യുവജ​നങ്ങൾ ചോദി​ക്കു​ന്നു . . .

ഞാൻ കമ്പ്യൂട്ടർ, വീഡി​യോ കളിക​ളിൽ ഏർപ്പെ​ട​ണ​മോ?

അവ നിങ്ങളെ വളഞ്ഞി​രി​ക്കു​ന്നു! എന്നാൽ നിങ്ങൾ ഒട്ടും നിസ്സഹാ​യനല്ല. ലേസർ പീരങ്കി​കൾകൊ​ണ്ടു നിങ്ങൾ വെടി​വെ​ക്കു​ന്നു, നിങ്ങളു​ടെ ശത്രു​ക്കളെ ഗോത​മ്പു​പോ​ലെ അരിഞ്ഞു​മാ​റ്റു​ന്നു. വെടി​വെ​ക്കു​ന്തോ​റും കൂടുതൽ കൂടുതൽ ശത്രുക്കൾ പ്രത്യ​ക്ഷ​പ്പെ​ടു​ന്നു എന്നതാണു പ്രശ്‌നം. അതു​കൊണ്ട്‌, അതിജീ​വി​ക്ക​ണ​മെ​ങ്കിൽ നിങ്ങൾക്ക്‌ ഒറ്റ വഴിയേ ഉള്ളൂ—കണ്ണിൽ കാണു​ന്ന​തി​നെ​യൊ​ക്കെ കൊല്ലുക. നിങ്ങൾ വെടി​വെ​ക്കവേ, ശത്രുക്കൾ ചോര​പ്പു​ഴ​യിൽ മരിച്ചു​വീ​ഴു​ന്നു . . .

“നട്ടെല്ലു പിളർക്കു​ന്ന​തും മാംസം പിച്ചി​ച്ചീ​ന്തു​ന്ന​തും തല തെറി​പ്പി​ക്കു​ന്ന​തു​മൊ​ക്കെ​യുള്ള വിനോ​ദം”! പ്രചാ​ര​ത്തി​ലുള്ള ഏറ്റവും പുതിയ ഒരിനം കമ്പ്യൂട്ടർ കളിയെ ഒരു മാഗസിൻ എഴുത്തു​കാ​രൻ ഉത്സാഹ​പൂർവം വിശേ​ഷി​പ്പി​ച്ചത്‌ ഇങ്ങനെ​യാണ്‌. വാസ്‌ത​വ​ത്തിൽ, ത്രസി​പ്പി​ക്കു​ന്ന​തരം സങ്കൽപ്പ​ങ്ങളെ അഭിന​യി​ച്ചു​കാ​ണി​ക്കാൻ കളിക്കാ​രെ അനുവ​ദി​ക്കുന്ന കമ്പ്യൂട്ടർ, വീഡി​യോ കളിക​ളു​ടെ പുതിയ ഇനങ്ങളിൽപെട്ട ഒന്നുമാ​ത്ര​മാ​ണിത്‌. രക്തമയ​മായ, മിക്ക​പ്പോ​ഴും ക്രൂര​ത​യിൽ നിർവൃ​തി​യ​ട​യുന്ന അക്രമാ​സ​ക്ത​മായ ഈ കളിക​ളു​മാ​യി താരത​മ്യം ചെയ്യു​മ്പോൾ മുൻ ഇനങ്ങൾ ഏറെക്കു​റെ മയമു​ള്ള​താ​യി തോന്നി​ക്കു​ന്നു.

എങ്കിൽപോ​ലും, അക്രമാ​സ​ക്ത​മായ വീഡി​യോ, കമ്പ്യൂട്ടർ കളികൾ യുവജ​ന​ങ്ങൾക്കി​ട​യിൽ പ്രചു​ര​പ്ര​ചാ​ര​മു​ള്ള​താണ്‌. ഐക്യ​നാ​ടു​ക​ളി​ലെ മൂന്നി​ലൊ​ന്നു ഭവനങ്ങ​ളി​ലും ഏതെങ്കി​ലും തരത്തി​ലുള്ള ഇലക്‌​ട്രോ​ണിക്ക്‌ വിനോദ സംവി​ധാ​നങ്ങൾ ഉള്ളതി​നാൽ കോടി​ക്ക​ണ​ക്കി​നു യുവജ​ന​ങ്ങൾക്ക്‌ അവ പ്രാപ്യ​മാണ്‌. അത്തരം സജ്ജീക​ര​ണ​ങ്ങ​ളി​ല്ലാത്ത ഭവനങ്ങ​ളി​ലെ യുവജ​ന​ങ്ങൾക്കാ​ണെ​ങ്കിൽ, ഈ കളിക​ളി​ലേർപ്പെ​ടു​ന്ന​തി​നു സുഹൃ​ത്തി​ന്റെ വീട്ടി​ലേ​ക്കോ സ്ഥലത്തെ വീഡി​യോ വിനോ​ദ​കേ​ന്ദ്ര​ത്തി​ലേ​ക്കോ ഒന്നു നടന്നാൽ മാത്രം മതിയാ​കും.

നിങ്ങളെ സംബന്ധി​ച്ചോ? ഈ പുതിയ ഗെയി​മു​ക​ളിൽ ചിലതു വാങ്ങാ​നോ—കുറഞ്ഞ​പക്ഷം പരീക്ഷി​ച്ചു​നോ​ക്കാ​നോ—നിങ്ങൾ പ്രലോ​ഭി​പ്പി​ക്ക​പ്പെ​ട്ടി​ട്ടു​ണ്ടോ? വസ്‌തു​ത​ക​ളെ​ല്ലാം പരി​ശോ​ധി​ച്ചു​ക​ഴി​യു​മ്പോൾ അപ്രകാ​രം ചെയ്യാൻ നിങ്ങൾ രണ്ടാമ​തൊ​ന്നു ചിന്തി​ച്ചേ​ക്കാം.

കളിക​ളെ​ല്ലാം ഒരു​പോ​ലെയല്ല!

എല്ലാ വീഡി​യോ, കമ്പ്യൂട്ടർ കളിക​ളും ആക്ഷേപ​ക​ര​മോ അക്രമാ​സ​ക്ത​മോ അല്ലെന്ന്‌ ആദ്യം​തന്നെ വ്യക്തമാ​ക്കി​ക്കൊ​ള്ളട്ടെ. ഒട്ടേറെ ഗെയി​മു​കൾ വിദ്യാ​ഭ്യാ​സ​മൂ​ല്യ​മു​ള്ള​താണ്‌; ഭൂമി​ശാ​സ്‌ത്രം, ഗണിത​ശാ​സ്‌ത്രം, ടൈപ്പിങ്‌ തുടങ്ങിയ വിഷയങ്ങൾ സജീവ​വും രസകര​വു​മായ വിധത്തിൽ അവ പഠിപ്പി​ക്കു​ന്നു. മറ്റുചില ഗെയി​മു​ക​ളാ​കട്ടെ ബാസ്‌ക്കറ്റ്‌ ബോളും ഹോക്കി​യും പോലുള്ള സ്‌പോർട്‌സു​കളെ അനുക​രി​ച്ചു​കൊണ്ട്‌ സ്‌പന്ദ​ത്തി​നു (Reflexes) വെല്ലു​വി​ളി ഉയർത്തു​ന്നു. മനസ്സിനെ അമ്പരപ്പി​ക്കു​ന്ന​തും തൊട്ടു​ണർത്തു​ന്ന​തു​മായ ഉയർന്ന സാങ്കേ​തി​ക​വി​ദ്യാ വിഷമ​പ്ര​ശ്‌ന​ങ്ങ​ളു​മുണ്ട്‌.

ഏറ്റവും നല്ല ഗെയി​മു​കൾപോ​ലും വളരെ​യ​ധി​കം സമയം കവർന്നെ​ടു​ത്തേ​ക്കാ​മെ​ന്നതു സത്യമാണ്‌. ‘സമയം വിലയ്‌ക്കു വാങ്ങാൻ’, അതായത്‌, ജ്ഞാനപൂർവം ആത്മീയ​കാ​ര്യ​ങ്ങൾക്കാ​യി സമയം ഉപയോ​ഗ​പ്പെ​ടു​ത്താൻ ബൈബിൾ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ക്കു​ന്നു. (എഫെസ്യർ 5:16, NW) എന്നാൽ ഉണർന്നി​രി ക്കുന്ന സമയ​മെ​ല്ലാം​തന്നെ വേല ചെയ്യാ​നോ പഠിക്കാ​നോ ചെലവി​ട​ണ​മെന്നു ബൈബിൾ ആവശ്യ​പ്പെ​ടു​ന്നില്ല. മറിച്ച്‌, “ചിരി​ക്കാൻ ഒരു കാലം . . . തുള്ളി​ക്ക​ളി​ക്കാൻ ഒരു കാലം” എന്ന്‌ അതു നമ്മെ അനുസ്‌മ​രി​പ്പി​ക്കു​ന്നു. (സഭാ​പ്ര​സം​ഗി 3:4, NW) മിതമാ​യി നടത്തു​ന്ന​പക്ഷം, വിനോ​ദ​പ​രി​പാ​ടി​കൾ ഉല്ലാസം പകരു​ന്ന​തും ആരോ​ഗ്യാ​വ​ഹ​വു​മാ​യി​രി​ക്കും.

എന്നിരു​ന്നാ​ലും, ഇവയിൽ ഒട്ടേറെ കളിക​ളും കളിക്കാ​രു​ടെ സമയം അമിത​മാ​യി നഷ്ടപ്പെ​ടു​ത്ത​ത്ത​ക്ക​വി​ധം രൂപകൽപ്പന ചെയ്‌തി​രി​ക്കു​ന്ന​താ​യി കാണ​പ്പെ​ടു​ന്നു​വെന്നു നാം മനസ്സി​ലാ​ക്കണം. ഇവയിൽ ചിലതിൽ, കളി തീരു​ന്ന​തി​നു​മുമ്പ്‌ കൂടുതൽ വിഷമം പിടി​ച്ച​തും സങ്കീർണ​വു​മായ നിരവധി ഘട്ടങ്ങൾ ഇനിയും പൂർത്തി​യാ​ക്കേ​ണ്ട​തു​ണ്ടെന്നു കളിക്കാ​രൻ മനസ്സി​ലാ​ക്കു​ന്ന​തി​നു​മുമ്പ്‌, കളിയു​ടെ ഒരു പ്രത്യേക ഘട്ടത്തിൽ വൈദ​ഗ്‌ധ്യം നേടു​ന്ന​തി​നാ​യി അയാൾ മണിക്കൂ​റു​കൾ ചെലവി​ടു​ന്നു! ഏറെ ശ്രമത്തിന്‌ അൽപ്പ​നേട്ടം ലഭിക്കു​ന്ന​താ​യി കാണ​പ്പെ​ടുന്ന കളിക​ളു​മുണ്ട്‌. ഡാൻ, സാം എന്ന രണ്ട്‌ ക്രിസ്‌തീയ ജഡിക സഹോ​ദ​ര​ന്മാർ, ഗണിത​ശാ​സ്‌ത്ര പ്രശ്‌നങ്ങൾ പരിഹ​രി​ക്കു​ന്ന​തി​നു സഹായ​ക​മെന്നു തോന്നിയ ഒരു പ്രത്യേക കളിയിൽ ഉത്സാഹ​പൂർവം ഏർപ്പെട്ടു. എന്നാൽ, കണക്ക്‌ സ്‌ക്രീ​നിൽ ചെയ്യു​ന്ന​തി​നേ​ക്കാൾ വേഗത്തിൽ കടലാ​സിൽ ചെയ്യാ​മെന്ന്‌ അവർ താമസി​യാ​തെ മനസ്സി​ലാ​ക്കി!

അതു​കൊണ്ട്‌, സാമാ​ന്യം ആരോ​ഗ്യാ​വ​ഹ​മായ കളിക​ളു​ടെ കാര്യ​ത്തിൽപോ​ലും വിവേചന ഉപയോ​ഗി​ക്കേ​ണ്ട​തുണ്ട്‌. ഡാനും സാമും പറയുന്നു: “ശ്രദ്ധാ​പൂർവം ഷോപ്പിങ്‌ നടത്തു​ക​യാ​ണെ​ങ്കിൽ നിങ്ങൾക്കു പൊതു​വേ നല്ല ഇനം കളി കണ്ടെത്താ​നാ​വും.” എന്നിരു​ന്നാ​ലും, ഒരു വ്യക്തിയെ പെട്ടെന്നു വിരസ​ത​യിൽ കൊ​ണ്ടെ​ത്തി​ക്കാൻ മാത്രം ഉതകുന്ന ഗെയി​മു​കൾക്കു​വേണ്ടി വളരെ​യേറെ പണം ചെലവി​ടു​ന്നത്‌ ഒഴിവാ​ക്കു​ന്നതു തീർച്ച​യാ​യും ന്യായ​യു​ക്ത​മാ​യി തോന്നു​ന്നു. ഒരു പിതാവ്‌ തന്റെ പുത്ര​ന്മാ​രെ, അവർ സ്‌കൂ​ളിൽ പഠിക്കുന്ന വിഷയ​ങ്ങ​ളിൽ സഹായി​ക്കു​ന്ന​തരം വീഡി​യോ ഗെയി​മു​ക​ളിൽ മാത്രം ഒതുങ്ങി​നിൽക്കാൻ പ്രോ​ത്സാ​ഹി​പ്പി​ക്കു​ന്നു.

അവയുടെ കുടില വശം

ഖേദക​ര​മെന്നു പറയട്ടെ, എല്ലാ കമ്പ്യൂട്ടർ, വീഡി​യോ ഗെയി​മു​ക​ളും ദോഷ​ര​ഹി​ത​മായ വിനോ​ദ​ങ്ങളല്ല—വിദ്യാ​ഭ്യാ​സ​മൂ​ല്യം കുറവാ​ണു​താ​നും. ഇന്നത്തെ ഒട്ടേറെ സോഫ്‌റ്റ്‌വെയർ വിനോ​ദങ്ങൾ, “ജഡത്തിന്റെ പ്രവൃ​ത്തി​കൾ” എന്നു ബൈബിൾ വിളി​ക്കു​ന്ന​വയെ—ദൈവം കുറ്റം വിധി​ക്കുന്ന അശുദ്ധ​മായ പ്രവൃ​ത്തി​കളെ—കേന്ദ്രീ​ക​രി​ച്ചു​ള്ള​താണ്‌. ഇത്തരം കുറ്റം വിധി​ക്ക​പ്പെട്ട “പ്രവൃ​ത്തിക”ളിൽപെ​ട്ട​താണ്‌ “ആത്മവി​ദ്യാ​ചാ​രം.” (ഗലാത്യർ 5:19-21, NW) ജാലവി​ദ്യ തീർച്ച​യാ​യും യഹോ​വ​യാം ദൈവത്തെ സംബന്ധി​ച്ചി​ട​ത്തോ​ളം ‘വെറു​ക്ക​പ്പെ​ട്ടതു’തന്നെ.—ആവർത്ത​ന​പു​സ്‌തകം 18:10-12.

എങ്കിലും, ഇക്കാലത്തെ ഒട്ടേറെ ഗെയി​മു​കൾ ആത്മവി​ദ്യ​യി​ലും ജാലവി​ദ്യ​യി​ലും മുക്കി​യെ​ടു​ത്ത​വ​യാണ്‌! ഒരു കളിയിൽ ജയിക്ക​ണ​മെ​ങ്കിൽ “മന്ത്രോ​ച്ചാ​ര​ണങ്ങൾ” പ്രയോ​ഗി​ക്കണം. കളിക്കാർക്കു ലഭിക്കുന്ന നിർദേശം ഇതാണ്‌: “നിങ്ങൾ മന്ത്രോ​ച്ചാ​രണം നടത്താൻ തയ്യാറാ​യി​ക്ക​ഴി​ഞ്ഞാൽ മെനു​വി​ലെ വലത്തെ കോണി​ലെ അടിയി​ലുള്ള മിന്നൽപി​ണ​റിൽ ക്ലിക്ക്‌ ചെയ്യുക, എന്നിട്ടു നിങ്ങൾക്കു കൊല്ലേണ്ട ജീവി​യു​ടെ​മേൽ ക്ലിക്ക്‌ ചെയ്യുക.” ഇത്തരം കളികൾ സാത്താന്യ ശക്തികളെ സംബന്ധിച്ച ആരോ​ഗ്യാ​വ​ഹ​മ​ല്ലാത്ത ജിജ്ഞാസ വളർത്തി​യെ​ടു​ക്കു​ക​യി​ല്ലേ?

ബീഭത്സ​മാ​യ അക്രമങ്ങൾ ഒരുവൻ കാണു​ന്ന​തി​നെ സംബന്ധി​ച്ചോ? “എതിരാ​ളി​യു​ടെ ഹൃദയം പറി​ച്ചെ​ടു​ക്കുന്ന”തും “രക്തരക്ഷ​സു​കൾ നാമമാ​ത്ര വസ്‌ത്ര​ധാ​രി​ക​ളായ കുമാ​രി​മാ​രു​ടെ ശരീരം തുരക്കുന്ന”തും പ്രദർശി​പ്പി​ക്കുന്ന രണ്ടു പ്രചാ​ര​മേ​റിയ ഗെയി​മു​ക​ളെ​ക്കു​റിച്ച്‌ യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പറയുന്നു. കമ്പ്യൂ​ട്ടർവ​ത്‌കൃത രക്തച്ചൊ​രി​ച്ചിൽ ദോഷ​ര​ഹി​ത​മായ സങ്കൽപ്പ​മാ​യി ചിലർ തള്ളിക്ക​ള​ഞ്ഞേ​ക്കാ​മെ​ങ്കി​ലും, സങ്കീർത്തനം 11:5-ൽ ബൈബിൾ ഇപ്രകാ​രം മുന്നറി​യി​പ്പു നൽകുന്നു: ‘യഹോവ നീതി​മാ​നെ​യും ദുഷ്ട​നെ​യും ശോധന ചെയ്യുന്നു. അക്രമത്തെ സ്‌നേ​ഹി​ക്കു​ന്ന​വനെ അവന്റെ ദേഹി തീർച്ച​യാ​യും വെറു​ക്കു​ന്നു.’—യെശയ്യാ​വു 2:4 താരത​മ്യം ചെയ്യുക.

തരംതാണ അശ്ലീല​വും കമ്പ്യൂട്ടർ സ്‌ക്രീ​നിൽ കൊണ്ടു​വ​രാൻ സാധി​ക്കും. ആക്ഷേപ​ക​ര​മായ കളികൾക്കെ​തി​രെ മുന്നറി​യി​പ്പു​നൽകാൻ യു.എസ്‌. ഗെയിം നിർമാ​താ​ക്കൾ ഒരു തരംതി​രി​ക്കൽ പദ്ധതി നിർമി​ക്ക​ത്ത​ക്ക​വണ്ണം നഗ്നതയും സുവ്യ​ക്ത​മായ ലൈം​ഗി​ക​ത​യും അത്രയ്‌ക്കു സർവസാ​ധാ​ര​ണ​മായ കാഴ്‌ച​ക​ളാ​യി​ത്തീർന്നു. എങ്കിലും, ചില്ലറ​ക്ക​ച്ച​വ​ട​ക്കാ​രി​ലാ​രും​തന്നെ കുട്ടി​കൾക്കു വിൽപ്പന നടത്തു​ന്ന​തി​നു കടിഞ്ഞാ​ണി​ടാൻ സന്നദ്ധത പ്രകടി​പ്പി​ക്കു​ന്നില്ല. “സാധനങ്ങൾ വാങ്ങാൻ വരുന്ന​വർക്കു വേണ്ടതു നൽകുക എന്നതു മാത്ര​മാണ്‌ ഞങ്ങളുടെ കടമ,” ഒരു സ്റ്റോർ ക്ലാർക്ക്‌ പറയുന്നു. എങ്കിലും, ‘ലൈം​ഗിക ഉത്തേജ​ന​മു​ണ്ടാ​ക്കുന്ന പ്രതി​രൂ​പങ്ങൾ കാണു​ന്നത്‌, ‘നീതി​യും നിർമ​ല​വും രമ്യവും സൽക്കീർത്തി​യും’ ആയ കാര്യ​ങ്ങ​ളിൽ മനസ്സിനെ കേന്ദ്രീ​ക​രി​ക്കാൻ എന്നെ സഹായി​ക്കു​മോ?’ എന്നു സ്വയം ചോദി​ക്കുക.—ഫിലി​പ്പി​യർ 4:8.

ആസക്തരോ!

കമ്പ്യൂ​ട്ടർവ​ത്‌കൃത കളികൾ യുവജ​ന​ങ്ങളെ എപ്രകാ​രം ബാധി​ക്കു​ന്നു എന്നതി​നെ​ച്ചൊ​ല്ലി വിദഗ്‌ധർ സംവാദം നടത്തുന്നു എന്നതു ശരിതന്നെ. “ചീത്ത പെരു​മാ​റ്റ​ത്തി​ന്റെ മൂലകാ​രണം” ഇത്തരം ഗെയി​മു​കൾ “അല്ല” എന്ന്‌ ന്യൂ സയൻറി​സ്റ്റിൽ റിപ്പോർട്ടു ചെയ്യപ്പെട്ട ഒരു പഠനം, ശുഭാ​പ്‌തി​വി​ശ്വാ​സ​ത്തോ​ടു​കൂ​ടി നിഗമനം ചെയ്‌തു. എന്നിരു​ന്നാ​ലും ആ പഠനത്തിൽ സർവേ ചെയ്യപ്പെട്ട 97 ശതമാനം കുട്ടികൾ “ആ കളിക​ളോട്‌ ആസക്തി​യു​ണ്ടാ​കാൻ സാധ്യ​ത​യു​ള്ള​താ​യി കരുതി.” “കൂടുതൽ പണം നൽകാൻ കളിക്കാ​രെ പ്രോ​ത്സാ​ഹി​പ്പി​ക്കുന്ന”തുകൊണ്ട്‌ വിനോ​ദ​കേ​ന്ദ്ര​ങ്ങ​ളി​ലെ കളികൾ വിശേ​ഷി​ച്ചും ദോഷ​ക​ര​മാ​ണെന്നു യുവജ​നങ്ങൾ പറഞ്ഞു.

ഈ കളികൾക്കു വാസ്‌ത​വ​മാ​യും ആസക്തി ജനിപ്പി​ക്കാ​നാ​വു​മോ? ചില കളിക്കാ​രിൽ അപ്രകാ​ര​മാ​ണെന്നു കാണ​പ്പെ​ടു​ന്നു. ഒരു യുവതി ഉണരുക!യോടു പറഞ്ഞു: “ഒരുവന്‌ ആകെ ചിന്തി​ക്കാൻ കഴിയു​ന്നത്‌, കളിയു​ടെ അന്ത്യത്തി​ലെത്തി ജയിക്കു​ന്ന​തി​നെ​ക്കു​റി​ച്ചു മാത്ര​മാണ്‌.” ഇതേവി​ധ​ത്തിൽ ഒരു യുവാ​വും അനുസ്‌മ​രി​ക്കു​ന്നു: “എല്ലാവ​രെ​യും കൊന്ന്‌ കളിയു​ടെ അടുത്ത ഘട്ടത്തി​ലേക്ക്‌ എപ്രകാ​രം കടക്കാം എന്നതു ചിന്തിച്ചു ഞാൻ മണിക്കൂ​റു​കൾ ചെലവി​ട്ടു.”

ഒരു കളിയിൽ ഒരിക്ക​ലും അത്ര​യേറെ മുഴു​കാൻ കഴിയു​ക​യി​ല്ലെന്നു നിങ്ങൾ വിചാ​രി​ച്ചേ​ക്കാം. എന്നാൽ ടിവി പരിപാ​ടി​ക​ളും ചലച്ചി​ത്ര​ങ്ങ​ളും ആളുക​ളു​ടെ വികാ​ര​ങ്ങളെ നിയ​ന്ത്രി​ക്കുന്ന വിധ​ത്തെ​ക്കു​റി​ച്ചു ചിന്തി​ക്കുക—അവ അവരെ കരയി​ക്കു​ക​യും രോഷാ​കു​ല​രാ​ക്കു​ക​യും ആവേശ​ഭ​രി​ത​രാ​ക്കു​ക​യും ചെയ്യുന്നു. അങ്ങനെ​യെ​ങ്കിൽ, ഉത്തേജി​പ്പി​ക്കുന്ന ഒരു ഇതിവൃ​ത്ത​ത്തോ​ടും അസാധാ​ര​ണ​മായ കഥാപാ​ത്ര​ങ്ങ​ളോ​ടും കണ്ണഞ്ചി​പ്പി​ക്കുന്ന പ്രത്യേക പ്രഭാ​വ​ങ്ങ​ളോ​ടും കൂടി​യ​തെന്നു മാത്രമല്ല, നിങ്ങളെ സൂപ്പർഹീ​റോ​യു​മാ​ക്കുന്ന ഒരു പ്രോ​ഗ്രാ​മി​നെ​ക്കു​റി​ച്ചു സങ്കൽപ്പി​ക്കുക. അതിൽ അപ്പാടെ മുഴു​കി​യി​രി​ക്കു​ന്നതു ചെറു​ക്കാൻ എളുപ്പ​മാ​ണോ? അതു​കൊണ്ട്‌, യാഥാർഥ്യ​ത്തിൽനി​ന്നു സങ്കൽപ്പത്തെ വേർതി​രി​ക്കാൻ ചില കളിക്കാർക്കു കഴിയാ​ത്ത​തിൽ അതിശ​യി​ക്കാ​നില്ല. ഒരു യുവാവ്‌ അനുസ്‌മ​രി​ക്കു​ന്നു: “എന്റെ കൈ ഒരു തോക്കാ​ണെന്നു വിചാ​രി​ച്ചു ഞാൻ അത്‌ ആളുകൾക്കു​നേരെ ചൂണ്ടു​ക​പോ​ലും ചെയ്‌തു. അക്രമാ​സ​ക്ത​മായ കളിക​ളി​ലേർപ്പെ​ടു​ന്ന​തി​ന്റെ ഫലം അത്രയ്‌ക്കു ചീത്തയാ​യി​രു​ന്നു.”

ജ്ഞാനപൂർവം തിര​ഞ്ഞെ​ടു​ക്കു​ക

കമ്പ്യൂട്ടർ, വീഡി​യോ കളികൾ ഉപയോ​ഗി​ക്കു​ന്ന​തി​നെ മാതാ​പി​താ​ക്കൾ വിലക്കു​ന്നി​ല്ലെ​ങ്കിൽപോ​ലും, സഭാ​പ്ര​സം​ഗി 2:14-ലെ ഈ ഉപദേശം യുവജ​നങ്ങൾ കണക്കി​ലെ​ടു​ക്കേ​ണ്ട​താണ്‌: “ജ്ഞാനിക്കു തലയിൽ കണ്ണുണ്ടു.” അതായത്‌, ജ്ഞാനി താൻ എവി​ടേ​ക്കാ​ണു പോകു​ന്നത്‌ എന്നു സൂക്ഷി​ക്കു​ക​യും മുന്നി​ലു​ള്ളതു കാണു​ക​യും ചെയ്യുന്നു എന്നർഥം. കമ്പ്യൂട്ടർ വിനോദ ലോക​ത്തിൽ ഇപ്പോൾതന്നെ ദൈവ​ജ്ഞാ​ന​ത്തി​നെ​തി​രായ പലതും അടങ്ങി​യി​രി​ക്കു​ന്നു എന്നതു വാസ്‌ത​വ​മാണ്‌. (2 കൊരി​ന്ത്യർ 10:5 താരത​മ്യം ചെയ്യുക.) സോഫ്‌റ​റ്‌വെയർ മാന്ത്രി​ക​ന്മാർ അടുത്ത​താ​യി രംഗത്തി​റ​ക്കു​ന്നത്‌ എന്തായി​രി​ക്കു​മെന്ന്‌ ആർക്കറി​യാം? അതു​കൊ​ണ്ടു ഏതൊരു യുവാ​വും ഒരു ഗെയിം വാങ്ങു​ക​യോ കളിക്കു​ക​യോ വാടക​യ്‌ക്കെ​ടു​ക്കു​ക​യോ ചെയ്യു​ന്ന​തി​നു​മുമ്പ്‌, ‘അത്‌ എന്തി​നെ​ക്കു​റി​ച്ചു​ള്ള​താണ്‌? അതിന്റെ പേര്‌ ഗൂഢവി​ദ്യ​കളെ അർഥമാ​ക്കു​ന്നു​ണ്ടോ? കവറി​ന്മേ​ലുള്ള ചിത്രം ബീഭത്സ​മായ അക്രമത്തെ ചിത്രീ​ക​രി​ക്കു​ന്നു​ണ്ടോ?’ എന്നെല്ലാം സ്വയം ചോദി​ക്കണം.

അങ്ങേയറ്റം പോയാൽ ഇലക്‌​ട്രോ​ണിക്ക്‌ കളികൾ അൽപ്പം ആസ്വാ​ദ​ന​വും വിദ്യ​യും പ്രദാനം ചെയ്‌തേ​ക്കാം. എന്നാൽ, നിങ്ങളു​ടെ വില​യേ​റിയ സമയത്തി​ന്റെ ഏറിയ​പ​ങ്കും അതിനു​വേണ്ടി ചെലവ​ഴി​ക്കത്തക്ക മൂല്യ​മു​ള്ള​താ​ണോ അത്‌? നേരത്തെ പ്രതി​പാ​ദി​ച്ചി​രുന്ന പതിനാ​ലു വയസ്സു​കാ​രൻ സാം പറയുന്നു: “വീഡി​യോ ഗെയി​മു​കൾ പാടി​ല്ലെ​ന്നൊ​ന്നും ഡാഡി ഒരിക്ക​ലും പറഞ്ഞി​ട്ടില്ല. എന്നാൽ, ‘ഒരു ബട്ടൺ അമർത്തു​മ്പോൾ, സ്‌ക്രീ​നി​നു കുറുകെ ആരെങ്കി​ലും ഓടു​ന്ന​തോ ചാടു​ന്ന​തോ കാണു​ന്ന​തിൽ ഇത്രയ​ധി​കം രസിക്കാൻ എന്തിരി​ക്കു​ന്നു?’ എന്ന്‌ അദ്ദേഹം ചോദി​ച്ചി​ട്ടുണ്ട്‌.” “ഇപ്പോൾ ഞങ്ങളും ചിന്തി​ക്കു​ന്നത്‌ അത്തരത്തി​ലാണ്‌,” അവന്റെ സഹോ​ദ​ര​നായ ഡാൻ കൂട്ടി​ച്ചേർക്കു​ന്നു.

അതേ, വായന, കൗശല​പ്പ​ണി​ക​ളി​ലും കൈ​ത്തൊ​ഴി​ലു​ക​ളി​ലും ഏർപ്പെടൽ, ആരോ​ഗ്യാ​വ​ഹ​മായ കായി​ക​വി​നോ​ദ​ങ്ങ​ളിൽ പങ്കെടു​ക്കൽ, പാട്ടു​പാ​ടൽ, അല്ലെങ്കിൽ ഒരു സംഗീ​തോ​പ​ക​രണം വായി​ക്കാൻ പഠിക്കൽ തുടങ്ങി നിങ്ങൾക്ക്‌ ആസ്വദി​ക്കാൻ പറ്റിയ—ഒരുപക്ഷേ കൂടുതൽ ഫലദാ​യ​ക​മായ—മറ്റു കാര്യ​ങ്ങ​ളു​ണ്ടെ​ന്നതു മറക്കരുത്‌. “ദൈവ​ഭ​ക്തി​ക്കു തക്കവണ്ണം അഭ്യാസം” ചെയ്യു​ന്ന​തി​നാ​യി സമയം ചെലവ​ഴി​ക്കു​ന്നത്‌ ഏറെ പ്രയോ​ജ​ന​ക​ര​മാ​യി​രി​ക്കും. (1 തിമൊ​ഥെ​യൊസ്‌ 4:7) അപ്രകാ​രം ചെയ്യു​ന്നത്‌ ഏതെങ്കി​ലും ഇലക്‌​ട്രോ​ണിക്‌ കളിയി​ലേർപ്പെ​ടു​ന്ന​തി​നെ​ക്കാൾ വളരെ വിലയു​ള്ള​താ​യി​രി​ക്കും.

[13-ാം പേജിലെ ആകർഷ​ക​വാ​ക്യം]

ഒരു പഠനത്തിൽ സർവേ ചെയ്യ​പ്പെ​ട്ട​വ​രിൽ തൊണ്ണൂ​റ്റേഴു ശതമാനം ചെറു​പ്പ​ക്കാർ “ഗെയി​മു​ക​ളോട്‌ ആസക്തി ഉണ്ടാകാ​നുള്ള സാധ്യ​ത​യു​ള്ള​താ​യി കരുതി”

[14-ാം പേജിലെ ചിത്രം]

അക്രമാസക്തമായ വീഡി​യോ കളിക​ളിൽ ഏർപ്പെ​ടു​ന്നതു നിങ്ങൾക്കു ദോഷം ചെയ്യു​മോ?