ലണ്ടനിലെ ജലവി​ത​രണം—ഒരു പുതി​യ​മാ​നം

ബ്രിട്ടനിലെ ഉണരുക! ലേഖകൻ

ഇംഗ്ലണ്ടി​ന്റെ തലസ്ഥാന നഗരി​യായ ലണ്ടനിൽ ഇപ്പോൾ ലോക​ത്തി​ലെ ഏറ്റവും പുരോ​ഗ​തി​യാർജിച്ച ജലവി​തരണ സംവി​ധാ​ന​ങ്ങ​ളി​ലൊ​ന്നുണ്ട്‌. അതിന്റെ പണി പട്ടിക​പ്പെ​ടു​ത്തി​യി​രുന്ന സമയത്തി​നു രണ്ടു വർഷം മുമ്പു പൂർത്തി​യാ​യി, ഏതാണ്ട്‌ 37.5 കോടി ഡോളർ ചെലവും വന്നു. അതിന്റെ നിർമി​തി​യിൽ നേടി​യെ​ടുത്ത വൈദ​ഗ്‌ധ്യം ഇപ്പോൾത്തന്നെ മറ്റു രാജ്യ​ങ്ങൾക്കു പണത്തിനു കൈമാ​റി​ക്കൊ​ണ്ടി​രി​ക്കു​ന്നു.

അത്തരം ചെല​വേ​റിയ ഒരു പദ്ധതി ആവശ്യ​മാ​യി​രു​ന്നത്‌ എന്തു​കൊ​ണ്ടാണ്‌, അത്‌ എന്തു നേട്ടമാ​ണു കൈവ​രി​ച്ചത്‌?

പഴയതി​നു​പ​കരം പുതി​യത്‌

ലണ്ടനിലെ ഏറ്റവും പഴക്കമുള്ള കേന്ദ്ര ജലവാഹി 1838-ലാണു നിർമി​ച്ചത്‌. നാൽപ്പതു വർഷം പിന്നി​ട്ടി​ട്ടും, നഗരത്തി​ലെ കൂടുതൽ ദരി​ദ്ര​മായ പ്രദേ​ശ​ങ്ങ​ളി​ലെ തെരു​വിൽ സ്ഥാപി​ച്ചി​രി​ക്കുന്ന പൊതു പൈപ്പു​ക​ളിൽനി​ന്നും ബക്കറ്റു​ക​ളിൽ വെള്ളം കൊണ്ടു​പോ​യി​രു​ന്നു. “അതിരാ​വി​ലെ ഒരാൾ താക്കോ​ലു​മാ​യി വന്നു ടാപ്പു തുറക്കു​ന്നത്‌ ഒരു പ്രധാന സംഭവ​മാ​യി​രു​ന്നു, . . . കാരണം, താക്കോ​ലുള്ള ആ അധികൃ​തൻ പോയാൽപ്പി​ന്നെ പിറ്റേന്നു രാവി​ലെ​വരെ ഒരു തുള്ളി വെള്ളം പോലും എടുക്കാ​നാ​വില്ല,” ഒരെഴു​ത്തു​കാ​രി വിവരി​ക്കു​ന്നു.

റോഡി​ന്റെ ഉപരി​ത​ല​ങ്ങൾക്ക​ടി​യി​ലാ​യി വ്യത്യസ്‌ത ആഴങ്ങളിൽ ഇരുമ്പു​കൊ​ണ്ടുള്ള പ്രധാന ജലവാ​ഹി​ക​ളും കെട്ടി​ട​ങ്ങ​ളി​ലേ​ക്കുള്ള കുഴലു​ക​ളും സ്ഥാപി​ച്ചു​കൊണ്ട്‌ ഓരോ ഭവനത്തി​ലേ​ക്കും ഈ ജലവി​ത​രണം വ്യാപി​പ്പിച്ച വിക്ടോ​റി​യൻ എഞ്ചിനീ​യർമാർ ഒരു വിദഗ്‌ധ വേലയാ​ണു നിർവ​ഹി​ച്ചത്‌. എന്നിരു​ന്നാ​ലും, മോ​ട്ടോർ ഗതാഗ​ത​ത്തി​ന്റെ വർധിച്ച അളവും ഭാരവും കമ്പനവും അതോ​ടൊ​പ്പം മതിയായ അളവിൽ വെള്ളം ദീർഘ​ദൂ​രം—ചില​പ്പോൾ 30 കിലോ​മീ​റ്റർവരെ—എത്തിക്കു​ന്ന​തി​നാ​വ​ശ്യ​മായ കൂടുതൽ പമ്പിങ്‌ മർദവും അന്നുമു​തൽ പ്രധാന കുഴലു​കൾ പൊട്ടു​ന്ന​തി​നി​ട​യാ​ക്കി​യി​രി​ക്കു​ക​യാണ്‌. പ്രധാന ജലവാഹി നന്നാക്കു​ന്ന​തി​നാ​യി റോഡു​കൾ അടയ്‌ക്കേ​ണ്ടി​വ​രു​മ്പോൾ ഇതു ഗതാഗത കുഴപ്പ​ത്തിന്‌ ഇടയാ​ക്കു​ന്നു. ഇംഗ്ലണ്ടി​ലെ ജലസം​ഭ​ര​ണി​ക​ളിൽനിന്ന്‌ എടുക്കുന്ന ജലത്തിന്റെ 25 ശതമാ​ന​വും ജലമെ​ത്തി​ക്കുന്ന പൈപ്പു​ക​ളി​ലെ തകരാ​റു​കൾ മൂലം നഷ്ടപ്പെ​ടു​ന്ന​താ​യി കണക്കാ​ക്ക​പ്പെ​ടു​ന്നു.

മാത്രമല്ല, ലണ്ടനിൽ വെള്ളത്തി​ന്റെ ആവശ്യം കഴിഞ്ഞ 150 വർഷമാ​യി വർധി​ച്ചി​രി​ക്കു​ന്നു—അതായത്‌ ദിനം​തോ​റും 33 കോടി ലിറ്ററാ​യി​രു​ന്ന​തിൽനിന്ന്‌ ഇരുനൂ​റു കോടി​യി​ല​ധി​കം ലിറ്ററാ​യി​ത്തീർന്നി​രി​ക്കു​ന്നു അത്‌. അലക്കു​യ​ന്ത്ര​ങ്ങ​ളും പാത്രം കഴുകു​ന്ന​തി​നുള്ള യന്ത്രങ്ങ​ളും കാർ കഴുക​ലും വരണ്ട വേനൽക്കാ​ല​ങ്ങ​ളിൽ പൂന്തോ​ട്ടങ്ങൾ നനയ്‌ക്കു​ന്ന​തു​മെ​ല്ലാം ആവശ്യം വർധി​ക്കു​ന്ന​തിന്‌ ഇടയാ​ക്കി​യി​രി​ക്കു​ന്നു. തലസ്ഥാ​ന​ന​ഗ​രി​യി​ലേ​ക്കുള്ള ജലവി​ത​രണം മെച്ച​പ്പെ​ടു​ത്തേ​ണ്ടത്‌ ഒരു അടിയ​ന്തി​രാ​വ​ശ്യ​മാ​യി​ത്തീർന്നു. എന്നാൽ എന്തു ചെയ്യാൻ കഴിയു​മാ​യി​രു​ന്നു?

വലുതാ​യി ചിന്തി​ക്കു​ന്നു

അതേ റോഡു​ക​ളു​ടെ കീഴിൽ കൂടുതൽ ശക്തമായ പൈപ്പു​കൾ സ്ഥാപി​ച്ചു​കൊണ്ട്‌ പഴയ പൈപ്പു​കൾ മാറ്റു​ന്നത്‌ അസാധ്യ​മാ​യി​രു​ന്നു. ലണ്ടൻകാർക്ക്‌ അസൗക​ര്യം പ്രശ്‌ന​മാ​യി​രു​ന്ന​തു​പോ​ലെ​തന്നെ ചെലവു​ക​ളും ഇതിനു പ്രതി​ബന്ധം സൃഷ്ടിച്ചു. അങ്ങനെ, പത്തു വർഷം മുമ്പ്‌ തെയിംസ്‌ വാട്ടർ റിങ്‌ മെയിൻ (തെയിംസ്‌ നദീജലം കൊണ്ടു​പോ​കുന്ന വൃത്താ​കാ​ര​ത്തി​ലുള്ള പ്രധാന കുഴൽ) പദ്ധതി രൂപീ​ക​രി​ക്ക​പ്പെട്ടു. അത്‌ ലണ്ടന്റെ ജലവി​ത​രണ വൻതോ​തിൽ വർധി​പ്പി​ക്കു​മാ​യി​രു​ന്നു. നഗരത്തി​ന​ടി​യിൽ 40 മീറ്റർ എന്ന ശരാശരി ആഴത്തിൽ കുഴി​ച്ചി​ട്ടി​രി​ക്കു​ന്ന​തും ഓരോ ദിവസ​വും നൂറു കോടി ലിറ്ററി​ല​ധി​കം വെള്ളം കൊണ്ടു​പോ​കാൻ കഴിവു​ള്ള​തു​മായ, 80 കിലോ​മീ​റ്റർ നീളവും 2.5 മീറ്റർ വീതി​യു​മുള്ള പ്രധാന ജലവാഹി അഥവാ തുരങ്ക​മാണ്‌ പദ്ധതി. വൃത്താ​കാ​ര​ത്തി​ലുള്ള അത്തരം പ്രധാന കുഴൽ ഇരുദി​ശ​ക​ളിൽ ഏതൊ​ന്നി​ലേ​ക്കു​മുള്ള പ്രവാഹം നിയ​ന്ത്രി​ക്കാൻ സഹായി​ക്കു​ന്നു, അങ്ങനെ കേടു​പോ​ക്കു​ന്ന​തി​നാ​യി ഏതൊരു ഭാഗത്തി​ന്റെ​യും പ്രവർത്തനം ഏതൊരു സമയത്തും നിർത്തി​വ​യ്‌ക്കാൻ സാധി​ക്കു​ന്നു. ജല സംസ്‌കരണ പ്ലാന്റു​ക​ളിൽനി​ന്നുള്ള ജലം ഗുരു​ത്വാ​കർഷ​ണ​ശ​ക്തി​മൂ​ലം തുരങ്ക​ത്തി​ലേക്ക്‌ ഒഴുകു​ന്ന​താ​യി​രി​ക്കും. എന്നിട്ട്‌ അത്‌ പ്രാ​ദേ​ശി​ക​മാ​യി നിലവി​ലുള്ള പ്രധാ​ന​ജ​ല​വി​തരണ കുഴലു​ക​ളി​ലേ​ക്കോ ജലസം​ഭ​ര​ണി​ക​ളി​ലേ​ക്കോ നേരിട്ടു പമ്പു ചെയ്യ​പ്പെ​ടു​ന്നു.

ബ്രിട്ട​നി​ലെ ഏറ്റവും നീളമുള്ള തുരങ്കം ഇത്ര ആഴത്തി​ലാ​യി​രി​ക്കേ​ണ്ടി​യി​രു​ന്നത്‌ എന്തു​കൊ​ണ്ടാണ്‌? എന്തു​കൊ​ണ്ടെ​ന്നാൽ ലണ്ടന്റെ ഭൂഗർഭ ഭാഗം 12 റെയിൽവേ സമ്പ്രദാ​യ​ങ്ങ​ളാ​ലും ജനോ​പ​കാര സംവി​ധാ​ന​ങ്ങ​ളു​ടെ പതിവു സമുച്ച​യ​ങ്ങ​ളാ​ലും ഇടതൂർന്ന​താണ്‌. വ്യക്തമാ​യും തുരങ്കം ഇവയെ​യൊ​ന്നും തൊടാത്ത വിധത്തിൽ സ്ഥാപി​ക്കേ​ണ്ട​തു​ണ്ടാ​യി​രു​ന്നു. ആദ്യത്തെ സർവേ​യിൽ കണ്ടുപി​ടി​ക്കാ​തെ പോയി​രുന്ന, ഒരു കെട്ടി​ട​ത്തി​ന്റെ ആഴത്തി​ലുള്ള അസ്‌തി​വാര തൂണുകൾ എഞ്ചിനീ​യർമാർ യാദൃ​ച്ഛി​ക​മാ​യി കണ്ടെത്തി​യ​പ്പോൾ പത്തില​ധി​കം മാസ​ത്തേക്കു പണി താമസി​ച്ചു.

നിർമാ​ണം പല ഘട്ടങ്ങളി​ലാ​യി​ട്ടാ​ണു പട്ടിക​പ്പെ​ടു​ത്തി​യി​രു​ന്നത്‌. ലണ്ടനിലെ കളിമ​ണ്ണി​ലൂ​ടെ കുഴി​ക്കു​മ്പോൾ വലിയ പ്രശ്‌ന​ങ്ങ​ളൊ​ന്നും പ്രതീ​ക്ഷി​ച്ചി​രു​ന്നില്ല. എന്നാൽ റ്റൂട്ടിങ്‌ ബെക്കിലെ തെയിം​സി​ന്റെ തെക്കുള്ള ആദ്യ സ്ഥാനത്തു തുരങ്ക നിർമാ​ണം ഒന്നില​ധി​കം വർഷ​ത്തേക്ക്‌ ഉപേക്ഷി​ക്കേ​ണ്ടി​വന്നു. അവിടെ തുരങ്ക നിർമാ​താ​ക്കൾ ഉയർന്ന മർദത്തിൽ സ്ഥിതി​ചെ​യ്യുന്ന വെള്ളമ​ട​ങ്ങിയ ഒരു മണൽപാ​ളി കണ്ടെത്തി. അത്‌ അവസാനം തുരക്കൽ യന്ത്രത്തെ മൂടി​ക്ക​ളഞ്ഞു. ഈ പ്രശ്‌നം പരിഹ​രി​ക്കു​ന്ന​തി​നു​വേണ്ടി, തുരന്നു​ണ്ടാ​ക്കിയ രന്ധ്രങ്ങ​ളി​ലൂ​ടെ ന്യൂനം 28° സെൽഷ്യ​സിൽ ഉപ്പു ലായനി പരി​ക്ര​മണം ചെയ്യി​ച്ചു​കൊണ്ട്‌ നിലം തണുത്തു​റ​ച്ച​താ​ക്കാൻ കോൺട്രാ​ക്ടർമാർ തീരു​മാ​നി​ച്ചു. സമീപത്ത്‌ മറ്റൊരു ഷാഫ്‌റ്റ്‌ അടിച്ചി​റ​ക്കി​ക്കൊണ്ട്‌ അവർക്കു മഞ്ഞുകട്ട കുഴി​ക്കാ​നും മൂടി​പ്പോയ യന്ത്രം വീണ്ടെ​ടു​ത്തു തുളയ്‌ക്കൽ തുടരു​ന്ന​തി​നും കഴിഞ്ഞു.

തുരങ്ക​ത്തി​നു കോൺക്രീറ്റ്‌ ലൈനിങ്‌ കൊടു​ക്കുന്ന ഒരു പുതിയ സംവി​ധാ​നം ആവിഷ്‌ക​രി​ക്കേ​ണ്ട​തി​ന്റെ ആവശ്യ​മു​ണ്ടെന്ന്‌ എഞ്ചിനീ​യർമാർ ഈ അനുഭ​വ​ത്തി​ലൂ​ടെ മനസ്സി​ലാ​ക്കി. അസ്ഥിര​മായ അത്തരം നിലത്തി​ന്റെ പ്രശ്‌ന​ങ്ങളെ തരണം ചെയ്യാൻ ഒരു വ്യത്യസ്‌ത ഇനം തുരങ്ക നിർമാണ യന്ത്രം ആവശ്യ​മാ​ണെ​ന്നു​ള്ള​തും സ്‌പഷ്ട​മാ​യി​ത്തീർന്നു. കാനഡ​യിൽനി​ന്നുള്ള ഒരു ഭൗമ മർദ സന്തുലന യന്ത്രമാ​യി​രു​ന്നു പ്രതി​വി​ധി. ഇവ മൂന്നെണ്ണം വാങ്ങി. അതിന്റെ ഫലമായി തുരങ്ക നിർമാ​ണ​ത്തി​ന്റെ വേഗത മാസത്തിൽ 1.5 കിലോ​മീ​റ്റ​റാ​യി ഇരട്ടിച്ചു.

കമ്പ്യൂട്ടർ നിർമി​തി

ഷാഫ്‌റ്റി​ന്റെ സ്ഥാനങ്ങൾ സംബന്ധിച്ച്‌ ദൃശ്യ-രേഖാ (line–of–sight) അളവുകൾ എടുക്കു​ന്ന​തി​നാ​യി മേൽത്ത​ട്ടിൽനി​ന്നു ഭൂമാ​പ​ന​ക്കു​ഴൽ ഉപയോ​ഗി​ച്ചുള്ള പരമ്പരാ​ഗ​ത​മായ ഭൂസർവേകൾ നടത്തി. അതിനു​ശേഷം ഇതിന്റെ ഫലങ്ങൾ ഇലക്‌​ട്രോ​ണിക്‌ ഉപകര​ണ​ങ്ങ​ളു​പ​യോ​ഗി​ച്ചു പരി​ശോ​ധി​ച്ചു. ആരംഭ​ത്തിൽ ഈ രീതി മതിയാ​യി​രു​ന്നു, എന്നാൽ തുരങ്ക നിർമാ​ണം ആരംഭി​ച്ച​പ്പോൾ ഭൂമി​ക്ക​ടി​യിൽ കൃത്യ​മാ​യി അവ കൂട്ടി​യോ​ജി​ക്ക​പ്പെ​ടു​ന്നു​വെന്ന്‌ എങ്ങനെ ഉറപ്പു​വ​രു​ത്താൻ കഴിയു​മാ​യി​രു​ന്നു?

ഇവിടെ, ആഗോള സ്ഥാന​ക്ര​മീ​കരണ വ്യവസ്ഥ (ജിപി​എസ്‌) എന്ന സംവി​ധാ​ന​ത്തി​ലൂ​ടെ ആധുനിക സാങ്കേ​തി​ക​വി​ദ്യ കടന്നു​വന്നു. ഭൂമിയെ ഭ്രമണം ചെയ്യുന്ന ഒരു ജിപി​എസ്‌ ബഹിരാ​കാ​ശ​പേ​ട​ക​ത്തോ​ടു ബന്ധിപ്പി​ച്ചി​രി​ക്കുന്ന ഒരു ഉപഗ്രഹ റിസീ​വ​റാണ്‌ ഈ സർവേ സജ്ജീക​ര​ണ​ത്തി​ലു​ള്ളത്‌. ഭ്രമണം​ചെ​യ്യുന്ന അനേകം ഉപഗ്ര​ഹ​ങ്ങ​ളിൽനി​ന്നുള്ള സംജ്ഞകൾ ഈ സജ്ജീക​ര​ണ​ത്തി​നു താരത​മ്യം ചെയ്യാൻ കഴിഞ്ഞു. ഈ അളവു​ക​ളെ​ല്ലാം കമ്പ്യൂ​ട്ടർവഴി ഏകോ​പി​പ്പി​ച്ചു കഴിഞ്ഞ​പ്പോൾ എല്ലാ 21 ഷാഫ്‌റ്റു​ക​ളു​ടെ​യും തുരന്നു​ണ്ടാ​ക്കിയ 580 രന്ധ്രങ്ങ​ളു​ടെ​യും സ്ഥാനങ്ങൾ ഓർഡൻസ്‌ സർവേ മാപ്പു​ക​ളി​ലെ റൂട്ടി​ലു​ട​നീ​ളം ചൂണ്ടി​ക്കാ​ണി​ക്ക​പ്പെട്ടു. ഈ ഡേറ്റാ​യാൽ സജ്ജീകൃ​ത​രായ തുരങ്ക നിർമാ​താ​ക്കൾക്കു കൃത്യ​ത​യുള്ള മാർഗ​നിർദേശം ലഭിച്ചു.

കമ്പ്യൂട്ടർ നിയ​ന്ത്ര​ണം

60 ലക്ഷം ഉപഭോ​ക്താ​ക്ക​ളു​ടെ ആവശ്യം നിറ​വേ​റ്റു​ന്നതു നിസ്സാര പണി​യൊ​ന്നു​മല്ല. ആവശ്യം കാലം​തോ​റും മാത്രമല്ല, ദിനം​തോ​റും വ്യത്യാ​സ​പ്പെ​ടാം. എല്ലായ്‌പോ​ഴും കൃത്യ​മായ ജലമർദ​വും ഗുണ​മേൻമ​യും നിലനിർത്ത​പ്പെ​ടു​ന്നു​ണ്ടോ​യെന്ന്‌ ഉറപ്പു​വ​രു​ത്താ​നാ​യി 24 മണിക്കൂർ നിരീ​ക്ഷണം നടത്തേ​ണ്ടത്‌ ഇത്‌ ആവശ്യ​മാ​ക്കി​ത്തീർക്കു​ന്നു. ഈ ജീവത്‌പ്ര​ധാ​ന​മായ ഏകോ​പനം സാധ്യ​മാ​കു​ന്ന​തെ​ങ്ങനെ? 50 ലക്ഷം ഡോളർ വിലയുള്ള ഒരു കമ്പ്യൂട്ടർ നിയന്ത്രണ സംവി​ധാ​നം മുഖേന.

ഓരോ ഷാഫ്‌റ്റ്‌ പമ്പി​നെ​യും അതി​ന്റേ​തായ കമ്പ്യൂ​ട്ട​റാ​ണു നിയ​ന്ത്രി​ക്കു​ന്നത്‌. ചെലവു​കു​റ​ഞ്ഞ​തും ഉപയോ​ഗം അധിക​മി​ല്ലാ​ത്ത​പ്പോ​ഴ​ത്തേ​തു​മായ വൈദ്യു​തി പ്രയോ​ജ​ന​പ്പെ​ടു​ത്തി​ക്കൊണ്ട്‌ ചെലവ്‌ ഏറ്റവും കുറഞ്ഞ​തോ​തിൽ നിലനിർത്തു​ന്നു. ലണ്ടന്റെ പടിഞ്ഞാ​റു ഭാഗത്തുള്ള ഹാംപ്‌റ്റ​ണി​ലെ മാസ്റ്റർ കമ്പ്യൂ​ട്ട​റു​കൾ മുഴു ശൃംഖ​ല​യെ​യും നിയ​ന്ത്രി​ക്കു​ന്നു. കമ്പ്യൂ​ട്ട​റു​കൾ, തുരങ്ക ഭിത്തി​ക​ളി​ലെ നാളി​ക​ളിൽ ഉറപ്പി​ച്ചി​രി​ക്കുന്ന ഫൈബർ ഒപ്‌റ്റിക്‌ കേബി​ളു​ക​ളിൽനി​ന്നു ഡേറ്റ ശേഖരി​ക്കു​ക​യും ക്ലോസ്‌ഡ്‌ സർക്യൂട്ട്‌ ടെലി​വി​ഷൻ മോണി​റ്റ​റു​കൾ വഴി അതു റിലേ ചെയ്യു​ക​യും ചെയ്യുന്നു.

ജലത്തിന്റെ ഗുണ​മേൻമ ദിവസം​തോ​റും ആഴ്‌ച​തോ​റും മാസം​തോ​റും പരി​ശോ​ധി​ക്കു​ന്നു. “ജലത്തിന്റെ ഗുണ​മേൻമാ പരി​ശോ​ധ​ന​യിൽ 120 പദാർഥ​ങ്ങൾക്കു​വേ​ണ്ടി​യുള്ള 60 നിർബ​ന്ധിത പരി​ശോ​ധ​ന​ക​ളുണ്ട്‌. നൈ​ട്രേ​റ്റു​കൾ, അൽപ്പ മൂലകങ്ങൾ, കീടനാ​ശി​നി​കൾ, മറ്റു രാസ ലായകങ്ങൾ എന്നീ പദാർഥ​ങ്ങൾക്കു​വേ​ണ്ടി​യുള്ള വിശ്ലേ​ഷ​ണങ്ങൾ അവയിൽ ഉൾപ്പെ​ടു​ന്നു” എന്ന്‌ ദ ടൈംസ്‌ പത്രം വിശദീ​ക​രി​ക്കു​ന്നു. ഈ അളവെ​ടു​ക്ക​ലു​കൾ ഇപ്പോൾ ഓട്ടോ​മാ​റ്റി​ക്കാ​യി നടത്ത​പ്പെ​ടു​ന്നു, വ്യാഖ്യാ​ന​ത്തി​നും ആവശ്യാ​നു​സ​രണം നടപടി സ്വീക​രി​ക്കു​ന്ന​തി​നു​മാ​യി അവ കമ്പ്യൂട്ടർ ആസ്ഥാന​ത്തേക്കു റിലേ ചെയ്യ​പ്പെ​ടു​ന്നു. വെള്ളത്തി​ന്റെ സ്വാദു പരി​ശോ​ധി​ക്കു​ന്നവർ ഗുണ​മേൻമ സംബന്ധിച്ച്‌ ആനുകാ​ലിക വിലയി​രു​ത്ത​ലു​കൾ നടത്തുന്നു.

മുൻകൂ​ട്ടി ചിന്തി​ക്കു​ന്നു

ആധുനിക എഞ്ചിനീ​യ​റി​ങ്ങി​ന്റെ ഈ അത്ഭുതം, ഗ്രേറ്റർ ലണ്ടന്റെ 1,500-ലധികം ചതുരശ്ര കിലോ​മീ​റ്റർ വ്യാപി​ച്ചു​കി​ട​ക്കുന്ന ജനസം​ഖ്യ​യ്‌ക്ക്‌ ഇപ്പോൾത്തന്നെ 58.3 കോടി ലിറ്റർ കുടി​വെള്ളം ദിവസ​വും പ്രദാനം ചെയ്യു​ന്നുണ്ട്‌. പൂർണ​മാ​യി പ്രവർത്ത​നോ​ത്മു​ഖ​മാ​കു​മ്പോൾ അതു മറ്റു വിതരണ സ്രോ​ത​സ്സു​ക​ളു​ടെ സമ്മർദം നീക്കം​ചെ​യ്‌തു​കൊണ്ട്‌ ഇപ്പോ​ഴത്തെ ആവശ്യ​ത്തി​ന്റെ ഏതാണ്ട്‌ 50 ശതമാനം നിറ​വേ​റ്റും.

ഇതും മതിയാ​കു​ക​യില്ല. അതു​കൊണ്ട്‌, വൃത്താ​കാ​ര​ത്തി​ലുള്ള പ്രധാന കുഴലി​നെ അടുത്ത നൂറ്റാ​ണ്ടി​ന്റെ ആരംഭ​ത്തിൽ 60 കിലോ​മീ​റ്റർ കൂടി വികസി​പ്പി​ക്കാ​നുള്ള ആസൂ​ത്ര​ണങ്ങൾ ഇപ്പോൾ ചെയ്യു​ന്നുണ്ട്‌. സത്യമാ​യും ഒരു വിഷമ​പ്ര​ശ്‌ന​ത്തിന്‌ വിദഗ്‌ധ പരിഹാ​രം തന്നെ!

[15-ാം പേജിലെ രേഖാ​ചി​ത്രം]

മറ്റു തുരങ്ക സേവന​ങ്ങ​ളു​ടെ അടിയി​ലാ​യുള്ള പ്രധാന ജലവാഹി കാണി​ക്കുന്ന, ലണ്ടന്റെ കീഴ്‌ഭാ​ഗ​ത്തി​ന്റെ പരിച്‌ഛേ​ദം

തെ

പുതിയ പ്രധാന ജലവാ​ഹി​യും ഷാഫ്‌റ്റു​ക​ളും

തെയിംസ്‌ നദി

ഭൂഗർഭ റെയിൽവേ തുരങ്കങ്ങൾ

വ

[കടപ്പാട്‌]

Based on photograph: Thames Water

[16-ാം പേജിലെ ചിത്രം]

പ്രധാന ജലവാ​ഹി​യായ തുരങ്കം നിർമി​ക്കുന്ന യന്ത്രം

[കടപ്പാട്‌]

Photograph: Thames Water

[17-ാം പേജിലെ ചിത്രം]

പ്രധാന ജലവാ​ഹി​യു​ടെ നിർമാണ പ്രവർത്ത​നം

[കടപ്പാട്‌]

Photograph: Thames Water