ആർ കുരു​ങ്ങു​ന്നു, എന്തു​കൊണ്ട്‌?

ഒരുവൻ കാർ ഹൈ​വേ​യി​ലൂ​ടെ ഓടി​ച്ചു​കൊ​ണ്ടി​രി​ക്കേ എഞ്ചിനു​ള്ളിൽനിന്ന്‌ ഒരു പ്രത്യേ​ക​തരം കടകട​ശബ്ദം കേൾക്കു​ന്നു. അയാൾ എങ്ങനെ പ്രതി​ക​രി​ക്കും? ബോണ​ററ്‌ തുറന്നു കുഴപ്പ​മെ​ന്താ​ണെന്നു നോക്കു​മോ? അതോ ഒച്ച കേൾക്കാ​തി​രി​ക്കാൻ കാറിലെ റേഡി​യോ​യു​ടെ ശബ്ദം കൂട്ടു​മോ?

അതിന്റെ ഉത്തരം സുവ്യ​ക്ത​മാണ്‌. എന്നാൽ ആസക്തരായ ആളുകൾ തെററായ തീരു​മാ​ന​മെ​ടു​ക്കു​ന്നു—തങ്ങളുടെ കാറിന്റെ കാര്യ​ത്തി​ലല്ല, പിന്നെ​യോ ജീവി​ത​ത്തി​ന്റെ കാര്യ​ത്തിൽ. വ്യക്തി​പ​ര​മായ പ്രശ്‌ന​ങ്ങളെ വിജയ​പ്ര​ദ​മാ​യി തരണം ചെയ്യു​ന്ന​തി​നു പകരം മയക്കു​മ​രു​ന്നു​കൾ, ലഹരി​പ​ദാർഥം, ഭക്ഷണം തുടങ്ങിയ പദാർഥ​ങ്ങൾക്ക്‌ അടിമ​പ്പെ​ടു​ക​വഴി അത്തരം പ്രശ്‌ന​ങ്ങളെ മറക്കാൻ ഒട്ടനവധി പേർ ശ്രമി​ക്കു​ന്നു.

താൻ ആസക്തി​യുള്ള ഒരാൾ ആണോ എന്ന്‌ ഒരുവന്‌ എങ്ങനെ തിട്ട​പ്പെ​ടു​ത്താൻ കഴിയും? ഇപ്രകാ​ര​മാണ്‌ ഒരു ഡോക്ടർ അതിനെ വിശദീ​ക​രി​ക്കു​ന്നത്‌: “അടിസ്ഥാ​ന​പ​ര​മാ​യി, ഒരു മയക്കു​മ​രുന്ന്‌ ഉപയോ​ഗി​ക്കു​ന്നത്‌ അല്ലെങ്കിൽ ഒരു പ്രവർത്ത​ന​ത്തിൽ ഏർപ്പെ​ടു​ന്നത്‌ നിങ്ങളു​ടെ ജീവി​ത​ത്തിൽ പ്രശ്‌നങ്ങൾ സൃഷ്ടി​ച്ചു​കൊ​ണ്ടി​രി​ക്കു​ക​യും എന്നിട്ടും നിങ്ങൾ അതു ചെയ്യു​ന്നതു തുടരു​ക​യു​മാ​ണെ​ങ്കിൽ അത്‌ ഒരു ആസക്തി​യാണ്‌.”

സ്ഥിതി ഇതായി​രി​ക്കു​മ്പോൾ, മിക്ക​പ്പോ​ഴും ഒരുവന്റെ ഉള്ളിൽത്തന്നെ കൂടുതൽ ഗൗരവ​മായ കുഴപ്പ​മുണ്ട്‌. ആസക്തമായ പെരു​മാ​റ​റ​ത്തി​നു മാററം വരുത്തു​ന്ന​തിന്‌ ആ കുഴപ്പ​മെ​ന്തെന്നു പരി​ശോ​ധി​ക്കേ​ണ്ട​തുണ്ട്‌.

മയക്കു​മ​രു​ന്നു​ക​ളും ലഹരി​പ​ദാർഥ​വും

മയക്കു​മ​രു​ന്നു​ക​ളു​ടെ​യും ലഹരി​പ​ദാർഥ​ത്തി​ന്റെ​യും പിടി​യി​ലാ​കാൻ ഒരുവനെ ഇടയാ​ക്കു​ന്നത്‌ എന്താണ്‌? തരപ്പടി​ക്കാ​രു​ടെ സമ്മർദ​വും ജിജ്ഞാ​സ​യും ഒട്ടുമി​ക്ക​പ്പോ​ഴും പ്രബല​മായ ഒരു പങ്കു വഹിക്കു​ന്നു, പ്രത്യേ​കിച്ച്‌ യുവജ​ന​ങ്ങ​ളു​ടെ കാര്യ​ത്തിൽ. തീർച്ച​യാ​യും, അനേക​മാ​ളു​ക​ളും ആസക്തരാ​യി​ത്തീ​രു​ന്ന​തി​ന്റെ കാരണം ലഹരി​പ​ദാർഥ​വും മയക്കു​മ​രു​ന്നു​ക​ളും ദുരു​പ​യോ​ഗം ചെയ്യു​ന്ന​വ​രു​മാ​യുള്ള മോശ​മായ സഹവാ​സ​മാണ്‌. (1 കൊരി​ന്ത്യർ 15:33) അവസാ​ന​വർഷ ഹൈസ്‌കൂൾ വിദ്യാർഥി​ക​ളിൽ 41 ശതമാനം പേർ ഓരോ രണ്ടാഴ്‌ച കൂടു​മ്പോ​ഴും കുടി​ച്ചു​കൂ​ത്താ​ട്ട​ത്തിന്‌ പോകു​ന്ന​താ​യി ഒരു യു.എസ്‌. സർവേ വെളി​പ്പെ​ടു​ത്തി​യ​തി​ന്റെ കാരണം ഇതു വിശദീ​ക​രി​ക്കും.

എന്നാൽ, ദുരു​പ​യോ​ഗ​വും ആസക്തി​യും തമ്മിൽ വ്യത്യാ​സ​മുണ്ട്‌. വസ്‌തു​ക്കൾ ദുരു​പ​യോ​ഗം ചെയ്യുന്ന പലരും ആസക്തരല്ല.a ഇവർക്കു ദുരു​പ​യോ​ഗം നിർത്താ​നും അതി​ലേക്കു മടങ്ങാ​നുള്ള ഒരു പ്രേരണ ഇല്ലാതി​രി​ക്കാ​നും കഴിയും. എന്നാൽ ആസക്തരെ സംബന്ധി​ച്ചി​ട​ത്തോ​ളം, അവർക്ക്‌ അതു നിർത്താ​നാ​വില്ല. കൂടു​ത​ലാ​യി, ഒരിക്കൽ തങ്ങൾക്കു ലഭിച്ചി​രുന്ന മാനസിക സുഖത്തെ മനോ​വേദന മൂടി​ക്ക​ള​യു​ക​യും ചെയ്യുന്നു. “ആസക്തി​യു​ടെ ഏതോ ഘട്ടത്തിൽ അവർ സ്വയം വെറു​ക്കാൻ തുടങ്ങു​ന്നു. ആസക്തിക്ക്‌ അവരു​ടെ​മേ​ലുള്ള പിടി അവരെ കഠിന​മാ​യി പീഡി​പ്പി​ക്കാ​നും തുടങ്ങു​ന്നു. ഇതാണ്‌ ആസക്തരു​ടെ പൊതു​വായ രീതി” എന്ന്‌ ആസാക്ഷി​കൾ എന്ന [ഇംഗ്ലീഷ്‌] ഗ്രന്ഥം വിശദ​മാ​ക്കു​ന്നു.

ലഹരി​പ​ദാർഥ​ത്തെ​യോ മയക്കു​മ​രു​ന്നു​ക​ളെ​യോ ആശ്രയി​ക്കുന്ന പലരും വൈകാ​രിക വിഷമ​ഘ​ട്ട​ങ്ങ​ളിൽനി​ന്നു രക്ഷപെ​ടാ​നുള്ള പഴുതു​ക​ളാ​യാണ്‌ അവ ഉപയോ​ഗി​ക്കു​ന്നത്‌. അത്തരം വിഷമ​ഘ​ട്ടങ്ങൾ ഇന്നു സർവസാ​ധാ​ര​ണ​മാണ്‌. ഇതു വാസ്‌ത​വ​ത്തിൽ നമ്മെ അമ്പരപ്പി​ക്ക​രുത്‌, കാരണം ഈ നാളു​കളെ ഈ വ്യവസ്ഥി​തി​യു​ടെ “ഇടപെ​ടാൻ പ്രയാ​സ​മുള്ള ദുർഘട സമയങ്ങ”ളുള്ള “അന്ത്യനാ​ളുക”ളായി ബൈബിൾ തിരി​ച്ച​റി​യി​ക്കു​ന്നു. മനുഷ്യർ ‘പണസ്‌നേ​ഹി​ക​ളും ഉദ്ധതരും അവിശ്വ​സ്‌ത​രും ഭയങ്കരൻമാ​രും വഞ്ചകരും ഗർവി​നാൽ ചീർത്ത​വ​രും’ ആയിരി​ക്കു​മെന്നു ബൈബിൾ മുൻകൂ​ട്ടി​പ്പ​റഞ്ഞു. (2 തിമോ​ത്തി 3:1-4, NW) ഈ സ്വഭാ​വ​വി​ശേ​ഷങ്ങൾ ആസക്തി ഉളവാ​കു​ന്ന​തി​നു പററിയ ഒരു അന്തരീക്ഷം സൃഷ്ടി​ക്കു​ന്നു.

കഴിഞ്ഞ​കാ​ലത്ത്‌ സൂസന്‌ അനുഭ​വ​പ്പെട്ട ദുഷ്‌പെ​രു​മാ​റ​റ​ത്തി​ന്റെ ഫലമാ​യാണ്‌ അവൾക്കു വൈകാ​രിക പ്രതി​സന്ധി ഉണ്ടായത്‌. അതു​കൊണ്ട്‌ അവൾ കൊ​ക്കെയ്‌ൻ എന്ന മയക്കു​മ​രു​ന്നിൽ അഭയം തേടി. “അത്‌ എനിക്ക്‌ നിയ​ന്ത്ര​ണ​ത്തി​ന്റെ​യും ആത്മാഭി​മാ​ന​ത്തി​ന്റെ​യും പൊള്ള​യായ ഒരു തോന്നൽ പ്രദാനം ചെയ്‌തു. എനിക്കു സാധാരണ തോന്നാ​തി​രുന്ന ഒരു ശക്തി കിട്ടി​യ​താ​യി തോന്നി” എന്നവൾ പറയുന്നു.

ആസക്തരായ കൗമാ​ര​പ്രാ​യ​ത്തി​ലുള്ള ആൺകു​ട്ടി​ക​ളെ​ക്കു​റി​ച്ചു നടത്തിയ ഒരു പഠനം അവരിൽ മൂന്നി​ലൊ​രു ഭാഗത്തി​ല​ധി​കം പേരും ശാരീ​രി​ക​മാ​യി ദുരു​പ​യോ​ഗം ചെയ്യ​പ്പെ​ട്ടി​രു​ന്ന​താ​യി വെളി​പ്പെ​ടു​ത്തി. മദ്യാ​സ​ക്ത​രും പ്രായ​പൂർത്തി​യെ​ത്തി​യ​വ​രു​മായ 178 സ്‌ത്രീ​ക​ളെ​ക്കു​റി​ച്ചു നടത്തിയ മറെറാ​രു പഠനം, അവരിൽ 88 ശതമാനം പേർ ഒരു തരത്തി​ല​ല്ലെ​ങ്കിൽ മറെറാ​രു തരത്തി​ലുള്ള കടുത്ത ദുഷ്‌പെ​രു​മാ​റ​റ​ത്തി​നു വിധേ​യ​രാ​യി​രു​ന്ന​താ​യി കണ്ടെത്തി. സഭാ​പ്ര​സം​ഗി 7:7-ൽ [NW] ബൈബിൾ ഇപ്രകാ​രം പറയുന്നു: “വെറും പീഡനം ജ്ഞാനിയെ ഭ്രാന്ത​മാ​യി പ്രവർത്തി​ക്കാൻ ഇടയാ​ക്കി​യേ​ക്കാം.” ഭയങ്കര​മായ ചില ജീവി​താ​നു​ഭ​വങ്ങൾ നിമിത്തം വൈകാ​രി​ക​മാ​യി കഷ്ടത അനുഭ​വി​ക്കുന്ന ഒരു വ്യക്തി പിൽക്കാ​ലത്ത്‌ ആശ്വാ​സ​ത്തി​നു വേണ്ടി വകതി​രി​വി​ല്ലാ​തെ മയക്കു​മ​രു​ന്നു​ക​ളി​ലേ​ക്കോ ലഹരി​പ​ദാർഥ​ത്തി​ലേ​ക്കോ തിരി​ഞ്ഞേ​ക്കാം.

എന്നാൽ മയക്കു​മ​രു​ന്നു​ക​ളും ലഹരി​പ​ദാർഥ​വും കൂടാതെ ആസക്തി​യു​ള​വാ​ക്കുന്ന മററ്‌ സംഗതി​ക​ളു​മുണ്ട്‌.

ഭക്ഷണം കഴിക്കു​ന്ന​തി​ലെ ക്രമ​ക്കേ​ടു​കൾ

ഭക്ഷണം കഴിക്കു​ന്ന​തി​ലെ ക്രമ​ക്കേ​ടു​കൾ (ചില വിദഗ്‌ധർ അവയെ ആസാക്ഷി​കൾ എന്നു വിളി​ക്കു​ന്നു) ചില​പ്പോൾ അസുഖ​ക​ര​മായ തോന്ന​ലു​ക​ളിൽനി​ന്നു ശ്രദ്ധയ​ക​റ​റാ​നുള്ള ഒരു മാർഗ​മാ​യി വർത്തി​ക്കു​ന്നു. ദൃഷ്ടാ​ന്ത​ത്തിന്‌, ചിലർ അമിത തൂക്കത്തെ വ്യക്തി​പ​ര​മായ നൈരാ​ശ്യ​ങ്ങൾക്കുള്ള ഒരു ബലിയാ​ടാ​യി ഉപയോ​ഗി​ക്കു​ന്നു. “എന്റെ ജീവി​ത​ത്തി​ലെ ഏതു കുഴപ്പ​ത്തി​നും കാരണം എന്റെ വണ്ണമാ​ണെന്നു പറയാ​മ​ല്ലോ എന്നോർത്തു ഞാൻ വണ്ണം വെച്ചി​രി​ക്കു​ന്ന​താണ്‌ നല്ലത്‌ എന്നു ചില​പ്പോൾ വിചാ​രി​ക്കും. അങ്ങനെ​യാ​കു​മ്പോൾ ആരെങ്കി​ലും എന്നെ ഇഷ്ടപ്പെ​ടാ​തി​രു​ന്നാൽ, എന്റെ തൂക്കത്തെ എനിക്ക്‌ എപ്പോ​ഴും കുററ​പ്പെ​ടു​ത്താൻ കഴിയും” എന്നു ജെന്നി പറയുന്നു.

മററു​ള്ള​വ​രെ സംബന്ധി​ച്ചി​ട​ത്തോ​ളം ആഹാരം നിയ​ന്ത്ര​ണ​ത്തി​ന്റെ വ്യാജ​മായ ഒരു തോന്നൽ പ്രദാനം ചെയ്യുന്നു.b ഒരു വ്യക്തിക്ക്‌ എന്തെങ്കി​ലും അധികാ​രം തോന്നുന്ന ഒരേ​യൊ​രു മണ്ഡലം ഭക്ഷണം മാത്ര​മാ​യി​രി​ക്കാം. ഭക്ഷണം കഴിക്കു​ന്ന​തിൽ ക്രമ​ക്കേ​ടു​ക​ളുള്ള പലർക്കും തങ്ങൾക്ക്‌ എന്തോ കുറവു​ള്ള​താ​യി തോന്നു​ന്നു. ആത്മമൂ​ല്യ​ത്തി​ന്റെ തോന്ന​ലു​കൾ വളർത്തി​യെ​ടു​ക്കു​ന്ന​തിന്‌ ആഹാര​ത്തി​നു വേണ്ടി​യുള്ള ശരീര​ത്തി​ന്റെ വാഞ്‌ഛയെ കീഴട​ക്കാൻ അവർ കഠിന​ശ്രമം ചെയ്യുന്നു. ഒരു സ്‌ത്രീ ഇപ്രകാ​രം പറഞ്ഞു: “നിങ്ങൾ സ്വശരീ​രത്തെ സ്വന്തം സാമ്രാ​ജ്യ​മാ​ക്കു​ക​യാണ്‌. അവിടെ നിങ്ങളാണ്‌ ഏകാധി​പതി, സമ്പൂർണ അധികാ​ര​മുള്ള സ്വേച്ഛാ​ധി​പതി.”

മേൽ പരാമർശിച്ച അനുഭ​വങ്ങൾ ഒരു​പ്ര​കാ​ര​ത്തി​ലും മയക്കു​മ​രു​ന്നു​കൾ, ലഹരി​പ​ദാർഥം, ഭക്ഷണം എന്നിവ​യോ​ടുള്ള ആസക്തിയെ സംബന്ധിച്ച സമ്പൂർണ വിശദീ​ക​ര​ണമല്ല. അനേകം ഘടകങ്ങൾ അതിൽ ഉൾപ്പെ​ട്ടി​രി​ക്കാം. ചിലർ മററു​ള്ള​വ​രെ​ക്കാൾ ആസക്തിക്കു കൂടുതൽ അധീന​രാ​കാൻത​ക്ക​വണ്ണം അവരുടെ ജീനു​കൾപോ​ലും കാരണ​മാ​കാ​മെന്നു ചില വിദഗ്‌ധർ ചൂണ്ടി​ക്കാ​ട്ടു​ന്നു. “നാം കാണു​ന്നത്‌ വ്യക്തി​ത്വം, പരിസ്ഥി​തി, ജീവശാ​സ്‌ത്രം, സാമൂ​ഹിക സ്വീകാ​ര്യ​ക്ഷമത എന്നീ കാര്യ​ങ്ങ​ളു​ടെ ഒരു പരസ്‌പര പ്രവർത്ത​ന​മാണ്‌. ഒരു ഘടകത്തെ മാത്രം നോക്കി വിഡ്‌ഢി​ക​ളാ​കാൻ നാം ആഗ്രഹി​ക്കു​ന്നില്ല” എന്ന്‌ നാഷണൽ ഇൻസ്‌റ​റി​റ​റ്യൂട്ട്‌ ഓൺ ഡ്രഗ്‌ അബ്യൂ​സി​ലെ ജാക്ക്‌ ഹെനി​ങ്‌ഫീൽഡ്‌ പറയുന്നു.

വാസ്‌ത​വം എന്തായി​രു​ന്നാ​ലും, ആസക്തനായ യാതൊ​രു വ്യക്തി​യും—ആ വ്യക്തി​യു​ടെ ആസക്തി​ക്കുള്ള കാരണം എന്തുത​ന്നെ​യാ​യി​രു​ന്നാ​ലും—ശാരീ​രി​ക​മാ​യോ വൈകാ​രി​ക​മാ​യോ നാശത്തി​നു വിധി​ക്ക​പ്പെ​ട്ടി​ട്ടില്ല. സഹായം ലഭ്യമാണ്‌.

[അടിക്കു​റി​പ്പു​കൾ]

[5-ാം പേജിലെ ചതുരം]

ആസക്തിയുടെഒരു ലോക​വ്യാ​പക ബാധ

◼ 14-നും 65-നും ഇടയിൽ പ്രായ​മുള്ള 8 പേരിൽ ഒരാൾ മദ്യാ​സ​ക്ത​നാ​ണെന്ന്‌ മെക്‌സി​ക്കോ​യി​ലെ ഒരു സർവേ വെളി​പ്പെ​ടു​ത്തി.

◼ ജപ്പാനിൽ ഭക്ഷണം കഴിക്കു​ന്ന​തിൽ ക്രമ​ക്കേ​ടു​ക​ളു​ള്ളവർ കൂടി​വ​രു​ന്ന​താ​യി സാമൂ​ഹിക പ്രവർത്ത​ക​യായ സരിത ബ്രോ​ഡെൻ റിപ്പോർട്ടു ചെയ്യുന്നു. അവർ ഇപ്രകാ​രം പറയുന്നു: “1940-നും 1965-നും ഇടയിൽ ഭക്ഷണം കഴിക്കു​ന്ന​തി​ലെ ക്രമ​ക്കേ​ടു​കൾ കുത്തനെ ഉയർന്നു. അതിന്റെ ഫലമായി 1965-നും 1981-നും ഇടയിൽ, ആശുപ​ത്രി​യിൽ കിടത്തി​യും അല്ലാ​തെ​യും ചികി​ത്സി​ക്കുന്ന രോഗി​ക​ളു​ടെ എണ്ണത്തിൽ ഒരു വർധന​വു​ണ്ടാ​യി. എന്നിരു​ന്നാ​ലും, 1981 മുതൽ അനോ​റെ​ക്‌സി​യ​യി​ലും ബുളി​മി​യ​യി​ലും നാടകീ​യ​മായ വർധന​വു​ണ്ടാ​യി​ട്ടുണ്ട്‌.”

◼ ചൈന​യിൽ ഹെറോ​യിൻ ഉപയോ​ഗി​ക്കു​ന്ന​വ​രു​ടെ സംഖ്യ കുതി​ച്ചു​യ​രു​ന്ന​താ​യി തോന്നു​ന്നു. കുൺമിങ്‌ മയക്കു​മ​രു​ന്നു ദുരു​പ​യോഗ ഗവേഷണ കേന്ദ്ര​ത്തിൽ പ്രവർത്തി​ക്കുന്ന ഡോ. ലീ ജിയാൻഹ്വാ പറയു​ന്നത്‌ ഇപ്രകാ​ര​മാണ്‌: “ഹെറോ​യിൻ അതിർത്തി​പ്ര​ദേ​ശ​ത്തു​നിന്ന്‌ ഉൾപ്ര​ദേ​ശ​ത്തേ​ക്കും ഗ്രാമ​പ്ര​ദേ​ശ​ത്തു​നി​ന്നു നഗരങ്ങ​ളി​ലേ​ക്കും പ്രായം കുറഞ്ഞ​വ​രി​ലേ​ക്കും എത്തി​ച്ചേർന്നി​രി​ക്കു​ന്നു.”

◼ സ്വിറ​റ്‌സർല​ണ്ടി​ലെ സൂറി​ച്ചിൽ, പരീക്ഷ​ണാ​ടി​സ്ഥാ​ന​ത്തിൽ തുടങ്ങിയ ഒരു പൊതു മയക്കു​മ​രു​ന്നു വിപണി നിരാ​ശ​യി​ലാ​ണു കലാശി​ച്ചത്‌. “ഇടപാ​ടു​കാ​രെ കണ്ടെത്തു​മെ​ന്നാ​ണു ഞങ്ങൾ വിചാ​രി​ച്ചത്‌, പക്ഷേ ഞങ്ങൾ വിജയി​ച്ചില്ല” എന്ന്‌ ഡോ. ആൽബർട്ട്‌ വൈറ​റ്‌സ്‌റെറൻ പറയുന്നു. അവർ വിദൂ​ര​ത്തു​നി​ന്നു മയക്കു​മ​രുന്ന്‌ ഇടപാ​ടു​കാ​രെ​യും ഉപഭോ​ക്താ​ക്ക​ളെ​യും ആകർഷി​ക്കു​ക​യാ​യി​രു​ന്നു​വെ​ന്നും അദ്ദേഹം വിലപി​ക്കു​ന്നു.