ല. വിദ്യാർഥി​നി​യാ​ണെ​ങ്കിൽ അപ്പനി​ല്ലാത്ത തന്റെ സ്വന്തം കുട്ടിയെ ഡേ കെയറിൽ വിട്ടി​ട്ടു​വേണം രാവിലെ സ്‌കൂ​ളിൽ പോകാൻ.

കാലി​ഫോർണി​യ​യി​ലെ ഗവർണ​റായ പീറ്റ്‌ വിൽസൺ ഇങ്ങനെ പറഞ്ഞു: “ഞങ്ങൾ ഒരു ഭയങ്കര പ്രശ്‌നത്തെ അഭിമു​ഖീ​ക​രി​ക്കു​ക​യാണ്‌. എന്തെന്നാൽ കുട്ടി​ക​ളി​ല​നേ​ക​രും ഒരു പിതാ​വി​ല്ലാ​തെ, സ്‌നേ​ഹ​വും മാർഗ​നിർദേ​ശ​വും ശിക്ഷണ​വും മൂല്യ​ങ്ങ​ളും നൽകാൻ ഒരു ആദർശ പുരുഷൻ ഇല്ലാ​തെ​യാണ്‌ വളർന്നു​വ​രു​ന്നത്‌—തങ്ങളെ​ത്ത​ന്നെ​യും മറ്റുള്ള​വ​രെ​യും ആദരി​ക്കേ​ണ്ട​തി​ന്റെ കാരണ​വും അവർക്ക​റി​യില്ല.” ചില യുവജ​ന​ങ്ങൾക്ക്‌ ഇങ്ങനെ മറ്റുള്ള​വ​രോട്‌ സഹതപി​ക്കാൻ കഴിയാ​തെ വരുന്ന​തു​കൊ​ണ്ടാണ്‌ “പ്രത്യ​ക്ഷ​ത്തിൽ പശ്ചാത്താ​പ​ത്തി​ന്റെ കണിക​പോ​ലു​മി​ല്ലാ​തെ ആരെ​യെ​ങ്കി​ലും വകവരു​ത്താൻ [വെടി​വെച്ചു കൊല്ലാൻ]” അവർക്കു “കഴിയു​ന്നത്‌.”

കുടുംബ ഒത്തൊ​രു​മ​യു​ടെ​യും വ്യക്തി​പ​ര​മായ പരിശീ​ല​ന​ത്തി​ന്റെ​യും ഈടുറ്റ ധാർമിക മാതൃ​ക​യു​ടെ​യും അഭാവം റൗഡി​സം​ഘ​ങ്ങ​ളു​ടെ വളർച്ച​യ്‌ക്കി​ട​യാ​ക്കുന്ന പ്രമുഖ ഘടകങ്ങ​ളാ​ണെ​ങ്കി​ലും മറ്റു ഘടകങ്ങ​ളും ഉൾപ്പെ​ടു​ന്നുണ്ട്‌. അക്രമത്തെ പ്രശ്‌ന​ങ്ങൾക്കുള്ള അനായാസ പരിഹാ​ര​മാ​യി അവതരി​പ്പി​ക്കുന്ന ടിവി പരിപാ​ടി​കൾ, ചലച്ചി​ത്രങ്ങൾ; പാവ​പ്പെ​ട്ട​വരെ മിക്ക​പ്പോ​ഴും പരാജി​ത​രാ​യി മുദ്ര​കു​ത്തു​ക​യും മറ്റുള്ളവർ ചെയ്യുന്ന കാര്യങ്ങൾ അവരുടെ കൊക്കി​ലൊ​തു​ങ്ങു​ന്ന​ത​ല്ലെന്ന്‌ അവരെ തുടർച്ച​യാ​യി ഓർമി​പ്പി​ച്ചു​കൊ​ണ്ടി​രി​ക്കു​ക​യും ചെയ്യുന്ന ഒരു സമൂഹം; മേൽനോ​ട്ട​മി​ല്ലാ​തെ വളരുന്ന ഒന്നോ അതില​ധി​ക​മോ കുട്ടി​കളെ പോറ്റു​ന്ന​തി​നാ​യി യുവ മാതാ​വിന്‌ അത്യധ്വാ​നം ചെയ്യേ​ണ്ടി​വ​രുന്ന, മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങ​ളു​ടെ വർധനവ്‌ എന്നിവ ഈ ഘടകങ്ങ​ളിൽ പെടുന്നു. ഈ ഘടകങ്ങ​ളിൽ മിക്കതി​ന്റെ​യോ എല്ലാത്തി​ന്റെ​യോ ഒരുപക്ഷേ മറ്റുചി​ല​തി​ന്റെ​യും കൂടെ​യോ സങ്കലനം തെരുവു റൗഡി​സം​ഘ​ങ്ങ​ളു​ടെ ലോക​വ്യാ​പ​ക​മാ​യി പെരു​കുന്ന ബാധയ്‌ക്കി​ട​യാ​ക്കി​യി​രി​ക്കു​ന്നു.

പുറത്തു കടക്കുക ബുദ്ധി​മു​ട്ടാണ്‌

സംഘാം​ഗ​ങ്ങ​ളിൽ ചിലർ കുറേ​ക്കാ​ലം കഴിയു​മ്പോൾ മറ്റുചില പ്രവർത്ത​ന​ങ്ങ​ളിൽ വ്യാപ​രി​ച്ചു​കൊണ്ട്‌ സംഘത്തിൽനി​ന്നു പതുക്കെ പതുക്കെ അകന്നു മാറു​ന്നു​വെ​ന്നതു സത്യമാണ്‌. മറ്റുചി​ലർ മറ്റൊരു പ്രദേ​ശ​ത്തുള്ള ബന്ധുക്ക​ളോ​ടൊ​പ്പം താമസി​ക്കാ​നാ​യി പോകു​ക​യും അങ്ങനെ സംഘത്തിൽനിന്ന്‌ തലയൂ​രു​ക​യും ചെയ്യുന്നു. എങ്കിലും, സംഘത്തിൽനി​ന്നു പുറത്തു കടക്കു​ന്നത്‌ മിക്ക​പ്പോ​ഴും അത്ര എളുപ്പമല്ല.

സാധാ​ര​ണ​ഗ​തി​യിൽ, സംഘാം​ഗ​ങ്ങളെ ജീവ​നോ​ടെ പുറത്തു​ക​ട​ക്കാൻ അനുവ​ദി​ക്കു​ന്ന​തി​നു മുമ്പ്‌ പല അംഗങ്ങൾ കൂടി അവരെ ക്രൂര​മാ​യി തല്ലുന്നു. ചില സംഘങ്ങ​ളിൽനി​ന്നു പുറത്തു​ക​ട​ക്കാൻ ആഗ്രഹി​ച്ച​വർക്ക്‌ വാസ്‌ത​വ​ത്തിൽ വെടി​യേൽക്കേണ്ടി വന്നിട്ടുണ്ട്‌. അതിജീ​വി​ക്കു​ന്ന​പക്ഷം അവർക്ക്‌ പുറത്തു​ക​ട​ക്കാ​നുള്ള അനുമ​തി​യു​ണ്ടാ​യി​രു​ന്നു! സംഘത്തിൽനി​ന്നു പുറത്തു കടക്കു​ന്നത്‌ ഇത്രകണ്ടു ദ്രോഹം സഹിക്കാൻ മാത്രം മൂല്യ​മു​ള്ള​താ​ണോ?

താൻ പുറത്തു​ക​ട​ക്കാൻ ആഗ്രഹി​ച്ച​തെ​ന്തു​കൊ​ണ്ടാ​ണെന്ന്‌ ഒരു മുൻ റൗഡി​സം​ഘാം​ഗം വിശദീ​ക​രി​ച്ചു: “എന്റെ അഞ്ചു സുഹൃ​ത്തു​ക്കൾ ഇതി​നോ​ടകം മരിച്ചു​ക​ഴി​ഞ്ഞു.” തീർച്ച​യാ​യും, ഒരു സംഘാം​ഗ​മെന്ന നിലയി​ലുള്ള ജീവിതം ഏതാണ്ട്‌ അങ്ങേയറ്റം അപകട​ക​ര​മാ​യി​രി​ക്കാൻ കഴിയും. ചിക്കാ​ഗോ​യി​ലുള്ള ഒരു റൗഡി​സം​ഘ​ത്തി​ലെ ഒരു മുൻ അംഗ​ത്തെ​ക്കു​റിച്ച്‌ ടൈം മാസിക ഇങ്ങനെ റിപ്പോർട്ടു​ചെ​യ്‌തു: “ഏഴു വർഷത്തെ ആ ജീവി​ത​ത്തി​നി​ട​യിൽ അയാൾക്ക്‌ വയറ്റിൽ വെടി​യേറ്റു, തീവണ്ടി​പ്പാ​ള​ത്തി​ലെ കുറു​ക്കു​ത​ടി​കൊണ്ട്‌ തലയ്‌ക്ക​ടി​യേറ്റു, ഒരു പോരാ​ട്ട​ത്തിൽ കയ്യൊ​ടി​ഞ്ഞു, വാഹന മോഷ​ണ​ത്തിന്‌ രണ്ടു തവണ ജയിലി​ലാ​യി . . . എന്നാൽ ഇപ്പോൾ അയാൾ നേർവ​ഴി​ക്കു വന്നതു​കൊണ്ട്‌ അയാളു​ടെ മുൻ സുഹൃ​ത്തു​ക്കൾ അയാളെ ദ്രോ​ഹി​ക്കാ​നാ​യി നോട്ട​മി​ട്ടി​രി​ക്കു​ക​യാണ്‌.”

ഒരു മെച്ചമായ ജീവിതം സാധ്യ​മാണ്‌

ബ്രസീ​ലു​കാ​ര​നായ എലെനൂ, കത്തിക​ളും ചില​പ്പോൾ തോക്കു​ക​ളും ഉപയോ​ഗി​ച്ചു പോരാ​ട്ടം നടത്തുന്ന ഹെഡ്‌ബാ​ങ്ങേ​ഴ്‌സ്‌ എന്ന ഒരു സംഘത്തി​ലെ അംഗമാ​യി​രു​ന്നു. നിർഭാ​ഗ്യ​നാ​ണെന്ന തോന്നൽ നിമിത്തം അയാൾ സാധനങ്ങൾ തകർത്തു​ട​യ്‌ക്കു​ന്ന​തി​ലും ആളുകളെ ആക്രമി​ക്കു​ന്ന​തി​ലും സംതൃ​പ്‌തി കണ്ടെത്തി. അങ്ങനെ​യി​രി​ക്കെ ഒരു സഹജോ​ലി​ക്കാ​രൻ അയാ​ളോ​ടു ബൈബി​ളി​നെ​ക്കു​റി​ച്ചു സംസാ​രി​ച്ചു. പിന്നീട്‌ എലെനൂ യഹോ​വ​യു​ടെ സാക്ഷി​ക​ളു​ടെ ഒരു സമ്മേള​ന​ത്തിൽ സംബന്ധി​ച്ചു. അവി​ടെ​വെച്ച്‌ അയാൾ തന്റെ സംഘത്തിൽനി​ന്നു പോയ മുൻ സഹകാ​രി​ക​ളെ​യും അതു​പോ​ലെ​തന്നെ ഒരു എതിർ സംഘത്തി​ലെ മുൻ അംഗ​ത്തെ​യും കണ്ടുമു​ട്ടി. അവർ സഹോ​ദ​ര​ങ്ങ​ളെ​പ്പോ​ലെ പരസ്‌പരം അഭിവാ​ദനം ചെയ്‌തു—മുമ്പു സംഭവി​ക്കു​മാ​യി​രു​ന്ന​തിൽനി​ന്നു വളരെ വ്യത്യ​സ്‌തം.

ഇത്‌ യഥാർഥ​ത്തിൽ സംഭവി​ക്കു​ന്നു​ണ്ടോ? തീർച്ച​യാ​യും ഉണ്ട്‌! അടുത്ത​യി​ടെ ഉണരുക!യുടെ ഒരു പ്രതി​നി​ധി ലോസാ​ഞ്ച​ല​സി​ലെ പ്രമുഖ റൗഡി​സം​ഘ​ങ്ങ​ളി​ലെ മുൻ അംഗങ്ങളെ അഭിമു​ഖം നടത്തി. അവർ ഇപ്പോൾ യഹോ​വ​യു​ടെ സാക്ഷി​ക​ളു​ടെ സഭക​ളോ​ടൊ​ത്തു സേവി​ക്കു​ക​യാണ്‌. മണിക്കൂ​റു​കൾ നീണ്ട സംഭാ​ഷ​ണ​ത്തി​നു ശേഷം അവരി​ലൊ​രാൾ സംഭാ​ഷണം ഒന്നു നിർത്തി​യിട്ട്‌ കസേര​യി​ലേക്കു ചാഞ്ഞു​കൊ​ണ്ടു പറഞ്ഞു: “നോക്കൂ! ബ്ലഡ്‌സി​ലെ​യും ക്രിപ്‌സി​ലെ​യും മുന്നം​ഗങ്ങൾ സഹോ​ദ​ര​ങ്ങ​ളെ​പ്പോ​ലെ പരസ്‌പരം സ്‌നേ​ഹി​ച്ചു​കൊണ്ട്‌ ഇവി​ടെ​യി​രി​ക്കു​ന്നു!” നിർദ​യ​രായ സംഘാം​ഗ​ങ്ങ​ളിൽനിന്ന്‌ ദയയും സ്‌നേ​ഹ​വു​മുള്ള ആളുക​ളാ​യി തങ്ങൾ മാറാൻ കാരണം ബൈബി​ളി​ന്റെ ശ്രദ്ധാ​പൂർവ​മായ പഠനത്തി​ലൂ​ടെ ദൈവിക തത്ത്വങ്ങൾ മനസ്സി​ലാ​ക്കി​യ​താ​ണെന്ന്‌ അവർ സമ്മതിച്ചു.

1990-കളിൽ ഇത്‌ യഥാർഥ​ത്തിൽ സംഭവി​ക്കു​മോ? സംഘാം​ഗ​ങ്ങൾക്ക്‌ ഇപ്പോൾ അത്തരം മാറ്റങ്ങൾ വാസ്‌ത​വ​മാ​യും വരുത്താൻ കഴിയു​മോ? ദൈവ​വ​ച​ന​ത്തിൽ നൽക​പ്പെ​ട്ടി​രി​ക്കുന്ന ശക്തമായ പ്രോ​ത്സാ​ഹ​ന​ത്തെ​ക്കു​റി​ച്ചു മനസ്സി​ലാ​ക്കാൻ മനസ്സൊ​രു​ക്കം കാട്ടു​ക​യും എന്നിട്ട്‌ ബൈബിൾ തത്ത്വങ്ങൾക്കു ചേർച്ച​യിൽ ജീവിതം നയിക്കു​ക​യും ചെയ്യു​ന്ന​പക്ഷം അവർക്ക​തി​നു കഴിയും. നിങ്ങ​ളൊ​രു സംഘാം​ഗ​മാ​ണെ​ങ്കിൽ അപ്രകാ​രം മാറ്റം വരുത്തു​ന്ന​തി​നെ​ക്കു​റിച്ച്‌ ചിന്തി​ക്ക​രു​തോ?

‘മുമ്പി​ലത്തെ നടപ്പു സംബന്ധിച്ച പഴയ മനുഷ്യ​നെ [“പഴയ വ്യക്തി​ത്വം,” NW] ഉപേക്ഷി​ക്കാ​നും’ ‘സത്യത്തി​ന്റെ ഫലമായ നീതി​യി​ലും വിശു​ദ്ധി​യി​ലും ദൈവാ​നു​രൂ​പ​മാ​യി സൃഷ്ടി​ക്ക​പ്പെട്ട പുതു​മ​നു​ഷ്യ​നെ [“പുതിയ വ്യക്തി​ത്വം,” NW] ധരിച്ചു​കൊ​ള്ളാ​നും’ ബൈബിൾ നമ്മെ ഉദ്‌ബോ​ധി​പ്പി​ക്കു​ന്നു. (എഫെസ്യർ 4:22-24) ആ പുതിയ വ്യക്തി​ത്വം വികാ​സം​പ്രാ​പി​ക്കു​ന്നത്‌ എങ്ങനെ​യാണ്‌? ഒരുവന്റെ വ്യക്തി​ത്വം “അതിനെ സൃഷ്ടി​ച്ച​വന്റെ [ദൈവ​ത്തി​ന്റെ] പ്രതി​ച്ഛാ​യ​പ്ര​കാ​രം സൂക്ഷ്‌മ​പ​രി​ജ്ഞാ​ന​ത്താൽ പുതു​ക്കപ്പെ”ടുന്നു​വെന്ന്‌ ബൈബിൾ പറയുന്നു.—കൊ​ലൊ​സ്സ്യർ 3:9-11, NW.

മാറ്റം വരുത്താൻ ശ്രമി​ക്കു​ന്നത്‌ തക്കമൂ​ല്യ​മു​ള്ള​താ​ണോ? തീർച്ച​യാ​യും! നിങ്ങ​ളൊ​രു സംഘാം​ഗ​മാ​ണെ​ങ്കിൽ അപ്രകാ​രം മാറ്റം വരുത്തു​ന്ന​തിന്‌ ഒരുപക്ഷേ നിങ്ങൾക്കു സഹായം ആവശ്യ​മാ​യി​രു​ന്നേ​ക്കാം. നിങ്ങളെ സഹായി​ക്കാൻ സന്തോ​ഷ​മുള്ള ആളുകൾ നിങ്ങളു​ടെ അയൽപ​ക്കത്തു തന്നെയുണ്ട്‌. എങ്കിലും, മിക്ക​പ്പോ​ഴും മാതാ​പി​താ​ക്ക​ളാണ്‌ കുട്ടി​ക​ളു​ടെ​മേൽ ഏറ്റവും ഗുണക​ര​മായ സ്വാധീ​നം ചെലു​ത്താൻ പറ്റിയ സ്ഥാനത്താ​യി​രി​ക്കു​ന്നത്‌. അതു​കൊണ്ട്‌, കുട്ടി​കളെ റൗഡി​സം​ഘ​ങ്ങ​ളിൽനി​ന്നു സംരക്ഷി​ക്കു​ന്ന​തിന്‌ മാതാ​പി​താ​ക്കൾക്ക്‌ എന്തു ചെയ്യാൻ കഴിയു​മെന്ന്‌ നാമി​പ്പോൾ പരിചി​ന്തി​ക്കു​ന്ന​താ​യി​രി​ക്കും.

[7-ാം പേജിലെ ചിത്രം]

മുമ്പ്‌ എതിർ സംഘങ്ങ​ളിൽ അംഗങ്ങ​ളാ​യി​രു​ന്നവർ ഇപ്പോൾ ബൈബിൾ സത്യത്താൽ ഏകീക​രി​ക്ക​പ്പെ​ട്ടി​രി​ക്കു​ന്നു