പോളണ്ട്‌—യഹോ​വ​യു​ടെ സാക്ഷി​കൾക്ക്‌ ആതിഥ്യം നൽകുന്നു

പോള​ണ്ടിൽ, 1989 ഓഗസ്‌റ​റിൽ സാർവ്വ​ദേ​ശീയ സമാധാ​ന​ത്തി​ന്റെ​യും ഐക്യ​ത്തി​ന്റെ​യും അത്യന്തം ശ്രദ്ധേ​യ​മായ ഒരു പ്രദർശനം ഉണ്ടായി. സന്ദർഭം, യഹോ​വ​യു​ടെ സാക്ഷി​ക​ളു​ടെ “ദൈവിക ഭക്തി” കൺ​വെൻ​ഷ​നു​കൾ ആയിരു​ന്നു, ഓഗസ്‌ററ്‌ 2-4 തീയതി​ക​ളിൽ പോളിഷ്‌ നഗരങ്ങ​ളായ പൊസ്‌നാ​നി​ലും കറേറാ​വി​സി​ലും ഓഗസ്‌ററ്‌ 9-11 തീയതി​ക​ളിൽ വാഴ്‌സൊ​യി​ലും നടത്ത​പ്പെ​ട്ട​തു​തന്നെ.

ഈ കൺ​വെൻ​ഷ​നു​കളെ ഇത്ര പ്രത്യേ​ക​ത​യു​ള്ള​താ​ക്കി​യത്‌ എന്താണ്‌? ആധുനിക കാലത്ത്‌ യഹോ​വ​യു​ടെ സാക്ഷികൾ അതിലും വലിയ​തും കൂടുതൽ ദൈർഘ്യ​മു​ള്ള​തും കൂടുതൽ രാജ്യ​ങ്ങളെ ഉൾക്കൊ​ള്ളി​ച്ചു​കൊ​ണ്ടു​ള്ള​തും ആയ കൺ​വെൻ​ഷ​നു​കൾ നടത്തി​യി​ട്ടുണ്ട്‌. എന്നാൽ അതിലു​മ​ധി​കം ഉൽസാഹം ജനിപ്പി​ച്ചി​ട്ടു​ള്ള​തോ അത്തരം ക്രിസ്‌തീയ ഐക്യം പ്രദർശി​പ്പി​ച്ചി​ട്ടു​ള്ള​തോ ക്രിസ്‌തീയ സ്‌നേ​ഹ​ത്തി​ന്റെ അത്രയ​ധി​കം സ്വേച്ഛ​പ്ര​ക​ട​നങ്ങൾ ഉണ്ടായി​ട്ടു​ള്ള​തോ ആയ കൺ​വെൻ​ഷ​നു​കൾ വിരള​മാ​ണെന്ന്‌ 1,66,000ലധികം വ്യക്തികൾ നിങ്ങ​ളോ​ടു പറയും.

‘പുതിയ ലോകം മാത്രം മെച്ചം’

ചുരു​ങ്ങി​യത്‌ 37 രാജ്യ​ങ്ങ​ളു​ടെ പ്രതി​നി​ധി​ക​ളും മററ്‌ പലയി​ട​ങ്ങ​ളിൽ നിന്നുള്ള വ്യക്തി​ക​ളും സന്നിഹി​ത​രാ​യി​രു​ന്നു. യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തി​ലെ അഞ്ച്‌ അംഗങ്ങൾ കാര്യ​പ​രി​പാ​ടി​ക​ളിൽ പങ്കു​കൊ​ണ്ടു. പശ്ചിമ യൂറോ​പ്പിൽ നിന്നും ഐക്യ​നാ​ടു​ക​ളിൽ നിന്നും ജപ്പാനിൽ നിന്നു​മാ​യി 12,000ലധികം അതിഥി​കൾ വന്നു, ഇത്‌ പോള​ണ്ടിൽ ഇതുവരെ കൈകാ​ര്യം ചെയ്‌തി​ട്ടു​ള്ള​തി​ലേ​ക്കും ഏററവും വലിയ സാർവ്വ​ദേ​ശീയ സഞ്ചാരി​ക​ളു​ടെ സംഘം ആയിരു​ന്നു.

സോവ്യ​ററ്‌ യൂണി​യ​നിൽ നിന്നും ചെക്കോ​സ്ലോ​വാ​ക്യ​യിൽ നിന്നും മററ്‌ പൂർവ്വ യൂറോ​പ്യൻ രാജ്യ​ങ്ങ​ളിൽ നിന്നും ആയിരങ്ങൾ കൂടു​ത​ലാ​യി വന്നു​ചേർന്നു. ഈ പ്രതി​നി​ധി​ക​ളിൽ മിക്കവർക്കും പലരും മുപ്പതോ അതില​ധി​ക​മോ വർഷമാ​യി സാക്ഷി​ക​ളാ​യി​രു​ന്നി​ട്ടും ഇത്‌ അവരുടെ ആദ്യ കൺ​വെൻ​ഷൻ ആയിരു​ന്നു. തങ്ങളുടെ സഹോ​ദ​ര​ങ്ങ​ളോ​ടൊത്ത്‌ ആദ്യമാ​യി സമ്മേളി​ക്കാൻ കഴിഞ്ഞ അത്തരക്കാ​രു​ടെ വികാ​രങ്ങൾ സോവ്യ​ററ്‌ യൂണി​യ​നി​ലെ കസാക്കി​സ്ഥാ​നിൽ നിന്നുള്ള ഒരു പ്രതി​നി​ധി​യു​ടെ ഈ വാക്കു​ക​ളിൽ സമാഹ​രി​ക്കാൻ കഴിയും, അദ്ദേഹം പറഞ്ഞു:

“അനേക വർഷങ്ങ​ളാ​യി ഞങ്ങൾ ഈ നാളി​നാ​യി കാത്തി​രി​ക്കു​ക​യാ​യി​രു​ന്നു, ഇപ്പോൾ ഞങ്ങൾ ഇവിടെ ഈ സാർവ്വ​ദേ​ശീയ കൺ​വെൻ​ഷ​നിൽ എത്തി. ഇതെല്ലാം ഗ്രഹി​ക്കാ​നും ഉൾക്കൊ​ള്ളാ​നും ഞങ്ങൾക്ക്‌ പ്രയാസം തോന്നു​ന്നു. ഇത്‌ ഒരു സ്വപ്‌നം​പോ​ലെ​യാണ്‌. ഞങ്ങൾ കണ്ടതും കേട്ടതു​മെ​ല്ലാം വാക്കു​ക​ളിൽ വിവരി​ക്കുക അസാദ്ധ്യ​മാണ്‌. ബൃഹത്തായ, കിണ്ണത്തി​ന്റെ ആകൃതി​യി​ലുള്ള സ്‌റേ​റ​ഡി​യം ആളുക​ളെ​ക്കൊണ്ട്‌ നിറഞ്ഞി​രി​ക്കു​ന്ന​താ​യി ഞങ്ങൾ കാണു​ക​യും സംഗീതം കേൾക്കു​ക​യും ചെയ്‌ത​പ്പോൾ ഞങ്ങളുടെ കണ്ണുകൾ നിറഞ്ഞു. ഞങ്ങളെ​ല്ലാം നിശ്ചല​രാ​യി ഒന്നിച്ചു നിൽക്കു​മ്പോൾ, പ്രാർത്ഥന ഞങ്ങളിൽ അനിയ​ന്ത്രി​ത​മായ വിറയൽ ഉളവാക്കി. അത്‌ അത്ര ഭയഭക്തി​ഗാം​ഭീ​ര്യ​ത്തോ​ടു​കൂ​ടി​യ​തും ഐകമ​ത്യ​മു​ള്ള​തും ആയിരു​ന്നു. വാഴ്‌സൊ​യി​ലെ ഈ കൺ​വെൻ​ഷൻ ഉജ്ജ്വല​മാ​യ​തും മഹത്താ​യ​തു​മായ ഒരു സംഭവ​മാ​യി​രു​ന്നു, പുതി​യ​ലോ​കം മാത്രമേ ഇതിലും മെച്ചമാ​യി​രി​ക്കു​ക​യു​ള്ളു. ഈ അത്ഭുത​ക​ര​മായ നാളുകൾ ഞങ്ങൾ എല്ലായ്‌പ്പോ​ഴും സ്‌മരി​ക്കും.”

പതിനാ​യി​ര​ക്ക​ണ​ക്കിന്‌ സഹസാ​ക്ഷി​ക​ളോ​ടൊത്ത്‌ കൺ​വെൻ​ഷ​നു​ക​ളിൽ ആദ്യമാ​യി കണ്ടുമു​ട്ടി​യ​പ്പോൾ ഈ സന്ദർശ​ക​രിൽ അനേക​രും പ്രചോ​ദി​ത​രാ​യി കാണ​പ്പെട്ടു. വാഴ്‌സൊ​യിൽ അവർ അഞ്ചു മിനി​റ​റി​ല​ധി​കം സ്‌റേ​റ​ഡി​യത്തെ മുഖരി​ത​മാ​ക്കിയ ഒരു കരഘോ​ഷം തുടങ്ങി. ഒരു പശ്ചിമ യൂറോ​പ്യൻ പ്രതി​നി​ധി അഭി​പ്രാ​യ​പ്പെ​ട്ട​തു​പോ​ലെ: “ആ സമയത്ത്‌ ചൂടുള്ള കാലാ​വ​സ്ഥ​യെ​ക്കു​റി​ച്ചോ പരുക്കൻ ബഞ്ചുക​ളെ​ക്കു​റി​ച്ചോ സുഖക​ര​മായ ഇരിപ്പി​ട​ങ്ങൾക്കാ​യി വീട്ടി​ലേക്ക്‌ തിരി​ച്ചു​പോ​കു​ന്ന​തി​നേ​ക്കു​റി​ച്ചോ ആരും തന്നെ ചിന്തി​ച്ചില്ല. അവർ കൂടുതൽ പ്രബോ​ധ​ന​വും സ്‌നേ​ഹ​പൂർവ്വ​ക​മായ കൂട്ടാ​യ്‌മ​യും ആഗ്രഹി​ച്ചു.”

ഓരോ ദിവസ​വും വിദേശ പ്രതി​നി​ധി​കൾ റിപ്പോർട്ടു​കൾ നൽകി, അവർ തങ്ങളുടെ രാജ്യത്തെ അനുഭ​വങ്ങൾ വിവരി​ച്ചു. വാഴ്‌സൊ​യി​ലെ അത്തരം 24 റിപ്പോർട്ടു​ക​ളിൽ അവസാ​ന​ത്തേത്‌ സോവ്യ​ററ്‌ യൂണി​യ​നിൽ നിന്നുള്ള പ്രതി​നി​ധി​ക്കു​ള്ള​താ​യി​രു​ന്നു. “ഞങ്ങൾക്ക്‌ നിങ്ങ​ളോ​ടൊ​ത്താ​യി​രി​ക്കു​ന്ന​തി​ന്റെ സന്തോഷം വർണ്ണി​ക്കാൻ വാക്കു​ക​ളില്ല” എന്നു പറഞ്ഞു​കൊണ്ട്‌ അയാൾ തുടങ്ങി. “ഞങ്ങൾക്ക്‌ ഇത്രയ​ധി​കം​പേർക്ക്‌ ഇവിടെ എത്തി​ച്ചേ​രാൻ കഴിഞ്ഞ​തി​നെ​യും നിങ്ങൾ വളരെ ആതിഥ്യ​പൂർവ്വം ഞങ്ങളെ സ്വീക​രി​ച്ച​തി​നെ​യും ഞങ്ങൾ വളരെ​യ​ധി​കം വിലമ​തി​ക്കു​ന്നു. സഹോ​ദ​ര​ങ്ങ​ളായ നിങ്ങളിൽ പലരോ​ടും വ്യക്തി​പ​ര​മായ ബന്ധം സ്ഥാപി​ക്കാൻ കഴിയു​ന്ന​തി​ലും ഞങ്ങൾ സന്തോ​ഷി​ക്കു​ന്നു. ഞങ്ങളിൽ ചിലർ പസഫിക്‌ സമു​ദ്ര​തീ​ര​ത്തുള്ള വ്‌ളാ​ഡി​വോ​സ്‌റേ​റാ​ക്‌പോ​ലെ ആറു ദിവസത്തെ ട്രെയിൻ യാത്ര​യുള്ള വിദൂര സ്ഥലങ്ങളിൽ നിന്നാണ്‌ വന്നിരി​ക്കു​ന്നത്‌. വളരെ​പേർ ഒരേസ​മയം പോകാൻ ആഗ്രഹി​ച്ച​തു​കൊണ്ട്‌ ടിക്കറ​റു​കൾ ലഭിക്കു​ന്ന​തി​ലും ഞങ്ങളിൽ ചിലർക്ക്‌ പ്രശ്‌നങ്ങൾ ഉണ്ടായി, പരിമി​ത​മായ ഇരിപ്പി​ട​ങ്ങളെ ലഭ്യമാ​യി​രു​ന്നു​ള്ളു​താ​നും. എന്നാൽ യഹോ​വ​യു​ടെ സഹായ​ത്താൽ ഞങ്ങൾ അതു സാധിച്ചു.”

ഉചിത​മാ​യും, ഞായറാഴ്‌ച ഉപസം​ഹാര പ്രസ്‌താ​വ​ന​ക​ളിൽ ഭരണസം​ഘ​ത്തി​ലെ ഒരംഗം, തങ്ങളുടെ രാജ്യ​ങ്ങ​ളി​ലെ ഇത്രയ​ധി​കം യഹോ​വ​യു​ടെ സാക്ഷി​കളെ ഈ കൺ​വെൻ​ഷ​നു​ക​ളിൽ സംബന്ധി​ക്കാൻ അനുവ​ദി​ച്ച​തിന്‌ പൂർവ്വ​യൂ​റോ​പ്യൻ ഗവൺമെൻറു​ക​ളോട്‌ നന്ദി പറഞ്ഞു.

ഒരു ഏകീകൃത സഹോ​ദ​ര​വർഗ്ഗം

പോളിഷ്‌ കൺ​വെൻ​ഷ​നു​ക​ളി​ലെ തന്റെ അനുഭവം വർണ്ണി​ച്ചു​കൊണ്ട്‌ ഒരു സാക്ഷി ഇപ്രകാ​രം പറഞ്ഞു: “അത്‌ വിപരീത അർത്ഥത്തിൽ ബാബേൽ പോലെ ആയിരു​ന്നു.” ആളുകൾ വ്യത്യസ്‌ത ഭാഷക​ളിൽ സംസാ​രി​ക്കാൻ തുടങ്ങി​യ​പ്പോൾ ബാബേൽ കോട്ട​യിൽ കലക്കവും അനൈ​ക്യ​വും സംഭവി​ച്ചെ​ങ്കിൽ ഇവിടെ ഭാഷാ​പ്ര​ശ്‌നം ഉണ്ടായി​രു​ന്നി​ട്ടും ചിന്തയി​ലും നടത്തയി​ലും പ്രവർത്ത​ന​ങ്ങ​ളി​ലും ഐക്യ​ത്തി​ന്റെ ഒരു അത്ഭുത​ക​ര​മായ പ്രകടനം ഉണ്ടായി​രു​ന്നു.—ഉൽപ്പത്തി 11:1-9.

വിവിധ ദേശക്കാ​രായ ഈ സഹവി​ശ്വാ​സി​ക​ളു​ടെ​യി​ട​യി​ലെ ഐക്യം പുറത്തു​ള്ളവർ ശ്രദ്ധി​ക്കാ​തി​രു​ന്നില്ല. സ്‌ററാൻഡർ മറേറാ​ഡിക്‌ എന്ന പ്രസി​ദ്ധീ​ക​രണം ഇപ്രകാ​രം കുറി​ക്കൊ​ണ്ടു: “ആശയക്കു​ഴപ്പം ഉണ്ടാകാ​ത്ത​വ​രും ആൾക്കൂ​ട്ട​ത്തിൽ കൂട്ടം​പി​രി​ഞ്ഞു പോകാ​ത്ത​വ​രു​മാ​യി വാഴ്‌സൊ വിമാ​ന​ത്താ​വ​ള​ത്തിൽ എത്തി​ച്ചേർന്ന യാത്ര​ക്കാർ യഹോ​വ​യു​ടെ സാക്ഷികൾ മാത്ര​മാ​യി​രു​ന്നു. സഹവി​ശ്വാ​സി​കൾ പല ഭാഷക​ളിൽ അറിയി​പ്പു​ക​ളും വിവരങ്ങൾ അറിയി​ക്കുന്ന കേന്ദ്ര​ങ്ങ​ളും ചൂണ്ടു​പ​ല​ക​ക​ളും ഒരുക്കി​യി​രു​ന്നു, നഗരത്തി​ലേക്ക്‌ യാത്രാ സൗകര്യ​വും ഏർപ്പെ​ടു​ത്തി.”

കൺ​വെൻ​ഷ​നു​ക​ളി​ലെ സംഗീതം ശ്രദ്ധേ​യ​മാ​യി​രു​ന്നു, 20ലധികം വ്യത്യസ്‌ത ഭാഷക​ളിൽ പതിനാ​യി​ര​ക്ക​ണ​ക്കിന്‌ ആളുകൾ ഏകസ്വ​ര​ത്തിൽ പാടു​മ​ള​വിൽ സ്‌നേ​ഹ​ത്തി​ന്റെ​യും ഐക്യ​ത്തി​ന്റെ​യും ഒരാത്മാ​വിൽ എല്ലാവ​രും ഒരേ ആശയങ്ങൾ പ്രകട​മാ​ക്കി​ക്കൊ​ണ്ടു​തന്നെ. കൂടാതെ വാഴ്‌സൊ​യിൽ കാര്യ​പ​രി​പാ​ടി​യു​ടെ ഭാഗങ്ങൾ 16 ഭാഷക​ളി​ലേക്ക്‌ വിവർത്തനം ചെയ്യ​പ്പെട്ടു, (പൊസ്‌നാ​നിൽ 13ഉം കറേറാ​വി​സിൽ 15ഉം) ഇത്‌ മുമ്പൊ​രി​ക്ക​ലും പോള​ണ്ടിൽ നടത്ത​പ്പെ​ട്ടി​ട്ടില്ല.

പതിനാറ്‌ ഭാഷാ​ന്ത​ര​ക്കാർ തങ്ങളുടെ ഭാഷാ​കൂ​ട്ട​ങ്ങൾക്ക​ഭി​മു​ഖ​മാ​യി മൈതാ​ന​ത്തിൽ നിന്നു. പ്രസം​ഗകൻ സ്‌റേ​റ​ജിൽ നിന്ന്‌ സംസാ​രി​ച്ചു, സ്‌റേ​റ​ഡി​യ​ത്തിൽ അതതു​ഭാ​ഗ​ത്തുള്ള സദസ്സിന്റെ ഭാഷയി​ലേക്ക്‌ ദ്വിഭാ​ഷി വിവർത്തനം ചെയ്യു​ക​യും ചെയ്‌തു. അതത്‌ ഭാഷാ​വി​ഭാ​ഗ​ത്തി​നു നേരെ ഇരിക്കുന്ന ഉച്ചഭാ​ഷി​ണി​കൾ തന്റെ സ്വന്തം ഭാഷയിൽ കേൾക്കുക സാദ്ധ്യ​മാ​ക്കി, മററ്‌ വിഭാ​ഗ​ങ്ങ​ളിൽ മററു ഭാഷക്കാർക്കാ​യി നടത്തുന്ന ഭാഷാ​ന്ത​ര​ങ്ങളെ ശല്യം ചെയ്യാതെ തന്നെ.

പോള​ണ്ടിൽ ഗുരു​ത​ര​മായ സാമ്പത്തിക പ്രശ്‌നങ്ങൾ ഉണ്ടായി​രു​ന്നി​ട്ടും ആയിര​ക്ക​ണ​ക്കിന്‌ സന്ദർശ​കർക്ക്‌ തങ്ങളുടെ പോളിഷ്‌ സഹോ​ദ​രങ്ങൾ സ്വകാര്യ താമസ​സൗ​ക​ര്യ​ങ്ങൾ പ്രദാനം ചെയ്‌തു. പൊസ്‌നാ​നി​ലെ സഹോ​ദ​രങ്ങൾ 16,000 പേരെ താമസി​പ്പി​ച്ചു, വാഴ്‌സൊ​യിൽ 21,000ഉം കറേറാ​വി​സിൽ 30,000ഉം തന്നെ. ഒരു കുടും​ബം 18 പേരെ താമസി​പ്പി​ക്കു​ക​യും 21 പേർക്ക്‌ ഭക്ഷണം നൽകു​ക​യും ചെയ്‌തു. 146 സാക്ഷി​ക​ളുള്ള ഒരു സഭ 1,276 വ്യക്തി​കൾക്ക്‌ താമസ​സൗ​ക​ര്യം നൽകി!

നല്ല വാർത്താ​പ്ര​ചാ​രം

റെറലി​വി​ഷ​നി​ലെ​യും റേഡി​യോ​യി​ലെ​യും ദിനപ്പ​ത്ര​ങ്ങ​ളി​ലെ​യും റിപ്പോർട്ടു​കൾ മിക്കവാ​റും സത്യസ​ന്ധ​വും നിഷ്‌പ​ക്ഷ​വും ആയിരു​ന്നു. പോളിഷ്‌ പ്രസി​ദ്ധീ​ക​ര​ണ​മായ സ്‌ററാൻഡർ മറേറാ​ഡിക്‌ അതിന്റെ തലക്കെ​ട്ടു​ക​ളിൽ “യഹോ​വ​യു​ടെ സാക്ഷികൾ 212 രാജ്യ​ങ്ങ​ളിൽ അവരുടെ മതം ആചരി​ക്കു​ന്നു” എന്ന്‌ എഴുതി​ക്കൊണ്ട്‌ അതിന്റെ ലേഖന​ത്തിൽ “സ്ഥിരത​യു​ള്ളവർ,” “ക്രമമു​ള്ളവർ,” “വിനീതർ,” “പ്രയത്‌ന​ശാ​ലി​കൾ,” എന്നിങ്ങ​നെ​യുള്ള ഉപതല​ക്കെ​ട്ടു​കൾ ഉപയോ​ഗിച്ച്‌ അവരെ പുകഴ്‌ത്തി. വാഴ്‌സൊ​യി​ലെ സ്‌റേ​റ​ഡി​യത്തെ സംബന്ധിച്ച്‌ അത്‌ പറഞ്ഞു: “ഒററ സിഗറ​ററ്‌ കുററി​പോ​ലു​മോ വികൃ​തി​ക​ളായ കുട്ടികൾ വലി​ച്ചെ​റി​യുന്ന കടലാസ്‌ കഷണമോ ഇല്ലായി​രു​ന്നു. യഹോ​വ​യു​ടെ സാക്ഷികൾ പുകവ​ലി​ക്കു​ന്നില്ല, അവരുടെ കുട്ടികൾ വികൃ​തി​കാ​ട്ടു​ന്നവർ അല്ല.”

സിസി വാഴ്‌സോ​യി എന്ന ദിനപ്പ​ത്രം കൺ​വെൻ​ഷൻ ഒരുക്കങ്ങൾ ഒരു വർഷമാ​യി നടന്നു​കൊ​ണ്ടി​രു​ന്ന​താ​യി പരാമർശി​ക്കു​ക​യും ഇപ്രകാ​രം പറയു​ക​യും ചെയ്‌തു: “മററു കാര്യ​ങ്ങ​ളോ​ടൊ​പ്പം കൺ​വെൻ​ഷ​നു​കൾ നടത്തപ്പെട്ട സ്‌റേ​റ​ഡി​യ​മു​കൾ പുനരു​ദ്ധ​രി​ക്ക​പ്പെട്ടു.”

എക്‌സ്‌പ്രസ്സ്‌ വീസോർണി എന്ന പത്രം ഇപ്രകാ​രം റിപ്പോർട്ടു ചെയ്‌തു: “എല്ലാ നിരീ​ക്ഷ​ക​രെ​യും ആകർഷി​ച്ചത്‌ സ്‌റേ​റ​ഡി​യ​ത്തിൽ നിലവി​ലി​രുന്ന ക്രമം ആയിരു​ന്നു. ചപ്പുച​റ​വു​കൾ ഉപേക്ഷി​ക്കാൻ നിയമിത സ്ഥലങ്ങൾ, താൽക്കാ​ലി​ക​മെ​ങ്കി​ലും വൃത്തി​യുള്ള കക്കൂസു​കൾ, വിവരങ്ങൾ നൽകുന്ന അനേകം സ്‌ററാൻഡു​കൾ—അവയെ​ല്ലാം അത്ഭുത​ക​ര​മാ​യി​രു​ന്നു.” ഇത്‌ സാധി​ക്കു​ന്ന​തിന്‌ 3,500ലധികം സാക്ഷികൾ വാഴ്‌സൊ സ്‌റേ​റ​ഡി​യം ഒരുക്കു​ന്ന​തി​നും അലങ്കരി​ക്കു​ന്ന​തി​നു​മാ​യി സമയം ചെലവ​ഴി​ച്ചു.

പ്രതി​നി​ധി​ക​ളിൽ ചിലരു​മാ​യി ഈ വർത്തമാ​ന​പ്പ​ത്രം അഭിമു​ഖം നടത്തു​ക​യും ചെയ്‌തു, ഇപ്രകാ​രം ചോദി​ച്ചു​കൊണ്ട്‌: “വാഴ്‌സൊ കൺ​വെൻ​ഷൻ നിങ്ങൾക്ക്‌ എന്തർത്ഥ​മാ​ക്കി?” ഒരു പോളിഷ്‌ സാക്ഷി പറഞ്ഞു: “എനിക്ക്‌, യഹോ​വ​യു​ടെ സാക്ഷികൾ ഒരു മതസമൂ​ഹ​മാ​യി ഔദ്യോ​ഗി​ക​മാ​യി അംഗീ​ക​രി​ക്ക​പ്പെ​ട്ടി​ട്ടി​ല്ലാത്ത രാജ്യ​ങ്ങ​ളായ ചെക്കോ​സ്ലോ​വാ​ക്യ​യി​ലെ​യും യു. എസ്സ്‌. എസ്സ്‌. ആറി​ലെ​യും സഹോ​ദ​ര​ങ്ങളെ കണ്ടുമു​ട്ടാൻ കഴിഞ്ഞു​വെന്ന വസ്‌തുത പ്രചോ​ദനം നൽകുന്നു.”

സോവ്യ​ററ്‌ യൂണി​യ​നിൽനി​ന്നുള്ള ഒരു സാക്ഷി ഇപ്രകാ​രം പറയു​ന്ന​താ​യി ഉദ്ധരി​ക്ക​പ്പെട്ടു: “ഇത്‌ എന്റെ ജീവി​ത​ത്തി​ലെ ഏററവും വലിയ അനുഭ​വ​മാ​യി ഞാൻ കരുതു​ന്നു. . . . എന്റെ ജീവി​ത​ത്തിൽ ആദ്യമാ​യി ലോക​ത്തെ​മ്പാ​ടു​മുള്ള വളരെ​യ​ധി​കം സഹോ​ദ​ര​ങ്ങളെ കണ്ടുമു​ട്ടാൻ കഴിഞ്ഞു. അതിലു​പരി, ഈ യോഗം വളരെ ശ്രേഷ്‌ഠ​മാ​യി സംഘടി​പ്പി​ക്ക​പ്പെട്ടു, പ്രസം​ഗങ്ങൾ 16 ഭാഷക​ളി​ലേക്ക്‌ വിവർത്തനം ചെയ്യ​പ്പെട്ടു, പോളിഷ്‌ സഹോ​ദ​ര​ങ്ങ​ളാ​യി​രു​ന്നു ഞങ്ങളുടെ ആതി​ഥേയർ—യഥാർത്ഥ​ത്തിൽ സകലവും അത്ഭുത​ക​ര​മാ​യി​രു​ന്നു.”

സിസി വാഴ്‌സോ​യി ഇപ്രകാ​രം കുറി​ക്കൊ​ണ്ടു: “വാഴ്‌സൊ​യി​ലെ യഹോ​വ​യു​ടെ സാക്ഷി​ക​ളു​ടെ ലോക​കൺ​വെൻ​ഷൻ ഇപ്പോൾ അവസാ​നി​ച്ചു. . . . നാം പിന്തി​രി​ഞ്ഞു നോക്കു​മ്പോൾ, ഏതാനും മാസങ്ങൾക്കു​മുമ്പ്‌ പോള​ണ്ടി​ലെ യഹോ​വ​യു​ടെ സാക്ഷി​ക​ളു​ടെ മതസമൂ​ഹം റജിസ്‌ററർ ചെയ്യ​പ്പെ​ട്ട​ശേ​ഷ​മാ​യി​രു​ന്നു അത്തരം കൺ​വെൻ​ഷ​നു​ക​ളു​ടെ സംഘടി​പ്പി​ക്കൽ സാദ്ധ്യ​മാ​യത്‌—ഇപ്പോൾ അവർ 80,000ലധികം വിശ്വാ​സി​ക​ളു​ടെ അംഗബ​ല​മു​ള്ള​താണ്‌.a മുമ്പ്‌ നിയമ​വി​രു​ദ്ധ​മാ​യി​രുന്ന ഈ മതസമൂ​ഹം മെയ്‌ 12 മുതൽ നിയമാം​ഗീ​കാ​രം ആസ്വദി​ക്കു​ന്നു.”

യഹോ​വ​യു​ടെ സാക്ഷി​ക​ളു​ടെ കൺ​വെൻ​ഷ​നു​കളെ “ഐക്യ​ത്തി​ന്റെ ഒരു പ്രകടനം” എന്ന്‌ വിളി​ച്ചു​കൊണ്ട്‌ “ക്രമത്തി​ന്റെ​യും സമാധാ​ന​ത്തി​ന്റെ​യും വൃത്തി​യു​ടെ​യും സംഗതി​യിൽ കൺ​വെൻ​ഷ​നിൽ പങ്കെടു​ത്തവർ പകർത്താ​വുന്ന മാതൃ​കകൾ ആണ്‌” എന്ന്‌ ഈ പത്രം പറയു​ക​യു​ണ്ടാ​യി.

സ്‌നാ​പ​നം

പോളിഷ്‌ ഭാഷ സംസാ​രി​ക്കാൻ കഴിഞ്ഞാ​ലും ഇല്ലെങ്കി​ലും എല്ലാവ​രും പുളക​പ്ര​ദ​മായ സ്‌നാ​പ​ന​ദൃ​ശ്യ​ത്താൽ അമ്പരന്നു​പോ​യി. വാഴ്‌സൊ​യിൽ, സ്‌നാ​നാർത്ഥി​കളെ ഇരുത്തു​ന്ന​തിന്‌ സ്‌റേ​റ​ജിന്‌ തൊട്ടു​മു​മ്പി​ലാ​യി മൈതാ​ന​ത്തിൽ വളരെ​യ​ധി​കം കസേരകൾ ഇട്ടിരു​ന്നു. എന്നാൽ രാവിലെ കാര്യ​പ​രി​പാ​ടി നടക്കു​മ്പോൾ സേവകൻമാർ തിടു​ക്ക​ത്തോ​ടെ കൂടുതൽ കസേരകൾ കൊണ്ടു​പോ​യി ഇടുന്നത്‌ ഉത്തേജനം നൽകു​ന്ന​താ​യി​രു​ന്നു, സ്‌നാ​നാർത്ഥി​ക​ളു​ടെ സംഘം വീണ്ടും വർദ്ധി​ച്ചി​രു​ന്ന​തു​കൊ​ണ്ടു​തന്നെ. സ്‌നാപന പ്രസംഗം തുടങ്ങാ​റാ​യ​പ്പോൾ ബൃഹത്തായ സദസ്സ്‌ ശാന്തരാ​യി. അവർ ഒരിക്ക​ലും മറക്കു​ക​യി​ല്ലാത്ത ഒന്ന്‌ അനുഭ​വി​ക്കാൻ പോക​യാ​യി​രു​ന്നു. പ്രസം​ഗകൻ സ്‌നാ​നാർത്ഥി​കളെ സ്വാഗതം ചെയ്യു​മ​ള​വിൽ മുഴു​സ്‌റേ​റ​ഡി​യ​വും കരഘോ​ഷ​ത്തിൽ മുഴുകി. അപ്പോൾ മുൻകൂ​ട്ടി ക്രമീ​ക​രി​ച്ചി​രുന്ന ഒരു അടയാ​ള​ത്താ​ലെ​ന്ന​പോ​ലെ, എങ്കിലും ദൈവാ​ത്മാ​വി​നാൽ പ്രചോ​ദി​പ്പി​ക്ക​പ്പെട്ട്‌ കവി​ഞ്ഞൊ​ഴു​കുന്ന ഹൃദയങ്ങൾ പ്രേരണ നൽകി, സ്‌നാ​നാർത്ഥി​കൾ തങ്ങൾക്കു ചുററും ഇരുന്നി​രുന്ന നിറഞ്ഞു​ക​വിഞ്ഞ സദസ്സിനെ ഉൽസാ​ഹ​പൂർവ്വം കൈകൾ വീശി ആശംസി​ച്ചു​കൊണ്ട്‌ പ്രതി​ക​രി​ച്ചു.

സാധാരണ സ്‌നാ​നാർത്ഥി​ക​ളോ​ടു ചോദി​ക്കുന്ന രണ്ടു ചോദ്യ​ങ്ങ​ളു​ടെ ഉത്തരമാ​യി സ്‌നാ​നാർത്ഥി​ക​ളു​ടെ വിശ്വാ​സ​ത്തി​ന്റെ പരസ്യ​പ്ര​ഖ്യാ​പനം വ്യക്തവും സുനി​ശ്ചി​ത​വും ആയിരു​ന്നു—അവരിൽ പലരും സമർപ്പ​ണ​ത്തി​ന്റെ ഈ പടിയി​ലേക്ക്‌ വന്നത്‌ വളരെ പ്രയാ​സ​ത്തി​ലൂ​ടെ​യും പരീക്ഷ​ണ​ത്തി​ലൂ​ടെ​യും ആയിരു​ന്നു. ഒരു പ്രാർത്ഥ​നക്കു ശേഷം സദസ്സ്‌ “ഞങ്ങൾ ദൈവ​ത്തിന്‌ സമർപ്പി​തർ” എന്ന ഗീതം പാടു​മ​ള​വിൽ സ്‌നാ​നാർത്ഥി​കൾ രണ്ട്‌ കൂട്ടമാ​യി പിരിഞ്ഞ്‌ സ്‌റേ​റ​ഡി​യ​ത്തിൽനിന്ന്‌ പോയി. സഹോ​ദ​രൻമാർ ഒരു ടണലി​ലൂ​ടെ തങ്ങളുടെ വസ്‌ത്ര​ധാ​രണ മുറി​ക​ളി​ലേ​ക്കും സഹോ​ദ​രി​മാർ മറെറാ​രു ടണലി​ലൂ​ടെ തങ്ങളു​ടേ​തി​ലേ​ക്കും. സേവകൻമാ​രും സ്‌നാ​ന​പ്പെ​ടു​ത്തു​ന്ന​വ​രും വെള്ള വസ്‌ത്രങ്ങൾ അണിഞ്ഞ്‌ തങ്ങളുടെ സ്ഥാനങ്ങ​ളിൽ നില​കൊ​ണ്ടു, ഉടൻ തന്നെ മാന്യ​മായ സ്‌നാ​ന​വ​സ്‌ത്രങ്ങൾ അണിഞ്ഞ്‌ സ്‌നാ​നാർത്ഥി​കൾ മൈതാ​ന​ത്തി​ലേക്ക്‌ തിരി​ച്ചൊ​ഴു​കാൻ തുടങ്ങി, അവിടെ 12 സ്‌നാ​ന​ക്കു​ളങ്ങൾ സ്ഥാപി​ച്ചി​ട്ടു​ണ്ടാ​യി​രു​ന്നു, മൈതാ​ന​ത്തി​ന്റെ ഒരററത്ത്‌ ആറെണ്ണം സഹോ​ദ​രി​മാർക്കു​വേ​ണ്ടി​യും മൈതാ​ന​ത്തി​ന്റെ മറേറ അററത്ത്‌ ആറെണ്ണം സഹോ​ദ​രൻമാർക്കു​വേ​ണ്ടി​യും.

വാഴ്‌സൊ​യിൽ 1,905 പേരെ സ്‌നാ​പ​ന​പ്പെ​ടു​ത്തി​ക്കൊ​ണ്ടി​രുന്ന 45 മിനിട്ടു സമയത്തു​ട​നീ​ളം ഉൽസാ​ഹ​പൂ​വ്വ​ക​മായ കയ്യടി നടന്നു​കൊ​ണ്ടി​രു​ന്നു. (തലേ ആഴ്‌ച​യിൽ പൊസ്‌നാ​നിൽ 1,525ഉം കറേറാ​വി​സിൽ 2,663ഉം പേർ സ്‌നാ​പനം സ്വീക​രി​ച്ചു, മൊത്തം 6,093 പേർ അഥവാ അത്യുച്ച ഹാജരി​ന്റെ 3.7 ശതമാനം) വികലാം​ഗ​രായ രണ്ടു സഹോ​ദ​രൻമാ​രെ​യെ​ങ്കി​ലും സ്‌നേ​ഹ​പൂർവ്വം വീൽചെ​യ​റിൽ നിന്ന്‌ എടുത്ത്‌ സ്‌നാ​ന​പ്പെ​ടു​ത്തി, സ്‌നാ​ന​പ്ര​സം​ഗം കേൾക്കു​ന്ന​തിന്‌ ഒരാളെ സ്‌​ട്രെ​ച്ച​റിൽ മൈതാ​ന​ത്തി​ലേക്ക്‌ കൊണ്ടു​വന്നു.

പരിപൂർണ്ണ പാരമ്യം

‘ഇതെല്ലാം തികച്ചും വൈകാ​രി​ക​മാ​ണെന്നു തോന്നു​ന്നു,’ എന്ന്‌ നിങ്ങൾ പറഞ്ഞേ​ക്കാം. കൊള്ളാം, അത്‌ അങ്ങനെ​യാ​യി​രു​ന്നു! എന്നാൽ അത്‌ നിങ്ങൾ ക്രൈ​സ്‌ത​വ​ലോ​ക​ത്തി​ലെ മതപര​മായ ഉണർവ്വു പ്രസ്ഥാ​ന​ങ്ങ​ളിൽ കാണു​ന്ന​തരം ആവേശമല്ല. പോളിഷ്‌ കൺ​വെൻ​ഷ​നു​ക​ളിൽ സമ്മേളി​ച്ച​വ​രു​ടെ ആവേശം ദൈവ​വ​ച​ന​ത്തി​ന്റെ സൂക്ഷ്‌മ​പ​രി​ജ്ഞാ​ന​ത്തിൽ അധിഷ്‌ഠി​ത​മാ​യി​രു​ന്നു, അതു​കൊണ്ട്‌ സമ്മേളി​ച്ചവർ പിന്നീട്‌ ദൈവത്തെ സേവി​ക്കാൻ കൂടുതൽ സജ്ജരാ​യി​രി​ക്കും. പതിറ​റാ​ണ്ടു​ക​ളു​ടെ എതിർപ്പി​നു​ശേഷം പോള​ണ്ടി​ലെ സാക്ഷി​കൾക്ക്‌ അയൽരാ​ജ്യ​ങ്ങ​ളി​ലെ സഹവി​ശ്വാ​സി​ക​ളു​മൊത്ത്‌ സ്വത​ന്ത്ര​മാ​യി സമ്മേളി​ക്കാൻ കഴിഞ്ഞു​വെന്ന അറിവി​നാൽ ഉണർത്ത​പ്പെട്ട ആവേശ​മാ​യി​രു​ന്നു അത്‌. നിങ്ങളു​ടെ അടുത്തി​രി​ക്കുന്ന പ്രതി​നി​ധി ഒരുപക്ഷേ മുമ്പ്‌ ഒരിക്ക​ലും ഒരു കൺ​വെൻ​ഷ​നിൽ സംബന്ധി​ച്ചി​ട്ടി​ല്ലാ​യി​രി​ക്കാ​മെ​ന്നും ഈ ജനക്കൂ​ട്ട​ത്തിൽ അയാൾ ഒററക്ക​ല്ലെ​ന്നും അറിയു​ന്ന​തി​ന്റെ സന്തോ​ഷ​ത്തിൽ നിന്ന്‌ മുളച്ചു​വന്ന ആവേശ​മാ​യി​രു​ന്നു അത്‌. യഹോ​വ​യു​ടെ സാക്ഷികൾ ജീവനുള്ള സത്യ​ദൈ​വത്തെ സേവി​ക്കുന്ന ഒരു ഏകീകൃത, സാർവ്വ​ദേ​ശീയ സഹോ​ദ​ര​വർഗ്ഗം ആണെന്നുള്ള, എതിരി​ല്ലാത്ത ഒരു ദൃശ്യ​തെ​ളി​വിൽ നിന്ന്‌ വളരുന്ന ആവേശ​മാ​യി​രു​ന്നു അത്‌.

പശ്ചിമ യൂറോ​പ്പിൽ നിന്നുള്ള ഒരു പ്രതി​നി​ധി ഇപ്രകാ​രം പറഞ്ഞു​കൊണ്ട്‌ അത്‌ സംക്ഷേ​പി​ച്ചു പറഞ്ഞു: “ആയിര​ത്തി​തൊ​ള്ളാ​യി​രത്തി അമ്പത്തി​ര​ണ്ടു​മു​ത​ലുള്ള എല്ലാ കൺ​വെൻ​ഷ​നി​ലും സംബന്ധി​ച്ചി​രു​ന്നി​ട്ടും വികാ​ര​ത്തി​ന്റെ​യും ഉൽസാ​ഹ​ത്തി​ന്റെ​യും സന്തോ​ഷ​ത്തി​ന്റെ​യും സ്‌നേ​ഹ​ത്തി​ന്റെ​യും വിലമ​തി​പ്പി​ന്റെ​യും നന്ദിയു​ടെ​യും സംഗതി​യിൽ ഇത്‌ പരിപൂർണ്ണ പാരമ്യം ആയിരു​ന്നു.”

നിസ്സം​ശ​യ​മാ​യും വാഴ്‌സൊ​യിൽ ഞായറാഴ്‌ച അന്തിമ പ്രാർത്ഥ​ന​യു​ടെ സമയത്ത്‌ ആവേശം പാരമ്യ​ത്തിൽ എത്തി. അതിലെ വാക്കുകൾ ആയിര​ങ്ങൾക്ക്‌ മനസ്സി​ലാ​ക്കാൻ കഴിഞ്ഞി​ല്ലെ​ങ്കി​ലും എല്ലാവ​രും പ്രകട​മാ​ക്കിയ മനോ​ഭാ​വ​വും സ്‌നേ​ഹ​വും അർപ്പണ​വും ആഹ്ലാദ​വും പരമാ​ധി​കാ​ര​കർത്താ​വായ യഹോ​വ​യു​ടെ വേലയിൽ തുടരാ​നുള്ള നിശ്ചയ​വും തിരി​ച്ച​റി​ഞ്ഞു. ഏതാണ്ട്‌ 60,000 തലകൾ തങ്ങളുടെ ദൈവ​ത്തോ​ടുള്ള പ്രാർത്ഥ​ന​യിൽ കുനി​ച്ച​പ്പോൾ ഉണ്ടായ ഭീതി​ജ​നി​പ്പി​ക്കുന്ന നിശബ്ദ​തയെ ഭഞ്‌ജി​ച്ചത്‌ വിലമ​തി​പ്പി​ന്റെ സന്തോ​ഷ​ക​ര​മായ തേങ്ങൽ ശബ്ദം മാത്ര​മാ​യി​രു​ന്നു. പ്രാർത്ഥന സമാപി​ച്ച​പ്പോൾ, തന്റെ ഹൃദയ​ത്തി​ന്റെ അടിത്ത​ട്ടിൽ നിന്ന്‌ “ആമ്മേൻ” പറയാൻ ആർക്കും പ്രയാ​സ​മു​ണ്ടാ​യി​രു​ന്നില്ല. തുടർന്ന്‌ അതിബൃ​ഹ​ത്തായ ആ സമൂഹ​ത്തി​ലൂ​ടെ 11 മിനി​ട്ടി​ല​ധി​കം പ്രതി​ധ്വ​നിച്ച ഒരു കരഘോ​ഷ​മു​ഴക്കം ഉണ്ടായി.

പോള​ണ്ടിൽ ദിവ്യാ​ധി​പത്യ ചരിത്രം കുറി​ച്ച​തിന്‌ 1,66,000ലധികം വ്യക്തികൾ ദൃക്‌സാ​ക്ഷി​കൾ ആയിരു​ന്നു. സാത്താന്റെ ദുഷ്ടവ്യ​വ​സ്ഥി​തി അന്തിമ​നാ​ശ​ത്തിൽ തകരു​ന്ന​തി​നു​മുമ്പ്‌ ഇനിയും കൂടുതൽ ചരിത്രം രചിക്ക​പ്പെ​ടും—യഹോ​വ​യു​ടെ പരമാ​ധി​കാ​ര​ത്തി​ന്റെ സംസ്ഥാ​പ​ന​ത്താൽ പാരമ്യ​ത്തിൽ എത്തുന്ന ഉജ്ജ്വല​മായ, കിടിലം കൊള്ളി​ക്കുന്ന ചരിത്രം തന്നെ. നിങ്ങൾ ആഗ്രഹി​ക്കു​ന്നെ​ങ്കിൽ ആ ചരി​ത്ര​ത്തി​ന്റെ ഭാഗമാ​യി നിങ്ങൾക്ക്‌ അതിജീ​വി​ക്കാൻ കഴിയും. നിങ്ങൾ അതിജീ​വി​ക്കു​മോ? (g89 12/22)

[അടിക്കു​റി​പ്പു​കൾ]

[14-ാം പേജിലെ ചതുരം]

ചരിത്രപരമായ നാഴി​ക​ക്ക​ല്ലു​കൾ

1928 പോള​ണ്ടി​ലെ 300 സാക്ഷികൾ അവരുടെ ആദ്യത്തെ ചെറിയ സമ്മേള​നങ്ങൾ നടത്തി.

1939 രണ്ടാം ലോക​യു​ദ്ധം തുടങ്ങു​മ്പോൾ 1,100 സാക്ഷികൾ പ്രസം​ഗി​ച്ചി​രു​ന്നു; അനേകർ തടവി​ലാ​ക്ക​പ്പെ​ടു​ന്നു, ചിലർ ജർമ്മൻ തടങ്കൽ പാളയ​ങ്ങ​ളിൽ മരിക്കു​ന്നു.

1945 രണ്ടാം ലോക​യു​ദ്ധം അവസാ​നി​ച്ച​പ്പോ​ഴേ​ക്കും സാക്ഷി​ക​ളു​ടെ എണ്ണം ഇരട്ടി​യി​ല​ധി​ക​മാ​യി, 2,500.

1946 ജൂണിൽ ലൂബ്ലി​ന​ടുത്ത്‌ 1,500 പേർ സമ്മേള​ന​ത്തിൽ സംബന്ധി​ക്കു​ന്നു; 298 പേർ സ്‌നാ​പനം സ്വീക​രി​ക്കു​ന്നു. സെപ്‌റ​റം​ബ​റിൽ 5,600 പേർ കറേറാ​വി​സിൽ സമ്മേള​ന​ത്തിൽ സംബന്ധി​ക്കു​ന്നു.

1947 ക്രാ​ക്കൊ​യി​ലെ ഒരു കൺ​വെൻ​ഷ​നിൽ 7,000 പേർ സംബന്ധി​ക്കു​ന്നു; 476 പേർ സ്‌നാ​പനം സ്വീക​രി​ക്കു​ന്നു. പ്രസം​ഗ​വേല സംഘടി​പ്പി​ക്കാൻ സഹായി​ക്കു​ന്ന​തിന്‌ രണ്ട്‌ ഗിലെ​യാദ്‌ ബിരു​ദ​ധാ​രി​കൾ എത്തുന്നു.

1950 മാർച്ചിൽ 18,000 സാക്ഷി​ക​ളു​ടെ ഒരു അത്യു​ച്ച​ത്തിൽ എത്തി. സസ്‌മാ​ര​ക​ത്തിന്‌ 24,000 പേർ ഹാജരാ​യി. ജൂ​ലൈ​യിൽ വേല നിരോ​ധി​ക്ക​പ്പെ​ടു​ന്നു, സ്വകാര്യ ഭവനങ്ങ​ളിൽ ചെറിയ യോഗങ്ങൾ നടത്തേ​ണ്ടത്‌ ആവശ്യ​മാ​ക്കി​ത്തീർത്തു​കൊ​ണ്ടു തന്നെ.

1968 ഏകദിന ഡിസ്‌ട്രി​ക്‌ററ്‌ കൺ​വെൻ​ഷ​നു​കൾ 100-ഓ 200-ഓ പേരുടെ ഹാജ​രോ​ടെ ആദ്യമാ​യി വനങ്ങളിൽ നടത്ത​പ്പെ​ടു​ന്നു; പിന്നീട്‌ അത്‌ 1,000 പേർ വരെയാ​യി.

1980 പോള​ണ്ടിൽ നിന്ന്‌ ഏതാണ്ട്‌ 2,000 സാക്ഷികൾ ഡിസ്‌ട്രി​ക്‌ററ്‌ കൺ​വെൻ​ഷ​നാ​യി ഓസ്‌ട്രി​യാ​യി​ലെ വിയന്ന​യി​ലേക്ക്‌ യാത്ര​ചെ​യ്യു​ന്നു.

1981 പോളിഷ്‌ സഹോ​ദ​ര​ങ്ങൾക്കാ​യി 1980ലേതിനേക്കാൾ വലിയ ഒരു കൺ​വെൻ​ഷൻ വിയന്ന​യിൽ നടത്ത​പ്പെ​ടു​ന്നു.

1982 ഏകദിന സമ്മേള​ന​ങ്ങൾക്കാ​യി ഹോളു​ക​ളും സ്‌റേ​റ​ഡി​യ​ങ്ങ​ളും വാടക​ക്കെ​ടു​ക്കാൻ പോളിഷ്‌ ഗവൺമെൻറ്‌ സാക്ഷി​കൾക്ക്‌ അനുവാ​ദം നൽകുന്നു.

1985 പോള​ണ്ടിൽ 94,000 വ്യക്തികൾ സംബന്ധിച്ച ത്രിദിന ഡിസ്‌ട്രി​ക്‌ററ്‌ കൺ​വെൻ​ഷ​നു​കൾ നടത്ത​പ്പെ​ടു​ന്നു. ഭരണസം​ഘ​ത്തി​ലെ നാല്‌ അംഗങ്ങൾ ഉൾപ്പെടെ 16 രാജ്യ​ങ്ങ​ളിൽ നിന്നുള്ള നൂറു​ക​ണ​ക്കിന്‌ അതിഥി​കൾ ഉണ്ടായി​രു​ന്നു.

1989 ഭരണസം​ഘ​ത്തി​ലെ അഞ്ച്‌ അംഗങ്ങൾ സംബന്ധിച്ച “ദൈവിക ഭക്തി” ഡിസ്‌ട്രി​ക്‌ററ്‌ കൺ​വെൻ​ഷ​നു​കൾ മൂന്നു സ്‌റേ​റ​ഡി​യ​മു​കൾ നിറഞ്ഞു കവിയു​ന്നു; മൊത്തം ഹാജർ 1,66,518ഉം സ്‌നാ​പനം 6,063ഉം. പോളി​ഷിൽ രണ്ടു ലഘു​ലേ​ഖകൾ റിലീസ്‌ ചെയ്യ​പ്പെട്ടു, യഹോ​വ​യു​ടെ സാക്ഷികൾ എന്തു വിശ്വ​സി​ക്കു​ന്നു? എന്നതും നിങ്ങൾക്ക്‌ ബൈബിൾ വിശ്വ​സി​ക്കാ​വു​ന്ന​തെ​ന്തു​കൊണ്ട്‌? എന്നതും, അതോ​ടൊ​പ്പം നിങ്ങൾ ത്രിത്വ​ത്തിൽ വിശ്വ​സി​ക്ക​ണ​മോ? എന്ന 32 പേജുള്ള ലഘുപ​ത്രി​ക​യും.

[16-ാം പേജിലെ ചിത്രങ്ങൾ]

സ്‌നാനാർത്ഥികൾ വാഴ്‌സൊ​യിൽ പ്രസം​ഗ​പീ​ഠ​ത്തി​നു മുമ്പിൽ ഇരിക്കു​ന്ന​തും, ആൾക്കൂട്ടം അവരുടെ സ്‌നാ​പനം നിരീ​ക്ഷി​ക്കു​ന്ന​തും

[18-ാം പേജിലെ ചിത്രങ്ങൾ]

സോവ്യററ്‌ യൂണി​യ​നിൽ നിന്നുള്ള പ്രതി​നി​ധി​കൾക്കാ​യി കറേറാ​വി​സിൽ തിരി​ച്ചി​രുന്ന ഭാഗവും റഷ്യൻ സാക്ഷി​കളെ പൊസ്‌നാ​നി ലേക്ക്‌ കൊണ്ടു​വന്ന ചില ബസ്സുക​ളും