പുകയി​ല​യു​ടെ പ്രതി​വാ​ദി​കൾ ഊതി​വീർപ്പിച്ച ബലൂണു​കൾ വിക്ഷേ​പി​ക്കു​ന്നു

ലണ്ടൻ 1940-കളിൽ ഉപരോ​ധ​ത്തിൻ കീഴി​ലുള്ള ഒരു നഗരമാ​യി​രു​ന്നു. ജർമൻ പോർവി​മാ​ന​ങ്ങ​ളും ബോംബർ വിമാ​ന​ങ്ങ​ളും ഭീതി​യും വിനാ​ശ​വും വാരി​വി​തച്ചു. അപ്പോ​ഴത്തെ അവസ്ഥ അത്ര ദാരു​ണ​മ​ല്ലാ​യി​രു​ന്നെ​ങ്കിൽ, അവിടത്തെ നിവാ​സി​കൾ ഒരു വിചി​ത്ര​മായ കാഴ്‌ച​യാൽ രസിക്കു​മാ​യി​രു​ന്നു.

കേബി​ളു​കൾകൊ​ണ്ടു ബന്ധിച്ചി​രുന്ന ആയിര​ക്ക​ണ​ക്കി​നു വലിയ ബലൂണു​കൾ തലയ്‌ക്കു​മീ​തെ തത്തിക്ക​ളി​ച്ചു. അവയുടെ ഉദ്ദേശ്യം വിമാ​നങ്ങൾ താഴ്‌ന്ന്‌ പറന്ന്‌ വ്യോ​മാ​ക്ര​മണം നടത്താ​തി​രി​ക്ക​യും കഴിയു​മെ​ങ്കിൽ ഏതാനും ബോംബർ വിമാ​ന​ങ്ങളെ ഉടക്കി​നിർത്തു​ക​യു​മാ​യി​രു​ന്നു. ബലൂൺ പ്രതി​രോ​ധം ബുദ്ധി​പൂർവം തയ്യാറാ​ക്കി​യ​താ​യി​രു​ന്നെ​ങ്കി​ലും അതിനു വളരെ കുറഞ്ഞ വിജയമേ ലഭിച്ചു​ള്ളൂ.

സമാന​മാ​യി, തങ്ങൾ ഉപരോ​ധ​ത്തിൻ കീഴി​ലാ​ണെന്നു സിഗരറ്റ്‌ കമ്പനികൾ മനസ്സി​ലാ​ക്കി​യി​രി​ക്കു​ന്നു. വ്യാപി​ച്ചു​കൊ​ണ്ടി​രി​ക്കുന്ന പുകയില സാമ്രാ​ജ്യ​ങ്ങൾ എല്ലാ വശത്തു​നി​ന്നും ആക്രമി​ക്ക​പ്പെ​ടു​ക​യാണ്‌, ഒരിക്കൽ അവ രാഷ്ട്രീ​യ​വും സാമ്പത്തി​ക​വു​മായ ശക്തിയു​ടെ അജയ്യമായ കോട്ട​ക​ളാ​യി​രു​ന്നു.

വൈദ്യ​ശാ​സ്‌ത്ര സമൂഹം തെറ്റു ചൂണ്ടി​ക്കാ​ണി​ക്കുന്ന അവരുടെ പഠനങ്ങൾ ധാരാ​ള​മാ​യി പ്രസി​ദ്ധീ​ക​രി​ക്കു​ന്നു. കുരി​ശു​യു​ദ്ധം നടത്തുന്ന ആരോഗ്യ പരിപാ​ലക ഉദ്യോ​ഗ​സ്ഥൻമാർ ഈ സ്ഥിതി​വി​ശേ​ഷ​ത്തിൽനി​ന്നു മുത​ലെ​ടു​ക്കാൻ ശ്രമി​ക്കു​ന്നു. തങ്ങളുടെ കുട്ടി​കളെ ഇരകളാ​ക്കി​യി​രി​ക്കു​ന്നു എന്നു കോപാ​കു​ല​രായ മാതാ​പി​താ​ക്കൾ ആരോ​പി​ക്കു​ന്നു. അരയും തലയും മുറു​ക്കിയ നിയമ​നിർമാ​താ​ക്കൾ ഓഫീസ്‌ കെട്ടി​ട​ങ്ങ​ളി​ലും റെസ്റ്ററ​ന്റു​ക​ളി​ലും സൈനിക സ്ഥാപന​ങ്ങ​ളി​ലും വിമാ​ന​ങ്ങ​ളി​ലും പുകവലി നിരോ​ധി​ച്ചി​രി​ക്കു​ന്നു. പല രാജ്യ​ങ്ങ​ളി​ലും ടെലി​വി​ഷ​നി​ലും റേഡി​യോ​യി​ലും പുകയില പരസ്യങ്ങൾ വിലക്കി​യി​രി​ക്കു​ന്നു. ഐക്യ​നാ​ടു​ക​ളിൽ, എല്ലാ സംസ്ഥാ​ന​ങ്ങ​ളും ആരോ​ഗ്യ​പ​രി​പാ​ലന ചെലവു​കൾക്കാ​യി ലക്ഷക്കണ​ക്കി​നു ഡോള​റു​കൾ മുടക്കി കേസു നടത്തു​ക​യാണ്‌. ഈ പോരാ​ട്ട​ത്തിൽ വക്കീലൻമാർ പോലും പങ്കു​ചേ​രു​ന്നു.

അതു​കൊണ്ട്‌, അവരുടെ ആക്രമ​ണ​ങ്ങളെ ചെറു​ത്തു​നിൽക്കാ​നുള്ള ശ്രമത്തിൽ, പുകയില കമ്പനികൾ സ്വയം സംരക്ഷി​ക്കാ​നുള്ള നടപടി​കൾ തുടങ്ങി​യി​രി​ക്ക​യാണ്‌. എന്നിരു​ന്നാ​ലും, അവർ വളരെ​യ​ധി​കം വീമ്പി​ള​ക്കു​ന്ന​തു​പോ​ലെ തോന്നു​ന്നു.

അമർഷം പൂണ്ട നിയമ​നിർമാ​താ​ക്ക​ളും ഗവൺമെൻറ്‌ ആരോഗ്യ ഉദ്യോ​ഗ​സ്ഥൻമാ​രും പുകയില വ്യവസാ​യ​ത്തി​നെ​തി​രെ ശക്തമായ ആക്രമണം നടത്തു​ന്നത്‌ കഴിഞ്ഞ വർഷം ഐക്യ​നാ​ടു​ക​ളി​ലെ പൊതു​ജ​നങ്ങൾ അടുത്തു വീക്ഷി​ക്കു​ക​യു​ണ്ടാ​യി. 1994 ഏപ്രി​ലിൽ യു.എസ്‌. കോൺഗ്ര​സി​ന്റെ ഒരു കമ്മിറ്റി​യു​ടെ മുമ്പാ​കെ​വെച്ചു നടന്ന വിചാ​ര​ണ​യിൽ ഏഴു വലിയ അമേരി​ക്കൻ കമ്പനി​ക​ളിൽനി​ന്നുള്ള എക്‌സി​ക്യു​ട്ടീ​വു​കൾക്കു കുറ്റ​പ്പെ​ടു​ത്തുന്ന സ്ഥിതി​വി​വ​ര​ക്ക​ണ​ക്കു​കളെ നേരി​ടേ​ണ്ടി​വന്നു: 4,00,000 അമേരി​ക്ക​ക്കാ​രാണ്‌ ഓരോ വർഷവും മരിച്ചു​കൊ​ണ്ടി​രി​ക്കു​ന്നത്‌, കൂടുതൽ പേർ രോഗി​ക​ളും മരണ​ത്തോട്‌ അടു​ത്തെ​ത്തി​യി​രി​ക്കു​ന്ന​വ​രും ആസക്തരു​മാണ്‌.

സ്വയം പ്രതി​വാ​ദി​ക്കാൻ അവർ എന്താണ്‌ പറഞ്ഞത്‌? പോരാ​ടാൻ ഒരുങ്ങി​വന്ന എക്‌സി​ക്യു​ട്ടി​വു​കൾ തങ്ങളുടെ പ്രതി​വാ​ദ​ത്തി​നാ​യി രസകര​മായ ചില പ്രസ്‌താ​വ​നകൾ നടത്തി: “പുകവലി . . . രോഗ​ങ്ങൾക്കു കാരണ​മാ​ണെന്ന്‌ ഇനിയും തെളി​യി​ക്കേ​ണ്ടി​യി​രി​ക്കു​ന്നു,” ഒരു പുകയില കമ്പനി​യു​ടെ വക്താവു പ്രസ്‌താ​വി​ച്ചു. മാത്രമല്ല, മിഠായി തിന്നു​ന്ന​തോ കാപ്പി കുടി​ക്കു​ന്ന​തോ പോലുള്ള ആസ്വാ​ദ്യ​മായ മറ്റേ​തൊ​രു പ്രവർത്ത​ന​ത്തെ​യും പോ​ലെ​യാ​ണു പുകവലി ശീലം എന്നു ചിത്രീ​ക​രി​ക്ക​പ്പെ​ടു​ക​യു​ണ്ടാ​യി. “നിക്കോ​ട്ടി​ന്റെ സന്നിദ്ധ്യം സിഗര​റ്റി​നെ ഒരു മയക്കു​മ​രു​ന്നാ​യോ പുകവ​ലി​യെ ഒരു ആസക്തി​യാ​യോ മാറ്റു​ന്നില്ല,” ഒരു പുകയില കമ്പനി​യു​ടെ ചീഫ്‌ എക്‌സി​ക്യു​ട്ടിവ്‌ ഓഫീസർ പറഞ്ഞു. “സിഗര​റ്റു​ക​ളിൽ ഏതൊ​ര​ള​വി​ലു​മുള്ള നിക്കോ​ട്ടിൻ ആസക്തി​യു​ള​വാ​ക്കു​ന്നു എന്ന കാര്യം ശരിയല്ല” എന്ന്‌ ഒരു പുകയി​ല​ക്ക​മ്പനി ശാസ്‌ത്രജ്ഞൻ പ്രസ്‌താ​വി​ച്ചു.

സിഗര​റ്റു​കൾ ആസക്തി​യു​ള​വാ​ക്കു​ന്ന​ത​ല്ലെ​ങ്കിൽ, തങ്ങളുടെ ഉത്‌പ​ന്ന​ങ്ങ​ളി​ലെ നിക്കോ​ട്ടിൻ അളവു​ക​ളിൽ വ്യത്യാ​സം വരുത്താൻ പുകയില കമ്പനികൾ ശ്രമി​ച്ചത്‌ എന്തു​കൊ​ണ്ടാണ്‌? കമ്മിറ്റി തിരി​ച്ച​ടി​ച്ചു. “രുചിക്ക്‌,” മറ്റൊരു പുകയില കമ്പനി​യു​ടെ എക്‌സി​ക്യു​ട്ടിവ്‌ വിശദീ​ക​രി​ച്ചു. രുചി​യി​ല്ലാത്ത സിഗര​റ്റി​നെ​ക്കാൾ മോശ​മായ എന്തെങ്കി​ലു​മു​ണ്ടോ? നിക്കോ​ട്ടി​ന്റെ ആസക്തി​യെ​ക്കു​റി​ച്ചു സൂചി​പ്പി​ക്കുന്ന അദ്ദേഹ​ത്തി​ന്റെ​തന്നെ കമ്പനി​യു​ടെ ഫയലു​ക​ളിൽനി​ന്നുള്ള അനേകം ഗവേഷണ വിവരങ്ങൾ കാട്ടി​യ​പ്പോൾ അദ്ദേഹം തന്റെ കഥയോ​ടു പറ്റിനിൽക്കു​ക​യാ​ണു ചെയ്‌തത്‌.

പുകയി​ല​യു​ടെ ഇരക​ളെ​ക്കൊണ്ട്‌ സെമി​ത്തേ​രി​കൾ എത്രമാ​ത്രം നിറഞ്ഞാ​ലും അദ്ദേഹ​വും മറ്റുള്ള ചിലരും ആ അഭി​പ്രാ​യ​ത്തോ​ടു പറ്റിനിൽക്കു​മെ​ന്നതു വ്യക്തം. 1993-ന്റെ തുടക്ക​ത്തിൽ അമേരി​ക്കൻ മെഡിക്കൽ അസോ​സി​യേ​ഷന്റെ ബോർഡ്‌ ഓഫ്‌ ട്രസ്റ്റീ​സി​ന്റെ അധ്യക്ഷ​നായ ഡോ. ലോണീ ബ്രിസ്റ്റോ രസകര​മായ ഒരു വെല്ലു​വി​ളി ഉയർത്തി. ദ ജേണൽ ഓഫ്‌ അമേരി​ക്കൻ മെഡിക്കൽ അസോ​സി​യേഷൻ ഇങ്ങനെ റിപ്പോർട്ടു ചെയ്യുന്നു: “തന്റെ കൂടെ ആശുപ​ത്രി വാർഡു​ക​ളിൽക്കൂ​ടി നടന്ന്‌ പുകവലി ഉളവാ​ക്കുന്ന ഫലങ്ങളിൽ ഒന്ന്‌—ശ്വാസ​കോശ അർബുദം പിടി​പെട്ട രോഗി​ക​ളെ​യും ശ്വാസ​കോ​ശ​സം​ബ​ന്ധ​മാ​യി വേറെ അസുഖ​ങ്ങ​ളു​ള്ള​വ​രെ​യും—നോക്കി​ക്കാ​ണാൻ ഐക്യ​നാ​ടു​ക​ളി​ലെ പ്രമുഖ പുകയില കമ്പനി​ക​ളു​ടെ എക്‌സി​ക്യു​ട്ടി​വു​കളെ അദ്ദേഹം ക്ഷണിച്ചു. ആരും ആ ക്ഷണം സ്വീക​രി​ക്കു​ക​യു​ണ്ടാ​യില്ല.”

തൊഴി​ലി​ല്ലായ്‌മ പെരു​കുന്ന ഒരു ലോക​സ​മ്പ​ദ്‌വ്യ​വ​സ്ഥ​യിൽ അതു നല്ല തൊഴിൽ പ്രദാനം ചെയ്യു​ന്നു​വെന്ന്‌ പുകയില വ്യവസാ​യം അഹങ്കരി​ക്കു​ന്നു. ഉദാഹ​ര​ണ​ത്തിന്‌, അർജൻറീ​ന​യിൽ ഈ വ്യവസാ​യം 10 ലക്ഷം തൊഴി​ല​വ​സ​രങ്ങൾ സൃഷ്ടി​ക്കു​ന്നു, കൂടാതെ പരോ​ക്ഷ​മാ​യി 40 ലക്ഷം തൊഴി​ല​വ​സ​ര​ങ്ങ​ളും ഇതി​നോ​ടു ബന്ധപ്പെ​ട്ടി​രി​ക്കു​ന്നു. വൻ വരുമാന നികു​തി​കൾ അടയ്‌ക്കു​മ്പോൾ പുകയില കമ്പനി​കൾക്കു പല ഗവൺമെൻറു​ക​ളു​ടെ​യും ആശിർവാ​ദം ലഭിക്കു​ന്നു.

ഒരു പുകയി​ല​ക്ക​മ്പനി ഉദാര​മായ സംഭാ​വ​ന​ക​ളാൽ ന്യൂന​പ​ക്ഷ​ങ്ങളെ സഹായി​ക്കു​ക​യാണ്‌—പൊതു​കാ​ര്യ​ങ്ങ​ളി​ലുള്ള താത്‌പ​ര്യ​മെ​ന്നല്ലേ തോന്നൂ. എന്നിരു​ന്നാ​ലും, ഈ “നിയോ​ജ​ക​മണ്ഡല വികസന ബജറ്റി”ന്റെ യഥാർഥ ഉദ്ദേശ്യം സാധ്യ​ത​യുള്ള വോട്ടർമാ​രു​ടെ ഇടയിൽ ഒരു സമ്മതഭാ​വം വളർത്തി​യെ​ടു​ക്കു​ക​യാ​യി​രു​ന്നു​വെന്ന്‌ കമ്പനി​ക്കു​ള്ളി​ലെ രേഖകൾ വെളി​പ്പെ​ടു​ത്തി.

മ്യൂസി​യ​ങ്ങൾ, വിദ്യാ​ല​യങ്ങൾ, നൃത്ത അക്കാദ​മി​കൾ, സംഗീത സ്ഥാപനങ്ങൾ തുടങ്ങി​യ​വ​യ്‌ക്ക്‌ വലിയ സംഭാ​വ​നകൾ ചെയ്‌തു​കൊണ്ട്‌ കലാരം​ഗ​ങ്ങ​ളി​ലും അതേ പുകയില കമ്പനി സ്‌നേ​ഹി​തരെ സമ്പാദി​ച്ചി​രി​ക്കു​ന്നു. വളരെ ആവശ്യ​മാ​യി​രി​ക്കുന്ന പുകയി​ല​പ്പണം കൈനീ​ട്ടി വാങ്ങാൻ കലാസം​ഘ​ട​ന​ക​ളി​ലെ ഉദ്യോ​ഗ​സ്ഥൻമാർ കച്ചകെ​ട്ടി​യി​റ​ങ്ങു​ന്നു. അടുത്ത​കാ​ലത്ത്‌, പുകവ​ലി​വി​രുദ്ധ നിയമ​നിർമാ​ണ​ത്തി​നെ​തി​രെ​യുള്ള ശ്രമങ്ങളെ അനുകൂ​ലി​ച്ചു​കൊണ്ട്‌ തങ്ങളുടെ ശബ്ദമു​യർത്താൻ അതേ പുകയില കമ്പനി അവരെ ആഹ്വാനം ചെയ്‌ത​പ്പോൾ ന്യൂ​യോർക്ക്‌ നഗരത്തി​ലെ കലാസ​മു​ദാ​യ​ത്തിൽപ്പെട്ട അംഗങ്ങൾ തീർത്തും വിഷമ​സ​ന്ധി​യി​ലാ​യി.

തീർച്ച​യാ​യും രാഷ്ട്രീ​യ​ക്കാർക്കു പണം വിതറാൻ മടിയു​ള്ള​വ​രൊ​ന്നു​മല്ല സമ്പന്നരായ ഈ പുകയില വമ്പൻമാർ, ആ രാഷ്ട്രീ​യ​ക്കാർക്കാ​വട്ടെ പുകയില താത്‌പ​ര്യ​ങ്ങൾക്കെ​തി​രെ​യുള്ള ഏതെങ്കി​ലും നിർദേ​ശ​ങ്ങൾക്കെ​തി​രെ തങ്ങളുടെ സ്വാധീ​നം ഉപയോ​ഗി​ക്കാൻ കഴിയും. ഉന്നതസ്ഥാ​ന​ങ്ങ​ളി​ലെ ഗവൺമെൻറ്‌ ഉദ്യോ​ഗ​സ്ഥൻമാർ പുകയില കമ്പനി​ക​ളു​ടെ പക്ഷത്തെ ന്യായീ​ക​രി​ക്കുക പോലും ചെയ്‌തി​ട്ടുണ്ട്‌. ചിലർക്ക്‌ ഈ വ്യവസാ​യ​വു​മാ​യി സാമ്പത്തിക ബന്ധങ്ങളുണ്ട്‌, അല്ലെങ്കിൽ പുകയി​ല​പ്പ​ണം​കൊണ്ട്‌ തിര​ഞ്ഞെ​ടു​പ്പു പ്രചര​ണ​ത്തി​നു പിൻബലം ലഭിക്കു​മ്പോൾ അവർക്കു പ്രത്യു​പ​കാ​രം ചെയ്യാ​നുള്ള കടപ്പാടു തോന്നു​ന്നു.

യു.എസ്‌. പാർല​മെൻറി​ലെ ഒരുവൻ സിഗരറ്റു കമ്പനി​ക​ളിൽനിന്ന്‌ 21,000 ഡോളർ കൈപ്പ​റ്റി​യ​താ​യി റിപ്പോർട്ട്‌ ചെയ്യ​പ്പെ​ടു​ന്നുണ്ട്‌, തത്‌ഫ​ല​മാ​യി, ഏതാനും പുകയി​ല​വി​രുദ്ധ വിവാ​ദ​വി​ഷ​യ​ങ്ങ​ളിൽ അദ്ദേഹം പ്രതി​കൂ​ല​മാ​യി വോട്ടു ചെയ്‌തു.

മുമ്പ്‌ പുകയി​ലയെ അനുകൂ​ലിച്ച്‌ ധാരാളം പണം വാരി​ക്കൂ​ട്ടി​യി​രുന്ന, ഒരിക്കൽ സ്‌റ്റേറ്റ്‌ സെനറ്റ​റും വലിയ പുകവ​ലി​ക്കാ​ര​നു​മാ​യി​രുന്ന ഒരുവൻ അടുത്ത​കാ​ലത്ത്‌ തനിക്ക്‌ തൊണ്ട​യി​ലും ശ്വാസ​കോ​ശ​ത്തി​ലും കരളി​ലും കാൻസ​റു​ണ്ടെന്നു കണ്ടെത്തി. ഇപ്പോൾ അദ്ദേഹ​ത്തി​നു വലിയ ഖേദമുണ്ട്‌, “സ്വയം വരുത്തി​വെച്ച വിന​കൊണ്ട്‌ രോഗി​യാ​യി​രി​ക്കു​ന്നു” എന്നു വിലപി​ക്കു​ന്നത്‌ ഒരു വിഡ്‌ഢി​യെ​പ്പോ​ലെ തോന്നാ​നേ ഇടയാ​ക്കു​ക​യു​ള്ളൂ.

പരസ്യ​പ്പെ​ടു​ത്താൻ ഉപയോ​ഗി​ക്കുന്ന ഡോള​റി​ന്റെ ശക്തി​കൊണ്ട്‌, പുകയില ഭീമൻമാർ എതിർപ്പി​നെ ശക്തമായി ആക്രമി​ക്കു​ക​യാണ്‌. “ഇന്ന്‌ സിഗരറ്റ്‌, നാളെ​യോ?” എന്നു മുന്നറി​യി​പ്പു കൊടു​ത്തു​കൊണ്ട്‌ ഒരു പരസ്യം സ്വാത​ന്ത്ര്യ​ത്തി​ന്റെ പതാക വീശു​ക​യാണ്‌. ഭ്രാന്ത​മെന്നു പറയ​പ്പെ​ടുന്ന വിലക്കു​കൾക്ക്‌ അടുത്ത തവണ ഇരയാ​യി​ത്തീ​രു​ന്നത്‌ കഫീനും മദ്യവും ഇറച്ചി​യ​പ്പ​വും (hamburger) ഒക്കെയാ​യി​രി​ക്കും എന്നാണ്‌ അതിന്റെ വിവക്ഷ.

പുകവ​ലി​ച്ചു​വി​ടുന്ന ധൂമം വിഷമു​ള്ള​താ​ണെന്നു പട്ടിക​പ്പെ​ടു​ത്തിയ, വ്യാപ​ക​മാ​യി ഉദ്ധരി​ക്ക​പ്പെ​ടുന്ന, യു.എസ്‌. പരിസ്ഥി​തി സംരക്ഷണ ഏജൻസി​യു​ടെ പഠനം തെറ്റാ​ണെന്നു വരുത്തി​ത്തീർക്കാൻ പത്രപ​ര​സ്യ​ങ്ങൾ ശ്രമി​ച്ചി​ട്ടുണ്ട്‌. ഒരു നിയമ​യു​ദ്ധം നടത്താ​നുള്ള ഉദ്ദേശ്യ​ത്തെ​ക്കു​റിച്ച്‌ പുകയില വ്യവസാ​യം പറയു​ക​യു​ണ്ടാ​യി. ആസക്തി കൂട്ടാൻ നിക്കോ​ട്ടി​ന്റെ അളവിൽ തിരി​മ​റി​കൾ വരുത്തു​ന്ന​താ​യി ഒരു ടെലി​വി​ഷൻ പരിപാ​ടി ഒരു കമ്പനിയെ കുറ്റ​പ്പെ​ടു​ത്തി. ആ പരിപാ​ടി ടെലി​വി​ഷൻ നെറ്റ്‌വർക്കി​ലൂ​ടെ അവതരി​പ്പി​ച്ച​തി​നെ​ത്തു​ടർന്ന്‌ ഉടൻതന്നെ 1,000 കോടി ഡോള​റി​ന്റെ ഒരു കേസ്‌ നടക്കു​ക​യു​ണ്ടാ​യി.

പുകയില കമ്പനികൾ ശക്തമായി പൊരു​തി​യി​രി​ക്കു​ന്നു, എന്നാൽ അവർക്കെ​തി​രെ​യുള്ള ആരോ​പണം കൂടി​വ​രി​ക​യാണ്‌. കഴിഞ്ഞ നാലു ദശകങ്ങ​ളി​ലാ​യി ഏതാണ്ട്‌ 50,000 പഠനങ്ങൾ നടത്തി​യി​ട്ടുണ്ട്‌, ഫലമോ, പുകയില ഉപയോ​ഗ​ത്തി​ന്റെ അപകടങ്ങൾ സംബന്ധിച്ച തെളി​വി​ന്റെ സദാ വർധി​ച്ചു​വ​രുന്ന ഒരു ബൃഹത്‌കൂ​മ്പാ​രം​തന്നെ.

സിഗരറ്റു കമ്പനി​കൾക്കു നേരെ തൊടു​ത്തു​വി​ട്ടി​ട്ടുള്ള ആരോ​പ​ണ​ങ്ങളെ അവ എങ്ങനെ​യാ​ണു വെട്ടി​ച്ചു​മാ​റാൻ ശ്രമി​ച്ചി​ട്ടു​ള്ളത്‌? വസ്‌തു​ത​യെന്നു കരുത​പ്പെ​ടുന്ന ഒരു സംഗതി​യോട്‌ അവ മർക്കട​മു​ഷ്ടി​യോ​ടെ പറ്റിനിൽക്കു​ന്നു: പുകവ​ലി​ക്കാർ പുകവലി നിർത്തു​ന്നു. അതു​കൊണ്ട്‌ അവർ പറയു​ന്നത്‌ നിക്കോ​ട്ടിൻ ആസക്തി​യു​ള​വാ​ക്കു​ന്നതല്ല എന്നാണ്‌. എന്നിരു​ന്നാ​ലും, സ്ഥിതി​വി​വ​ര​ക്ക​ണ​ക്കു​കൾ കാണി​ക്കു​ന്നത്‌ മറിച്ചാണ്‌. നാലു കോടി അമേരി​ക്ക​ക്കാർ പുകവലി ഉപേക്ഷി​ച്ചി​രി​ക്കു​ന്നു​വെ​ന്നതു സത്യമാണ്‌. എന്നാൽ, അഞ്ചു കോടി പേർ ഇപ്പോ​ഴും പുകവ​ലി​ക്കു​ന്നു, ഇവരിൽ 70 ശതമാനം പേരും പറയു​ന്നത്‌ തങ്ങൾ പുകവലി നിർത്താൻ ആഗ്രഹി​ക്കു​ന്നു​വെ​ന്നാണ്‌. ഓരോ വർഷവും പുകവലി നിർത്താൻ ശ്രമി​ക്കുന്ന 1.7 കോടി പേരിൽ 90 ശതമാ​ന​വും ഒരു വർഷത്തി​നു​ള്ളിൽ പരാജ​യ​പ്പെ​ടു​ന്നു.

ശ്വാസ​കോ​ശ അർബുദം നിമിത്തം ശസ്‌ത്ര​ക്രി​യ​യ്‌ക്കു വിധേ​യ​മാ​യ​ശേഷം, യു.എസ്‌. പുകവ​ലി​ക്കാ​രിൽ ഏതാണ്ട്‌ 50 ശതമാ​ന​വും ആ ശീലത്തി​ലേക്കു മടങ്ങി​വ​രു​ന്നു. ഹൃദയ​സ്‌തം​ഭ​ന​മു​ണ്ടായ പുകവ​ലി​ക്കാ​രിൽ 38 ശതമാനം പേരും ആശുപ​ത്രി വിടു​ന്ന​തി​നു​മുമ്പ്‌ വീണ്ടും പുകവലി തുടങ്ങു​ന്നു. കാൻസർ ബാധിച്ച സ്വന​പേ​ടകം നീക്കം ചെയ്‌ത​വ​രിൽ അമ്പതു ശതമാനം പേരും വീണ്ടും പുകവ​ലി​ക്കാൻ ശ്രമി​ക്കു​ന്നു.

ഐക്യ​നാ​ടു​ക​ളി​ലെ പുകവ​ലി​ക്കാ​രായ ലക്ഷക്കണ​ക്കി​നു കൗമാ​ര​പ്രാ​യ​ക്കാ​രു​ടെ നാലിൽ മൂന്നു ഭാഗം പേരും പറയു​ന്നത്‌ പുകവലി നിർത്താൻ ഒരു തവണ​യെ​ങ്കി​ലും തങ്ങൾ കാര്യ​മാ​യി ശ്രമി​ച്ചി​ട്ടു​ണ്ടെ​ന്നും എന്നാൽ പരാജ​യ​പ്പെ​ട്ടു​വെ​ന്നു​മാണ്‌. അനേകം യുവാ​ക്കളെ സംബന്ധി​ച്ചി​ട​ത്തോ​ളം കടുപ്പ​മേ​റിയ മയക്കു​മ​രു​ന്നു​കൾ ഉപയോ​ഗി​ക്കു​ന്ന​തി​ലേ​ക്കുള്ള ഒരു ചവിട്ടു​പ​ടി​യാ​യി​രു​ന്നി​ട്ടുണ്ട്‌ പുകയില ഉപയോ​ഗം. പുകവ​ലി​ക്കാ​ത്തവർ കൊക്കയ്‌ൻ ഉപയോ​ഗി​ക്കാ​നുള്ള സാധ്യ​ത​യെ​ക്കാൾ 50 ഇരട്ടി കൂടു​ത​ലാണ്‌ പുകവ​ലി​ക്കാ​രായ കൗമാ​ര​പ്രാ​യ​ക്കാർ അതുപ​യോ​ഗി​ക്കാ​നുള്ള സാധ്യത. 13 വയസ്സുള്ള ഒരു പുകവ​ലി​ക്കാ​രി അതു സമ്മതി​ക്കു​ന്നു. “സിഗര​റ്റു​കൾ മയക്കു​മ​രു​ന്നി​ലേ​ക്കുള്ള ഒരു കവാട​മാ​ണെ​ന്നു​ള്ള​തിന്‌ എനിക്കു യാതൊ​രു സംശയ​വു​മില്ല,” അവൾ എഴുതി. “എനിക്ക​റി​യാ​വു​ന്ന​വ​രിൽ മൂന്നു പേരൊ​ഴി​കെ എല്ലാവ​രും മയക്കു​മ​രു​ന്നു​കൾ ഉപയോ​ഗി​ക്കു​ന്ന​തി​നു മുമ്പ്‌ പുകവ​ലി​ക്കാൻ തുടങ്ങി​യി​രു​ന്നു.”

ടാർ കുറവുള്ള സിഗര​റ്റു​കൾ സംബന്ധി​ച്ചെന്ത്‌? വാസ്‌ത​വ​ത്തിൽ, രണ്ടു കാരണ​ങ്ങ​ളാൽ അവ കൂടുതൽ അപകട​ക​ര​മാ​യി​രി​ക്കാൻ കഴിയു​മെന്ന്‌ പഠനങ്ങൾ പ്രകട​മാ​ക്കു​ന്നു: ഒന്ന്‌, തന്റെ ശരീരം അതിയാ​യി കാംക്ഷി​ക്കുന്ന നിക്കോ​ട്ടിൻ വലി​ച്ചെ​ടു​ക്കാൻ വേണ്ടി പുകവ​ലി​ക്കാ​രൻ കൂടുതൽ പുക ആഞ്ഞുവ​ലി​ക്കു​ന്നു. അങ്ങനെ ശ്വാസ​കോ​ശ​ത്തി​ലെ കൂടുതൽ പേശീ​ക​ലകൾ പുകയു​ടെ വിഷലി​പ്‌ത​ഫ​ല​ങ്ങൾക്കു വിധേ​യ​മാ​യി​ത്തീ​രു​ന്നു; രണ്ട്‌, “കൂടുതൽ ആരോ​ഗ്യ​പ്ര​ദ​മായ” സിഗര​റ്റാണ്‌ താൻ വലിക്കു​ന്ന​തെന്ന തെറ്റി​ദ്ധാ​രണ പുകവലി ഉപേക്ഷി​ക്കാ​നുള്ള ശ്രമം​തന്നെ ഉപേക്ഷി​ക്കാൻ അവനെ പ്രേരി​പ്പി​ച്ചേ​ക്കാം.

നിക്കോ​ട്ടി​നെ​ക്കു​റി​ച്ചു മാത്രം 2,000-ത്തിലധി​കം പഠനങ്ങൾ നടന്നി​ട്ടുണ്ട്‌. മനുഷ്യന്‌ അറിവാ​യി​ട്ടു​ള്ള​തിൽ ഏറ്റവും ആസക്തി​യു​ള​വാ​ക്കു​ന്ന​തും ഏറ്റവും ഹാനി​ക​ര​വു​മായ വസ്‌തു​ക്ക​ളിൽ ഒന്നാണ്‌ നിക്കോ​ട്ടി​നെന്ന്‌ അവ വെളി​പ്പെ​ടു​ത്തു​ന്നു. നിക്കോ​ട്ടിൻ ഹൃദയ​മി​ടി​പ്പി​നെ ത്വരി​ത​പ്പെ​ടു​ത്തു​ക​യും രക്തക്കു​ഴ​ലു​കളെ ചുരു​ക്കു​ക​യും ചെയ്യുന്നു. അത്‌ ഏഴു സെക്കൻഡു​കൊണ്ട്‌ രക്തത്തി​ലേക്കു വലി​ച്ചെ​ടു​ക്ക​പ്പെ​ടു​ന്നു—രക്തക്കു​ഴ​ലി​ലേക്കു നേരിട്ടു നൽകുന്ന ഒരു കുത്തി​വെ​പ്പി​നെ​ക്കാ​ളും വേഗത്തി​ലാണ്‌ അത്‌ സ്വാം​ശീ​ക​രി​ക്ക​പ്പെ​ടു​ന്നത്‌. അതു കൂടു​തൽക്കൂ​ടു​തൽ വേണമെന്ന വാഞ്‌ഛ തലച്ചോ​റിൽ ഉളവാ​ക്കു​ന്നു, ഈ ആഗ്രഹം ഹെറോ​യി​ന്റെ ആസക്തി​യെ​ക്കാൾ ഇരുമ​ട​ങ്ങാ​ണെ​ന്നാ​ണു ചിലർ പറയു​ന്നത്‌.

അവ നിഷേ​ധി​ക്കു​ന്നു​ണ്ടെ​ങ്കിൽപോ​ലും, നിക്കോ​ട്ടി​ന്റെ ആസക്തി​യു​ള​വാ​ക്കാ​നുള്ള കഴിവു സംബന്ധിച്ച്‌ പുകയില കമ്പനികൾ ബോധ​മു​ള്ള​വ​രാ​ണോ? ദീർഘ​കാ​ല​മാ​യി അവർക്ക്‌ അതറി​യാം എന്നുള്ള​തി​ന്റെ സൂചന​ക​ളുണ്ട്‌. ദൃഷ്ടാ​ന്ത​ത്തിന്‌, പരീക്ഷ​ണ​ശാ​ല​ക​ളി​ലെ എലികൾ ആസക്തി​യു​ടെ പൊതു ലക്ഷണങ്ങൾ പ്രകടി​പ്പി​ച്ചു​വെന്ന്‌ ഒരു പുകയില കമ്പനി​യി​ലെ ഒരു ഗവേഷകൻ നിരീ​ക്ഷി​ച്ച​താ​യി 1983-ലെ ഒരു റിപ്പോർട്ട്‌ പ്രകട​മാ​ക്കു​ന്നു. കൂടു​തൽക്കൂ​ടു​തൽ നിക്കോ​ട്ടിൻ കിട്ടാൻ വേണ്ടി അവ ബാറു​ക​ളിൽ തട്ടുന്നു​ണ്ടാ​യി​രു​ന്നു. എന്നാൽ, ആ പഠനത്തെ പുകയില വ്യവസാ​യം പെട്ടെന്ന്‌ അടിച്ച​മർത്തി​യ​താ​യി റിപ്പോർട്ടു ചെയ്യ​പ്പെ​ടു​ന്നു, അടുത്ത കാലത്തു മാത്ര​മാണ്‌ അതു വെളി​ച്ചത്തു വന്നത്‌.

പീരങ്കി​കൾ എല്ലാ വശത്തു​നി​ന്നും വെടി​യുണ്ട ഉതിർത്തു​കൊ​ണ്ടി​രി​ക്കെ പുകയില വമ്പൻമാർ അലസമാ​യി​രു​ന്നി​ട്ടില്ല. “യു.എസ്‌. ബിസി​നസ്സ്‌ ചരി​ത്ര​ത്തി​ലെ ഏറ്റവും ദീർഘ​കാ​ല​മാ​യി നിലനി​ന്നു​പോ​ന്നി​ട്ടുള്ള തെറ്റി​ദ്ധാ​രണാ സംരംഭം” എന്ന്‌ ദ വാൾ സ്‌ട്രീറ്റ്‌ ജേണൽ വിളി​ക്കു​ന്ന​താണ്‌ ന്യൂ​യോർക്ക്‌ നഗരത്തി​ലെ കൗൺസിൽ ഫോർ റ്റുബാ​ക്കോ റിസേർച്ച്‌ നടത്തു​ന്നത്‌.

സ്വതന്ത്ര ഗവേഷണം നടത്തുന്നു എന്നതിന്റെ പേരിൽ ആക്രമ​ണ​കാ​രി​ക​ളോ​ടു പൊരു​തു​ന്ന​തിൽ ഈ കൗൺസിൽ ലക്ഷക്കണ​ക്കി​നു ഡോളർ നിക്ഷേ​പി​ച്ചി​രി​ക്കു​ന്നു. പുകയില ടാർ എലിക​ളു​ടെ പുറത്ത്‌ തേച്ച​പ്പോൾ അതു കാൻസർ ഉളവാക്കി എന്ന്‌ മെമ്മോ​റി​യൽ സ്ലോവൻ കെറ്ററിങ്‌ കാൻസർ സെന്ററി​ലെ ഡോ. ഏൺസ്റ്റ്‌ വിൻഡർ 1953-ൽ കണ്ടുപി​ടി​ച്ച​പ്പോ​ഴാണ്‌ ഇതെല്ലാം തുടങ്ങി​യത്‌. തങ്ങളുടെ ഉത്‌പ​ന്ന​ത്തി​നെ​തി​രെ സ്വരു​ക്കൂ​ട്ടുന്ന വ്യക്തമായ തെളി​വി​നെ ഇല്ലായ്‌മ ചെയ്യാൻ തങ്ങളുടെ സ്വന്തം ശാസ്‌ത്ര തെളി​വു​കൊണ്ട്‌ അവയെ എതിരി​ട്ടു​കൊ​ണ്ടു പുകയില വ്യവസാ​യം ആ കൗൺസിൽ സ്ഥാപിച്ചു.

ശേഷിച്ച ഗവേഷക സമൂഹ​ത്തി​ന്റെ കണ്ടുപി​ടി​ത്ത​ങ്ങൾക്കു വിരു​ദ്ധ​മായ ഫലങ്ങൾ കൗൺസിൽ ശാസ്‌ത്ര​ജ്ഞൻമാർക്ക്‌ എങ്ങനെ​യാണ്‌ ഉളവാ​ക്കാൻ കഴിഞ്ഞത്‌? അടുത്ത കാലത്തു പുറ​പ്പെ​ടു​വിച്ച ചില പ്രാമാ​ണിക രേഖകൾ നിഗൂ​ഢ​ത​യു​ടെ വലിയ ഒരു ശൃംഖല വെളി​ച്ചത്തു കൊണ്ടു​വ​ന്നി​രി​ക്കു​ന്നു. ലിഖിത ഉടമ്പടി​ക​ളാൽ വിലങ്ങു​വ​യ്‌ക്ക​പ്പെ​ടു​ക​യും സൂക്ഷ്‌മ​ദൃ​ക്കു​ക​ളായ വക്കീലൻമാ​രാൽ കടിഞ്ഞാ​ണി​ട​പ്പെ​ടു​ക​യും ചെയ്യുന്ന അനേകം കൗൺസിൽ ഗവേഷ​ക​രും ആരോ​ഗ്യ​സം​ബ​ന്ധ​മാ​യി വർധി​ച്ചു​വ​രുന്ന ഭയങ്ങൾ നല്ല അടിസ്ഥാ​ന​മു​ള്ള​വ​യാ​ണെന്നു കണ്ടെത്തി​യി​രി​ക്കു​ന്നു. എന്നാൽ വസ്‌തു​ത​കളെ അഭിമു​ഖീ​ക​രി​ച്ച​പ്പോൾ കൗൺസിൽ “പുകവലി ഒരു ആരോഗ്യ വിനയാ​യി എടുത്തു​കാ​ട്ടിയ അതിന്റെ സ്വന്തം പഠനങ്ങളെ അത്‌ ചില​പ്പോൾ അവഗണി​ക്കു​ക​യോ നിർത്തി​വ​യ്‌ക്കു​ക​യോ പോലും ചെയ്‌തി​ട്ടുണ്ട്‌” എന്ന്‌ ദ വാൾ സ്‌ട്രീറ്റ്‌ ജേണൽ പറയുന്നു.

രഹസ്യ​ത്തി​ന്റെ മതിലു​കൾക്കു പിന്നിൽ ഏറെ സുരക്ഷി​ത​മായ ഒരു സിഗര​റ്റി​നു വേണ്ടി​യുള്ള അന്വേ​ഷണം വർഷങ്ങ​ളാ​യി തുടർന്നു​പോ​ന്നി​ട്ടുണ്ട്‌. അങ്ങനെ ചെയ്യു​ന്നത്‌ പുകവലി ആരോ​ഗ്യ​ത്തി​നു തീർച്ച​യാ​യും ഹാനി​ക​ര​മാണ്‌ എന്നതിന്റെ ഒരു നിശബ്ദ സമ്മതമാ​യി​രി​ക്കു​മാ​യി​രു​ന്നു. “സുരക്ഷി​ത​മായ” സിഗരറ്റ്‌ നിർമി​ക്കാ​നുള്ള ശ്രമം വ്യർഥ​മാ​യ​തി​നാൽ അത്‌ ഉപേക്ഷി​ക്കാ​നും ബന്ധപ്പെട്ട എല്ലാ രേഖക​ളും രഹസ്യ​മാ​യി സൂക്ഷി​ക്കാ​നും ഒരു പുകയില കമ്പനിക്കു വേണ്ടി​യുള്ള ഒരു മുതിർന്ന വക്കീൽ 1970-കളുടെ അവസാ​ന​മാ​യ​പ്പോൾ ശുപാർശ ചെയ്‌തു.

വർഷങ്ങ​ളാ​യി പരീക്ഷണം നടത്തി​യ​തിൽനി​ന്നു രണ്ടു കാര്യം വ്യക്തമാ​യി: നിക്കോ​ട്ടിൻ വാസ്‌ത​വ​ത്തിൽ ആസക്തി​യു​ള​വാ​ക്കു​ന്ന​താണ്‌, സിഗരറ്റ്‌ വലിക്കു​ന്നത്‌ കൊല്ലു​ക​തന്നെ ചെയ്യുന്നു. ഈ വസ്‌തു​തകൾ ശക്തമായി, പരസ്യ​മാ​യി നിരാ​ക​രി​ക്കു​ന്നു​വെ​ങ്കി​ലും, ആ വസ്‌തു​തകൾ തങ്ങൾക്കു നന്നായി അറിയാ​മെന്ന്‌ പുകയില കമ്പനികൾ അവയുടെ പ്രവർത്ത​ന​ങ്ങ​ളാൽ പ്രകട​മാ​ക്കു​ക​യാണ്‌.

മനഃപൂർമാ​യ വഞ്ചന ആരോ​പി​ച്ചു​കൊണ്ട്‌ യു.എസ്‌. ഫുഡ്‌ ആൻഡ്‌ ഡ്രഗ്ഗ്‌ അഡ്‌മി​നി​സ്‌​ട്രേ​ഷന്റെ (എഫ്‌ഡിഎ) കമ്മീഷ​ണ​റായ ഡേവിഡ്‌ കെസ്ലർ ഇങ്ങനെ പറഞ്ഞു: “ഇന്നത്തെ ചില സിഗര​റ്റു​കൾ ആസക്തി ഉളവാ​ക്കാ​നും നിലനിർത്താ​നും മതിയായ . . . കൃത്യ​മാ​യി കണക്കാ​ക്കി​യെ​ടുത്ത അളവു​ക​ളിൽ നിക്കോ​ട്ടിൻ പ്രദാനം ചെയ്യുന്ന ഉയർന്ന സാങ്കേ​തിക വിദ്യ​യുള്ള നിക്കോ​ട്ടിൻ ഡെലി​വറി സിസ്റ്റങ്ങ​ളാ​യി യോഗ്യത നേടി​യേ​ക്കാം.”

തങ്ങളുടെ ഉദ്ദേശ്യം തെളി​യി​ക്കുന്ന പല ഉടമാ​വ​കാ​ശങ്ങൾ പുകയില കമ്പനി​കൾക്കു സ്വന്തമാ​യു​ണ്ടെന്ന്‌ കെസ്ലർ വെളി​പ്പെ​ടു​ത്തി. ഒരെണ്ണം ജനിത​ക​പ​ര​മാ​യി മാറ്റം വരുത്തിയ പുകയി​ല​യാണ്‌, അതാണ്‌ കേട്ടി​ട്ടു​ള്ള​തിൽ ഏറ്റവും കൂടുതൽ നിക്കോ​ട്ടിൻ പ്രദാനം ചെയ്യു​ന്നത്‌. കൂടു​ത​ലായ ഒരാക്കം കിട്ടാൻ വേണ്ടി സിഗരറ്റു ഫിൽറ്റ​റു​ക​ളെ​യും പേപ്പറു​ക​ളെ​യും നിക്കോ​ട്ടിൻകൊണ്ട്‌ പൂശു​ന്ന​താണ്‌ മറ്റൊരു രീതി. ഇനിയും വേറൊ​രു രീതി അനുസ​രി​ച്ചാ​ണെ​ങ്കിൽ, പുകവ​ലി​ക്കാ​രൻ ആദ്യം എടുക്കുന്ന പുകക​ളിൽ അവസാനം എടുക്കു​ന്ന​തി​നെ​ക്കാൾ കൂടുതൽ നിക്കോ​ട്ടിൻ അടങ്ങി​യി​രി​ക്കും. മാത്രമല്ല, പുകയി​ല​യിൽനി​ന്നു നിക്കോ​ട്ടിൻ കൂടുതൽ വിട്ടു​ത​രാൻ സിഗര​റ്റു​ക​ളിൽ അമോ​ണി​യാ ഘടകങ്ങൾ ചേർക്കു​ന്ന​താ​യി ആ വ്യവസാ​യ​ത്തി​ന്റെ രേഖകൾ പ്രകട​മാ​ക്കു​ന്നു. “സാധാരണ ഉള്ളി​ലേക്കു വലി​ച്ചെ​ടു​ക്കു​ന്ന​തി​ന്റെ ഏതാണ്ട്‌ ഇരട്ടി പുകവ​ലി​ക്കാ​രന്റെ രക്തത്തിൽ കടന്നു,” ഒരു ന്യൂ​യോർക്ക്‌ ടൈംസ്‌ റിപ്പോർട്ട്‌ പറയുന്നു. നിക്കോ​ട്ടിൻ ആസക്തി​യു​ള​വാ​ക്കുന്ന ഒരു മയക്കു​മ​രു​ന്നാ​ണെ​ന്നും സിഗര​റ്റു​കളെ കർശന​മാ​യി നിയ​ന്ത്രി​ക്കാൻ ലക്ഷ്യം വയ്‌ക്കു​ന്ന​താ​ണെ​ന്നും എഫ്‌ഡിഎ പ്രഖ്യാ​പി​ച്ചി​രി​ക്കു​ന്നു.

മറ്റൊരു വിധത്തിൽ ഗവൺമെ​ന്റു​ക​ളും സിഗര​റ്റു​കളെ ആശ്രയി​ക്കു​ന്നു. ഉദാഹ​ര​ണ​ത്തിന്‌, യു.എസ്‌. ഗവൺമെൻറ്‌ പുകയില ഉത്‌പ​ന്ന​ങ്ങ​ളു​ടെ മേലുള്ള സ്റ്റേറ്റ്‌/ഫെഡറൽ നികുതി ഇനത്തിൽ 1,200 കോടി ഡോള​റാണ്‌ ഒരു വർഷം ശേഖരി​ക്കു​ന്നത്‌. എന്നുവ​രി​കി​ലും, ആരോഗ്യ പരിപാ​ലന ചെലവു​ക​ളെ​യും നഷ്ടപ്പെട്ട ഉത്‌പാ​ദ​ന​ക്ഷ​മ​ത​യെ​യും അടിസ്ഥാ​ന​മാ​ക്കി ഒരു വർഷം 6,800 കോടി ഡോള​റി​ന്റെ നഷ്ടം ഗവൺമെൻറ്‌ നേരി​ടു​ന്ന​താ​യി സാങ്കേ​തി​ക​വി​ദ്യാ നിർണ​യ​ത്തി​നുള്ള ഫെഡറൽ ഓഫീസ്‌ കണക്കാ​ക്കു​ന്നു.

സാമ്പത്തിക പ്രതി​ഫ​ല​ങ്ങ​ളു​ടെ​യും അനേകം തൊഴി​ല​വ​സ​ര​ങ്ങ​ളു​ടെ​യും അവകാ​ശ​വാ​ദങ്ങൾ, കലയ്‌ക്കു നൽകുന്ന ഉദാര​മായ പിന്തുണ, ആരോഗ്യ അപകട​ങ്ങളെ ശക്തമായി നിഷേ​ധി​ക്കൽ—അതേ, പുകയില വ്യവസാ​യം സ്വയം​പ്ര​തി​രോ​ധ​ത്തി​ന്റെ പ്രത്യേ​ക​ത​യു​ള്ള​തെന്നു തോന്നി​ക്കുന്ന ബലൂണു​കൾ ഉയർത്തി​വി​ട്ടി​രി​ക്കു​ന്നു. ലണ്ടനു​മീ​തെ ഉണ്ടായി​രുന്ന ബുലൂൺനി​ര​യെ​ക്കാൾ അവ ഫലപ്ര​ദ​മാ​വു​മോ ഇല്ലയോ എന്നു കണ്ടറി​യേ​ണ്ടി​യി​രി​ക്കു​ന്നു.

എന്നാൽ വമ്പൻമാ​രായ കമ്പനി​കൾക്ക്‌ മേലാൽ അതിന്റെ യഥാർഥ സ്വഭാവം മൂടി​വെ​ക്കാൻ സാധ്യ​മ​ല്ലെന്നു തെളി​ഞ്ഞി​രി​ക്കു​ന്നു. അവർ ലക്ഷങ്ങൾ ഉണ്ടാക്കി​യി​രി​ക്കു​ന്നു, അവർ ലക്ഷങ്ങളെ കൊന്നി​രി​ക്കു​ന്നു. ഇവയൊ​ന്നും അവയെ തെല്ലും ബാധി​ക്കാ​ത്ത​തു​പോ​ലെ തോന്നു​ന്നു, അന്തിമ​ഫ​ല​മോ, മനുഷ്യ​ജീ​വന്റെ മാരക​മായ ഒരു കൊയ്‌ത്തു​തന്നെ.

[8-ാം പേജിലെ ആകർഷ​ക​വാ​ക്യം]

അവർ വളരെ​യ​ധി​കം വീമ്പി​ള​ക്കു​ന്ന​തു​പോ​ലെ തോന്നു​ന്നു

[9-ാം പേജിലെ ആകർഷ​ക​വാ​ക്യം]

പുകവലിച്ചുവിടുന്ന ധൂമം വിഷമു​ള്ള​താ​ണെന്ന്‌ ഒരു ഗവൺമെൻറ്‌ പഠനം സൂചി​പ്പി​ക്കു​ന്നു

[10-ാം പേജിലെ ആകർഷ​ക​വാ​ക്യം]

അറിവായിട്ടുള്ളതിൽ ഏറ്റവും ആസക്തി​യു​ള​വാ​ക്കുന്ന പദാർഥ​ങ്ങ​ളിൽ ഒന്നാണ്‌ നിക്കോ​ട്ടിൻ

[11-ാം പേജിലെ ആകർഷ​ക​വാ​ക്യം]

അവർ ലക്ഷങ്ങൾ ഉണ്ടാക്കി​യി​രി​ക്കു​ന്നു; അവർ ലക്ഷങ്ങളെ കൊന്നി​രി​ക്കു​ന്നു

[10-ാം പേജിലെ ചതുരം]

50,000 പഠനങ്ങൾ—അവ എന്തു കണ്ടെത്തി​യി​രി​ക്കു​ന്നു?

പുകയില ഉപയോ​ഗി​ക്കു​ന്ന​തി​നോ​ടു ബന്ധപ്പെട്ട്‌ ഗവേഷകർ ഉയർത്തുന്ന ആരോഗ്യ അപകട​ങ്ങ​ളു​ടെ ഒരു ചെറിയ സാമ്പിൾ ഇവിടെ കൊടു​ത്തി​രി​ക്കു​ന്നു:

ശ്വാസകോശാർബുദം: ശ്വാസ​കോ​ശാർബു​ദം നിമിത്തം മരിക്കു​ന്ന​വ​രിൽ 87 ശതമാനം പേരും പുകവ​ലി​ക്കാ​രാണ്‌.

ഹൃദ്രോഗം: ഹൃദയ​സം​ബ​ന്ധ​മായ അസുഖ​മു​ണ്ടാ​കാൻ പുകവ​ലി​ക്കാർക്ക്‌ 70 ശതമാനം സാധ്യത കൂടു​ത​ലാണ്‌.

സ്‌തനാർബുദം: ദിവസം 40-ഓ അതില​ധി​ക​മോ സിഗരറ്റു വലിക്കുന്ന സ്‌ത്രീ​കൾ സ്‌തനാർബു​ദം നിമിത്തം മരിക്കാ​നുള്ള സാധ്യത 74 ശതമാനം കൂടു​ത​ലാണ്‌.

കേൾവി വൈക​ല്യം: പുകവ​ലി​ക്കുന്ന മാതാ​ക്ക​ളു​ടെ കുട്ടി​കൾക്ക്‌ ശബ്ദം തിരി​ച്ച​റി​യു​ന്ന​തി​ലെ വിഷമത കൂടു​ത​ലാണ്‌.

പ്രമേഹസംബന്ധമായ അപകടങ്ങൾ: പുകവ​ലി​ക്കു​ക​യോ പുകയില ചവയ്‌ക്കു​ക​യോ ചെയ്യുന്ന പ്രമേ​ഹ​രോ​ഗി​കൾക്ക്‌ വൃക്കസം​ബ​ന്ധ​മായ കേടു​പാ​ടു സംഭവി​ക്കാൻ ഉയർന്ന സാധ്യ​ത​യുണ്ട്‌. കൂടാതെ, അവർക്ക്‌ വളരെ വേഗം വർധി​ച്ചു​കൊ​ണ്ടി​രി​ക്കുന്ന കാചപടല വൈക​ല്യ​വും (കാചപ​ട​ലത്തെ ബാധി​ക്കുന്ന ഒരു രോഗം) ഉണ്ട്‌.

കുടലിലെ അർബുദം: 1,50,000 പേർ ഉൾപ്പെ​ടുന്ന രണ്ട്‌ പഠനങ്ങൾ പുകവ​ലി​യും കുടലി​ലെ അർബു​ദ​വും തമ്മിൽ വ്യക്തമായ ഒരു ബന്ധമു​ള്ള​താ​യി കാണി​ക്കു​ന്നു.

ആസ്‌തമ: പ്രായം കുറഞ്ഞ​വ​രിൽ വലിച്ചു​ത​ള്ളുന്ന പുക ആസ്‌ത​മയെ കൂടുതൽ വഷളാ​ക്കി​യേ​ക്കാം.

പുകവലിക്കാനുള്ള ചായ്‌വ്‌: ഗർഭസ​മ​യത്തു പുകവ​ലി​ച്ചി​രു​ന്ന​വ​രു​ടെ പുത്രി​മാർ പുകവ​ലി​ക്കാൻ നാലി​രട്ടി പ്രവണത കൂടുതൽ ഉള്ളവരാണ്‌.

രക്താർബുദം: പുകവലി മൈ​ലോ​യ്‌ഡ്‌ ലുക്കീ​മി​യ​യ്‌ക്കു കാരണ​മാ​യി​രി​ക്കു​ന്ന​താ​യി തോന്നു​ന്നു.

വ്യായാമം ചെയ്യു​മ്പോ​ഴത്തെ അപകടങ്ങൾ: ഒരു യു.എസ്‌. സൈനിക പഠനം അനുസ​രിച്ച്‌, വ്യായാ​മം ചെയ്യു​മ്പോൾ അപകടങ്ങൾ സംഭവി​ക്കാൻ പുകവ​ലി​ക്കാർക്കു സാധ്യത കൂടു​ത​ലാണ്‌.

ഓർമ: വളരെ​യ​ധി​കം നിക്കോ​ട്ടിൻ ഉൾക്കൊ​ണ്ടാൽ അത്‌ ഒരു വ്യക്തി സങ്കീർണ​മായ ജോലി​കൾ നിർവ​ഹി​ക്കു​മ്പോൾ മാനസി​ക​മായ വേഗതയെ കുറ​ച്ചേ​ക്കാം.

വിഷാദം: പുകവ​ലി​യും ഗുരു​ത​ര​മായ വിഷാ​ദ​വും അതു​പോ​ലെ​തന്നെ സ്‌കി​സോ​ഫ്രീ​നി​യ​യും തമ്മിൽ ബന്ധമു​ണ്ടോ എന്നുള്ള​തി​ന്റെ തെളി​വി​നു വേണ്ടി മനോ​രോ​ഗ​ശാ​സ്‌ത്രജ്ഞർ ഗവേഷണം നടത്തി​ക്കൊ​ണ്ടി​രി​ക്കു​ക​യാണ്‌.

ആത്മഹത്യ: പുകവ​ലി​ക്കുന്ന നേഴ്‌സു​മാ​രിൽ ആത്മഹത്യ ചെയ്യാ​നുള്ള പ്രവണത രണ്ടിര​ട്ടി​യാ​ണെന്ന്‌ നേഴ്‌സു​മാ​രെ​ക്കു​റി​ച്ചു നടത്തിയ ഒരു പഠനം പ്രകട​മാ​ക്കി.

ഈ ലിസ്റ്റി​നോ​ടു ചേർക്കാ​വുന്ന മറ്റപക​ടങ്ങൾ: വായ്‌, സ്വന​പേ​ടകം, തൊണ്ട, അന്നനാളം, പാൻക്രി​യാസ്‌, ആമാശയം, ചെറു​കു​ടൽ, മൂത്ര​സഞ്ചി, വൃക്ക, ഗർഭപാ​ത്ര​ഗളം തുടങ്ങിയ ഭാഗങ്ങ​ളിൽ ഉണ്ടാകുന്ന കാൻസർ; പക്ഷാഘാ​തം, ഹൃദയ​സ്‌തം​ഭനം, തീവ്ര​മായ ശ്വാസ​കോ​ശ​രോ​ഗം, രക്തചം​ക്രമണ വ്യവസ്ഥ​യിൽ ഉണ്ടാകുന്ന രോഗങ്ങൾ, ദഹനസം​ബ​ന്ധ​മായ അൾസറു​കൾ, പ്രമേഹം, വന്ധ്യത, ജനിക്കുന്ന കുട്ടിക്കു ഭാരക്കു​റവ്‌, അസ്ഥിക്ഷയം, കാതി​ലു​ണ്ടാ​കുന്ന അണുബാധ തുടങ്ങി​യവ. തീകൊ​ണ്ടുള്ള അപകട​ങ്ങ​ളും ഇവയുടെ കൂടെ ചേർക്കാ​വു​ന്ന​താണ്‌, കാരണം വീട്ടി​ലെ​യും ഹോട്ട​ലി​ലെ​യും ആശുപ​ത്രി​യി​ലെ​യും തീപി​ടി​ത്ത​ങ്ങൾക്കു പ്രഥമ കാരണം പുകവ​ലി​യാണ്‌.

[12-ാം പേജിലെ ചതുരം]

പുകയില്ലാത്ത പുകയില—അപകട​ക​ര​മായ ഒരു മറു ഉപാധി

110 കോടി ഡോള​റി​ന്റെ വരുമാ​ന​മു​ണ്ടാ​ക്കുന്ന പുകല​പ്പൊ​ടി വ്യവസാ​യ​ത്തി​ലെ മുമ്പൻ, രുചി​യുള്ള ഇരയെ വെച്ചു​കൊ​ടു​ത്തു​കൊണ്ട്‌ തന്ത്രപൂർവം തുടക്ക​ക്കാ​രെ വശീക​രി​ക്കു​ന്നു. അതിനു രുചി​യു​ള്ള​തും പ്രചാ​ര​മു​ള്ള​തു​മായ ബ്രാൻഡു​ക​ളുണ്ട്‌. അവർ നൽകുന്ന “കൊച്ചു പുകയില അനുഭൂ​തി” സംതൃ​പ്‌തി പകരുന്നു, എന്നാൽ അധിക​സ​മ​യ​ത്തേ​ക്കില്ല. ഈ പുകയില കമ്പനി​യു​ടെ ഒരു മുൻ ചെയർമാൻ പറഞ്ഞു: “അനേക​മാ​ളു​കൾ കൂടുതൽ രുചി​യുള്ള ഉത്‌പ​ന്നങ്ങൾ ഉപയോ​ഗി​ച്ചു​തു​ട​ങ്ങി​യേ​ക്കാം, എന്നാൽ അന്തിമ​മാ​യി അവർ [ഏറ്റവും കടുപ്പ​മുള്ള ബ്രാൻഡിൽ] വന്നെത്തു​ന്നു.” അതിനെ ഇങ്ങനെ പരസ്യ​പ്പെ​ടു​ത്തു​ന്നു, “ശക്തരായ പുരു​ഷൻമാർക്ക്‌ ശക്തമായ ചവയ്‌ക്കൽ,” “അതു സംതൃ​പ്‌തി പകരുന്നു.”

ഈ കമ്പനി​യു​ടെ ഈ തന്ത്ര​ത്തെ​ക്കു​റി​ച്ചു റിപ്പോർട്ടു ചെയ്‌ത ദ വാൾ സ്‌ട്രീറ്റ്‌ ജേണൽ “അതു നിക്കോ​ട്ടി​ന്റെ അളവിനു ഭേദഗതി വരുത്തു​ന്നു” എന്നുള്ള അതിന്റെ പ്രസ്‌താ​വത്തെ നിഷേ​ധി​ച്ച​തി​നെ​ക്കു​റിച്ച്‌ ഉദ്ധരിച്ചു. “കമ്പനി നിക്കോ​ട്ടി​ന്റെ അളവിൽ കൃത്രി​മ​ത്വം കാണി​ക്കു​ന്നി​ല്ലെ​ങ്കി​ലും ഉപഭോ​ക്താ​ക്കൾ വലി​ച്ചെ​ടു​ക്കുന്ന നിക്കോ​ട്ടി​ന്റെ അളവിൽ അതു കൃത്രി​മ​ത്വം കാണി​ക്കു​ക​തന്നെ ചെയ്യു​ന്നുണ്ട്‌” എന്ന്‌ ഈ കമ്പനി​യി​ലെ രണ്ടു മുൻ പുകയില ശാസ്‌ത്ര​ജ്ഞൻമാർ ഈ വിഷയ​ത്തെ​ക്കു​റിച്ച്‌ ആദ്യമാ​യി സംസാ​രി​ക്കവേ പറഞ്ഞതാ​യും ജേണൽ പ്രസ്‌താ​വി​ച്ചു. പുകല​പ്പൊ​ടി​യു​ടെ ക്ഷാരഗു​ണം വർധി​പ്പി​ക്കാൻ കമ്പനി രാസപ​ദാർഥങ്ങൾ ചേർക്കു​ന്ന​താ​യും അവർ പറയുന്നു. പുകല​പ്പൊ​ടി​യിൽ ക്ഷാരഗു​ണം എത്രയ​ധി​കം ഉണ്ടായി​രി​ക്കു​ന്നു​വോ അത്‌ “അത്രയ​ധി​കം നിക്കോ​ട്ടിൻ പുറത്തു​വി​ടു​ന്നു.” പുകല​പ്പൊ​ടി​യെ​യും പുകല ചവയ്‌ക്കു​ന്ന​തി​നെ​യും സംബന്ധി​ച്ചുള്ള ഈ വിശദീ​ക​രണം ജേണൽ കൂട്ടി​ച്ചേർക്കു​ന്നു: “ചവയ്‌ക്കാ​നുള്ള പുകയി​ല​യാ​യി ചില​പ്പോൾ കരുതാ​റുള്ള പുകല​പ്പൊ​ടി ഉപഭോ​ക്താ​ക്കൾ വലിക്കുന്ന പൊടിച്ച പുകയി​ല​യാണ്‌, എന്നാൽ അതു ചവയ്‌ക്കു​ന്നില്ല. ഉപഭോ​ക്താ​ക്കൾ ഒരു നുള്ള്‌ അഥവാ ‘പൊടി’ എടുത്ത്‌ കവിളി​ന്റെ​യും മോണ​യു​ടെ​യും ഇടയിൽ വെക്കും, എന്നിട്ട്‌ തങ്ങളുടെ നാക്കു​കൊണ്ട്‌ തിരി​ച്ചു​മ​റി​ക്കു​ക​യും ഇടയ്‌ക്കി​ട​യ്‌ക്ക്‌ തുപ്പു​ക​യും ചെയ്യും.”

തുടക്ക​ക്കാർക്കു വേണ്ടി ഉണ്ടാക്കി​യി​രി​ക്കുന്ന രുചി​യുള്ള ബ്രാൻഡു​കൾ രക്തത്തി​ലേക്കു വലി​ച്ചെ​ടു​ക്ക​പ്പെ​ടു​ന്ന​തി​നു വേണ്ടി 7 മുതൽ 22 വരെ ശതമാനം നിക്കോ​ട്ടിൻ മാത്രമേ പുറത്തു​വി​ടു​ന്നു​ള്ളൂ. ഏറ്റവും കടുപ്പ​മുള്ള ബ്രാൻഡ്‌ പുതിയ ഉപഭോ​ക്താ​ക്കൾക്കു ശ്വാസം​മു​ട്ടൽ ഉളവാ​ക്കു​ന്നു. അതിലെ പുകയില “യഥാർഥ” പുരു​ഷൻമാർക്കു വേണ്ടി വളരെ നന്നായി പൊടിച്ച രൂപത്തി​ലാണ്‌. അതിന്റെ 79 ശതമാനം നിക്കോ​ട്ടി​നും “സ്വതന്ത്ര”മാണ്‌, പെട്ടെ​ന്നു​തന്നെ രക്തത്തി​ലേക്കു വലി​ച്ചെ​ടു​ക്ക​പ്പെ​ടാൻ ലഭ്യവു​മാണ്‌. ഐക്യ​നാ​ടു​ക​ളിൽ ശരാശരി ഒമ്പതു വയസ്സു പ്രായ​ത്തിൽ ഉപഭോ​ക്താ​ക്കൾ പുകല​പ്പൊ​ടി ഉപയോ​ഗി​ച്ചു തുടങ്ങു​ന്നു. കടുപ്പം കൂടു​ത​ലുള്ള ബ്രാൻഡു​കൾ ഉപയോ​ഗിച്ച്‌ തുടങ്ങി “യഥാർഥ” പുരു​ഷൻമാ​രു​ടെ കൂട്ടത്തിൽ ചേരാ​നുള്ള ആഗ്രഹത്തെ തടയുന്ന ഏത്‌ ഒമ്പതു വയസ്സു​കാ​ര​നാ​ണു​ള്ളത്‌?

തത്‌ഫ​ല​മാ​യി ലഭിക്കുന്ന നിക്കോ​ട്ടിൻ സിഗര​റ്റിൽനി​ന്നു ലഭിക്കു​ന്ന​തി​നെ​ക്കാൾ വളരെ തീവ്ര​മാണ്‌. പുകല​പ്പൊ​ടി ഉപയോ​ഗി​ക്കു​ന്ന​വർക്ക്‌ വായിൽ അർബുദം ഉണ്ടാകാൻ 4 ഇരട്ടി സാധ്യത കൂടു​ത​ലാ​ണെന്നു റിപ്പോർട്ട്‌ ചെയ്യ​പ്പെ​ടു​ന്നു, പുകല​പ്പൊ​ടി ഉപയോ​ഗി​ക്കാ​ത്ത​വ​രെ​ക്കാൾ തൊണ്ട​യിൽ അർബുദം ഉണ്ടാകാ​നുള്ള സാധ്യത അവർക്ക്‌ 50 ഇരട്ടി കൂടു​ത​ലാണ്‌.

വായിലെ അർബുദം നിമിത്തം മരിച്ച ഒരു മുൻ ഹൈസ്‌കൂൾ കായി​ക​താ​ര​ത്തി​ന്റെ മാതാവ്‌ ഒരു പുകയില കമ്പനി​ക്കെ​തി​രെ കേസു കൊടു​ത്ത​പ്പോൾ ഐക്യ​നാ​ടു​ക​ളിൽ പൊതു​മു​റ​വി​ളി താത്‌കാ​ലി​ക​മാ​യി ആളിക്കത്തി. 12 വയസ്സിൽ കാളയു​മാ​യി മൽപ്പി​ടു​ത്തം നടത്തി​യ​പ്പോൾ അവന്‌ ഒരു ടിൻ പുകല​പ്പൊ​ടി സൗജന്യ​മാ​യി ലഭിച്ചു, അവൻ പിന്നീട്‌ ആഴ്‌ച​യിൽ നാല്‌ ടിൻ പുകല​പ്പൊ​ടി ഉപയോ​ഗി​ക്കു​ന്ന​വ​നാ​യി മാറി. നാക്ക്‌, താടി​യെല്ല്‌, കഴുത്ത്‌ എന്നീ ഭാഗങ്ങ​ളിൽ വേദനാ​ജ​ന​ക​മായ പല ശസ്‌ത്ര​ക്രി​യ​കൾക്കും അവൻ വിധേ​യ​നാ​യി. ആ ചെറു​പ്പ​ക്കാ​രൻ 19-ാമത്തെ വയസ്സിൽ മരണമ​ടഞ്ഞു.

[13-ാം പേജിലെ ചതുരം]

പുകവലി നിർത്തുന്ന വിധം

ലക്ഷക്കണ​ക്കി​നാ​ളു​കൾ നിക്കോ​ട്ടി​നോ​ടുള്ള തങ്ങളുടെ ആസക്തിയെ വിജയ​പ്ര​ദ​മാ​യി തരണം ചെയ്‌തി​ട്ടുണ്ട്‌. നിങ്ങ​ളൊ​രു പുകവ​ലി​ക്കാ​ര​നാ​ണെ​ങ്കിൽ, ദീർഘ​കാ​ല​മാ​യി പുകവ​ലി​ക്കുന്ന ഒരാളാ​ണെ​ങ്കിൽപ്പോ​ലും, ഈ ഹാനി​ക​ര​മായ ശീലം പറി​ച്ചെ​റി​യാൻ നിങ്ങൾക്കും കഴിയും. സഹായി​ച്ചേ​ക്കാ​വുന്ന ഏതാനും നിർദേ​ശങ്ങൾ ഇതാ:

• എന്തു പ്രതീ​ക്ഷി​ക്ക​ണ​മെന്നു മുന്നമേ അറിഞ്ഞി​രി​ക്കുക. നിർത്തി​ക്ക​ഴി​യു​മ്പോൾ ഉണ്ടാകുന്ന ബുദ്ധി​മു​ട്ടു​ക​ളിൽ, ഉത്‌കണ്‌ഠ, അസ്വസ്ഥത, തലകറക്കം, തലവേദന, ഉറക്കമി​ല്ലായ്‌മ, വയറു​ക​മ്പി​ക്കൽ, വിശപ്പ്‌, തൃഷ്‌ണ, ശ്രദ്ധി​ക്കാ​നുള്ള കഴിവു​കു​റവ്‌, വിറയൽ തുടങ്ങി​യവ ഉൾപ്പെ​ട്ടേ​ക്കാം. ഇതു തീർച്ച​യാ​യും അത്ര സുഖമുള്ള കാര്യ​ങ്ങളല്ല, ഈ തീവ്ര​മായ ലക്ഷണങ്ങൾ ഏതാനും ദിവസങ്ങൾ മാത്രമേ നീണ്ടു​നിൽക്കു​ക​യു​ള്ളൂ, ശരീരം നിക്കോ​ട്ടി​നിൽനി​ന്നു സ്വത​ന്ത്ര​മാ​യി​ക്ക​ഴി​യു​മ്പോൾ അതും ക്രമേണ മങ്ങിമ​റ​ഞ്ഞു​കൊ​ള്ളും.

• ഇനി ആത്മാർഥ​മായ മാനസിക പോരാ​ട്ടം ആരംഭി​ക്കു​ക​യാ​യി. നിങ്ങളു​ടെ ശരീരം നിക്കോ​ട്ടി​നു വേണ്ടി ദാഹി​ക്കുക മാത്രമല്ല, മനസ്സ്‌ പുകവ​ലി​യോ​ടു ബന്ധപ്പെട്ട പെരു​മാ​റ്റ​ങ്ങ​ളാൽ സ്വാധീ​നി​ക്ക​പ്പെ​ടു​ക​യും ചെയ്‌തി​രി​ക്കു​ന്നു. നിങ്ങൾ അറിയാ​തെ​തന്നെ ഒരു സിഗരറ്റ്‌ കയ്യി​ലെ​ടു​ത്ത​തെ​പ്പോ​ഴെന്നു പരി​ശോ​ധിച്ച്‌ ആ രീതിക്കു മാറ്റം വരുത്തുക. ഉദാഹ​ര​ണ​ത്തിന്‌, നിങ്ങൾ എല്ലായ്‌പോ​ഴും ആഹാരം കഴിച്ച ഉടനെ പുകവ​ലി​ച്ചി​രു​ന്നു​വെ​ങ്കിൽ, ആഹാരം കഴിഞ്ഞ ഉടനെ എഴു​ന്നേറ്റു നടക്കാ​നോ പാത്രങ്ങൾ കഴുകാ​നോ ദൃഢനി​ശ്ചയം ചെയ്യുക.

• ഒരുപക്ഷേ, ആകുല​പ്പെ​ടു​ത്തുന്ന ഒരു സംഗതി നിമിത്തം പുകവ​ലി​ക്കാൻ ശക്തമായ ആഗ്രഹം തോന്നു​മ്പോൾ, അഞ്ചു മിനി​റ്റു​കൾക്കു​ള്ളിൽ ആ പ്രേരണ സാധാ​ര​ണ​മാ​യി ഇല്ലാതാ​കു​മെന്ന്‌ ഓർക്കുക. എഴു​ത്തെ​ഴു​തി​ക്കൊ​ണ്ടോ വ്യായാ​മം ചെയ്‌തു​കൊ​ണ്ടോ ആരോ​ഗ്യാ​വ​ഹ​മായ ലഘുഭ​ക്ഷണം കഴിച്ചു​കൊ​ണ്ടോ നിങ്ങളു​ടെ മനസ്സിനെ വ്യാപൃ​ത​മാ​ക്കാൻ ഒരുങ്ങി​യി​രി​ക്കുക. ആത്മനി​യ​ന്ത്രണം കൈവ​രി​ക്കാൻ ശക്തമായ ഒരു സഹായ​മാ​ണു പ്രാർഥന.

• പുകവലി ഉപേക്ഷി​ക്കാ​നുള്ള ശ്രമങ്ങ​ളിൽ പരാജ​യ​പ്പെ​ട്ടതു നിമിത്തം നിങ്ങൾക്കു നിരു​ത്സാ​ഹം തോന്നു​ന്നു​വെ​ങ്കിൽ, ധൈര്യം കൈ​വെ​ടി​യ​രുത്‌. തുടർന്നു ശ്രമി​ച്ചു​കൊ​ണ്ടി​രി​ക്കു​ന്ന​താ​ണു പ്രധാന സംഗതി.

• തൂക്കം കൂടു​മെ​ന്നുള്ള തോന്നൽ നിങ്ങൾക്കു തടസ്സം സൃഷ്ടി​ക്കു​ക​യാ​ണെ​ങ്കിൽ ഇതോർത്തി​രി​ക്കുക, സിഗര​റ്റു​കൾ ഉപേക്ഷി​ക്കു​ന്ന​തി​ന്റെ പ്രയോ​ജ​നങ്ങൾ കൂടു​ത​ലാ​യി ഏതാനും കിലോ​ഗ്രാം തൂക്കം ഉണ്ടാകു​ന്ന​തി​ന്റെ അപകട​ങ്ങ​ളെ​ക്കാൾ വളരെ വളരെ കൂടു​ത​ലാണ്‌. പെട്ടെന്ന്‌ എടുക്കാ​വുന്ന വിധത്തിൽ പഴമോ പച്ചക്കറി​ക​ളോ വെച്ചി​രി​ക്കു​ന്നത്‌ സഹായ​ക​ര​മാണ്‌. കൂടാതെ, ധാരാളം വെള്ളം കുടി​ക്കുക.

• പുകവലി ഉപേക്ഷി​ക്കു​ന്നത്‌ ഒരു സംഗതി​യാണ്‌. പുകവ​ലി​ക്കാ​തെ തുടരു​ന്നത്‌ മറ്റൊരു സംഗതി​യും. പുകവ​ലി​ക്കാ​തെ തുടരു​ന്ന​തിന്‌ സമയ ലാക്കുകൾ വയ്‌ക്കുക—ഒരു ദിവസം, ഒരാഴ്‌ച, മൂന്നു മാസം, എന്നേക്കും.

യേശു ഇങ്ങനെ പറഞ്ഞു: “‘കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം.’” (മർക്കൊസ്‌ 12:31) കൂട്ടു​കാ​രനെ സ്‌നേ​ഹി​ക്കാൻ പുകവലി നിർത്തുക. നിങ്ങ​ളെ​ത്തന്നെ സ്‌നേ​ഹി​ക്കാൻ പുകവലി നിർത്തുക.—കൂടാതെ, 1990 സെപ്‌റ്റം​ബർ 8 ഉണരുക!യുടെ 13-15 പേജു​ക​ളി​ലെ “പുകവലി—ക്രിസ്‌തീയ വീക്ഷണം” കാണുക.