നല്ല ആരോ​ഗ്യം—നിങ്ങൾക്ക്‌ അതു സം​ബ​ന്ധ​ച്ച്‌ എന്തു ചെയ്യാൻ കഴിയും?

“ഭാഗി​ക​മാ​യി ആധുനി​ക​വൈ​ദ്യ​ശാ​സ്‌ത്ര​ത്തി​ന്റെ വിശി​ഷ്‌ട​മായ വിജയ​ങ്ങ​ളു​ടെ ഫലമായി ആരോ​ഗ്യം ഒരു ജനസമു​ദാ​യ​വും വ്യക്തി​ക​ളും നേടി​യെ​ടു​ക്കു​ന്ന​താ​യി​രി​ക്കു​ന്ന​തി​നു പകരം ഡോക്‌ടർമാർ ജനങ്ങൾക്കു പ്രദാ​നം​ചെ​യ്യുന്ന ഒന്നാ​ണെ​ന്നുള്ള മനോ​ഭാ​വം ലോക​ത്തി​ന്റെ അനേകം ഭാഗങ്ങ​ളിൽ പരന്നി​രി​ക്കു​ന്നു.” ലോകാ​രോ​ഗ്യ​സം​ഘ​ട​ന​യു​ടെ ഔദ്യോ​ഗിക പത്രി​ക​യായ വേൾഡ ഹെൽത്തിൽ ഡോ. ഹാഫ്‌ദാൻ മാളർ എഴുതി​യ​താ​ണത്‌.

തീർച്ച​യാ​യും, ഡോക്ടർമാ​രും ആശുപ​ത്രി​ക​ളും നമ്മുടെ ആരോ​ഗ്യ​ത്തി​നും ക്ഷേമത്തി​നും വളരെ​യ​ധി​കം സംഭാ​വ​ന​ചെ​യ്യു​ന്നുണ്ട്‌. എന്നിരു​ന്നാ​ലും, അവർ അത്യന്താ​പേ​ക്ഷി​ത​മാ​യി സൗഖ്യം​വ​രു​ത്തുന്ന ധർമ്മമാ​ണ​നു​ഷ്‌ഠി​ക്കു​ന്നത്‌. എന്തെങ്കി​ലും കുഴപ്പ​മു​ണ്ടാ​കു​മ്പോ​ഴാണ്‌ നാം അവരുടെ സേവനങ്ങൾ തേടു​ന്നത്‌. എന്നാൽ നമുക്കു സുഖമു​ള്ള​പ്പോൾ നാം അവരെ​ക്കു​റിച്ച്‌ അപൂർവ​മാ​യേ ചിന്തി​ക്കു​ന്നു​ള്ളു. അപ്പോൾ, നമുക്ക്‌ നല്ല ആരോ​ഗ്യം നേടി​യെ​ടു​ക്കാൻ എന്തു ചെയ്യാൻ കഴിയും?

ആരോ​ഗ്യ​ക​ര​മായ ജീവി​ത​ത്തി​നുള്ള മാർഗ്ഗ​രേ​ഖ​കൾ

പൊതു​വേ, നല്ല ആരോ​ഗ്യം മൂന്നു മുഖ്യ​ഘ​ട​ക​ങ്ങളെ ആശ്രയി​ച്ചി​രി​ക്കു​ന്നു​വെ​ന്ന​തി​നോട്‌ വിദഗ്‌ദ്ധൻമാർ യോജി​ക്കു​ന്നു: സമീകൃ​താ​ഹാ​രം, നിരന്ത​ര​വ്യാ​യാ​മം, ഉത്തരവാ​ദി​ത്ത​ത്തോ​ടു​കൂ​ടിയ ജീവിതം. തീർച്ച​യാ​യും ഈ വിഷയങ്ങൾ സംബന്ധിച്ച വിവര​ങ്ങൾക്കു കുറവില്ല, അവയി​ല​ധി​ക​വും പ്രാ​യോ​ഗി​ക​വും പ്രയോ​ജ​ന​ക​ര​വു​മാണ്‌. ആഹാര​ക്ര​മ​വും വ്യായാ​മ​വും നമ്മുടെ ആരോ​ഗ്യ​ത്തോ​ടു എങ്ങനെ ബന്ധപ്പെ​ടു​ന്നു​വെ​ന്ന​തു​സം​ബ​ന്ധിച്ച പ്രസക്ത​ങ്ങ​ളും ആധുനി​ക​ങ്ങ​ളു​മായ ചില ആശയങ്ങൾ “നിങ്ങളു​ടെ ആഹാര​ക്ര​മ​വും നിങ്ങളു​ടെ ആരോ​ഗ്യ​വും,” “വ്യായാ​മം, കായി​ക​ക്ഷമത, ആരോ​ഗ്യം” എന്നീ ചതുര​ങ്ങ​ളിൽ അവതരി​പ്പി​ച്ചി​ട്ടുണ്ട്‌.

സഹായ​ക​മാ​യ ഒട്ടേറെ വിവരങ്ങൾ ലഭ്യമാ​ണെ​ങ്കി​ലും, സങ്കടക​ര​മെന്നു പറയട്ടെ, നല്ല ആരോ​ഗ്യം നേടുന്ന കാര്യം ആളുക​ളു​ടെ മുൻഗ​ണ​ന​ക​ളു​ടെ ലിസ്‌റ​റിൽ വളരെ ഉയർന്നു​നിൽക്കു​ന്നി​ല്ലെന്നു വസ്‌തു​തകൾ പ്രകട​മാ​ക്കു​ന്നു. മററു​ള്ള​വ​യു​ടെ കൂട്ടത്തിൽ, “തൂക്കം കുറക്കാൻ ആവശ്യ​മാ​യ​തെ​ന്തെന്ന്‌ എല്ലാവർക്കു​മ​റി​യാം” എന്ന്‌ വാഷിം​ഗ്‌ട​ണി​ലെ ഡിസീസ്‌ പ്രിവൻഷൻ ആൻഡ്‌ ഹെൽത്ത്‌ പ്രൊ​മോ​ഷൻ ഓഫീ​സി​ലെ ഡോ. മേരി​യോൺ നെസിൽ പ്രസ്‌താ​വി​ച്ചു, “എന്നാൽ അമിത​തൂ​ക്ക​ത്തിന്‌ അധികം മാററ​മു​ണ്ടാ​കു​ന്ന​താ​യി തോന്നു​ന്നില്ല.” അവരുടെ ഓഫീസ്‌ പറയു​ന്ന​ത​നു​സ​രിച്ച്‌ ഐക്യ​നാ​ടു​ക​ളിൽ 4ൽ ഏതാണ്ട്‌ 1 ആൾക്ക്‌ 20 ശതമാ​ന​ത്തിൽ കൂടുതൽ അമിത​തൂ​ക്ക​മുണ്ട്‌.

സമാന​മാ​യി, “പൊതു​വേ, 1977നും 1983നുമിടക്ക്‌ ഹാനി​ക​ര​മായ ആരോ​ഗ്യ​ശീ​ല​ങ്ങ​ളിൽ ഒരു വർദ്ധന​വു​ണ്ടാ​യി​ട്ടു​ള്ള​താ​യി തോന്നു​ന്നു”വെന്ന്‌ ആരോ​ഗ്യ​സ്ഥി​തി​വി​വ​ര​ക്ക​ണ​ക്കു​കൾക്കു​വേ​ണ്ടി​യുള്ള ഒരു യു. എസ്‌. ദേശീയ കേന്ദ്ര​ത്താ​ലുള്ള ഒരു പഠനം വെളി​പ്പെ​ടു​ത്തു​ന്നു. ഈ “ഹാനി​ക​ര​മായ ആരോ​ഗ്യ​ശീ​ലങ്ങൾ” എന്തൊ​ക്കെ​യാണ്‌? അവ വികല​പോ​ഷണം, സാം​ക്ര​മി​ക​രോ​ഗങ്ങൾ, അല്ലെങ്കിൽ മലിനീ​ക​രണം എന്നിങ്ങനെ വ്യക്തിക്ക്‌ നിയ​ന്ത്ര​ണ​മി​ല്ലാത്ത പ്രശ്‌ന​ങ്ങളല്ല. എന്നാൽ, അവ തികച്ചും വ്യക്തി​യു​ടെ ഉത്തരവാ​ദി​ത്ത​മാ​യി​രി​ക്കുന്ന ഘടകങ്ങ​ളാണ്‌—പുകവലി, അമിത​ഭ​ക്ഷണം, അമിത​കു​ടി, മയക്കു​മ​രു​ന്നു ദുരു​പ​യോ​ഗം എന്നിവ​പോ​ലുള്ള നടപടി​കൾതന്നെ.

നല്ല ആരോ​ഗ്യം നേടാൻ എന്തു ചെയ്യണ​മെ​ന്നു​ള്ള​തു​സം​ബ​ന്ധിച്ച്‌ വൈദ്യ​ശാ​സ്‌ത്ര​പ​ര​മോ ശാസ്‌ത്രീ​യ​മോ ആയ വിവര​ങ്ങ​ളെ​ക്കാ​ള​ധി​കം ആവശ്യ​മാ​ണെന്ന്‌ വ്യക്തമാണ്‌. നമ്മുടെ വ്യക്തി​പ​ര​മായ ഉത്തരവാ​ദി​ത്ത​ത്തി​ന​നു​സൃ​ത​മാ​യി ജീവി​ക്കാ​നുള്ള ഒരു കൂടിയ പ്രചോ​ദനം ആവശ്യ​മാണ്‌. നല്ല ആരോ​ഗ്യ​ത്തി​നു സംഭാ​വ​ന​ചെ​യ്യുന്ന കാര്യങ്ങൾ ചെയ്യാൻ മാത്രമല്ല, അതിനെ താറു​മാ​റാ​ക്കുന്ന കാര്യ​ങ്ങളെ ഒഴിവാ​ക്കാ​നും നാം പ്രേരി​പ്പി​ക്ക​പ്പെ​ടണം. ആരോ​ഗ്യ​ക​ര​മായ ജീവിതം നയിക്കു​ന്ന​തി​നു നമ്മെ സഹായി​ക്കു​ന്ന​തി​നുള്ള അത്തരം പ്രചോ​ദ​ന​വും പ്രേരക ശക്തിയും നമുക്ക്‌ എവിടെ കണ്ടെത്താൻ കഴിയും?

മിക്കയാ​ളു​കൾക്കും അറിയാൻപാ​ടി​ല്ലാ​തി​രു​ന്നേ​ക്കാ​മെ​ങ്കി​ലും ഈ രോഗ​ങ്ങ​ളി​ലൊ​ന്നും എന്ന തന്റെ പുസ്‌ത​ക​ത്തി​ന്റെ (ഇംഗ്ലീഷ്‌) ആമുഖ​ത്തിൽ ഒരു ഡോക്ടർ-ഗ്രന്ഥകാ​ര​നായ എസ്സ്‌.ഐ. മാക്‌മി​ല്ല്യൻ ഇങ്ങനെ പ്രസ്‌താ​വി​ച്ചു: “ബൈബി​ളി​ന്റെ മാർഗ്ഗ​നിർദ്ദേ​ശ​ങ്ങൾക്ക്‌ ചില സാം​ക്ര​മി​ക​രോ​ഗ​ങ്ങ​ളിൽനി​ന്നും മാരക​മായ അനേകം കാൻസ​റു​ക​ളിൽനി​ന്നും ആധുനി​ക​ചി​കിൽസ​യു​ടെ ശ്രമങ്ങ​ളെ​ല്ലാ​മു​ണ്ടാ​യി​ട്ടും പെരു​കി​വ​രുന്ന വൈകാ​രിക-ശാരീ​രി​ക​രോ​ഗ​ങ്ങ​ളു​ടെ നീണ്ട നിരയിൽനി​ന്നും വായന​ക്കാ​രനെ രക്ഷിക്കാൻ കഴിയു​മെന്നു കണ്ടെത്തു​ന്നത്‌ അയാൾക്കു കൗതുകം ജനിപ്പി​ക്കു​മെന്ന്‌ എനിക്കു​റ​പ്പുണ്ട്‌. . . . സമാധാ​നം ഗുളി​ക​രൂ​പ​ത്തി​ലല്ല വരുന്നത്‌.”

ബൈബിൾ ഒരു മെഡിക്കൽ പാഠപ്പു​സ്‌ത​ക​മോ ആരോ​ഗ്യം​സം​ബ​ന്ധിച്ച ഒരു കൈപ്പു​സ്‌ത​ക​മോ അല്ലെങ്കി​ലും അത്‌ ആരോ​ഗ്യ​ക​ര​മായ ശീലങ്ങ​ളി​ലും നല്ല ആരോ​ഗ്യ​ത്തി​ലും കലാശി​ക്കുന്ന തത്വങ്ങ​ളും മാർഗ്ഗ​രേ​ഖ​ക​ളും പ്രദാ​നം​ചെ​യ്യു​ക​തന്നെ ചെയ്യു​ന്നു​വെന്ന്‌ ഈ പ്രസ്‌താ​വ​ന​ക​ളിൽനിന്ന്‌ നമുക്ക്‌ കാണാൻ കഴിയും. ഈ തത്വങ്ങ​ളിൽ ചിലത്‌ ഏവയാണ്‌?

വികാ​ര​ങ്ങ​ളും ജീവി​ത​വീ​ക്ഷ​ണ​വും

ദൃഷ്ടാ​ന്ത​ത്തിന്‌, “നമ്മുടെ ഭൂരി​പക്ഷം രോഗ​ങ്ങൾക്കും കാരണം ഭയം, സങ്കടം, അസൂയ, നീരസം, പക എന്നിങ്ങ​നെ​യുള്ള വികാ​ര​ങ്ങ​ളാണ്‌ എന്ന്‌ വൈദ്യ​ശാ​സ്‌ത്രം തിരി​ച്ച​റി​യു​ന്നു”വെന്ന്‌ മേലു​ദ്ധ​രി​ക്ക​പ്പെട്ട ഡോ. മാക്‌മി​ല്യൻ പറഞ്ഞു. “60 ശതമാനം മുതൽ ഏതാണ്ട്‌ 100 ശതമാനം വരെ വ്യത്യ​സ്‌ത​മാണ്‌ കണക്കുകൾ.”

ഇതിനു പരിഹാ​രം വരുത്താൻ എന്തു ചെയ്യാൻ കഴിയും? രസാവ​ഹ​മാ​യി, ഏതാണ്ട്‌ 3,000 വർഷം മുമ്പ്‌ “ഒരു ശാന്തഹൃ​ദയം ജഡശരീ​ര​ത്തി​ന്റെ ജീവനാ​കു​ന്നു, എന്നാൽ അസൂയ അസ്ഥികൾക്കു ദ്രവത്വ​മാ​കു​ന്നു”വെന്ന്‌ ബൈബിൾ ചൂണ്ടി​ക്കാ​ട്ടി. (സദൃശ​വാ​ക്യ​ങ്ങൾ 14:30) എന്നാൽ ഒരുവന്‌ ഒരു “ശാന്തഹൃ​ദയം” കിട്ടു​ന്ന​തെ​ങ്ങ​നെ​യാണ്‌? ബൈബി​ളി​ന്റെ ബുദ്ധി​യു​പ​ദേശം ഇതാണ്‌: “ദ്രോ​ഹ​ക​ര​മായ സകല കയ്‌പും കോപ​വും ക്രോ​ധ​വും അലർച്ച​യും അസഭ്യ​സം​സാ​ര​വും സകല ചീത്തത്വ​ത്തോ​ടും​കൂ​ടെ നിങ്ങളിൽനിന്ന്‌ നീക്ക​പ്പെ​ടട്ടെ.” (എഫേസ്യർ 4:31) മററു വാക്കു​ക​ളിൽ പറഞ്ഞാൽ, നല്ല ശാരീ​രി​കാ​രോ​ഗ്യം ആസ്വദി​ക്കു​ന്ന​തിന്‌ നാം നമ്മുടെ വികാ​ര​ങ്ങളെ നിയ​ന്ത്രി​ക്കാൻ പഠിക്കണം.

തീർച്ച​യാ​യും ഇത്‌ ചില ആധുനിക മനോ​രോ​ഗ​വി​ദ​ഗ്‌ദ്ധ​രു​ടെ​യും മനഃശാ​സ്‌ത്ര​ജ്ഞൻമാ​രു​ടെ​യും ഉപദേ​ശ​ത്തി​നു വിരു​ദ്ധ​മാണ്‌. നാം നമ്മുടെ വികാ​ര​ങ്ങളെ നിയ​ന്ത്രി​ക്കാൻ ശ്രമി​ക്കാ​തെ അവക്കനു​സൃ​ത​മാ​യി പ്രവർത്തി​ക്ക​ണ​മെന്ന്‌ അവർ മിക്ക​പ്പോ​ഴും ശുപാർശ​ചെ​യ്യു​ന്നു. ഞെരു​ക്ക​പ്പെ​ടു​ന്ന​താ​യോ അലട്ട​പ്പെ​ടു​ന്ന​താ​യോ വിചാ​രി​ക്കു​ന്ന​യാൾക്ക്‌ അരിശം​തീർക്കു​ന്ന​തോ കോപം പ്രകടി​പ്പി​ക്കു​ന്ന​തോ താൽക്കാ​ലി​ക​മായ ആശ്വാസം കൈവ​രു​ത്തി​യേ​ക്കാം. എന്നാൽ അത്‌ അയാളു​ടെ ചുററു​പാ​ടു​മു​ള്ള​വ​രോ​ടുള്ള അയാളു​ടെ ബന്ധത്തോട്‌ എന്തു ചെയ്യുന്നു? അത്‌ അവരുടെ ഭാഗത്തു​നിന്ന്‌ ഏതു തരം പ്രതി​ക​ര​ണ​ത്തി​നു തിരി​കൊ​ളു​ത്തി​യേ​ക്കാം? ഉണ്ടാകാ​വുന്ന പിരി​മു​റു​ക്ക​വും മാനസി​ക​സം​ഘർഷ​വും ഊഹി​ക്കാൻ പ്രയാ​സ​മില്ല. എല്ലാവ​രും വികാ​ര​ങ്ങളെ നിയ​ന്ത്രി​ക്കാൻ ശ്രമി​ക്കാ​തെ അവക്കനു​സൃ​ത​മാ​യി പ്രവർത്തി​ച്ചാ​ലു​ണ്ടാ​കാ​വുന്ന ശാരീ​രി​ക​പ​രു​ക്കു​ക​ളു​ടെ കാര്യം പറയു​ക​യും വേണ്ട. അത്‌ ഒരിക്ക​ലും അവസാ​നി​ക്കാത്ത ഒരു ദൂഷി​ത​വ​ലയം സൃഷ്ടി​ക്ക​മാ​ത്രമേ ചെയ്യു​ന്നു​ള്ളു.

തീർച്ച​യാ​യും ഈ ഹാനി​ക​ര​ങ്ങ​ളായ വികാ​ര​ങ്ങളെ നിയ​ന്ത്രി​ക്കുക എളുപ്പമല്ല, വിശേ​ഷിച്ച്‌ ഒരുവൻ കോപാ​വേ​ശ​ത്തി​നു വഴി​പ്പെ​ടാൻ പ്രവണ​ത​യു​ള്ള​വ​നാ​ണെ​ങ്കിൽ. അതു​കൊ​ണ്ടാണ്‌ ബൈബിൾ ഇങ്ങനെ തുടർന്നു പറയു​ന്നത്‌: “അന്യോ​ന്യം ദയയു​ള്ള​വ​രും കരുണാർദ്ര​മായ സഹതാ​പ​മു​ള്ള​വ​രു​മാ​യി അന്യോ​ന്യം സൗജന്യ​മാ​യി ക്ഷമിക്കുക.” (എഫേസ്യർ 4:32) മററു വാക്കു​ക​ളിൽ പറഞ്ഞാൽ, നാം ഹാനി​ക​ര​ങ്ങ​ളായ നിഷേ​ധാ​ത്‌മ​ക​വി​കാ​ര​ങ്ങളെ ക്രിയാ​ത്‌മ​ക​വി​കാ​രങ്ങൾ കൊണ്ടു പ്രതി​സ്ഥാ​പി​ക്ക​ണ​മെന്ന്‌ അതു പറയുന്നു.

മററു​ള്ള​വ​രോ​ടുള്ള അത്തരം ക്രിയാ​ത്മ​ക​വി​കാ​രങ്ങൾ നമുക്ക്‌ എന്തു ചെയ്യുന്നു? തകർന്ന ഹൃദയം എന്ന തന്റെ പുസ്‌ത​ക​ത്തിൽ (ഇംഗ്ലീഷ്‌) ഡോ. ജയിംസ്‌ ലിൻച്‌ ഇങ്ങനെ എഴുതു​ന്നു: “കരുതൽ ജീവശാ​സ്‌ത്ര​പ​ര​മാണ്‌, ‘നീ നിന്റെ അയൽക്കാ​രനെ നിന്നേ​പ്പോ​ലെ​തന്നെ സ്‌നേ​ഹി​ക്കണം’ എന്നുള്ള അനുശാ​സനം ഒരു ധാർമ്മിക അനുശാ​സനം മാത്രമല്ല—അത്‌ ശരീര​ശാ​സ്‌ത്ര​പ​ര​മായ ഒന്നാണ്‌.” അങ്ങനെ​യുള്ള ക്രിയാ​ത്മ​ക​ബ​ന്ധങ്ങൾ കൈവ​രു​ത്തുന്ന പ്രയോ​ജ​നങ്ങൾ സംബന്ധിച്ച്‌ ഒരു മനോ​രോ​ഗ​വി​ദ​ഗ്‌ദ്ധ​നായ റോബർട്ട്‌ ടെയ്‌ലർ ഇങ്ങനെ കൂട്ടി​ച്ചേർക്കു​ന്നു: “ആവശ്യം നേരി​ടുന്ന സന്ദർഭ​ങ്ങ​ളിൽ നിങ്ങൾക്കാ​ശ്ര​യി​ക്കാ​വുന്ന ആളുക​ളു​ണ്ടെ​ന്നുള്ള അറിവിന്‌ സുരക്ഷി​ത​ത്വ​ത്തി​ന്റെ​യും ശുഭാ​പ്‌തി​വി​ശ്വാ​സ​ത്തി​ന്റെ​യും പ്രത്യാ​ശ​യു​ടെ​യും സുപ്ര​ധാ​ന​മായ ചില വികാ​രങ്ങൾ പ്രദാ​നം​ചെ​യ്യാൻ കഴിയും—അതെല്ലാം സമ്മർദ്ദ​ത്തി​നുള്ള നല്ല പ്രതി​വി​ധി​യാ​യി​രി​ക്കാൻ കഴിയും.” അങ്ങനെ, ആധുനി​ക​വൈ​ദ്യ​ശാ​സ്‌ത്രം വൈകാ​രിക-ശാരീ​രി​ക​രോ​ഗങ്ങൾ എന്നു വിളി​ക്ക​പ്പെ​ടുന്ന ചില രോഗ​ങ്ങൾക്ക്‌ ചില പ്രതി​വി​ധി​ക​ളു​മാ​യി മുന്നോ​ട്ടു​വ​രാൻ ശ്രമി​ച്ചേ​ക്കാ​മെ​ങ്കി​ലും ഒന്നാമ​തു​തന്നെ അവ ഉണ്ടാകാ​തെ തടയാൻ ബൈബി​ളി​ലെ ലളിത​മായ മാർഗ്ഗ​നിർദ്ദേ​ശ​ങ്ങൾക്കു സഹായി​ക്കാൻ കഴിയും. ബൈബിൾമാർഗ്ഗ​രേ​ഖകൾ ബാധക​മാ​ക്കാൻ സന്നദ്ധരാ​കുന്ന ഏവർക്കും വൈകാ​രി​ക​വും ശാരീ​രി​ക​വു​മാ​യി പ്രയോ​ജനം കിട്ടും.

ശീലങ്ങ​ളും ആസക്തി​ക​ളും

നമ്മുടെ വൈകാ​രി​ക​വും ശാരീ​രി​ക​വു​മായ ക്ഷേമത്തെ ബാധി​ക്കുന്ന മറെറാ​രു സംഗതി നാം നമ്മുടെ ശരീര​ത്തോ​ടു പെരു​മാ​റുന്ന വിധമാണ്‌. നമ്മുടെ ഭാഗത്തെ ന്യായ​മായ ശ്രമത്താൽ—ഉചിത​മായ ഭക്ഷണത്താ​ലും ആവശ്യ​മായ വ്യായാ​മ​വും വിശ്ര​മ​വും ഉണ്ടായി​രി​ക്കു​ന്ന​തി​നാ​ലും ശുചി​ത്വം​പാ​ലി​ക്കു​ന്ന​തി​നാ​ലും മററും—നമ്മുടെ ശരീരം അതി​നെ​ത്തന്നെ പരിപാ​ലി​ക്കും. എന്നിരു​ന്നാ​ലും, നാം പതിവാ​യി അതിനെ ദുരു​പ​യോ​ഗ​പ്പെ​ടു​ത്തി​യാൽ ഏതെങ്കി​ലു​മൊ​രു സമയത്ത്‌ അത്‌ തകരും, നാം പരിണ​ത​ഫ​ല​ങ്ങ​ള​നു​ഭ​വി​ക്കു​ക​യും ചെയ്യും.

ബൈബി​ളി​ന്റെ ബുദ്ധി​യു​പ​ദേശം ഇതാണ്‌: “നമുക്ക്‌ ജഡത്തി​ലെ​യും ആത്മാവി​ലെ​യും സകല അശുദ്ധി​യും നീക്കി നമ്മെത്തന്നെ ശുദ്ധീ​ക​രി​ക്കാം.” (2 കൊരി​ന്ത്യർ 7:1) നമുക്ക്‌ എങ്ങനെ അങ്ങനെ​യുള്ള ബുദ്ധി​യു​പ​ദേശം ബാധക​മാ​ക്കാൻ കഴിയും? വാഷിം​ഗ്‌ട​ണിൽ പ്രവർത്തി​ക്കുന്ന വേൾഡ്‌വാച്ച്‌ ഇൻസ്‌റ​റി​റ​റ്യൂ​ട്ടി​ന്റെ പിൻവ​രുന്ന റിപ്പോർട്ടു പരിഗ​ണി​ക്കുക: “വർഷം​തോ​റും ലോക​ജ​ന​സം​ഖ്യ​യെ​ക്കാൾ 2.1 ശതമാനം വേഗത്തിൽ വ്യാപി​ക്കുന്ന ഒരു സാം​ക്ര​മി​ക​രോ​ഗ​മാണ്‌ പുകവലി. . . .പുകയി​ല​യു​പ​യോ​ഗ​ത്തി​ലുള്ള വർദ്ധനവ്‌ എൺപതു​ക​ളു​ടെ പ്രാരം​ഭ​ത്തിൽ സാമ്പത്തി​ക​കാ​ര​ണ​ങ്ങ​ളാൽ കുറഞ്ഞ കാല​ത്തേക്ക്‌ ഒന്നു മന്ദീഭ​വി​ച്ചു, എന്നാൽ അതിന്റെ സത്വര വർദ്ധനവ്‌ പുനരാ​രം​ഭി​ക്കു​ക​യാണ്‌. നൂറു​കോ​ടി​യി​ല​ധി​ക​മാ​ളു​കൾ ഇപ്പോൾ പുകവ​ലി​ക്കു​ന്നുണ്ട്‌, വർഷം​തോ​റും 5 ലക്ഷം കോടി സിഗര​റ​റു​കൾ അവർ വലിച്ചു​തീർക്കു​ന്നു, പ്രതി​ദി​നം ശരാശരി അര പായ്‌ക്ക​റ​റിൽ കൂടുതൽ.”

ഈ ‘പടരുന്ന സാം​ക്ര​മി​ക​രോഗ’ത്തിന്റെ ഫലമെ​ന്താണ്‌? അനുബ​ന്ധ​മാ​യി ചേർത്തി​രി​ക്കുന്ന ചതുര​ത്തിൽ ഗൗരവ​മാർന്ന ചിന്തക്കു വകനൽകുന്ന കുറെ വിവര​ങ്ങ​ള​ട​ങ്ങി​യി​രി​ക്കു​ന്നു. ആ പട്ടിക ഒരു പ്രകാ​ര​ത്തി​ലും പൂർണ്ണമല്ല, എന്നാൽ സന്ദേശം വ്യക്തമാണ്‌: പുകയി​ല​ആ​സക്തി ശക്തവും ചെല​വേ​റി​യ​തു​മാണ്‌. അത്‌ ആസക്തരു​ടെ​യും അവരുടെ ചുററു​മു​ള്ള​വ​രു​ടെ​യും ആരോ​ഗ്യ​ത്തെ താറു​മാ​റാ​ക്കുന്ന ഒരു മലിനീ​ക​രി​ക്കുന്ന ശീലമാണ്‌.

ഈ ശീലം നിർത്താ​നുള്ള ശ്രമങ്ങൾ സംബന്ധി​ച്ചെന്ത്‌? പുകവ​ലി​വി​രുദ്ധ പ്രസ്ഥാ​ന​ങ്ങ​ളൊ​ക്കെ​യു​ണ്ടാ​യി​രു​ന്നി​ട്ടും ലോക​വ്യാ​പ​ക​മാ​യി നിസ്സാ​ര​മായ വിജയമേ ലഭിച്ചി​ട്ടു​ള്ളു. കാരണം പുകയി​ല​ശീ​ലം തരണം​ചെ​യ്യു​ക​യെ​ന്നത്‌ ഒരു കഠിന​പോ​രാ​ട്ടം​ത​ന്നെ​യാണ്‌. പുകവ​ലി​ക്കുന്ന 4 പേരിൽ ഒരാൾക്കു​മാ​ത്രമേ ഈ ശീലത്തെ തരണം​ചെ​യ്യു​ന്ന​തിൽ എന്നെങ്കി​ലും വിജയം​കി​ട്ടു​ന്നു​ള്ളു​വെന്ന്‌ ഗവേഷണം തെളി​യി​ക്കു​ന്നു. പ്രത്യ​ക്ഷ​ത്തിൽ പുകവലി ആരോ​ഗ്യ​ത്തിന്‌ ഹാനി​ക​ര​മാ​ണെ​ന്നുള്ള മുന്നറി​യി​പ്പു​ക​ളൊ​ന്നും വേണ്ടത്ര പ്രചോ​ദ​കമല്ല.

എന്നിരു​ന്നാ​ലും, മേലു​ദ്ധ​രിച്ച ബൈബിൾബു​ദ്ധി​യു​പ​ദേ​ശ​വും അതോ​ടൊ​പ്പം തങ്ങളുടെ അയൽക്കാ​രെ തങ്ങളെ​പ്പോ​ലെ സ്‌നേ​ഹി​ക്കാ​നുള്ള ക്രിസ്‌ത്യാ​നി​ക​ളോ​ടുള്ള ഉദ്‌ബോ​ധ​ന​വും ഇപ്പോൾ യഹോ​വ​യു​ടെ സാക്ഷി​ക​ളാ​യി​രി​ക്കുന്ന ആയിര​ക്ക​ണ​ക്കി​നാ​ളു​കളെ പുകവലി നിർത്താൻ പ്രേരി​പ്പി​ച്ചി​രി​ക്കു​ന്നു. അവർ ഓരോ വാരത്തി​ലും പല മണിക്കൂ​റു​ക​ളി​ലേക്കു കൂടി​വ​രുന്ന അവരുടെ രാജ്യ​ഹാ​ളു​ക​ളി​ലാ​യാ​ലും അവരിൽ ആയിരങ്ങൾ പല ദിവസ​ങ്ങ​ളി​ലേക്കു കൂടി​വ​രുന്ന അവരുടെ കൺ​വെൻ​ഷ​നു​ക​ളി​ലാ​യാ​ലും നിങ്ങൾ ഒരു സിഗര​റ​റു​മാ​യി അവരി​ലൊ​രാ​ളെ കാണു​ക​യില്ല. ബൈബി​ളി​ന്റെ മാർഗ്ഗ​നിർദ്ദേ​ശങ്ങൾ സ്വീക​രി​ക്കാ​നും ബാധക​മാ​ക്കാ​നു​മുള്ള അവരുടെ സന്നദ്ധത മററു​ള്ളവർ പരാജ​യ​പ്പെ​ടു​ന്നി​ടത്തു വിജയി​ക്കാ​നാ​വ​ശ്യ​മായ തീരു​മാ​ന​ശേഷി അവർക്കു കൊടു​ത്തി​രി​ക്കു​ന്നു.

ഹാനി​ക​ര​ങ്ങ​ളാ​യ മററു ശീലങ്ങ​ളിൽ അമിത​മ​ദ്യാ​സ​ക്തി​യും മയക്കു​മ​രു​ന്നു​ദു​രു​പ​യോ​ഗ​വും മാരക​രോ​ഗ​ങ്ങൾക്കി​ട​യാ​ക്കാൻ സാദ്ധ്യ​ത​യുള്ള വിവേ​ച​നാ​ര​ഹി​ത​മായ ലൈം​ഗി​ക​ത​യും കുഴപ്പം​ചെ​യ്യുന്ന മററ​നേകം ആരോഗ്യ, സാമൂഹ്യ, പ്രശ്‌ന​ങ്ങ​ളും ഉൾപ്പെ​ടു​ന്നു. ആരോ​ഗ്യാ​ധി​കൃ​തർക്ക്‌ ഈ പ്രശ്‌നങ്ങൾ കൈകാ​ര്യം​ചെ​യ്യു​ന്നത്‌ പ്രയാ​സ​മാ​ണെ​ങ്കി​ലും ബൈബിൾ ന്യായ​യു​ക്ത​വും പ്രാ​യോ​ഗി​ക​വു​മായ ബുദ്ധി​യു​പ​ദേശം പ്രദാ​നം​ചെ​യ്യു​ന്നു​വെന്ന്‌ നിങ്ങൾ കണ്ടെത്തും.a—സദൃശ​വാ​ക്യ​ങ്ങൾ 20:1; പ്രവൃ​ത്തി​കൾ 15:20, 29; 1 കൊരി​ന്ത്യർ 6:13, 18.

സകല രോഗ​ത്തി​നും അറുതി​വ​രുന്ന കാലം

എന്നിരു​ന്നാ​ലും, നാം നല്ല ആരോ​ഗ്യം നിലനിർത്താൻ എത്രയ​ധി​കം ശ്രമി​ച്ചാ​ലും, ഇക്കാലത്ത്‌ നമുക്ക്‌ രോഗം ബാധി​ക്കു​ക​യും നാം മരിക്കു​ക​യും ചെയ്യു​ന്നു​വെന്ന കഠിന​യാ​ഥാർത്ഥ്യം നിലനിൽക്കു​ന്നു. എന്നിരു​ന്നാ​ലും, മമനു​ഷ്യ​ന്റെ സ്രഷ്ടാ​വായ യഹോ​വ​യാം ദൈവം മനുഷ്യൻ രോഗം​പി​ടി​പെട്ടു മരിക്കു​ന്ന​തെ​ന്തു​കൊ​ണ്ടെന്നു മാത്രമല്ല, സകല രോഗ​ങ്ങ​ളും മാത്രമല്ല മരണം പോലും കീഴട​ക്ക​പ്പെ​ടുന്ന, സത്വരം സമാഗ​ത​മാ​കുന്ന കാല​ത്തെ​ക്കു​റി​ച്ചും നമ്മോടു പറയുന്നു.—റോമർ 5:12.

യെശയ്യാവ്‌ 33:24-ലെ ഒരു ബൈബിൾപ്ര​വ​ചനം ഇങ്ങനെ വാഗ്‌ദാ​നം​ചെ​യ്യു​ന്നു: “‘എനിക്കു രോഗ​മാണ്‌’ എന്ന്‌ യാതൊ​രു നിവാ​സി​യും പറകയില്ല.” വെളി​പ്പാട്‌ 21:4ഉം ഇങ്ങനെ വാഗ്‌ദാ​നം​ചെ​യ്യു​ന്നു: “[ദൈവം] അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മരണം മേലാൽ ഉണ്ടായി​രി​ക്ക​യില്ല, വിലാ​പ​മോ മുറവി​ളി​യോ വേദന​യോ ഇനി ഉണ്ടായി​രി​ക്ക​യില്ല.” അതെ, സ്രഷ്ടാ​വി​ന്റെ വാഗ്‌ദാ​നം ഇവിടെ ഭൂമി​യിൽത്ത​ന്നെ​യുള്ള ഒരു പുതിയ ലോക​മാണ്‌, അവിടെ മനുഷ്യ​വർഗ്ഗം പൂർണ്ണ​ത​യി​ലേക്ക്‌ ഉയർത്ത​പ്പെ​ടും, ഉജ്ജ്വല​മായ ആരോ​ഗ്യ​വും നിത്യ​ജീ​വ​നു​മാ​യി​രി​ക്കും മനുഷ്യ​വർഗ്ഗ​ത്തി​ന്റെ ഭാഗ​ധേയം!—യെശയ്യാവ്‌ 65:17-25. (g89 12⁄8)

[അടിക്കു​റി​പ്പു​കൾ]

[8, 9 പേജു​ക​ളി​ലെ ചതുരം]

നിങ്ങളുടെ ആഹാര​വും നിങ്ങളു​ടെ ആരോ​ഗ്യ​വും

നിങ്ങൾ അമിത​മാ​യി പുകവ​ലി​ക്കു​ക​യോ കുടി​ക്കു​ക​യോ ചെയ്യാ​തി​രി​ക്കു​ന്നു​വെ​ങ്കിൽ, നിങ്ങൾ തെര​ഞ്ഞെ​ടു​ക്കുന്ന ആഹാര​ത്തിന്‌ നിങ്ങൾ സ്വീക​രി​ച്ചേ​ക്കാ​വുന്ന ഏതു നടപടി​യെ​ക്കാ​ളു​മ​ധി​ക​മാ​യി നിങ്ങളു​ടെ ദീർഘ​കാല ആരോ​ഗ്യ​സാ​ദ്ധ്യ​തയെ സ്വാധീ​നി​ക്കാൻ കഴിയും.—ഡോ. സി. എവറെ​ററ്‌ കൂപ്പ്‌, മുൻ യു.എസ്‌. സർജൻ ജനറൽ.

സമീപ​വർഷ​ങ്ങ​ളിൽ, വ്യവസാ​യ​വൽകൃത രാഷ്‌ട്ര​ങ്ങ​ളി​ലെ ആഹാര​ക്ര​മ​ത്തി​ന്റെ ചില വശങ്ങൾക്ക്‌ ആളുക​ളു​ടെ ആരോ​ഗ്യ​ത്തിൻമേ​ലുള്ള ഹാനി​ക​ര​മായ ഫലങ്ങ​ളെ​സം​ബ​ന്ധിച്ച്‌ ആരോ​ഗ്യ​വി​ദ​ഗ്‌ദ്ധൻമാർ വെട്ടി​ത്തു​റന്നു സംസാ​രി​ച്ചി​രി​ക്കു​ന്നു. പുകയില, മദ്യം, ഉപ്പ്‌, പഞ്ചസാര, എന്നിങ്ങ​നെ​യുള്ള വസ്‌തു​ക്ക​ളി​ലേക്കു ശ്രദ്ധതി​രി​ച്ച​തി​നു പുറമെ, അനേക​മാ​ളു​ക​ളു​ടെ ആഹാര​ത്തിൽ വളരെ​ക്കൂ​ടു​തൽ കൊഴു​പ്പും കൊള​സ്‌റ​റ​റോ​ളും ഉണ്ടെന്നും നാരു വളരെ കുറവാ​ണെ​ന്നു​മുള്ള വസ്‌തു​തക്ക്‌ പ്രത്യേക ഊന്നൽ കൊടു​ക്ക​പ്പെ​ട്ടി​രി​ക്കു​ന്നു.

ഡോ. കൂപ്പ്‌ തുടരു​ന്നു: “ഭക്ഷണ​ക്കൊ​ഴു​പ്പി​ന്റെ അമിത​മായ ഉപഭോ​ഗ​വും കൊ​റോ​ണറി ഹൃ​ദ്രോ​ഗം, ചിലതരം കാൻസ​റു​കൾ, പ്രമേഹം, ഉയർന്ന രക്തസമ്മർദ്ദം, ആഘാതങ്ങൾ, പൂർണ്ണിപ്പ്‌ എന്നിങ്ങ​നെ​യുള്ള സ്ഥായി​യായ രോഗ​ങ്ങൾസം​ബ​ന്ധിച്ച അപകട​സാ​ദ്ധ്യ​ത​യോട്‌ അതിനുള്ള ബന്ധവു​മാണ്‌ ഏററവും ഉൽക്കണ്‌ഠാ​ജ​നകം.” സമാന​മാ​യി, ബ്രിട്ടീഷ്‌ സർജനായ ഡോ. ഡനിസ്‌ ബർക്കി​റ​റും മററു ചിലരും ആഹാര​ത്തി​ലെ നാരിന്റെ കുറവിന്‌ കൊ​റോ​ണറി ഹൃ​ദ്രോ​ഗം, ഉദരകാൻസർ, ജഠരാന്ത്ര ക്രമ​ക്കേ​ടു​കൾ, പ്രമേഹം എന്നീ രോഗ​ങ്ങ​ളോ​ടും മററു രോഗ​ങ്ങ​ളോ​ടു​മുള്ള ബന്ധത്തി​ലേക്ക്‌ ശ്രദ്ധക്ഷ​ണി​ച്ചു​കൊ​ണ്ടാ​ണി​രു​ന്നി​ട്ടു​ള്ളത്‌.

നമ്മുടെ ആഹാരം നമ്മുടെ ആരോ​ഗ്യ​ത്തെ ബാധി​ക്കുന്ന വിധത്തി​ന്റെ വിശദാം​ശ​ങ്ങ​ളെ​ല്ലാം മനസ്സി​ലാ​യി​ട്ടില്ല, ആരോ​ഗ്യ​വി​ദ​ഗ്‌ദ്ധ​രു​ടെ​യെ​ല്ലാം ഇടയിൽ പൂർണ്ണ​യോ​ജി​പ്പു​മില്ല. എന്നിരു​ന്നാ​ലും, തീർച്ച​യാ​യും നമ്മുടെ പരിഗ​ണ​ന​യർഹി​ക്കുന്ന ചില വൈദ്യ​ക​വ​സ്‌തു​ത​ക​ളുണ്ട്‌.

കൊഴുപ്പു കുറക്കുക

രക്തത്തിലെ ഉയർന്ന അളവി​ലുള്ള കൊള​സ്‌റ​റ​റോ​ളി​നും കൊഴു​പ്പുള്ള മദ്യത്തി​നും ഹൃ​ദ്രോ​ഗ​ത്തി​ന്റെ ഉയർന്ന സാദ്ധ്യ​ത​യോ​ടു ബന്ധമുണ്ട്‌. ഹൃ​ദ്രോ​ഗ​മോ അതിന്റെ കുടും​ബ​ച​രി​ത്ര​മോ ഉള്ളവർ അതിന്റെ അപകടം കുറക്കാ​നാ​ഗ്ര​ഹി​ക്കു​ന്നു​വെ​ങ്കിൽ രക്തത്തിലെ കൊള​സ്‌റ​റ​റോ​ളി​ന്റെ അളവ്‌ സുരക്ഷിത തോതിൽ നിലനിർത്തു​ന്നതു കൊള്ളാം. എന്തു ചെയ്യാൻ കഴിയും?

സാധാ​ര​ണ​യാ​യി ശുപാർശ​ചെ​യ്യ​പ്പെ​ടുന്ന പ്രഥമ പ്രതി​രോധ നിര മാംസം, മുട്ട, ക്ഷീരോൽപ​ന്നങ്ങൾ എന്നിങ്ങ​നെ​യുള്ള മൃഗഭ​ക്ഷ്യ​ങ്ങ​ളിൽ കാണ​പ്പെ​ടു​ന്ന​തും സസ്യാ​ഹാ​ര​ങ്ങ​ളിൽ ഇല്ലാത്ത​തു​മായ കൊള​സ്‌റ​റ​റോൾ കുറവുള്ള ഒരു ആഹാര​ക്രമം പിന്തു​ട​രു​ക​യാണ്‌. എന്നിരു​ന്നാ​ലും കൊള​സ്‌റ​റ​റോൾ ധാരാ​ള​മുള്ള ആഹാരങ്ങൾ ഭക്ഷിക്കു​ന്ന​തിന്‌ ഒരുവന്റെ രക്തത്തിലെ കൊള​സ്‌റ​റ​റോ​ളി​ന്റെ അളവിൻമേൽ മിതമായ ഒരു ഫലമേ​യു​ള്ളു​വെന്ന്‌ കണ്ടെത്തി​യി​ട്ടുണ്ട്‌. എന്നാൽ ആഹാര​ത്തിൽ പൂരിത കൊഴു​പ്പു​കൾ (മൃഗ​കൊ​ഴു​പ്പു​കൾ, സസ്യ​കൊ​ഴു​പ്പു​കൾ, പാമോ​യിൽ, വെളി​ച്ചെണ്ണ എന്നിവ​പോ​ലെ​യു​ള്ളവ) ധാരാ​ള​മു​ണ്ടെ​ങ്കിൽ, മിക്കയാ​ളു​ക​ളി​ലും രക്തത്തിലെ കൊള​സ്‌റ​റ​റോൾ ഗണ്യമാ​യി ഉയരും. അങ്ങനെ, ഇക്കാലത്തു ഊന്നൽ കൊടു​ക്കു​ന്നത്‌ ‘കൊഴു​പ്പു കുറക്കുന്ന’തിനാണ്‌. കൊഴു​പ്പു​കു​റഞ്ഞ മാംസം കുറച്ചു ഭക്ഷിക്കുക, കാഴ്‌ച​യിൽ പെടുന്ന കൊഴു​പ്പു നീക്കം​ചെ​യ്യുക, കോഴി​യി​റ​ച്ചി​യിൽനി​ന്നു തൊലി നീക്കം​ചെ​യ്യുക, മുട്ടയു​ടെ മഞ്ഞക്കരു​വി​ന്റെ ഉപയോ​ഗം പരിമി​ത​പ്പെ​ടു​ത്തുക, തനി പാലും കടുപ്പ​മുള്ള പാൽക്ക​ട്ടി​യും പാമോ​യി​ലോ വെളി​ച്ചെ​ണ്ണ​യോ അടങ്ങുന്ന സംസാ​ധ​നം​ചെയ്‌ത ഭക്ഷ്യങ്ങൾ എന്നിവ​യും പരിമി​ത​പ്പെ​ടു​ത്തുക.

പൂരി​ത​കൊ​ഴു​പ്പു​കൾക്ക്‌ രക്തത്തിലെ കൊള​സ്‌റ​റ​റോ​ളി​ന്റെ അളവ്‌ ഉയർത്താ​നുള്ള പ്രവണ​ത​യു​ണ്ടെ​ങ്കി​ലും അപൂരിത ദ്രാവക എണ്ണകൾക്കും (ഒലിവ്‌, സൊയാ​ബീൻ, സൂര്യ​കാ​ന്തി, ചോളം, എന്നിവ​യു​ടെ എണ്ണകളും മററ്‌ സസ്യ എണ്ണകളും) കൊഴു​പ്പുള്ള മത്‌സ്യ​ത്തി​നും ഷെൽഫി​ഷി​നും വിപരീത പ്രവർത്ത​ന​മാ​ണു​ള്ളത്‌. ഇവയിൽ ചിലതിന്‌ രക്തത്തിലെ നല്ല കൊള​സ്‌റ​റ​റോൾ എന്നു വിളി​ക്ക​പ്പെ​ടു​ന്ന​തി​ന്റെ, എച്ച്‌.ഡി.എൽ-ന്റെ, (ഉയർന്ന സാന്ദ്ര​ത​യുള്ള ലിപോ​പ്രോ​ട്ടീൻ) ആപേക്ഷിക അളവു​യർത്താൻ പോലും സഹായി​ച്ചേ​ക്കാം. അല്ലെങ്കിൽ ഹാനി​ക​ര​മായ കൊള​സ്‌റ​റ​റോ​ളി​ന്റെ, എൽ.ഡി.എൽ-ന്റെ (സാന്ദ്രത കുറഞ്ഞ ലിപോ​പ്രൊ​ട്ടീൻ) അളവു കുറക്കാൻ സഹായി​ച്ചേ​ക്കാം.

കൂടുതൽ നാര്‌ ഭക്ഷിക്കുക

കൊഴു​പ്പു കുറക്കു​ക​യെ​ന്നത്‌ കഥയുടെ ഒരു ഭാഗം മാത്ര​മാണ്‌. വളരെ​യ​ധി​കം സംസ്‌ക്ക​രിച്ച ഭക്ഷ്യങ്ങൾ—വെള്ളമാ​വും പഞ്ചസാ​ര​യും രാസ​ചേ​രു​വ​ക​ളും മററും അടങ്ങി​യത്‌—നാര്‌ ഒട്ടും ഇല്ലാത്ത​വ​യാണ്‌. ഫലം നാഗരി​ക​ത​യു​ടെ രോഗങ്ങൾ എന്നു വിളി​ക്ക​പ്പെ​ടുന്ന മലബന്ധം, പ്രമേഹം, ഹൃ​ദ്രോ​ഗം എന്നിവ​യാണ്‌. “ആഹാര​ത്തിൽ നാര്‌ കുറച്ചു ഭക്ഷിക്കു​ന്ന​വർക്ക്‌ കൂടുതൽ നാരു ഭക്ഷിക്കു​ന്ന​വരെ അപേക്ഷിച്ച്‌ എല്ലാ കാരണ​ങ്ങ​ളാ​ലു​മുള്ള മരണത്തി​ന്റെ മൂന്നു മടങ്ങു മരണസാ​ദ്ധ്യ​ത​യു​ണ്ടാ​യി​രു​ന്നു”വെന്ന്‌ ലാൻസെ​റ​റി​ലെ ഒരു റിപ്പോർട്ടു പറയുന്നു.

ആഹാര​ത്തി​ലെ നാര്‌ രണ്ടു വിധങ്ങ​ളിൽ അതിന്റെ ധർമ്മം അനുഷ്‌ഠി​ക്കു​ന്നു. അത്‌ നമ്മുടെ ദഹനേ​ന്ദ്രി​യ​ങ്ങ​ളി​ലൂ​ടെ കടന്നു​പോ​കു​മ്പോൾ വെള്ളം വലി​ച്ചെ​ടു​ക്കു​ന്നു, അതു നമ്മുടെ ദഹനപ​ഥ​ത്തി​ലൂ​ടെ പെട്ടെന്നു നീങ്ങുന്നു. അത്‌ ഹാനി​ക​ര​മായ അനേകം വസ്‌തു​ക്കളെ വഹിച്ചു​കൊ​ണ്ടു​പോ​കു​ക​യും ശരീര​ത്തിൽനി​ന്നുള്ള അവയുടെ നീക്കത്തെ ത്വരി​ത​പ്പെ​ടു​ത്തു​ക​യും ചെയ്യു​ന്നു​വെന്ന്‌ ആരോ​ഗ്യാ​ധി​കൃ​തർ വിചാ​രി​ക്കു​ന്നു. ലയിച്ചു​ചേ​രുന്ന ചില നാരുകൾ രക്തത്തിലെ പഞ്ചസാ​ര​യു​ടെ​യും ഹാനി​ക​ര​മായ കൊള​സ്‌റ​റ​റോ​ളി​ന്റെ​യും അളവുകൾ കുറച്ചു​നിർത്തു​ന്ന​താ​യി കാണ​പ്പെ​ടു​ന്നു—പ്രമേ​ഹ​രോ​ഗി​കൾക്കും ഹൃ​ദ്രോ​ഗി​കൾക്കും ഒരു അനു​ഗ്ര​ഹം​തന്നെ.

നാരു​ക​ളെ​ക്കു​റി​ച്ചുള്ള ഈ അറിവിൽനിന്ന്‌ നിങ്ങൾക്ക്‌ എങ്ങനെ പ്രയോ​ജനം നേടാം? സാദ്ധ്യ​മെ​ങ്കിൽ, നിങ്ങളു​ടെ ആഹാര​ത്തി​ലെ പഴങ്ങളു​ടെ​യും സസ്യങ്ങ​ളു​ടെ​യും മുഴു-ധാന്യ ഉൽപ്പന്ന​ങ്ങ​ളു​ടെ​യും അനുപാ​തം വർദ്ധി​പ്പി​ക്കുക. വെളുത്ത ബ്രഡ്‌ഡിൽനിന്ന്‌ മുഴു​വ​നാ​യും ഗോത​മ്പു​റൊ​ട്ടി​യി​ലേക്കു മാറുക. പ്രഭാ​ത​ഭ​ക്ഷ​ണ​ത്തിന്‌ ധാന്യ​ങ്ങൾകൂ​ടെ ഉപയോ​ഗി​ക്കുക. ബീൻസും നാരിന്റെ വിശി​ഷ്‌ട​മായ ഉറവാണ്‌. സ്‌ററാർച്ചിന്‌—ഉരുള​ക്കി​ഴ​ങ്ങി​നും അരിക്കും—കാൻസ​റി​നെ​തി​രായ ഗുണങ്ങ​ളു​ണ്ടാ​യി​രു​ന്നേ​ക്കാം.

തീർച്ച​യാ​യും, നിങ്ങളു​ടെ ആരോ​ഗ്യ​ത്തെ ബാധി​ക്കുന്ന നിങ്ങളു​ടെ ആഹാര​ത്തി​ന്റെ മററ​നേകം വശങ്ങളുണ്ട്‌. എന്നിരു​ന്നാ​ലും, മിക്കയാ​ളു​ക​ളു​ടെ​യും ആഹാര​ത്തിൽ അടിയ​ന്തിര ശ്രദ്ധ ആവശ്യ​മാ​യി​രി​ക്കു​ന്നത്‌ കൊഴു​പ്പി​ന്റെ കുറക്ക​ലും നാരിന്റെ വർദ്ധി​പ്പി​ക്ക​ലു​മാണ്‌.

[10, 11 പേജു​ക​ളി​ലെ ചതുരം]

വ്യായാമവും കായി​ക​ക്ഷ​മ​ത​യും ആരോ​ഗ്യ​വും

ഒരു വാരത്തിൽ ഒന്നോ രണ്ടോ മണിക്കൂ​റെ​ങ്കി​ലും (500 കലോ​റി​യോ​ളം ഉപയോ​ഗി​ച്ചു​കൊണ്ട്‌) വ്യായാ​മം​ചെ​യ്‌ത​വർക്ക്‌ വ്യായാ​മം​ചെ​യ്യാ​ഞ്ഞ​വരെ അപേക്ഷിച്ച്‌ 15 മുതൽ 20 വരെ ശതമാനം മരണനി​രക്ക്‌ കുറവാ​യി​രു​ന്നു​വെന്ന്‌ 17,000 പേരിൽ നടത്തിയ 40 വർഷത്തെ ഒരു പഠനം കണ്ടെത്തി. തീവ്ര​മായ വ്യായാ​മം ചെയ്‌ത​വർക്ക്‌ (വാരത്തിൽ 2,000 കലോ​റി​കൾ എരിച്ചു​കൊണ്ട്‌) മൂന്നി​ലൊ​ന്നോ​ളം കുറഞ്ഞ മരണനി​ര​ക്കാ​ണു​ണ്ടാ​യി​രു​ന്നത്‌. മററു പഠനങ്ങ​ളും ഇതേ നിഗമ​ന​ത്തിൽ എത്തിയി​രി​ക്കു​ന്നു: നിരന്ത​ര​വ്യാ​യാ​മം ഉയർന്ന രക്തസമ്മർദ്ദ​ത്തി​ന്റെ​യും കൊ​റോ​ണറി ഹൃ​ദ്രോ​ഗ​ത്തി​ന്റെ​യും ഒരുപക്ഷേ കാൻസ​റി​ന്റെ പോലും അപകട​സാ​ദ്ധ്യത കുറക്കു​ന്നു. നിരന്തര വ്യായാ​മം, അമിത​തൂ​ക്ക​ത്തി​നും കുറഞ്ഞ ആത്‌മാ​ഭി​മാ​ന​ത്തി​നും സമ്മർദ്ദ​ത്തി​നും ഉൽക്കണ്‌ഠ​ക്കും വിഷാ​ദ​രോ​ഗ​ത്തി​നു​മെ​തി​രായ പോരാ​ട്ട​ത്തിൽ സഹായി​ക്കു​ന്നു.

നിരന്ത​ര​വ്യാ​യാ​മം ഇതെല്ലാം ചെയ്യു​ന്ന​താ​യി തോന്നു​ന്ന​തി​ന്റെ കാരണം അത്‌ ഒരു വ്യക്തി​യു​ടെ ശാരീ​രി​ക​പ്രാ​പ്‌തി​യും സഹനശ​ക്തി​യും വർദ്ധി​പ്പി​ക്കു​ന്നു​വെ​ന്ന​താണ്‌. മററു വാക്കു​ക​ളിൽ പറഞ്ഞാൽ, നിരന്തര വ്യായാ​മം ഒരുവനെ ശാരീ​രി​ക​ക്ഷ​മ​ത​യു​ള്ള​വ​നാ​ക്കി​ത്തീർക്കു​ന്നു. ക്ഷമത നല്ല ആരോ​ഗ്യ​ത്തിന്‌ ഉറപ്പു​നൽകു​ന്നി​ല്ലെ​ന്നി​രി​ക്കെ, ക്ഷമതയുള്ള ഒരു ശരീരം രോഗ​ത്തിന്‌ അടി​പ്പെ​ടാൻ സാദ്ധ്യത കുറവാണ്‌. അത്‌ രോഗ​ബാ​ധി​ത​മാ​കു​മ്പോൾ പെട്ടെന്നു സൗഖ്യം പ്രാപി​ക്കു​ക​യും ചെയ്യുന്നു. ശാരീ​രി​ക​ക്ഷമത ഒരുവന്റെ മാനസി​ക​വും വൈകാ​രി​ക​വു​മായ ആരോ​ഗ്യ​ത്തിന്‌ സംഭാ​വ​ന​ചെ​യ്യു​ക​യും വാർദ്ധ​ക്യ​ത്തി​ന്റെ ഫലങ്ങളെ മന്ദീഭ​വി​പ്പി​ക്കു​ക​യും ചെയ്‌തേ​ക്കാം.

എന്ത, എത്ര​ത്തോ​ളം?

വ്യായാ​മത്തെ സംബന്ധിച്ച സാധാരണ ചോദ്യ​ങ്ങൾ ഏതുതരം വ്യായാ​മം, എത്ര​ത്തോ​ളം? എന്നിവ​യാണ്‌. അത്‌ യഥാർത്ഥ​ത്തിൽ ഒരുവൻ എന്തു സാധി​ക്കാ​നാ​ഗ്ര​ഹി​ക്കു​ന്നു​വെ​ന്ന​തി​നെ ആശ്രയി​ച്ചി​രി​ക്കു​ന്നു. ഒരു ഒളിമ്പിക്ക്‌ അത്‌ല​ററ്‌ കായി​ക​ക്ഷ​മ​ത​ക്കു​വേണ്ടി ദീർഘ​കാ​ലം കഠിന​പ​രി​ശീ​ലനം നടത്തണം. മിക്കയാ​ളു​കളെ സംബന്ധി​ച്ചും ലക്ഷ്യം ഭാരം കുറക്കുക, ശാരീ​രി​കാ​കാ​രം നേടുക, മെച്ചപ്പെട്ട ആരോ​ഗ്യം ആസ്വദി​ക്കുക, അല്ലെങ്കിൽ കേവലം സുഖം​തോ​ന്നുക എന്നിവ​യാ​യി​രി​ക്കാം. അവർക്ക്‌, കായി​ക​ക്ഷമത നിലനിർത്താൻ വാരത്തിൽ മൂന്നു പ്രാവ​ശ്യം 20 മുതൽ 30 വരെ മിനി​ററ്‌ നേരത്തെ വ്യായാ​മം മതി​യെ​ന്നു​ള്ള​തി​നോട്‌ മിക്ക ആരോ​ഗ്യാ​ധി​കൃ​ത​രും യോജി​ക്കു​ന്നു. എന്നാൽ ഏതുതരം വ്യായാ​മം?

കായി​ക​ക്ഷ​മ​ത​യിൽ ഒരുവന്റെ ശാരീ​രി​ക​പ്രാ​പ്‌തി​യും പ്രായ​വും സഹനവും ഉൾപ്പെ​ടു​ന്നു, തന്നിമി​ത്തം വ്യായാ​മം ഒരുവന്റെ ഹൃദയ​മി​ടി​പ്പി​ന്റെ നിരക്കും ശ്വസന​വും വർദ്ധി​പ്പി​ക്കു​ന്ന​തി​നു ലക്ഷ്യം​വെ​ക്കണം. ഇതാണ്‌ സാധാ​ര​ണ​യാ​യി വായവ വ്യായാ​മം എന്നു വിളി​ക്ക​പ്പെ​ടു​ന്നത്‌. ഓട്ടം, ചുറു​ചു​റു​ക്കോ​ടെ​യുള്ള നടപ്പ്‌, വായവ നൃത്തം, റോപ്പ്‌സ്‌കി​പ്പിംഗ്‌, നീന്തൽ, സൈക്ലിംഗ്‌ എന്നിവ സാധാരണ വായവ വ്യായാ​മ​ങ്ങ​ളു​ടെ രൂപങ്ങ​ളാണ്‌. ഓരോ​ന്നി​നും സൗകര്യം, സൗകര്യ​ങ്ങ​ളു​ടെ​യും ഉപകര​ണ​ങ്ങ​ളു​ടെ​യും ചെലവ്‌, പരിക്കി​നുള്ള സാദ്ധ്യത എന്നിവ​യു​ടെ അടിസ്ഥാ​ന​ത്തിൽ ഗുണങ്ങ​ളും ദോഷ​ങ്ങ​ളു​മുണ്ട്‌.

മററു രൂപങ്ങ​ളി​ലുള്ള വ്യായാ​മം മാംസ​പേ​ശി​കളെ ബലിഷ്‌ഠ​മാ​ക്കു​ക​യും ശരീര​ത്തി​നു രൂപസൗ​കു​മാ​ര്യം കൊടു​ക്കു​ക​യും ചെയ്യുന്നു. ഇവയിൽ ഉപകര​ണ​ങ്ങ​ളും ഭാരങ്ങ​ളു​മു​പ​യോ​ഗി​ച്ചുള്ള വ്യായാ​മങ്ങൾ ഉൾപ്പെ​ടു​ന്നു. ഇങ്ങനെ​യുള്ള വ്യായാ​മങ്ങൾ ഒരുവന്റെ ശാരീ​രി​ക​ബ​ല​ത്തെ​യും സഹനശ​ക്തി​യെ​യും വർദ്ധി​പ്പി​ക്കു​ന്നു. അവക്ക്‌ ഒരുവന്റെ നില​യെ​യും ആകാര​ത്തെ​യും മെച്ച​പ്പെ​ടു​ത്താ​നും കഴിയും—ഇതെല്ലാം ശാരീ​രി​ക​ക്ഷ​മ​ത​ക്കുള്ള അന്വേ​ഷ​ണ​ത്തിൽ ഗുണക​ര​മാണ്‌.

ശരീര​ബ​ല​ത്തി​നും രൂപഭം​ഗി​ക്കും വേണ്ടി​യുള്ള വ്യായാ​മ​ങ്ങൾസം​ബ​ന്ധി​ച്ചെന്ത്‌? നമ്മിൽ മിക്കവ​രും നമ്മുടെ വിദ്യാ​ല​യ​ജീ​വി​ത​കാ​ലം​മു​തൽ അവ നന്നായി ഓർക്കു​ന്നു​ണ്ട​ല്ലോ. അവ നമുക്കു വളരെ ഗുണം​ചെ​യ്‌തു, ആ കാലത്തു നാം അവയെ വിലമ​തി​ച്ചി​രു​ന്നാ​ലും ഇല്ലെങ്കി​ലും. ശരീരം നിവർക്കൽ, തിരിയൽ, പിരിക്കൽ, എന്നിവ ശരീര​ത്തി​നു അയവു​വ​രു​ത്തു​ന്നു. ചാട്ടവും തൊഴി​യും ഹൃദയ​മി​ടി​പ്പു വർദ്ധി​പ്പി​ക്കു​ന്നു. ഇരിക്ക​ലും എഴു​ന്നേൽക്ക​ലും ശരീരം ഉയർത്ത​ലും മാംസ​പേ​ശി​കളെ ബലിഷ്‌ഠ​മാ​ക്കു​ന്നു. ഒരുവന്‌ പ്രായം​കൂ​ടു​മ്പോൾ അങ്ങനെ​യുള്ള വ്യായാ​മ​ങ്ങ​ളി​ലേർപ്പെ​ടു​ന്ന​തി​ന്റെ ഒരു ഗുണം അയാൾക്ക്‌ അയവു​ള്ള​വ​നാ​യി ദീർഘ​കാ​ലം പ്രവർത്ത​ന​നി​ര​ത​നാ​യി​രി​ക്കാൻ കഴി​ഞ്ഞേ​ക്കാ​മെ​ന്ന​താണ്‌.

ഒടുവിൽ, വിനോ​ദ​പ​ര​മായ സ്‌പോർട്ട്‌സുണ്ട്‌—റെറന്നിസ്‌, റാക്വെ​ററ്‌ ബോൾ, സോഫ്‌റ​റ്‌ബോൾ, സ്‌കേ​റ​റിംഗ്‌, എന്നിവ​യും മററ​നേകം പ്രവർത്ത​ന​ങ്ങ​ളും. അങ്ങനെ​യുള്ള പ്രവർത്ത​ന​ങ്ങ​ളു​ടെ ഗുണം അവ വിരസ​മായ വ്യായാ​മ​രൂ​പ​ങ്ങ​ളെ​ക്കാ​ളു​പരി വിനോ​ദ​മാ​ണെ​ന്നു​ള്ള​താണ്‌. തന്നിമി​ത്തം അത്‌ ഒരുവൻ നിരന്തരം വ്യായാ​മം​ചെ​യ്യാ​നി​ട​യാ​ക്കു​ന്ന​തി​നാ​വ​ശ്യ​മായ ഘടകമാ​യി​രി​ക്കാം. ഒരുവൻ എത്ര വിദഗ്‌ദ്ധ​മാ​യും ഊർജ്ജ​സ്വ​ല​മാ​യും അവയി​ലേർപ്പെ​ടു​ന്നു​വെ​ന്ന​തി​നെ ആശ്രയിച്ച്‌ അവ മററു വ്യായാ​മ​രൂ​പ​ങ്ങ​ളെ​പ്പോ​ലെ സ്ഥായി​യായ ഉപയോ​ഗം നൽകു​ക​യോ നൽകാ​തി​രി​ക്കു​ക​യോ ചെയ്‌തേ​ക്കാം. എന്നിരു​ന്നാ​ലും, അവ ശരീരത്തെ പരുവ​പ്പെ​ടു​ത്താൻ സഹായി​ക്കു​ക​യും സംഘട​നത്തെ മെച്ച​പ്പെ​ടു​ത്തു​ക​യും വഴക്ക​ത്തെ​യും ചുറു​ചു​റു​ക്കി​നെ​യും വർദ്ധി​പ്പി​ക്കു​ക​യും ചെയ്യുന്നു.

വളരെ​യ​ധി​കം വ്യായാ​മ​രൂ​പങ്ങൾ തെര​ഞ്ഞെ​ടു​ക്കാ​നു​ള്ള​തു​കൊണ്ട്‌ വിജയ​ര​ഹ​സ്യം സ്ഥിതി​ചെ​യ്യു​ന്നത്‌ നിങ്ങൾക്കാ​സ്വാ​ദ്യ​മായ ഒന്നോ ഒരു കൂട്ടമോ തെര​ഞ്ഞെ​ടു​ക്കു​ന്ന​തി​ലാണ്‌. ഇത്‌ നിങ്ങളു​ടെ ഉദ്ദേശ്യ​ങ്ങ​ളോ​ടു പററി​നിൽക്കാൻ സഹായി​ക്കും, എന്തു​കൊ​ണ്ടെ​ന്നാൽ വ്യായാ​മം​ചെ​യ്യാൻ തുടങ്ങുന്ന മുതിർന്ന​വ​രു​ടെ 60 മുതൽ 70 വരെ ശതമാനം ഏതാണ്ട്‌ ഒരു മാസത്തി​നു​ള്ളിൽ നിർത്തി​പ്പി​രി​യു​ന്നു​വെന്ന്‌ പഠനങ്ങൾ പ്രകട​മാ​ക്കു​ന്നു. വ്യായാ​മ​ത്തി​ന്റെ അളവല്ല, ക്രമമാണ്‌ കാര്യ​മാ​യി​ട്ടു​ള്ള​തെന്ന്‌ ഓർക്കുക. വ്യത്യ​സ്‌ത​സ​മ​യ​ങ്ങ​ളിൽ വ്യത്യസ്‌ത വ്യായാ​മ​ങ്ങ​ളി​ലേർപ്പെ​ടു​ന്ന​തി​നാൽ നിങ്ങൾ നിങ്ങളു​ടെ ശരീര​ത്തിന്‌ ആകമാ​ന​മായ വികാസം കൊടു​ക്കു​ക​യും നിങ്ങൾ സമീകൃ​ത​മായ രീതി​യിൽ കായി​ക​ക്ഷ​മ​ത​യു​ള്ള​വ​രാ​യി​ത്തീ​രു​ക​യും ചെയ്യും.

നിങ്ങളു​ടെ പ്രവർത്ത​ന​ത്തി​ന്റെ തെര​ഞ്ഞെ​ടുപ്പ്‌ നിങ്ങളു​ടെ പ്രായ​ത്താ​ലും തുടക്ക​ത്തി​ലെ നിങ്ങളു​ടെ പൊതു ആരോ​ഗ്യാ​വ​സ്ഥ​യാ​ലും ഭരിക്ക​പ്പെ​ടണം. തീർച്ച​യാ​യും, ആരോ​ഗ്യ​പ്ര​ശ്‌ന​ങ്ങ​ളു​ള്ളവർ വ്യായാ​മ​പ​രി​പാ​ടി​ക്കു തുടക്ക​മി​ടു​ന്ന​തി​നു മുമ്പ്‌ തങ്ങളുടെ ഡോക്‌ട​റോട്‌ ആലോ​ച​ന​ചോ​ദി​ക്കേ​ണ്ട​താണ്‌. എങ്ങനെ​യാ​യാ​ലും, സാവധാ​ന​ത്തിൽ ആരംഭി​ക്കു​ക​യും പുരോ​ഗതി നേടു​ന്ന​ത​നു​സ​രിച്ച്‌ വർദ്ധി​പ്പി​ക്കു​ക​യും ചെയ്യുക. നിങ്ങൾ തെര​ഞ്ഞെ​ടു​ക്കുന്ന വ്യായാ​മ​രൂ​പ​ങ്ങ​ളെ​പ്പ​ററി പഠിക്കുക—ഈ വിഷയം​സം​ബ​ന്ധിച്ച പുസ്‌ത​ക​ങ്ങൾക്കും നിർദ്ദേ​ശ​ങ്ങൾക്കും കുറവില്ല. നിങ്ങൾ നിങ്ങളു​ടെ ശ്രമങ്ങ​ളിൽനിന്ന്‌ ആസ്വാ​ദ​ന​വും പ്രയോ​ജ​ന​വും നേടും.

[12-ാം പേജിലെ ചതുരം]

പുകവലിയുടെ ചെലവ

◻ പുകയില മുതിർന്ന​വ​രു​ടെ​യി​ട​യിൽ പരിസ്ഥി​തി​യി​ലെ മറേറ​തൊ​രു വിഷവ​സ്‌തു​വി​നെ​ക്കാ​ളു​മ​ധി​ക​മാ​യി കഷ്ടപ്പാ​ടും മരണവും വരുത്തി​ക്കൂ​ട്ടു​ന്നു.

◻ ലോക​വ്യാ​പ​ക​മായ ജീവഹാ​നി ഇപ്പോൾ പ്രതി​വർഷം 25 ലക്ഷത്തോ​ട​ടു​ക്കു​ന്നു, സകല മരണങ്ങ​ളു​ടെ​യും ഏതാണ്ട്‌ 5 ശതമാനം.

◻ [ഐക്യ​നാ​ടു​ക​ളി​ലെ] ആരോ​ഗ്യ​ചെ​ല​വു​ക​ളും സാമ്പത്തിക നഷ്‌ട​ങ്ങ​ളും 3,800 കോടി മുതൽ 9,500 കോടി ഡോളർവ​രെ​യാണ്‌, അല്ലെങ്കിൽ, പായ്‌ക്ക​റ​റിന്‌ 1.25 മുതൽ 3.15 ഡോളർവ​രെ​യാണ്‌. ഈ മൊത്ത​ങ്ങ​ളിൽ പുകയി​ല​ക്കു​ത​ന്നെ​യുള്ള വില ഉൾപ്പെ​ടു​ന്നില്ല—അത്‌ പ്രതി​വർഷം ഏതാണ്ട്‌ 3,000 കോടി ഡോള​റാണ്‌.

◻ നിഷ്‌ക്രിയ വലിക്കാർക്ക്‌ ഒരുപക്ഷേ പുകയ്‌ക്ക്‌ വിധേ​യ​രാ​കാ​തി​രു​ന്നെ​ങ്കിൽ സംഭവി​ക്കാ​മാ​യി​രു​ന്ന​തി​ന്റെ മൂന്നി​രട്ടി ശ്വാസ​കോ​ശ​കാൻസർമ​രണം സംഭവി​ക്കാ​നുള്ള സാദ്ധ്യ​ത​യുണ്ട്‌.

◻ തള്ളമാ​രാ​ലുള്ള പുകവലി അവരുടെ കുട്ടി​ക​ളു​ടെ മാനസി​ക​വും ശാരീ​രി​ക​വു​മായ പ്രാപ്‌തി​കൾ കുറയ്‌ക്കു​ന്നു, അനേകം രാജ്യ​ങ്ങ​ളിൽ കുട്ടി​ക​ളു​ടെ അഞ്ചി​ലൊ​ന്നി​ല​ധി​കം ഈ വിധത്തിൽ പുകയ്‌ക്കു വിധേ​യ​രാണ്‌.