ക്രിസമസ്സ്‌ പാരമ്പ​ര്യ​ങ്ങൾ—അവ ഉത്ഭവി​ച്ച​തെ​ങ്ങനെ?

ഉത്തരാർദ്ധ​ഗോ​ള​ത്തി​ലും ദക്ഷിണാർദ്ധ​ഗോ​ള​ത്തി​ലും ക്രിസ്‌മസ്സ്‌ ആഘോ​ഷങ്ങൾ വിശ്വാ​സി​ക​ളു​ടെ​യും അവിശ്വാ​സി​ക​ളു​ടെ​യും ഇടയിൽ ഏററവും ജനപ്രീ​തി​നേ​ടി​യി​രി​ക്കു​ന്നു. അ​ക്രൈ​സ്‌തവ ഷിന്റോ മത ഭൂരി​പ​ക്ഷ​മുള്ള ജപ്പാനിൽ ക്രിസ്‌മസ്സ്‌ മററു ആഘോ​ഷ​ങ്ങ​ളോ​ടൊ​പ്പം സ്ഥാനം​പി​ടി​ച്ചി​രി​ക്കു​ന്നു, അത്‌ അനിയ​ന്ത്രി​ത​മായ ആഹ്ലാദ​ത്തി​മർപ്പി​ന്റെ​യും വാണി​ജ്യ​മ​നഃ​സ്ഥി​തി​യു​ടെ​യും ഒരു സമയവു​മാ​യി​ത്തീർന്നി​രി​ക്കു​ന്നു. എന്നാൽ ക്രിസ്‌മസ്സ്‌ ആഘോ​ഷങ്ങൾ എല്ലായ്‌പ്പോ​ഴും അത്ര മതനി​ര​പേ​ക്ഷ​മാ​യി​രു​ന്നി​ട്ടു​ണ്ടോ? ഈ കാലി​ക​മായ ഉത്‌സവം ആരംഭി​ച്ച​തെ​ങ്ങനെ?

പൊതു​യു​ഗ​ത്തി​ന്റെ ആദ്യസ​ഹ​സ്രാ​ബ്‌ദ​ത്തിൽ ക്രിസ്‌മസ്സ്‌ എങ്ങനെ ആഘോ​ഷി​ക്ക​പ്പെ​ട്ടി​രു​ന്നു എന്ന്‌ പരി​ശോ​ധി​ക്കു​ന്നത്‌ ക്രിസ്‌ത്യാ​നി​ത്വ​ത്തി​നു മുമ്പുള്ള അതിന്റെ ഉറവുകൾ കണ്ടുപി​ടി​ക്കാൻ സഹായി​ക്കും. ഹിസറ​ററി ററുഡേ എന്ന മാസി​ക​യിൽ എഴുതു​ക​യിൽ ഓക്‌സ്‌ഫോർഡ്‌ യൂണി​വേ​ഴ്‌സി​റ​റി​യി​ലെ അലക്‌സാ​ണ്ടർ മുറേ, മദ്ധ്യയു​ഗ​മ​നു​ഷ്യൻ “മദ്ധ്യശീ​ത​കാ​ലത്തെ പുറജാ​തി മതാചാ​ര​ങ്ങ​ളു​ടെ മൂലഘ​ട​ക​ങ്ങളെ വികാ​സം​പ്രാ​പി​ച്ചു​കൊ​ണ്ടി​രുന്ന ക്രിസ്‌മസ്സ്‌ ദൈവ​ശാ​സ്‌ത്ര​ത്തോട്‌ ഉരുക്കി​ച്ചേർത്തു” എന്ന്‌ വാദി​ക്കു​ന്നു. ഇത്‌ എങ്ങനെ, എന്തു​കൊണ്ട്‌ ചെയ്യ​പ്പെട്ടു?

ക്രിസ്‌തീയ-പൂർവ ഉറവുകൾ

പുരാതന യൂറോ​പ്യൻസം​സ്‌കാ​ര​ത്തി​ലെ ജനങ്ങൾ മദ്ധ്യശീ​ത​കാ​ലത്ത്‌ സൂര്യൻ സാവകാ​ശം ആകാശത്ത്‌ ഉയരു​ന്ന​തി​നു​മുമ്പ്‌ ദക്ഷിണ ചക്രവാ​ള​ത്തി​നു​സ​മീ​പം നിശ്ചല​മാ​യി നിൽക്കു​ന്ന​താ​യി കാണ​പ്പെ​ടു​ന്ന​തെ​ങ്ങ​നെ​യെന്ന്‌ നിരീ​ക്ഷി​ച്ചു. ഈ മകരസം​ക്രാ​ന്തി​യായ വിൻറർ സോൾസ്‌റ​റിസ്‌ (“സൂര്യൻ,” “നിശ്ചല​മായ നില” എന്നിവ​യു​ടെ ലാററിൻ വാക്കു​ക​ളിൽനിന്ന്‌ ഉളവായ ഒരു വാക്ക്‌) ജൂലി​യൻക​ലണ്ടർ അനുസ​രിച്ച്‌ ആദിയിൽ ഡിസംബർ 25-ാംതീ​യ​തി​യാ​യി​രു​ന്നു. ഇതേ ആളുകൾക്കു​തന്നെ ജീവന്റെ ഉൽപാ​ദ​ക​നും സംരക്ഷ​ക​നും എന്ന നിലയിൽ ദൈവ​ത്തി​നും സൂര്യ​നും തമ്മിൽ ഒരു സാദൃ​ശ്യം കണ്ടെത്തു​ന്നത്‌ എളുപ്പ​മാ​യി​രു​ന്നു. ക്രി.വ. 274-ൽ റോമാ​ച​ക്ര​വർത്തി സോൾ ഇൻവി​കറ​റ​സ​നെ (അജയ്യനായ സൂര്യൻ) സാമ്രാ​ജ്യ​ത്തി​ന്റെ മുഖ്യ രക്ഷാധി​കാ​രി​യാ​യി പ്രഖ്യാ​പി​ച്ചു, ഇത്‌ ഡിസംബർ 25-നായി​രു​ന്നു, അങ്ങനെ പ്രകാ​ശ​ദേ​വ​നായ മിത്രാ​സി​നെ ആദരി​ച്ചു​കൊ​ണ്ടു​തന്നെ.

ഒരു പുതിയ സാമ്രാ​ജ്യ മതമെന്ന നിലയി​ലുള്ള ക്രൈ​സ്‌ത​വ​ലോ​ക​ത്തി​ന്റെ പ്രത്യ​ക്ഷ​പ്പെ​ട​ലി​നെ​സം​ബ​ന്ധിച്ച്‌, “വളരെ അനിശ്ചി​ത​ത്വ​ത്തി​നു​ശേഷം, വിജയം [മി​ത്രെ​യി​സംസ്‌]-ന്റെ മുഖ്യ എതിരാ​ളി​യായ ക്രിസ്‌ത്യാ​നി​ത്വ​ത്തിന്‌ പോകു​മാ​യി​രു​ന്നു. എന്നാൽ 300-ാം ആണ്ടി​നോ​ട​ടു​ത്തും ഈ എതിരാ​ളി നയതന്ത്രം പ്രയോ​ഗി​ക്ക​ണ​മാ​യി​രു​ന്നു. അപ്പോ​ഴാ​യി​രു​ന്നു സഭ ക്രിസ്‌തു​വി​ന്റെ ജനനത്തിന്‌ ഒരു ഉത്സവം (ലാററിൻ: നേററി​വി​റ​റാസ) ആരംഭി​ക്കാൻ തീരു​മാ​നി​ച്ചത്‌ (മൂന്നാം നൂററാ​ണ്ടിൽ നിന്നുള്ള ഉത്സവങ്ങ​ളു​ടെ ലിസ്‌റ​റിൽ അത്തരം ഉത്സവം ഉൾപ്പെ​ടു​ത്തി​യി​ട്ടില്ല, ഈ പുതിയ ഉത്സവം ആദ്യമാ​യി രേഖ​പ്പെ​ടു​ത്തി​യി​രി​ക്കു​ന്നത്‌ 336-ലെ ഒരു പ്രമാ​ണ​ത്തി​ലാണ്‌.)” എന്ന്‌ മുറേ എഴുതു​ന്നു. ഈ ആഘോ​ഷ​ത്തിന്‌ ഏതു തീയതി തിര​ഞ്ഞെ​ടു​ത്തു? ഡിസക​വ​റിംഗ ക്രിസമസ്സ കസറ​റംസ ആൻഡ ഫോൾക്കലോർ എന്ന പുസ്‌തകം അനുസ​രിച്ച്‌ “ആദിമ സഭാപി​താ​ക്കൻമാ​രു​ടെ ഭാഗത്തെ കൗശല​പൂർവ​ക​വും പ്രാ​യോ​ഗി​ക​വു​മായ ഒരു തീരു​മാന”ത്തിന്റെ ഫലമായി ഡിസംബർ 25 തിര​ഞ്ഞെ​ടു​ക്ക​പ്പെട്ടു. എന്തു​കൊണ്ട്‌?

മദ്ധ്യശീ​ത​കാ​ലം തീയു​ടെ​യും പ്രകാ​ശ​ത്തി​ന്റെ​യും റോമൻ കൃഷി ഉത്സവമായ സാററർനേ​ലി​യാ​യു​ടെ ഏഴു ദിവസത്തെ ആഹ്ലാദ​ത്തി​ന്റെ കാലമാ​യി നേര​ത്തേ​തന്നെ സുസ്ഥാ​പി​ത​മാ​യി​രു​ന്നു. ജനുവരി ആദ്യം അല്ലെങ്കിൽ കാലെൻഡ്‌സ്‌ മുതൽ ഒരു വർഷം സേവി​ക്കുന്ന റോമൻ ഭരണോ​ദ്യോ​ഗ​സ്ഥൻമാ​രു​ടെ നിയമനം ആഘോ​ഷി​ക്കുന്ന കാലെൻഡ്‌സ്‌ എന്നറി​യ​പ്പെ​ടുന്ന മൂന്നു ദിവസത്തെ ഉത്സവവു​മു​ണ്ടാ​യി​രു​ന്നു. അങ്ങനെ റോമാ​സാ​മ്രാ​ജ്യ​ത്തി​ന്റെ പുതിയ സംസ്ഥാ​ന​മ​ത​ത്തി​ലേക്ക്‌ മതപരി​വർത്ത​നം​ചെ​യ്യു​ന്ന​തിന്‌ പുറജാ​തി​ക​ളോ​ടുള്ള അഭ്യർത്ഥ​ന​യിൽ, സാററർനേ​ലി​യാ, കാലെൻഡ്‌സ്‌, അജയ്യനായ സൂര്യന്റെ മിത്രാ​യിക്ക്‌ ജനനദി​വസം എന്നിവ ഓരോ വർഷത്തി​ലും വളരെ ഹ്രസ്വ​മായ കാലഘ​ട്ട​ത്തി​നു​ള്ളിൽ വരുന്ന​തു​കൊണ്ട്‌ ഡിസംബർ 25 “ക്രിസ്‌തു​വി​ന്റെ മാസ്സി”നുവേണ്ടി തിര​ഞ്ഞെ​ടു​ക്ക​പ്പെട്ട തീയതി​യാ​യി​ത്തീർന്നു.

കാലം കടന്നു​പോ​യ​തോ​ടെ, യൂൾ എന്ന ജർമ്മൻ പുറജാ​തി മദ്ധ്യ-ശീതകാല ഉത്‌സവം വിരു​ന്നി​ന്റെ​യും ഉല്ലാസ​ത്തി​ന്റെ​യും ആചാര​ങ്ങ​ളെ​യും സമ്മാനം​കൊ​ടു​ക്ക​ലി​നെ​യും വീണ്ടും പ്രബല​പ്പെ​ടു​ത്തി. കനംകു​റഞ്ഞ മെഴു​കു​തി​രി​ക​ളും (അല്ലെങ്കിൽ മെഴു​കു​തി​രി​ക​ളും) മരക്കു​റ​റി​ക​ളും നിത്യ​ഹ​രിത അലങ്കാ​ര​ങ്ങ​ളും വൃക്ഷങ്ങ​ളും ക്രിസ്‌മസ്സ്‌ ആചാര​ങ്ങ​ളിൽ പ്രമു​ഖ​ങ്ങ​ളാ​യി​ത്തീർന്നു. എന്നാൽ ക്രിസ്‌തു​വി​ന്റെ ജനനത്തി​ന്റെ ആഘോ​ഷ​ത്തിന്‌ പുറജാ​തീ​യ​പാ​ര​മ്പ​ര്യ​ങ്ങ​ളോട്‌ പിന്നീട്‌ ഏതെങ്കി​ലും ബന്ധം ഉണ്ടാകു​ന്ന​തി​നു​മുമ്പ്‌ ക്രിസ്‌ത്യാ​നി​ക​ളു​ടെ​യി​ട​യിൽ നിശ്ചയ​മാ​യും ആ ആഘോ​ഷ​മു​ണ്ടാ​യി​രു​ന്നി​രി​ക്ക​ണ​മെന്ന്‌ ചിലർ ന്യായ​വാ​ദം ചെയ്‌തേ​ക്കാം. അത്‌ അപ്രകാ​ര​മാ​ണോ?

ആദിമ​ക്രി​സ്‌ത്യാ​നി​കൾ ആഘോ​ഷി​ച്ചി​രു​ന്നില്ല

ബൈബിൾ യേശു​വി​ന്റെ ജനനത്തി​ന്റെ കൃത്യ​മായ തീയതി വെളി​പ്പെ​ടു​ത്തു​ന്നില്ല. അതുകൂ​ടാ​തെ, “ആദിമ​ക്രി​സ്‌ത്യാ​നി​കൾ അവന്റെ ജനനം ആഘോ​ഷി​ച്ചി​രു​ന്നില്ല” എന്ന്‌ ദി വേൾഡ ബുക്ക എൻ​സൈ​ക്ലോ​പ്പീ​ഡിയ പറയുന്നു. എന്തു​കൊ​ണ്ടില്ല? “എന്തു​കൊ​ണ്ടെ​ന്നാൽ ആരു​ടെ​യെ​ങ്കി​ലും ജൻമദി​നാ​ച​രണം ഒരു പുറജാ​തീയ ആചാര​മാ​യി അവർ കണക്കാക്കി.” അഗസ്‌റ​റസ്‌ നിയാൻഡർ ദി ഹിസറ​ററി ഓഫ ദി ക്രിസറ​റ്യൻ റിലി​ജി​യൻ ആൻഡ ചർച്ച്‌, ഡ്യൂറിംഗ ദി ത്രീ ഫസററ സെൻചു​റീസ-ൽ അതി​നോട്‌ യോജിപ്പ്‌ പ്രകട​മാ​ക്കു​ന്നു: “ഒരു ജൻമദി​നോ​ത്സ​വ​ത്തി​ന്റെ ആശയം പൊതു​വെ ഈ കാലഘ​ട്ട​ത്തി​ലെ ക്രിസ്‌ത്യാ​നി​ക​ളു​ടെ വിശ്വാ​സ​ത്തിൽനിന്ന്‌ വളരെ അകന്നതാ​യി​രു​ന്നു.”

ഈ പരി​ശോ​ധ​ന​യിൽനിന്ന്‌ ക്രിസ്‌മസ്സ്‌ ആഘോ​ഷ​ങ്ങ​ളു​ടെ വേര്‌ പുറജാ​തീയ ആചാര​ങ്ങ​ളി​ലാ​ണെന്ന്‌ നിങ്ങൾക്ക്‌ മനസ്സി​ലാ​ക്കാം. ദി ഇക്കണോ​മി​സററ വിശദീ​ക​രി​ക്കു​ന്ന​തു​പോ​ലെ പിൽക്കാ​ല​ത്തു​മാ​ത്ര​മാണ്‌ മതപര​മായ “പ്രചാ​ര​ണ​ക്കാർ ‘ഈ പ്രകാ​ശ​ത്തി​ന്റെ ഉത്സവത്തെ [അജയ്യനായ സൂര്യന്റെ ജൻമദി​നം], സ്വന്തമാ​ക്കി​യത്‌, ‘എന്തു​കൊ​ണ്ടെ​ന്നാൽ ക്രിസ്‌തു ലോക​ത്തി​ന്റെ വെളി​ച്ച​മാ​കു​ന്നു,’ ഉണ്ണി​യേശു ഡിസം​ബ​റിൽ ജനിച്ചു​വെന്ന്‌ നടിക്കു​ക​യും ചെയ്‌തു. (തെളി​വി​ന്റെ അഭാവ​ത്താൽ പരസ്യ​പ്ര​സ്ഥാ​ന​ക്കാ​രു​ടെ സത്യത്താൽ അംഗീ​ക​രി​ക്ക​പ്പെ​ടു​മാ​യി​രു​ന്നില്ല). അതു​കൊ​ണ്ടാ​യി​രു​ന്നു പ്രിസ്‌ബി​റേ​റ​റി​യൻ സ്‌കോ​ട്ട്‌ലൻഡ്‌ വളരെ​ക്കാ​ല​ത്തേക്ക്‌ ക്രിസ്‌മ​സ്സി​നെ തിരസ്‌ക​രി​ച്ച​തും വാണി​ജ്യ​പ​ര​മായ താൽപ​ര്യ​ങ്ങൾ അതിനെ പുനഃ​സ്ഥാ​പി​ക്കു​ന്ന​തു​വരെ പ്യൂരി​ററൻ അമേരിക്ക അതിനെ വെറു​ക്കു​ക​യും ചെയ്‌തത്‌.”

ക്രിസമസ്സ പാരമ്പ​ര്യ​ങ്ങൾ പുനരു​ജ്ജീ​വി​പ്പി​ക്ക​പ്പെ​ടു​ന്നു

ക്രിസമസ്സ പാസറ​റി​ന്റെ രചയി​താ​ക്ക​ളായ ഗാവിൻ വെയ്‌റ​റ്‌മാ​നും സ്‌ററീവ്‌ ഹംഫ്‌റീ​സും പറയു​ന്ന​ത​നു​സ​രിച്ച്‌, വിക്‌റേ​റാ​റി​യാ രാജ്ഞി​യു​ടെ ഭരണാ​രം​ഭ​ത്തിൽ (1837-1901), “ക്രിസ്‌മ​സ്സി​ന്റെ തലേന്ന്‌ ബ്രിട്ട​നി​ലെ കുട്ടി​ക​ളാ​രും തങ്ങളുടെ കാലു​റകൾ ഒരു അടുപ്പി​ന​രി​കിൽ തൂക്കി​യി​ട്ടി​രു​ന്നില്ല; ആരും ഒരു സാൻറാ​ക്ലോ​സി​നെ​ക്കു​റി​ച്ചു കേട്ടി​രു​ന്നില്ല; ക്രിസ്‌മസ്സ്‌ പടക്കങ്ങൾ ഉണ്ടായി​രു​ന്നില്ല; വളരെ​കു​റ​ച്ചാ​ളു​കൾ മാത്രമേ ക്രിസ്‌മ​സ്സ്‌ദി​ന​ത്തിൽ ടർക്കി​ക്കോ​ഴി​യെ തിന്നി​രു​ന്നു​ള്ളു; സമ്മാനങ്ങൾ കൊടു​ക്കു​ന്നത്‌ സാധാ​ര​ണ​മ​ല്ലാ​യി​രു​ന്നു; അലങ്കൃ​ത​വും വെളിച്ചം തൂക്കി​യി​രു​ന്ന​തു​മായ ക്രിസ്‌മസ്സ്‌ വൃക്ഷം രാജ​കൊ​ട്ടാ​ര​ത്തിന്‌ വെളി​യിൽ അശേഷം അറിയ​പ്പെ​ട്ടി​രു​ന്നില്ല. യഥാർത്ഥ​ത്തിൽ ഏതെങ്കി​ലും തരത്തി​ലുള്ള സാമൂ​ഹ്യ​മ​താ​ചാ​ര​ത്തി​നുള്ള കലണ്ടറിൽ ക്രിസ്‌മസ്സ്‌ ദിനം ഒരു പ്രധാ​ന​പ്പെട്ട തീയതി​യാ​യി​രു​ന്നില്ല.” അപ്പോൾ പിന്നെ ക്രിസ്‌മസ്സ്‌ ആഘോ​ഷ​ങ്ങ​ളു​ടെ ജനപ്രീ​തി​യെ പുനരു​ജ്ജീ​വി​പ്പി​ക്കാൻ എന്തു സംഭവി​ച്ചു?

“ഈ പഴയ ഉത്സവങ്ങളെ ആദരണീ​യ​മായ ഒരു ഹ്രസ്വ കുടുംബ ആചരണ​മാ​യി മാററി​യെ​ടു​ക്കാൻ തുടങ്ങി​യത്‌ 1830-കളോ​ട​ടു​ത്താ​യി​രു​ന്നു . . . 1870-കളായ​തോ​ടെ അത്‌ ഏറെക്കു​റെ പൂർത്തീ​ക​രി​ക്ക​പ്പെ​ടു​ക​യും ചെയ്‌തു, അപ്പോ​ഴാ​യി​രു​ന്നു സാൻറാ​ക്ലോ​സ്സി​ന്റെ രൂപം ബ്രിട്ട​നിൽ ആദ്യമാ​യി പ്രത്യ​ക്ഷ​പ്പെ​ട്ടത്‌” എന്ന്‌ ക്രിസമസ്സ പാസററ പ്രസ്‌താ​വി​ക്കു​ന്നു. അതേസ​മ​യം​തന്നെ, ചാൾസ്‌ ഡിക്കൻസി​ന്റെ പ്രസി​ദ്ധീ​ക​ര​ണ​മായ എ ക്രിസമസ്സ കരോൾ, പിശു​ക്ക​നായ സ്‌കൂർജി​ന്റെ ക്രിസ്‌മസ്സ്‌ ആത്മാവി​ലേ​ക്കുള്ള പരിവർത്ത​ന​ത്തി​ന്റെ ഒരു കഥ, ദരി​ദ്ര​രോ​ടുള്ള ഔദാ​ര്യ​ത്തി​ന്റെ ഒരു മനോ​ഭാ​വത്തെ ജ്വലി​പ്പി​ച്ചു. വ്യവസാ​യ​വി​പ്ല​വം​മൂ​ല​മുള്ള പട്ടണങ്ങ​ളി​ലെ വാസത്തി​ന്റെ പരമദ​രി​ദ്രാ​വ​സ്ഥ​ക​ളും സാമ്പത്തി​ക​പ​രാ​ധീ​ന​ത​ക​ളും വിക്‌റേ​റാ​റി​യൻജ​ന​ത​കളെ ഒരു തരത്തി​ലുള്ള ധാർമ്മിക കുരി​ശു​യു​ദ്ധ​ത്തിന്‌ പ്രേരി​പ്പി​ച്ചു, പിന്നീട്‌ എഡ്‌വേർഡി​യൻ കാലഘ​ട്ട​ത്തിൽ അത്‌ “ആദരണീ​യ​രായ” ദരി​ദ്ര​രോ​ടു മാത്രം ദയാലു​ത്വം കാണി​ക്കാൻ പരിഷ്‌ക്ക​രി​ക്ക​പ്പെട്ടു.

ബ്രിട്ട​നി​ലെ കാത്തലിക്ക ഹെറൾഡി​ന്റെ ഒരു എഴുത്തു​കാ​രൻ ഇപ്രകാ​രം നിരീ​ക്ഷി​ക്കു​ന്നു: “പൊതു​വായ സാമ്പത്തി​കാ​ഭി​വൃ​ദ്ധി​യോ​ടെ ഇടത്തര​ക്കാ​രു​ടെ ക്രിസ്‌മ​സ്സ്‌ച​ട​ങ്ങി​ന്റെ ദൗർഭാ​ഗ്യ​ക​ര​മായ വശങ്ങളി​ല​നേ​ക​വും ക്രമേണ വിപു​ല​വ്യാ​പ​ക​മാ​യി​ത്തീർന്നു. ലാളി​ത്യ​വും ഔദാ​ര്യ​വും മത്സരത്തി​നും പ്രതാ​പ​പ്ര​ക​ട​ന​ത്തി​നും വഴിമാ​റി​ക്കൊ​ടു​ത്തു. ഒരിക്കൽ ഒരു യഥാർത്ഥ ഉപചാ​ര​മാ​യി​രുന്ന കുടും​ബ​വി​രുന്ന്‌ അതിഭ​ക്ഷ​ണം​സ​ഹി​ത​മുള്ള മദ്യക്കൂ​ത്താ​യി മാററ​പ്പെട്ടു. കുടും​ബങ്ങൾ, ഇഷ്ടപ്പെ​ട്ടാ​ലും ഇല്ലെങ്കി​ലും, ചിലർക്കു നിന്ദയുള്ള കളിക​ളിൽ ഏർപ്പെ​ട്ടു​കൊ​ണ്ടും ചിലർ വെറു​ക്കുന്ന ടെലി​വി​ഷൻ വീക്ഷി​ച്ചു​കൊ​ണ്ടും, സൻമ​നോ​ഭാ​വ​വും പൊതു​വായ സൗഹാർദ്ദ​വും മുന്തി​നിൽക്കു​ന്ന​താ​യി സങ്കൽപ്പി​ക്ക​പ്പെ​ടുന്ന സമയത്ത്‌ അയൽക്കാ​രും പുറത്തു​ള്ള​വ​രു​മാ​യി ബന്ധം വിച്‌ഛേ​ദി​ച്ചു​കൊ​ണ്ടും ദിവസങ്ങൾ ചെലവ​ഴി​ക്കാൻ ഈ പുതിയ പാരമ്പ​ര്യ​ങ്ങ​ളാൽ കുടും​ബങ്ങൾ നിർബ​ന്ധി​ത​രാ​യി​ത്തീ​രു​ന്നു.

“ഒരുവൻ ഇതു പറയു​ന്നെ​ങ്കിൽ, ഒരുവൻ വ്യാപാ​ര​മ​നഃ​സ്ഥി​തി​യെ​യോ അതിന്റെ കേവല​മായ സാമൂഹ്യ ആചാര​ങ്ങ​ളെ​യോ വിമർശി​ക്കാൻ തുനി​യു​ന്നു​വെ​ങ്കിൽ അയാളെ ഒരു സ്‌ക്രൂ​ജെ​യെന്ന്‌ മുദ്ര​യ​ടി​ക്കു​ന്നു. ഈ അടുത്ത വർഷങ്ങ​ളിൽ ക്രിസ്‌മസ്സ്‌ ഭയാന​ക​മാം​വി​ധം തെററി​പ്പോ​യി​രി​ക്കു​ന്നു എന്നു ഞാൻ വിചാ​രി​ക്കു​ന്നു.”

നിങ്ങൾ ഈ നിഗമ​ന​ത്തോട്‌ യോജി​ച്ചാ​ലും ഇല്ലെങ്കി​ലും, ക്രിസ്‌മ​സ്സ്‌കാ​ലത്ത്‌ നിങ്ങളു​ടെ അയൽപ​ക്കത്ത്‌ എന്തു സംഭവി​ക്കാൻ കഴിയും?

ക്രിസമസ്സ—അപകട​ക​ര​മായ ഒരു സമയം

ചിലയാ​ളു​കൾ ഈ അവസരത്തെ തീററി​യി​ലും കുടി​യി​ലും അമിത​മാ​യി മുഴു​കു​ന്ന​തിന്‌ ഉപയോ​ഗി​ക്കു​ന്നത്‌ നിങ്ങൾ കാണു​ന്നി​ല്ലേ? മത്തു പിടി​ച്ചുള്ള ചട്ടമ്പി​ത്തരം നിങ്ങളു​ടെ സമൂഹത്തെ ശല്യ​പ്പെ​ടു​ത്തു​ന്നി​ല്ലേ? ക്രിസ്‌മ​സ്സ്‌കാ​ലത്ത്‌ ആത്മാർത്ഥ​ത​യുള്ള അനേക​മാ​ളു​കൾ എടുത്തു​പ​റ​യത്തക്ക ദയയും പരിഗ​ണ​ന​യും പ്രകട​മാ​ക്കു​ന്നെ​ങ്കി​ലും അവരുടെ പ്രയത്‌നങ്ങൾ ഈ കാലത്ത്‌ സർവസാ​ധാ​ര​ണ​മാ​യി​രി​ക്കുന്ന കുടും​ബ​ബ​ന്ധ​ങ്ങ​ളു​ടെ തകർച്ച​കളെ തടയു​ന്നില്ല.

‘ക്രിസ്‌മസ്സ്‌ ഇത്രയ​ധി​കം ദുഷിച്ച നടത്തക്കി​ട​യാ​ക്കു​ന്ന​തെ​ന്തു​കൊണ്ട്‌?’ എന്ന്‌ ഉചിത​മാ​യി നിങ്ങൾ ചോദി​ച്ചേ​ക്കാം. അടിസ്ഥാ​ന​പ​ര​മാ​യി അത്‌ അ​ക്രൈ​സ്‌തവം, പുറജാ​തീ​യം ആണെന്നു​ള്ള​തു​കൊ​ണ്ടാണ്‌. ക്രിസ്‌തു അതിൽ പ്രസാ​ദി​ക്കും എന്ന്‌ നിങ്ങൾക്ക്‌ സങ്കൽപ്പി​ക്കാൻ കഴിയു​മോ? അശേഷ​മില്ല. തീർച്ച​യാ​യും ബൈബിൾ വെട്ടി​ത്തു​റന്ന്‌ ഈ വാക്കു​ക​ളിൽ ന്യായ​വാ​ദം ചെയ്യുന്നു: “നീതി​ക്കും അധർമ്മ​ത്തി​നും തമ്മിൽ എന്തു കൂട്ടാ​യ്‌മ​യാ​ണു​ള്ളത്‌? അല്ലെങ്കിൽ വെളി​ച്ച​ത്തിന്‌ ഇരുളി​നോട്‌ എന്തു പങ്കാണു​ള്ളത്‌? കൂടാതെ ക്രിസ്‌തു​വി​നും ബലിയാ​ലി​നും [സാത്താൻ] തമ്മിൽ എന്തു പൊരു​ത്ത​മാ​ണു​ള്ളത്‌?”—2 കൊരി​ന്ത്യർ 6:14, 15.

ഒരു വ്യത്യസ്‌ത വീക്ഷണം

ഈ ക്രിസ്‌മസ്സ്‌ കാലത്ത്‌ നിങ്ങളെ യഹോ​വ​യു​ടെ സാക്ഷി​ക​ളി​ലൊ​രാൾ സന്ദർശി​ക്കാൻ നല്ല സാധ്യ​ത​യുണ്ട്‌. അവർ ക്രിസ്‌മസ്സ്‌ ആഘോ​ഷ​ങ്ങ​ളിൽ പങ്കു​ചേ​രു​ന്നി​ല്ലെന്ന്‌ നിങ്ങൾ നിരീ​ക്ഷി​ക്കും. ഒരുപക്ഷേ അവരുടെ കുട്ടി​കൾക്ക്‌ ഏറെയും ആഘോ​ഷ​ങ്ങ​ളു​ടെ സന്തോഷം നഷ്ടപ്പെ​ടു​ന്നു എന്ന്‌ വിശ്വ​സി​ച്ചു​കൊണ്ട്‌ നിങ്ങൾ അവരേ​ക്കു​റിച്ച്‌ ഉത്‌ക്ക​ണ്‌ഠ​പ്പെ​ട്ടേ​ക്കാം. എന്നാൽ സതാം​പ്‌റ​റ​ണി​ലെ (ഇംഗ്ലണ്ട്‌) ഒരു അഭിമു​ഖ​ത്തിൽ രണ്ടു പേരുടെ പിതാ​വായ ഒരു സാക്ഷി ഈ ഉറപ്പ്‌ നൽകി: “‘അവർക്ക്‌ എന്തെങ്കി​ലും നഷ്ടപ്പെ​ടു​ന്നു​വെന്ന്‌ അവർ സത്യസ​ന്ധ​മാ​യി വിചാ​രി​ക്കു​ന്നില്ല, ഞാൻ നിങ്ങൾക്ക്‌ ഉറപ്പു​നൽകു​ന്നു,’ എന്ന്‌ ജോൺ പറയുന്നു. ‘യഹോ​വ​യു​ടെ സാക്ഷികൾ സന്തുഷ്ട കുടും​ബ​ജീ​വി​തത്തെ പുരോ​ഗ​മി​പ്പി​ക്കു​ന്ന​തിൽ ഉത്സാഹ​മു​ള്ള​വ​രാണ്‌. അതു​കൊണ്ട്‌ ഞങ്ങൾ ഞങ്ങളുടെ കുട്ടി​കൾക്ക്‌ വർഷത്തി​ലു​ട​നീ​ളം അനേകം സമ്മാനങ്ങൾ കൊടു​ക്കു​ന്ന​തു​പോ​ലെ​തന്നെ, ഞങ്ങൾ അവർക്ക്‌ വളരെ​യ​ധി​കം വില​യേ​റിയ ചിലത്‌ പ്രദാനം ചെയ്യുന്നു [, അതായത്‌,] ഞങ്ങളുടെ സമയവും സ്‌നേ​ഹ​വും.’”

നിശ്ചയ​മാ​യും, അത്തരത്തി​ലുള്ള യഥാർത്ഥ സ്‌നേ​ഹ​വും താൽപ്പ​ര്യ​വും സന്തുഷ്ട കുടും​ബ​ജീ​വി​ത​ത്തിന്‌ ഏറെ സംഭാ​വ​ന​ചെ​യ്യു​ന്നു. അതു​കൊണ്ട്‌ പുറജാ​തി ഉത്ഭവമുള്ള ക്രിസ്‌മസ്സ്‌ പാരമ്പ​ര്യ​ങ്ങൾ പിൻപ​റ​റു​ന്ന​തി​നു​പ​കരം വർഷം മുഴുവൻ ബന്ധുക്ക​ളോ​ടും സ്‌നേ​ഹി​ത​രോ​ടും പരിച​യ​ക്കാ​രോ​ടും, അതെ, അപരി​ചി​ത​രോ​ടു​പോ​ലും ക്രിസ്‌തു​തു​ല്യ​മായ ഒരു യഥാർത്ഥ ആത്മാവ്‌ പ്രകട​മാ​ക്കി​ക്കൊണ്ട്‌ എല്ലാവ​രും യേശു​വി​നെ ബഹുമാ​നി​ക്കു​ന്ന​തല്ലേ മെച്ചം? (g89 12/8)

[14-ാം പേജിലെ ചതുരം/ചിത്രം]

ക്രിസ്‌മസ്സ്‌ ഫാദർഅ​ഥ​വാ​സാൻറാ ക്ലോസ

ക്രിസ്‌മ​സ്സ്‌ഫാ​ദർ “യേശു​ക്രി​സ്‌തു​വി​നു​ശേ​ഷ​മുള്ള ഏററവും വിജയ​ക​ര​മായ പ്രോ​ത്‌സാ​ഹ​നകഥ”യെന്ന്‌ വർണ്ണി​ക്ക​പ്പെ​ട്ടി​രി​ക്കു​ന്നു. എന്നാൽ അയാൾ ആരായി​രു​ന്നു? ദി കസ്‌റ​റംസ്‌ ആൻഡ്‌ സെറി​മ​ണീസ്‌ ഓഫ്‌ ബ്രിട്ടൻ പറയു​ന്ന​ത​നു​സ​രിച്ച്‌ അയാൾ “കുറഞ്ഞ​പക്ഷം 15-ാം നൂററാ​ണ്ടു​മു​തൽ [ക്രിസ്‌മസ്സ്‌] കാലഘ​ട്ട​ത്തി​ലെ അസ്‌പ​ഷ്‌ട​മായ ഒരു മൂർത്തീ​ക​ര​ണ​മാ​യി അറിയ​പ്പെ​ട്ടി​രു​ന്നു . . . അയാളു​ടെ ആധുനിക വേഷത്തി​ന്റെ ഏകദേ​ശ​രൂ​പ​ത്തിൽ 1,653-ലെ ഒരു മരപ്പണി​യിൽ പ്രത്യ​ക്ഷ​പ്പെ​ടു​ന്നുണ്ട്‌: എന്നാൽ ‘സാൻറാ ക്ലോസി​ന്റെ ക്രിസ്‌മ​സ്സി​നു​ത​ലേ​ന്നുള്ള സന്ദർശ​ന​ങ്ങ​ളും സ്‌റേ​റാ​ക്കിം​ഗ്‌സ്‌ (അല്ലെങ്കിൽ കൂടുതൽ അതി​മോ​ഹ​ത്തോ​ടെ, തലയണ​യു​റകൾ) നിറക്കു​ന്ന​തി​നു​വേണ്ടി ചിമ്മി​നി​യിൽകൂ​ടി​യുള്ള ഇറക്കവും റെയിൻഡി​യർ വലിക്കുന്ന അയാളു​ടെ വണ്ടിയു​മെ​ല്ലാം പാരമ്പ​ര്യ​ങ്ങ​ളു​ടെ സംഗമ​സ്ഥാ​ന​മായ യു. എസ്സ്‌. എ. യിൽ ഉത്‌ഭ​വി​ച്ച​താണ്‌. അവിടത്തെ അയാളു​ടെ സ്വഭാവം 4-ാം നൂററാ​ണ്ടി​ലെ മിറാ​യി​ലെ സെൻറ്‌ നിക്കോ​ളാ​സി​നെ​പ്പ​റ​റി​യും (അയാൾ അർദ്ധരാ​ത്രി​യിൽ രഹസ്യ​മാ​യി കൊടുത്ത സ്‌ത്രീ​ധ​ന​പ്പ​ണ​സ​മ്മാ​ന​ത്താൽ മൂന്നു കന്യക​മാ​രെ വ്യഭി​ചാ​ര​ത്തിൽനിന്ന്‌ രക്ഷിച്ച​വ​നും സിൻന്റെ ക്ലാസ്സ്‌ എന്ന നിലയിൽ അയാളു​ടെ ഉത്‌സ​വ​ദി​ന​മായ ഡിസംബർ 6-ാംതീ​യതി ഡച്ച്‌-അമേരി​ക്കൻ കുട്ടി​ക​ളു​ടെ ഷൂസുകൾ നിറച്ച​വ​നു​മാണ്‌) ജർമ്മൻ-അമേരി​ക്കൻ ക്രിസ്‌ക്രിം​ഗി​ളി​നെ​പ്പ​റ​റി​യും (അയാൾ നല്ല കുട്ടി​കൾക്കു പ്രതി​ഫലം കൊടു​ക്കു​ക​യും ചീത്തക്കു​ട്ടി​കളെ ശിക്ഷി​ക്കു​ക​യും ചെയ്യു​ന്ന​വ​നാണ്‌) ഉള്ള ഐതി​ഹ്യ​ങ്ങ​ളും ഉത്തര​ധ്രു​വ​ത്തിൽ ജീവി​ക്കുന്ന മന്ത്രവാ​ദി​ക​ളെ​ക്കു​റി​ച്ചുള്ള സ്‌കാൻഡി​നേ​വ്യൻ കഥകളും അഥവാ റഷ്യൻക​ഥ​ക​ളും കലർത്തി​യെ​ടു​ത്ത​താ​യി​രു​ന്നു. . . . ഈ സംയുക്ത അമേരി​ക്കൻ സാൻറാ 1870കളിൽ ഒതുക്ക​ത്തിൽ വീണ്ടും അററ്‌ലാൻറിക്ക്‌ കടന്നു: അന്നുമു​തൽ അയാളു​ടെ കീർത്തിക്ക്‌ നിരവധി വ്യാപാര മായാ​വി​ക​ളാൽ പ്രത്യ​ക്ഷ​ത്തിൽ കേടു​പ​റ​റാ​തെ അയാൾ ‘കുട്ടി​ക​ളു​ടെ ക്രിസ്‌മ​സ്സിന്‌’ വർദ്ധി​ത​മാ​യി ശുദ്ധമേ മതേത​ര​മായ ഒരു പ്രാധാ​ന്യം കൊടു​ത്തി​രി​ക്കു​ന്നു.”

[15-ാം പേജിലെ ചതുരം/ചിത്രം]

ക്രിസമസ്സ്‌ നിത്യ​ഹ​രി​ത​ങ്ങൾ

ക്രിസ്‌മസ്‌ അലങ്കാ​ര​ങ്ങ​ളിൽ പ്രമുഖം “മൃതസീ​സ​ണിൽ ഫലം കായി​ക്കുന്ന മാന്ത്രി​ക​ചെ​ടി​കൾ” എന്നു വർണ്ണി​ക്ക​പ്പെ​ടുന്ന ഹാളി​യും തരു​രോ​ഹി​ണി​യും ഇത്തിളു​മാണ്‌. എന്നാൽ ഈ പ്രത്യേക നിത്യ​ഹ​രി​തങ്ങൾ എന്തു​കൊണ്ട്‌? ചുവന്ന ഹാളി​ക്കാ​യ്‌കൾ ക്രിസ്‌തു​വി​ന്റെ രക്തത്തെ പ്രതി​നി​ധാ​നം​ചെ​യ്യു​ന്നു​വെ​ന്നും അതിന്റെ മുള്ളു​നി​റഞ്ഞ ഇലകൾ പീലാ​ത്തോ​സി​ന്റെ പടയാ​ളി​കൾ യേശു​വി​ന്റെ തലയിൽ പരിഹാ​സ​പൂർവം വെച്ച “മുൾക്കി​രീ​ടത്തെ” പ്രതീ​ക​പ്പെ​ടു​ത്തു​ന്നു​വെ​ന്നും ചിലർ വിശ്വ​സി​ക്കു​ന്നു​വെ​ങ്കി​ലും പുറജാ​തി​കൾ ഹാളി​യു​ടെ തിളക്ക​മുള്ള ഇലക​ളെ​യും പഴങ്ങ​ളെ​യും നിത്യ​ജീ​വന്റെ ഒരു പുരു​ഷ​പ്ര​തീ​ക​മാ​യി വീക്ഷി​ച്ചി​രു​ന്നു. (മത്തായി 27:29) അവർ തരു​രോ​ഹി​ണി​യെ അമർത്യ​ത​യു​ടെ ഒരു സ്‌​ത്രൈ​ണ​ജീ​വ​പ്ര​തീ​ക​മാ​യും വീക്ഷിച്ചു. ഹാളി​യും തരു​രോ​ഹി​ണി​യും സംയു​ക്ത​മാ​യി അവരുടെ ഫലപു​ഷ്ടി​യു​ടെ പ്രതീ​ക​മാ​യി​ത്തീർന്നു. ഇത്തിളി​ന്റെ പുറജാ​തി​സം​ബ​ന്ധങ്ങൾ ഇപ്പോ​ഴും വളരെ ശക്തമാ​യ​തു​കൊണ്ട്‌ ദി കസ്‌റ​റംസ്‌ ആൻഡ്‌ സെറി​മ​ണീസ്‌ ഓഫ്‌ ബ്രിട്ടൻ എന്ന പുസ്‌തകം ഇങ്ങനെ പറയുന്നു: “യാതൊ​രു പള്ളിയ​ല​ങ്കാ​ര​വി​ദ​ഗ്‌ദ്ധ​നും യോർക്ക്‌ മിൻസ്‌റ​റ​റി​ല​ല്ലാ​തെ അതിനെ പൊറു​ക്കു​ക​യില്ല.” എല്ലാ നിത്യ​ഹ​രി​ത​ങ്ങ​ളി​ലും​വെച്ച്‌ ഏററം പ്രസി​ദ്ധ​മാ​യത്‌ ക്രിസ്‌മ​സ്‌ട്രീ​യാണ്‌, അത്‌ ജർമ്മൻ പാരമ്പ​ര്യ​ങ്ങ​ളിൽ ദീർഘ​നാ​ളാ​യി വിശേ​ഷ​വൽക്ക​രി​ക്ക​പ്പെ​ട്ടി​രി​ക്കു​ന്ന​തും വിക്‌റേ​റാ​റി​യാ​രാ​ജ്ഞി​യു​ടെ ഭർത്താ​വാ​യി​രുന്ന ആൽബർട്ട്‌ പ്രഭു പ്രചാ​ര​ത്തിൽവ​രു​ത്തി​യ​തും കുടും​ബ​ക്രി​സ്‌മ​സ്സാ​ഘോ​ഷ​ങ്ങ​ളു​ടെ കേന്ദ്ര​മാ​യി​ത്തീർന്ന​തു​മാ​കു​ന്നു. 1947നുശേഷം, നോർവേ​യു​ടെ തലസ്ഥാ​ന​മായ ഓസ്ലോ ലണ്ടനിലെ ട്രഫാൽഗർ സ്‌ക്വ​യ​റിൽ പ്രദർശി​പ്പി​ക്കാൻ ഒരു ക്രിസ്‌മ​സ്‌ട്രീ സമ്മാന​മാ​യി അയച്ചു​കൊ​ടു​ത്തി​ട്ടുണ്ട്‌.

[16-ാം പേജിലെ ചിത്രം]

നോർവേ ബ്രിട്ട​നു​കൊ​ടു​ക്കുന്ന വാർഷിക ക്രിസ്‌മസ്‌ ട്രീ സമ്മാനം