ലോകത്തെ വീക്ഷിക്കൽ

ദൈവ​ദൂ​ഷ​ണ​പ​ര​മായ ടയറുകൾ?

മുസ്ലീങ്ങൾ വ്രണി​ത​രാ​യി എന്ന കാരണ​ത്താൽ ജപ്പാനി​ലെ യോ​ക്കോ​ഹാ​മ​യി​ലുള്ള ഒരു വലിയ ടയർ കമ്പനി വാഹന​ങ്ങ​ളു​ടെ ഒരു പ്രത്യേ​ക​പ​ര​മ്പ​ര​യി​ലുള്ള ടയറിന്റെ നിർമ്മാ​ണം നിർത്തി​വെച്ചു. ടയർ പ്രതല​ത്തിൻമേ​ലുള്ള അടയാ​ള​രീ​തിക്ക്‌ “അള്ളാഹ്‌” എന്ന അറബി​വാ​ക്കു​മാ​യി സാമ്യ​മുണ്ട്‌ എന്നു മുസ്ലീങ്ങൾ പരാതി​പ്പെട്ടു. കമ്പനി ഇസ്ലാമി​നെ​ക്കു​റി​ച്ചുള്ള അറിവി​ല്ലാ​യ്‌മ​യ്‌ക്ക്‌ ഒരു ക്ഷമാപണം നടത്തു​ക​യും പരമാ​വധി ഡ്രൈ​വി​ങ്‌സു​ര​ക്ഷി​ത​ത്വം ലഭിക്കാ​നാ​യി കമ്പ്യൂ​ട്ട​റാണ്‌ അത്തരം പ്രതല​ത്തി​നു രൂപം​കൊ​ടു​ത്ത​തെന്നു വിശദീ​ക​രി​ക്കു​ക​യും ചെയ്‌തു എന്ന്‌ ആസാഹി ഈവനിങ്‌ ന്യൂസ്‌ പ്രസ്‌താ​വി​ച്ചു. യാതൊ​രു​വിധ വ്രണ​പ്പെ​ടു​ത്ത​ലോ അള്ളാഹു​വി​നു നേരെ ദൂഷണ​മോ ഉദ്ദേശി​ച്ചി​രു​ന്നില്ല. ഇസ്ലാമി​ക​രാ​ജ്യ​ങ്ങ​ളിൽ കമ്പനി ആ ടയറുകൾ തിരി​ച്ചെ​ടു​ക്കു​ക​യോ മാററി​ക്കൊ​ടു​ക്കു​ക​യോ ചെയ്യുന്നു. (g93 3/8)

ഒരു നല്ല ബിസി​നസ്‌

അർജൻറീ​ന​യിൽ മൃഗബ​ലി​യേ​യും നരബലി​യേ​യും​കു​റി​ച്ചുള്ള റിപ്പോർട്ടു​കൾ ആളുകളെ പരി​ഭ്രാ​ന്ത​രാ​ക്കി​യി​രി​ക്കു​ന്നു. ക്ലാരിൻ എന്ന പത്രം പറയു​ന്ന​ത​നു​സ​രിച്ച്‌ അർജൻറീ​ന​യിൽ 5,000 മതവി​ഭാ​ഗ​ങ്ങ​ളുണ്ട്‌. അവയി​ല​ധി​ക​വും ആത്മവി​ദ്യ​യി​ലും സാത്താ​ന്യാ​രാ​ധ​ന​യി​ലും നിഗൂ​ഢാ​ചാ​ര​ത്തി​ന്റെ വ്യത്യ​സ്‌ത​രൂ​പ​ങ്ങ​ളി​ലും ആശ്രയി​ക്കു​ന്നു. ഈ മതവി​ഭാ​ഗ​ങ്ങ​ളിൽ പലതി​ലും വിഗ്ര​ഹ​ങ്ങ​ളു​ടെ ഉപയോ​ഗ​ത്തി​നു പ്രമുഖ സ്ഥാനമുണ്ട്‌. ബ്യൂനസ്സ്‌ അയറി​സിൽ ഭൂതങ്ങ​ളു​ടെ വിഗ്ര​ഹ​ങ്ങ​ളി​രി​ക്കുന്ന അതേ ഷെൽഫിൽ തന്നെ യേശു​ക്രി​സ്‌തു​വി​ന്റെ​യും കത്തോ​ലി​ക്കാ “വിശു​ദ്ധൻമാ​രു”ടെയും വിഗ്ര​ഹങ്ങൾ പ്രദർശി​പ്പി​ച്ചി​രി​ക്കു​ന്നതു കാണു​ന്നത്‌ ഒരു അസാധാ​ര​ണ​കാ​ഴ്‌ച്ചയല്ല. ജനപ്രീ​തി​യാർജ്ജിച്ച ഒരു വിഗ്രഹം അറിയ​പ്പെ​ടു​ന്നതു “ദുഷ്ട​ദൈ​വ​ങ്ങൾക്കി​ട​യിൽ ഏററവും ഭയങ്കര​നും മഹാ​നേ​താ​വു​മായ ലൂസിഫർ” എന്നാണ്‌. ഈ സാത്താ​ന്യ​വി​ഗ്ര​ഹ​ങ്ങ​ളു​ടെ വിതര​ണ​ക്കാർ കത്തോ​ലി​ക്കാ​വി​ഗ്ര​ഹ​ങ്ങ​ളും വിതര​ണം​ചെ​യ്യു​ന്ന​താ​യി ക്ലാരിൻ ശ്രദ്ധയിൽപ്പെ​ടു​ത്തു​ന്നു. കത്തോ​ലി​ക്കാ​വി​ഗ്ര​ഹ​ങ്ങ​ളു​ടെ​യും സാത്താ​ന്യ​വി​ഗ്ര​ഹ​ങ്ങ​ളു​ടെ​യും വില്‌പന ഒരു “നല്ല ബിസി​നസ്‌” ആണെന്ന്‌ ഒരു കടയുടമ സമ്മതി​ച്ചു​പ​റഞ്ഞു. (g93 2/22)

പുരാതന ഈജി​പ്‌റ​റി​ലെ മയക്കു​മ​രു​ന്നു​കൾ

“മ്യൂനി​ച്ചി​ലെ​യും ഉൾമി​ലെ​യും (ജർമ്മനി) സർവ്വക​ലാ​ശാ​ല​ക​ളി​ലെ ശാസ്‌ത്ര​ജ്‌ഞൻമാർ ഈജി​പ്‌ഷ്യൻ മമ്മിക​ളിൽ ഹാഷി​ഷി​ന്റെ​യും കോക്ക​യി​നി​ന്റെ​യും നിക്കോ​ട്ടി​ന്റെ​യും അവശി​ഷ്ടങ്ങൾ കണ്ടെത്തി​യി​രി​ക്കു​ന്നു” എന്നു ഫ്രാങ്ക്‌ഫുർട്ടർ ആൾജെ​മൈന സൈതുങ്‌ എന്ന പത്രം റിപ്പോർട്ടു​ചെ​യ്യു​ന്നു. പൊ. യു. മു. 1070-നും പൊ. യു. 395-നുമി​ട​യി​ലുള്ള അനേകം മമ്മിക​ളിൽനി​ന്നെ​ടുത്ത എല്ലി​ന്റെ​യും തലമു​ടി​യു​ടെ​യും ശരീര​ക​ല​ക​ളു​ടെ​യും സാമ്പി​ളു​കൾ ഗവേഷകർ പരി​ശോ​ധി​ച്ചു. പുരാതന ഈജി​പ്‌റ​റി​ലെ ജീവി​ത​ത്തെ​ക്കു​റിച്ച്‌ ഈ ശാസ്‌ത്രീ​യ​ക​ണ്ടെ​ത്ത​ലു​കൾ നമ്മളോട്‌ എന്താണു പറയു​ന്നത്‌? “കരയുന്ന കുഞ്ഞു​ങ്ങളെ സാന്ത്വ​ന​പ്പെ​ടു​ത്താൻവരെ ഈജി​പ്‌റ​റു​കാർ വ്യക്തമാ​യും മയക്കു​മ​രു​ന്നു​കൾ ഉപയോ​ഗി​ച്ചി​രു​ന്നു” എന്നു പത്രം പറയുന്നു. ശാസ്‌ത്ര​ജ്ഞൻമാർക്ക്‌ അത്‌ എങ്ങനെ അറിയാം? ഈച്ചവി​സർജ്ജ്യ​വും പോപ്പി​ച്ചെ​ടി​വി​ത്തും കൂട്ടി​ച്ചേർത്ത മിശ്രി​തം ഒരു ശക്തമായ മയക്കു​മ​രു​ന്നാ​ണെന്ന്‌ ഒരു ഓല​യെ​ഴു​ത്തു വിവരി​ക്കു​ന്നു. (g93 3/8)

“ഈച്ചക​ളി​ല്ലാത്ത നഗരം”

ചൈന​യി​ലെ ബെയ്‌ജി​ങി​ലുള്ള നിവാ​സി​കൾ വീടു​ക​ളി​ലെ ഈച്ചശ​ല്ല്യ​ത്തി​നെ​തി​രെ സർവ്വശ​ക്തി​യു​മു​പ​യോ​ഗി​ച്ചു പോരാ​ടു​മെന്നു പ്രഖ്യാ​പി​ച്ചി​രി​ക്കു​ന്ന​താ​യി ഇൻറർനാ​ഷണൽ ഹെറാൾഡ്‌ ട്രൈ​ബൂൺ റിപ്പോർട്ടു​ചെ​യ്യു​ന്നു. “ഈച്ചക​ളി​ല്ലാത്ത ഒരു നഗരം ഉണ്ടാക്കു​ക​യാ​ണു ഞങ്ങളുടെ ലക്ഷ്യം” എന്ന്‌ ഒരു ഉയർന്ന ആരോ​ഗ്യ​വ​കു​പ്പു ഉദ്യോ​ഗസ്ഥൻ പ്രഖ്യാ​പി​ച്ചു. “എന്നാൽ ഞങ്ങൾ ഈച്ചകളെ കൊല്ലുക മാത്രമല്ല ചെയ്യു​ന്നത്‌. വൃത്തി​യുള്ള നഗരങ്ങൾ ഉണ്ടാക്കാ​നാ​ണു ഞങ്ങൾ ആഗ്രഹി​ക്കു​ന്നത്‌.” “ആളുകളെ സംഘടി​പ്പി​ക്കാ​നുള്ള” ഒരു യജ്ഞത്തിൽ, ഉദ്യമം അറിയി​ച്ചു​കൊ​ണ്ടു പൗരൻമാർ ബാനറു​കൾ പതിക്കു​ക​യും ഇരുപതു ലക്ഷം ലഘു​ലേ​ഖകൾ വിതര​ണം​ന​ട​ത്തു​ക​യും ചെയ്‌തു. പ്രഖ്യാ​പ​നത്തെ തുടർന്നുള്ള ഒരു പ്രത്യേക “പ്രതി​രോധ വാര”ത്തിൽ നഗരവാ​സി​കൾക്ക്‌ ഏകദേശം 15 ടൺ കീടനാ​ശി​നി​ക​ളും 2 ലക്ഷം കീടന​ശീ​ക​ര​ണോ​പ​ക​ര​ണ​ങ്ങ​ളും വിതരണം ചെയ്‌തു. അടുത്ത​മാ​സം മറെറാ​രു പ്രതി​രോധ വാരത്തിൽ പ്രായ​മേ​റി​യ​വ​രു​ടെ​യും കൊച്ചു​കു​ട്ടി​ക​ളു​ടെ​യും 1,000 സംഘങ്ങൾ 8,000 കിലോ​ഗ്രാം വിഷവു​മാ​യി ഈച്ചകൾക്കെ​തി​രെ പോരാ​ടി. ജൂണിൽ ബെയ്‌ജി​ങി​ന്റെ ചില ഭാഗങ്ങ​ളിൽ ഈച്ചക​ളു​ടെ തള്ളിക്ക​യ​ററം ഓരോ മുറി​യി​ലും 33 എന്ന ഉയർന്ന സംഖ്യ​യി​ലെ​ത്തി​യി​രു​ന്നു. ഈച്ചക​ളു​ടെ വ്യാപനം ഓരോ 100 മുറി​കൾക്കും രണ്ട്‌ എന്ന തോതിൽ കുറച്ചു​കൊ​ണ്ടു​വ​രാ​നാ​ണു ലക്ഷ്യമി​ട്ടി​രി​ക്കു​ന്നത്‌. (g93 3/8)

അക്രമം പ്രദർശി​പ്പി​ക്കുന്ന ചലച്ചി​ത്ര​ങ്ങ​ളു​ടെ ഫലം

ബ്രസ്സീ​ലി​യൻ മാസി​ക​യായ വേയ്‌ഷാ നടത്തിയ ഒരു അഭിമു​ഖ​ത്തിൽ, അക്രമം ചിത്രീ​ക​രി​ക്കുന്ന വിനോ​ദ​പ​രി​പാ​ടി​കൾ പ്രേക്ഷ​ക​രു​ടെ​മേൽ എന്തു ഫലം ഉളവാ​ക്കി​യേ​ക്കാം എന്നു സിനിമാ സംവി​ധാ​യ​ക​നായ സ്‌ററീ​വൻ സ്‌പീൽബർഗി​നോ​ടു ചോദി​ച്ചു. സ്‌പീൽബർഗ്‌ ഇപ്രകാ​രം പറഞ്ഞു: “സിനി​മ​ക​ളി​ലോ ടിവി പരിപാ​ടി​ക​ളി​ലോ അക്രമം വീക്ഷി​ക്കു​ന്നതു പ്രേക്ഷ​കരെ അവർ കാണു​ന്നത്‌ അനുക​രി​ക്കാൻ ഉത്തേജി​പ്പി​ക്കു​ന്നു, അതാകട്ടെ യഥാർത്ഥ​സം​ഭ​വ​ങ്ങ​ളോ ടിവി വാർത്ത​യോ കാണു​മ്പോൾ ഉണ്ടാകു​ന്ന​തി​നെ​ക്കാൾ വളരെ കൂടു​ത​ലാ​യി​രി​ക്ക​യും ചെയ്യും. പ്രകാ​ശ​മാ​ന​മായ അന്തരീ​ക്ഷ​ത്തി​ലും വർണ്ണ​പ്പൊ​ലി​മ​യാർന്ന രംഗസം​വി​ധാ​ന​ത്തി​ലും സ്‌ലോ മോഷ​നി​ലും സിനി​മ​ക​ളിൽ അക്രമത്തെ ശൂരഭാ​വ​മു​ള്ള​താ​ക്കി​ക്കൊണ്ട്‌ ചിത്രീ​ക​രി​ക്കു​ന്നു. എന്നാൽ വാർത്ത​യി​ലാ​ണെ​ങ്കിൽ, അക്രമം എത്ര​ഘോ​ര​മാ​കാം എന്നതി​നെ​ക്കു​റി​ച്ചു പൊതു​ജ​ന​ത്തി​നു സാമാ​ന്യം മെച്ചപ്പെട്ട ഒരു അവബോ​ധം ഉണ്ട്‌, ചലച്ചി​ത്ര​ങ്ങ​ളിൽ ഇല്ലാത്ത ലക്ഷ്യങ്ങ​ളോ​ടെ​യാണ്‌ അത്‌ ഉപയോ​ഗി​ക്ക​പ്പെ​ടു​ന്ന​തും. എന്നാൽ അതു ചലച്ചി​ത്ര​ങ്ങ​ളു​ടെ കാര്യ​ത്തിൽ ഇല്ലതാ​നും.” രക്തച്ചൊ​രി​ച്ചി​ലും അക്രമ​വും വളരെ ഏറെ പ്രദർശി​പ്പി​ക്കു​ന്ന​തി​നാൽ, തന്റെ പ്രശസ്‌തി​യാർജ്ജിച്ച സിനി​മ​ക​ളിൽ ചിലതു (ജാവ്‌സ്‌, ദി ഇൻഡി​യാന ജ്യോൺസ്‌ പരമ്പര) കാണു​വാൻ അദ്ദേഹ​ത്തി​ന്റെ യുവമ​കനെ അദ്ദേഹം ഇതുവരെ അനുവ​ദി​ച്ചി​ട്ടി​ല്ലെ​ന്നു​കൂ​ടെ സ്‌പീൽബർഗ്‌ തുടർന്നു പറയുന്നു. (g93 3/8)

“സമൃദ്ധി​യു​ടെ വിരോ​ധാ​ഭാ​സം”

സ്വിറ​റ്‌സർല​ണ്ടി​ലെ ജനീവ​യിൽ ഈയിടെ നടന്ന ഒരു യോഗ​ത്തിൽ ഐക്യ​രാ​ഷ്‌ട്ര​സ​ഭ​യു​ടെ രണ്ട്‌ ഏജൻസി​കൾ “ലോക​വ്യാ​പ​ക​മായ വികല​പോ​ഷ​ണ​ത്തി​നെ​തി​രാ​യി കൈ​ക്കൊ​ണ്ടി​ട്ടുള്ള വളരെ ബൃഹത്തായ പ്രതി​രോ​ധ​ന​ട​പ​ടി​ക​ളിൽ ഒന്നി”ൽ തങ്ങളുടെ പ്രവർത്ത​നങ്ങൾ ഏകീക​രി​ക്കു​മെന്നു പ്രഖ്യാ​പി​ച്ചു. ഭക്ഷ്യ-കാർഷിക സംഘട​ന​യും ലോകാ​രോ​ഗ്യ സംഘട​ന​യും അവർ “സമൃദ്ധി​യു​ടെ വിരോ​ധാ​ഭാ​സം” എന്നു പറയു​ന്ന​തി​നെ തരണം ചെയ്യാ​നുള്ള നടപടി​കൾ എടുക്കു​മെന്നു പറഞ്ഞതാ​യി പാരീസ്‌ ദിനപ​ത്ര​മായ ലാ മോന്ത്‌ റിപ്പോർട്ടു​ചെ​യ്യു​ന്നു. മുഴു മനുഷ്യ​കു​ടും​ബ​ത്തി​ന്റെ​യും പോഷ​കാ​വ​ശ്യ​ങ്ങൾ നിറ​വേ​റ​റാൻ ആവശ്യ​മായ ഭക്ഷ്യസാ​ധ​നങ്ങൾ ഭൂമി ഉൽപ്പാ​ദി​പ്പി​ക്കു​ന്നു​ണ്ടെ​ങ്കി​ലും, ഈ ആവശ്യ​ങ്ങൾക്ക്‌ അനു​യോ​ജ്യ​മായ വിധത്തി​ലുള്ള വിതരണം നടക്കു​ന്നില്ല. ആഫ്രി​ക്ക​യിൽ നാലു കോടി ആളുക​ളു​ടെ ജീവ​നെ​യാ​ണു ക്ഷാമം ദിന​മ്പ്രതി ഭീഷണി​പ്പെ​ടു​ത്തു​ന്നത്‌. വികല​പോ​ഷണം 19 കോടി 20 ലക്ഷം കുട്ടി​കളെ ബാധി​ക്കു​ന്നു, അതിൽ 40,000 കുട്ടികൾ ഓരോ ദിവസ​വും മരിക്കു​ക​യും ചെയ്യുന്നു. (g93 2/22)

അമൂല്യ​മായ ഈയം

രണ്ടായി​രം വർഷം മുമ്പു സാർദീ​നീ​യ​യു​ടെ തീരത്തു മുങ്ങിയ ഒരു റോമൻ ചരക്കു​ക​പ്പ​ലി​ന്റെ അവശി​ഷ്ട​ങ്ങ​ളിൽനിന്ന്‌ കണ്ടെത്തിയ ഈയക്ക​ട്ടകൾ “അമൂല്യ​മായ” ഒന്നാണ്‌ എന്ന്‌ ഇററാ​ലി​യൻ ദിനപ​ത്ര​മായ ഇൽ മെസ്സാ​ജാ​രു പ്രസ്‌താ​വി​ക്കു​ന്നു. ഈ ചരക്കിന്റെ ലക്ഷ്യസ്ഥാ​ന​മെന്നു കരുത​പ്പെ​ടുന്ന പുരാതന റോമിൽ, ഈ ലോഹം “പൈപ്പു​ക​ളും വിളക്കു​വാ​നുള്ള ഉപകര​ണ​ങ്ങ​ളും തൂക്കു​ക​ട്ട​ക​ളും നിർമ്മി​ക്കാൻ” വില​പ്പെ​ട്ട​താ​യി​രു​ന്നി​രി​ക്കാം. എന്നാൽ ശാസ്‌ത്ര​ജ്ഞൻമാർ ഈ കണ്ടെത്ത​ലി​നെ അതിലും കൂടുതൽ മൂല്യ​മു​ള്ള​താ​യി കരുതു​ന്നു. ഈയക്ക​ട്ടകൾ കോസ്‌മി​ക്‌ര​ശ്‌മി​ക​ളു​ടെ പ്രവർത്ത​ന​ഫ​ല​ങ്ങ​ളിൽനി​ന്നും “ഒരു കനത്ത മൺപു​ത​പ്പി​നാൽ” സംരക്ഷി​ക്ക​പ്പെട്ടു കടലി​ന​ടി​ത്ത​ട്ടിൽ കിടന്നി​രു​ന്ന​തി​നാൽ, ഇത്രയും കാലം​കൊ​ണ്ടു രാദശ​ക്തി​യു​ടെ (Radioactivity) അവസാന കണിക​യും നഷ്ടപ്പെ​ട്ടി​രി​ക്കു​ന്നു. മററുള്ള സ്ഥലങ്ങളിൽ കണ്ടെത്താൻ കഴിയാത്ത അത്തരം ശുദ്ധഈ​യം തങ്ങളുടെ പരീക്ഷ​ണ​ശാ​ല​ക​ളിൽ അതിസൂ​ക്ഷ്‌മ​മായ അളവുകൾ എടുക്കു​മ്പോൾ അതിനെ ബാധി​ക്കാത്ത സുരക്ഷാ​ക​വ​ചങ്ങൾ ഉണ്ടാക്കാൻ ഗവേഷണ ഭൗതി​ക​ശാ​സ്‌ത്ര​ജ്ഞർക്കു മതിക്കാ​നാ​വാത്ത മൂല്യ​മു​ള്ള​താണ്‌. (g93 3/8)

വൃദ്ധ​രോ​ടുള്ള ബഹുമാ​നം കുറയു​ന്നു

ഏഷ്യയി​ലെ വൃദ്ധജ​ന​ങ്ങ​ളു​ടെ സംഖ്യ ഗണ്യമാ​യി വർദ്ധി​ക്കു​ക​യാണ്‌. ജപ്പാനിൽ 65-ഉം അതിനു​മു​ക​ളി​ലും പ്രായ​മാ​യ​വ​രു​ടെ എണ്ണം അടുത്ത 30 വർഷത്തി​നു​ള്ളിൽ ഇപ്പോ​ഴത്തെ 1 കോടി 55 ലക്ഷത്തിൽനി​ന്നു 3 കോടി 20 ലക്ഷമായി ഉയരു​മെന്നു ചിലർ പ്രതീ​ക്ഷി​ക്കു​ന്നു. ഏഷ്യാ​വീക്ക്‌ പറയു​ന്ന​ത​നു​സ​രിച്ച്‌, 2020-ാമാണ്ടാ​കു​മ്പോ​ഴേ​യ്‌ക്കും 4 ജപ്പാൻകാ​രിൽ ഒരാൾവീ​തം വാർദ്ധ​ക്യ​ത്തിൽ എത്തിയി​രി​ക്കും. “സിംഗ​പ്പൂർനി​വാ​സി​ക​ളിൽ 9 ശതമാ​ന​ത്തിൽ കൂടുതൽ അവരുടെ 60-ാമത്തെ ജൻമദി​ന​ത്തി​ലെ​ത്തി​ക്ക​ഴി​ഞ്ഞു. ഈ നൂററാ​ണ്ടു തീരു​മ്പോ​ഴേ​യ്‌ക്കും ഏകദേശം 15 ലക്ഷം മലേഷ്യ​ക്കാർ പ്രായ​മാ​യ​വ​രു​ടെ നിരയി​ലെ​ത്തും,” എന്നും ഏഷ്യാ​വീക്ക്‌ കൂട്ടി​ച്ചേർത്തു. ഈ വർദ്ധനവു സംഭവി​ക്കു​ന്ന​തോ വൃദ്ധരെ പരിപാ​ലി​ക്കു​ന്ന​തി​ന്റെ​യും ബഹുമാ​നി​ക്കു​ന്ന​തി​ന്റെ​യും പഴയ പാരമ്പ​ര്യ​ങ്ങൾ അപ്രസ​ക്ത​മാ​യി​ക്കൊ​ണ്ടി​രി​ക്കുന്ന ഒരു സമയത്തും. സിംഗ​പ്പൂ​രി​ലെ വൃദ്ധജ​ന​ങ്ങ​ളു​ടെ ഒരു വക്താവായ ഹെൻറി ലിം ഇങ്ങനെ പ്രസ്‌താ​വി​ച്ചു: “പ്രായ​മേ​റി​യ​വ​രോ​ടുള്ള ബഹുമാ​നം കുറയു​ന്ന​തി​ന്റെ ഒരു പ്രവണ​ത​യുണ്ട്‌.” യുവജ​ന​ങ്ങൾക്കു പലപ്പോ​ഴും “ജടനാ​യ്‌ക്കൾക്കു​വേണ്ടി ചെലവ​ഴി​ക്കാൻ സമയമുണ്ട്‌, എന്നാൽ അവരുടെ മാതാ​പി​താ​ക്കൾക്കു​വേണ്ടി അത്രയു​മില്ല,” എന്നുകൂ​ടി അദ്ദേഹം കൂട്ടി​ച്ചേർത്തു. (g93 2/22)

കുട്ടി​ക​ളെ​ക്കൊ​ണ്ടു തൊഴിൽ ചെയ്യി​ക്കു​ന്നു

“ബ്രസ്സീ​ലി​യൻ കുട്ടി​കൾക്കും യുവാ​ക്കൾക്കും എൺപതു​കൾ അനുകൂ​ല​മാ​യി​രു​ന്നില്ല എന്നു ഫൗണ്ടേഷൻ ഓഫ്‌ ബ്രസ്സി​ലി​യൻ ഇൻസ്‌റ​റി​റ​റ്യൂട്ട്‌ ഓഫ്‌ ജിയോ​ഗ്‌രെഫി ആൻറ്‌ സ്‌ററാ​റ​റി​സ്‌റ​റി​ക്‌സ്‌ നിഗമ​നം​ചെ​യ്യു​ന്നു,” എന്നു സ്സോർണാൽ ദാ താർദ റിപ്പോർട്ടു​ചെ​യ്യു​ന്നു. പഠനം വെളി​പ്പെ​ടു​ത്തി​യ​ത​നു​സ​രിച്ച്‌ 5.97 കോടി കുട്ടി​ക​ളിൽ 3.2 കോടി​യും പ്രതി​ശീർഷ​വാർഷിക വരുമാ​നം ഏകദേശം 40 യു. എസ്‌. ഡോളർ എന്ന കുറഞ്ഞ വേതന​ത്തി​ന്റെ പകുതി​യി​ലും കുറവായ കുടും​ബ​ങ്ങ​ളിൽനി​ന്നു​ള്ള​വ​രാണ്‌. സ്‌കൂ​ളിൽ പോകു​ന്ന​തി​നു​പ​കരം, 10-നും 14-നും ഇടയ്‌ക്കു പ്രായ​മുള്ള ഒരു കോടി​യോ​ളം​വ​രുന്ന ബ്രസ്സീ​ലി​യൻ കുട്ടി​ക​ളു​ടെ 17.2 ശതമാനം അവരുടെ കഷ്ടപ്പെ​ടുന്ന കുടും​ബ​ങ്ങളെ ഭൗതി​ക​മാ​യി സഹായി​ക്കാൻ തൊഴിൽ ചെയ്യുന്നു. അതിന്റെ ഫലമോ? “ദാരി​ദ്ര്യ​ത്തി​ന്റെ വർദ്ധന​വും ശാശ്വ​തീ​ക​ര​ണ​വു​മാണ്‌ അതിന്റെ ഫലം. വേണ്ടു​വോ​ളം വിദ്യാ​ഭ്യാ​സ​മി​ല്ലാ​ത്ത​തു​കൊണ്ട്‌ കുട്ടിക്ക്‌ അവന്റെ സാമൂ​ഹ്യ​സ്ഥി​തി​ക്കു മാററം​വ​രു​ത്തു​വാൻ യാതൊ​ര​വ​സ​ര​വു​മില്ല” എന്നു മാനവ​സ​മു​ദാ​യ​ശാ​സ്‌ത്ര​ജ്ഞ​യായ റോസ റിബേ​യ്‌റോ പറഞ്ഞു. (g93 3/8)

രോഗി​ക​ളോ​ടു ഭയം

ന്യൂ​യോർക്ക്‌ ടൈംസ പറയു​ന്ന​പ്ര​കാ​രം, രോഗി​ക​ളിൽനി​ന്നു രോഗം പകരു​മെന്ന ഭയം ആരോ​ഗ്യ​ര​ക്ഷാ​പ്ര​വർത്ത​ക​രു​ടെ പെരു​മാ​റ​റത്തെ സാരമാ​യി ബാധി​ക്കു​ന്നു​ണ്ടാ​കാം. രോഗി​കളെ ശുശ്രൂ​ഷി​ക്കു​മ്പോൾ മെഡിക്കൽ ഉപകര​ണ​ങ്ങൾകൊ​ണ്ടു യാദൃ​ച്ഛി​ക​മാ​യി തങ്ങളുടെ ചർമ്മത്തിൽ ഉണ്ടാകുന്ന പോറ​ലോ മുറി​വോ മൂലം എയ്‌ഡ്‌സ്‌ അല്ലെങ്കിൽ ഹെപ്പ​റൈ​റ​റ​റിസ്‌ പിടി​പെ​ടു​മെ​ന്നുള്ള ഭയം പല ഡോക്ടർമാർക്കു​മുണ്ട്‌. വ്യക്തമാ​യും ഈ ഭയം അടിസ്ഥാ​ന​ര​ഹി​ത​മാ​യതല്ല. ക്ഷയരോ​ഗി​കളെ സ്ഥിരമാ​യി ചികി​ത്സി​ക്കുന്ന 60 ശതമാ​ന​ത്തോ​ളം ഡോക്ടർമാർക്ക്‌ ആ രോഗം ബാധി​ക്കു​ക​യു​ണ്ടാ​യെന്നു ന്യൂ​യോർക്ക്‌ സിററി​യി​ലെ ഒരു ആശുപ​ത്രി​യിൽ നടത്തിയ പഠനം വെളി​പ്പെ​ടു​ത്തി. കൂടാതെ ഓരോ വർഷവും 12,000-ത്തോളം ആരോ​ഗ്യ​ര​ക്ഷാ​പ്ര​വർത്ത​കർക്ക്‌ അവരുടെ രോഗി​ക​ളിൽനി​ന്നു ഹെപ്പ​റൈ​റ​റ​റിസ്‌ പിടി​പെ​ടു​ന്നു. എയ്‌ഡ്‌സ്‌ എന്ന പകർച്ച​വ്യാ​ധി തുടങ്ങി​യ​തു​മു​തൽ ഐക്യ​നാ​ടു​ക​ളിൽ 47-ഓളം ആരോ​ഗ്യ​ര​ക്ഷാ​പ്ര​വർത്ത​കർക്ക്‌ അവരുടെ രോഗി​ക​ളിൽനി​ന്നു തന്നെ രോഗ​ബാ​ധ​യു​ണ്ടാ​യി​ട്ടുണ്ട്‌. (g93 2/22)

അടയ്‌ക്ക​യും അർബു​ദ​വും

“മുറു​ക്ക​ണോ മുറു​ക്കാ​തി​രി​ക്ക​ണോ . . . അതാണു പ്രശ്‌നം.” അടയ്‌ക്ക ചവയ്‌ക്കു​ന്ന​തു​മാ​യി ബന്ധപ്പെട്ട ഈ പ്രശ്‌നം ഉന്നയി​ക്ക​പ്പെ​ട്ടി​രി​ക്കു​ന്നതു പാപ്പുവാ ന്യൂഗി​നി​യി​ലെ ഒരു വർത്തമാ​ന​പ​ത്ര​മായ പോസ്‌ററ്‌-കുറി​യ​റി​ലാണ്‌. അടയ്‌ക്ക ചവയ്‌ക്കു​ന്ന​വരെ ചികി​ത്സി​ച്ചു പരിച​യ​മുള്ള ഒരു ശസ്‌ത്ര​ക്രി​യാ​വി​ദ​ഗ്‌ദ്ധ​നായ ഡോ. ബാരി മിൽറോയ്‌ ഇപ്രകാ​രം നിരീ​ക്ഷി​ച്ചി​രി​ക്കു​ന്നു: “പാപ്പുവ ന്യൂഗി​നി​യി​ലെ രണ്ടു പ്രധാന പ്രശ്‌നങ്ങൾ ദേശവ്യാ​ധി​യായ മലമ്പനി​യും വായിലെ അർബു​ദ​വു​മാ​ണെന്നു തോന്നു​ന്നു. ഇതിൽ രണ്ടാമ​ത്തേ​താ​കട്ടെ അടയ്‌ക്ക ചവയ്‌ക്ക​ലി​നോ​ടു നേരിട്ടു ബന്ധപ്പെ​ട്ടി​രി​ക്കു​ക​യും ചെയ്യുന്നു.” മുറുക്ക്‌ ശീലമാ​ക്കി​യി​രി​ക്കു​ന്ന​വ​രിൽ യുവ​പ്രാ​യ​ക്കാർ പോലു​മുണ്ട്‌. ‘ഒരാൾ മുറു​ക്കു​ക​യാ​ണെ​ങ്കിൽ അയാൾക്ക്‌ അർബുദം പിടി​പെ​ടു​മോ എന്നതല്ല, പിന്നെ​യോ എപ്പോൾ പിടി​പെ​ടും എന്നതാണു പ്രശ്‌നം,’ എന്നു ഡോ. മിൽറോയ്‌ പ്രസ്‌താ​വി​ച്ചു. അത്തരക്കാർ മുറുക്ക്‌ നിർത്തു​ന്നി​ല്ലെ​ങ്കിൽ, “വൈദ്യ​ശാ​സ്‌ത്ര​പ​ര​മാ​യി കാര്യ​മായ സഹായ​മൊ​ന്നും അവർക്കു ലഭിക്കാ​നില്ല,” എന്നും അദ്ദേഹം കൂട്ടി​ച്ചേർത്തു. (g93 2/22)

വിദഗ്‌ദ്ധ​രായ കള്ളനോ​ട്ട​ടി​ക്കാർ

“സംശയി​ക്കാത്ത ഒരു കച്ചവട​ക്കാ​ര​നോ ഒരു ബാങ്ക്‌ ക്യാഷ്യ​റോ​പോ​ലും കള്ളനോ​ട്ടു​കൾ ശ്രദ്ധി​ക്കാ​തെ​പോ​കു​ന്നത്‌ ഒരു സംഗതി. ഫെഡറൽ റിസർവി​ലെ നോട്ടു കൈകാ​ര്യം​ചെ​യ്യുന്ന അതിസ​ങ്കീർണ്ണ​മായ ഉപകര​ണത്തെ കബളി​പ്പി​ക്കു​ക​യെ​ന്നതു തികച്ചും മറെറാ​രു സംഗതി​യു​മാണ്‌,” എന്നു വാൾ സ്‌ട്രീ​ററ്‌ ജേർണെൽ പറയുന്നു. എന്നിരു​ന്നാ​ലും യു. എസ്‌. നോട്ടു​ക​ളി​ലേക്ക്‌ ആരോ ഉണ്ടാക്കി​വി​ടുന്ന 100 ഡോള​റി​ന്റെ നോട്ടു​കൾ അതാണു ചെയ്യു​ന്നത്‌. “അസാധാ​ര​ണ​മാം​വി​ധം മികച്ചത്‌” എന്നു പറയാ​വുന്ന കള്ളനോ​ട്ടു​കൾ മുഴു​ഭൂ​മി​യി​ലും പ്രത്യ​ക്ഷ​പ്പെ​ട്ടു​കൊ​ണ്ടി​രി​ക്കു​ന്നു. ഒരു ഉയർന്ന മുദ്ര​ണ​രീ​തി​യും ചെമന്ന​തും നീലയു​മായ നാരു​കൾക്കൊ​ണ്ടു ബാഹ്യ അടയാളം നൽകുന്ന തുണി ചേർത്ത കടലാ​സും സവി​ശേ​ഷ​മായ കാന്തി​ക​മ​ഷി​യും ഉപയോ​ഗി​ക്കുന്ന ദുഷ്‌ക്ക​ര​മായ അച്ചടി​രീ​തി എല്ലാം അതിവി​ദ​ഗ്‌ദ്ധ​മാ​യി പകർത്തി​യി​രി​ക്കു​ന്നു. കൈമാ​റ​റം​ചെ​യ്യുന്ന കള്ളനോ​ട്ടു​കൾക്കു ബാങ്കു​ക​ളിൽനി​ന്നു നഷ്ടം ഈടാ​ക്കുന്ന സാധാരണ നടപടി​ക്കു​പ​കരം, യു. എസ്‌. ഗവൺമെൻറു തന്നെ നഷ്ടം ഏറെറ​ടു​ക്കു​ന്നു, കാരണം കള്ളനോ​ട്ടു​കൾ അത്രയ്‌ക്കു മികച്ച​താണ്‌. ഈ വ്യാജ​നോ​ട്ടു​കൾ ഏതെങ്കി​ലും തീവ്ര​വാ​ദി​സം​ഘ​ത്തി​ന്റെ​യോ വിരോ​ധ​മുള്ള ഏതെങ്കി​ലും വിദേശ ഗവൺമെൻറി​ന്റെ​യോ വേലയാ​യി​രി​ക്കു​മെന്നു ചില അധികാ​രി​കൾ സംശയി​ക്കു​ന്നു. (g93 2/22)

ആസ്‌മാ​ഹേ​തു​വായ മരണങ്ങൾ വർദ്ധി​ക്കു​ന്നു

“ആസ്‌മാ രോഗ​ബാ​ധ​യാൽ (ജർമ്മനി​യിൽ) മരിക്കു​ന്ന​വ​രു​ടെ എണ്ണം വിസ്‌മ​യാ​വ​ഹ​മാ​യി വർദ്ധി​ച്ചി​രി​ക്കു​ന്നു,” എന്നു സീധോയ്‌ച്ച സൈതുങ്‌ എന്ന ദിനപ​ത്രം പ്രസ്‌താ​വി​ച്ചു. ജർമ്മൻ റെസ്‌പി​രേ​റ​ററി ട്രാക്ട്‌ ലീഗ്‌ എന്ന സംഘടന പറയു​ന്ന​ത​നു​സ​രി​ച്ചു, 1991-ൽ ശ്വാ​സോ​ച്ഛ്വാ​സ സംബന്ധ​മായ അസുഖ​ങ്ങ​ളാൽ ആ രാജ്യത്ത്‌ 5,000-ത്തിലധി​കം ആളുകൾ മരിച്ചു. ആയിര​ത്തി​ത്തൊ​ള്ളാ​യി​രത്തി എഴുപ​തു​ക​ളു​ടെ മദ്ധ്യത്തിൽ ആ സംഖ്യ ഓരോ വർഷവും ഏകദേശം 2,000 പേരാ​യി​രു​ന്നു. ജർമ്മനി​യിൽ അലർജി​യുള്ള 2 കോടി ആളുക​ളിൽ, മൂന്നിൽ ഒന്നു ശ്വാ​സോ​ച്ഛ്വാ​സ സംബന്ധ​മായ അലർജി​മൂ​ല​മാണ്‌ കഷ്ടപ്പെ​ടു​ന്നത്‌. (g93 2/22)