ഇന്നത്തെ യുവജ​നങ്ങൾ—1990കളിലെ വെല്ലു​വി​ളി​കളെ നേരി​ടു​ന്നു

നവംബർ 1985. 103 രാജ്യ​ങ്ങ​ളിൽനി​ന്നുള്ള മാന്യൻമാർ “ലോക​ത്തി​ലെ യുവജ​ന​ങ്ങ​ളു​ടെ പ്രശ്‌നങ്ങൾ കൈകാ​ര്യം​ചെ​യ്യുന്ന ഒരു ആഗോ​ള​നയം” രൂപവൽക്ക​രി​ക്കു​ന്ന​തിന്‌ ഐക്യ​രാ​ഷ്‌ട്ര​ങ്ങ​ളു​ടെ മുഖ്യ ആസ്ഥാനത്ത്‌ കൂടി​വ​രു​ക​യു​ണ്ടാ​യി.—യു. എൻ. ക്രോ​ണി​ക്കിൾ.

അഞ്ചുവർഷം കടന്നു​പോ​യി​രി​ക്കു​ന്നു, യുവജ​ന​ങ്ങ​ളു​ടെ പ്രശ്‌നങ്ങൾ എന്നത്തേ​തി​ലും വലുതാ​യി വളരു​ക​യാണ്‌. രാഷ്‌ട്രീയ തത്വശാ​സ്‌ത്ര​ത്തി​ന്റെ ഭിന്നത​ക​ളും പണത്തിന്റെ കുറവും സദാ മാറി​ക്കൊ​ണ്ടി​രി​ക്കുന്ന മുൻഗ​ണ​ന​ക​ളും യുവജ​ന​ങ്ങൾക്കു​വേണ്ടി ഒത്തൊ​രു​മി​ച്ചു പ്രവർത്തി​ക്കു​ന്ന​തി​നുള്ള ഗവൺമെൻറു​ക​ളു​ടെ സദു​ദ്ദേ​ശ്യ​ത്തോ​ടു​കൂ​ടിയ ശ്രമങ്ങളെ വിഫല​മാ​ക്കി​യി​രി​ക്കു​ന്നു.

അതു​പോ​ലെ​ത​ന്നെ മതം നൻമക്കുള്ള ഫലപ്ര​ദ​മായ ഒരു സ്വാധീ​ന​മാ​യി​രി​ക്കു​ന്ന​തിൽ പരാജ​യ​പ്പെ​ട്ടി​രി​ക്കു​ന്നു. യുവജ​ന​ങ്ങ​ളിൽ ഭൂരി​പ​ക്ഷ​വും (ഏതാണ്ട്‌ 90 ശതമാനം) ദൈവ​ത്തിൽ (അല്ലെങ്കിൽ ഒരു പ്രപഞ്ചാ​ത്മാ​വിൽ) വിശ്വ​സി​ക്കു​ന്നു​വെ​ന്നി​രി​ക്കെ, തങ്ങളുടെ ജീവി​ത​ത്തിൽ മതം വളരെ പ്രധാ​ന​മാ​ണെന്ന്‌ ഒരു ന്യൂന​പക്ഷം മാത്രമേ പരിഗ​ണി​ക്കു​ന്നു​ള്ളു. കൂടാതെ, വിവേ​ച​നാ​ര​ഹി​ത​മായ ലൈം​ഗി​ക​പെ​രു​മാ​റ​റത്തെ തടയാൻ മതം ഒന്നും​തന്നെ ചെയ്‌തി​ട്ടില്ല.

ഇനി യുവജ​ന​ങ്ങൾക്ക്‌ ഉപദേ​ശം​കൊ​ടു​ക്കുന്ന വിദഗ്‌ദ്ധൻമാർ എന്നു വിളി​ക്ക​പ്പെ​ടു​ന്നവർ ഉണ്ട്‌—മനഃശാ​സ്‌ത്ര​ജ്ഞൻമാ​രും സാമൂ​ഹി​ക​ശാ​സ്‌ത്ര​ജ്ഞൻമാ​രും ഉപദേ​ശ​ക​രും മററും. ഉപദേ​ശ​ത്തിൽ കുറെ നല്ലതും സഹായ​ക​വു​മാണ്‌. എന്നാൽ അവരുടെ ഉപദേശം ശാരീ​രി​ക​താ​ത്‌പ​ര്യ​ങ്ങ​ളിൽ കേന്ദ്രീ​ക​രി​ക്കാൻ പ്രവണ​ത​കാ​ട്ടു​ന്നു: കൗമാ​രി​പ്രാ​യ​ക്കാ​രു​ടെ ഗർഭധാ​രണം, എയ്‌ഡ്‌സ്‌ ഒഴിവാ​ക്കൽ, മയക്കു​മ​രു​ന്നു ദുരു​പ​യോ​ഗ​ത്തി​ന്റെ ശാരീ​രി​കാ​പ​ക​ടങ്ങൾ എന്നിവ​യിൽ. അവർ വളരെ​യ​ധി​കം പ്രധാ​ന​മാ​യി ഉൾപ്പെ​ട്ടി​രി​ക്കുന്ന ധാർമ്മി​ക​പ്ര​ശ്‌ന​ങ്ങളെ അപൂർവ​മാ​യേ അഭിമു​ഖീ​ക​രി​ക്കു​ന്നു​ള്ളു. “വിദഗ്‌ദ്ധൻമാർ” പൊതു​വേ ജനരഞ്‌ജ​ക​മാ​യി നടപ്പി​ലുള്ള വികാ​ര​ചാ​യ്‌വു​കൾ പിന്തു​ട​രു​ന്നു അല്ലെങ്കിൽ “സുരക്ഷിത ലൈം​ഗി​കത” “കേവലം വേണ്ടെന്നു പറയുക” എന്നിങ്ങ​നെ​യുള്ള വശ്യമായ മുദ്രാ​വാ​ക്യ​ങ്ങൾ ആവർത്തി​ക്കു​ന്നു.

മാതാ​പി​താ​ക്ക​ളെ സംബന്ധി​ച്ചെന്ത്‌? ഒട്ടേ​റെ​പ്പേർ ജീവി​ത​വ്യാ​പാ​ര​ത്തിൽ ലയിച്ചി​രി​ക്കു​ക​യാണ്‌. എന്തു മാർഗ്ഗ​നിർദ്ദേ​ശങ്ങൾ കൊടു​ക്ക​ണ​മെ​ന്നുള്ള അനിശ്ചി​ത​ത്വ​ത്താൽ അല്ലെങ്കിൽ വൈകാ​രി​ക​കാ​ര്യ​ങ്ങൾ ചർച്ച​ചെ​യ്യു​ന്ന​തി​ലുള്ള അസുഖം​നി​മി​ത്തം വികാ​ര​സ്‌പർശി​യായ പ്രശ്‌നങ്ങൾ ഉദിക്കു​മ്പോൾ അനേകം മാതാ​പി​താ​ക്കൾ ഒഴിഞ്ഞു​മാ​റു​ന്നു. അപ്പോൾ, അനേകം യുവജ​നങ്ങൾ പരിച​യ​ഹീ​ന​രായ സമപ്രാ​യ​ക്കാ​രി​ലേക്ക്‌ സഹായ​ത്തി​നാ​യി നോക്കു​ന്നു.

യുവജ​ന​ങ്ങൾക്ക്‌ സഹായ​ത്തി​നുള്ള ഏററം നല്ല ഉറവ്‌

അപ്പോൾ യുവജ​ന​ങ്ങൾക്ക്‌ അവരെ പരി​ഭ്ര​മി​പ്പി​ക്കുന്ന പ്രശ്‌ന​ങ്ങൾക്ക്‌ എങ്ങനെ പ്രാ​യോ​ഗി​ക​മായ ഉത്തരങ്ങൾ ലഭിക്കും? ‘ഞാൻ മയക്കു​മ​രു​ന്നു​ക​ളും മദ്യവും ഒന്നു പരീക്ഷി​ക്ക​ണ​മോ’ ‘വിവാ​ഹ​ത്തി​നു മുമ്പത്തെ ലൈം​ഗി​കത സംബന്ധി​ച്ചെന്ത്‌?’ ‘ഇത്‌ യഥാർഥ സ്‌നേ​ഹ​മാ​ണോ​യെന്ന്‌ എനിക്ക്‌ എങ്ങനെ അറിയാം?’ ‘ഭാവി എനിക്ക്‌ എന്ത്‌ കൈവ​രു​ത്താ​നി​രി​ക്കു​ന്നു?’ എന്നിങ്ങ​നെ​യുള്ള ചോദ്യ​ങ്ങൾക്കു​തന്നെ.

യുവജ​ന​ങ്ങൾക്ക്‌ ബുദ്ധി​യു​പ​ദേ​ശ​ത്തി​ന്റെ ഏററം നല്ല ഉറവ്‌ ദൈവ​വ​ച​ന​മായ ബൈബി​ളാ​ണെന്നു കേൾക്കു​മ്പോൾ ചിലർ അതിശ​യി​ച്ചേ​ക്കാം. ബൈബി​ളോ? അതെ, അതിന്‌ യുവജ​ന​ങ്ങ​ളോട്‌ വളരെ​യ​ധി​കം പറയാ​നുണ്ട്‌. (സദൃശ​വാ​ക്യ​ങ്ങൾ 1-7 വരെ അദ്ധ്യാ​യങ്ങൾ; എഫേസ്യർ 6:1-3 കാണുക.) കൂടാതെ, അത്‌ “യുവജ​ന​ങ്ങ​ളു​ടെ പ്രക്ഷു​ബ്ധ​മായ മോഹങ്ങ”ളെക്കു​റിച്ച്‌ അറിവുള്ള നമ്മുടെ സ്രഷ്ടാ​വി​നാൽ നിശ്വ​സ്‌ത​മാണ്‌. (2 തിമൊ​ഥെ​യോസ്‌ 2:20-22, ഫിലി​പ്‌സ്‌; 3:16) ഈ പുരാ​ത​ന​പു​സ്‌ത​ക​ത്തിന്‌ 1990കളിലെ ജീവി​ത​ത്തിന്‌ പ്രസക്ത​മാ​യി​രി​ക്കാൻ കഴിയു​മെ​ന്നുള്ള ആശയത്തെ തള്ളിക്ക​ള​യു​ന്ന​തി​നു മുമ്പ്‌ ഇതു പരിചി​ന്തി​ക്കുക: ഇന്നത്തെ “വിദഗ്‌ദ്ധൻമാർ” കൊടു​ക്കുന്ന ഉപദേ​ശ​ത്തി​ല​ധി​ക​വും ഇന്നു മുതൽ കേവലം 50 വർഷം കഴിയു​മ്പോൾ വായി​ക്ക​പ്പെ​ടാ​നും ആദരി​ക്ക​പ്പെ​ടാ​നു​മി​ട​യു​ണ്ടോ? എന്നിരു​ന്നാ​ലും, എഴുത​പ്പെ​ട്ട​ശേഷം ആയിര​ക്ക​ണ​ക്കി​നു വർഷം കഴിഞ്ഞും ബൈബി​ളി​നെ ഗൗരവ​മാ​യി എടുക്കു​ന്ന​തിൽ തുടരു​ന്നു!

ബൈബിൾകാ​ല​ങ്ങൾക്കു​ശേഷം മനുഷ്യ​സ​മു​ദാ​യ​ത്തിന്‌ വളരെ​യ​ധി​കം മാററ​മു​ണ്ടാ​യി​ട്ടു​ണ്ടെ​ന്നു​ള്ളത്‌ സത്യം​തന്നെ, എന്നാൽ മനുഷ്യ​പ്ര​കൃ​തിക്ക്‌ മാററ​മു​ണ്ടാ​യി​ട്ടില്ല. യുവസ​ഹ​ജ​മായ മോഹങ്ങൾ ഇപ്പോ​ഴും അടിസ്ഥാ​ന​പ​ര​മാ​യി ഒന്നുത​ന്നെ​യാണ്‌. അങ്ങനെ ബൈബിൾ എന്നും ആധുനി​ക​മാ​യി​രി​ക്കു​ന്നു. അത്‌ യുവജ​ന​ങ്ങളെ ബാധി​ക്കുന്ന അനേകം പ്രശ്‌ന​ങ്ങ​ളു​ടെ അടി​വേ​രി​ലേ​ക്കു​തന്നെ ഇറങ്ങുന്നു. അതേസ​മയം, അത്‌ യുവജ​ന​ങ്ങൾക്ക്‌ ഭാവി​ക്കു​വേണ്ടി ഒരു പ്രത്യാശ നൽകുന്നു.

ബൈബിൾ നമ്മുടെ സ്രഷ്ടാ​വിൽനിന്ന്‌ വരുന്ന​തി​നാൽ അതിന്റെ ഉപദേശം പ്രാവർത്തി​കം, പ്രാ​യോ​ഗി​കം, ആയിരി​ക്കു​മെന്ന്‌ നാം പ്രതീ​ക്ഷി​ക്കും. ബൈബി​ളി​ന്റെ ഉപദേശം അനുസ​രി​ക്കുന്ന ഇന്നത്തെ ആയിര​ക്ക​ണ​ക്കിന്‌ ക്രിസ്‌തീയ യുവാ​ക്ക​ളു​ടെ യഥാർത്ഥ ജീവി​താ​നു​ഭ​വങ്ങൾ അതങ്ങ​നെ​യാ​ണെന്ന്‌ തെളി​യി​ക്കു​ന്നു! യുവജ​ന​ങ്ങളെ സഹായി​ക്കു​ന്ന​തിന്‌ വാച്ച്‌റ​റവർ സൊ​സൈ​ററി യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന ഒരു പുസ്‌തകം പ്രസി​ദ്ധ​പ്പെ​ടു​ത്തി​യി​ട്ടുണ്ട്‌. അത്‌ യുവജ​ന​ങ്ങ​ളു​ടെ താത്‌പ​ര്യ​ങ്ങ​ളു​ടെ ഒരു വിപു​ല​മായ സമാഹാ​രം ഉൾപ്പെ​ടു​ത്തു​ന്നു. അതിലെ ഉപദേ​ശങ്ങൾ പരസ്‌പ​ര​യോ​ജി​പ്പോ​ടെ ബൈബി​ളിൽ അധിഷ്‌ഠി​ത​മാ​യി​രി​ക്കു​ന്നു! ഈ പുസ്‌ത​ക​ത്തോ​ടുള്ള യുവ വായന​ക്കാ​രു​ടെ ഉത്സാഹ​പൂർവ​ക​മായ പ്രതി​ക​രണം ബൈബിൾപ്ര​ബോ​ധ​ന​ത്തി​ന്റെ ഫലദാ​യ​ക​ത്വ​ത്തി​നു മാത്രമല്ല യുവജ​നങ്ങൾ ബൈബിൾ പ്രബോ​ധനം ആഗ്രഹി​ക്കു​ന്നു​വെ​ന്നും അതിൽ തഴക്കു​ന്നു​വെ​ന്നു​മുള്ള വസ്‌തു​ത​ക്കും സാക്ഷ്യം​നൽകു​ന്നു. അടുത്ത ലേഖനം ലോക​മാ​സ​ക​ല​മുള്ള യുവാക്കൾ ചെയ്‌ത ഹൃദയം​ഗ​മ​മായ പ്രസ്‌താ​വ​നകൾ അവതരി​പ്പി​ക്കു​ന്നു.

നിങ്ങൾ ചെറു​പ്പ​മാ​യി​രു​ന്നാ​ലും പ്രായ​മു​ള്ള​യാ​ളാ​യി​രു​ന്നാ​ലും ബൈബിൾ പരിചി​ത​മാ​ക്കാൻ നിങ്ങൾക്കു നിങ്ങ​ളോ​ടു​തന്നെ കടപ്പാ​ടുണ്ട്‌. യഹോ​വ​യു​ടെ സാക്ഷികൾ ഒരു സൗജന്യ ബൈബി​ള​ദ്ധ്യ​യ​ന​ക്ര​മീ​ക​ര​ണ​ത്തി​ലൂ​ടെ അങ്ങനെ ചെയ്യാൻ ദശലക്ഷ​ങ്ങളെ സഹായി​ച്ചി​ട്ടുണ്ട്‌. അവർക്ക്‌ നിങ്ങ​ളെ​യും സഹായി​ക്കാൻ വളരെ സന്തോ​ഷ​മുണ്ട്‌. ബൈബി​ളി​ന്റെ ഉപദേശം പരിചി​ത​മാ​ക്കു​ന്ന​തി​നാ​ലും പ്രാ​യോ​ഗി​ക​മാ​ക്കു​ന്ന​തി​നാ​ലും യുവജ​ന​ങ്ങൾക്ക്‌ ഇന്നത്തെ പ്രശ്‌ന​ങ്ങൾക്കുള്ള പ്രാ​യോ​ഗി​ക​പ​രി​ഹാ​രങ്ങൾ മാത്രമല്ല, ദൈവ​പ്രീ​തി നേടാ​നുള്ള മാർഗ്ഗ​വും പഠിക്കാൻ കഴിയും, തന്നെ സേവി​ക്കാൻ ദൈവം യുവജ​ന​ങ്ങളെ ക്ഷണിക്കു​ക​യാണ്‌. (g90 9⁄8)

[8-ാം പേജിലെ ചതുരം]

യുവജനങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും

ഇപ്പോഴത്തെ ചില പ്രശ്‌നങ്ങൾ സംബന്ധിച്ച്‌ ഈ പുസ്‌ത​ക​ത്തിൽ നൽക​പ്പെ​ട്ടി​രി​ക്കുന്ന ബൈബിൾബു​ദ്ധി​യു​പ​ദേ​ശ​ത്തി​ന്റെ മാതൃ​കകൾ മാത്ര​മാ​ണിവ.

സമസ്‌ത​വ്യാ​പക എയ്‌ഡ്‌സ്‌ വ്യാധി: “ദുർമ്മാർഗ്ഗം ഒഴിവാ​ക്കുക. ഒരു മനുഷ്യൻ [അല്ലെങ്കിൽ സ്‌ത്രീ] ചെയ്യുന്ന മററ്‌ ഏതു പാപവും അവന്റെ ശരീരത്തെ ബാധി​ക്കു​ന്നില്ല; എന്നാൽ ലൈം​ഗി​ക​ദുർമ്മാർഗ്ഗം സംബന്ധിച്ച്‌ കുററ​ക്കാ​ര​നായ മനുഷ്യൻ തന്റെ സ്വന്തം ശരീര​ത്തി​നെ​തി​രെ പാപം ചെയ്യുന്നു.”—1 കൊരി​ന്ത്യർ 6:18, ററു​ഡേ​യ്‌സ്‌ ഇംഗ്ലീഷ്‌ വേർഷൻ; സദൃശ​വാ​ക്യ​ങ്ങൾ 5:3-20 താരത​മ്യം ചെയ്യുക.

മദ്യദു​രു​പ​യോ​ഗം: “കനത്ത വീഞ്ഞു​കു​ടി​യൻമാ​രു​ടെ ഇടയിൽ, മാംസ​ത്തി​ന്റെ അതിഭ​ക്ഷ​ക​രു​ടെ ഇടയിൽ, ചെന്നെ​ത്ത​രുത്‌. എന്തെന്നാൽ ഒരു അമിത​കു​ടി​യ​നും ഒരു പെരു​വ​യ​റ​നും ദാരി​ദ്ര്യ​ത്തി​ലാ​കും, നിദ്രാ​ലു​ത്വം ഒരുവനെ പഴന്തു​ണി​യു​ടു​പ്പി​ക്കും. അതിന്റെ ഒടുവിൽ [വീഞ്ഞ്‌] ഒരു സർപ്പ​ത്തെ​പ്പോ​ലെ കടിക്കു​ന്നു, അത്‌ ഒരു അണലി​യെ​പ്പോ​ലെ വിഷം ഒലിപ്പി​ക്കു​ന്നു.”—സദൃശ​വാ​ക്യ​ങ്ങൾ 23:20, 21, 32.

തൊഴിൽ: “തന്റെ വേലയിൽ വിദഗ്‌ദ്ധ​നായ മനുഷ്യ​നെ നീ കണ്ടിരി​ക്കു​ന്നു​വോ? രാജാ​ക്കൻമാ​രു​ടെ മുമ്പാ​കെ​യാണ്‌ അവൻ നിലയു​റ​പ്പി​ക്കു​ന്നത്‌; അവൻ സാധാ​ര​ണ​ക്കാ​ര​നായ മനുഷ്യ​രു​ടെ മുമ്പാകെ നിലയു​റ​പ്പി​ക്കു​ക​യില്ല.”—സദൃശ​വാ​ക്യ​ങ്ങൾ 22:29.

“നിങ്ങൾ ചെയ്യു​ന്നത്‌ എന്തുതന്നെ ആയിരു​ന്നാ​ലും, മനുഷ്യർക്കല്ല, യഹോ​വ​ക്കെ​ന്ന​പോ​ലെ അതിൽ മുഴു​ദേ​ഹി​യോ​ടെ പ്രവർത്തി​ക്കുക.”—കൊ​ലോ​സ്യർ 3:23.

ന്യൂക്ലി​യർവി​നാ​ശ​ത്തെ​ക്കു​റി​ച്ചുള്ള ഭയം: “ആകാശ​ങ്ങ​ളു​ടെ സ്രഷ്‌ടാവ്‌, സത്യ​ദൈ​വ​മാ​യവൻ, ഭൂമിയെ രൂപ​പ്പെ​ടു​ത്തി​യ​വ​നും അതിനെ നിർമ്മി​ച്ച​വ​നും, അതിനെ ഉറപ്പായി സ്ഥാപി​ച്ചവൻ, വ്യർത്ഥ​മാ​യി അതിനെ സൃഷ്‌ടി​ക്കാ​ഞ്ഞവൻ, നിവസി​ക്ക​പ്പെ​ടാൻതന്നെ അതിനെ രൂപ​പ്പെ​ടു​ത്തി​യവൻ, പറഞ്ഞി​രി​ക്കു​ന്ന​തി​താണ്‌.”—യെശയ്യാവ്‌ 45:18; 55:10, 11; സഭാ​പ്ര​സം​ഗി 1:4.

സാമ്പത്തിക അനിശ്ചി​ത​ത്വം: “അവർ തീർച്ച​യാ​യും വീടുകൾ പണിയു​ക​യും അതിൽ പാർക്കു​ക​യും​ചെ​യ്യും; അവർ തീർച്ച​യാ​യും മുന്തി​രി​ത്തോ​ട്ടങ്ങൾ നട്ടുണ്ടാ​ക്കു​ക​യും അവയുടെ ഫലം ഭക്ഷിക്കു​ക​യും​ചെ​യ്യും. അവർ പണിയു​ക​യും മററാ​രെ​ങ്കി​ലും പാർക്കു​ക​യും​ചെ​യ്യു​ക​യില്ല; അവർ നടുക​യും മററാ​രെ​ങ്കി​ലും ഭക്ഷിക്കു​ക​യു​മില്ല. . . . അവർ വ്യർത്ഥ​മാ​യി അദ്ധ്വാ​നി​ക്കു​ക​യില്ല.”—യെശയ്യാവ്‌65:21-23