പൂർവ​യൂ​റോ​പ്പി​ലെ സമാധാന സന്ദേശ​വാ​ഹ​കർ

ബധിരർ കേൾക്കു​ന്നു! തടവു​കാർ സ്വാത​ന്ത്ര്യം നേടുന്നു! പൊലീ​സിന്‌ അവിടെ ഒന്നും​തന്നെ ചെയ്യാ​നി​ല്ലാ​യി​രു​ന്നു! നാമെ​ന്തി​നെ​ക്കു​റി​ച്ചാ​ണു സംസാ​രി​ക്കു​ന്നത്‌? പൂർവ​യൂ​റോ​പ്പിൽ കഴിഞ്ഞ വർഷം ജൂ​ലൈ​യി​ലും ആഗസ്റ്റി​ലു​മാ​യി നടന്ന യഹോ​വ​യു​ടെ സാക്ഷി​ക​ളു​ടെ സാർവ​ദേ​ശീയ കൺ​വെൻ​ഷ​നു​ക​ളിൽ സംഭവിച്ച കാര്യ​ങ്ങ​ളെ​ക്കു​റി​ച്ചാ​ണു നാം സംസാ​രി​ക്കു​ന്നത്‌.

“ദൈവ​സ​മാ​ധാന സന്ദേശ​വാ​ഹകർ” എന്നതാ​യി​രു​ന്നു കാര്യ​പ​രി​പാ​ടി​യു​ടെ വിഷയം. റൊമേനിയയിൽa വൈദിക വൃന്ദം ഇളക്കി​വിട്ട പ്രശ്‌ന​ങ്ങ​ളെ​ല്ലാ​മു​ണ്ടാ​യി​രി​ക്കെ, യഹോ​വ​യു​ടെ സാക്ഷി​കൾക്ക്‌ ദൈവ​ത്തെ​യും ക്രിസ്‌തു​വി​നെ​യും അറിയു​ന്ന​തി​ലൂ​ടെ ലഭിക്കുന്ന സമാധാ​നം ഉണ്ടെന്നു പലരും കാണു​ക​യു​ണ്ടാ​യി.—യെശയ്യാ​വു 26:2, 3; ഫിലി​പ്പി​യർ 4:7.

ചെക്ക്‌ റിപ്പബ്ലി​ക്കി​ലെ പ്രാഗ്‌; ഹംഗറി​യി​ലെ ബുഡാ​പെസ്റ്റ്‌; പോള​ണ്ടി​ലെ വാർസോ, ലൂജ്‌, എസ്‌തോ​ണി​യ​യി​ലെ ടാലിൻ; റൊ​മേ​നി​യ​യി​ലെ ബ്രാ​ഷൊവ്‌, ക്ലൂഷ്‌നാ​പോക തുടങ്ങിയ ഇടങ്ങളി​ലെ​ല്ലാം കൺ​വെൻ​ഷ​നു​കൾ നടത്ത​പ്പെട്ടു.

വിവിധ വിദേ​ശ​രാ​ജ്യ​ങ്ങ​ളിൽ നിന്നുള്ള പ്രതി​നി​ധി സംഘങ്ങൾ ഈ കൺ​വെൻ​ഷ​നു​ക​ളിൽ സംബന്ധി​ക്കു​ക​യും അവിടെ നടന്ന സംഭവ​ങ്ങൾക്ക്‌ ഒരു യഥാർഥ സാർവ​ദേ​ശീയ അന്തരീ​ക്ഷ​മു​ള​വാ​ക്കു​ക​യും ചെയ്‌തു. ജർമനി, ജപ്പാൻ, പോളണ്ട്‌, ഐക്യ​നാ​ടു​കൾ തുടങ്ങിയ രാജ്യ​ങ്ങ​ളിൽ നിന്നുള്ള വലിയ സംഘങ്ങൾ പ്രാഗിൽ ഹാജരാ​യി. വാച്ച്‌ ടവർ സൊ​സൈ​റ്റി​യു​ടെ ചെക്കിയ ബ്രാഞ്ച്‌ ഓഫീ​സിൽ നിന്നുള്ള ഒരു റിപ്പോർട്ട്‌ ഇങ്ങനെ പ്രസ്‌താ​വി​ച്ചു: “യഹോ​വ​യാം ദൈവ​ത്തി​ന്റെ മറ്റു രാജ്യ​ങ്ങ​ളിൽ നിന്നുള്ള നിർമ​ല​താ​പാ​ല​ക​രായ വളരെ​യേറെ ആരാധ​ക​രിൽനി​ന്നും ഞങ്ങൾക്കു പ്രോ​ത്സാ​ഹനം ലഭിച്ചി​രി​ക്കു​ന്നു. ഉദാഹ​ര​ണ​മാ​യി, ജപ്പാൻ പ്രതി​നി​ധി​ക​ളിൽ അനേക​രും പയനി​യർമാ​രാ​യി​രു​ന്നു. മാത്രമല്ല, അവരുടെ വൃത്തി​യുള്ള വസ്‌ത്ര​വും അടുക്കും ചിട്ടയും സ്റ്റേഡി​യ​ത്തി​ലെ അവരുടെ ഭാഗത്തെ വ്യതി​രി​ക്ത​മാ​ക്കി​നിർത്തി. അതു​പോ​ലെ​തന്നെ പോളണ്ട്‌ പ്രതി​നി​ധി​ക​ളു​ടെ ഊഷ്‌മള സ്‌നേ​ഹ​വും സ്ലോവാ​ക്യ​യി​ലെ സഹോ​ദ​രങ്ങൾ പ്രകട​മാ​ക്കിയ കൃതജ്ഞ​ത​യും ജർമൻകാ​രു​ടെ ഉദാര​മ​ന​സ്‌ക​ത​യും അമേരി​ക്ക​ക്കാ​രു​ടെ ഹൃദയ​വി​ശാ​ല​ത​യും ശ്രദ്ധേ​യ​മാ​യി​രു​ന്നു. അവരെ​ല്ലാം ഞങ്ങൾക്കൊ​രു പാഠമാ​യി​രു​ന്നു.”

കൺ​വെൻ​ഷ​നു​കൾ നമ്മോ​ടൊ​ത്തു സഹവസി​ക്കുന്ന പുതി​യ​വരെ എങ്ങനെ​യാ​ണു ബാധി​ക്കു​ന്നത്‌? പണ്ഡിത​നും എഴുത്തു​കാ​ര​നും ഭാഷാ​വി​ദ​ഗ്‌ധ​നു​മായ ഒരു 85-കാരൻ പ്രമേ​ഹ​വും കാലിന്റെ അസുഖ​വു​മെ​ല്ലാ​മു​ണ്ടാ​യി​രു​ന്നി​ട്ടും ഹാജരാ​യി​രു​ന്നു. പരിജ്ഞാ​നം പുസ്‌തകം ഉപയോ​ഗിച്ച്‌ അദ്ദേഹം ഏകദേശം ആറു മാസ​ത്തോ​ള​മാ​യി ബൈബിൾ പഠിച്ചു​വ​രു​ക​യാ​യി​രു​ന്നു. പരിപാ​ടി​ക​ളിൽ അദ്ദേഹം ശ്രദ്ധ​കേ​ന്ദ്രീ​ക​രി​ച്ചത്‌ ഭാഷാ​പ​ര​മോ വ്യാക​ര​ണ​പ​ര​മോ ആയ പ്രത്യേ​ക​ത​ക​ളി​ലല്ല, പകരം മറ്റൊ​ന്നി​ലാ​യി​രു​ന്നു. “പരിപാ​ടി​കൾ വളരെ നന്നായി​രു​ന്നു!” അദ്ദേഹം ഉദ്‌ഘോ​ഷി​ച്ചു. “നിങ്ങളു​ടെ ഇടയി​ലുള്ള സ്‌നേ​ഹ​വും പരിഗ​ണ​ന​യും വാക്കു​ക​ളെ​ക്കാൾ ഉച്ചത്തിൽ സംസാ​രി​ക്കു​ന്നു.”—യോഹ​ന്നാൻ 13:34, 35; 1 കൊരി​ന്ത്യർ 13:1-8.

പ്രാഗ്‌ സന്ദർശി​ക്കാ​നെ​ത്തി​യവർ പൗരാ​ണിക സ്‌മാരക സ്ഥലങ്ങളും മറ്റും സന്ദർശി​ച്ചു​കൊ​ണ്ടും കിട്ടുന്ന അവസര​ത്തി​ലെ​ല്ലാം അനൗപ​ചാ​രിക സാക്ഷീ​ക​രണം നടത്തി​ക്കൊ​ണ്ടും തങ്ങളുടെ സമയം ആസ്വാ​ദ്യ​മാ​യി ചെലവ​ഴി​ച്ചു. ഒരു അഭിഭാ​ഷ​കന്റെ ഭാര്യ​യായ ഒരു അമേരി​ക്കൻ സാക്ഷി, പ്രാഗി​നു തെക്കുള്ള ഒരു കോട്ട​യിൽ, ഗോപു​ര​മു​ക​ളി​ലേക്കു നടകയ​റി​വ​രു​ന്ന​വർക്കെ​ല്ലാം കൊടു​ക്കാ​നാ​യി ചെക്ക്‌ ഭാഷയി​ലുള്ള ലഘു​ലേ​ഖ​ക​ളു​മാ​യി കാത്തു​നിൽപ്പു​ണ്ടാ​യി​രു​ന്നു. മറ്റുചി​ലർ ഒരു പഴയ ജൂത സെമി​ത്തേരി സന്ദർശി​ക്കാ​നെ​ത്തിയ സ്‌കൂൾ വിദ്യാർഥി​നി​കൾക്കു ലഘു​ലേ​ഖകൾ വിതരണം ചെയ്‌തു. മാത്രമല്ല, എല്ലാ തൊഴി​ല​ധി​ഷ്‌ഠിത വിനോ​ദ​യാ​ത്രാ വഴികാ​ട്ടി​കൾക്കും ബസ്‌ ഡ്രൈ​വർമാർക്കും സാഹി​ത്യ​ങ്ങൾ ലഭിച്ചു.—1 പത്രൊസ്‌ 3:15.

സാക്ഷി​ക​ളെ​യും അവരുടെ നടത്ത​യെ​യും​പ്രതി വിലമ​തി​പ്പു പ്രകടി​പ്പിച്ച ഒരു വഴികാ​ട്ടി ഇങ്ങനെ എഴുതി: “സൗഹാർദ മനോ​ഭാ​വ​മു​ള്ള​വ​രും ഊഷ്‌മ​ള​സ്‌നേ​ഹ​മു​ള്ള​വ​രു​മായ ഇത്ര​യേറെ ആളുകളെ എന്റെ ജീവി​ത​ത്തി​ലൊ​രി​ക്ക​ലും ഞാൻ കണ്ടിട്ടില്ല. ഞാനൊ​രു കത്തോ​ലി​ക്ക​നാ​ണെ​ങ്കി​ലും, നിങ്ങളു​ടെ ആത്മീയ വീക്ഷണ​ഗതി എന്നെ തികച്ചും വശീക​രി​ച്ചി​രി​ക്കു​ന്നു. മനുഷ്യ​വർഗ​ത്തിന്‌ ഇനിയും പ്രതീ​ക്ഷ​യ്‌ക്കു വകയു​ണ്ടെന്ന പ്രത്യാശ നിങ്ങ​ളെ​നി​ക്കു നൽകി​യി​രി​ക്കു​ന്നു. നിങ്ങളു​ടെ ദയയ്‌ക്കു ഞാൻ നന്ദി പറയട്ടെ. ദൈവം നിങ്ങളെ അനു​ഗ്ര​ഹി​ക്കു​മാ​റാ​കട്ടെ!”

വെള്ളി​യാ​ഴ്‌ച കനത്ത മഴയു​ണ്ടാ​യി​രു​ന്നി​ട്ടും, കുടും​ബങ്ങൾ സ്റ്റേഡി​യ​ത്തി​ലെ തുറന്ന സ്ഥലത്ത്‌ ഇരുന്ന്‌ സ്വദേ​ശീ​യ​രും വിദേ​ശീ​യ​രു​മായ പ്രസം​ഗ​ക​രി​ലൂ​ടെ പ്രദാനം ചെയ്യപ്പെട്ട ആത്മീയ ഭക്ഷണം ആസ്വദി​ച്ചു. ഒരുപാട്‌ കൊച്ചു കുഞ്ഞുങ്ങൾ ഉണ്ടായി​രു​ന്ന​തി​നാൽ നടപ്പാ​ത​ക​ളിൽ അപകടങ്ങൾ ഉണ്ടാകു​ന്ന​തൊ​ഴി​വാ​ക്കാൻ, സ്‌​ട്രോ​ള​റു​കൾ, അതായത്‌ കുട്ടി​കളെ ഇരുത്തി ഉന്തി​ക്കൊ​ണ്ടു നടക്കുന്ന വണ്ടികൾ, പാർക്കു​ചെ​യ്യു​ന്ന​തിന്‌ ഒരു പ്രത്യേക സ്ഥലം സ്റ്റേഡി​യ​ത്തി​നു പുറത്ത്‌ ഒരുക്കി.

പ്രാഗ്‌ കൺ​വെൻ​ഷ​നിൽ 22,000-ത്തിലേ​റെ​പേർ ഹാജരാ​യി​രു​ന്നു. വീൽച്ചെ​യ​റി​ലായ രണ്ടു പേരും അംഗ​വൈ​ക​ല്യം സംഭവിച്ച വേറെ അഞ്ചു​പേ​രും ഉൾപ്പെടെ 432 പുതിയ സമർപ്പിത സാക്ഷികൾ സ്‌നാ​പ​ന​മേറ്റു.

ബുഡാ​പെ​സ്റ്റിൽ ബധിരർ ‘കേൾക്കു​ന്നു’

ഡാന്യൂബ്‌ നദിയു​ടെ ഇരുക​ര​ക​ളി​ലു​മാ​യി സ്ഥിതി​ചെ​യ്യുന്ന ബുഡാ​പെസ്റ്റ്‌ നഗരമാണ്‌ ജൂ​ലൈ​യിൽ നടന്ന സാർവ​ദേ​ശീയ കൺ​വെൻ​ഷന്‌ ആതി​ഥേ​യ​ത്വം വഹിച്ചത്‌. ഹംഗറി കൂടാതെ 11 രാജ്യ​ങ്ങ​ളിൽ നിന്നുള്ള 3,341 പ്രതി​നി​ധി​കൾ ഉൾപ്പെടെ 23,893 പേരുടെ ഒരു അത്യുച്ച ഹാജരു​ണ്ടാ​യി​രു​ന്നു.

സ്റ്റേജി​നോ​ടു ചേർന്നുള്ള ഒരു കൂടാ​ര​ത്തിൽ ബധിര​രായ ആളുകൾക്കു​വേണ്ടി മുഴു​പ​രി​പാ​ടി​യും പരിഭാ​ഷ​പ്പെ​ടു​ത്തി​യി​രു​ന്നു. അവിടെ ഏകദേശം 100 പേർ ഹാജരു​ണ്ടാ​യി​രു​ന്നു. ഹംഗേ​റി​യൻ ഭാഷ​യൊ​ഴി​കെ​യുള്ള മറ്റു ഭാഷകൾ ഉപയോ​ഗി​ക്കുന്ന പ്രതി​നി​ധി​കൾക്കു സ്വാഗ​ത​മ​രു​ളി​യ​പ്പോൾ അതിൽ ബധിര​രാ​യ​വർക്കു​വേണ്ടി ഈ പ്രത്യേക സ്വാഗത വചനങ്ങ​ളു​മു​ണ്ടാ​യി​രു​ന്നു: “മുഴു​പ​രി​പാ​ടി​യും ആംഗ്യ​ഭാ​ഷ​യി​ലേ​ക്കും പരിഭാ​ഷ​പ്പെ​ടു​ത്തു​ന്ന​താണ്‌ എന്നകാ​ര്യം പരാമർശി​ക്കാ​തെ വിട്ടു​ക​ള​യാൻ ഞങ്ങൾ ആഗ്രഹി​ക്കു​ന്നില്ല. ബധിര​രാ​യവർ ഞങ്ങളോ​ടൊ​പ്പ​മു​ള്ളതു ഞങ്ങൾ വിലമ​തി​ക്കു​ന്നു.”

സത്യം മറ്റുള്ള​വ​രു​മാ​യി പങ്കു​വെ​ക്കു​ന്നു

ഈ കൺ​വെൻ​ഷ​നു​ക​ളിൽ കുടും​ബ​സ​ന്തു​ഷ്ടി​യു​ടെ രഹസ്യം എന്ന പുസ്‌ത​ക​മുൾപ്പെടെ പുതിയ ബൈബിൾ സാഹി​ത്യ​ങ്ങൾ പ്രകാ​ശനം ചെയ്‌തു. ഈ പ്രസി​ദ്ധീ​ക​രണം ലഭിച്ച ശേഷം ഒരു ഫ്രഞ്ച്‌ പ്രതി​നി​ധി​സം​ഘം തങ്ങൾ താമസി​ക്കുന്ന ഹോട്ട​ലി​ലേക്കു മടങ്ങാൻ ഒരു ബസ്‌ വാടക​യ്‌ക്കെ​ടു​ത്തു. വഴിക്കു​വെച്ച്‌ അവർ ഒരു വധുവി​നെ​യും വരനെ​യും വിവാ​ഹ​പ്പാർട്ടി​യോ​ടൊ​ത്തു നിൽക്കു​ന്നതു കണ്ടു. സഹോ​ദ​രങ്ങൾ ഡ്രൈ​വ​റോ​ടു ബസ്സു നിർത്താ​നാ​വ​ശ്യ​പ്പെട്ടു. സാക്ഷി​ക​ളി​ലൊ​രാൾ പുറ​ത്തേ​ക്കി​റങ്ങി ആ പുതിയ പുസ്‌ത​ക​ത്തി​ന്റെ ഹംഗേ​റി​യൻ ഭാഷയി​ലുള്ള ഒരു പതിപ്പ്‌ ദമ്പതി​കൾക്കു നൽകി. കൃതജ്ഞ​ത​യോ​ടെ അതു സ്വീക​രിച്ച അവർ ഉടൻതന്നെ ആ പുസ്‌തകം ശ്രദ്ധാ​പൂർവം സൂക്ഷ്‌മ​മാ​യി പരി​ശോ​ധി​ക്കാൻ തുടങ്ങി. ഒരുപക്ഷേ അതിന്റെ പ്രകാ​ശ​ന​ത്തി​നു ശേഷം സമർപ്പി​ക്ക​പ്പെട്ട ആദ്യത്തെ കോപ്പി​യാ​യി​രു​ന്നി​രി​ക്കാം അത്‌!

കമ്മ്യു​ണി​സ്റ്റാ​യി​ത്തീർന്ന കത്തോ​ലി​ക്കൻ സാക്ഷി​യാ​കു​ന്നു

ഈ കൺ​വെൻ​ഷ​നിൽ സ്‌നാ​പ​ന​മേ​റ്റവർ 510 പേരാ​യി​രു​ന്നു. അതു ഹാജരാ​യ​വ​രു​ടെ രണ്ടു ശതമാ​ന​ത്തി​ല​ധി​ക​മാ​യി​രു​ന്നു. ഈ പുതിയ സാക്ഷി​ക​ളിൽ മൂന്നു​പേർ തങ്ങൾ ബൈബിൾ സത്യം പഠിക്കു​ന്ന​തി​നു മുമ്പു ചെയ്‌ത കുറ്റകൃ​ത്യ​ങ്ങ​ളെ​പ്രതി ഇപ്പോ​ഴും തടവി​ലാണ്‌. പ്രാ​ദേ​ശിക സഹോ​ദ​ര​ന്മാർ അവരെ ക്രമമാ​യി സന്ദർശി​ക്കാ​റുണ്ട്‌, കൂടാതെ അവർ ജയിലി​ലുള്ള മറ്റുള്ള​വർക്കു ബൈബി​ള​ധ്യ​യനം നടത്തു​ക​യും ചെയ്യുന്നു. ബുഡാ​പെ​സ്റ്റി​ലെ ഒരു ജയിലിൽ അന്തേവാ​സി​ക​ളു​മാ​യി 50-ഓളം ബൈബി​ള​ധ്യ​യ​നങ്ങൾ നടത്തി​വ​രു​ന്നു.

ഒരു ബെനഡി​ക്ടൈൻ കത്തോ​ലി​ക്കാ സ്‌കൂ​ളി​ലെ അംഗമാ​യി വളർത്ത​പ്പെട്ട ഒരു മനുഷ്യൻ കത്തോ​ലി​ക്കാ സഭയി​ലുള്ള വിശ്വാ​സം നഷ്ടമാ​യ​തി​നെ​ത്തു​ടർന്ന്‌, 20-ാം വയസ്സിൽ കമ്മ്യു​ണിസ്റ്റ്‌ പാർട്ടി​യിൽ അംഗത്വം നേടി. പിന്നീട്‌, പട്ടാള​ത്തിൽ ചേർന്ന അദ്ദേഹം ക്രമേണ ഉയർന്ന്‌ ലെഫ്‌റ്റ​നൻറ്‌ പദവി​യി​ലെ​ത്തി​ച്ചേർന്നു. തൊഴി​ലാ​ളി​ക​ളു​ടെ അർധ​സൈ​നിക വിഭാ​ഗ​ത്തി​ന്റെ അംഗമെന്ന നിലയിൽ അദ്ദേഹം സർവക​ലാ​ശാ​ല​യിൽ മാർക്‌സി​സ​വും ലെനി​നി​സ​വും പഠിപ്പി​ച്ചു​പോ​ന്നു. “സ്വാത​ന്ത്ര്യം, സാഹോ​ദ​ര്യം, സമത്വം” എന്ന മുദ്രാ​വാ​ക്യ​ത്തിൽനിന്ന്‌ അദ്ദേഹം ആവേശ​മുൾക്കൊ​ണ്ടി​രു​ന്നു. എന്നിരു​ന്നാ​ലും, അധികാ​ര​ത്തി​ലി​രി​ക്കു​ന്നവർ “ജനകീയ ഭരണം” എന്ന മുദ്രാ​വാ​ക്യ​ത്തെ ദുരു​പ​യോ​ഗ​പ്പെ​ടു​ത്തു​ന്നതു കണ്ടത്‌ കമ്മ്യു​ണി​സം സംബന്ധിച്ച തന്റെ വീക്ഷണം പുനർവി​ചി​ന്തനം ചെയ്യാൻ അയാളെ പ്രേരി​പ്പി​ച്ചു. എന്തോ ഒന്നിന്റെ കുറവ്‌ അദ്ദേഹ​ത്തി​ന​നു​ഭ​വ​പ്പെട്ടു. ഒടുവിൽ അദ്ദേഹം സേവന​ത്തിൽനി​ന്നു വിരമി​ച്ചു. സാക്ഷികൾ സന്ദർശി​ച്ച​പ്പോൾ അദ്ദേഹം ശ്രദ്ധി​ക്കാൻ ഉത്സാഹ​മു​ള്ള​വ​നാ​യി​രു​ന്നു. അദ്ദേഹം റിപ്പോർട്ടു ചെയ്യുന്നു: “ഒടുക്കം യഥാർഥ സാഹോ​ദ​ര്യം ഞാൻ കണ്ടെത്തി​യെന്നു രാജ്യ​ഹാ​ളി​ലേ​ക്കുള്ള എന്റെ ആദ്യ സന്ദർശ​ന​ത്തിൽത്തന്നെ എനിക്കു ബോധ്യ​മാ​യി. ക്രിസ്‌തു​വി​ന്റെ യഥാർഥ അനുഗാ​മി​ക​ളു​ടേ​തായ സ്‌നേ​ഹ​ത്താൽ ഞാൻ വലയം ചെയ്യ​പ്പെ​ട്ടി​രു​ന്നു. കമ്മ്യു​ണി​സ്റ്റു​കാ​ര​നായ ഞാൻ സാക്ഷി​യാ​യി രൂപാ​ന്തരം പ്രാപി​ക്കു​ന്ന​തി​നു നാലു വർഷ​മെ​ടു​ത്തു. പക്ഷേ ഞാൻ സത്യം തിര​ഞ്ഞെ​ടു​ത്തി​രി​ക്കു​ന്നു.” അദ്ദേഹം ആ കൺ​വെൻ​ഷ​നിൽ സ്‌നാ​പ​ന​മേറ്റു.

കൺ​വെൻ​ഷൻ സ്ഥലത്തു ജോലി​ചെ​യ്യു​ന്നത്‌ പൊലീ​സിന്‌ ശരിക്കും വ്യത്യ​സ്‌ത​മായ ഒരു അനുഭ​വ​മാണ്‌. സ്റ്റേഡി​യ​ത്തി​ന്റെ മുൻഭാ​ഗത്തു ജോലി ചെയ്യാൻ നിയമനം ലഭിച്ച ഒരു പൊലീ​സു​കാ​രൻ സാക്ഷി​ക​ളു​ടെ കൺ​വെൻ​ഷ​നു​കൾ നടക്കുന്ന സ്ഥലത്തെ ജോലി വളരെ ബുദ്ധി​മു​ട്ടു പിടി​ച്ച​താ​ണെന്നു പറഞ്ഞു. എന്തു​കൊണ്ട്‌? കാരണം എല്ലാ സംഗതി​ക​ളും വളരെ നന്നായി നടക്കു​ന്ന​തി​നാൽ പൊലീ​സു​കാർ ഉറങ്ങാ​തി​രി​ക്കാൻ വളരെ പാടു​പെ​ടു​ന്ന​ത്രേ!

പോള​ണ്ടി​ലെ അനുകൂ​ല​മായ പത്രറി​പ്പോർട്ടു​കൾ

പോള​ണ്ടിൽ രണ്ടു സാർവ​ദേ​ശീയ കൺ​വെൻ​ഷ​നു​കൾ നടത്ത​പ്പെട്ടു, 20,000-ത്തിലേറെ ഹാജരു​ണ്ടാ​യി​രുന്ന ഒന്ന്‌ തലസ്ഥാ​ന​ന​ഗ​രി​യായ വാർസോ​യി​ലും 12,000-ത്തിനടത്തു ഹാജരു​ണ്ടാ​യി​രുന്ന ഒന്ന്‌ പോള​ണ്ടി​ലെ നഗരങ്ങ​ളിൽ വലുപ്പ​ത്തിൽ രണ്ടാം സ്ഥാനത്തുള്ള ലൂജി​ലും.

വാർസോ​യി​ലെ വർത്തമാ​ന​പ​ത്ര​ങ്ങ​ളിൽ മുൻനി​ര​യി​ലുള്ള ഷിക്ക വാർഷാ​വ​യിൽ പിൻവ​രുന്ന പ്രകാരം എഴുതി​യി​രു​ന്നു: “‘പ്രഘോ​ഷി​ക്കാ​നാ​യി സുവാർത്ത​യുണ്ട്‌. അതു സമാധാ​ന​ത്തെ​പ്പ​റ്റി​യുള്ള വാർത്ത​യാണ്‌, യഥാർഥ സമാധാ​ന​ത്തെ​പ്പ​റ്റി​യു​ള്ളത്‌. ദൈവം വേല പൂർത്തി​യാ​യി എന്നു പറയുന്ന സമയം വരെ ഇടവി​ടാ​തെ പ്രസം​ഗി​ക്കാൻ യഹോ​വ​യോ​ടും അയൽക്കാ​ര​നോ​ടു​മുള്ള സ്‌നേഹം നമ്മെ പ്രേരി​പ്പി​ക്കു​ന്നു,’ എന്ന്‌ യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തി​ലെ അംഗമായ ക്യാരി ബാർബർ പ്രസ്‌താ​വി​ച്ചു.”

ഷ്‌റ്റാൻഡർ മ്വാഡിക്ക്‌ എന്ന പത്രത്തി​ന്റെ ഒരു ലേഖകൻ ഇങ്ങനെ പറഞ്ഞു: “വാർസോ​യി​ലെ ലെഗിയ സ്റ്റേഡി​യ​ത്തിൽ 12,000-ത്തോളം യഹോ​വ​യു​ടെ സാക്ഷികൾ ഒരു മതപര​മായ സമ്മേള​ന​ത്തി​നാ​യി രണ്ടു ദിവസം കൂടി​വന്നു. മാതൃ​കാ​യോ​ഗ്യ​മായ വിധത്തിൽ ക്രമനി​ബദ്ധത പാലി​ക്ക​പ്പെട്ടു, മാത്രമല്ല ഞാൻ സൂക്ഷ്‌മ​പ​രി​ശോ​ധന നടത്തി​യി​ട്ടു​പോ​ലും പൊലീസ്‌ കാറു​ക​ളോ പരി​ശോ​ധക സംഘങ്ങ​ളോ കാണ​പ്പെ​ട്ടില്ല.

“പോളണ്ട്‌, മിക്കവാ​റും ഒരു കത്തോ​ലി​ക്കാ രാജ്യ​മാ​ണെ​ന്നാ​ണു പൊതു ധാരണ. എങ്കിലും നമ്മുടെ കത്തോ​ലി​ക്ക​രായ യുവജ​നങ്ങൾ ഇതേ സ്റ്റേഡി​യ​ത്തിൽ കൂടി​വ​രു​മ്പോൾ, പ്രവർത്ത​ന​ത്തി​നു തയ്യാറായ ഒരു വലിയ പൊലീസ്‌ സംഘം എല്ലായ്‌പോ​ഴും ഹാജരാണ്‌.

“നിങ്ങള​വരെ [യഹോ​വ​യു​ടെ സാക്ഷി​കളെ] കത്തോ​ലി​ക്കാ മതത്തിൽ നിന്നു വേർപി​രി​ഞ്ഞു​പോ​യ​വ​രെ​ന്നോ വിഭാ​ഗീയ ചിന്താ​ഗ​തി​ക്കാ​രെ​ന്നോ എന്തുതന്നെ വിളി​ച്ചാ​ലും, ക്രമസ​മാ​ധാ​ന​നി​ല​യ്‌ക്കും സുരക്ഷി​ത​ത്വ​ത്തി​നും യാതൊ​രു ഭീഷണി​യു​മു​ള​വാ​ക്കാ​തെ വളരെ വലിയ കൂട്ടങ്ങ​ളാ​യി സമ്മേളി​ക്കു​ന്ന​തിന്‌ അവർക്കു സാധി​ക്കു​മ്പോൾ നമ്മുടെ കത്തോ​ലി​ക്കാ യുവജ​നങ്ങൾ ആൾക്കൂ​ട്ട​ത്തിൽ അപകട​കാ​രി​ക​ളാ​ണെ​ന്നും അവരുടെ സാമൂ​ഹിക വിരുദ്ധ പ്രവൃ​ത്തി​കൾക്കെ​തി​രെ പൊലീസ്‌ സംരക്ഷണം അത്യാ​വ​ശ്യ​മാ​ണെ​ന്നു​മുള്ള വസ്‌തുത ആകുല​ത​യു​ള​വാ​ക്കേ​ണ്ട​താണ്‌. അതേക്കു​റി​ച്ചു വളരെ​യ​ധി​കം ചിന്തി​ക്കാ​നുണ്ട്‌.”

പുതിയ വിശ്വാ​സി​ക​ളു​ടെ സ്‌നാ​പനം ഇവി​ടെ​യും നടന്നു. വാർസോ​യിൽ 462 പേരും ലൂജിൽ 278 പേരും സ്‌നാ​പ​ന​മേറ്റു. ഈ കൂട്ടത്തി​ലൊ​രാൾ സാക്ഷി​ക​ളോ​ടു മുൻവി​ധി​യു​ണ്ടാ​യി​രുന്ന 19-കാരി​യായ സിൽവി​യ​യാ​യി​രു​ന്നു. മഴയുള്ള ഒരു ദിവസം സാക്ഷി​ക​ളി​ലൊ​രാൾ തെരു​വിൽവെച്ച്‌ അവളെ കണ്ടുമു​ട്ടി. “ഞാനവരെ എങ്ങനെ​യൊ​ക്കെ​യോ ഒഴിവാ​ക്കി അവി​ടെ​നി​ന്നു വേഗം നടന്നകന്നു. എങ്കിലും നനഞ്ഞു​പോ​കു​ക​യാ​യി​രുന്ന ഒരു പെൺകു​ട്ടി​യെ ഞാൻ എന്റെ കുടക്കീ​ഴിൽ കയറ്റി. പക്ഷേ അവളും ഒരു സാക്ഷി​യാ​യി​രു​ന്നു! അവൾ എനിക്കു യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌തകം കൊണ്ടു​വന്നു തരാ​മെന്നു പറഞ്ഞു. മര്യാ​ദ​യോർത്ത്‌ ഞാൻ എന്റെ മേൽവി​ലാ​സം അവൾക്കു നൽകി, അങ്ങനെ . . . ഇന്നു ഞാൻ സ്‌നാ​പ​ന​മേ​റ്റി​രി​ക്കു​ന്നു!”

കൊച്ച്‌ എസ്‌തോ​ണി​യ​യ്‌ക്ക്‌ വലി​യൊ​രു സാക്ഷ്യം

എസ്‌തോ​ണി​യ​യും ലാറ്റ്‌വി​യ​യും ലിത്വേ​നി​യ​യും ചേർന്ന​താണ്‌ ബാൾട്ടിക്‌ സ്റ്റേറ്റുകൾ. എസ്‌തോ​ണി​യ​യി​ലെ ജനസംഖ്യ ആകെ 15 ലക്ഷത്തോ​ളം മാത്ര​മാണ്‌. തലസ്ഥാന നഗരി​യിൽ ഏകദേശം 4,50,000 നിവാ​സി​ക​ളാ​ണു​ള്ളത്‌. 1996 ആഗസ്റ്റിൽ അവിടെ രണ്ടു കൺ​വെൻ​ഷ​നു​കൾ നടന്നു.

ഈ വൻ യോഗ​ങ്ങ​ളു​ള​വാ​ക്കിയ ശക്തമായ പ്രഭാ​വ​ത്തെ​ക്കു​റിച്ച്‌ ഒരു വർത്തമാ​ന​പ​ത്രം ഇങ്ങനെ പറഞ്ഞു: “ടാലിൻ അക്ഷരാർഥ​ത്തിൽ യഹോ​വ​യു​ടെ സാക്ഷി​ക​ളു​ടെ ആരാധ​ന​യാൽ നിറഞ്ഞി​രി​ക്കു​ന്നു. ലിന്നഹാ​ളിൽവെച്ചു നടത്തപ്പെട്ട അവരുടെ കൺ​വെൻ​ഷ​നി​ലാണ്‌ എസ്‌തോ​ണി​യ​യിൽ ഇന്നേവരെ നടന്നി​ട്ടുള്ള ഏതു മതയോ​ഗ​ത്തെ​ക്കാ​ളും വലിയ സദസ്സ്‌ കൂടി​വ​ന്നി​ട്ടു​ള്ള​തെന്നു പറയ​പ്പെ​ടു​ന്നു.” ഹോട്ട​ലു​കൾ മുഴുവൻ സാക്ഷികൾ ബുക്കു​ചെ​യ്‌തി​രു​ന്നു.

ക്യാരി ബാർബർ സഹോ​ദരൻ പിന്നീടു നൽകിയ റിപ്പോർട്ടിൽ അദ്ദേഹം ഇപ്രകാ​രം പ്രസ്‌താ​വി​ച്ചു: “എസ്‌തോ​ണി​യ​യി​ലേക്കു നിയമനം ലഭിച്ച ഫിൻലൻഡി​ലെ സഹോ​ദ​ര​ങ്ങ​ളും മറ്റുള്ള​വ​രും അവി​ടെ​യാ​യി​രി​ക്കാ​നി​ഷ്ട​പ്പെ​ടു​ന്ന​തിൽ അത്ഭുത​മില്ല. മനോ​ഹ​ര​മായ ഈ കൊച്ചു രാജ്യം പലപ്പോ​ഴും വൻരാ​ഷ്‌ട്ര​ങ്ങ​ളു​ടെ കടന്നാ​ക്ര​മ​ണ​ങ്ങൾക്കു വിധേ​യ​മാ​കു​ക​യും അടിച്ച​മർത്ത​പ്പെ​ടു​ക​യും അനേകം പ്രയാ​സങ്ങൾ സഹിക്കു​ക​യും ചെയ്‌തി​ട്ടുണ്ട്‌. ഇപ്പോൾ എസ്‌തോ​ണി​യ​ക്കാർ . . . യഹോ​വ​യിൽ നിന്നു ലഭിക്കുന്ന ശാശ്വ​ത​മായ സമാധാ​ന​വും സുരക്ഷി​ത​ത്വ​വു​മുള്ള ഒരു ഭാവി​ക്കാ​യി നോക്കി​പ്പാർത്തി​രി​ക്കു​ക​യാണ്‌.” 3,100-ലേറെ സാക്ഷികൾ എസ്‌തോ​ണി​യ​യിൽ സജീവ​മാ​യി പ്രവർത്തി​ക്കു​ന്നു, ഇവരിൽ പകുതി​യോ​ളം പേർ റഷ്യൻ ഭാഷയാ​ണു സംസാ​രി​ക്കു​ന്നത്‌.

കൺ​വെൻ​ഷ​നു​കൾ എസ്‌തോ​ണി​യൻ ഭാഷക്കാർക്കും റഷ്യൻ ഭാഷ സംസാ​രി​ക്കുന്ന എസ്‌തോ​ണി​യ​ക്കാർക്കും ലാറ്റ്‌വി​യൻ ഭാഷക്കാർക്കും ലിത്വേ​നി​യൻ ഭാഷക്കാർക്കും ബ്രിട്ട​നിൽ നിന്നുള്ള 155 പേരും ഫിൻലൻഡിൽ നിന്നുള്ള 300 പേരും ഉൾപ്പെടെ 15 രാജ്യ​ങ്ങ​ളിൽ നിന്നുള്ള സന്ദർശക പ്രതി​നി​ധി​കൾക്കും പ്രയോ​ജ​ന​പ്പെട്ടു.

എസ്‌തോ​ണി​യ​യി​ലും ബധിരർ ‘കേൾക്കു​ന്നു’

മൂന്നു വർഷം മുമ്പ്‌ ഫിൻലൻഡിൽ നിന്നുള്ള ബധിര​നായ ഒരു മൂപ്പൻ എസ്‌തോ​ണി​യ​യി​ലെ ടാലി​നി​ലുള്ള ബധിരർക്കാ​യി തനി​ക്കെ​ന്തെ​ങ്കി​ലും ചെയ്യാ​നാ​കു​മോ എന്നറി​യു​ന്ന​തിന്‌ ആ രാജ്യ​ത്തേക്കു പോയി. അദ്ദേഹ​ത്തിന്‌ അവിടെ ബധിര​നായ ഒറ്റ വ്യക്തി​യെ​പ്പോ​ലും പരിച​യ​മി​ല്ലാ​യി​രു​ന്നു. അതു​കൊണ്ട്‌ അദ്ദേഹം ടാലി​നിൽ ബധിരർ ഒത്തു​ചേ​രുന്ന സ്ഥലത്ത്‌ കെട്ടു​ക​ണ​ക്കി​നു വീക്ഷാ​ഗോ​പു​രം മാസി​ക​ക​ളും മറ്റു സാഹി​ത്യ​ങ്ങ​ളു​മാ​യി ചെന്നു. എസ്‌തോ​ണി​യ​ക്കാ​രായ ബധിരർ അദ്ദേഹത്തെ സ്വാഗതം ചെയ്‌തു, അദ്ദേഹ​ത്തി​ന്റെ കയ്യിലു​ണ്ടാ​യി​രു​ന്നതു കാണാൻ അവർ ആകാം​ക്ഷ​യു​ള്ള​വ​രാ​യി​രു​ന്നു. അദ്ദേഹം തന്റെ ആദ്യ സന്ദർശ​ന​ത്തിൽ കയ്യിലു​ണ്ടാ​യി​രുന്ന എല്ലാ സാഹി​ത്യ​ങ്ങ​ളും സമർപ്പി​ക്കു​ക​യും താത്‌പ​ര്യ​ക്കാ​രു​ടെ പേരും മേൽവി​ലാ​സ​വും കുറി​ച്ചെ​ടു​ക്കു​ക​യും ചെയ്‌തു. മൊത്തം 70 പേരുകൾ അദ്ദേഹം കുറി​ച്ചെ​ടു​ത്തു.

മിക്കവാ​റും എല്ലാവർക്കും​തന്നെ ഒരു ബൈബി​ള​ധ്യ​യനം വേണമാ​യി​രു​ന്നു. അവ ഒറ്റയ്‌ക്കു കൈകാ​ര്യം ചെയ്യാൻ തന്നെ​ക്കൊ​ണ്ടാ​വി​ല്ലെന്ന്‌ അദ്ദേഹം തിരി​ച്ച​റി​ഞ്ഞു. അതു​കൊണ്ട്‌ അദ്ദേഹ​ത്തിന്‌ നല്ല താത്‌പ​ര്യ​മു​ള്ള​വരെ തിര​ഞ്ഞെ​ടു​ക്കേ​ണ്ടി​വന്നു. എസ്‌തോ​ണി​യ​യി​ലേ​ക്കുള്ള അദ്ദേഹ​ത്തി​ന്റെ ആദ്യ സന്ദർശ​ന​ത്തി​നു ശേഷം അദ്ദേഹം 30 ബൈബി​ള​ധ്യ​യ​നങ്ങൾ ആരംഭി​ച്ചു. 40 ഭാവി ബൈബി​ള​ധ്യ​യ​ന​ങ്ങൾകൂ​ടി വെയി​റ്റിംഗ്‌ ലിസ്റ്റി​ലു​ണ്ടാ​യി​രു​ന്നു! ഇപ്പോൾ ടാലി​നിൽ ബധിരർക്കാ​യി നാല്‌ ആംഗ്യ​ഭാ​ഷാ പരിഭാ​ഷകർ ഉണ്ട്‌.

“പുതി​യ​നി​യമ സംഭവ​പ​ര​മ്പ​ര​യി​ലെ ഒരു പുതിയ കഥാഖണ്ഡം”

കടത്തു​ക​ട​വിൽ ജോലി​ചെ​യ്യുന്ന ഒരു സഹോ​ദരി കൺ​വെൻ​ഷ​നിൽ പങ്കെടു​ക്കു​ന്ന​വരെ അഭിവാ​ദനം ചെയ്യു​ക​യാ​യി​രു​ന്നു. അവൾ ഒരു എസ്‌തോ​ണി​യൻ വഴികാ​ട്ടി​യെ സമീപിച്ച്‌ അവളോട്‌ ഈ വലിയ കൺ​വെൻ​ഷ​നെ​ക്കു​റി​ച്ചുള്ള അഭി​പ്രാ​യ​മെ​ന്താ​ണെന്നു ചോദി​ച്ചു. വഴികാ​ട്ടി അവളോട്‌ താൻ വ്യത്യസ്‌ത യൂറോ​പ്യൻ രാജ്യ​ങ്ങ​ളിൽ നിന്നുള്ള സാക്ഷി​ക​ളു​ടെ നിരവധി കൂട്ടങ്ങളെ വഴി നയിച്ചി​ട്ടു​ണ്ടെ​ന്നും സാക്ഷികൾ എല്ലായ്‌പോ​ഴും നല്ല പെരു​മാ​റ്റ​രീ​തി​കൾ പാലി​ക്കു​ന്ന​വ​രും ദയയു​ള്ള​വ​രു​മാ​ണെന്നു താൻ ശ്രദ്ധി​ച്ചി​ട്ടു​ണ്ടെ​ന്നും പറഞ്ഞു. വാച്ച്‌ ടവർ സൊ​സൈ​റ്റി​യു​ടെ പൂഹാങ്ങൂ തെരു​വി​ലുള്ള ഓഫീസ്‌ സന്ദർശി​ക്കാൻ അവളെ ക്ഷണിച്ചു. അവിടു​ത്തെ ചിട്ടയും ക്രമവും ദയയു​ള്ള​വ​രും സന്തഷ്ടരു​മായ യുവജ​ന​ങ്ങ​ളും എല്ലാം അവളെ അതിശ​യി​പ്പി​ച്ചു. സാക്ഷി​കൾക്കെ​തി​രെ​യുള്ള ആരോ​പ​ണ​ങ്ങ​ളെ​ല്ലാം വ്യാജ​മാ​ണെന്നു വസ്‌തു​തകൾ തെളി​യി​ക്കു​മ്പോൾപ്പോ​ലും അവർക്ക്‌ ഇത്ര കടുത്ത എതിർപ്പും ദുഷ്‌പ്ര​ച​ര​ണ​ങ്ങ​ളും നേരി​ടേ​ണ്ടി​വ​രു​ന്ന​തെ​ന്തു​കൊ​ണ്ടാ​ണെന്ന്‌ അവൾക്കു മനസ്സി​ലാ​യില്ല. അവൾ പറഞ്ഞു: “നിങ്ങളു​ടെ വേലയും സേവന​വും എല്ലാം പുതിയ നിയമ സംഭവ​പ​ര​മ്പ​ര​യി​ലെ ഒരു പുതിയ കഥാഖണ്ഡം പോ​ലെ​യാ​ണെ​ന്നാണ്‌ എനിക്കു തോന്നു​ന്നത്‌.”

തീർച്ച​യാ​യും, ദൈവ​സ​മാ​ധാന സന്ദേശ​വാ​ഹ​ക​രെന്ന നിലയിൽ യഹോ​വ​യു​ടെ സാക്ഷികൾ തങ്ങളുടെ ബഹുമാ​ന്യ​മായ പെരു​മാ​റ്റ​ത്തെ​യും അപരി​ചി​ത​രോ​ടുള്ള തങ്ങളുടെ ദയാവാ​യ്‌പി​നെ​യും​പ്രതി ലോക​വ്യാ​പ​ക​മാ​യി ഖ്യാതി നേടു​വാൻ പ്രതീ​ക്ഷി​ക്കു​ന്നു. (1 പത്രൊസ്‌ 3:16) യുദ്ധത്താൽ പിച്ചി​ച്ചീ​ന്ത​പ്പെട്ട, വിദ്വേ​ഷ​പൂ​രി​ത​മായ നമ്മുടെ ലോക​ത്തിന്‌ ഏറ്റവും അത്യാ​വ​ശ്യ​മായ സമാധാ​ന​ത്തി​ന്റെ സന്ദേശം പ്രഘോ​ഷി​ക്കവെ, മതപര​മായ ശത്രു​ക്ക​ളിൽ നിന്നും വിശ്വാ​സ​ത്യാ​ഗി​ക​ളിൽ നിന്നു​മുള്ള അപവാ​ദ​ങ്ങ​ളും ദുഷ്‌പ്ര​ച​ര​ണ​ങ്ങ​ളും എല്ലാം ഉണ്ടായി​ട്ടു​പോ​ലും യഹോ​വ​യു​ടെ സാക്ഷി​കൾക്ക്‌ ദൈവ​ത്തി​ന്റെ അനു​ഗ്ര​ഹ​മു​ണ്ടെന്നു പൂർവ​യൂ​റോ​പ്പിൽ നടന്ന ഈ കൺ​വെൻ​ഷ​നു​കൾ തെളി​യി​ക്കു​ന്നു.—യെശയ്യാ​വു 2:2-4; മർക്കൊസ്‌ 13:10.

[അടിക്കു​റിപ്പ്‌]

[23-ാം പേജിലെ ചിത്രം]

മഴയുണ്ടായിരുന്നിട്ടും കുടും​ബങ്ങൾ പരിപാ​ടിക്ക്‌ അടുത്ത ശ്രദ്ധ കൊടു​ത്തു

[24-ാം പേജിലെ ചിത്രം]

പോളണ്ടിലെ സന്തുഷ്ട സാക്ഷികൾ തങ്ങളുടെ പുതു​താ​യി പ്രകാ​ശനം ചെയ്യപ്പെട്ട പ്രസി​ദ്ധീ​ക​ര​ണ​ങ്ങ​ളു​മാ​യി

[25-ാം പേജിലെ ചിത്രം]

സന്തോഷഭരിതരായ എസ്‌തോ​ണി​യൻ സാക്ഷികൾ തങ്ങളുടെ പരമ്പരാ​ഗത വേഷത്തിൽ