വസ്‌തു​ക്ക​ളോ​ടുള്ള ആസക്തിയെ ജയിച്ച​ട​ക്കൽ

ഒരു ആസക്തി വിട്ടു​ക​ള​യുക എന്നത്‌ വളർന്നു​വന്ന വീട്‌ വിട്ടു​പോ​കു​ന്നതു പോ​ലെ​യാണ്‌. വീട്‌ പഴഞ്ചനും ജീർണി​ച്ച​തു​മാ​ണെ​ങ്കിൽപ്പോ​ലും അത്‌ വിട്ടു​പോ​കു​ന്നതു വിഷമ​ക​ര​മാണ്‌. അതു നിങ്ങളു​ടെ ഭവനമാ​യി​രു​ന്നു.

ആസക്തി​യു​ള്ള ഒരു വ്യക്തി​യാ​ണു നിങ്ങ​ളെ​ങ്കിൽ, ആസക്തി നിങ്ങളു​ടെ വൈകാ​രിക ഭവനമാ​യി​രി​ക്കാ​നി​ട​യുണ്ട്‌. അടുക്കും ചിട്ടയു​മി​ല്ലാ​ത്ത​താ​യി​രു​ന്നെ​ങ്കി​ലും അതു സുപരി​ചി​ത​മാണ്‌. “മത്തുപി​ടി​ക്കു​ന്നത്‌ എന്നെ സംബന്ധി​ച്ചി​ട​ത്തോ​ളം സാധാ​ര​ണ​മാണ്‌. സമചിത്തത അസാധാ​ര​ണ​വും” എന്ന്‌ പൂർവ​സ്ഥി​തി പ്രാപി​ച്ചു​കൊ​ണ്ടി​രി​ക്കുന്ന മദ്യാ​സ​ക്ത​നായ ചാൾസ്‌ പറയുന്നു. ആസക്തി​യിൽനി​ന്നു വിട്ടു​പോ​രു​ന്നത്‌ വിഷമ​ക​ര​മാ​യി​രി​ക്കും. എന്നാൽ അതു ശ്രമത്തി​നു​തക്ക മൂല്യ​മു​ള്ള​താണ്‌.

ആസക്തി​യു​ള​വാ​ക്കുന്ന വസ്‌തുക്കളിൽനിന്നുa വർജി​ച്ചി​രി​ക്കുക എന്നതാണ്‌ ആദ്യ പടി. കാലവി​ളം​ബം വരുത്തു​ക​യോ കേവലം അളവു കുറയ്‌ക്കു​ക​യോ അല്ല വേണ്ടത്‌. എല്ലാ ശേഖര​വും ബന്ധപ്പെട്ട സാമ​ഗ്രി​ക​ളും സത്വരം നീക്കം ചെയ്യുക. നിർത്തി​യ​തി​ന്റെ ചില ദോഷ​ഫ​ലങ്ങൾ കുറച്ചു കാല​ത്തേക്കു തുടർന്നു​ണ്ടാ​കും. ചില​പ്പോൾ വൈദ്യ​മേൽനോ​ട്ട​ത്തിൻ കീഴിൽ അത്‌ ഏററവും നന്നായി ചികി​ത്സി​ക്കാ​വു​ന്ന​താണ്‌. ഇത്‌ ആയുഷ്‌കാല വർജന​ത്തി​ന്റെ തുടക്ക​മാണ്‌. എന്നാൽ അത്‌ അസാധ്യ​മാ​ണെന്നു ചിന്തി​ക്ക​രുത്‌. സാധ്യ​മായ ഒരു ലക്ഷ്യം വച്ചു​കൊ​ണ്ടു തുടങ്ങുക: ഒരു മാസ​ത്തേക്ക്‌, ഒരാഴ്‌ച​ത്തേക്ക്‌, അല്ലെങ്കിൽ ഒരു ദിവസ​ത്തേക്ക്‌ വർജി​ച്ചി​രി​ക്കുക. ഓരോ കാലയ​ള​വി​ന്റെ​യും ഒടുവിൽ അവയി​ലേക്കു മടങ്ങു​ന്ന​തി​നു​പ​കരം നിങ്ങളു​ടെ ദൃഢതീ​രു​മാ​നം പുതു​ക്കുക.

ആസക്തമായ പെരു​മാ​റ​റ​ത്തി​നു മാററം വരുത്തു​ന്ന​തിൽ ഒരു തുടക്കം മാത്ര​മാ​ണിത്‌. “ആത്മാവി​ലെ​യും ജഡത്തി​ലെ​യും സകല കൻമഷ​വും [“മാലി​ന്യ​വും,” NW] നീക്കി” നമ്മെത്തന്നെ ശുദ്ധീ​ക​രി​ക്കാൻ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. (2 കൊരി​ന്ത്യർ 7:1) ആസക്തി ജഡത്തിന്റെ മാലി​ന്യ​ത്തെ​ക്കാൾ കവിഞ്ഞ​താണ്‌. അത്‌ ആത്മാവി​നെ​യും അഥവാ മാനസിക ചായ്‌വി​നെ​യും മലിന​മാ​ക്കു​ന്നു. ജഡത്തി​ലും ആത്മാവി​ലും പൂർവ​സ്ഥി​തി പ്രാപി​ക്കാൻ എന്തിനു നിങ്ങളെ സഹായി​ക്കാ​നാ​കും?

തുടർച്ച​യായ ശ്രമം അനിവാ​ര്യം

“ആസക്തി മുഴു വ്യക്തി​ത്വ​ത്തി​ന്റെ​യും ഒരു ക്രമഭം​ഗ​മാണ്‌” എന്നു ഡോ. റോബർട്ട്‌ എൽ. ഡ്യൂ​പോൺട്‌ പറയുന്നു. അതു​കൊണ്ട്‌ ആസക്തിയെ ജയിച്ച​ട​ക്കു​ന്ന​തിന്‌ മുഴു വ്യക്തി​യെ​ത്ത​ന്നെ​യും കണക്കി​ലെ​ടു​ക്കേ​ണ്ട​തുണ്ട്‌. അതു മൊത്തം മൂല്യാ​വ​ബോ​ധ​ത്തെ​യും മാറേ​റ​ണ്ട​തുണ്ട്‌. ഇതിനു സമയമാ​വ​ശ്യ​മാണ്‌. പൂർവ​സ്ഥി​തി പ്രാപി​ക്കു​ന്ന​തി​നു കുറു​ക്കു​വ​ഴി​ക​ളൊ​ന്നു​മില്ല. പെട്ടെന്നു സൗഖ്യ​മാ​കു​മെന്ന്‌ ആരെങ്കി​ലും വിചാ​രി​ച്ചാൽ ആ ശീലത്തി​ലേക്കു പൊടു​ന്നനെ മടങ്ങാനേ ഇടയാ​ക്കു​ക​യു​ള്ളൂ.

ശരിയാ​യ​തു ചെയ്യു​ന്ന​തി​നുള്ള പോരാ​ട്ടം തുടരേണ്ട ഒന്നാണ്‌. ക്രിസ്‌തീയ അപ്പോ​സ്‌ത​ല​നായ പൗലോസ്‌ ഇപ്രകാ​രം എഴുതി: “എന്റെ ബുദ്ധി​യു​ടെ പ്രമാ​ണ​ത്തോ​ടു പോരാ​ടുന്ന [“നിരന്തര പോരാ​ട്ട​ത്തി​ലുള്ള,” ഫിലി​പ്‌സ്‌] വേറൊ​രു പ്രമാണം ഞാൻ എന്റെ അവയവ​ങ്ങ​ളിൽ കാണുന്നു.” (റോമർ 7:23) ക്രിസ്‌ത്യാ​നി​കൾ “വിശു​ദ്ധി​യെ തികെ​ച്ചു​കൊ”ള്ളണമെ​ന്നും അദ്ദേഹം എഴുതി. (2 കൊരി​ന്ത്യർ 7:1) ഇവിടത്തെ “തികെ​ച്ചു​കൊൾക” എന്ന പദം “സമ്പൂർണ​മായ വിശുദ്ധി ക്ഷണനേ​രം​കൊണ്ട്‌ ആർജി​ക്കു​ന്ന​തി​നെയല്ല, പിന്നെ​യോ തുടർച്ച​യായ ഒരു പ്രക്രിയ”യെയാണ്‌ പരാമർശി​ക്കു​ന്ന​തെന്ന്‌ പുതിയ നിയമ​ത്തി​ലെ പദചി​ത്രങ്ങൾ എന്ന [ഇംഗ്ലീഷ്‌] പുസ്‌തകം അഭി​പ്രാ​യ​പ്പെ​ടു​ന്നു. അതു​കൊണ്ട്‌ ആസക്തിയെ ജയിച്ച​ട​ക്കുക എന്നതു ക്രമാ​നു​ഗ​ത​മായ ഒരു സംഗതി​യാണ്‌.

കാരണം കണ്ടെത്തൽ

അനേകരെ സംബന്ധി​ച്ചി​ട​ത്തോ​ളം, കഴിഞ്ഞ​കാ​ലത്തെ വേദനാ​ജ​ന​ക​മായ സംഭവ​ങ്ങളെ കുഴി​ച്ചു​മൂ​ടാ​നുള്ള ഒരു ശ്രമമാണ്‌ ആസക്തി. ജാനസ്‌ ഇപ്രകാ​രം പറയുന്നു: “ബുളി​മിയ [ആഹാരം കഴിക്കു​ന്ന​തി​ലെ ഒരുതരം ക്രമ​ക്കേട്‌] ഓർമ​ക​ളിൽനിന്ന്‌ എന്നെ അകററി​നിർത്തി. അത്‌ അതിജീ​വി​ക്കാ​നുള്ള എന്റെ വിദ്യ​യാ​യി​ത്തീർന്നു.” ജാനസി​നെ സംബന്ധി​ച്ചി​ട​ത്തോ​ളം ഭൂതകാ​ലത്തെ വിസ്‌മ​രി​ച്ചത്‌ അവളുടെ ആസക്തിക്കു സ്ഥായീ​ഭാ​വം നൽകു​ക​യാ​ണു ചെയ്‌തത്‌. എന്നാൽ അവളുടെ പെരു​മാ​റ​റ​ത്തി​ന്റെ കാരണ​ങ്ങളെ മനസ്സി​ലാ​ക്കി​യ​പ്പോൾ അത്‌ ആസക്തമായ പെരു​മാ​റ​റ​ത്തി​നു മാററം വരുത്താൻ ജാനസി​നെ സഹായി​ച്ചു.

ചിലർ മുൻകാല ശീലങ്ങൾക്കു മാററം വരുത്തു​ന്നു. കഴിഞ്ഞ​കാല സംഭവ​ങ്ങളെ പരി​ശോ​ധി​ക്കാ​തെ​തന്നെ വിജയ​പ്ര​ദ​മാ​യി അവയെ തരണം ചെയ്യാൻ അവർ പ്രാപ്‌ത​രാണ്‌. എന്നാൽ മററു ചിലരു​ടെ കാര്യ​ത്തിൽ കഴിഞ്ഞ​കാല സാഹച​ര്യ​ത്തിൽ വേരൂ​ന്നിയ വികാ​രങ്ങൾ തുടർന്നും ആസക്തമായ വാഞ്‌ഛ​യ്‌ക്കു വളമേ​കു​ന്ന​താ​യി കാണുന്നു. “ദൈവമേ, എന്നെ പരീക്ഷി​ച്ചു എന്റെ നിനവു​കളെ അറി​യേ​ണമേ. വ്യസന​ത്തി​ന്നുള്ള മാർഗ്ഗം എന്നിൽ ഉണ്ടോ എന്നു നോക്കി, ശാശ്വ​ത​മാർഗ്ഗ​ത്തിൽ എന്നെ നടത്തേ​ണമേ” എന്നെഴു​തിയ സങ്കീർത്ത​ന​ക്കാ​ര​നായ ദാവീ​ദി​നു തോന്നി​യ​തു​പോ​ലെ അവർക്കു തോന്നി​യേ​ക്കാം.—സങ്കീർത്തനം 139:23, 24.

വികാ​ര​ങ്ങളെ കൈകാ​ര്യം ചെയ്യൽ

ഇരുട്ടുള്ള ഒരു കെട്ടി​ട​ത്തിൽനിന്ന്‌ നിങ്ങൾ എപ്പോ​ഴെ​ങ്കി​ലും നേരിട്ടു വെയി​ല​ത്തേക്ക്‌ ഇറങ്ങി​യി​ട്ടു​ണ്ടോ? പെട്ടെ​ന്നുള്ള തീവ്ര​പ്ര​കാ​ശം കാരണം നിങ്ങൾ അറിയാ​തെ പിന്നോ​ട്ടു പോകു​ന്നു. സമാന​മാ​യി, ആസക്തി​കളെ തരണം ചെയ്‌തു​തു​ട​ങ്ങു​മ്പോൾ നിങ്ങൾ പെട്ടെ​ന്നും വേദനാ​ജ​ന​ക​മാം​വി​ധ​വും ഒരു കൂട്ടം വികാ​ര​ങ്ങ​ളാൽ ആക്രമി​ക്ക​പ്പെ​ടു​ന്ന​താ​യി മനസ്സി​ലാ​ക്കി​യേ​ക്കാം. ദീർഘ​കാ​ലം ഗുപ്‌ത​മാ​യി കിടന്നി​രുന്ന സ്‌നേഹം, ദേഷ്യം, ദുരഭി​മാ​നം, അസൂയ, ഭയം, നീരസം തുടങ്ങി​യ​വ​യും മററു ചില വികാ​ര​ങ്ങ​ളും ഇപ്പോൾ തീവ്ര​മാ​യി പ്രത്യ​ക്ഷ​പ്പെ​ടു​ന്നു.

വസ്‌തു​ക്ക​ളു​ടെ ദുരു​പ​യോ​ഗ​മെന്ന സുപരി​ചി​ത​മായ അന്ധകാ​ര​ത്തി​ലേക്കു തിരികെ പോകാൻ ഉത്‌ക​ണ്‌ഠ​യു​ടെ വികാ​രങ്ങൾ നിങ്ങ​ളോ​ടു പറഞ്ഞേ​ക്കാം. എന്നാൽ നിങ്ങൾ വികാ​ര​ങ്ങ​ളിൽനിന്ന്‌ ഓടി​യൊ​ളി​ക്കേണ്ട ആവശ്യ​മില്ല. അവ നിങ്ങളെ സംബന്ധി​ച്ചി​ട​ത്തോ​ളം വിവര​ങ്ങ​ളു​ടെ സഹായ​ക​മായ ഒരു ഉറവി​ട​മാ​യി​രി​ക്കാ​വു​ന്ന​താണ്‌. പലപ്പോ​ഴും എന്തിനോ ശ്രദ്ധ ആവശ്യ​മാണ്‌ എന്നതിന്റെ ഒരു സൂചന മാത്ര​മാണ്‌ വികാ​രങ്ങൾ. അതു​കൊണ്ട്‌ ആവശ്യ​മെ​ങ്കിൽ നിങ്ങളു​ടെ വികാ​ര​ങ്ങളെ സൂക്ഷ്‌മ​മാ​യി വിശക​ലനം ചെയ്‌തു​നോ​ക്കുക. അവ നിങ്ങ​ളോട്‌ എന്താണു പറയു​ന്നത്‌? ലഭിക്കുന്ന സന്ദേശം അവ്യക്ത​മാ​യി​രി​ക്കു​ക​യോ വികാ​രങ്ങൾ ആകുല​പ്പെ​ടു​ത്തു​ന്ന​താ​യി തോന്നു​ക​യോ ചെയ്യു​ന്നെ​ങ്കിൽ പക്വത​യുള്ള ഒരു സുഹൃ​ത്തി​നോട്‌ അവ തുറന്നു​പ​റ​യുക. (ഇയ്യോബ്‌ 7:11) നിങ്ങളു​ടെ വികാ​ര​ങ്ങളെ നിങ്ങൾ ഒററയ്‌ക്കു നേരി​ടേ​ണ്ട​തില്ല.—താരത​മ്യം ചെയ്യുക: സദൃശ​വാ​ക്യ​ങ്ങൾ 12:25.

വികാ​ര​ങ്ങൾ അവശ്യം നിങ്ങളു​ടെ ശത്രു​ക്കളല്ല എന്ന്‌ ഓർമി​ക്കുക. യഹോ​വ​യാം ദൈവ​ത്തി​നു​തന്നെ തീവ്ര​മായ വികാ​ര​ങ്ങ​ളുണ്ട്‌. ദൈവ​ത്തി​ന്റെ പ്രതി​ച്ഛാ​യ​യിൽ സൃഷ്ടി​ക്ക​പ്പെട്ട മനുഷ്യ​നും അങ്ങനെ​തന്നെ. (ഉല്‌പത്തി 1:26; സങ്കീർത്തനം 78:21, 40, 41; 1 യോഹ​ന്നാൻ 4:8) സൂര്യ​പ്ര​കാ​ശം പെട്ടെന്നു കണ്ണു മഞ്ചിക്കു​ന്ന​തു​പോ​ലെ, വികാ​രങ്ങൾ ആദ്യം വേദനാ​ക​ര​മാ​യി​രി​ക്കാം. എന്നാൽ ക്രമേണ അവ സൂര്യ​പ്ര​കാ​ശം​പോ​ലെ മാർഗ​നിർദേ​ശ​ത്തി​ന്റെ​യും ചൂടി​ന്റെ​യും ഒരു ഉറവി​ട​മാ​യി​ത്തീ​രും.

പ്രശ്‌നം പരിഹ​രി​ക്കൽ

വലിച്ചു​കെട്ടി നിർത്തി​യി​രി​ക്കുന്ന ഒരു കയറിൻമേൽ നടക്കു​ന്നത്‌ ഉയരങ്ങളെ ഭയപ്പെ​ടുന്ന ഒരു വ്യക്തിക്ക്‌ അത്യന്തം ഭീതി​ജ​ന​ക​മാണ്‌. പൂർവ​സ്ഥി​തി പ്രാപി​ച്ചു​കൊ​ണ്ടി​രി​ക്കുന്ന ഒരു ആസക്തന്‌ ജീവിതം, വലിച്ചു​കെട്ടി നിർത്തി​യി​രി​ക്കുന്ന കയറിൻമേ​ലുള്ള ഭീതി​പ്പെ​ടു​ത്തുന്ന ഒരു നടത്തം​പോ​ലെ തോന്നാം. അതു​പോ​ലെ, സമചി​ത്ത​ത​യു​ടെ ഉന്നതമായ ഉത്തരവാ​ദി​ത്വ​ങ്ങൾ ഉയരങ്ങ​ളു​ടെ ഒരു ഭയം ഉളവാ​ക്കി​യേ​ക്കാം. പരാജ​യ​പ്പെ​ടു​മെന്ന തോന്നൽ ഇങ്ങനെ ന്യായ​വാ​ദം ചെയ്യാൻ നിങ്ങളെ പ്രേരി​പ്പി​ച്ചേ​ക്കാം: ‘ഏതായാ​ലും ഞാൻ വീഴാൻ പോകു​ക​യാണ്‌, എന്നാൽ അത്‌ എന്തു​കൊണ്ട്‌ ഇപ്പോ​ഴാ​യി​ക്കൂ​ടാ?’

എന്നാൽ ഓർമി​ക്കുക, പ്രശ്‌നങ്ങൾ എന്നു പറയു​ന്നതു വ്യക്തി​യു​ടെ​മേ​ലുള്ള ആക്രമ​ണ​ങ്ങളല്ല. കൈകാ​ര്യം ചെയ്യേ​ണ്ടി​യി​രി​ക്കുന്ന സാഹച​ര്യ​ങ്ങൾ മാത്ര​മാണ്‌ അവ. അതു​കൊണ്ട്‌ പരി​ഭ്രാ​ന്ത​രാ​കാ​തി​രി​ക്കുക. ഒരു സമയത്ത്‌ ഒന്ന്‌ എന്ന കണക്കിൽ നിങ്ങളു​ടെ പ്രശ്‌ന​ങ്ങളെ നേരി​ടുക. അവയെ ശരിയായ സ്ഥാനത്തു നിർത്താൻ ഇതു നിങ്ങളെ സഹായി​ക്കും.—1 കൊരി​ന്ത്യർ 10:13.

ആത്മമൂ​ല്യം

പൂർവ​സ്ഥി​തി പ്രാപി​ച്ചു​കൊ​ണ്ടി​രി​ക്കുന്ന ഒരു മദ്യാ​സ​ക്ത​യായ മരിയ​ണിന്‌, ആത്മമൂ​ല്യം കുറവാണ്‌ എന്ന തോന്ന​ലി​നെ കൈകാ​ര്യം ചെയ്യേ​ണ്ടി​യി​രു​ന്നു. “എന്റെ യഥാർഥ സ്ഥിതി മററു​ള്ള​വരെ അറിയി​ച്ചാൽ അവർ എന്നെ ഇഷ്ടപ്പെ​ടു​ക​യി​ല്ലെന്ന്‌ എന്റെ മനസ്സ്‌ എപ്പോ​ഴും പറയുന്നു” എന്ന്‌ അവൾ പറയുന്നു.

ആസക്തി​യു​ടെ പിടി പൊട്ടി​ച്ചെ​റി​യു​ന്ന​തിന്‌ ഒരു വ്യക്തി​യെന്ന നിലയി​ലുള്ള നിങ്ങളു​ടെ മൂല്യ​ത്തെ​ക്കു​റിച്ച്‌ നിങ്ങൾ പഠി​ക്കേ​ണ്ടത്‌ ആവശ്യ​മാണ്‌—ഒരുപക്ഷേ ജീവി​ത​ത്തിൽ ആദ്യമാ​യി. നിങ്ങളു​ടെ ജീവിതം ആസക്തി​മൂ​ലം ആകമാനം തകർന്നി​രി​ക്കു​ന്നെ​ങ്കിൽ ഇതു ദുഷ്‌ക​ര​മാണ്‌. എന്തിനു നിങ്ങളെ സഹായി​ക്കാ​നാ​കും?

വിഷാ​ദ​മ​ഗ്നർക്ക്‌ ആശ്വാസം പ്രദാനം ചെയ്യുന്ന ഒരു പുസ്‌ത​ക​മാണ്‌ ബൈബിൾ. നല്ല ആത്മാഭി​മാ​നം വളർത്തി​യെ​ടു​ക്കാൻ അതിനു നിങ്ങളെ സഹായി​ക്കാ​നാ​കും. (സങ്കീർത്തനം 94:19) ഉദാഹ​ര​ണ​ത്തിന്‌, മനുഷ്യർ “തേജസ്സും ബഹുമാ​ന​വും” അണിയി​ക്ക​പ്പെ​ട്ട​വ​രാ​ണെന്നു സങ്കീർത്ത​ന​ക്കാ​ര​നായ ദാവീദ്‌ എഴുതി. അദ്ദേഹം ഇങ്ങനെ​യും പറഞ്ഞു: “ഭയജന​ക​മായ ഒരു വിധത്തിൽ എന്നെ നിർമി​ച്ചി​രി​ക്കു​ന്നു.” (സങ്കീർത്തനം 8:5; 139:14, NW) നല്ല ആത്മമൂ​ല്യ​ത്തി​ന്റെ എത്ര സുന്ദര​മായ ആശയ​പ്ര​ക​ട​നങ്ങൾ!

നിങ്ങളു​ടെ ശരീരത്തെ വില​യേ​റി​യ​താ​യി കണക്കാ​ക്കുക. ‘ആരും തന്റെ ജഡത്തെ ഒരുനാ​ളും പകെച്ചി​ട്ടി​ല്ല​ല്ലോ, എന്നാൽ അതിനെ പോററി പുലർത്തു​ക​യ​ത്രേ ചെയ്യു​ന്നത്‌’ എന്ന തിരു​വെ​ഴു​ത്തി​ന്റെ വെളി​ച്ച​ത്തിൽ നിങ്ങൾ അതിനെ പരിപാ​ലി​ക്കും. (എഫെസ്യർ 5:29) അതേ, ആസക്തി​യിൽനി​ന്നു പൂർവ​സ്ഥി​തി പ്രാപി​ക്കു​ന്ന​തി​ന്റെ വെല്ലു​വി​ളി​യെ നിങ്ങൾക്കു നേരി​ടാൻ കഴിയും.b

എന്നിരു​ന്നാ​ലും, ആസക്തി​യിൽ വളരെ​യ​ധി​കം കാര്യങ്ങൾ ഉൾപ്പെ​ട്ടി​രി​ക്കാം. മയക്കു​മ​രുന്ന്‌, ലഹരി​പ​ദാർഥം, ഭക്ഷണം എന്നിവ​യി​ലുള്ള ആസക്തി അതേ ഉദ്ദേശ്യ​ത്തോ​ടെ​യും അർപ്പണ​ബോ​ധ​ത്തോ​ടെ​യും മററു പ്രവർത്ത​ന​ങ്ങ​ളി​ലും കാട്ടാ​വു​ന്ന​താണ്‌. ഇത്തരം പ്രവർത്ത​ന​ങ്ങ​ളിൽ ചിലത്‌ ഇനി പരിചി​ന്തി​ക്ക​പ്പെ​ടും.

[അടിക്കു​റി​പ്പു​കൾ]

[6-ാം പേജിലെ ആകർഷ​ക​വാ​ക്യം]

“പൂർവ​സ്ഥി​തി പ്രാപി​ക്കു​ന്നത്‌ ഏറെയും [ഒരുവന്റെ] മൊത്തം മൂല്യാ​വ​ബോ​ധ​ത്തി​നു മാററം വരുത്തുന്ന ഒരു സംഗതി​യാണ്‌.”—ഡോ. റോബർട്ട്‌ എൽ. ഡ്യൂ​പോൺട്‌.

[7-ാം പേജിലെ ചിത്രം]

ആസക്തിയുളവാക്കുന്ന വസ്‌തു​ക്ക​ളിൽനി​ന്നു വർജി​ച്ചി​രി​ക്ക​ലാണ്‌ ആദ്യ പടി

[8-ാം പേജിലെ ചിത്രം]

വികാരങ്ങൾ നിങ്ങളെ ആകുല​പ്പെ​ടു​ത്തു​മ്പോൾ അവ ആരോ​ടെ​ങ്കി​ലും തുറന്നു​പ​റ​യു​ക