ശാസ്‌ത്രം സംസാ​രി​ക്കു​മ്പോൾ—നിങ്ങ​ളെ​ങ്ങനെ ശ്രദ്ധി​ക്കു​ന്നു?

പുതി​യ​തും വീണ്ടും രംഗ​പ്ര​വേ​ശനം ചെയ്യു​ന്ന​തു​മായ രോഗങ്ങൾ ശാസ്‌ത്ര​ത്തിന്‌ ഒരു വെല്ലു​വി​ളി​യാണ്‌. രോഗ​ത്താൽ വലഞ്ഞ ആളുകൾ ശാസ്‌ത്രം സംസാ​രി​ക്കു​മ്പോൾ ശ്രദ്ധി​ക്കു​ന്നു. മരണഭീ​തി നിമിത്തം ആളുകൾ ഏറ്റവും പുതിയ സിദ്ധൗ​ഷധം പരീക്ഷി​ച്ചു​നോ​ക്കാൻ പരക്കം പായു​ക​യാണ്‌. മിക്ക​പ്പോ​ഴും, ദീർഘ​കാല ഭവിഷ്യ​ത്തു​ക​ളെ​ക്കു​റി​ച്ചു ചിന്തി​ക്കു​ന്നു​പോ​ലു​മില്ല.

പലപ്പോ​ഴും, മെച്ചപ്പെട്ട ഗുണനി​ല​വാ​ര​ത്തോ​ടു​കൂ​ടിയ ജീവിതം ആസ്വദി​ക്കാൻ രോഗി​കളെ ശാസ്‌ത്രം സഹായി​ച്ചി​ട്ടുണ്ട്‌. അവയിൽ പ്രധാ​ന​പ്പെ​ട്ട​താണ്‌ അപകട​കാ​രി​യായ രക്തപ്പകർച്ച കൂടാ​തെ​യുള്ള ശസ്‌ത്ര​ക്രി​യാ​രീ​തി​കൾ. ശാസ്‌ത്ര​വും സാങ്കേ​തി​ക​വി​ദ്യ​യും ഭാവനയെ വെല്ലുന്ന കാര്യങ്ങൾ ചെയ്യാൻ മനുഷ്യ​വർഗ​ത്തി​നു ശക്തി പ്രദാനം ചെയ്‌തി​ട്ടുണ്ട്‌. ഒരിക്കൽ ശാസ്‌ത്ര കൽപ്പി​ത​ക​ഥ​യാ​യി​രു​ന്നത്‌ ഇപ്പോൾ അനുദിന യാഥാർഥ്യ​മാ​യി​രി​ക്കു​ന്നു. എങ്കിലും, ശാസ്‌ത്രീ​യ​മായ എല്ലാ സംഗതി​ക​ളും മനുഷ്യ​ന്റെ കടുത്ത ആവശ്യ​ങ്ങ​ളാൽ പ്രേരി​ത​മായ പരക്ഷേ​മ​കാം​ക്ഷി​യായ സംഗതി​കളല്ല.

ആരാണു വാസ്‌ത​വ​ത്തിൽ സംസാ​രി​ക്കു​ന്നത്‌?

ശാസ്‌ത്ര​ത്തി​ന്റെ അധിക​ഭാ​ഗ​വും ഭൗതിക നേട്ടത്തെ ഉന്നം​വെ​ച്ചി​രി​ക്കു​ന്നു. മാത്രമല്ല, മുമ്പു സൂചി​പ്പി​ച്ച​തു​പോ​ലെ പ്രബല​മായ ചില വിഭാ​ഗങ്ങൾ അതിനെ പിന്തു​ണ​യ്‌ക്കു​ക​യും ചെയ്യുന്നു. അതു​കൊണ്ട്‌, ചില പുതിയ ശാസ്‌ത്രീയ കണ്ടുപി​ടി​ത്ത​ങ്ങ​ളെ​ക്കു​റി​ച്ചുള്ള നിഗമ​ന​ങ്ങ​ളിൽ എത്തി​ച്ചേ​രു​ക​യും ആവേശ​ഭ​രി​ത​രാ​കു​ക​യും ചെയ്യു​ന്ന​തി​നു​മുമ്പ്‌ ഇങ്ങനെ സ്വയം ചോദി​ക്കുക: ‘ആരാണു വാസ്‌ത​വ​ത്തിൽ സംസാ​രി​ക്കു​ന്നത്‌?’ ഗൂഢോ​ദ്ദേ​ശ്യ​ങ്ങൾ മനസ്സി​ലാ​ക്കാൻ പഠിക്കുക. വികാ​രോ​ദ്ദീ​പ​ക​മായ വിവരങ്ങൾ പുറത്തി​റ​ക്കി​യാ​ലേ വാർത്താ മാധ്യ​മ​ങ്ങൾക്കു പിടി​ച്ചു​നിൽക്കാ​നാ​കൂ എന്നത്‌ ഒരു രഹസ്യമല്ല. പത്രങ്ങ​ളു​ടെ വിൽപ്പന വർധി​പ്പി​ക്കു​ന്ന​തി​നു ചില പത്രക്കാർ എന്തു ചെയ്യാ​നും തയ്യാറാണ്‌. താരത​മ്യേന ആദരണീ​യ​മാ​യി​രി​ക്കുന്ന പത്രി​ക​കൾപോ​ലും ഇടയ്‌ക്കൊ​ക്കെ വികാ​രോ​ദ്ദീ​പ​ക​മായ വാർത്തകൾ പുറത്തി​റ​ക്കാ​റുണ്ട്‌.

സ്‌നേ​ഹ​വും വെറു​പ്പും ഇടകലർന്ന ബന്ധമാണു ശാസ്‌ത്ര​വും വാർത്താ​മാ​ധ്യ​മ​വും തമ്മിലു​ള്ളത്‌. ശാസ്‌ത്ര​ത്തി​നു നല്ലൊരു പ്രതി​ച്ഛായ പകരാൻ മാധ്യ​മ​ങ്ങൾക്കു കഴിയും. നേരേ​മ​റിച്ച്‌, “മിക്ക​പ്പോ​ഴും ശാസ്‌ത്ര​ജ്ഞ​ന്മാർ പ്രസ്സ്‌ റിപ്പോർട്ടു​ക​ളു​ടെ നിയ​ന്ത്ര​ണ​മേ​റ്റെ​ടു​ക്കാൻ മുതി​രു​ന്നു. അവരു​മാ​യി അഭിമു​ഖം നടത്തണ​മെ​ങ്കിൽ, പ്രസി​ദ്ധീ​ക​രി​ക്കു​ന്ന​തി​നു മുമ്പു കാര്യങ്ങൾ പുനഃ​പ​രി​ശോ​ധി​ച്ചു തിരു​ത്താൻ അവർക്ക്‌ അനുമതി ലഭിച്ചാ​ല​ല്ലാ​തെ അവരതി​നു സമ്മതി​ക്കു​ക​യില്ല. റിപ്പോർട്ടർമാർ മിക്ക​പ്പോ​ഴും വിശദാം​ശ​ങ്ങ​ളു​ടെ കൃത്യത ഉറപ്പു​വ​രു​ത്താൻ ശാസ്‌ത്ര​ജ്ഞ​ന്മാ​രു​മാ​യി ബന്ധപ്പെ​ടു​ന്നു​വെ​ങ്കി​ലും വിവരങ്ങൾ സെൻസർ ചെയ്യു​മെന്നു ഭയന്നു തങ്ങളുടെ ലേഖനങ്ങൾ അവരെ കാണി​ക്കാൻ പൊതു​വേ വിമുഖത കാട്ടുന്നു.” ശാസ്‌ത്രം വിൽപ്പ​ന​യ്‌ക്ക്‌ (ഇംഗ്ലീഷ്‌) എന്ന തന്റെ ഗ്രന്ഥത്തിൽ ഡോറത്തി നെൽക്കിൻ എഴുതു​ന്നു.

എന്നിട്ട്‌ തന്റെ ആശയം സ്ഥാപി​ക്കാൻ അവർ ഉദാഹ​ര​ണങ്ങൾ എടുത്തു​കാ​ട്ടു​ന്നു: “പുതിയ ശാസ്‌ത്രീയ പുരോ​ഗ​തി​ക​ളെ​ക്കു​റി​ച്ചുള്ള വാർത്താ റിപ്പോർട്ടു​കൾ ഹതാശ​രായ ആളുകൾക്കു പ്രത്യാ​ശ​യ്‌ക്കു വകയേ​കു​ന്നു. . . . രോഗി​കൾ ഏറ്റവും പുതിയ [ജനരഞ്‌ജക മാസി​ക​യു​ടെ] പ്രതി​യും പിടി​ച്ചു​കൊണ്ട്‌ ഡോക്ടറെ സമീപിച്ച്‌ ഏറ്റവും പുതിയ ചികിത്സ ആവശ്യ​പ്പെ​ടു​ന്നു.” അടുത്ത​താ​യി ഒരു റിപ്പോർട്ടറെ ഉദ്ധരി​ച്ചു​കൊ​ണ്ടു ഡോറത്തി നെൽക്കിൻ മറ്റൊരു ഉദാഹ​ര​ണ​വും നൽകി. ആ റിപ്പോർട്ടർ, ലോകാ​രോ​ഗ്യ​ത്തെ​യും തൊഴി​ലാ​ളി​ക​ളെ​യും സംബന്ധി​ച്ചുള്ള അന്താരാ​ഷ്‌ട്ര ദൗത്യ​സേ​ന​യു​ടെ അധ്യക്ഷ​നോട്‌ “മന്ത്രവാ​ദി​കൾക്ക്‌ ആഫ്രി​ക്ക​യിൽ ഫലപ്ര​ദ​മാ​യി ചികിത്സ നടത്താൻ സാധി​ക്കു​മെന്നു കരുതു​ന്നു​ണ്ടോ” എന്ന്‌ ആരാഞ്ഞു. “ജനങ്ങൾക്കി​ട​യിൽ അവർക്കുള്ള ഉയർന്ന വിശ്വാ​സ്യത നിമിത്തം ഒരുപക്ഷേ അവർക്ക​തി​നു കഴി​ഞ്ഞേ​ക്കും” എന്ന്‌ അദ്ദേഹം മറുപടി പറഞ്ഞു. എന്നാൽ പിറ്റേ ദിവസത്തെ പത്രത്തി​ന്റെ തലക്കെട്ട്‌ എന്തായി​രു​ന്നു? അതിങ്ങ​നെ​യാ​യി​രു​ന്നു: “യു.എൻ. വിദഗ്‌ധൻ കൂടുതൽ മന്ത്രവാ​ദി​കളെ ശുപാർശ ചെയ്യുന്നു”!

നെൽക്കി​ന്റെ അഭി​പ്രാ​യ​ത്തിൽ, ആധുനിക പ്രവണ​ത​യ​നു​സ​രിച്ച്‌ അധിക​മ​ധി​കം ആളുകൾ പുതിയ ശാസ്‌ത്രീയ വിവരങ്ങൾ തങ്ങൾക്കു ലഭിക്കു​ന്ന​തി​നു വാർത്താ​പ​ത്ര​ങ്ങ​ളെ​യും മാസി​ക​ക​ളെ​യും ആശ്രയി​ക്കു​ന്ന​താ​യി കാണ​പ്പെ​ടു​ന്നതു നിർഭാ​ഗ്യ​ക​ര​മാണ്‌. ഇനിയും, വായി​ക്കാ​നൊ​രു​ക്ക​മി​ല്ലാത്ത അല്ലെങ്കിൽ അതിനു പ്രാപ്‌തി കുറഞ്ഞ അനേക​രു​ടെ​യും കാര്യ​ത്തിൽ വിവര​ങ്ങ​ളു​ടെ മുഖ്യ സ്രോ​തസ്സ്‌ ടെലി​വി​ഷ​നാണ്‌.

ശാസ്‌ത്ര​ത്തെ​ക്കു​റിച്ച്‌ സമനി​ല​യുള്ള വീക്ഷണം

മനുഷ്യ​വർഗ​ത്തി​നു പ്രയോ​ജ​ന​പ്ര​ദ​മാ​യി​രി​ക്കുന്ന ശാസ്‌ത്രീയ നേട്ടങ്ങൾ ഉണ്ടെന്നു​വ​രി​കി​ലും ശാസ്‌ത്ര​ജ്ഞ​ന്മാർ മനുഷ്യ​രാ​ണെന്ന വസ്‌തുത നാം മനസ്സിൽപ്പി​ടി​ക്കണം. അവർ പ്രലോ​ഭന-അഴിമതി വിമു​ക്തരല്ല. അവരുടെ ആന്തരങ്ങൾ എല്ലായ്‌പോ​ഴും ശുദ്ധമല്ല. ശാസ്‌ത്ര​ത്തി​നു സമൂഹ​ത്തിൽ അതി​ന്റേ​തായ സ്ഥാനമു​ണ്ടെ​ന്നതു ശരിതന്നെ. എന്നാൽ, അന്ധകാ​ര​ത്തിൽ ആഴ്‌ന്നു​കൊ​ണ്ടി​രി​ക്കുന്ന ലോക​ത്തിന്‌ ഒരു മാർഗ​ദീ​പ​മെന്ന നിലയിൽ അതിനെ പൂർണ​മാ​യി ആശ്രയി​ക്കാ​നാ​വില്ല.

ശാസ്‌ത്ര​ത്തി​ലെ​യും സാങ്കേ​തി​ക​വി​ദ്യ​യി​ലെ​യും ഊഹാ​പോ​ഹങ്ങൾ (ഇംഗ്ലീഷ്‌) എന്ന പത്രിക ഇങ്ങനെ അഭി​പ്രാ​യ​പ്പെ​ടു​ന്നു: “ശാസ്‌ത്ര പ്രമുഖർ എത്രതന്നെ പ്രതാ​പ​മു​ള്ള​വ​രാ​യി . . . കാണ​പ്പെ​ട്ടാ​ലും അവർക്ക​പ്പോ​ഴും തെറ്റു​പ​റ്റാ​മെ​ന്നാ​ണു ശാസ്‌ത്ര​ച​രി​ത്രം പ്രകട​മാ​ക്കു​ന്നത്‌.” വാസ്‌ത​വ​ത്തിൽ, ചിലരു​ടെ കാര്യ​ത്തി​ലാ​ണെ​ങ്കിൽ തെറ്റു​പ​റ്റുക മാത്രമല്ല, അതില​ധി​ക​വും സംഭവി​ക്കു​ന്നുണ്ട്‌.

ഈ ലേഖന​ങ്ങ​ളിൽ നൽകി​യി​രി​ക്കുന്ന കാരണങ്ങൾ നിമിത്തം ക്രിസ്‌ത്യാ​നി​കൾ ശാസ്‌ത്രീയ വാദവി​വാ​ദ​ങ്ങ​ളിൽ ഏർപ്പെ​ടു​ന്ന​തോ തെളി​യി​ക്ക​പ്പെ​ടാത്ത ശാസ്‌ത്രീയ സിദ്ധാ​ന്ത​ങ്ങളെ ഉന്നമി​പ്പി​ക്കു​ന്ന​തോ ബുദ്ധി​യാ​യി​രി​ക്കു​ക​യില്ല. ഉദാഹ​ര​ണ​ത്തിന്‌, ചിലർ വിദ്യു​ത്‌കാ​ന്തി​കത നിമിത്തം അങ്ങേയറ്റം ഭയപര​വ​ശ​രാ​യി​ത്തീർന്നേ​ക്കാം. തന്നിമി​ത്തം, മൈ​ക്രോ​വേവ്‌ അവ്‌നും വൈദ്യു​ത കമ്പിളി​ക​ളും സമാന​മായ മറ്റ്‌ ഉപകര​ണ​ങ്ങ​ളും നിർമാർജനം ചെയ്യാൻ അവർ മറ്റുള്ള​വരെ സദു​ദ്ദേ​ശ്യ​ത്തോ​ടെ പ്രോ​ത്സാ​ഹി​പ്പി​ക്കാൻ തുടങ്ങി​യെ​ന്നും വരാം. മറ്റൊ​രാ​ളു​ടെ വിമർശനം കാര്യ​മാ​ക്കാ​തെ തീരു​മാ​ന​മെ​ടു​ക്കാൻ ഏതൊ​രു​വ​നും സ്വാത​ന്ത്ര്യ​മു​ണ്ടെ​ന്നതു ശരിതന്നെ. എന്നാൽ, വ്യത്യ​സ്‌ത​മായ ഒരു തീരു​മാ​ന​മെ​ടു​ക്കു​ന്ന​യാൾക്കും അതേ സ്വാത​ന്ത്ര്യ​മു​ണ്ടാ​യി​രി​ക്കണം. അതു​കൊണ്ട്‌, വികാ​രോ​ദ്ദീ​പ​ക​മായ വാർത്ത പരത്തു​ന്ന​തിൽനിന്ന്‌ ഒഴിഞ്ഞി​രി​ക്കു​ന്നതു ബുദ്ധി​യാ​യി​രി​ക്കും. അസാധാ​ര​ണ​മായ പല അവകാ​ശ​വാ​ദ​ങ്ങ​ളും ശരിയാ​ണെ​ന്നോ തെറ്റാ​ണെ​ന്നോ തെളി​യി​ക്ക​പ്പെ​ടേ​ണ്ടി​യി​രി​ക്കു​ന്നു. ചില അവകാ​ശ​വാ​ദങ്ങൾ അടിസ്ഥാ​ന​ര​ഹി​ത​മാ​ണെ​ന്നോ തെറ്റാ​ണെ​ന്നോ ഒടുവിൽ തെളി​യു​ന്ന​പക്ഷം, അത്തരം അവകാ​ശ​വാ​ദ​ങ്ങളെ ഉയർത്തി​പ്പി​ടി​ക്കു​ന്നവർ വിഡ്‌ഢി​ക​ളാ​യി കാണ​പ്പെ​ടു​മെന്നു മാത്രമല്ല അവർ മറ്റുള്ള​വർക്ക്‌ അറിയാ​തെ ദ്രോ​ഹ​വും ചെയ്‌തി​രി​ക്കു​ന്ന​താ​യി വരാം.

ബുദ്ധി​കൂർമ​ത​യു​ടെ ആവശ്യം

മാധ്യ​മ​ങ്ങ​ളിൽ വിവാ​ദ​ക്കൊ​ടി പാറിച്ച ശാസ്‌ത്രീയ റിപ്പോർട്ടു​ക​ളോ​ടു ക്രിസ്‌ത്യാ​നി​കൾ എങ്ങനെ പ്രതി​ക​രി​ക്കണം? ഒന്നാമ​താ​യി, അതിന്റെ ഉദ്ദേശ്യ​ശു​ദ്ധി പരി​ശോ​ധി​ക്കുക. ആ ലേഖന​ത്തി​ന്റെ അല്ലെങ്കിൽ വാർത്ത​യു​ടെ പിന്നിലെ ഉദ്ദേശ്യ​മെ​ന്താണ്‌? രണ്ടാമ​താ​യി, മുഴു ലേഖന​വും വായി​ക്കുക. വികാ​രോ​ദ്ദീ​പ​ക​മായ തലക്കെട്ട്‌ ലേഖന​ത്തി​ലെ വിശദാം​ശ​ങ്ങ​ളു​മാ​യി ചേർന്നു​പോ​കു​ന്നു​വെന്നു വരില്ല. മൂന്നാ​മ​ത്തെ​തും സർവ​പ്ര​ധാ​ന​വു​മായ സംഗതി ലേഖക​രു​ടെ നേട്ടങ്ങ​ളു​ടെ രേഖ പരി​ശോ​ധി​ക്കുക എന്നതാണ്‌. അവർ സത്യമാ​ണോ സംസാ​രി​ക്കു​ന്നത്‌? അവർക്കെ​ന്തെ​ങ്കി​ലും ഗൂഢോ​ദ്ദേ​ശ്യ​മു​ണ്ടോ?—റോമർ 3:4.

ശാസ്‌ത്ര​ജ്ഞ​ന്മാ​രെ ആരെങ്കി​ലും സംശയ​ദൃ​ഷ്ട്യാ വീക്ഷി​ക്കു​ന്നു​വെ​ങ്കിൽ ഒരുപ​രി​ധി​വരെ അതിനു കാരണ​ക്കാർ അവർത​ന്നെ​യാ​ണെന്നു പറയാ​വു​ന്ന​താണ്‌. തങ്ങൾ നിഷ്‌പ​ക്ഷ​മ​തി​ക​ളായ സത്യാ​ന്വേ​ഷി​ക​ളാ​ണെന്ന്‌ അവകാ​ശ​പ്പെ​ടുന്ന ചില ശാസ്‌ത്ര​ജ്ഞ​ന്മാ​രു​ടെ വിശ്വാ​സ്യ​ത​യ്‌ക്കു കാര്യ​മായ മങ്ങലേ​റ്റി​ട്ടുണ്ട്‌. ശാസ്‌ത്രം നമ്മുടെ ലോക​ത്തെ​യും പ്രപഞ്ച​ത്തെ​യും കുറിച്ച്‌ ആവേശ​മു​ണർത്തുന്ന അറിവി​ന്റെ ജാലകം തുറന്നു​ത​ന്നി​ട്ടുണ്ട്‌. എന്നിരു​ന്നാ​ലും, മെച്ചപ്പെട്ട ഒരു പുതിയ ലോക​ത്തെ​ക്കു​റി​ച്ചുള്ള ശാസ്‌ത്രാ​ധി​ഷ്‌ഠിത ഭാവി​ക​ഥ​നങ്ങൾ പ്രത്യാ​ശ​യ്‌ക്കു പകരം ഭീതി​യും ഉത്‌ക​ണ്‌ഠ​യു​മാണ്‌ ഉണർത്തി​വി​ടു​ന്നത്‌.

സംഭാ​വ്യ​മാ​യ ഭാവി ദുരന്ത​ങ്ങ​ളെ​ക്കു​റി​ച്ചു ചില വിദഗ്‌ധർ അശുഭ​സൂ​ച​ക​മായ മുന്നറി​യി​പ്പു​കൾ നൽകു​ന്നുണ്ട്‌. നോബൽ സമ്മാന​ജേ​താ​വായ ജോസഫ്‌ റോട്ട്‌ബ്ലാറ്റ്‌ എന്ന ബ്രിട്ടീ​ഷു​കാ​ര​നായ ഭൗതിക ശാസ്‌ത്രജ്ഞൻ തന്റെ ഉത്‌കണ്‌ഠ ഇങ്ങനെ പ്രകട​മാ​ക്കി: “ശാസ്‌ത്രീയ രംഗത്തെ മറ്റു പുരോ​ഗ​തി​കൾ കൂട്ടനാ​ശ​ത്തി​നുള്ള മറ്റൊരു ഉപാധി​യാ​യി​ത്തീർന്നേ​ക്കു​മെ​ന്നാണ്‌ എന്റെ ഭയം. അതൊ​രു​പക്ഷേ അണ്വാ​യു​ധ​ങ്ങ​ളെ​ക്കാ​ളും എളുപ്പ​ത്തിൽ ലഭ്യമാ​യേ​ക്കാം. അതിനു കാരണ​മാ​യി​ത്തീ​രാൻ വളരെ സാധ്യ​ത​യുള്ള ഒരു മേഖല​യാ​ണു ജനിതക എഞ്ചിനീ​യ​റിങ്‌. കാരണം, ആ രംഗത്തു ഭീതി​ത​മായ സംഭവ​വി​കാ​സ​ങ്ങ​ളാ​ണു നടക്കു​ന്നത്‌.” ഓസ്‌​ട്രേ​ലി​യ​യി​ലെ നാഷണൽ യൂണി​വേ​ഴ്‌സി​റ്റി പ്രൊ​ഫ​സ​റായ ബെൻ സെലിം​ഗർ തനിക്കു മുൻകൂ​ട്ടി കാണാ​നാ​കുന്ന പ്രശ്‌ന​ങ്ങ​ളെ​ക്കു​റി​ച്ചു പറഞ്ഞു: “എന്റെ അഭി​പ്രാ​യ​ത്തിൽ അടുത്ത പ്രതി​സന്ധി ഉടലെ​ടു​ക്കാൻ കൂടുതൽ സാധ്യ​ത​യു​ള്ളതു ജനിതക എഞ്ചിനീ​യ​റി​ങ്ങി​ലാണ്‌. എന്നാൽ, അതെന്താ​ണെ​ന്നോ എങ്ങനെ​യാ​ണെ​ന്നോ എപ്പോ​ഴാ​ണെ​ന്നോ എനിക്ക​റി​ഞ്ഞു​കൂ​ടാ.”

നേരേ​മ​റിച്ച്‌, ദൈവ​വ​ച​ന​മായ ബൈബിൾ ‘നമ്മുടെ പാതെക്കു’ സുനി​ശ്ചി​ത​വും ആശ്രയ​യോ​ഗ്യ​വു​മായ ‘പ്രകാശ’മേകുന്നു. ദൈവ​രാ​ജ്യ ഭരണത്തിൻ കീഴിലെ ശുദ്ധീ​ക​രി​ക്ക​പ്പെട്ട ഭൂമി​യിൽ സമാധാ​ന​വും നല്ല ആരോ​ഗ്യ​വും ലോ​കൈ​ക്യ​വും ഉണ്ടായി​രി​ക്കുന്ന ഒരു സുരക്ഷിത ഭാവി നേടി​യെ​ടു​ക്കാൻ അതു നമ്മെ സഹായി​ക്കും.—സങ്കീർത്തനം 119:105; വെളി​പ്പാ​ടു 11:18; 21:1-5.

[11-ാം പേജിലെ ചതുരം]

“കെട്ടു​ക​ഥ​യു​ടെ പ്രബല​മായ ആധിപ​ത്യം”

സമീപ​വർഷ​ങ്ങ​ളിൽ ചില ശാസ്‌ത്ര​ജ്ഞ​ന്മാർ, ചാൾസ്‌ ഡാർവിൻ അവതരി​പ്പിച്ച പരിണാ​മ​സി​ദ്ധാ​ന്ത​ത്തി​ന്റെ അതിജീ​വനം സംബന്ധി​ച്ചു ഗൗരവാ​വ​ഹ​മായ സംശയങ്ങൾ ഉന്നയി​ച്ചി​ട്ടുണ്ട്‌. പ്രത്യേ​കി​ച്ചും, തന്മാ​ത്രാ​ജീ​വ​ശാ​സ്‌ത്ര​ജ്ഞ​ന്മാർ.

ജീവശാ​സ്‌ത്ര ഗവേഷ​ക​നായ മൈക്കിൾ ഡെൻറൺ, പരിണാ​മം: പ്രതി​സ​ന്ധി​യി​ലായ ഒരു സിദ്ധാന്തം (ഇംഗ്ലീഷ്‌) എന്ന പുസ്‌ത​ക​ത്തിൽ ഇങ്ങനെ എഴുതി: “ഡാർവി​ന്റെ സിദ്ധാ​ന്തത്തെ തെളിവ്‌ ആവശ്യ​മി​ല്ലാത്ത ഒരു സ്ഥാപിത പ്രമാ​ണ​മാ​യി ഉയർത്തി​യ​തു​കൊ​ണ്ടു​ണ്ടായ ദൂഷ്യ​ഫലം, വർഗോ​ത്‌പ​ത്തി​യിൽ ഡാർവിൻ നേരിട്ട യഥാർഥ പ്രശ്‌ന​ങ്ങ​ളും എതിർപ്പു​ക​ളും അപ്പാടെ അവഗണി​ക്ക​പ്പെ​ട്ടി​രി​ക്കു​ന്നു​വെ​ന്ന​താണ്‌. ബന്ധിപ്പി​ക്കുന്ന കണ്ണിക​ളു​ടെ അഭാവ​മോ ഇടയ്‌ക്കുള്ള ജീവരൂ​പ​ങ്ങളെ സങ്കൽപ്പി​ക്കു​ന്ന​തി​ലെ ബുദ്ധി​മു​ട്ടോ വാസ്‌ത​വ​ത്തിൽ ചർച്ച​ചെ​യ്യ​പ്പെ​ടു​ന്ന​തേ​യില്ല. മാത്രമല്ല, അനുകൂ​ല​ന​ങ്ങ​ളി​ലെ ഏറ്റവും സങ്കീർണ അനുരൂ​പീ​ക​ര​ണം​പോ​ലും പ്രകൃ​തി​നിർധാ​ര​ണ​ത്തി​ന്റെ ഫലമാ​ണെന്നു സംശയ​ലേ​ശ​മ​ന്യേ അവകാ​ശ​പ്പെ​ടു​ന്നു.”

അദ്ദേഹം ഇങ്ങനെ തുടരു​ന്നു: “ഈ കെട്ടു​ക​ഥ​യു​ടെ പ്രബല​മായ ആധിപ​ത്യം, പരിണാ​മ​സി​ദ്ധാ​ന്തം ഒരു നൂറ്റാണ്ടു മുമ്പേ തെളി​യി​ക്ക​പ്പെ​ട്ട​താ​ണെന്ന വ്യാപ​ക​മായ മിഥ്യാ​ബോ​ധം ഉളവാ​ക്കി​യി​രി​ക്കു​ന്നു. . . . അത്‌ ഒരു കാരണ​വ​ശാ​ലും വാസ്‌ത​വമല്ല.”—പേജ്‌ 77.

“ക്രമാ​നു​ഗ​ത​മായ നിരവധി നേരിയ വ്യതി​യാ​ന​ങ്ങ​ളാൽ ഉരുത്തി​രി​യാൻ സാധ്യ​ത​യി​ല്ലാത്ത, സങ്കീർണ​മായ ഏതെങ്കി​ലും ഒരവയവം ഉണ്ടെന്നു തെളി​യി​ക്കാ​നാ​കു​മെ​ങ്കിൽ എന്റെ സിദ്ധാന്തം തറപറ്റി​യ​തു​തന്നെ.”—വർഗോ​ത്‌പത്തി (ഇംഗ്ലീഷ്‌), ചാൾസ്‌ ഡാർവിൻ, പേജ്‌ 154.

“വിശദീ​ക​രി​ക്ക​പ്പെ​ടാത്ത, ലഘൂക​രി​ക്കാ​നാ​വാ​ത്ത​വി​ധം സങ്കീർണ​മായ ജൈവവ്യവസ്ഥകൾa പെരു​കു​ന്ന​തി​ന്റെ അടിസ്ഥാ​ന​ത്തിൽ, പരാജ​യ​ത്തി​ന്റേ​തായ ഡാർവി​ന്റെ മാനദണ്ഡം ശാസ്‌ത്രം അപ്പാടെ സ്ഥിരീ​ക​രി​ക്കു​ന്ന​താ​യി ഞങ്ങൾ പൂർണ​മാ​യും വിശ്വ​സി​ക്കു​ന്നു.” (ഡാർവി​ന്റെ ബ്ലാക്ക്‌ ബോക്‌സ്‌—പരിണാ​മ​ത്തി​നെ​തി​രെ​യുള്ള ജൈവ​രാ​സ​പ​ര​മായ വെല്ലു​വി​ളി [ഇംഗ്ലീഷ്‌], മൈക്കിൾ ജെ. ബീഹി, പേജുകൾ 39-40) മറ്റുവാ​ക്കു​ക​ളിൽ പറഞ്ഞാൽ, തന്മാ​ത്രാ​ജീ​വ​ശാ​സ്‌ത്ര രംഗത്തെ സമീപ​കാല കണ്ടുപി​ടി​ത്തങ്ങൾ ഡാർവി​ന്റെ സിദ്ധാന്തം സംബന്ധി​ച്ചു ഗൗരവാ​വ​ഹ​മായ സംശയങ്ങൾ ഉന്നയി​ക്കു​ന്നു.

“കോശ​ത്തി​ന്റെ പഠനത്തി​നാ​യുള്ള—ജീവ​നെ​ക്കു​റി​ച്ചു തന്മാ​ത്രാ​ത​ല​ത്തി​ലുള്ള പഠനത്തി​നാ​യുള്ള—സർവ ശ്രമങ്ങ​ളു​ടെ​യും ഫലമായി ഉറച്ച, സ്‌പഷ്ട​മായ, ചെവി​തു​ള​യ്‌ക്കും​വി​ധ​മുള്ള ‘രൂപകൽപ്പന!’ എന്ന ആരവം കേൾക്കാം. ഫലം സുസ്‌പ​ഷ്ട​വും സുപ്ര​ധാ​ന​വു​മാ​യി​രി​ക്കു​ന്ന​തി​നാൽ അതു ശാസ്‌ത്ര​ച​രി​ത്ര​ത്തി​ലെ ഏറ്റവും വലിയ നേട്ടങ്ങ​ളി​ലൊ​ന്നാ​യി കണക്കാ​ക്ക​പ്പെ​ടണം. ആ കണ്ടുപി​ടി​ത്തം ന്യൂട്ട​ന്റെ​യും ഐൻസ്റ്റീ​ന്റെ​യും, ലവോ​സി​യ​റു​ടെ​യും ഷ്രോ​ടിം​ഗ​റി​ന്റെ​യും, പാസ്‌ച​റു​ടെ​യും ഡാർവി​ന്റെ​യും കണ്ടുപി​ടി​ത്ത​ങ്ങളെ വെല്ലുന്നു. ജീവനു പിന്നിൽ ബുദ്ധി​പൂർവ​ക​മായ രൂപകൽപ്പ​ന​യു​ണ്ടെന്ന സംഗതി ഭൂമി സൂര്യനെ ചുറ്റു​ന്നു​വെന്ന സംഗതി​പോ​ലെ​തന്നെ അതി​പ്ര​ധാ​ന​മാണ്‌.”—ഡാർവി​ന്റെ ബ്ലാക്‌ ബോക്‌സ്‌, പേജുകൾ 232-3.

[അടിക്കു​റി​പ്പു​കൾ]

[10-ാം പേജിലെ ചിത്രം]

മറ്റു ഗ്രഹങ്ങ​ളിൽ ജീവനു​ണ്ടാ​യി​രി​ക്കാ​നുള്ള സാധ്യ​ത​യെ​ക്കു​റി​ച്ചോ വിദ്യു​ത്‌കാ​ന്തി​ക​ത​യു​ടെ സാങ്കൽപ്പിക ഫലങ്ങ​ളെ​ക്കു​റി​ച്ചോ ഉള്ള വാഗ്വാ​ദങ്ങൾ ക്രിസ്‌ത്യാ​നി​കൾ ബുദ്ധി​പൂർവം ഒഴിവാ​ക്കു​ന്നു

[കടപ്പാട്‌]

NASA photo/JPL

NASA photo/JPL