ബൈബി​ളി​ന്റെ വീക്ഷണം

കുട്ടികൾ മതം സ്വയം തിര​ഞ്ഞെ​ടു​ക്കേ​ണ്ട​തു​ണ്ടോ?

ഒരു കുട്ടി പിറന്നു​വീ​ഴുന്ന നിമി​ഷം​മു​തൽ, അവന്റെ കൗമാ​ര​ദ​ശ​യിൽപ്പോ​ലും മാതാ​പി​താ​ക്കൾ അവനു​വേണ്ടി തിര​ഞ്ഞെ​ടു​പ്പു നടത്തുന്നു. അതേസ​മയം, സാധ്യ​മാ​കു​മ്പോ​ഴെ​ല്ലാം കുട്ടിക്കു താത്‌പ​ര്യ​മുള്ള സംഗതി കണക്കി​ലെ​ടു​ത്തു​കൊണ്ട്‌ എപ്പോ​ഴൊ​ക്കെ വഴക്കമു​ള്ള​വ​രാ​യി​രി​ക്ക​ണ​മെന്നു വിവേ​ക​മുള്ള ഒരു മാതാ​വി​നോ പിതാ​വി​നോ അറിയാം.

എങ്കിലും, തിര​ഞ്ഞെ​ടു​പ്പി​ന്റെ കാര്യ​ത്തിൽ ഒരു കുട്ടിക്ക്‌ എത്ര​ത്തോ​ളം സ്വാത​ന്ത്ര്യം നൽകാ​മെ​ന്നതു മാതാ​പി​താ​ക്കളെ സംബന്ധി​ച്ചി​ട​ത്തോ​ളം ഒരു വെല്ലു​വി​ളി​യാ​യേ​ക്കാം. കുട്ടികൾ ശരിയായ തിര​ഞ്ഞെ​ടു​പ്പു​കൾ നടത്തി​യേ​ക്കാ​മെ​ന്ന​തും ഒരളവു​വ​രെ​യുള്ള സ്വാത​ന്ത്ര്യ​ത്തിൽനിന്ന്‌ അവർ പ്രയോ​ജനം അനുഭ​വി​ച്ചേ​ക്കാ​മെ​ന്ന​തും സത്യമാ​ണെ​ങ്കി​ലും, ദുരന്ത​ത്തിൽ കലാശി​ക്കാ​വുന്ന തെറ്റായ തിര​ഞ്ഞെ​ടു​പ്പു​കൾ അവർ നടത്തി​യേ​ക്കാ​മെ​ന്നത്‌ അതു​പോ​ലെ​തന്നെ സത്യമാണ്‌.—2 രാജാ​ക്ക​ന്മാർ 2:23-25; എഫെസ്യർ 6:1-3.

ഉദാഹ​ര​ണ​ത്തിന്‌, കുട്ടികൾ മിക്ക​പ്പോ​ഴും പോഷ​ക​സ​മൃ​ദ്ധ​മായ ആഹാര​ത്തി​നു​പ​കരം പോഷ​ക​ഗു​ണം കുറഞ്ഞ ആഹാര​മാ​യി​രി​ക്കും തിര​ഞ്ഞെ​ടു​ക്കു​ന്നത്‌. കാരണം? ചെറു​പ്രാ​യ​ത്തിൽ അവർക്കു സ്വന്തമാ​യി ശരിയായ വിലയി​രു​ത്ത​ലു​കൾ നടത്താൻ സാധി​ക്കു​ക​യില്ല എന്നതു​തന്നെ. ഒടുവിൽ അവർ പോഷ​കാ​ഹാ​രം തിര​ഞ്ഞെ​ടു​ക്കു​മെന്നു പ്രതീ​ക്ഷിച്ച്‌ ഇക്കാര്യ​ത്തിൽ കുട്ടി​കളെ അവരുടെ ഇഷ്ടത്തിനു വിടു​ന്നതു മാതാ​പി​താ​ക്കളെ സംബന്ധി​ച്ചി​ട​ത്തോ​ളം ബുദ്ധി​യാ​യി​രി​ക്കു​മോ? ഇല്ല, മറിച്ച്‌ മക്കളുടെ സ്ഥായി​യായ പ്രയോ​ജ​നത്തെ കണക്കി​ലെ​ടു​ത്തു​കൊണ്ട്‌ അവർക്കു​വേണ്ടി മാതാ​പി​താ​ക്കൾ തിര​ഞ്ഞെ​ടു​പ്പു നടത്തണം.

അതു​കൊണ്ട്‌ ഭക്ഷണം, വസ്‌ത്ര​ധാ​രണം, ചമയം, ധാർമി​കത എന്നിവ​യു​ടെ കാര്യ​ത്തിൽ മാതാ​പി​താ​ക്കൾ കുട്ടി​കൾക്കു​വേണ്ടി ഉചി തമായ തിര​ഞ്ഞെ​ടു​പ്പു​കൾ നടത്തുന്നു. എന്നാൽ, മതത്തിന്റെ കാര്യ​ത്തി​ലോ? ഇക്കാര്യ​ത്തി​ലും മാതാ​പി​താ​ക്കൾത്തന്നെ തിര​ഞ്ഞെ​ടു​പ്പു നടത്തേ​ണ്ട​തു​ണ്ടോ?

തിര​ഞ്ഞെ​ടുപ്പ്‌

മാതാ​പി​താ​ക്കൾ തങ്ങളുടെ മതവി​ശ്വാ​സങ്ങൾ മക്കളു​ടെ​മേൽ അടി​ച്ചേൽപ്പി​ക്ക​രു​തെന്ന്‌ ചിലർ വാദി​ക്കും. വാസ്‌ത​വ​ത്തിൽ, 160-ലേറെ വർഷം​മുമ്പ്‌ ക്രിസ്‌തീയ വിശ്വാ​സങ്ങൾ പുലർത്തി​യി​രുന്ന ചിലർ, “ഏതെങ്കി​ലും പ്രത്യേക മതവി​ഭാ​ഗ​ത്തോ​ടു മാനസി​ക​മായ ചായ്‌വ്‌ തോന്നു​മെന്ന ഭയമു​ള്ള​തു​കൊണ്ട്‌ മതത്തെ​ക്കു​റി​ച്ചു കുട്ടി​കളെ പഠിപ്പി​ക്ക​രുത്‌, അവർ ഒരു തിര​ഞ്ഞെ​ടുപ്പ്‌ നടത്താൻ പ്രാപ്‌ത​രാ​കു​ന്ന​തു​വരെ ഒരു മതം തിര​ഞ്ഞെ​ടു​ക്കു​ന്ന​തു​വരെ അവരെ സ്വത​ന്ത്ര​രാ​യി വിടണം” എന്ന ആശയം മുന്നോ​ട്ടു​വെച്ചു.

എന്നാൽ, ഈ ആശയം ബൈബി​ളി​ന്റെ വീക്ഷണ​ത്തോ​ടു യോജി​ക്കു​ന്നില്ല. ജനനം​മു​തൽ കുട്ടി​ക​ളിൽ മതവി​ശ്വാ​സങ്ങൾ നട്ടുവ​ളർത്തേ​ണ്ട​തി​ന്റെ പ്രാധാ​ന്യ​ത്തെ​ക്കു​റി​ച്ചു ബൈബിൾ ഊന്നി​പ്പ​റ​യു​ന്നു. സദൃശ​വാ​ക്യ​ങ്ങൾ 22:6 പറയുന്നു: “ബാലൻ നടക്കേ​ണ്ടുന്ന വഴിയിൽ അവനെ അഭ്യസി​പ്പിക്ക; അവൻ വൃദ്ധനാ​യാ​ലും അതു വിട്ടു​മാ​റു​ക​യില്ല.”

“ബാലൻ” എന്നു വിവർത്തനം ചെയ്‌തി​രി​ക്കുന്ന എബ്രായ പദം ശൈശ​വം​മു​തൽ കൗമാ​രം​വ​രെ​യുള്ള പ്രായത്തെ സൂചി​പ്പി​ക്കു​ന്നു. ചെറു​പ്രാ​യ​ത്തി​ലുള്ള പഠനത്തി​ന്റെ പ്രാധാ​ന്യ​ത്തെ​ക്കു​റിച്ച്‌ യു.എസ്‌.എ.-യിലെ ഇല്ലി​നോ​യ്‌സ്‌ യൂണി​വേ​ഴ്‌സി​റ്റി​യി​ലുള്ള ഡോ. ജോസഫ്‌ എം. ഹണ്ട്‌ ഇങ്ങനെ പറഞ്ഞു: “കുട്ടി​യു​ടെ വളർച്ച ഏറ്റവും ത്വരി​ത​ഗ​തി​യി​ലാ​കു​ന്ന​തും ഏറ്റവു​മ​ധി​കം രൂപീ​ക​ര​ണ​ത്തി​നു വിധേ​യ​മാ​കു​ന്ന​തും ആദ്യത്തെ നാലോ അഞ്ചോ വർഷങ്ങ​ളി​ലാണ്‌. . . . ഒരുപക്ഷേ, [അവന്റെ] അടിസ്ഥാന പ്രാപ്‌തി​ക​ളിൽ 20 ശതമാനം വികാസം പ്രാപി​ക്കു​ന്നത്‌ ആദ്യത്തെ പിറന്നാ​ളി​നു​മു​മ്പും പ്രാപ്‌തി​ക​ളിൽ പകുതി​യും വികാസം പ്രാപി​ക്കു​ന്നത്‌ നാലു വയസ്സാ​കു​ന്ന​തി​നു​മു​മ്പു​മാ​യി​രി​ക്കും.” കുട്ടിയെ ദൈവ​ത്തി​ന്റെ വഴിക​ളിൽ പരിശീ​ലി​പ്പി​ച്ചു​കൊണ്ട്‌, അവന്റെ ജീവി​ത​ത്തിൽ നേര​ത്തേ​തന്നെ ബുദ്ധി​പൂർവ​ക​മായ മാർഗ​നിർദേശം നൽകു​ന്നതു മാതാ​പി​താ​ക്കളെ സംബന്ധി​ച്ചി​ട​ത്തോ​ളം മർമ പ്രധാ​ന​മാ​ണെന്ന ബൈബി​ളി​ന്റെ നിശ്വസ്‌ത ബുദ്ധ്യു​പ​ദേ​ശ​ത്തിന്‌ അടിവ​ര​യി​ടുക മാത്ര​മാണ്‌ ഇതു ചെയ്യു​ന്നത്‌.—ആവർത്ത​ന​പു​സ്‌തകം 11:18-21.

മക്കളിൽ യഹോ​വ​യോ​ടുള്ള സ്‌നേഹം നട്ടുവ​ളർത്താ​നുള്ള മാർഗ​നിർദേശം ദൈവ​ഭ​യ​മുള്ള മാതാ​പി​താ​ക്കൾക്കു തിരു​വെ​ഴു​ത്തു​കൾ നൽകു​ന്നത്‌ ശ്രദ്ധേ​യ​മാണ്‌. ആവർത്ത​ന​പു​സ്‌തകം 6:5-7 ഇങ്ങനെ പറയുന്നു: “നിന്റെ ദൈവ​മായ യഹോ​വയെ നീ പൂർണ്ണ​ഹൃ​ദ​യ​ത്തോ​ടും പൂർണ്ണ​മ​ന​സ്സോ​ടും പൂർണ്ണ​ശ​ക്തി​യോ​ടും കൂടെ സ്‌നേ​ഹി​ക്കേണം. ഇന്നു ഞാൻ നിന്നോ​ടു കല്‌പി​ക്കുന്ന ഈ വചനങ്ങൾ നിന്റെ ഹൃദയ​ത്തിൽ ഇരി​ക്കേണം. നീ അവയെ നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും [“ഉൾനടു​ക​യും,” NW] നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്ക​യും വേണം.” (ചെരി​ച്ചെ​ഴു​ത്തു ഞങ്ങളു​ടേത്‌.) “ഉൾനടുക” എന്നു വിവർത്തനം ചെയ്‌തി​രി​ക്കുന്ന എബ്രായ ക്രിയ, ഒരു ഉപകരണം ഉരകല്ലു​പോ​ലുള്ള ഒന്നിൽ ഉരച്ചു മൂർച്ച​വ​രു​ത്തുക എന്ന ആശയത്തെ ധ്വനി​പ്പി​ക്കു​ന്നു. ഏതാനും പ്രാവ​ശ്യം ഉരച്ചതു​കൊ​ണ്ടു മാത്രം ഇതു സാധി​ക്കു​ക​യില്ല. എന്നാൽ, ഉത്സാഹ​ത്തോ​ടെ വീണ്ടും വീണ്ടും അതു ചെയ്യണം. ദ ന്യൂ ഇംഗ്ലീഷ്‌ ബൈബിൾ പ്രസ്‌തുത എബ്രായ ക്രിയയെ “ആവർത്തി​ക്കുക” എന്നു പരിഭാ​ഷ​പ്പെ​ടു​ത്തി​യി​രി​ക്കു​ന്നു. വ്യക്തമാ​യി പറഞ്ഞാൽ, “ഉൾനടുക” എന്നതു​കൊണ്ട്‌ നിലനിൽക്കുന്ന മുദ്ര അവശേ​ഷി​പ്പി​ക്കുക എന്നാണ്‌ അർഥമാ​ക്കു​ന്നത്‌.—സദൃശ​വാ​ക്യ​ങ്ങൾ 27:17 താരത​മ്യം ചെയ്യുക.

അതു​കൊണ്ട്‌ യഥാർഥ ക്രിസ്‌തീയ മാതാ​പി​താ​ക്കൾ, തങ്ങളുടെ മതവി​ശ്വാ​സ​ങ്ങ​ളെ​ക്കു​റി​ച്ചു മക്കളിൽ മതിപ്പു​ള​വാ​ക്കാ​നുള്ള കടമ ഗൗരവ​മാ​യി​ട്ടെ​ടു​ക്കേ​ണ്ട​താണ്‌. സ്വയം തിര​ഞ്ഞെ​ടു​ക്കാൻ മക്കളെ അനുവ​ദി​ച്ചു​കൊണ്ട്‌ അവർക്കു തങ്ങളുടെ ഉത്തരവാ​ദി​ത്വം അവഗണി​ക്കുക സാധ്യമല്ല. തങ്ങളുടെ “കൊച്ചു​കു​ട്ടി​കളെ” യോഗ​ങ്ങൾക്കു കൊണ്ടു​പോ​കു​ന്നത്‌ ഇതിൽ ഉൾപ്പെ​ടു​ന്നു. അവിടെ മാതാ​പി​താ​ക്കൾക്ക്‌ അവരോ​ടൊ​പ്പ​മി​രുന്ന്‌, തിരു​വെ​ഴു​ത്തു ചർച്ചകൾക്കു ശ്രദ്ധനൽകി​ക്കൊ​ണ്ടും അതിൽ പങ്കുപ​റ്റി​ക്കൊ​ണ്ടും ഏകീകൃ​ത​മായ ഒരു കുടും​ബ​ത്തി​നു നേടാ​വുന്ന ആത്മീയ പ്രയോ​ജനം വിലമ​തി​ക്കു​ന്ന​തിന്‌ അവരെ സഹായി​ക്കാൻ കഴിയും.—ആവർത്ത​ന​പു​സ്‌തകം 31:12, 13; യെശയ്യാ​വു 48:17-19; 2 തിമൊ​ഥെ​യൊസ്‌ 1:5; 3:15.

മാതാ​പി​താ​ക്ക​ളു​ടെ ഉത്തരവാ​ദി​ത്വം

എന്തെങ്കി​ലും പോഷ​ക​സ​മൃ​ദ്ധ​മാ​ണെ​ന്നു​ള്ള​തു​കൊ​ണ്ടു മാത്രം അതു ഭക്ഷിക്കാൻ പറഞ്ഞാൽ കുട്ടി അത്‌ ആസ്വദി​ക്ക​ണ​മെ​ന്നില്ല. അപ്രകാ​രം​തന്നെ, കുട്ടിക്ക്‌ ഇഷ്ടം തോന്ന​ത്ത​ക്ക​വി​ധം അനിവാ​ര്യ ആഹാര​സാ​ധ​നങ്ങൾ കഴിയു​ന്നത്ര സ്വാദി​ഷ്ട​മാ​ക്കാൻ ബുദ്ധി​മ​തി​യായ ഒരമ്മയ്‌ക്ക​റി​യാം. കൂടാതെ, തീർച്ച​യാ​യും കുട്ടിക്കു ദഹിക്കാ​വുന്ന തരത്തി​ലാ​യി​രി​ക്കും അവൾ ആഹാരം തയ്യാറാ​ക്കുക.

അതു​പോ​ലെ​ത​ന്നെ, മതപര​മായ പ്രബോ​ധ​നങ്ങൾ ആദ്യ​മൊ​ക്കെ ഒരു കുട്ടി നിരാ​ക​രി​ച്ചേ​ക്കാം. അതി​നെ​ക്കു​റി​ച്ചു ന്യായ​വാ​ദം ചെയ്യാൻ ശ്രമി​ക്കു​ന്ന​തു​കൊ​ണ്ടു കാര്യ​മി​ല്ലെന്നു മാതാ​പി​താ​ക്കൾക്കു തോന്നി​യേ​ക്കാം. എങ്കിലും ബൈബി​ളി​ന്റെ മാർഗ​നിർദേശം വ്യക്തമാണ്‌—മാതാ​പി​താ​ക്കൾ മക്കൾക്കു ശൈശ​വം​മു​തൽ പരിശീ​ലനം നൽകാൻ തങ്ങളാൽ കഴിയു​ന്ന​തെ​ല്ലാം ചെയ്യണം. അതു​കൊണ്ട്‌ വിവേ​ക​മുള്ള മാതാ​പി​താ​ക്കൾ മതപര​മായ പ്രബോ​ധ​നങ്ങൾ കുട്ടിക്ക്‌ ആകർഷ​ക​മായ വിധത്തിൽ, അതു ഗ്രഹി​ക്കാ​നുള്ള അവന്റെ പ്രാപ്‌തി​യെ കണക്കി​ലെ​ടു​ത്തു​കൊണ്ട്‌ നൽകും.

സ്‌നേ​ഹ​സ​മ്പ​ന്ന​രാ​യ മാതാ​പി​താ​ക്കൾ മക്കളുടെ ആവശ്യങ്ങൾ നിവർത്തി​ക്കാ​നുള്ള കടപ്പാട്‌ ഗൗരവ​മാ​യി​ട്ടെ​ടു​ക്കു​ന്നു. ഒട്ടുമിക്ക സാഹച​ര്യ​ങ്ങ​ളി​ലും കുട്ടി​ക​ളു​ടെ ആവശ്യങ്ങൾ മാതാ​പി​താ​ക്ക​ളെ​ക്കാൾ മെച്ചമാ​യി മറ്റാർക്കും മനസ്സി​ലാ​കു​ക​യില്ല. ഇതി​നോ​ടു ചേർച്ച​യിൽ, ഭൗതി​ക​വും ആത്മീയ​വു​മായ കാര്യങ്ങൾ പ്രദാനം ചെയ്യാ​നുള്ള പ്രധാന ഉത്തരവാ​ദി​ത്വം ബൈബിൾ മാതാ​പി​താ​ക്ക​ളു​ടെ—പ്രത്യേ​കിച്ച്‌ പിതാ​വി​ന്റെ—ചുമലിൽ വെക്കുന്നു. (എഫെസ്യർ 6:4) അങ്ങനെ, മാതാ​പി​താ​ക്കൾ തങ്ങളുടെ കടപ്പാട്‌ മറ്റാരു​ടെ​യെ​ങ്കി​ലും മേൽ കെട്ടി​വെ​ക്കാൻ ശ്രമി​ച്ചു​കൊണ്ട്‌ തങ്ങളുടെ ഉത്തരവാ​ദി​ത്വ​ത്തിൽനിന്ന്‌ ഒഴിഞ്ഞു​മാ​റാൻ പാടില്ല. മറ്റുള്ളവർ നൽകുന്ന സഹായം മാതാ​പി​താ​ക്കൾക്ക്‌ ഉപയോ​ഗ​പ്പെ​ടു​ത്താൻ സാധി​ക്കു​മെ​ങ്കി​ലും, അതു മാതാ​പി​താ​ക്ക​ളിൽനി​ന്നുള്ള മതപര​മായ പ്രബോ​ധ​ന​ത്തിന്‌ ഒരു അനുബ​ന്ധ​മാ​യി​ട്ടേ ഉതകൂ, അല്ലാതെ അതിനു പകരമാ​കു​ക​യില്ല.—1 തിമൊ​ഥെ​യൊസ്‌ 5:8.

ജീവി​ത​ത്തിൽ ഏതെങ്കി​ലും അവസര​ത്തിൽ താൻ ഏതു മതവി​ശ്വാ​സം പിൻപ​റ്റ​ണ​മെ​ന്നതു സംബന്ധിച്ച്‌ ഓരോ വ്യക്തി​യും തീരു​മാ​ന​മെ​ടു​ത്തേ​ക്കാം. ക്രിസ്‌തീയ മാതാ​പി​താ​ക്കൾ മക്കൾക്കു ചെറു​പ്രാ​യ​ത്തിൽ തുടങ്ങി മതപര​മായ പ്രബോ​ധ​നങ്ങൾ നൽകാൻ വ്യക്തി​പ​ര​മായ ഉത്തരവാ​ദി​ത്വം എടുക്കു​ക​യും ശരിയായ തത്ത്വങ്ങളെ അടിസ്ഥാ​ന​മാ​ക്കി ന്യായ​വാ​ദം ചെയ്യാൻ പഠിപ്പി​ക്കു​ന്ന​തിന്‌ ഈ സമയം അവർ ഉപയോ​ഗി​ക്കു​ക​യു​മാ​ണെ​ങ്കിൽ, പിൽക്കാ​ലത്തു മക്കൾ നടത്തുന്ന തിര​ഞ്ഞെ​ടുപ്പ്‌ ശരിയാ​യ​താ​യി​രി​ക്കാൻ വളരെ​യ​ധി​കം സാധ്യ​ത​യുണ്ട്‌.—2 ദിനവൃ​ത്താ​ന്തം 34:1, 2; സദൃശ​വാ​ക്യ​ങ്ങൾ 2:1-9.

[26-ാം പേജിലെ ചിത്ര​ത്തിന്‌ കടപ്പാട്‌]

The Doré Bible Illustrations/Dover Publications, Inc.