പുകഞ്ഞു​തീ​രുന്ന ലക്ഷക്കണ​ക്കി​നു ജീവി​ത​ങ്ങൾ

ലോക​ത്തിൽ ഏറ്റവു​മ​ധി​കം വിറ്റഴി​യ​പ്പെ​ടുന്ന ഉപഭോ​ക്‌തൃ ഉത്‌പ​ന്ന​ങ്ങ​ളിൽ ഒന്നാണത്‌. അത്‌ വിശ്വസ്‌ത ഉപഭോ​ക്താ​ക്ക​ളു​ടെ സൈന്യ​ങ്ങൾക്കു കൽപ്പന കൊടു​ക്കു​ക​യും സത്വരം വ്യാപി​ച്ചു​കൊ​ണ്ടി​രി​ക്കുന്ന കമ്പോളം ആസ്വദി​ക്കു​ക​യും ചെയ്യുന്നു. അതിന്റെ സന്തുഷ്ട​രായ കമ്പനികൾ മതിപ്പാർന്ന ലാഭങ്ങ​ളെ​യും രാഷ്ട്രീയ സ്വാധീ​ന​ത്തെ​യും അന്തസ്സി​നെ​യും കുറിച്ച്‌ അഹങ്കരി​ക്കു​ന്നു. ആകെയുള്ള ഒരു പ്രശ്‌നം, അതിന്റെ ഏറ്റവും നല്ല ഉപഭോ​ക്താ​ക്കൾ മരിച്ചു​കൊ​ണ്ടി​രി​ക്കു​ന്നു എന്നതാണ്‌!

ദി ഇക്കോ​ണ​മിസ്റ്റ്‌ ഇങ്ങനെ അഭി​പ്രാ​യ​പ്പെ​ടു​ന്നു: “ലോക​ത്തി​ലെ ഏറ്റവും ലാഭക​ര​മായ ഉപഭോ​ക്‌തൃ ഉത്‌പ​ന്ന​ങ്ങ​ളിൽ പെട്ടതാ​ണു സിഗര​റ്റു​കൾ. തന്നെയു​മല്ല, ഉപഭോ​ക്താ​ക്ക​ളിൽ മിക്കവ​രെ​യും ആസക്തരാ​ക്കി മാറ്റാ​നും പലപ്പോ​ഴും കൊല്ലാ​നും (നിയമ)സാധു​ത​യു​ള്ളത്‌ അവയ്‌ക്കു മാത്ര​മാണ്‌.” അതിന്റെ അർഥമോ, പുകയില കമ്പനി​കൾക്കു കനത്ത ലാഭവും അവയുടെ ഉപഭോ​ക്താ​ക്കൾക്കു കനത്ത നഷ്ടവും. യു.എസ്‌. സെന്റേ​ഴ്‌സ്‌ ഫോർ ഡിസീസ്‌ കൺ​ട്രോൾ ആൻഡ്‌ പ്രി​വെൻഷൻ എന്ന സ്ഥാപനം പറയു​ന്ന​ത​നു​സ​രിച്ച്‌, ഓരോ വർഷവും അമേരി​ക്കൻ പുകവ​ലി​ക്കാ​രു​ടെ ജീവി​ത​ത്തിൽനി​ന്നു മുറി​ച്ചു​മാ​റ്റ​പ്പെ​ടു​ന്നത്‌ ഏതാണ്ട്‌ 50 ലക്ഷം വർഷത്തെ ജീവി​ത​മാണ്‌. പുകവ​ലി​ക്കാ​നാ​യി ചെലവി​ടുന്ന ഓരോ മിനി​റ്റി​നും ഏറെക്കു​റെ ഒരു മിനിറ്റ്‌ വീതം. “പ്രതി​വർഷം 4,20,000 അമേരി​ക്ക​ക്കാ​രെ​യാ​ണു പുകവലി കൊ​ന്നൊ​ടു​ക്കു​ന്നത്‌. നിയമ​വി​രുദ്ധ മയക്കു​മ​രു​ന്നു​കൾ കൊ​ന്നൊ​ടു​ക്കു​ന്ന​വ​രു​ടെ 50 മടങ്ങാണ്‌ അത്‌” എന്ന്‌ ന്യൂസ്‌വീക്ക്‌ മാഗസിൻ റിപ്പോർട്ടു ചെയ്യുന്നു.

ലോക​ത്തി​നു ചുറ്റും പ്രതി​വർഷം പുകവലി നിമിത്തം മരണമ​ട​യു​ന്നവർ 30 ലക്ഷമാണ്‌—ഓരോ മിനി​റ്റി​ലും ആറു പേർ വീതം. ബ്രിട്ട​നി​ലെ ഇംപി​രി​യൽ കാൻസർ റിസേർച്ച്‌ ഫണ്ടും ഡബ്ലിയു​എച്ച്‌ഒ-യും (ലോകാ​രോ​ഗ്യ​സം​ഘടന) അമേരി​ക്കൻ കാൻസർ സൊ​സൈ​റ്റി​യും ചേർന്നു പ്രസി​ദ്ധീ​ക​രിച്ച, വികസിത രാഷ്ട്ര​ങ്ങ​ളിൽ പുകവലി മൂലമുള്ള മരണനി​രക്ക്‌ 1950-2000 (ഇംഗ്ലീഷ്‌) എന്ന പുസ്‌ത​ക​മാണ്‌ അങ്ങനെ പറയു​ന്നത്‌. 45 രാജ്യ​ങ്ങളെ ഉൾക്കൊ​ള്ളി​ച്ചു​കൊ​ണ്ടുള്ള പുകവലി പ്രവണ​തകൾ സംബന്ധിച്ച ഈ വിശക​ലനം ഇന്നോളം നടന്നി​ട്ടു​ള്ള​തിൽവെച്ച്‌ ഏറ്റവും വ്യാപ​ക​മാ​യ​താണ്‌. ഇംപി​രി​യൽ കാൻസർ റിസേർച്ച്‌ ഫണ്ടിലെ റിച്ചാർഡ്‌ പീറ്റോ ഇങ്ങനെ മുന്നറി​യി​പ്പു നൽകുന്നു: “മിക്ക രാജ്യ​ങ്ങ​ളി​ലും ഏറ്റവും മോശ​മാ​യത്‌ വരാനി​രി​ക്കു​ന്ന​തേ​യു​ള്ളൂ. പുകവ​ലി​ക്കുന്ന ഇപ്പോ​ഴത്തെ രീതി തുടർന്ന്‌ നിലനിൽക്കു​ക​യാ​ണെ​ങ്കിൽ, ഇന്നത്തെ ചെറു​പ്പ​ക്കാ​രായ പുകവ​ലി​ക്കാർ മധ്യവ​യ​സ്സി​ലോ വാദ്ധക്യ​ത്തി​ലോ എത്തു​മ്പോ​ഴേ​ക്കും പുകയില നിമിത്തം പ്രതി​വർഷം ഏതാണ്ട്‌ ഒരു കോടി പേർ മരിക്കും—ഓരോ മൂന്നു സെക്കൻഡി​ലും ഒരാൾ വീതം.”

“പുകവലി മറ്റേ​തെ​ങ്കി​ലും അപകടം പോ​ലെയല്ല, പുകവ​ലി​ക്കുന്ന രണ്ടു പേരിൽ ഒരാളെ അത്‌ ഒടുവിൽ കൊല്ലും,” ഡബ്ലിയു​എച്ച്‌ഒ-യുടെ ഡോ. അലൻ ലോ​പെസ്‌ പറയുന്നു. ഓക്‌സ്‌ഫോർഡ്‌ യൂണി​വേ​ഴ്‌സി​റ്റി​യി​ലെ ആരോഗ്യ വിഭാ​ഗ​ത്തി​ലുള്ള മാർട്ടിൻ വെസ്സീ സമാന​മാ​യി ഇങ്ങനെ പറയുന്നു: “പുകവ​ലി​ക്കുന്ന എല്ലാവ​രി​ലും​വെച്ചു പകുതി​പ്പേർ ഒടുവിൽ തങ്ങളുടെ ശീലത്താൽ കൊല്ല​പ്പെ​ടു​മെന്ന ഭയങ്കര​മായ നിഗമ​ന​ത്തി​ലേ​ക്കാണ്‌ 40 വർഷക്കാ​ലത്തെ കണ്ടുപി​ടി​ത്തങ്ങൾ നയിക്കു​ന്നത്‌—സത്യമാ​യും ഞെട്ടി​ക്കുന്ന ഒരു കാര്യം​തന്നെ.” 1950-കൾ മുതൽ ആറു കോടി ആളുക​ളാ​ണു പുകവലി നിമിത്തം മരിച്ചു​പോ​യി​ട്ടു​ള്ളത്‌.

പുകയില കമ്പനി​കൾക്കും അതു വാസ്‌ത​വ​ത്തിൽ ഞെട്ടി​ക്കുന്ന ഒരു വസ്‌തു​ത​യാണ്‌. ഓരോ വർഷവും ലോക​മെ​മ്പാ​ടും 30 ലക്ഷം പേർ പുകവ​ലി​യോ​ടു ബന്ധപ്പെട്ട കാരണ​ങ്ങ​ളാൽ മരിക്കു​ക​യും മറ്റു പലരും പുകവലി ഉപേക്ഷി​ക്കു​ക​യും ചെയ്യുന്നു. അതു​കൊണ്ട്‌ 30 ലക്ഷം പുതിയ ഉപഭോ​ക്താ​ക്കളെ വർഷ​ന്തോ​റും കണ്ടെ​ത്തേ​ണ്ട​തുണ്ട്‌.

സ്‌ത്രീ​വി​മോ​ച​ന​മെന്നു പുകയി​ല​ക്ക​മ്പ​നി​കൾ കൊട്ടി​ഘോ​ഷി​ക്കു​ന്നതു നിമിത്തം ഒരു പുതിയ വൃന്ദം ആവിർഭ​വി​ച്ചി​രി​ക്കു​ക​യാണ്‌. സ്‌ത്രീ​കൾ പുകവ​ലി​ക്കു​ന്നത്‌ കുറെ വർഷങ്ങ​ളാ​യി പാശ്ചാ​ത്യ​നാ​ടു​ക​ളിൽ അവിതർക്കി​ത​മായ ഒരു വസ്‌തു​ത​യാ​യി മാറി​യി​രി​ക്കു​ന്നു. അതി​പ്പോൾ ഒരപമാ​ന​മാ​യി കരുത​പ്പെ​ട്ടി​രു​ന്നി​ട​ത്തേക്കു വ്യാപി​ച്ചു​കൊ​ണ്ടി​രി​ക്കു​ന്നു. അതെല്ലാം മാറ്റി​മ​റി​യ്‌ക്കാ​നാ​ണു പുകയി​ല​ക്ക​മ്പ​നി​കൾ ലക്ഷ്യം വയ്‌ക്കു​ന്നത്‌. സ്‌ത്രീ​കൾ പുതി​യ​താ​യി കണ്ടെത്തിയ സമൃദ്ധി​യും സ്വാത​ന്ത്ര്യ​വും ആഘോ​ഷി​ക്കാൻ അവരെ സഹായി​ക്കാൻ കമ്പനികൾ ആഗ്രഹി​ക്കു​ന്നു. ടാറും നിക്കോ​ട്ടി​നും കുറവു​ള്ള​തെന്ന്‌ അവകാ​ശ​പ്പെ​ടുന്ന പ്രത്യേ​ക​തരം സിഗര​റ്റു​കൾ വലിച്ചിട്ട്‌ പുക അത്ര കടുപ്പ​മു​ള്ള​ത​ല്ലെന്നു കണ്ടെത്തുന്ന സ്‌ത്രീ​കളെ അവ വശീക​രി​ക്കു​ക​യാണ്‌. മറ്റു ചില സിഗര​റ്റു​കൾ സുഗന്ധ​ദ്ര​വ്യ​ങ്ങൾ ചേർത്ത​വ​യാണ്‌, അല്ലെങ്കിൽ വണ്ണം കുറഞ്ഞ്‌ നീണ്ട ആകൃതി​യിൽ ഉള്ളവയാണ്‌—സ്‌ത്രീ​കൾ പുകവ​ലി​യി​ലൂ​ടെ ആർജി​ക്കാൻ ആഗ്രഹി​ക്കുന്ന ആകൃതി​തന്നെ. ഏഷ്യയി​ലെ പുകയില പരസ്യങ്ങൾ ചിത്രീ​ക​രി​ക്കു​ന്നത്‌ പാശ്ചാത്യ മോടി​യിൽ വശീക​രി​ക്ക​പ്പെ​ടും​വി​ധം വസ്‌ത്ര​ധാ​രണം ചെയ്‌തി​രി​ക്കുന്ന യുവ ഏഷ്യൻ മോഡ​ലു​ക​ളെ​യാണ്‌.

പുകവ​ലി​യോ​ടു ബന്ധപ്പട്ട മരണനി​ര​ക്കു​കൾ സ്‌ത്രീ​ക​ളു​ടെ “വിമോ​ചന”ത്തോ​ടൊ​പ്പം​തന്നെ വർധി​ച്ചു​വ​രി​ക​യാണ്‌. ബ്രിട്ടൻ, ജപ്പാൻ, നോർവേ, പോളണ്ട്‌, സ്വീഡൻ എന്നിവി​ട​ങ്ങ​ളിൽ കഴിഞ്ഞ 20 വർഷങ്ങ​ളിൽ ശ്വാസ​കോശ അർബുദം നിമിത്തം മരിക്കു​ന്ന​വ​രു​ടെ എണ്ണം ഇരട്ടി​യാ​യി വർധി​ച്ചി​ട്ടുണ്ട്‌. ഐക്യ​നാ​ടു​ക​ളി​ലും കാനഡ​യി​ലും ഈ നിരക്കു​കൾ 300 ശതമാ​ന​മാ​യി വർധി​ച്ചി​രി​ക്കു​ന്നു. “മോനേ, നീ ഒത്തിരി പുരോ​ഗതി നേടി​യി​രി​ക്കു​ന്നു!” ഒരു സിഗരറ്റു പരസ്യം പ്രഖ്യാ​പി​ക്കു​ന്നു.

ചില പുകയില കമ്പനി​കൾക്ക്‌ അവയുടെ സ്വന്തം തന്ത്രങ്ങ​ളുണ്ട്‌. പ്രധാ​ന​മാ​യും ഒരു കത്തോ​ലി​ക്കാ രാഷ്ട്ര​മായ ഫിലി​പ്പീൻസി​ലെ ഒരു കമ്പനി സൗജന്യ​മാ​യി കലണ്ടറു​കൾ വിതരണം ചെയ്യു​ക​യു​ണ്ടാ​യി, അവയിൽ കന്യാ​മ​റി​യ​ത്തി​ന്റെ ഒരു ചിത്ര​വും അതിനു കീഴെ യാതൊ​രു കൂസലും കൂടാതെ അവരുടെ സിഗരറ്റ്‌ കമ്പനി​യു​ടെ പരസ്യ​വും കൊടു​ത്തി​രി​ക്കു​ന്നു. “ഇതു​പോ​ലൊ​ന്നു മുമ്പൊ​രി​ക്ക​ലും ഞാൻ കണ്ടിട്ടില്ല. ഫിലി​പ്പീൻസി​ലെ സ്‌ത്രീ​കൾക്കു പുകവലി എന്ന ആശയത്തിൽ അതൃപ്‌തി തോന്നാ​തി​രി​ക്കാൻ ചിത്ര​ത്തി​ലെ പ്രതി​പാ​ദ്യ​വി​ഷ​യത്തെ പുകയി​ല​യു​മാ​യി ബന്ധിപ്പി​ക്കാൻ അവർ ശ്രമി​ക്കു​ക​യാ​യി​രു​ന്നു” എന്ന്‌ ഡബ്ലിയു​എച്ച്‌ഒ-യുടെ ഏഷ്യൻ ആരോഗ്യ ഉപദേ​ശ​ക​യായ ഡോ. റോസ്‌മാ​രി എർബൻ പറഞ്ഞു.

ചൈന​യി​ലാ​ക​ട്ടെ പ്രായ​പൂർത്തി​യായ പുരു​ഷൻമാ​രിൽ 61 ശതമാനം പേരും പുകവ​ലി​ക്കു​ന്ന​താ​യി കണക്കാ​ക്ക​പ്പെ​ടു​ന്നു, എന്നാൽ സ്‌ത്രീ​ക​ളിൽ 7 ശതമാനം പേരേ അവിടെ പുകവ​ലി​ക്കു​ന്നു​ള്ളൂ. പാശ്ചാത്യ പുകയില കമ്പനികൾ അവയുടെ ദൃഷ്ടി പതിപ്പി​ച്ചി​രി​ക്കു​ന്നത്‌ സുന്ദരി​ക​ളായ ഈ പൗരസ്‌ത്യ സ്‌ത്രീ​ക​ളു​ടെ “വിമോ​ചന”ത്തിലാണ്‌. ഈ സ്‌ത്രീ​ക​ളിൽ ലക്ഷക്കണ​ക്കി​നു പേർക്ക്‌ അവരുടെ പാശ്ചാത്യ സഹോ​ദ​രി​മാ​രു​ടെ “ഉല്ലാസങ്ങൾ” ദീർഘ​നാ​ളാ​യി നിഷേ​ധി​ക്ക​പ്പെ​ട്ടി​രു​ന്ന​ല്ലോ. എന്നുവ​രി​കി​ലും, പാശ്ചാത്യ കമ്പനി​ക​ളു​ടെ വീക്ഷണ​ത്തിൽ പ്രശ്‌ന​മെന്നു തോന്നിയ ഒരു സംഗതി​യു​ണ്ടാ​യി​രു​ന്നു: ഗവൺമെൻറ്‌ ഉടമസ്ഥ​ത​യി​ലുള്ള കമ്പനി​ക​ളാ​ണു സിഗര​റ്റു​ക​ള​ധി​ക​വും വിതരണം ചെയ്യു​ന്നത്‌.

എന്നിരു​ന്നാ​ലും, പാശ്ചാത്യ കമ്പനികൾ തങ്ങളുടെ ഉത്‌പ​ന്നങ്ങൾ നുഴഞ്ഞു​ക​ട​ത്തു​ക​യാണ്‌. പരിമി​ത​മായ പരസ്യ​പ്പെ​ടു​ത്തൽ സൗകര്യ​ങ്ങ​ളുള്ള സിഗരറ്റു കമ്പനികൾ തങ്ങളുടെ ഭാവി ഉപഭോ​ക്താ​ക്കളെ നിഗൂ​ഢ​മായ വിധങ്ങ​ളിൽ ഒരുക്കി​യെ​ടു​ക്കാൻ ശ്രമി​ക്കു​ക​യാണ്‌. ചൈന ഹോ​ങ്കോ​ങ്ങിൽനി​ന്നു ചലച്ചി​ത്രങ്ങൾ ഇറക്കു​മതി ചെയ്യുന്നു, അവയിൽ മിക്കതി​ലും പുകവ​ലി​ക്കാൻ വേണ്ടി അഭി​നേ​താ​ക്കൾക്കു പണം കൊടു​ക്കു​ന്നു—നയപൂർവ​മുള്ള ഒരു വിൽപ്പന!

സ്വന്തരാ​ജ്യ​ത്തു പുകവ​ലി​യോട്‌ എതിർപ്പു വർധി​ക്കു​ന്ന​തു​കൊണ്ട്‌, അഭിവൃ​ദ്ധി​യുള്ള അമേരി​ക്കൻ പുകയില കമ്പനികൾ അവയുടെ കരാള​ഹ​സ്‌തങ്ങൾ പുതിയ ഇരകളെ തേടി നീട്ടു​ക​യാണ്‌. വികസ്വര രാജ്യ​ങ്ങ​ളിൽ അവ മാരക​മായ ലക്ഷ്യം വെച്ചി​രി​ക്കു​ക​യാ​ണെന്ന്‌ വസ്‌തു​തകൾ പ്രകട​മാ​ക്കു​ന്നു.

ലോക​വ്യാ​പ​ക​മാ​യി ആരോഗ്യ ഉദ്യോ​ഗ​സ്ഥൻമാർ മുന്നറി​യിപ്പ്‌ മുഴക്കു​ക​യാണ്‌. തലക്കെ​ട്ടു​കൾ ഇങ്ങനെ പ്രഖ്യാ​പി​ക്കു​ന്നു: “ആഫ്രിക്ക ഒരു പുതിയ പ്ലേഗി​നോ​ടു പൊരു​തു​ന്നു—സിഗര​റ്റു​വലി.” “സിഗരറ്റു വിപണി കുതി​ച്ചു​യ​രവേ ഏഷ്യയിൽ പുക തീയായി മാറുന്നു.” “ഏഷ്യയി​ലെ പുകവലി നിരക്കു​കൾ കാൻസർ പകർച്ച​വ്യാ​ധി​യി​ലേക്കു നയിക്കും.” “മൂന്നാം ലോക പോരാ​ട്ടം പുകയില സംബന്ധി​ച്ചാണ്‌.”

ആഫ്രിക്കൻ ഭൂഖണ്ഡം വരൾച്ച​യാ​ലും ആഭ്യന്തര യുദ്ധത്താ​ലും എയ്‌ഡ്‌സ്‌ പകർച്ച​വ്യാ​ധി​യാ​ലും പ്രഹരി​ക്ക​പ്പെ​ട്ടി​രി​ക്കു​ന്നു. എന്നിട്ടും, ബ്രിട്ടീഷ്‌ ഹൃ​ദ്രോ​ഗ​ചി​കി​ത്സാ വിദഗ്‌ധ​നായ ഡോ. കീത്ത്‌ ബോൾ ഇങ്ങനെ പറയുന്നു, “ന്യൂക്ലി​യർ യുദ്ധവും ക്ഷാമവും ഒഴിച്ചാൽ, ആഫ്രി​ക്ക​യു​ടെ ഭാവി ആരോ​ഗ്യ​ത്തി​ന്റെ ഏറ്റവും വലിയ ഒറ്റ ഭീഷണി പുകവ​ലി​യാണ്‌.”

പുകയില വളർത്താൻ ബഹുരാ​ഷ്ട്ര ഭീമൻമാർ പ്രാ​ദേ​ശിക കർഷകരെ വിലയ്‌ക്കെ​ടു​ക്കു​ക​യാണ്‌. പാചക​ത്തി​നും ചൂടി​നും ഭവനനിർമാ​ണ​ത്തി​നും വളരെ​യ​ധി​കം ആവശ്യ​മായ മരങ്ങൾ കർഷകർ മുറി​ച്ചു​ക​ളഞ്ഞ്‌ പുകയില ഉണക്കുന്ന ഇന്ധനമാ​യി ഉപയോ​ഗി​ക്കു​ന്നു. ആദായം കുറഞ്ഞ ഭക്ഷ്യയി​നങ്ങൾ കൃഷി ചെയ്യു​ന്ന​തി​നു പകരം ആദായ​ക​ര​മായ പുകയില അവർ കൃഷി ചെയ്യുന്നു. പാവപ്പെട്ട ആഫ്രി​ക്ക​ക്കാർ സാധാ​ര​ണ​മാ​യി തങ്ങളുടെ തുച്ഛമായ വരുമാ​ന​ത്തി​ന്റെ സിംഹ​ഭാ​ഗം സിഗര​റ്റു​കൾക്കു വേണ്ടി ചെലവാ​ക്കു​ന്നു. അതു​കൊണ്ട്‌ ആഫ്രിക്കൻ കുടും​ബങ്ങൾ വികല​പോ​ഷണം നിമിത്തം ക്ഷയിച്ചു​പോ​കു​ന്നു, അതേസ​മയം, പാശ്ചാത്യ പുകയില കമ്പനി​ക​ളു​ടെ പണപ്പെ​ട്ടി​കൾ ലാഭം നിമിത്തം ചീർക്കു​ന്നു.

ആഫ്രിക്ക, പൂർവ യൂറോപ്പ്‌, ലാറ്റി​ന​മേ​രിക്ക എന്നിവി​ട​ങ്ങ​ളെ​ല്ലാം പാശ്ചാത്യ പുകയില കമ്പനികൾ ലക്ഷ്യം വയ്‌ക്കു​ന്നി​ട​ങ്ങ​ളാണ്‌. ഭീമമായ ബിസി​നസ്സ്‌ സാധ്യ​ത​യുള്ള ഒന്നായാണ്‌ അവ വികസ്വ​ര​ലോ​കത്തെ കാണു​ന്നത്‌. എല്ലാറ്റി​ലും​വെച്ച്‌ ഏറ്റവും വലിയ സ്വർണ​ഖനി ആളുകൾ തിങ്ങി​പ്പാർക്കുന്ന ഏഷ്യയാണ്‌. ഐക്യ​നാ​ടു​ക​ളി​ലെ മൊത്ത​മാ​ളു​ക​ളെ​ക്കാൾ പുകവ​ലി​ക്കാർ ഇപ്പോൾ ചൈന​യി​ലുണ്ട്‌—30 കോടി ആളുകൾ. അമ്പരപ്പി​ക്കും​വി​ധം 1,60,000 കോടി സിഗര​റ്റു​ക​ളാണ്‌ ഒരു വർഷം അവർ പുകച്ചു​ത​ള്ളു​ന്നത്‌, അത്‌ ലോക​ത്തിൽ ഉപയോ​ഗി​ക്കുന്ന മൊത്തം സിഗര​റ്റു​ക​ളു​ടെ മൂന്നി​ലൊ​ന്നാണ്‌!

“ഏഷ്യയി​ലെ പുകയി​ല​പ്ര​ളയം നിമി​ത്ത​മുള്ള ആരോഗ്യ പ്രത്യാ​ഘാ​തങ്ങൾ ഞെട്ടി​ക്കു​ന്ന​ത​ല്ലാ​തെ മറ്റൊ​ന്നു​മ​ല്ലെന്നു ചികി​ത്സകർ പറയുന്നു” എന്ന്‌ ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്യുന്നു. വരുന്ന രണ്ടോ മൂന്നോ ദശകങ്ങ​ളിൽ പുകവ​ലി​യോ​ടു ബന്ധപ്പെട്ട്‌ ഓരോ വർഷവും ഉണ്ടാകു​മെന്നു പ്രതീ​ക്ഷി​ക്ക​പ്പെ​ടുന്ന ഒരു കോടി മരണങ്ങ​ളിൽ 20 ലക്ഷവും ചൈന​യിൽ മാത്ര​മാ​യി​രി​ക്കും എന്ന്‌ റിച്ചാർഡ്‌ പീറ്റോ കണക്കാ​ക്കു​ന്നു. ഇന്നു ചൈന​യിൽ ജീവി​ച്ചി​രി​ക്കുന്ന അഞ്ചു കോടി കുട്ടികൾ പുകവ​ലി​യോ​ടു ബന്ധപ്പെട്ട രോഗ​ങ്ങ​ളാൽ മരണമ​ട​ഞ്ഞേ​ക്കാം എന്നു പീറ്റോ പറയുന്നു.

ഡോ. നൈജൽ ഗ്രേ ഇക്കാര്യം ഇങ്ങനെ സംഗ്ര​ഹി​ച്ചു പറഞ്ഞു: “ചൈന​യി​ലെ​യും പൂർവ യൂറോ​പ്പി​ലെ​യും കഴിഞ്ഞ അഞ്ചു ദശകങ്ങ​ളിൽ ഏറെക്കാ​ലത്തെ പുകവലി ചരിത്രം ഒരു പ്രമുഖ പുകയില രോഗ പകർച്ച​വ്യാ​ധിക്ക്‌ അവ കുറ്റം വഹിക്കു​ന്നു​വെന്നു കാണി​ക്കു​ന്നു.”

“ഐക്യ​നാ​ടു​ക​ളിൽ ഓരോ വർഷവും 4,00,000 അകാല മരണങ്ങൾക്കു കാരണ​മായ ഒരു ഉത്‌പ​ന്ന​ത്തിന്‌, പൗരൻമാർ ഉപേക്ഷി​ക്കാൻ അവരെ സഹായി​ക്കു​ന്ന​തിന്‌ യുഎസ്‌ ഗവൺമെൻറ്‌ കിണഞ്ഞു​ശ്ര​മി​ക്കുന്ന ഒരു ഉത്‌പ​ന്ന​ത്തിന്‌, അമേരി​ക്കൻ അതിർത്തി​കൾക്ക​പ്പു​റത്ത്‌ ഇത്ര പെട്ടെന്ന്‌ എങ്ങനെ വ്യത്യ​സ്‌ത​മാ​യി​ത്തീ​രാൻ കഴിയും?” എന്ന്‌ തായ്‌ല​ണ്ടി​ലെ പുകവലി-വിരുദ്ധ പ്രസ്ഥാ​ന​ത്തിൽ ഉൾപ്പെട്ട ഡോ. പ്രകിത്‌ വട്ടീസ​റ്റോ​ക്കിറ്റ്‌ ചോദി​ച്ചു. “അതേ ഉത്‌പന്നം മറ്റു രാജ്യ​ങ്ങ​ളി​ലേക്കു കയറ്റി അയയ്‌ക്കു​മ്പോൾ ആരോ​ഗ്യ​ത്തി​നു പ്രാധാ​ന്യം നഷ്ടപ്പെ​ടു​ന്നു​വോ?”

യു.എസ്‌. ഗവൺമെൻറിൽ വർധി​ച്ചു​വ​രുന്ന പുകയില താത്‌പ​ര്യ​ത്തിന്‌ ശക്തമായ ചേരി​യാ​ണു​ള്ളത്‌. വിദേ​ശത്ത്‌, പ്രത്യേ​കി​ച്ചും ഏഷ്യൻ കമ്പോ​ള​ങ്ങ​ളിൽ, കാലു​റ​പ്പി​ക്കാ​നുള്ള സ്ഥാനം നേടി​യെ​ടു​ക്കാൻ അവ ഒന്നിച്ചു​നി​ന്നു പോരാ​ടി​യി​രി​ക്കു​ന്നു. വർഷങ്ങ​ളാ​യി ജപ്പാൻ, തായ്‌വാൻ, തായ്‌ലണ്ട്‌ എന്നീ രാജ്യ​ങ്ങ​ളി​ലെ​യും മറ്റു പല രാജ്യ​ങ്ങ​ളി​ലെ​യും മാർക്ക​റ്റു​ക​ളിൽനിന്ന്‌ അമേരി​ക്കൻ സിഗര​റ്റു​കൾ അകറ്റി​നിർത്തി​യി​രു​ന്നു. അവയിൽ ചില ഗവൺമെ​ന്റു​കൾക്ക്‌ പുകയില ഉത്‌പ​ന്ന​ങ്ങ​ളു​ടെ​മേൽ കുത്തക ഉണ്ടായി​രു​ന്നു. ഇറക്കു​മതി ചെയ്യു​ന്ന​തി​നെ പുകവലി-വിരുദ്ധ സംഘങ്ങൾ എതിർത്തു, എന്നാൽ യു.എസ്‌. ഭരണകൂ​ടം തന്ത്രപ​ര​മായ ഒരായു​ധ​മെ​ടുത്ത്‌ ഉപയോ​ഗി​ച്ചു—ഇറക്കു​മതി സാധന​ങ്ങ​ളു​ടെ​മേൽ കഠിന​മായ തീരുവ ചുമത്തി.

1985 മുതൽ യു.എസ്‌. ഗവൺമെൻറി​ന്റെ ശക്തമായ സമ്മർദം മൂലം, പല ഏഷ്യൻ രാജ്യ​ങ്ങ​ളും തങ്ങളുടെ കവാടം തുറന്നി​ട്ടു, അങ്ങനെ അമേരി​ക്കൻ സിഗര​റ്റു​കൾ ആ രാജ്യ​ങ്ങ​ളി​ലേക്കു പ്രവഹി​ക്കാൻ തുടങ്ങി. ഏഷ്യയി​ലേ​ക്കുള്ള യു.എസ്‌. സിഗരറ്റ്‌ കയറ്റു​മതി 1988-ൽ 75 ശതമാ​ന​മാ​യി കുതി​ച്ചു​യർന്നു.

ഒരുപക്ഷേ, കുട്ടി​ക​ളാണ്‌ പുകയില യുദ്ധങ്ങ​ളു​ടെ ഏറ്റവും വലിയ ഇരകൾ. “പുതിയ പുകവ​ലി​ക്കാ​രിൽ 90% പേർ കുട്ടി​ക​ളും കൗമാ​ര​പ്രാ​യ​ക്കാ​രു​മാണ്‌” എന്ന്‌ ദ ജേണൽ ഓഫ്‌ ദി അമേരി​ക്കൻ മെഡിക്കൽ അസോ​സി​യേ​ഷ​നിൽ റിപ്പോർട്ട്‌ ചെയ്‌ത ഒരു പഠനം പറയുന്നു.

ഐക്യ​നാ​ടു​ക​ളിൽ കൗമാ​ര​പ്രാ​യ​ത്തി​ലുള്ള പുകവ​ലി​ക്കാ​രു​ടെ എണ്ണം 31 ലക്ഷമാ​ണെന്ന്‌ യു.എസ്‌.ന്യൂസ്‌ & വേൾഡ്‌ റിപ്പോർട്ടി​ലെ ഒരു ലേഖനം കണക്കാ​ക്കു​ന്നു. ഓരോ ദിവസ​വും 3,000 പുതിയ ആളുകൾ പുകവലി തുടങ്ങു​ന്നു—ഒരു വർഷം 10,00,000 പേർ.

രസപ്രി​യ​നാ​യ, ഉല്ലാസം തേടുന്ന ഒരു കാർട്ടൂൺ ഒട്ടകത്തി​ന്റെ ചുണ്ടു​ക​ളിൽ ഒരു സിഗരറ്റ്‌ മിക്ക​പ്പോ​ഴും തൂങ്ങി​ക്കി​ട​ക്കു​ന്ന​താണ്‌ ഒരു സിഗര​റ്റി​ന്റെ പരസ്യം. ചെറു​പ്പ​ക്കാർ തങ്ങളുടെ ആരോഗ്യ അപകടങ്ങൾ മനസ്സി​ലാ​ക്കു​ന്ന​തി​നു മുമ്പു​തന്നെ അവരെ നിക്കോ​ട്ടി​ന്റെ അടിമ​ത്ത​ത്തി​ലേക്കു വശീക​രി​ക്കു​ന്നു​വെന്ന ആരോ​പണം ഈ സിഗരറ്റു പരസ്യ​ത്തി​നുണ്ട്‌. ഈ പരസ്യ​പ്പെ​ടു​ത്തൽ നടത്തി മൂന്നു വർഷങ്ങൾക്കു​ള്ളിൽ, കൗമാ​ര​പ്രാ​യ​ക്കാർക്കുള്ള വിൽപ്പ​ന​യിൽ ആ സിഗരറ്റു കമ്പനി 64 ശതമാനം വർധനവു നേടി. ജോർജി​യ​യി​ലെ (യു.എസ്‌.എ.) മെഡിക്കൽ കോ​ളെ​ജിൽ നടത്തിയ ഒരു പഠനം, സർവേ ചെയ്യപ്പെട്ട ആറു വയസ്സു​കാ​രിൽ 91 ശതമാ​ന​വും പുകവ​ലി​ക്കുന്ന ഈ കാർട്ടൂൺ കഥാപാ​ത്രത്തെ തിരി​ച്ച​റി​ഞ്ഞ​താ​യി കണ്ടെത്തി.

പ്രസി​ദ്ധ​മാ​യ മറ്റൊരു സിഗരറ്റ്‌ ചിഹ്നം സ്വത​ന്ത്ര​മാ​യി വിഹരി​ക്കുന്ന, ഊർജ​സ്വ​ല​നായ ഒരു ഗോപാ​ല​ക​ന്റേ​താണ്‌, ഒരു കൗമാ​ര​പ്രാ​യ​ക്കാ​രൻ പറയു​ന്ന​ത​നു​സ​രിച്ച്‌ അവൻ പുറത്തു​വി​ടുന്ന സന്ദേശം, “പുകവ​ലി​ക്കു​മ്പോൾ നിങ്ങളെ ആർക്കും തടയാ​നാ​വില്ല” എന്നതാണ്‌. ലോക​ത്തിൽ ഏറ്റവു​മ​ധി​കം വിറ്റഴി​യ​പ്പെ​ടുന്ന ഉപഭോ​ക്തൃ ഉൽപ്പന്ന​മായ ഒരു സിഗര​റ്റിന്‌ കൗമാ​ര​പ്രാ​യ​ക്കാ​രു​ടെ ഇടയിലെ 69 ശതമാനം കമ്പോ​ള​ത്തി​ന്റെ​മേ​ലും നിയ​ന്ത്ര​ണ​മു​ണ്ടെന്നു പറയ​പ്പെ​ടു​ന്നു. ഏറ്റവു​മ​ധി​കം പരസ്യം ചെയ്യ​പ്പെ​ടുന്ന ബ്രാൻഡും അതുത​ന്നെ​യാണ്‌. കൂടു​ത​ലായ ഒരു പ്രചോ​ദ​ന​മെന്ന നിലയിൽ, ഓരോ പാക്കറ്റി​ന്റെ കൂടെ​യും കൂപ്പണു​ക​ളുണ്ട്‌, അവ തിരികെ കൊടു​ത്താൽ യുവജ​ന​ങ്ങ​ളു​ടെ ഇടയിൽ പ്രസി​ദ്ധ​മായ ജീൻസു​കൾ, തൊപ്പി​കൾ, സ്‌പോർട്‌സ്‌ വസ്‌ത്രങ്ങൾ തുടങ്ങി​യവ ലഭിക്കും.

പരസ്യ​ത്തി​ന്റെ വലിയ ശക്തി തിരി​ച്ച​റി​ഞ്ഞു​കൊണ്ട്‌, പല രാജ്യ​ങ്ങ​ളി​ലെ​യും ടെലി​വി​ഷ​നി​ലും റേഡി​യോ​യി​ലും പുകയില പരസ്യങ്ങൾ നിരോ​ധി​ക്കു​ന്ന​തിൽ പുകവലി-വിരുദ്ധ സംഘങ്ങൾ വിജയി​ച്ചി​ട്ടുണ്ട്‌. എന്നിരു​ന്നാ​ലും, വിവര​മുള്ള പുകയില പരസ്യ​കർത്താ​ക്കൾ ആ സംഗതി​യിൽ കൗശലം പ്രയോ​ഗി​ക്കു​ന്നു, സ്‌പോർട്‌സ്‌ പരിപാ​ടി​കൾ നടക്കു​മ്പോൾ തന്ത്രപ​ര​മാ​യി പരസ്യ​ബോർഡു​കൾ സ്ഥാപി​ച്ചു​കൊണ്ട്‌. അതു​കൊണ്ട്‌, ഒരു മത്സരം സം​പ്രേ​ക്ഷണം ചെയ്യ​പ്പെ​ടു​മ്പോൾ ചെറു​പ്പ​ക്കാ​രായ വലിയ സദസ്സി​നോ​ടൊ​പ്പം​തന്നെ, കളിക്കാൻ സജ്ജനായി നിൽക്കുന്ന തങ്ങളുടെ പ്രിയ​പ്പെട്ട കളിക്കാ​രൻ പൂർവ​ത​ല​ത്തി​ലും തലയു​യർത്തി അൽപ്പം മറഞ്ഞു​നിൽക്കുന്ന സിഗരറ്റ്‌ പരസ്യ​ബോർഡ്‌ പശ്ചാത്ത​ല​ത്തി​ലും കാണാം.

പട്ടണത്തി​ന്റെ പ്രധാ​ന​ഭാ​ഗ​ത്തോ സ്‌കൂ​ളു​ക​ളു​ടെ മുമ്പി​ലോ കുട്ടി​പ്പാ​വാ​ട​ക​ളി​ലോ ഗോപാ​ല​കന്റെ വേഷത്തി​ലോ സഫാരി സ്യൂട്ടു​ക​ളി​ലോ വിദഗ്‌ധ​മാ​യി വസ്‌ത്ര​ധാ​രണം ചെയ്‌ത സ്‌ത്രീ​കൾ ആകാം​ക്ഷ​യുള്ള, ജിജ്ഞാ​സു​ക്ക​ളായ കൗമാ​ര​പ്ര​യ​ക്കാർക്ക്‌ സിഗര​റ്റു​കൾ സൗജന്യ​മാ​യി വെച്ചു​നീ​ട്ടു​ന്നു. വീഡി​യോ ശാലക​ളി​ലും നൃത്തസ​ദ​സ്സു​ക​ളി​ലും റോക്ക്‌ സംഗീ​ത​ക്ക​ച്ചേ​രി​കൾ നടക്കു​ന്നി​ട​ത്തും സിഗരറ്റു സാമ്പി​ളു​കൾ സൗജന്യ​മാ​യി വിതരണം ചെയ്യുന്നു. ഒരു കമ്പനി​യു​ടെ വിപണ​ന​ത​ന്ത്രം വാർത്ത​യിൽ ചോരു​ക​യു​ണ്ടാ​യി, അതായത്‌ കാനഡ​യി​ലെ ഒരു പ്രത്യേക കമ്പനി 12-നും 17-നും ഇടയ്‌ക്കു പ്രായ​മുള്ള ഫ്രഞ്ച്‌ സംസാ​രി​ക്കുന്ന ആണുങ്ങ​ളിൽ ലക്ഷ്യം വെച്ചു​വ​ത്രേ.

തിളങ്ങുന്ന സന്ദേശം ഇതാണ്‌, പുകവലി സുഖവും ആരോ​ഗ്യ​വും ഓജസും പ്രസി​ദ്ധി​യും കൈവ​രു​ത്തു​ന്നു. “ഞാൻ ജോലി ചെയ്‌തി​ടത്ത്‌ 14 വയസ്സുള്ള കുട്ടികൾ പുകവലി തുടങ്ങാൻ സ്വാധീ​നി​ക്കു​ന്ന​തി​നു ഞങ്ങൾ കഠിന​ശ്രമം ചെയ്യു​ക​യാ​യി​രു​ന്നു,” ഒരു പരസ്യ ഏജൻറ്‌ പറഞ്ഞു. ഏഷ്യയി​ലെ പരസ്യങ്ങൾ ചെറു​പ്പ​ക്കാ​രായ പാശ്ചാത്യ കായി​ക​താ​രങ്ങൾ കടലോ​ര​ത്തും കളിസ്ഥ​ല​ത്തും ചുറ്റി​ത്തി​രി​ഞ്ഞു​ന​ട​ക്കു​ന്ന​താ​യി കാണി​ക്കു​ന്നു—തീർച്ച​യാ​യും പുകവ​ലി​ച്ചു​കൊ​ണ്ടു​തന്നെ. “പാശ്ചാത്യ മോഡ​ലു​ക​ളും ജീവി​ത​രീ​തി​ക​ളും അനുക​രി​ക്കാ​നുള്ള ആകർഷ​ക​മായ നിലവാ​രങ്ങൾ സൃഷ്ടി​ക്കു​ന്നു, മാത്രമല്ല ഏഷ്യയി​ലെ പുകവ​ലി​ക്കാർ പാശ്ചാത്യ ജീവി​ത​രീ​തി പകർത്താൻ ആകാം​ക്ഷ​യു​ള്ള​വ​രാ​ണ​ല്ലോ,” ഒരു മാർക്ക​റ്റിങ്‌ വിപണന പത്രിക അഭി​പ്രാ​യ​പ്പെട്ടു.

പരസ്യ​ത്തി​നു വേണ്ടി ശതകോ​ടി​ക്ക​ണ​ക്കി​നു ഡോളർ ചെലവ​ഴി​ച്ച​ശേഷം പുകയില വിപണ​ന​ക്കാർ വൻതോ​തി​ലുള്ള വിജയങ്ങൾ നേടി​യെ​ടു​ത്തി​ട്ടുണ്ട്‌. ചെറു​പ്പ​ക്കാ​രായ പുകവ​ലി​ക്കാ​രു​ടെ വർധനവ്‌ ഞെട്ടി​ക്കു​ന്ന​താ​ണെന്ന്‌ റീഡേ​ഴ്‌സ്‌ ഡൈജ​സ്റ്റി​ന്റെ ഒരു പ്രത്യേക റിപ്പോർട്ട്‌ പ്രകട​മാ​ക്കു​ക​യു​ണ്ടാ​യി. ആ റിപ്പോർട്ട്‌ ഇങ്ങനെ പറയുന്നു: “ഫിലി​പ്പീൻസിൽ 18 വയസ്സിൽ താഴെ​യുള്ള 22.7 ശതമാനം ആളുകൾ ഇപ്പോൾ പുകവ​ലി​ക്കു​ന്നു. ചില ലാറ്റി​ന​മേ​രി​ക്കൻ നഗരങ്ങ​ളിൽ, കൗമാ​ര​പ്രാ​യ​ക്കാ​രു​ടെ നിരക്ക്‌ അമ്പരപ്പി​ക്കും​വി​ധം 50 ശതമാ​ന​മാണ്‌. ഹോ​ങ്കോ​ങിൽ ഏഴു വയസ്സുള്ള കുട്ടികൾ പോലും പുകവ​ലി​ക്കു​ന്നു.”

എന്നിരു​ന്നാ​ലും, പുകയില വിദേ​ശ​ങ്ങ​ളിൽ ജയിച്ച​ടക്കൽ ആസ്വദി​ക്കു​മ്പോൾ പോലും സ്വന്തരാ​ജ്യത്ത്‌ ഉരുണ്ടു​കൂ​ടി​വ​രുന്ന കൊടു​ങ്കാ​റ്റു മേഘങ്ങളെ സംബന്ധിച്ച്‌ സിഗരറ്റു കമ്പനികൾ വേദനാ​പൂർവം മനസ്സി​ലാ​ക്കു​ന്നു. ഈ കൊടു​ങ്കാ​റ്റി​നെ വിജയ​പ്ര​ദ​മാ​യി അതിജീ​വി​ക്കാ​നുള്ള പുകയി​ല​യു​ടെ സാധ്യ​തകൾ എന്തെല്ലാ​മാണ്‌?

[3-ാം പേജിലെ ആകർഷ​ക​വാ​ക്യം]

അതിന്റെ ഏറ്റവും നല്ല ഉപഭോ​ക്താ​ക്കൾ മരിച്ചു​കൊ​ണ്ടി​രി​ക്കു​ന്നു

[5-ാം പേജിലെ ആകർഷ​ക​വാ​ക്യം]

ഏഷ്യ, പുകയി​ല​യു​ടെ ഏറ്റവും പുതിയ കൊല​ക്ക​ള​ങ്ങൾ

[6-ാം പേജിലെ ആകർഷ​ക​വാ​ക്യം]

പുതിയ മൊത്തം പുകവ​ലി​ക്കാ​രു​ടെ 90 ശതമാനം—കുട്ടി​ക​ളും കൗമാ​ര​പ്രാ​യ​ക്കാ​രും!

വശീകരിക്കുന്ന ഒരു ഏഷ്യൻ മോഡ​ലും ലക്ഷ്യങ്ങ​ളും

[4-ാം പേജിലെ ചതുരം]

മാരകമായ പാചക​വി​ധി—ഒരു സിഗര​റ്റിൽ എന്താണു​ള്ളത്‌?

സിഗരറ്റു നിർമാ​താ​ക്കൾ ആസക്തി​യു​ള​വാ​ക്കുന്ന 700-ഓളം വ്യത്യസ്‌ത രാസപ​ദാർഥങ്ങൾ ഉപയോ​ഗി​ക്കു​ന്നു​ണ്ടാ​യി​രി​ക്കാം, എന്നാൽ അതിന്റെ ലിസ്റ്റ്‌ രഹസ്യ​മാ​യി സൂക്ഷി​ക്കാൻ നിയമം ആ കമ്പനി​കളെ അനുവ​ദി​ക്കു​ന്നു. എന്നിരു​ന്നാ​ലും, ആ ലിസ്റ്റിൽ സാന്ദ്രത കൂടിയ ലോഹ​ങ്ങ​ളും അണുനാ​ശി​നി​ക​ളും കീടനാ​ശി​നി​ക​ളും അടങ്ങു​ന്നുണ്ട്‌. അതിലെ ചില ഘടകങ്ങൾ വളരെ വിഷമു​ള്ള​താ​യ​തു​കൊണ്ട്‌ മണ്ണു നികത്തി​യെ​ടു​ക്കു​മ്പോൾ പോലും അവ മണ്ണിന​ടി​യിൽ തള്ളുന്നത്‌ നിയമ​വി​രു​ദ്ധ​മാണ്‌. കാഴ്‌ച​യ്‌ക്കു രസമുള്ള സിഗരറ്റ്‌ പുകച്ചു​രു​ളിൽ ഏതാണ്ട്‌ 4,000 പദാർഥ​ങ്ങ​ളാ​ണു​ള്ളത്‌, അവയിൽ പെടു​ന്ന​വ​യാണ്‌ അസെ​റ്റോൺ, ആഴ്‌സെ​നിക്‌, ബ്യൂട്ടേൻ, കാർബൺ മോ​ണോ​ക്‌​സൈഡ്‌, സൈ​നൈഡ്‌ തുടങ്ങി​യവ. പുകവ​ലി​ക്കാ​രു​ടെ​യും അവരുടെ അടുത്തു​ള്ള​വ​രു​ടെ​യും ശ്വാസ​കോ​ശങ്ങൾ കാൻസ​റി​നി​ട​യാ​ക്കു​ന്ന​തെന്ന്‌ അറിയ​പ്പെ​ടുന്ന 43 ഘടകങ്ങൾക്കെ​ങ്കി​ലും വിധേ​യ​മാണ്‌.

[5-ാം പേജിലെ ചതുരം]

പുകവലിക്കാത്തവർ അപകട​ത്തിൽ

ഭയങ്കര പുകവ​ലി​ക്കാ​രു​ടെ കൂടെ നിങ്ങൾ ജീവി​ക്കു​ക​യോ ജോലി ചെയ്യു​ക​യോ യാത്ര ചെയ്യു​ക​യോ ചെയ്യു​ന്നു​ണ്ടോ? അങ്ങനെ​യെ​ങ്കിൽ ശ്വാസ​കോശ അർബു​ദ​വും ഹൃ​ദ്രോ​ഗ​വും ഉണ്ടാകാൻ നിങ്ങൾക്കു സാധ്യത കൂടു​ത​ലാണ്‌. യു.എസ്‌. പരിസ്ഥി​തി സംരക്ഷണ ഏജൻസി​യു​ടെ (ഇപിഎ) നിഗമനം പരിസ്ഥി​തി​യി​ലുള്ള പുകയി​ല​ധൂ​മം (ഇറ്റിഎസ്‌) ഒരു ഗ്രൂപ്പ്‌ എ കാഴ്‌സി​നോ​ജ​നാ​ണെ​ന്നും അത്‌ ഏറ്റവും അപകട​ക​ര​മാ​ണെ​ന്നു​മാണ്‌. സിഗര​റ്റി​ന്റെ അറ്റത്തു​നി​ന്നു ചുരു​ളു​ക​ളാ​യി ഉയരുന്ന പുക​യെ​യും അതു​പോ​ലെ​തന്നെ നിശ്വ​സി​ക്കുന്ന പുക​യെ​യും കുറിച്ചു നടത്തിയ 30 പഠനങ്ങ​ളു​ടെ ഫലങ്ങളെ ആ വലിയ റിപ്പോർട്ട്‌ അപഗ്ര​ഥനം ചെയ്യു​ക​യു​ണ്ടാ​യി.

ഐക്യ​നാ​ടു​ക​ളിൽ വർഷം​തോ​റും ഉണ്ടാകു​ന്ന​തിൽ 3,000 ശ്വാസ​കോ​ശാർബുദ രോഗ​ങ്ങൾക്കു കാരണം ചുറ്റു​പാ​ടു​മുള്ള പുകയില ധൂമമാ​ണെന്ന്‌ ഇപിഎ കുറ്റ​പ്പെ​ടു​ത്തു​ന്നു. 1994 ജൂണിൽ അമേരി​ക്കൻ മെഡിക്കൽ അസോ​സി​യേഷൻ പ്രസി​ദ്ധീ​ക​രിച്ച ഒരു പഠന​ത്തോട്‌ ഈ നിഗമ​ന​ങ്ങളെ ബന്ധപ്പെ​ടു​ത്തി. ഒരിക്ക​ലും പുകവ​ലി​ക്കാ​ത്ത​വ​രെ​ങ്കി​ലും ഇറ്റിഎ​സി​നു വിധേ​യ​രായ സ്‌ത്രീ​കൾക്ക്‌ ശ്വാസ​കോശ അർബു​ദ​മു​ണ്ടാ​കാൻ ആയുഷ്‌കാ​ലത്തു പുകവ​ലി​ക്കാത്ത മറ്റുള്ള​വ​രെ​ക്കാൾ 30 ശതമാനം സാധ്യത കൂടു​ത​ലാ​ണെന്ന്‌ ആ പഠനം പ്രകട​മാ​ക്കി​യി​രു​ന്നു.

പുക ശ്വസി​ക്കു​ന്നതു നിമിത്തം കൊച്ചു കുട്ടി​ക​ളിൽ വർഷ​ന്തോ​റും 1,50,000 മുതൽ 3,00,000 വരെ പേർക്ക്‌ ബ്രോ​ങ്കൈ​റ്റി​സും ന്യൂ​മോ​ണി​യ​യും ഉണ്ടാകു​ന്നു. ഐക്യ​നാ​ടു​ക​ളിൽ ഓരോ വർഷവും 2,00,000 മുതൽ 10,00,000 വരെ കുട്ടി​ക​ളിൽ പുക ആസ്‌ത​മ​യു​ടെ ലക്ഷണങ്ങളെ രൂക്ഷമാ​ക്കു​ന്നു.

ഇറ്റിഎസ്‌ മൂലം ഹൃദയ​ത്തി​ലും രക്തക്കു​ഴ​ലു​ക​ളി​ലും ഉണ്ടാകുന്ന രോഗ​ങ്ങ​ളാൽ ഓരോ വർഷവും 40,000 മരണങ്ങൾ ഉണ്ടാകു​ന്ന​താ​യി അമേരി​ക്കൻ ഹാർട്ട്‌ അസോ​സി​യേഷൻ കണക്കാ​ക്കു​ന്നു.

[7-ാം പേജിലെ ചിത്രങ്ങൾ]

വശീകരിക്കുന്ന ഒരു ഏഷ്യൻ മോഡ​ലും ലക്ഷ്യങ്ങ​ളും