കരുത​ലുള്ള ജനം

ലോക​വ്യാ​പ​ക​മാ​യി 69,000-ത്തിലധി​കം സഭകളാ​യി സംഘടി​പ്പി​ക്ക​പ്പെ​ട്ടി​രി​ക്കുന്ന നാല്‌പതു ലക്ഷത്തി​ല​ധി​കം​വ​രുന്ന ബൈബിൾ വിദ്യാർത്ഥി​ക​ളു​ടെ ഒരു അന്തർദ്ദേ​ശീയ സംഘട​ന​യാ​ണു യഹോ​വ​യു​ടെ സാക്ഷികൾ. ദൈവ​ത്തി​ന്റെ ഉദ്ദേശ്യ​ങ്ങ​ളെ​പ്പ​ററി കൂടു​ത​ലാ​യി പഠിക്കു​ന്ന​തിന്‌ ആളുകളെ സഹായി​ക്കാൻ സാക്ഷികൾ സമർപ്പി​ത​രാ​ണെന്നു മാത്രമല്ല അവർ യേശു​ക്രി​സ്‌തു കല്‌പി​ച്ച​പ്ര​കാ​രം പരസ്‌പരം സ്‌നേ​ഹി​ക്ക​യും ചെയ്യുന്നു. (യോഹ​ന്നാൻ 13:34, 35) ഈ സ്‌നേഹം പ്രാ​യോ​ഗിക വിധങ്ങ​ളിൽ പ്രകടി​പ്പി​ക്ക​പ്പെ​ടു​ന്നു.

ഉദാഹ​ര​ണ​ത്തിന്‌, കുറച്ചു​നാ​ളു​കൾക്കു മുമ്പ്‌ ഒരു ശനിയാഴ്‌ച്ച രാവിലെ 6 മണിക്കു കാലി​ഫോർണി​യ​യിൽ സാൻ മാർക്കോസ്‌ സഭയിലെ 30 സാക്ഷികൾ പ്രഭാ​ത​ഭ​ക്ഷ​ണ​ത്തി​നാ​യി ഒരുമി​ച്ചു​കൂ​ടി. അവരുടെ മനസ്സിൽ ഒരു പ്രത്യേക പദ്ധതി​യു​ണ്ടാ​യി​രു​ന്നു—വീടിന്റെ അററകു​റ​റ​പ്പ​ണി​കൾ നിർവ്വ​ഹി​ക്കു​ന്ന​തിൽ സഹായം ആവശ്യ​മുള്ള സഭാം​ഗ​ങ്ങളെ സഹായി​ക്കുക.

അത്തരം ആവശ്യ​മു​ണ്ടാ​യി​രു​ന്ന​വ​രിൽ ചിലർ മാതാ​വോ പിതാ​വോ മാത്ര​മാ​യ​വ​രും വിധവ​മാ​രും പ്രായം​ചെന്ന ദമ്പതി​ക​ളു​മാ​യി​രു​ന്നു. വീടിന്റെ മേൽക്കൂ​ര​യു​ടെ അററകു​റ​റ​പ്പ​ണി​കൾ, സ്വകാ​ര്യ​പാത കീലിടൽ, വീടിനു വെളി​യി​ലെ സുരക്ഷാ​ലൈ​റ​റു​കൾ പിടി​പ്പി​ക്കൽ, ഗാരേ​ജി​നു കതകു​കൊ​ളു​ത്തൽ, പെയിൻറ​ടി​ക്കൽ, ചെടികൾ കത്രിച്ചു വെടി​പ്പാ​ക്കൽ എന്നിവ​യും മററു​മാണ്‌ ഇവരുടെ ആവശ്യ​ങ്ങ​ളിൽ ഉൾപ്പെ​ട്ടി​രു​ന്നത്‌. ആവശ്യങ്ങൾ തിരി​ച്ച​റി​ഞ്ഞു സാധന​സാ​മ​ഗ്രി​കൾ വാങ്ങി​യ​പ്പോൾ ഒരു മാസത്തി​നു മുമ്പു തന്നെ ജോലി​ക്കാ​യുള്ള ഒരുക്കങ്ങൾ തുടങ്ങി​യി​രു​ന്നു.

നിശ്ചയി​ച്ചി​രു​ന്ന ശനിയാഴ്‌ച്ച പ്രഭാ​ത​ഭ​ക്ഷ​ണ​ത്തി​നി​ട​യിൽ അവസാന ഒരുക്ക​ങ്ങ​ളും നടത്തി. ജോലി​ക്കാ​യുള്ള ടീമു​കളെ തിരി​ക്കു​ക​യും ഓരോ​ന്നി​നും നിശ്ചി​ത​നി​യ​മ​നങ്ങൾ കൊടു​ക്കു​ക​യും ചെയ്‌തു. ഉച്ചഭക്ഷണം ഉൾപ്പെടെ മററു ലഘുഭ​ക്ഷ​ണ​ങ്ങ​ളെ​ല്ലാം സ്‌ത്രീ​കൾ തയ്യാറാ​ക്കി. ആ ദിവസത്തെ വേല അററകു​റ​റ​പ്പ​ണി​കൾ നിർവ​ഹി​ക്ക​പ്പെട്ട വീട്ടു​കാ​രു​ടെ​മേൽ മാത്രമല്ല, സഭയിലെ ഓരോ​രു​ത്ത​രു​ടെ​മേ​ലും ഒരു അത്ഭുത​ക​ര​മായ ഫലമു​ള​വാ​ക്കി. (g93 2/22)