തോക്കു​കൾ പുരു​ഷൻമാർക്കു​മാ​ത്രമല്ല

പരസ്യ​ലോ​ക​ത്തിൽ കൈക​ളിൽ ഒരു തോ​ക്കേ​ന്തിയ പരുക്കൻപു​രു​ഷന്റെ പ്രതി​ച്ഛായ അനേകം വസ്‌തു​ക്കൾ വിററ​ഴി​ക്കാൻ ഉപയോ​ഗി​ക്ക​പ്പെ​ട്ടി​ട്ടുണ്ട്‌. അവയിൽ ഒരു മുഴു​ശ്രേ​ണി​യും ഉൾപ്പെ​ടു​ന്നു—പുകയില, കാറുകൾ, തുണികൾ, തോക്കു​കൾ എന്നിവ​യും മററ​നേ​ക​വും. പരസ്യ​ക്കാ​രന്റെ ഭാവന​മാ​ത്രമേ പരിമി​ത​പ്പെ​ടു​ത്തു​ന്നു​ള്ളു.

വിശേ​ഷിച്ച്‌ ഐക്യ​നാ​ടു​ക​ളിൽ, പുരു​ഷൻമാർ അവരുടെ തോക്കു​ക​ളിൽനിന്ന്‌ അഭേദ്യ​രാ​യി ചിത്രീ​ക​രി​ക്ക​പ്പെ​ട്ടി​രി​ക്കു​ന്നു. നഗരവീ​ഥി​ക​ളിൽ തങ്ങളുടെ കൈക​ളി​ലോ വശത്തോ തോക്കു​ക​ളോ​ടെ ജയിച്ച​ട​ക്കുന്ന വീരൻമാ​രു​ടെ പ്രതി​മകൾ സ്ഥാപി​ക്ക​പ്പെ​ട്ടി​ട്ടുണ്ട്‌. വിശദീ​ക​ര​ണ​ക്കു​റി​പ്പു​കൾ കൂടാ​തെ​തന്നെ കാടൻ പാശ്ചാ​ത്യ​യു​ഗത്തെ വരച്ചു​കാ​ട്ടുന്ന ചിത്രങ്ങൾ ഒരു പുരു​ഷന്റെ അരയിൽ താഴ്‌ത്തി കെട്ടി​യി​രി​ക്കുന്ന സിക്‌സ്‌ഷൂ​ട്ടർതോ​ക്കി​നാൽ പെട്ടെന്ന്‌ തിരി​ച്ച​റി​യ​പ്പെ​ടു​ന്നു. പേരു​ക​ളിൽ “ഗൺ” എന്ന പദം ഉൾപ്പെ​ടു​ത്തി അനേകം ചലച്ചി​ത്രങ്ങൾ നിർമ്മി​ക്ക​പ്പെ​ട്ടി​ട്ടുണ്ട്‌. റെറലി​വി​ഷൻ ഷോക​ളും കെങ്കേമൻ നാടകാ​വ​ത​ര​ണ​ങ്ങ​ളും സത്വര​മായ വെടി​യൊ​ച്ച​ക​ളാൽ സജീവ​മാണ്‌—നല്ലവരും ദുഷ്ടരും ചിന്തനീ​യ​മായ ഏതു സാഹച​ര്യ​ത്തി​ലും സ്ഥലത്തും നിറ​യൊ​ഴി​ക്കു​ന്നു. റൈഫി​ളോ കൈ​ത്തോ​ക്കോ ധരിച്ച നിസ്സാ​രൻമാർ വീരൻമാ​രാ​ക്ക​പ്പെ​ടു​ന്നു, അവരുടെ പാദത്തി​ങ്കൽ മരിച്ചവർ കിടക്കുന്ന യഥാർത്ഥ രംഗങ്ങ​ളും കാണാം.

എന്നാൽ ഇപ്പോൾ കൂടുതൽ സ്‌ത്രീ​കൾ തോക്കു​കൾ കൈകാ​ര്യം​ചെ​യ്യു​ന്നുണ്ട്‌. കഴിഞ്ഞ രണ്ട്‌ ദശാബ്ദ​ങ്ങ​ളിൽ, വനിതാ ഡിററ​ക്ടീ​വു​ക​ളും രഹസ്യ ഏജൻറൻമാ​രും അനഭി​ല​ഷ​ണീയ ഘടകങ്ങ​ളു​മാ​യി വെടി​വെ​യ്‌പ്പി​ലേർപ്പെ​ടു​ക​യും ഏറെ മാരക​മായ ലക്ഷ്യങ്ങ​ളും വെടി​വെ​ക്കാ​നുള്ള മികച്ച ശക്തിയും സഹിതം വിജയം നേടു​ക​യും​ചെ​യ്യുന്ന രംഗങ്ങ​ളാൽ റെറലി​വി​ഷൻ സെററു​കൾ സജീവ​മാണ്‌.

അവർ പിസ്‌റ​റ​ലും റൈഫി​ളും ഉപയോ​ഗി​ക്കു​ന്ന​തി​നുള്ള പരിശീ​ല​ന​സ്ഥ​ല​ങ്ങ​ളി​ലേക്കു പോയി പുരു​ഷൻമാ​രു​ടെ മുഴു​കായ പോസ്‌റ​റ​റു​ക​ളിൽ അവരുടെ കണ്ണുകൾക്കു മധ്യേ​തന്നെ റൗണ്ടുകൾ നിറ​യൊ​ഴി​ക്കു​ന്നു.

അതു​കൊണ്ട്‌ സ്‌ത്രീ​കൾക്കു​വേണ്ടി രൂപകൽപ്പ​ന​ചെ​യ്‌തി​ട്ടുള്ള കൈ​ത്തോ​ക്കു​കൾ ഇപ്പോൾത്തന്നെ വിപണി​യി​ലു​ണ്ടെ​ന്നും നന്നായി വിററ​ഴി​ക്ക​പ്പെ​ടു​ന്നു​ണ്ടെ​ന്നു​മുള്ള അറിവ്‌ നിങ്ങളെ ഞെട്ടി​ക്ക​രുത്‌. “വനിത​കളേ, നിങ്ങൾ ഒരു പുരു​ഷന്റെ ദുർഗ​ന്ധ​നി​രോ​ധകം ഉപയോ​ഗി​ക്കു​ക​യില്ല,” ഒരു വനിതാ റിപ്പോർട്ടർ എഴുതി, “എങ്കിൽപ്പി​ന്നെ ഒരു പുരു​ഷന്റെ തോക്ക്‌ ഉപയോ​ഗി​ക്കു​ന്ന​തെ​ന്തിന്‌? നിങ്ങൾക്കു ഭാരം കുറഞ്ഞ​തും നിങ്ങളു​ടെ നഖം ഉടക്കാത്ത അരികു​ക​ളോ​ടു​കൂ​ടി​യ​തും ശക്തവും ഭംഗി​യു​ള്ള​തു​മായ ഒരു തോക്കാ​ണു വേണ്ടത്‌. ഒരുപക്ഷേ നിങ്ങൾക്കു വേണ്ടത്‌ .38 കാലിബർ ലേഡി​സ്‌മിത്ത്‌ ആയിരി​ക്കാം . . . തിളക്ക​മുള്ള നീലനി​റ​ത്തിൽ അല്ലെങ്കിൽ മഞ്ഞു​പോ​ലെ തെളി​ച്ച​മു​ള്ള​താ​യി നിങ്ങൾക്കി​ഷ്ട​പ്പെട്ട ബാരൽനി​റ​ത്തോ​ടു​കൂ​ടി​യത്‌.” വനിത​കൾക്കു വേണ്ട തോക്കി​നെ​സം​ബ​ന്ധിച്ച്‌ ഒരു വിദഗ്‌ദ്ധൻ തന്റെ അഭി​പ്രാ​യം പറഞ്ഞു: “ഒരു വനിതക്ക്‌ തോക്ക്‌ ഭംഗി​യു​ള്ള​താ​യി​രി​ക്കണം. അത്‌ കാഴ്‌ചക്കു നല്ലതാ​യി​രി​ക്കാൻ അവൾ ആഗ്രഹി​ക്കു​ന്നു, അവൾ തന്റെ പേഴ്‌സി​ലാണ്‌ അത്‌ വെക്കു​ന്നത്‌. അവൾ തന്റെ ഹാൻഡ്‌ബാ​ഗി​ലെ പൗഡർഡ​പ്പി​യും കണ്ണാടി​യു​മാ​യി അതു കൂട്ടി​മു​ട്ടാൻ ആഗ്രഹി​ക്കു​ന്നില്ല . . . സ്‌ത്രീ​ക​ളി​ല​നേകർ തങ്ങളുടെ വസ്‌തു​ക്കൾ നിറ​പ്പൊ​രു​ത്ത​വും ചേർച്ച​യു​മു​ള്ള​താ​യി​രി​ക്കാ​നാ​ഗ്ര​ഹി​ക്കു​ന്നു. അത്‌ ദുഷ്ടവും ക്രൂര​വു​മാ​യി​രി​ക്കാൻ അവർ ആഗ്രഹി​ക്കു​ന്നില്ല . . . അവൾ സംരക്ഷ​ണ​ത്തി​നു​വേ​ണ്ടി​യാണ്‌ അത്‌ വാങ്ങു​ന്നത്‌, അതേ സമയം അത്‌ വിരൂ​പ​മാ​യി​രി​ക്കാൻ അവൾ ആഗ്രഹി​ക്കു​ന്നില്ല.”

പ്രൗഢ വനിത​ക്കു​വേണ്ടി വിശേ​ഷാൽ രൂപകൽപ്പ​ന​ചെയ്‌ത കൈ​ത്തോ​ക്കു​ക​ളിൽ ചിലത്‌ .38 കാലി​ബ​റോ​ടെ അഞ്ച്‌ ഉണ്ട പായി​ക്കാൻക​ഴി​യു​ന്ന​തും രണ്ടോ മൂന്നോ ഇഞ്ച്‌ വീതം ബാരൽ​ദൈർഘ്യ​മു​ള്ള​തു​മാണ്‌—അത്‌ പേഴ്‌സിൽ നന്നായി ഒതുങ്ങും. ചിലത്‌ മിനു​സ​മു​ള്ള​തും വരക​ളോ​ടു​കൂ​ടിയ ഈട്ടി​പ്പി​ടി​യോ​ടു​കൂ​ടി​യ​തു​മാണ്‌. മററു ചിലത്‌ ചായമ​ടി​ച്ച​വ​യാ​യി​രി​ക്കാം. “അവ വളരെ മനോ​ഹ​ര​മാണ്‌,” ഒരു സ്‌ത്രീ പറഞ്ഞു. “അവ കൈകാ​ര്യം ചെയ്യാ​വു​ന്ന​തു​മാ​ണെന്ന്‌ ഞാൻ വിചാ​രി​ക്കു​ന്നു.” ഇനി വനിതാ കൈ​ത്തോ​ക്കു​കൾക്കു​വേ​ണ്ടി​യുള്ള അറകൾ സഹിതം പുതിയ പേഴ്‌സു​കൾ നിർമ്മി​ക്ക​പ്പെ​ട്ടി​ട്ടുണ്ട്‌. “പ്രത്യേക പേഴ്‌സി​ല്ലാത്ത ഒരു വനിതാ കൈ​ത്തോ​ക്കു​ടമ കുഴപ്പം ക്ഷണിച്ചു​വ​രു​ത്തു​ക​യാണ്‌” എന്ന്‌ ഒരു സ്‌ത്രീ പറയു​ക​യു​ണ്ടാ​യി. “നിങ്ങളു​ടെ ബാരലിൽ അവസാനം ബിസ്‌ക്ക​റ​റ്‌ത​രി​ക​ളും ജീരക​വും, പുകവ​ലി​ക്കു​മെ​ങ്കിൽ പുകയി​ല​യും, ആയിരി​ക്കും അല്ലെങ്കിൽ ഒരു ലേഡീസ്‌ ഹാൻഡ്‌ബാ​ഗി​ന്റെ അടിയിൽ കൂനകൂ​ടുന്ന എന്തും.” ഒരു തോക്കു​ധാ​രി​യായ സ്‌ത്രീ ഒരു കുട കൊണ്ടു​ന​ട​ക്കുന്ന ഒരാ​ളെ​പ്പോ​ലെ സാധാ​ര​ണ​മാ​യി​ത്തീ​രുന്ന കാലത്തെ ചിലർ മുൻകൂ​ട്ടി​ക്കാ​ണു​ന്നുണ്ട്‌.

അവരുടെ എണ്ണം പെരു​കു​ക​യാണ്‌

അടുത്ത കാലത്തെ ഒരു അവലോ​കനം 1983നും 1986നുമിടക്ക്‌ ഐക്യ​നാ​ടു​ക​ളി​ലെ സ്‌ത്രീ​ക​ളു​ടെ ഇടയിലെ തോക്കി​ന്റെ ഉടമാ​വാ​കാ​ശം “53 ശതമാനം ഉയർന്ന്‌ 1 കോടി 20 ലക്ഷത്തി​ല​ധി​ക​മാ​യി” എന്ന്‌ പ്രകട​മാ​ക്കി. ആ മൂന്ന്‌ വർഷക്കാ​ലത്ത്‌, “കൂടു​ത​ലാ​യി 20 ലക്ഷം സ്‌ത്രീ​കൾകൂ​ടെ തോക്കു വാങ്ങു​ന്ന​തി​നെ​ക്കു​റി​ച്ചു പരിഗ​ണി​ക്കു​ക​യാ​യി​രു​ന്നു”വെന്നും അവലോ​കനം പ്രകട​മാ​ക്കി. ചില വനിതാ​മാ​സി​ക​ക​ളിൽ വീട്ടി​ലേക്കു മടങ്ങി​വ​രവേ മുൻവാ​തി​ലി​ങ്കൽ ഒരു ജനാല തകർക്ക​പ്പെ​ട്ടി​രി​ക്കു​ന്ന​താ​യി കാണുന്ന ഒരു സ്‌ത്രീ​യെ ചിത്രീ​ക​രി​ച്ചു​കൊണ്ട്‌ സ്‌ത്രീ​കൾക്കുള്ള സംരക്ഷ​ണ​ത്തി​ന്റെ ആവശ്യ​ത്തി​ലേക്ക്‌ ശ്രദ്ധ ക്ഷണിക്ക​പ്പെട്ടു. അവൾ ഒററക്കാ​ണോ വസിക്കു​ന്നത്‌? ഒരു നുഴഞ്ഞു​ക​യ​റ​റ​ക്കാ​രൻ അവളെ അഭിമു​ഖീ​ക​രി​ക്കു​ന്നു​വെ​ങ്കിൽ തന്നേത്തന്നെ സംരക്ഷി​ക്കാൻ അവൾക്ക്‌ ഒരു തോക്കു​ണ്ടോ? ഒരു പരസ്യ​ത്തി​ന്റെ അടിയി​ലെ തീരു​വ​വി​മുക്ത നമ്പർ ഒരു തോക്കു​നിർമ്മാ​താ​വി​ന്റേ​താണ്‌, അയാൾ സ്‌ത്രീ​കൾക്ക്‌ മികച്ച തോക്കു​കൾ വാഗ്‌ദാ​നം​ചെ​യ്യു​ന്നു.

“ഈ പരസ്യങ്ങൾ ഒരു മുറി​വിൽ ഉപ്പൊ​ഴി​ക്കു​ന്ന​തു​പോ​ലെ​യാണ്‌” എന്ന്‌ ഒരു സ്‌ത്രീ പറഞ്ഞു. കാരണം ഒട്ടനവധി സ്‌ത്രീ​കൾ ഒററക്ക്‌ ജീവി​ക്കു​ന്ന​തു​കൊണ്ട്‌ അല്ലെങ്കിൽ ഇണ നഷ്ടപ്പെ​ട്ട​വ​രാ​ക​യാൽ മിക്ക​പ്പോ​ഴും നല്ല കാരണ​ത്താൽ അക്രമാ​സ​ക്ത​കു​റ​റ​കൃ​ത്യ​ങ്ങൾക്ക്‌ വിധേ​യ​രാ​ണെന്ന്‌ വിചാ​രി​ക്കു​ന്നു. മിക്ക വലിയ നഗരങ്ങ​ളി​ലും ബലാൽസം​ഗം വർദ്ധി​ക്കു​ക​യാണ്‌. പല സ്‌ത്രീ​ക​ളു​ടെ​യും പേഴ്‌സു​കൾ തട്ടിപ്പ​റി​ക്കു​ന്നു, മിക്ക​പ്പോ​ഴും പിച്ചാ​ത്തി​ചൂ​ണ്ടി​ത്തന്നെ. തെരു​വു​ക​ളി​ലും പാർക്കു​ക​ളി​ലും ഓഫീസ്‌ കെട്ടി​ട​ങ്ങ​ളി​ലും പകൽമ​ണി​ക്കൂ​റു​ക​ളിൽ സ്‌ത്രീ​ക​ളു​ടെ​മേൽ ആക്രമണം നടക്കുന്നു. സ്‌ത്രീ​കൾ ഒററക്കു പാർക്കുന്ന ബഹുശാ​ലാ​ഭ​വ​ന​ങ്ങ​ളും വീടു​ക​ളും അന്തേവാ​സി​കൾ ഉറങ്ങുന്ന സമയത്ത്‌ വെട്ടി​പ്പൊ​ളി​ക്ക​പ്പെ​ടു​ന്നു. “ഞങ്ങൾ ഞങ്ങളെ​ത്തന്നെ സംരക്ഷി​ക്കാൻ പഠിക്കു​ന്ന​താണ്‌ മെച്ചം,” ഒരു സ്‌ത്രീ പറഞ്ഞു, “എന്തു​കൊ​ണ്ടെ​ന്നാൽ വർദ്ധി​ത​മാ​യി അക്രമാ​സ​ക്ത​മാ​യി​ക്കൊ​ണ്ടി​രി​ക്കുന്ന ഒരു ജനസമു​ദാ​യ​ത്തിൽ ഞങ്ങൾ കൂടുതൽ സഞ്ചരി​ക്കു​മ്പോൾ ഞങ്ങൾ ഞങ്ങളെ​ത്തന്നെ സംരക്ഷി​ക്കേ​ണ്ട​തുണ്ട്‌.”

യു.എസ്‌. റെറലി​വി​ഷ​നിൽ അഭിമു​ഖം​ന​ട​ത്ത​പ്പെട്ട ഒരു സ്‌ത്രീ ഇങ്ങനെ പറഞ്ഞു: “ഞാൻ ജോലി​ക​ഴിഞ്ഞ്‌ വീട്ടി​ലേക്കു മടങ്ങി​പ്പോ​കു​ക​യാ​യി​രു​ന്നു. ആരോ എന്നെ പിമ്പിൽനിന്ന്‌ കടന്നു​പി​ടി​ച്ചു. അയാളു​ടെ കൈയിൽ ഒരു പിച്ചാത്തി ഉണ്ടായി​രു​ന്നു. അയാൾ എന്നെ തള്ളിയിട്ട്‌ എന്റെ പേഴ്‌സ്‌ പിടി​ച്ചു​പ​റി​ച്ചു. അപ്പോൾ അവി​ടെ​വെ​ച്ചു​തന്നെ ഞാൻ എന്തെങ്കി​ലും ചെയ്യേ​ണ്ടി​യി​രി​ക്കു​ന്നു​വെന്ന്‌ ഞാൻ പറഞ്ഞു.” ഒരു തോക്കു കൊണ്ടു​ന​ട​ക്കാ​നുള്ള പെർമി​റ​റിന്‌ അപേക്ഷിച്ച ശേഷവും ഒരു വെടി​പ​രി​ശീ​ല​ന​സ്ഥ​ലത്ത്‌ ലക്ഷ്യപ​രി​ശീ​ലനം നടത്തി​യ​ശേ​ഷ​വും അവരുടെ വീക്ഷണ​മെ​ന്താ​യി​രു​ന്നു? “ആക്രമ​ണ​വി​ധേ​യ​ത്വ​ത്തെ​ക്കു​റി​ച്ചുള്ള എന്റെ സകല ബോധ​വും എനിക്കു നഷ്ടപ്പെട്ടു. എനിക്ക്‌ ഒരു തോക്കുണ്ട്‌, ഞാൻ അതുപ​യോ​ഗിച്ച്‌ വെടി​വെ​ക്കു​ക​യാണ്‌, അത്‌ ഭയങ്കര​മാണ്‌, ഞാൻ സ്വയം ചിന്തിച്ചു. എനിക്കു ഭയം തോന്നു​ന്നില്ല. ഈ ലോഹ​ക്ക​ഷണം എന്റെ കൈക​ളി​ലു​ള്ള​പ്പോൾ എനിക്ക്‌ യഥാർത്ഥ​ത്തിൽ എന്നെത്തന്നെ സംരക്ഷി​ക്കാൻ കഴിയും.”

ഐക്യ​നാ​ടു​ക​ളി​ലെ 1 കോടി 20 ലക്ഷത്തിൽപരം സ്‌ത്രീ​ക​ളു​ടെ ചിന്ത ഇതാ​ണെന്ന്‌ സ്‌പഷ്ട​മാണ്‌. എത്ര പേർക്കു​കൂ​ടെ നിയമ​വി​രുദ്ധ ആയുധങ്ങൾ ഉണ്ടെന്ന്‌ ആരറി​യു​ന്നു? ലോക​വ്യാ​പ​ക​മായ സംഖ്യകൾ വമ്പിച്ച​താ​യി​രി​ക്കാൻ കഴിയും. എന്നാൽ ഈ ചിന്ത വസ്‌തു​തകൾ പ്രകട​മാ​ക്കു​ന്ന​തി​നെ​ക്കു​റി​ച്ചുള്ള അധിക​മായ ഗവേഷ​ണ​ത്തി​ന്റെ ഫലമാ​ണോ? നിങ്ങൾ പോയി ആത്മരക്ഷ​ക്കു​വേണ്ടി ഒരു ആയുധം വാങ്ങു​ന്ന​തി​നു​മുമ്പ്‌, പോലീസ്‌ ഉദ്യോ​ഗ​സ്ഥൻമാ​രും സ്ഥിതി​വി​വ​ര​ക്ക​ണ​ക്കു​ക​ളും പ്രകട​മാ​ക്കു​ന്ന​തെ​ന്തെന്ന്‌ പരിചി​ന്തി​ക്കുക. (g90 5⁄22)