ശാസ്‌ത്ര​ജ്ഞ​ന്മാർക്കി​ട​യിൽ ഭിന്നത​യോ?

“ലോക​സ​ത്യ​ത്തെ​ക്കു​റിച്ച്‌ അറിയാ​നുള്ള അന്വേ​ഷ​ണ​മാ​ണു ശാസ്‌ത്രം എന്ന ധാരണ നാം തള്ളിക്ക​ള​യ​രുത്‌. എന്നുവ​രി​കി​ലും, മിക്ക​പ്പോ​ഴും ആ അന്വേ​ഷ​ണ​ത്തി​നു തടയി​ടുന്ന മനശ്ശാ​സ്‌ത്ര​പ​ര​വും സാമൂ​ഹി​ക​വു​മായ ഘടകങ്ങ​ളും നാം പരിഗ​ണി​ക്കേ​ണ്ട​തുണ്ട്‌.” “വിരുദ്ധ ആശയഗ​തി​കൾ: ശാസ്‌ത്ര​ജ്ഞ​ന്മാ​രു​ടെ ഉദ്ദേശ്യ​ങ്ങ​ളും രീതി​ക​ളും” (ഇംഗ്ലീഷ്‌) എന്ന ശീർഷ​ക​ത്തി​ലുള്ള ഒരു ഉപന്യാ​സ​ത്തിൽ ടോണി മോർട്ടൻ അപ്രകാ​രം എഴുതി. പ്രശസ്‌തി​യോ സാമ്പത്തിക നേട്ടമോ രാഷ്‌ട്രീയ ചായ്‌വു​കൾ പോലു​മോ ചില​പ്പോ​ഴൊ​ക്കെ ശാസ്‌ത്ര​ജ്ഞ​ന്മാ​രു​ടെ കണ്ടുപി​ടി​ത്ത​ങ്ങളെ സ്വാധീ​നി​ച്ചി​രി​ക്കു​ന്ന​താ​യി കാണ​പ്പെ​ടു​ന്നു.

1873-ൽ കോട​തി​ക്കേ​സു​ക​ളി​ലുള്ള അത്തരം സ്വാധീ​ന​ങ്ങ​ളെ​ക്കു​റിച്ച്‌ ഉത്‌കണ്‌ഠ പ്രകടി​പ്പി​ച്ചു​കൊ​ണ്ടു ജെസെൽ പ്രഭു ഇങ്ങനെ പറഞ്ഞു: “വിദഗ്‌ധ തെളി​വു​കൾ എന്നത്‌ . . . അതു പ്രദാനം ചെയ്യു​ന്നതു ജീവി​ത​വൃ​ത്തി​യാ​ക്കി​യി​രി​ക്കു​ന്നവർ സമർപ്പി​ക്കുന്ന തെളി​വു​ക​ളാണ്‌. അത്തരം സാഹച​ര്യ​ങ്ങ​ളി​ലെ​ല്ലാം തെളി​വു​കൾ സമർപ്പി​ക്കു​ന്ന​തിന്‌ അവർക്കു പ്രതി​ഫലം ലഭിക്കു​ന്നു. . . . ആ സ്ഥിതിക്ക്‌ അത്തര​മൊ​രാ​ളു​ടെ മനസ്സ്‌, അയാൾ എത്രതന്നെ സത്യസ​ന്ധ​നാ​യി​രു​ന്നാ​ലും, തന്റെ തൊഴി​ലു​ട​മ​യു​ടെ പക്ഷംപി​ടി​ക്കാൻ ചായ്‌വു​കാ​ട്ടുക സ്വാഭാ​വി​ക​മാണ്‌. തന്മൂലം അത്തരം പക്ഷപാതം നാം കാണുന്നു.”

ഉദാഹ​ര​ണ​ത്തിന്‌, ഫോറൻസിക്‌ ശാസ്‌ത്ര​ത്തി​ന്റെ​തന്നെ കാര്യം. ഫോറൻസിക്‌ ശാസ്‌ത്ര​ജ്ഞ​ന്മാർ അങ്ങേയറ്റം പക്ഷപാ​തി​ക​ളാ​യി​ത്തീർന്നേ​ക്കാ​മെന്ന്‌ ഒരു അപ്പീൽ കോടതി അഭി​പ്രാ​യ​പ്പെട്ടു. അന്വേ​ഷണം (ഇംഗ്ലീഷ്‌) എന്ന പത്രിക ഇങ്ങനെ പ്രസ്‌താ​വി​ച്ചു: “പൊലീ​സു​കാർ ഫോറൻസിക്‌ ശാസ്‌ത്ര​ജ്ഞ​ന്മാ​രു​ടെ സഹായം തേടു​ന്നു​വെന്ന വസ്‌തു​ത​യു​ടെ അടിസ്ഥാ​ന​ത്തിൽ, അവർക്കി​ട​യിൽ ഒരു ബന്ധം ഉടലെ​ടു​ക്കു​ന്നു​വെന്നു വരാം. . . . ഗവൺമെൻറ്‌ നിയമിത ഫോറൻസിക്‌ ശാസ്‌ത്ര​ജ്ഞ​ന്മാർ പൊലീ​സു​കാ​രെ സഹായി​ക്കു​ന്നതു തങ്ങളുടെ കടമയാ​യി വീക്ഷി​ച്ചേ​ക്കാം.” അതേ പത്രിക, ബ്രിട്ട​നി​ലെ മാഗ്‌​വൈ​റും (1989) വോർഡും (1974) ഉൾപ്പെട്ട ഐആർഎ (ഐറിഷ്‌ റിപ്പബ്ലി​ക്കൻ സേന) ബോം​ബു​വർഷം സംബന്ധിച്ച കേസുകൾ ഉദാഹ​ര​ണ​മാ​യി എടുത്തു​കാ​ട്ടു​ന്നു. അത്‌, “ശാസ്‌ത്രീയ നിഷ്‌പക്ഷത വെടി​യാ​നും പ്രോ​സി​ക്യൂ​ഷനെ സഹായി​ക്കു​ന്നതു തങ്ങളുടെ ഉത്തരവാ​ദി​ത്വ​ങ്ങ​ളിൽപ്പെ​ടു​ന്ന​താ​യി വീക്ഷി​ക്കാ​നു​മുള്ള, അങ്ങേയറ്റം അനുഭ​വ​പ​രി​ച​യ​വും പ്രശസ്‌തി​യു​മാർജിച്ച ചില ശാസ്‌ത്ര​ജ്ഞ​ന്മാ​രു​ടെ മനസ്സൊ​രു​ക്ക​ത്തി​നു വാചാ​ല​മായ സാക്ഷ്യം വഹിക്കു​ന്നു.”

ശ്രദ്ധേ​യ​മാ​യ മറ്റൊരു ദൃഷ്ടാ​ന്ത​മാണ്‌ ഓസ്‌​ട്രേ​ലി​യ​യിൽ നടന്ന ലിൻഡി ചേംബർലെ​യിൻ കേസ്‌ (1981-82). പിന്നീട്‌ അതിനെ അധിക​രിച്ച്‌ എ ക്രൈ ഇൻ ദ ഡാർക്ക്‌ എന്ന പേരിൽ ഒരു ചലച്ചി​ത്ര​വു​മി​റങ്ങി. തന്റെ മകൾ അസറി​യയെ കൊല​ചെ​യ്‌തു​വെ​ന്ന​താ​യി​രു​ന്നു ശ്രീമതി ചേംബർലെ​യി​നെ​തി​രെ​യുള്ള ആരോ​പണം. ഫോറൻസിക്‌ വിദഗ്‌ധർ സമർപ്പിച്ച തെളി​വു​കൾ അവർക്കെ​തി​രെ വിധി കൽപ്പി​ക്കാൻ കളമൊ​രു​ക്കി. കുഞ്ഞിനെ കൊന്നത്‌ ഒരു ഡിങ്കോ (കാട്ടു നായ്‌) ആണെന്ന്‌ അവർ ഉറപ്പിച്ചു പറഞ്ഞെ​ങ്കി​ലും കൊല​ക്കു​റ്റം ചുമത്തി അവരെ തടവി​ലാ​ക്കു​ക​യാ​യി​രു​ന്നു. വർഷങ്ങൾക്കു​ശേഷം, കുട്ടി​യു​ടെ രക്തത്തിൽക്കു​തിർന്ന, അഴുക്കു​പു​രണ്ട ജാക്കറ്റു കണ്ടെത്തി​യ​പ്പോൾ മുമ്പു സമർപ്പിച്ച തെളി​വു​കൾ അപര്യാ​പ്‌ത​മെന്നു വന്നു. തത്‌ഫ​ല​മാ​യി, ലിൻഡി ജയിൽമോ​ചി​ത​യാ​യി. അവർക്കെ​തി​രെ​യുള്ള ആരോ​പണം അസാധു​വാ​ക്ക​പ്പെട്ടു. മാത്രമല്ല, തെറ്റായ വിധി​നിർവ​ഹ​ണ​ത്തി​ന്റെ പേരിൽ അവർക്കു നഷ്ടപരി​ഹാ​ര​വും ലഭിച്ചു.

ഒരു ശാസ്‌ത്രജ്ഞൻ മറ്റൊരു ശാസ്‌ത്ര​ജ്ഞ​നെ​തി​രെ വാദി​ക്കു​മ്പോൾ വാദ​പ്ര​തി​വാ​ദം രൂക്ഷമാ​യേ​ക്കാം. ഏതാനും ദശകങ്ങൾക്കു മുമ്പ്‌ താലി​ഡോ​മൈഡ്‌ എന്ന മരുന്നി​ന്റെ ഉത്‌പാ​ദ​കർക്കെ​തി​രെ​യുള്ള ഡോ. വില്ല്യം മക്‌​ബ്രൈ​ഡി​ന്റെ വെല്ലു​വി​ളി ലോകം മുഴുവൻ വാർത്ത​യാ​യി. ഗർഭകാ​ല​രോ​ഗ​ങ്ങ​ളിൽനി​ന്നു ശമനം ലഭിക്കാൻ വിപണനം ചെയ്യപ്പെട്ട ആ മരുന്ന്‌ അജാത​ശി​ശു​ക്ക​ളിൽ കൊടിയ അംഗ​വൈ​ക​ല്യ​ങ്ങൾക്ക്‌ ഇടവരു​ത്തി​യെന്ന്‌ അഭി​പ്രാ​യ​പ്പെ​ട്ട​തോ​ടെ അദ്ദേഹം രായ്‌ക്കു​രാ​മാ​നം വീരപു​രു​ഷ​നാ​യി​മാ​റി. എന്നാൽ, വർഷങ്ങൾക്കു​ശേഷം അദ്ദേഹം മറ്റൊരു പദ്ധതി​യി​ലേർപ്പെ​ട്ടി​രി​ക്കേ, വിവര​ങ്ങ​ളിൽ മാറ്റം വരുത്തി​യ​താ​യി പത്ര​പ്ര​വർത്ത​ക​നാ​യി​ത്തീർന്ന ഒരു ഡോക്ടർ അദ്ദേഹ​ത്തി​നെ​തി​രെ ആരോ​പ​ണ​മു​ന്ന​യി​ച്ചു. ശാസ്‌ത്രീയ വഞ്ചനയ്‌ക്കും തൊഴിൽപ​ര​മായ ദുഷ്‌പെ​രു​മാ​റ്റ​ത്തി​നും കുറ്റക്കാ​ര​നെന്നു കണ്ടെത്തി, ഓസ്‌​ട്രേ​ലി​യ​യു​ടെ വൈദ്യ​ശാ​സ്‌ത്ര രജിസ്റ്റ​റിൽനിന്ന്‌ അദ്ദേഹ​ത്തി​ന്റെ പേരു​വെട്ടി.

ശാസ്‌ത്രീയ തർക്കവി​ഷ​യ​ങ്ങൾ

വിദ്യു​ത്‌കാ​ന്തിക മണ്ഡലങ്ങൾ മനുഷ്യ​രു​ടെ​യും മൃഗങ്ങ​ളു​ടെ​യും ആരോ​ഗ്യ​ത്തി​നു ഹാനി​ക​ര​മാ​ണോ അല്ലയോ എന്നതാണു നിലവി​ലുള്ള ഒരു തർക്കവി​ഷയം. അത്യന്തം വോൾട്ടേ​ജുള്ള വൈദ്യു​ത കമ്പികൾ തുടങ്ങി വീട്ടി​ലുള്ള പേഴ്‌സണൽ കമ്പ്യൂ​ട്ട​റും മൈ​ക്രോ​വേവ്‌ അവ്‌നും വരെയുള്ള സംഗതി​ക​ളു​ടെ വിദ്യു​ത്‌കാ​ന്തി​കത നമ്മുടെ പരിസ്ഥി​തി​യെ കാര്യ​മാ​യി മലീമ​സ​മാ​ക്കു​ന്നു​വെ​ന്നാ​ണു ചില തെളി​വു​കൾ സൂചി​പ്പി​ക്കു​ന്നത്‌. വർഷങ്ങ​ളാ​യുള്ള ഉപയോ​ഗം​കൊ​ണ്ടു സെല്ലു​ലാർ ഫോണു​കൾ മസ്‌തി​ഷ്‌ക​ത്തി​നു ഹാനി വരുത്തി​യേ​ക്കാ​മെ​ന്നും ചിലർ അവകാ​ശ​പ്പെ​ടു​ന്നു. ഇനിയും മറ്റുചി​ലർ, വിദ്യു​ത്‌കാ​ന്തിക വികി​രണം മൂലം കാൻസ​റും മരണവു​മു​ണ്ടാ​യേ​ക്കാ​മെന്നു സൂചി​പ്പി​ക്കുന്ന ശാസ്‌ത്രീയ പഠനങ്ങ​ളി​ലേക്കു വിരൽചൂ​ണ്ടു​ന്നു. അതിന്‌ ഉദാഹ​ര​ണ​മെന്ന നിലയിൽ ദി ഓസ്‌​ട്രേ​ലി​യൻ എന്ന പത്രം ഇങ്ങനെ റിപ്പോർട്ടു ചെയ്യുന്നു: “ഉയർന്ന വോൾട്ടേ​ജുള്ള വൈദ്യു​ത കമ്പികൾ തന്റെ വീടി​ന​ടി​യി​ലൂ​ടെ കടന്നു​പോ​കു​ന്ന​തി​ന്റെ ഫലമായി ക്യാൻസർ ഉണ്ടാ​യെന്നു കരുത​പ്പെ​ടുന്ന ഒരു കുട്ടി മരിച്ച​തി​ന്റെ പേരിൽ ഒരു ബ്രിട്ടീഷ്‌ വൈദ്യു​ത ബോർഡി​നെ​തി​രെ കേസെ​ടു​ത്തി​രി​ക്കു​ന്നു.” മെൽബൺ ആസ്ഥാന​മാ​ക്കി പ്രവർത്തി​ക്കുന്ന ഒരു തൊഴിൽചി​കി​ത്സാ ഉപദേ​ഷ്ടാ​വായ ഡോ. ബ്രൂസ്‌ ഹോക്കിങ്‌ ഈ നിഗമ​ന​ത്തിൽ എത്തി​ച്ചേർന്നു: “സിഡ്‌നി​യി​ലെ പ്രധാന ടെലി​വി​ഷൻ പ്രക്ഷേപണ ഗോപു​ര​ത്തിന്‌ ഏതാണ്ടു നാലു കിലോ​മീ​റ്റർ ചുറ്റള​വിൽ കഴിയുന്ന കുട്ടി​ക​ളിൽ, അതിനു വെളി​യിൽ കഴിയുന്ന കുട്ടി​കളെ അപേക്ഷിച്ച്‌ രക്താർബു​ദ​നി​രക്ക്‌ രണ്ടുമ​ട​ങ്ങി​ല​ധി​ക​മാ​യി​രു​ന്നു.”

പരിസ്ഥി​തി​വാ​ദി​കൾ അത്തരം അവകാ​ശ​വാ​ദങ്ങൾ ഉന്നയി​ക്കു​മ്പോൾ വൻ ബിസി​നസ്‌, വാണിജ്യ സംരം​ഭ​ങ്ങൾക്ക്‌ “അടിസ്ഥാ​ന​ര​ഹിത വിരട്ടൽ പ്രചര​ണങ്ങൾ” എന്നു തങ്ങൾ വിളി​ക്കു​ന്ന​വ​യു​ടെ പേരിൽ കോടി​ക്ക​ണ​ക്കി​നു ഡോളർ നഷ്ടമാ​കു​ന്നു. തന്മൂലം അവർ പ്രത്യാ​ക്ര​മണം നടത്തു​ക​യും ശാസ്‌ത്ര സമുദാ​യ​ത്തി​ലെ മറ്റു വിഭാ​ഗ​ങ്ങ​ളിൽനി​ന്നു പിന്തുണ നേടു​ക​യും ചെയ്യുന്നു.

തർക്കത്തിന്‌ ഇടയാ​ക്കുന്ന മറ്റൊരു ഘടകമാണ്‌ രാസമ​ലി​നീ​ക​രണം. “മനുഷ്യൻ ഉത്‌പാ​ദി​പ്പി​ച്ചി​ട്ടു​ള്ള​തി​ലേ​ക്കും ഏറ്റവും വിഷമുള്ള രാസവ​സ്‌തു” എന്ന്‌ ചിലർ ഡയോ​ക്‌സി​നെ വിളി​ക്കു​ന്നു. “ചില സസ്യനാ​ശി​നി​ക​ളു​ടെ ഉത്‌പാ​ദ​ന​ത്തി​ലെ ഒഴിച്ചു​കൂ​ടാ​നാ​വാത്ത ഉപോ​ത്‌പന്നം മാത്ര”മെന്നു മൈക്കൾ ഫൂമെ​ന്റോ വർണിച്ച ഈ രാസവ​സ്‌തു​വി​നെ ചിലർ “ഏജൻറ്‌ ഓറഞ്ചി​ലെ മുഖ്യ ഘടകം” എന്നു വിളി​ക്കു​ന്നു.a വിയറ്റ്‌നാം യുദ്ധ​ത്തെ​ത്തു​ടർന്നാണ്‌ അതു പ്രസി​ദ്ധി​യു​ടെ കൊടു​മു​ടി​യി​ലെ​ത്തി​യത്‌. തുടർന്ന്‌, വിമു​ക്ത​ഭ​ട​ന്മാ​രും രാസവ​സ്‌തു​നിർമാണ കമ്പനി​ക​ളും തമ്മിൽ നിയമ​യു​ദ്ധങ്ങൾ അരങ്ങേറി. ഇരു വിഭാ​ഗ​ങ്ങ​ളും വിരോ​ധി​ക​ളായ ശാസ്‌ത്ര വിദഗ്‌ധരെ അണിനി​ര​ത്തു​ക​യും ചെയ്‌തു.

സമാന​മാ​യി, ആഗോ​ള​ത​പനം, ഹരിത​ഗൃഹ പ്രഭാവം, ഓസോൺ പാളി​യു​ടെ ശോഷണം എന്നിങ്ങ​നെ​യുള്ള പരിസ്ഥി​തി പ്രശ്‌നങ്ങൾ വളരെ​യ​ധി​കം പൊതു​ജ​ന​ശ്രദ്ധ പിടി​ച്ചു​പ​റ്റു​ന്നു. അന്റാർട്ടി​ക്ക​യി​ലെ പരിസ്ഥി​തി​സം​ബ​ന്ധ​മായ ആശങ്കക​ളെ​ക്കു​റിച്ച്‌ ദ കാൻബെറാ ടൈംസ്‌ വാർത്താ​പ​ത്രം ഇങ്ങനെ റിപ്പോർട്ടു ചെയ്യുന്നു: “ആൻവെർ ദ്വീപി​ലെ ഐക്യ​നാ​ടു​ക​ളു​ടെ ശാസ്‌ത്ര ഗവേഷണ കേന്ദ്ര​മായ പാമർ സ്റ്റേഷനിൽ ശാസ്‌ത്ര​ജ്ഞ​ന്മാർ നടത്തിയ പഠനം, ഉയർന്ന അൾട്രാ​വ​യ​ലറ്റ്‌ വികി​രണം പ്ലവകങ്ങ​ളും കക്കാജീ​വി​ക​ളും പോലുള്ള താഴ്‌ന്ന ജീവരൂ​പ​ങ്ങളെ നശിപ്പി​ക്കു​ന്ന​താ​യി വെളി​പ്പെ​ടു​ത്തു​ന്നു. മാത്രമല്ല, ഭക്ഷ്യശൃം​ഖ​ല​യി​ലെ മറ്റു ജീവരൂ​പ​ങ്ങളെ അതു ബാധി​ക്കാ​നും സാധ്യ​ത​യുണ്ട്‌.” എന്നാൽ, മറ്റനേകം ശാസ്‌ത്രീയ പഠനങ്ങൾ അത്തരം ആശയഗ​തി​യെ നിരാ​ക​രി​ക്കു​ക​യും ഓസോൺ പാളി​യു​ടെ ശോഷ​ണ​വും ആഗോ​ള​ത​പ​ന​വും സംബന്ധിച്ച ആശങ്കകളെ ദൂരീ​ക​രി​ക്കു​ക​യും ചെയ്യു​ന്ന​താ​യി കാണ​പ്പെ​ടു​ന്നു.

ആ സ്ഥിതിക്ക്‌ ആരു പറയു​ന്ന​താ​ണു ശരി? ഏത്‌ അവകാ​ശ​വാ​ദ​വും ശരിയാ​ണെ​ന്നോ തെറ്റാ​ണെ​ന്നോ തെളി​യി​ക്കാൻ ശാസ്‌ത്രീയ വൈദ​ഗ്‌ധ്യ​മു​ള്ള​വർക്കു കഴിയു​ന്ന​താ​യി തോന്നു​ന്നു. “ശാസ്‌ത്രീയ സത്യം ന്യായ​ബോ​ധ​ത്തെ​യും യുക്തി​ചി​ന്ത​യെ​യും എത്രമാ​ത്രം ആശ്രയി​ച്ചി​രി​ക്കു​ന്നു​വോ അതു​പോ​ലെ​തന്നെ ഒരു പരിധി​വരെ അതാതു കാലത്തെ സാമൂ​ഹിക അന്തരീ​ക്ഷ​വും അതിനെ സ്വാധീ​നി​ക്കു​ന്നുണ്ട്‌” എന്ന്‌ പാര​ഡൈംസ്‌ ലോസ്റ്റ്‌ എന്ന ഗ്രന്ഥം പറയുന്നു. ഡയോ​ക്‌സി​നു​മാ​യി ബന്ധപ്പെട്ട വിഷയ​ത്തെ​ക്കു​റിച്ച്‌ മൈക്കൾ ഫൂമെ​ന്റോ ഇങ്ങനെ സംഗ്ര​ഹി​ക്കു​ന്നു: “നാമെ​ല്ലാം ഒന്നുകിൽ വിഷബാ​ധ​യ്‌ക്ക്‌ ഇരകളാ​യേ​ക്കാം അല്ലെങ്കിൽ തെറ്റി​ദ്ധാ​ര​ണ​യ്‌ക്ക്‌ ഇരകളാ​യേ​ക്കാം. അത്‌ നാം ആർക്കു ചെവി​കൊ​ടു​ക്കു​ന്നു എന്നതിനെ ആശ്രയി​ച്ചി​രി​ക്കു​ന്നു.”

എങ്കിലും, പരക്കെ അറിയ​പ്പെ​ടുന്ന ശാസ്‌ത്രീയ ദുരന്തങ്ങൾ നിസ്സാ​ര​മാ​യി തള്ളിക്ക​ള​യാ​നാ​വില്ല. ശാസ്‌ത്രം അതിനു കണക്കു ബോധി​പ്പി​ക്കേ​ണ്ടി​യി​രി​ക്കു​ന്നു.

‘അത്യന്തം വേദനാ​ജ​ന​ക​മായ ദുരന്തം’

1948 ആഗസ്റ്റ്‌ 29-നു പ്രകാ​ശനം ചെയ്‌ത “ബുദ്ധി​ജീ​വി​കൾക്കുള്ള സന്ദേശ”ത്തിൽ (ഇംഗ്ലീഷ്‌) ആൽബർട്ട്‌ ഐൻസ്റ്റീൻ പിൻവ​രു​ന്ന​പ്ര​കാ​രം പ്രസ്‌താ​വി​ച്ച​പ്പോൾ അദ്ദേഹം ശാസ്‌ത്ര​ത്തി​ന്റെ ഒളിമ​ങ്ങിയ നിമി​ഷ​ങ്ങ​ളി​ലേക്ക്‌ ഊളി​യി​ടു​ക​യാ​യി​രു​ന്നു: “നമ്മുടെ സാമൂ​ഹിക ജീവി​ത​ത്തി​ലെ പ്രശ്‌നങ്ങൾ പരിഹ​രി​ക്കാൻ യുക്തി​സ​ഹ​മായ ചിന്താ​ഗതി മാത്രം പോര എന്നു വേദനാ​ജ​ന​ക​മായ അനുഭ​വ​ത്തി​ലൂ​ടെ നാം പഠിച്ചി​രി​ക്കു​ന്നു. ആഴമായ ഗവേഷ​ണ​വും സൂക്ഷ്‌മ​മായ ശാസ്‌ത്ര പരീക്ഷ​ണ​വും ഒട്ടുമി​ക്ക​പ്പോ​ഴും മനുഷ്യ​വർഗ​ത്തി​നു ദാരു​ണ​മായ പ്രത്യാ​ഘാ​തങ്ങൾ വരുത്തി​വെ​ച്ചി​ട്ടുണ്ട്‌, . . . അതു മനുഷ്യ​ന്റെ​തന്നെ കൂട്ടനാ​ശ​ത്തി​നു​പോ​ലും വഴി​യൊ​രു​ക്കി​യി​ട്ടുണ്ട്‌. തീർച്ച​യാ​യും അത്‌ അത്യന്തം വേദനാ​ജ​ന​ക​മായ ദുരന്ത​മാണ്‌!”

സമീപ​കാ​ല​ത്തെ ഒരു അസോ​ഷി​യേ​റ്റഡ്‌ പ്രസ്സ്‌ റിപ്പോർട്ട്‌ ഇങ്ങനെ വായി​ക്കു​ന്നു: “മനുഷ്യ​രിൽ വികി​രണം പരീക്ഷി​ച്ച​താ​യി ബ്രിട്ടൻ സമ്മതി​ക്കു​ന്നു.” ഏതാണ്ടു 40 വർഷമാ​യി ഗവൺമെൻറ്‌ മനുഷ്യ​രിൽ വികിരണ പരീക്ഷണം നടത്തി​യെന്നു ബ്രിട്ടീഷ്‌ പ്രതി​രോധ മന്ത്രാ​ലയം സമ്മതിച്ചു. അതിൽ 1950-കളുടെ മധ്യത്തിൽ ദക്ഷിണ ഓസ്‌​ട്രേ​ലി​യ​യി​ലെ മരലി​ങ്ക​യിൽ നടത്തിയ പരീക്ഷ​ണ​വും ഉൾപ്പെ​ടു​ന്നു.

മരലിങ്ക എന്ന പേര്‌ “ഇടിമു​ഴക്കം” എന്നർഥ​മുള്ള ഒരു ആദിവാ​സി പദത്തിൽനിന്ന്‌ ഉരുത്തി​രി​ഞ്ഞ​താണ്‌. ഒറ്റപ്പെ​ട്ടു​കി​ട​ക്കുന്ന ആ പ്രദേശം ബ്രിട്ടനു ശാസ്‌ത്രീയ പരീക്ഷ​ണങ്ങൾ നടത്താൻ പറ്റിയ സ്ഥലമാ​യി​രു​ന്നു. ആദ്യത്തെ സ്‌ഫോ​ട​ന​ത്തി​നു​ശേഷം എങ്ങും വിജയ​ത്തി​ന്റെ അമിതാ​നന്ദം തുടി​കൊ​ട്ടി. ഒരു മെൽബൺ വാർത്താ​പ​ത്രം ഇങ്ങനെ റിപ്പോർട്ടു ചെയ്‌തു: “[റേഡി​യോ ആക്ടീവ​ത​യുള്ള] പുകപ​ടലം ഒന്നൊ​തു​ങ്ങി​യ​പ്പോൾ, സ്‌ഫോ​ടനം നടന്നി​ട​ത്തു​നി​ന്നു വെറും അഞ്ചു മൈൽ അകലെ, ഒളിത്താ​വ​ള​ത്തിൽനിന്ന്‌ അതു വീക്ഷിച്ച ബ്രിട്ടീ​ഷു​കാ​രും കാനഡ​ക്കാ​രും ഓസ്‌​ട്രേ​ലി​യ​ക്കാ​രും ന്യൂസി​ലൻഡു​കാ​രു​മായ സൈനി​കരെ നിരവധി ട്രക്കു​ക​ളി​ലും ജീപ്പു​ക​ളി​ലു​മാ​യി സംഭവ​സ്ഥ​ല​ത്തേക്കു കൊണ്ടു​വന്നു. സകലരു​ടെ​യും ചുണ്ടിൽ പുഞ്ചിരി കളിയാ​ടി. അവരെ കണ്ടാൽ ഒരു പിക്‌നിക്‌ കഴിഞ്ഞു വരുന്ന​തു​പോ​ലു​ണ്ടാ​യി​രു​ന്നു.”

ബ്രിട്ടീഷ്‌ ഡെയ്‌ലി എക്‌സ്‌പ്രസ്‌ വാർത്താ​പ​ത്ര​ത്തി​ന്റെ ശാസ്‌ത്ര ലേഖക​നായ ചാപ്‌മൻ പിൻഷ്‌നർ, “കൂണാ​കാര മേഘങ്ങൾക്കാ​യി വാഞ്‌ഛി​ക്കു​ന്നു” എന്ന ശീർഷ​ക​ത്തിൽ ഒരു ഗീതം​പോ​ലും രചിച്ചു. അതിനു പുറമേ, പരീക്ഷണം തികച്ചും ആസൂ​ത്രി​ത​മാ​യി​രു​ന്നെ​ന്നും ഓസ്‌​ട്രേ​ലി​യ​യിൽ ആർക്കും വികി​ര​ണ​ഫ​ല​മാ​യി ദോഷ​മൊ​ന്നും ഉണ്ടാകു​ക​യി​ല്ലെ​ന്നും ഭരണപ​ക്ഷത്തെ ഒരു മന്ത്രി ഉറപ്പു നൽകി. എന്നാൽ, വർഷങ്ങൾക്കു​ശേഷം വികി​ര​ണ​ത്തി​നു വിധേ​യ​രാ​യവർ മരിക്കാൻ തുടങ്ങു​ക​യും നഷ്ടപരി​ഹാ​രം ആവശ്യ​പ്പെ​ടു​ന്ന​വ​രു​ടെ ഒരു പ്രളയം​ത​ന്നെ​യു​ണ്ടാ​വു​ക​യും ചെയ്‌ത​തോ​ടെ ആ പുഞ്ചിരി മാഞ്ഞു. വീണ്ടു​മാ​രും “കൂണാ​കാര മേഘങ്ങൾക്കാ​യി വാഞ്‌ഛി”ച്ചില്ല! വികിരണ മലിനീ​ക​രണം നിമിത്തം മരലിങ്ക ഇപ്പോ​ഴും നിരോ​ധിത മേഖല​യാണ്‌.

നെവാ​ദ​യിൽവെച്ച്‌ ഐക്യ​നാ​ടു​കൾ നടത്തിയ ആറ്റം​ബോംബ്‌ പരീക്ഷ​ണ​ങ്ങ​ളു​ടെ ഫലവും ഏറെക്കു​റെ അങ്ങനെ​യൊ​ക്കെ​ത്തന്നെ ആയിരു​ന്ന​താ​യി കാണ​പ്പെ​ടു​ന്നു. ഉൾപ്പെ​ട്ടി​രി​ക്കു​ന്നതു ശാസ്‌ത്രീയ അബദ്ധമല്ല മറിച്ച്‌, ഒരു രാഷ്‌ട്രീയ വിവാ​ദ​വി​ഷ​യ​മാ​ണെ​ന്നാ​ണു ചിലരു​ടെ അഭി​പ്രാ​യം. ന്യൂ മെക്‌സി​ക്കോ​യി​ലെ ലോസ്‌ അലാ​മോ​സിൽ ആദ്യത്തെ അമേരി​ക്കൻ ആറ്റം ബോംബ്‌ നിർമിച്ച റോബർട്ട്‌ ഓപ്പൻ​ഹൈമർ ഇങ്ങനെ പറഞ്ഞു: “ഹൈ​ഡ്രജൻ ബോംബ്‌ ഉപയോ​ഗി​ക്ക​ണോ എന്നു നിർണ​യി​ക്കു​ന്നത്‌ ഒരു ശാസ്‌ത്ര​ജ്ഞന്റെ ഉത്തരവാ​ദി​ത്വ​മല്ല. അത്‌ അമേരി​ക്കൻ ജനതയു​ടെ​യും ജനപ്ര​തി​നി​ധി​ക​ളു​ടെ​യും ഉത്തരവാ​ദി​ത്വ​മാണ്‌.”

മറ്റൊരു വിധത്തി​ലുള്ള ദുരന്തം

വൈദ്യ​ചി​കി​ത്സ​യിൽ രക്തമു​പ​യോ​ഗി​ക്കു​ന്നതു രണ്ടാം ലോക​മ​ഹാ​യു​ദ്ധ​ത്തി​നു​ശേഷം ഒരു സാധാരണ രീതി​യാ​യി​ത്തീർന്നു. ശാസ്‌ത്രം അതിനെ രക്ഷകനാ​യി വാഴ്‌ത്തി​യെന്നു മാത്രമല്ല, അതിന്റെ ഉപയോ​ഗം സുരക്ഷി​ത​മാ​ണെന്നു പ്രഖ്യാ​പി​ക്കു​ക​യും ചെയ്‌തു. എന്നാൽ എയ്‌ഡ്‌സി​ന്റെ വരവ്‌ വൈദ്യ​ശാ​സ്‌ത്രത്തെ പിടി​ച്ചു​ല​ച്ച​തോ​ടെ അത്‌ അലംഭാ​വ​ത്തിൽനി​ന്നു ഞെട്ടി​യു​ണർന്നു. പെട്ടെ​ന്നു​തന്നെ, ജീവര​ക്ഷാ​ക​ര​മാ​ണെന്നു കരുതി​പ്പോന്ന ആ ദ്രാവകം ചിലരെ സംബന്ധി​ച്ചി​ട​ത്തോ​ളം കൊല​യാ​ളി​യു​ടെ രൂപം കൈ​ക്കൊ​ണ്ടു. ഓസ്‌​ട്രേ​ലി​യ​യി​ലെ സിഡ്‌നി​യി​ലുള്ള ഒരു പ്രമുഖ ആശുപ​ത്രി മേലധി​കാ​രി ഉണരുക!യോട്‌ ഇങ്ങനെ പറഞ്ഞു: “ദശകങ്ങ​ളോ​ളം, കാര്യ​മാ​യി ഒന്നുമ​റി​ഞ്ഞു​കൂ​ടാത്ത ഒരു വസ്‌തു​വാ​ണു ഞങ്ങൾ കുത്തി​വെ​ച്ചു​കൊ​ണ്ടി​രു​ന്നത്‌. അതു വഹിച്ചി​രുന്ന ചില രോഗ​ങ്ങ​ളെ​ക്കു​റി​ച്ചു​പോ​ലും ഞങ്ങൾക്ക്‌ അറിയി​ല്ലാ​യി​രു​ന്നു. കുത്തി​വെ​ക്കുന്ന രക്തത്തിൽ വേറെ​യും എന്തൊക്കെ അടങ്ങി​യി​ട്ടു​ണ്ടെന്നു ഞങ്ങൾക്ക്‌ ഇപ്പോ​ഴു​മ​റി​യില്ല. കാരണം, അറിഞ്ഞു​കൂ​ടാത്ത ഒരു സംഗതി ഞങ്ങൾക്കു പരി​ശോ​ധി​ച്ചു കണ്ടെത്താ​നാ​വില്ല.”

വന്ധ്യസ്‌ത്രീ​ക​ളിൽ നടത്തുന്ന ഹോർമോൺ വർധക ചികി​ത്സാ​രം​ഗ​ത്തും ഒരു ദാരുണ സംഭവം നടന്നു. ഒരു കുട്ടി​യു​ണ്ടാ​കു​ന്ന​തോ​ടെ ജീവിതം അർഥസ​മ്പു​ഷ്ട​മാ​കു​മെന്നു കരുതിയ സ്‌ത്രീ​കൾ ഈ ചികി​ത്സയെ അനു​ഗ്ര​ഹ​മാ​യി കരുതി. വർഷങ്ങൾക്കു​ശേഷം അവരിൽ ചിലർ മസ്‌തി​ഷ്‌ക​ത്തിൽ സുഷി​ര​ങ്ങ​ളു​ണ്ടാ​ക്കുന്ന ക്രൂറ്റ്‌സ്‌ഫെൽറ്റ്‌-ജക്കോബ്‌ രോഗം (സിജെഡി) ബാധിച്ചു നിഗൂ​ഢ​മായ വിധത്തിൽ മരണമ​ടഞ്ഞു. വളർച്ച​മു​ര​ടി​പ്പിന്‌ പ്രതി​വി​ധി​യാ​യി ഇതേ ഹോർമോൺ ചികി​ത്സ​യ്‌ക്കു വിധേ​യ​രായ കുട്ടികൾ മരണമ​ട​യാൻ തുടങ്ങി. മരിച്ച​വ​രു​ടെ പിറ്റ്യൂ​ട്ടറി ഗ്രന്ഥി​ക​ളിൽ ശാസ്‌ത്ര​ജ്ഞ​ന്മാർ ആ ഹോർമോൺ കണ്ടെത്തി​യ​താ​യി ഗവേഷകർ വെളി​പ്പെ​ടു​ത്തി. മൃതശ​രീ​ര​ങ്ങ​ളിൽ ചിലതു സ്‌പഷ്ട​മാ​യും സിജെഡി വൈറസ്‌ വഹിച്ചി​രു​ന്നു​വെന്നു മാത്രമല്ല, ആ ഹോർമോൺ ഡോസു​ക​ളിൽ ചിലതു മലീമ​സ​വു​മാ​യി​രു​ന്നു. ഹോർമോൺ ചികി​ത്സ​യ്‌ക്കു വിധേ​യ​രായ ചില സ്‌ത്രീ​കൾ, സിജെഡി-യുടെ ലക്ഷണങ്ങൾ പ്രകട​മാ​കു​ന്ന​തി​നു​മു​മ്പു രക്തം ദാനം ചെയ്‌ത​താണ്‌ അതി​നേ​ക്കാ​ളൊ​ക്കെ ദാരു​ണ​മായ സംഗതി. ഇപ്പോൾ ആ വൈറസ്‌, ദാനം ചെയ്യപ്പെട്ട രക്തത്തിൽ കാണു​മെന്ന ഭയവു​മുണ്ട്‌. കാരണം, അതു പരി​ശോ​ധി​ച്ചു കണ്ടുപി​ടി​ക്കാൻ യാതൊ​രു മാർഗ​വു​മില്ല.

ശാസ്‌ത്ര​രം​ഗ​ങ്ങ​ളി​ലെ​ല്ലാം​തന്നെ എന്തെങ്കി​ലു​മൊ​ക്കെ അപകടം പതിയി​രു​പ്പുണ്ട്‌. തന്മൂലം, ശാസ്‌ത്രത്തെ “ആരാധ​ന​യും ഭീതി​യും, ആശയും നിരാ​ശ​യും കലർന്ന സമ്മിശ്ര ഭാവ​ത്തോ​ടെ വീക്ഷി​ക്കു​ന്ന​തോ​ടൊ​പ്പം ആധുനിക വ്യവസാ​യ​വ​ത്‌കൃത സമൂഹ​ത്തി​ന്റെ പല തിന്മക​ളു​ടെ​യും ഉറവി​ട​വും അവയുടെ നിവാരണ മാർഗ​വു​മാ​യി കണക്കാ​ക്കു​ന്നു” എന്ന്‌ ശാസ്‌ത്ര​ത്തി​ന്റെ അസ്വാ​ഭാ​വിക പ്രകൃതം എന്ന ഗ്രന്ഥം പ്രസ്‌താ​വി​ക്കു​ന്ന​തിൽ തെല്ലും അതിശ​യി​ക്കാ​നില്ല.

എന്നാൽ വ്യക്തി​പ​ര​മാ​യി നമു​ക്കെ​ങ്ങനെ അപകടം ലഘൂക​രി​ക്കാം? ശാസ്‌ത്ര​ത്തെ​ക്കു​റി​ച്ചു നമു​ക്കെ​ങ്ങനെ സമനി​ല​യുള്ള വീക്ഷണം നിലനിർത്താ​നാ​കും? തുടർന്നു​വ​രുന്ന ലേഖനം സഹായ​ക​മെന്നു തെളി​യും.

[അടിക്കു​റിപ്പ്‌]

[6-ാം പേജിലെ ആകർഷ​ക​വാ​ക്യം]

ആർക്കും വികി​ര​ണ​ഫ​ല​മാ​യി ദോഷ​മൊ​ന്നും ഉണ്ടാകു​ക​യി​ല്ലെന്നു ഭരണപ​ക്ഷത്തെ ഒരു മന്ത്രി ഉറപ്പു നൽകി

[7-ാം പേജിലെ ആകർഷ​ക​വാ​ക്യം]

മരലിങ്കയിൽ പരീക്ഷണം നടത്തിയ പ്രദേശം വികി​ര​ണ​ത്താൽ മലീമ​സ​മാണ്‌

[8-ാം പേജിലെ ആകർഷകവാക്യം⁄ചിത്രം]

“ഹൈ​ഡ്രജൻ ബോംബ്‌ ഉപയോ​ഗി​ക്ക​ണോ എന്നു നിർണ​യി​ക്കു​ന്നത്‌ ഒരു ശാസ്‌ത്ര​ജ്ഞന്റെ ഉത്തരവാ​ദി​ത്വ​മല്ല.”

—റോബർട്ട്‌ ഓപ്പൻ​ഹൈമർ, ആറ്റോ​മിക ശാസ്‌ത്ര​ജ്ഞൻ

[കടപ്പാട്‌]

Hulton-Deutsch Collection/Corbis

[9-ാം പേജിലെ ആകർഷകവാക്യം⁄ചിത്രം]

“നമ്മുടെ സാമൂ​ഹിക ജീവി​ത​ത്തി​ലെ പ്രശ്‌നങ്ങൾ പരിഹ​രി​ക്കാൻ യുക്തി​സ​ഹ​മായ ചിന്താ​ഗതി മാത്രം പോര എന്നു വേദനാ​ജ​ന​ക​മായ അനുഭ​വ​ത്തി​ലൂ​ടെ നാം പഠിച്ചി​രി​ക്കു​ന്നു.”

—ആൽബർട്ട്‌ ഐൻസ്റ്റീൻ, ഭൗതിക ശാസ്‌ത്ര​ജ്ഞൻ

[കടപ്പാട]

U.S. National Archives photo

[5-ാം പേജിലെ ചിത്ര​ത്തിന്‌ കടപ്പാട്‌]

Richard T. Nowitz/Corbis

[8-ാം പേജിലെ ചിത്ര​ത്തിന്‌ കടപ്പാട്‌]

USAF photo