കൂട്ട​ക്കൊല ഇരകളോ രക്തസാ​ക്ഷി​ക​ളോ?

ഇരകളും രക്തസാ​ക്ഷി​ക​ളും തമ്മിൽ വ്യത്യാ​സം കൽപ്പി​ക്കു​ന്ന​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ കൂട്ട​ക്കൊ​ല​യു​ടെ ഫലമായി കഷ്‌ട​പ്പെ​ട്ട​വ​രെ​ല്ലാം ഇരകളാ​യി​രു​ന്നു, എന്നാൽ പദത്തിന്റെ കൃത്യ​മായ അർത്ഥത്തിൽ ഒരു ന്യൂന​പക്ഷം മാത്രമേ രക്തസാ​ക്ഷി​ക​ളാ​യി​രു​ന്നു​ള്ളു. എന്താണ്‌ വ്യത്യാ​സം?

ഒരു ഇര “മറെറാ​രാ​ളാൽ കൊല്ല​പ്പെ​ടു​ക​യോ ദണ്ഡനത്തി​നോ കഷ്‌ട​പ്പാ​ടി​നോ വിധേ​യ​മാ​ക്ക​പ്പെ​ടു​ക​യോ ചെയ്യുന്ന ആരെങ്കി​ലു​മാണ്‌.” ഇരക്ക്‌ സാധാ​ര​ണ​യാ​യി മറെറാ​ന്നും തെര​ഞ്ഞെ​ടു​ക്കാ​നില്ല.

ഒരു രക്തസാക്ഷി “മതതത്ത്വ​ങ്ങൾ തള്ളിപ്പ​റ​യാ​തെ മരണമ​നു​ഭ​വി​ക്കാൻ തെര​ഞ്ഞെ​ടു​ക്കുന്ന ഒരാൾ” അല്ലെങ്കിൽ “ഒരു വിശ്വാ​സ​മോ ലക്ഷ്യമോ തത്വമോ പുരോ​ഗ​മി​പ്പി​ക്കാൻ തനിക്ക്‌ വളരെ പ്രധാ​ന​മായ എന്തെങ്കി​ലും ബലി​ചെ​യ്യുന്ന ഒരാൾ” ആണ്‌. (അമേരി​ക്കാൻ ഹെരി​റേ​റജ ഡികഷണറി ഓഫ ദി ഇംഗ്ലീഷ ലാം​ഗ്വേജ) അങ്ങനെ, ഇര സാധാ​ര​ണ​യാ​യി സഹിക്കു​ന്നത്‌ സ്വമേ​ധയാ അല്ലാത്ത​പ്പോൾ രക്തസാക്ഷി സ്വമേ​ധയാ ആണ്‌.

മൂന്നു​തരം ഇരകൾ

നാസി​ക​ളു​ടെ യഹൂ​ദേതര ഇരകളെ സംബന്ധിച്ച ഒരു കോൺഫ​റൻസിൽ മാസച്ചൂ​സെ​റ​റ്‌സ്‌ യൂണി​വേ​ഴ്‌സി​റ​റി​യി​ലെ ഡോ. ഗോർഡൻ സാൻ നാസി​ക​ളു​ടെ ഇരകളെ മൂന്നു ശീർഷ​ക​ങ്ങ​ളിൻകീ​ഴിൽ നിർവ​ചി​ച്ചു: (1) തങ്ങൾ ആരായി​രു​ന്നോ അതുനി​മി​ത്തം കഷ്‌ട​പ്പെ​ട്ടവർ—യഹൂദൻമാർ, സ്ലാവ്‌സ്‌, ജിപ്‌സി​കൾ; (2) തങ്ങൾ ചെയ്‌ത​തു​നി​മി​ത്തം കഷ്‌ട​പ്പെ​ട്ടവർ—സ്വവർഗ്ഗ​സം​ഭോ​ഗി​കൾ, രാഷ്‌ട്രീ​യ​പ്ര​വർത്തകർ, എതിർപ്പു​കാർ; (3) തങ്ങൾ ചെയ്യാൻ വിസമ്മ​തി​ച്ച​തു​നി​മി​ത്തം കഷ്‌ട​പ്പെ​ട്ടവർ—മനഃസാ​ക്ഷി​സം​ബ​ന്ധ​മായ എതിർപ്പു​ണ്ടാ​യി​രു​ന്നവർ, യഹോ​വ​യു​ടെ സാക്ഷികൾ, മററു​ള്ളവർ.

ദശലക്ഷ​ക്ക​ണ​ക്കി​നു യഹൂദൻമാർ അവർ വംശീ​യ​മായ അർത്ഥത്തിൽ യഹൂദൻമാ​രാ​യി​രു​ന്ന​തു​കൊ​ണ്ടു​മാ​ത്രം കഷ്ടപ്പെ​ടു​ക​യും മരിക്കു​ക​യും ചെയ്‌തു. അവർ ഓർത്ത​ഡോ​ക്‌സ്‌ യഹൂദൻമാ​രാ​ണോ അതോ നിരീ​ശ്വര യഹൂദൻമാ​രാ​ണോ​യെ​ന്നത്‌ ഹിററ്‌ല​റു​ടെ പിണി​യാ​ളു​കൾക്കു കാര്യ​മ​ല്ലാ​യി​രു​ന്നു. അവർ “അന്തിമ പരിഹാര”ത്തിന്‌ അഥവാ നിർമ്മൂല നാശത്തിന്‌ കുററം​വി​ധി​ക്ക​പ്പെട്ടു—അങ്ങനെ​യാണ്‌ യൂറോ​പ്പിൽനിന്ന്‌ സകല യഹൂദൻമാ​രെ​യും നീക്കം​ചെ​യ്യു​ന്ന​തി​നുള്ള ഹിററ്‌ല​റു​ടെ രീതി വിളി​ക്ക​പ്പെ​ട്ടത്‌. അങ്ങനെ​തന്നെ, ഹിററ്‌ല​റു​ടെ കുരി​ശു​യു​ദ്ധ​ത്തിന്‌ മുഖ്യ​മാ​യി പോള​ണ്ടു​കാ​രും റഷ്യാ​ക്കാ​രും ഉക്രേ​നി​യ​ക്കാ​രു​മാ​യി​രുന്ന സ്ലാവുകൾ “പരമോ​ന്നത” ആര്യൻവം​ശ​ത്തോ​ടുള്ള താരത​മ്യ​ത്തിൽ ഒരു താണ വർഗ്ഗമാ​യി​രുന്ന സ്ലാവു​ക​ളാ​യി​രു​ന്ന​തു​കൊ​ണ്ടു​മാ​ത്രം കുററം​വി​ധി​ക്ക​പ്പെട്ടു.

എന്നാൽ യൂറോ​പ്പി​ലെ യഹോ​വ​യു​ടെ സാക്ഷി​ക​ളു​ടെ കേസ്‌ വ്യത്യ​സ്‌ത​മാ​യി​രു​ന്നു. അവർ അനേകം ജനതക​ളിൽപെ​ട്ട​വ​രാ​യി​രു​ന്നു, എന്നാൽ അവരുടെ ക്രിസ്‌തീയ നിഷ്‌പ​ക്ഷതാ നിലപാ​ടു നിമി​ത്ത​വും ഏതെങ്കി​ലും രാഷ്‌ട്ര​ത്തി​ന്റെ യുദ്ധ​ശ്ര​മ​ങ്ങ​ളിൽ ഉൾപ്പെ​ടു​ത്ത​പ്പെ​ടു​ന്ന​തി​നുള്ള വിസമ്മതം നിമി​ത്ത​വും ജർമ്മനി​യി​ലെ നാഷനൽ സോഷ്യ​ലി​സ്‌ററ്‌ വ്യവസ്ഥി​തിക്ക്‌ ഒരു സമാധാ​ന​വാ​ദ​പ​ര​മായ ഭീഷണി​യാ​യി ദുർവ്യാ​ഖ്യാ​നം ചെയ്യ​പ്പെട്ടു. ‘നിർമ്മൂ​ല​നാ​ശം​വ​രു​ത്തേണ്ട ജാതി’ എന്ന്‌ ഹിററ്‌ലർ അവരെ വിളിച്ചു. ആ “ജാതി” എത്ര വലുതാ​യി​രു​ന്നു, അവർ നിർമ്മൂ​ല​മാ​ക്ക​പ്പെ​ട്ടോ?

“ചെറിയ മതവി​ഭാ​ഗം”—നാസി​കൾക്കു ഭീഷണി

മേൽപ്ര​സ്‌താ​വിച്ച കോൺഫ​റൻസിൽ ഡോ. ക്രിസ്‌റ​റീൻ കിംഗ്‌ നാസി​ജർമ്മ​നി​യി​ലെ സാക്ഷി​ക​ളെ​ക്കു​റി​ച്ചുള്ള വസ്‌തു​തകൾ അവതരി​പ്പി​ച്ചു. അവർ ഇങ്ങനെ റിപ്പോർട്ടു​ചെ​യ്‌തു: ‘2 കോടി റോമൻ കത്തോ​ലി​ക്ക​രും 4 കോടി പ്രോ​ട്ട​സ്‌റ​റൻറു​കാ​രും അടങ്ങിയ 6 കോടി 50 ലക്ഷം വരുന്ന ജനസം​ഖ്യ​യിൽ 20,000മുള്ള ഈ ചെറിയ മതവി​ഭാ​ഗം അധികാ​രി​ക​ളു​ടെ ശ്രദ്ധ പിടി​ച്ചു​പ​റ​റി​യെ​ന്നത്‌ ആദ്യ​നോ​ട്ട​ത്തിൽ അതിശ​യ​മാ​യി​ത്തോ​ന്നാം. എന്നാൽ നിങ്ങൾ അവരുടെ ശക്തമായ അമേരി​ക്കൻ ബന്ധങ്ങളും അവരുടെ സാർവ​ദേ​ശീയ അഭിലാ​ഷ​ങ്ങ​ളും അവരുടെ കമ്യൂ​ണി​സ്‌ററ്‌ അനുഭാ​വ​വും സീയോ​ന്യാ​ഭി​ലാഷ അനുഭാ​വ​ങ്ങ​ളും പരിചി​ന്തി​ക്കു​മ്പോൾ അവരെ വെച്ചു​പൊ​റു​പ്പി​ക്കാ​വു​ന്ന​ത​ല്ലെന്ന്‌ പെട്ടെന്നു വ്യക്തമാ​കു​ന്നു.’ തീർച്ച​യാ​യും, യഹോ​വ​യു​ടെ സാക്ഷികൾ കമ്മ്യൂ​ണി​സ്‌റ​റു​കാ​രോ സീയോ​ന്യാ​ഭി​ലാ​ഷ​ക്കാ​രോ അല്ലായി​രു​ന്നു, പിന്നെ​യോ രാഷ്‌ട്രീ​യ​ത്തി​ന്റെ​യും വർഗത്തി​ന്റെ​യും കാര്യ​ങ്ങ​ളിൽ നിഷ്‌പ​ക്ഷ​രാ​യി​രു​ന്നു. എന്നിരു​ന്നാ​ലും, നാസി​കൾക്ക്‌ അത്‌ മനസ്സി​ലാ​യില്ല.

ഹിററ്‌ലർ അധികാ​ര​ത്തിൽ വന്ന 1933-ലാണ്‌ സാക്ഷി​കൾക്കെ​തി​രായ പ്രസ്ഥാനം തുടങ്ങി​യത്‌. 1934-ൽ ലോക​ത്തി​ലെ​ല്ലാ​യി​ട​ത്തു​നി​ന്നു​മുള്ള പ്രതി​ഷേ​ധ​ക​മ്പി​കൾ കിട്ടി​യ​ശേഷം ഹിററ്‌ലർ “ഈ ജാതി ജർമ്മനി​യിൽ നിർമ്മൂ​ല​മാ​ക്ക​പ്പെ​ടും!” എന്ന്‌ അലറി. യഹോ​വ​യു​ടെ സാക്ഷി​ക​ളു​ടെ പീഡനം വർദ്ധിച്ചു.

എസഎസ സംസ്ഥാ​ന​ത്തി​ന്റെ ശരീരാ​പ​ഗ്ര​ഥനം എന്ന തങ്ങളുടെ പുസ്‌ത​ക​ത്തിൽ ഹെൽമട്ട്‌ ക്രോ​സ്‌നി​ക്കും മാർട്ടിൻ ബ്രോ​സ്‌വാ​റ​റും ഇങ്ങനെ പ്രസ്‌താ​വി​ക്കു​ന്നു: “1935നു ശേഷം തടങ്കൽപാ​ള​യ​ങ്ങ​ളി​ലെ അന്തേവാ​സി​ക​ളിൽ ഗണ്യമായ ഒരു സംഘമാ​യി​രുന്ന സംരക്ഷ​ണ​ത​ട​ങ്ക​ലി​ലു​ണ്ടാ​യി​രുന്ന മറെറാ​രു വിഭാഗം ഇൻറർനാ​ഷനൽ വെരീ​നിം​ഗംഗ ഡെർ ഏൺസറെറൺ ബൈബെൽ ഫോർഷർ [യഹോ​വ​യു​ടെ സാക്ഷികൾ] അംഗങ്ങ​ളാ​യി​രു​ന്നു. 1933-ൽ മൂന്നാം ജർമ്മൻഭ​ര​ണ​കൂ​ട​ത്തിൽ ഈ സ്ഥാപനം പിരി​ച്ചു​വി​ട​പ്പെ​ട്ടി​രു​ന്നു. ഈ സ്ഥാപനം സമാധാ​ന​പ്ര​സ്ഥാ​ന​പ്ര​വർത്ത​ന​ത്തി​ന്റെ ഒരു ഉപകര​ണ​മാ​യി കരുത​പ്പെ​ട്ടി​രു​ന്ന​തു​കൊണ്ട്‌ യഹോ​വ​യു​ടെ സാക്ഷി​ക​ളു​ടെ സകല റിക്രൂ​ട്ടിം​ഗും അഥവാ പ്രചാ​ര​ണ​വും നിയമ​ത്താൽ നിരോ​ധി​ക്ക​പ്പെട്ടു.”

“ആയിര​ത്തി​ത്തൊ​ള്ളാ​യി​രത്തി മുപ്പത്താറ്‌ ഫെബ്രു​വ​രി​യിൽ യഹോ​വ​യു​ടെ സാക്ഷി​ക​ളു​ടെ സകല മുൻനേ​താ​ക്ക​ളും ‘രണ്ടു മാസ​ത്തോ​ളം’ സംരക്ഷ​ണ​ത​ട​ങ്ക​ലിൽ ഇടപ്പെ​ട​ണ​മെന്ന്‌ ആജ്ഞ ഉണ്ടായി. 1937 മെയ്‌ മദ്ധ്യത്തിൽ കൂടു​ത​ലായ നടപടി​കൾ സ്വീക​രി​ക്ക​പ്പെട്ടു. രഹസ്യ​പ്പോ​ലീസ്‌ ഇങ്ങനെ ഓർഡ​റി​ട്ടു: നിയമ​വി​രുദ്ധ യഹോ​വ​യു​ടെ സാക്ഷി​ക​ളു​ടെ ലക്ഷ്യങ്ങളെ അല്ലെങ്കിൽ അതിന്റെ അനുയാ​യി​ക​ളു​ടെ ഐക്യത്തെ പുരോ​ഗ​മി​പ്പി​ക്കുന്ന ഏതൊ​രു​വ​നും സംരക്ഷ​ണ​ത​ട​ങ്ക​ലിൽ എടുക്ക​പ്പെ​ടു​ക​യും ഒരു ജുഡീ​ഷ്യൽ അറസ്‌റ​റ്‌വാ​റണ്ട്‌ പുറ​പ്പെ​ടു​വി​ക്കു​ന്ന​തിന്‌ കോട​തി​മു​മ്പാ​കെ സത്വരം വരുത്ത​പ്പെ​ടു​ക​യും ചെയ്യും.” മിക്ക കേസു​ക​ളി​ലും ഈ “സംരക്ത​ണ​ത​ടങ്കൽ” ഒരു തടങ്കൽപാ​ള​യ​ത്തി​ലേ​ക്കുള്ള മാററ​ത്തിൽ കലാശി​ച്ചു.

ഗ്രന്‌ഥ​കാ​രൻമാർ ഇങ്ങനെ​യും കുറി​ക്കൊ​ണ്ടു: “1937⁄8ൽ ഡാക്കൗ​വി​ലെ ബഹുഭൂ​രി​പക്ഷം അന്തേവാ​സി​ക​ളും രാഷ്‌ട്രീ​യ​ത​ട​വു​കാ​രാ​യി​രു​ന്നു. അതേസ​മയം ആ നാളു​ക​ളിൽപോ​ലും സാമൂ​ഹ്യ​വി​രു​ദ്ധ​രെന്നു വിളി​ക്ക​പ്പെ​ട്ട​വ​രു​ടെ​യും സ്വവർഗ്ഗ​സം​ഭോ​ഗി​ക​ളു​ടെ​യും യഹോ​വ​യു​ടെ സാക്ഷി​ക​ളു​ടെ​യും പതിവു കുററ​പ്പു​ള്ളി​ക​ളു​ടെ​യും തുല്യ​മാ​യി വലിയ സംഖ്യ​ക​ളു​ണ്ടാ​യി​രു​ന്നു.”

രണ്ടാം ലോക​മ​ഹാ​യു​ദ്ധ​വും നിഷപ​ക്ഷ​ത​യും

ജർമ്മനി​യും സഖ്യക​ക്ഷി​ക​ളായ ബ്രിട്ട​നും ഫ്രാൻസും തമ്മിൽ 1939-ൽ യുദ്ധം​പൊ​ട്ടി​പ്പു​റ​പ്പെ​ട്ട​പ്പോൾ സാക്ഷി​ക​ളെ​സം​ബ​ന്ധിച്ച്‌ കാര്യങ്ങൾ കുറേ​കൂ​ടെ വഷളായി. എന്തു സംഭവി​ച്ചു?

ഡിൻസേ​ക്ക്‌ള​നിൽനി​ന്നുള്ള ഇരുപ​ത്തി​മൂ​ന്നു​കാ​ര​നായ ഓഗസ്‌ററ്‌ ഡിക്ക്‌മാൻ 1939-ൽ സാക്‌സെൻഹോ​സ​നിൽ സൂക്ഷി​ക്ക​പ്പെ​ട്ടി​രുന്ന 600 സാക്ഷി​ക​ളിൽ ഒരുവ​നാ​യി​രു​ന്നു.a സെപ്‌റ​റം​ബ​റിൽ യുദ്ധം പൊട്ടി​പ്പു​റ​പ്പെ​ട്ട​പ്പോൾ പാളയ​ക​മാൻഡ​റായ ബാര​നോ​വ്‌സ്‌ക്കി സാക്ഷി​ക​ളു​ടെ മനഃശ​ക്തി​യെ തകർക്കാ​നുള്ള അവസരം കണ്ടു. സൈന്യ​ത്തിൽ ചേരാൻ ഓഗസ്‌ററ്‌ വിസമ്മ​തി​ച്ചു. പാളയ​ത്തി​ലെ സകല അന്തേവാ​സി​ക​ളു​ടെ​യും മുമ്പാകെ യുവാ​വാ​യി​രുന്ന ഡിക്ക്‌മാ​നെ വധിക്കാൻ ബാര​നോ​വ്‌സ്‌ക്കി ഹിംല​റിൽനിന്ന്‌ അനുവാ​ദം ചോദി​ച്ചു. സാക്ഷികൾ ഒരു വധനിർവ​ഹണം യഥാർത്ഥ​മാ​യി കാണു​ക​യാ​ണെ​ങ്കിൽ അനേകം സാക്ഷികൾ തങ്ങളുടെ വിശ്വാ​സം തള്ളിപ്പ​റ​യു​മെന്ന്‌ അദ്ദേഹ​ത്തിന്‌ ബോദ്ധ്യ​മു​ണ്ടാ​യി​രു​ന്നു. മൂന്ന്‌ രഹസ്യ​പ്പോ​ലീ​സു​കാർ ഡിക്ക്‌മാ​നെ പിമ്പിൽനി​ന്നു വെടി​വെച്ചു. അനന്തരം പോലീസ്‌ ഓഫീസർ കൈ​ത്തോ​ക്കു​കൊണ്ട്‌ തലയി​ലും വെടി​വെച്ചു.

ഒരു ദൃക്‌സാ​ക്ഷി​യായ ഗസ്‌റ​റാവ്‌ ആഷ്‌നർ പിന്നീട്‌ ഇങ്ങനെ റിപ്പോർട്ടു​ചെ​യ്‌തു: “അവർ ഡിക്‌മാ​നെ വെടി​വെ​ച്ചു​കൊ​ല്ലു​ക​യും വിശ്വാ​സം തള്ളിപ്പ​റ​ഞ്ഞു​കൊ​ണ്ടുള്ള പ്രഖ്യാ​പ​ന​ത്തിൽ ഒപ്പു​വെ​ക്കു​ന്നി​ല്ലെ​ങ്കിൽ ഞങ്ങളെ​ല്ലാം വെടി​വെ​ച്ചു​കൊ​ല്ല​പ്പെ​ടു​മെന്ന്‌ ഞങ്ങളോ​ടു പറയു​ക​യും​ചെ​യ്‌തു. ഒരു സമയത്ത്‌ 30-ഓ 40-ഓ പേർവീ​തം ഞങ്ങൾ മണൽകു​ഴി​യി​ലേക്ക്‌ കൊണ്ടു​പോ​ക​പ്പെ​ടു​ക​യും എല്ലാവ​രും വെടി​വെ​ച്ചു​കൊ​ല്ല​പ്പെ​ടു​ക​യും​ചെ​യ്യും. അടുത്ത ദിവസം, രഹസ്യ​പ്പോ​ലീസ്‌ ഒന്നുകിൽ ഒപ്പു​വെ​ക്കു​ന്ന​തി​നോ അല്ലെങ്കിൽ വെടി​വെ​ക്ക​പ്പെ​ടു​ന്ന​തി​നോ ഉള്ള ഒരു കുറിപ്പ്‌ ഞങ്ങൾക്ക്‌ എത്തിച്ചു​തന്നു. ഒരൊററ ഒപ്പും​കൂ​ടാ​തെ അവർ പോയ​പ്പോ​ഴത്തെ അവരുടെ കുപി​ത​മായ മുഖം നിങ്ങൾ കാണേ​ണ്ട​താ​യി​രു​ന്നു. പൊതു​ജ​ന​സ​മ​ക്ഷ​മുള്ള ഞങ്ങളുടെ വധത്താൽ ഞങ്ങളെ ഭീഷണി​പ്പെ​ടു​ത്താ​മെന്ന്‌ അവർ ആശിച്ചി​രു​ന്നു. എന്നാൽ ഞങ്ങൾക്ക്‌ അവരുടെ വെടി​യു​ണ്ട​ക​ളെ​ക്കാൾ ഭയം യഹോ​വയെ അപ്രീ​തി​പ്പെ​ടു​ത്തു​ന്ന​തി​ലാ​യി​രു​ന്നു. കൂടു​ത​ലാ​യി ഞങ്ങളി​ലാ​രെ​യും അവർ പരസ്യ​മാ​യി വെടി​വെ​ച്ചില്ല.”

ഇതു​പോ​ലു​ള്ള ഒരു സാഹച​ര്യം 1939 സെപ്‌റ​റം​ബർ 6-ാം തീയതി ബുച്ചൻവാൾഡ്‌ പാളയ​ത്തിൽ വികാ​സം​പ്രാ​പി​ച്ചു. നാസി ഉദ്യോ​ഗ​സ്ഥ​നായ റോഡിൽ സാക്ഷി​ക​ളോട്‌ ഇങ്ങനെ പറഞ്ഞു: “ഫ്രാൻസി​നോ ഇംഗ്ലണ്ടി​നോ എതിരാ​യി യുദ്ധം​ചെ​യ്യാൻ നിങ്ങൾ വിസമ്മ​തി​ക്കു​ക​യാ​ണെ​ങ്കിൽ നിങ്ങ​ളെ​ല്ലാം മരി​ക്കേ​ണ്ട​താണ്‌!” അത്‌ പരി​ശോ​ധ​ന​യു​ടെ ഒരു നിമി​ഷ​മാ​യി​രു​ന്നു. ഗേററ്‌ഹൗ​സിൽ പൂർണ്ണ​സാ​യു​ധ​രാ​യി കാത്തു​നിന്ന രണ്ടു രഹസ്യ​പ്പോ​ലീസ്‌ വിഭാ​ഗങ്ങൾ ഉണ്ടായി​രു​ന്നു. എന്നിരു​ന്നാ​ലും, “ഒരൊററ യഹോ​വ​യു​ടെ സാക്ഷി പോലും ജർമ്മനി​ക്കു​വേണ്ടി യുദ്ധം​ചെ​യ്യാ​നുള്ള ഓഫീ​സ​റു​ടെ അപേക്ഷക്ക്‌ മറുപ​ടി​കൊ​ടു​ത്തില്ല. അല്‌പ​നേരം മൗനമു​ണ്ടാ​യി. പിന്നീട്‌ പെട്ടെന്ന്‌ ‘കൈ ഉയർത്തുക! നിങ്ങളു​ടെ പോക്ക​റ​റു​കൾ കാലി​യാ​ക്കുക!’ എന്ന ആജ്ഞപു​റ​പ്പെട്ടു,” നരകസി​ദ്ധാ​ന്ത​വും പ്രയോ​ഗ​വും എന്നതിൽ യൂജിൻ കോഗൻ റിപ്പോർട്ടു​ചെ​യ്യു​ന്നു. അവരെ വെടി​വെ​ച്ചോ? ഇല്ല, അവരെ രഹസ്യ​പ്പോ​ലീസ്‌ ആക്രമി​ക്കു​ക​യും കൊള്ള​യ​ടി​ക്കു​ക​യും അനന്തരം ഭീകര​മായ കല്ലു​വെ​ട്ടു​ജോ​ലിക്ക്‌ നിയോ​ഗി​ക്കു​ക​യും​ചെ​യ്‌തു. അവർക്ക്‌ ഏതെങ്കി​ലും ആശുപ​ത്രി ചികിൽസ നിരസി​ക്ക​പ്പെട്ടു.

മേലു​ദ്ധ​രി​ക്ക​പ്പെട്ട ഡോ. കിംഗ്‌ ഇങ്ങനെ വിശദീ​ക​രി​ച്ചു: ‘എന്നിരു​ന്നാ​ലും നാസി​കൾക്കു​തന്നെ അതിശ​യ​മാ​കു​മാറ്‌ അവർക്ക്‌ യഹോ​വ​യു​ടെ സാക്ഷി​കളെ നീക്കം​ചെ​യ്യാൻ കഴിഞ്ഞില്ല. അവരെ എത്ര കഠിന​മാ​യി ഞെരു​ക്കി​യോ അത്രയ​ധി​കം അവർ കടുപ്പ​മു​ള്ള​വ​രാ​യി​ത്തീർന്നു, അവരുടെ ചെറു​ത്തു​നിൽപ്പിൽ അവർ വജ്രം പോലെ കടുത്ത​വ​രാ​യി​ത്തീർന്നു. ഹിററ്‌ലർ അവരെ ഒരു അവസാ​ന​നാ​ളി​ലെ യുദ്ധത്തി​ലേക്കു തള്ളിവി​ട്ടു. അവർ വിശ്വാ​സം കാത്തു. അവർ തങ്ങളുടെ ഇളംചു​വപ്പു ത്രി​കോ​ണ​ത്താൽ (സൈനി​ക​തി​രി​ച്ച​റി​യൽ) അവർ പാളയ​ങ്ങ​ളിൽ ശക്തമായ ശൃംഖ​ലകൾ രൂപവൽക്ക​രി​ച്ചു; അങ്ങേയ​റ​റത്തെ സമ്മർദ്ദ​ങ്ങ​ളിൻകീ​ഴി​ലെ അതിജീ​വ​ന​ത്തെ​ക്കു​റി​ച്ചു പഠിക്കുന്ന എല്ലാവർക്കും അവരുടെ അനുഭവം വിലപ്പെട്ട വിവര​ങ്ങ​ളാണ്‌. എന്തെന്നാൽ അവർ അതിജീ​വി​ക്കു​ക​തന്നെ ചെയ്‌തു.’

ആഷ്‌വി​റ​റ്‌സി​നെ അതിജീ​വിച്ച അന്നാ പാവൽസ്‌ഷിൻസ്‌ക്കാ ആഷവി​റ​റസി​ലെ മൂല്യ​ങ്ങ​ളും അക്രമ​വും എന്ന തന്റെ പുസ്‌ത​ക​ത്തിൽ ഇങ്ങനെ എഴുതി: “ആഷ്‌വി​റ​റ്‌സി​ലെ വലിയ ജനസമൂ​ഹ​ത്തിൽ യഹോ​വ​യു​ടെ സാക്ഷികൾ ചെറിയ ഒരു അപ്രധാന കൂട്ടമാ​യി​രു​ന്നു . . . അതു​കൊണ്ട്‌, അവരുടെ ത്രി​കോ​ണ​ബാ​ഡ്‌ജി​ന്റെ ഇളംചു​വ​പ്പു​നി​റം ആ ചെറു​സം​ഘം അതിന്റെ യഥാർഥ​ശ​ക്തി​യെ പ്രതി​നി​ധാ​നം​ചെ​യ്യാ​ത്ത​വി​ധം വളരെ വ്യക്തമാ​യി മുന്തി​നി​ന്നു. തടവു​കാ​രു​ടെ ഈ ചെറിയ കൂട്ടം ആശയപ​ര​മാ​യി ഉറച്ച ഒരു ശക്തിയാ​യി​രു​ന്നു, അവർ നാസി​സ​ത്തി​നെ​തി​രായ യുദ്ധത്തിൽ ജയിച്ചു. ഈ മതവി​ഭാ​ഗ​ത്തി​ന്റെ ജർമ്മൻകൂ​ട്ടം ഭീഷണി​പ്പെ​ടു​ത്ത​പ്പെട്ട ഒരു ജനതയു​ടെ മാർവിൽ സ്ഥിതി​ചെ​യ്യുന്ന അജയ്യ പ്രതി​രോ​ധ​ത്തി​ന്റെ ഒരു ദ്വീപാ​യി​രു​ന്നു. അവർ ഭയലേ​ശ​മി​ല്ലാത്ത അതേ ആത്മാവിൽ ആഷ്‌വി​റ​റ്‌സ്‌ പാളയ​ത്തിൽ പ്രവർത്തി​ച്ചു.” അവർ ഇങ്ങനെ കൂട്ടി​ച്ചേർക്കു​ന്നു: “യഹോ​വ​യു​ടെ സാക്ഷി​ക​ളി​ലാ​രും തന്റെ മതവി​ശ്വാ​സ​ങ്ങൾക്കും ബോദ്ധ്യ​ങ്ങൾക്കും എതിരാ​യി ഒരു ആജ്ഞ അനുഷ്‌ഠി​ക്കു​ക​യി​ല്ലെന്ന്‌ എല്ലാവർക്കും അറിയാ​മാ​യി​രു​ന്നു.”

ഈ കാര്യ​ത്തി​ലെ മുന്തി​നിൽക്കുന്ന ഒരു ദൃഷ്ടാ​ന്ത​മാണ്‌ ജർമ്മനി​യി​ലെ ലിപ്‌സ്‌പ്രിം​ഗിൽനി​ന്നുള്ള കുസ​റോവ്‌ കുടും​ബം. ഫ്രാൻസി​നും ഹിൽഡാ​യി​ക്കും 11 മക്കളട​ങ്ങിയ ഒരു വലിയ കുടും​ബ​മു​ണ്ടാ​യി​രു​ന്നു, 6 ആൺകു​ട്ടി​ക​ളും 5 പെൺകു​ട്ടി​ക​ളും. നാസി​ഭ​ര​ണ​ത്തിൻകീ​ഴിൽ 13 പേരട​ങ്ങിയ കുടും​ബ​ത്തി​ലെ 12 അംഗങ്ങൾ തുറു​ങ്കു​ക​ളി​ലും തടങ്കൽപാ​ള​യ​ങ്ങ​ളി​ലു​മാ​യി മൊത്തം 65 വർഷ​ത്തേക്ക്‌ വിധി​ക്ക​പ്പെട്ടു. 1940ൽ, 25-ാം വയസ്സിൽ, മനഃസാ​ക്ഷി​പ​ര​മായ എതിർപ്പു​ള്ള​യാൾ എന്ന നിലയിൽ വില്ലം വെടി​വെ​ക്ക​പ്പെട്ടു. രണ്ടു വർഷം കഴിഞ്ഞ്‌ അയാളു​ടെ സഹോ​ദരൻ 20 വയസ്സു​കാ​ര​നായ വോൾഫ്‌ഗാംഗ്‌ അതേ കാരണ​ത്തിന്‌ ബ്രാൻഡൽബർഗ്ഗ്‌ തടങ്കലിൽ ശിരഃ​ച്‌ഛേദം ചെയ്യ​പ്പെട്ടു. 1946-ൽ 28-ാം വയസ്സിൽ കാൾ-ഹെയ്‌ൻസ്‌ സഹോ​ദരൻ ഡാക്കൗ​വിൽനിന്ന്‌ രോഗി​യാ​യി തിരി​ച്ചു​വ​രു​ത്ത​പ്പെ​ട്ട​ശേഷം ക്ഷയംബാ​ധി​ച്ചു മരിച്ചു. മാതാ​പി​താ​ക്ക​ളും പെൺമ​ക്ക​ളു​മെ​ല്ലാം തുറു​ങ്കു​ക​ളി​ലും തടങ്കൽപാ​ള​യ​ങ്ങ​ളി​ലും ശിക്ഷയ​നു​ഭ​വി​ച്ചു. (രക്തസാ​ക്ഷി​ക​ളു​ടെ ഈ ശ്രദ്ധേ​യ​മായ കുടും​ബ​ത്തെ​സം​ബ​ന്ധിച്ച വിശദ​വി​വ​ര​ത്തിന്‌ 1985 സെപ്‌റ​റം​ബർ 1ലെ വാച്ച്‌റ​റ​വ​റി​ന്റെ 10-15വരെ പേജുകൾ കാണുക.)

നരകസി​ദ്ധാ​ന്ത​വും ആചാര​വും എന്ന തന്റെ പുസ്‌ത​ക​ത്തിൽ യൂജിൻ കോഗൻ ഇങ്ങനെ പ്രസ്‌താ​വി​ക്കു​ന്നു: “മനഃശാ​സ്‌ത്ര​പ​ര​മാ​യി പറഞ്ഞാൽ, യഹോ​വ​യു​ടെ സാക്ഷികൾ ഉയർത്തിയ വെല്ലു​വി​ളി​യോട്‌ രഹസ്യ​പ്പോ​ലീ​സിന്‌ ഒരിക്ക​ലും കിടനിൽക്കാൻക​ഴി​ഞ്ഞി​ല്ലെ​ന്നുള്ള വസ്‌തു​ത​യിൽനിന്ന്‌ ഒരുവന്‌ ഒഴിഞ്ഞു​മാ​റാ​വു​ന്നതല്ല.”

ക്രിസ്‌തീ​യ സാക്ഷി​ക​ളു​ടെ ഈ ചെറിയ കൂട്ടത്തിന്‌ തങ്ങളുടെ ബൈബിൾവി​ശ്വാ​സ​ങ്ങളെ അടിസ്ഥാ​ന​പ്പെ​ടു​ത്തി ഹിററ്‌ലറെ നേരി​ടാൻ കഴി​ഞ്ഞെ​ങ്കിൽ, ദശലക്ഷ​ക്ക​ണ​ക്കി​നു പ്രോ​ട്ട​സ്‌റ​റൻറു​കാ​രും കത്തോ​ലി​ക്ക​രും ഈ കാര്യ​ത്തിൽ പരാജ​യ​പ്പെ​ട്ട​തെ​ന്തു​കൊ​ണ്ടെന്ന്‌ ഒരുവൻ ചോദി​ക്കേ​ണ്ട​തു​ത​ന്നെ​യാണ്‌. നാസി​സ​ത്തിന്‌ 6 കോടി ജർമ്മൻകാർ കൊടുത്ത പിന്തു​ണയെ പിൻവ​ലി​ക്കു​മാ​യി​രുന്ന വ്യക്തവും നിസ്‌തർക്ക​വു​മായ മതനേ​തൃ​ത്വ​വും മാർഗ്ഗ​നിർദ്ദേ​ശ​വും എവി​ടെ​യാ​യി​രു​ന്നു? (13-ാംപേ​ജി​ലെ ചതുരം കാണുക)

അവരെ പുലർത്തി​യ​തെന്ത?

മുങ്ങി​ച്ച​ത്ത​വ​രും രക്ഷപെ​ടു​ത്ത​പ്പെ​ട്ട​വ​രും എന്ന തന്റെ പുസ്‌ത​ക​ത്തിൽ, പ്രിമോ ലേവി ഇങ്ങനെ പ്രസ്‌താ​വി​ക്കു​ന്നു: “അനുദി​ന​ജീ​വി​ത​ത്തി​ന്റെ [തടങ്കൽപാ​ള​യ​ങ്ങ​ളി​ലെ] ഞെരു​ക്ക​ത്തിൽ [മതപര​വും രാഷ്‌ട്രീ​യ​വു​മായ] വിശ്വാ​സി​കൾ മെച്ചമാ​യി ജീവിച്ചു . . . തങ്ങളുടെ വിശ്വാ​സ​ത്തി​ന്റെ രക്ഷിക്കൽശക്തി എല്ലാവർക്കും പൊതു​വാ​യു​ണ്ടാ​യി​രു​ന്നു.”

അദ്ദേഹം ഇങ്ങനെ കൂട്ടി​ച്ചേർക്കു​ന്നു: “അവരുടെ പ്രപഞ്ചം നമ്മു​ടേ​തി​നെ​ക്കാൾ വിസ്‌തൃ​ത​മാ​യി​രു​ന്നു, സ്ഥലകാ​ലങ്ങൾ സംബന്ധിച്ച്‌ കൂടുതൽ വിശാ​ല​മാ​യി​രു​ന്നു: എല്ലാറ​റി​നു​മു​പ​രി​യാ​യി കൂടുതൽ ഗ്രഹണ​ക്ഷ​മ​മാ​യി​രു​ന്നു: അവർക്ക്‌ ഒരു സഹസ്രാബ്ദ നാളെ ഉണ്ടായി​രു​ന്നു . . . നീതി​യും സഹതാ​പ​വും വിജയി​ച്ചി​രുന്ന അല്ലെങ്കിൽ ഒരുപക്ഷേ വിദൂ​ര​മെ​ങ്കി​ലും സുനി​ശ്ചി​ത​മായ ഭാവി​യിൽ വിജയി​ക്കുന്ന സ്വർഗ്ഗ​ത്തി​ലോ ഭൂമി​യി​ലോ ഉള്ള ഒരു സ്ഥലം ഉണ്ടായി​രു​ന്നു.”

ഒരു ഭാവി​സ​ഹ​സ്രാ​ബ്ദ​ത്തി​ലുള്ള യഹോ​വ​യു​ടെ സാക്ഷി​ക​ളു​ടെ വഴങ്ങാത്ത വിശ്വാ​സം മരണത്തി​നു വിധി​ക്ക​പ്പെട്ട ജർമ്മൻ വിശ്വാ​സി​ക​ളിൽനി​ന്നുള്ള ചുവടെ ചേർക്കുന്ന എഴുത്തു​ക​ളിൽനിന്ന്‌ നന്നായി സംഗ്ര​ഹി​ക്കാ​വു​ന്ന​താണ്‌:

“എന്റെ പ്രിയ സഹോ​ദരാ, കൊച്ചമ്മേ, മാതാ​പി​താ​ക്കളേ, മറെറല്ലാ സഹോ​ദ​ര​ങ്ങ​ളു​മേ,

“നിങ്ങൾക്ക്‌ ഈ എഴുത്തു കിട്ടു​മ്പോ​ഴേക്ക്‌ ഞാൻ ജീവി​ച്ചി​രി​പ്പി​ല്ലാ​യി​രി​ക്കും എന്ന വേദനാ​ജ​ന​ക​മായ വാർത്ത ഞാൻ നിങ്ങൾക്ക്‌ എഴു​തേ​ണ്ടി​യി​രി​ക്കു​ന്നു. ദയവായി അതിയാ​യി സങ്കട​പ്പെ​ട​രുത്‌. എന്നെ മരണത്തിൽനിന്ന്‌ ഉയർപ്പി​ക്കു​ക​യെ​ന്നത്‌ സർവശ​ക്ത​നായ ദൈവത്തെ സംബന്ധി​ച്ചി​ട​ത്തോ​ളം നിസ്സാര കാര്യ​മാണ്‌. . . . എന്റെ ബലഹീ​ന​ത​യിൽ അവനെ സേവി​ക്കാൻ ഞാൻ ശ്രമി​ച്ചി​രു​ന്നു​വെ​ന്ന​റി​യുക. അവൻ അവസാ​ന​ത്തോ​ളം എന്നോ​ടു​കൂ​ടെ ഉണ്ടെന്ന്‌ എനിക്ക്‌ പൂർണ്ണ​ബോ​ദ്ധ്യ​മുണ്ട്‌. . . . ഇപ്പോൾ എന്റെ പ്രിയ​പ്പെട്ട അമ്മേ, അപ്പാ, നിങ്ങൾ എനിക്കു​വേണ്ടി ചെയ്‌തി​ട്ടുള്ള എല്ലാ നല്ല കാര്യ​ങ്ങൾക്കും​വേണ്ടി ഞാൻ നിങ്ങ​ളോ​ടു രണ്ടു​പേ​രോ​ടും നന്ദിപ​റ​ഞ്ഞു​കൊ​ള്ളട്ടെ. . . . യഹോവ നിങ്ങൾ ചെയ്‌തി​ട്ടുള്ള എല്ലാറ​റി​നും പ്രതി​ഫലം നൽകട്ടെ.

“(ഒപ്പ്‌) ലഡ്‌വിഗ്‌ സൈറാ​നെക്ക്‌”

ലഡ്‌വിഗ്‌ സൈറാ​നെക്ക്‌ യഹോ​വ​യു​ടെ സാക്ഷി​ക​ളി​ലൊ​രാ​ളാ​യി​രു​ന്ന​തു​കൊണ്ട്‌ വധിക്ക​പ്പെട്ടു.

യോഹാ​ന്നസ്‌ ഹാംസ്‌ ശിരഃ​ച്‌ഛേ​ദ​ന​യ​ന്ത്ര​ത്താ​ലുള്ള മരണത്തി​നു വിധി​ക്ക​പ്പെട്ട ശേഷം ഒരു സാക്ഷി​യെന്ന നിലയി​ലുള്ള വിശ്വാ​സം തള്ളിപ്പ​റ​യു​ന്ന​തിന്‌ അയാൾക്ക്‌ ഏഴ്‌ അവസരങ്ങൾ കൊടു​ക്ക​പ്പെട്ടു. 1940-ലെ അയാളു​ടെ വധത്തിന്‌ അല്‌പം​മുമ്പ്‌ അയാൾ തന്റെ പിതാ​വായ മാർട്ടിന്‌ ഈ എഴുത്ത​യച്ചു, അയാളും ഒരു സാക്ഷി​യാ​യി​രു​ന്ന​തു​കൊണ്ട്‌ തടവി​ലാ​ക്ക​പ്പെ​ട്ടി​രു​ന്നു.

“എന്റെ പ്രിയ​പ്പെട്ട അപ്പാ,

“ഇപ്പോ​ഴും നമുക്ക്‌ ഡിസംബർ 3 വരെ മൂന്നാ​ഴ്‌ച​യുണ്ട്‌, രണ്ടു വർഷം മുമ്പ്‌ നമ്മൾ അവസാ​ന​മാ​യി പരസ്‌പരം കണ്ടത്‌ അന്നായി​രു​ന്ന​ല്ലോ. അപ്പൻ തടവറ​യു​ടെ അടിത്ത​റ​യിൽ പണി​ചെ​യ്യു​ക​യും ഞാൻ തടവു​മു​റ​റ​ത്തു​കൂ​ടെ നടക്കു​ക​യും ചെയ്‌ത​പ്പോ​ഴത്തെ അപ്പന്റെ പ്രിയ​പ്പെട്ട പുഞ്ചിരി എനിക്ക്‌ ഇപ്പോ​ഴും കാണാൻ കഴിയും.

“ഈ സമയത്ത്‌ ഞാൻ അപ്പനെ അഭിമാ​ന​ത്തോ​ടും കർത്താ​വി​നോ​ടുള്ള വിശ്വ​സ്‌ത​ത​യിൽ അങ്ങയുടെ ഭാരം വഹിക്കുന്ന വിധത്തി​ലുള്ള അത്ഭുത​ത്തോ​ടും​കൂ​ടെ കരുതി​യി​രി​ക്കു​ന്നു. ഇപ്പോൾ കർത്താ​വി​നോട്‌ മരണ​ത്തോ​ള​മുള്ള എന്റെ വിശ്വ​സ്‌തത തെളി​യി​ക്കു​ന്ന​തി​നുള്ള അവസരം എനിക്കും നൽക​പ്പെ​ട്ടി​രി​ക്കു​ന്നു, അതെ, മരണ​ത്തോ​ളം മാത്രമല്ല മരണത്തി​ലേക്കു പോലും.

“എന്റെ മരണവി​ധി ഉച്ചരി​ച്ചു​ക​ഴി​ഞ്ഞു. പകലി​ലും രാത്രി​യി​ലും എന്നെ ബന്ധിച്ചി​രി​ക്കു​ക​യാണ്‌—കൈയാ​മ​ത്തിൽനി​ന്നുള്ള പാടു​ക​ളാണ്‌ (കടലാ​സ്സിൽ) കാണു​ന്നത്‌—എന്നാൽ ഇപ്പോ​ഴും ഞാൻ പൂർണ്ണ​മാ​യി ജയിച്ച​ട​ക്കി​യി​ട്ടില്ല. . . . എന്റെ ഭൗമി​ക​ജീ​വനെ രക്ഷിക്കാൻ എനിക്ക്‌ ഇപ്പോ​ഴും ഒരു അവസര​മുണ്ട്‌, എന്നാൽ അതിനാൽ യഥാർത്ഥ​ജീ​വൻ നഷ്ടപ്പെ​ടു​ത്തു​ക​യേ​യു​ള്ളു.

“പ്രിയ​പ്പെട്ട അപ്പാ, അങ്ങ്‌ വീണ്ടും വീട്ടി​ലെ​ത്തു​മ്പോൾ എന്റെ പ്രിയ​പ്പെട്ട ലിസനെ (അയാളു​ടെ ഭാര്യ) തീർച്ച​യാ​യും വിശേ​ഷാൽ പരിപാ​ലി​ച്ചു​കൊ​ള്ളണം, എന്തു​കൊ​ണ്ടെ​ന്നാൽ അവളുടെ പ്രിയൻ മടങ്ങി​ച്ചെ​ല്ലു​ക​യി​ല്ലെ​ന്നുള്ള അറിവ്‌ അവൾക്ക്‌ വിശേ​ഷാൽ പ്രയാ​സ​മാ​യി​രി​ക്കും. അങ്ങ്‌ ഇതു ചെയ്യു​മെന്ന്‌ എനിക്ക​റി​യാം, ഞാൻ മുമ്പു​കൂ​ട്ടി നന്ദിപ​റ​യു​ക​യാണ്‌. എന്റെ പ്രിയ​പ്പെട്ട അപ്പാ, ഞാൻ ആത്മാവിൽ അങ്ങയെ വിളി​ക്കു​ക​യാണ്‌, ഞാൻ വിശ്വ​സ്‌ത​നാ​യി​രി​ക്കാൻ ശ്രമി​ച്ചി​രി​ക്കു​ന്ന​തു​പോ​ലെ, വിശ്വ​സ്‌ത​നാ​യി​രി​ക്കുക. ഇനിയും നാം വീണ്ടും പരസ്‌പരം കാണും. അവസാ​ന​ത്തോ​ളം ഞാൻ അങ്ങേയ്‌ക്ക്‌ നന്ദി പറയു​ന്ന​താ​യി​രി​ക്കും.

അങ്ങയുടെ പുത്രൻ യോഹാ​ന്നസ്‌.”

ഒരു ദുഷ്ടഭ​ര​ണ​കൂ​ട​ത്തിൻകീ​ഴിൽ മനഃസാ​ക്ഷി​പ​ര​മായ എതിർപ്പു പ്രകട​മാ​ക്കാൻ മുതിർന്ന യഹോ​വ​യു​ടെ സാക്ഷി​ക​ളി​ലെ ശതക്കണ​ക്കി​നു രക്തസാ​ക്ഷി​ക​ളിൽ രണ്ടുപേർ മാത്ര​മാ​ണിത്‌. അവരുടെ കൂട്ടമായ രക്തസാ​ക്ഷി​ത്വ​ത്തി​ന്റെ കഥ വാല്യങ്ങൾ നിറയാ​നു​ണ്ടാ​യി​രി​ക്കും.b (g89 4/8)

[അടിക്കു​റി​പ്പു​കൾ]

[13-ാം പേജിലെ ചതുരം]

യഹോവയുടെ സാക്ഷികൾ ഹിററല​റു​ടെ ഇരകളാ​യി​രു​ന്നു

മെയ്‌14, 1985ലെ “ന്യൂ​യോർക്ക്‌ റൈറം​സിൽ”നിന്ന്‌

എഡിററർക്ക്‌:

ജർമ്മൻകാ​രായ എന്റെ ഭാര്യ​യും ഞാനും കൂടെ നാസി​ത​ട​ങ്കൽപാ​ള​യ​ങ്ങ​ളിൽ മൊത്തം 17 വർഷം ചെലവ​ഴി​ച്ചു. ഞാൻ ഡാക്കൗ​യി​ലും മാത്തോ​സ​നി​ലു​മാ​യി​രു​ന്നു, എന്റെ ഭാര്യ​യായ ജർട്രൂർഡ്‌, റാവൻസ്‌ബ്രൂ​ക്കി​ലാ​യി​രു​ന്നു. നാസി കുററ​വാ​ളി​കൾ ചെയ്യാഞ്ഞ കാര്യങ്ങൾ ചെയ്‌ത​തു​കൊണ്ട്‌ കഷ്ടപ്പെട്ട യഹൂ​ദേ​ത​ര​രായ ആയിര​ക്ക​ണ​ക്കി​നു ജർമ്മൻകാ​രിൽപെ​ട്ട​വ​രാ​യി​രു​ന്നു ഞങ്ങൾ. ഹിററ്‌ല​റു​ടെ നിർബ​ന്ധി​ത​വി​ഗ്ര​ഹാ​രാ​ധ​ന​യോ​ടും സൈനി​ക​ത്വ​ത്തോ​ടും മനഃസാ​ക്ഷി​പ​ര​മായ എതിർപ്പു പ്രകടി​പ്പി​ച്ച​വ​രാ​യി​രു​ന്നു ഞങ്ങൾ. ഞങ്ങളിൽപെട്ട ആയിരങ്ങൾ പാളയ​ങ്ങളെ അതിജീ​വി​ച്ചെ​ങ്കി​ലും അനേകർ അതിജീ​വി​ച്ചില്ല.

ഹിററ്‌ല​റു​ടെ നാസി​ഭ​ര​ണ​ത്തിൻകീ​ഴിൽ കഷ്ടപ്പെട്ട സാധാ​ര​ണ​ക്കാ​രായ ജർമ്മൻകാ​രെ​ക്കു​റി​ച്ചുള്ള താങ്കളു​ടെ അടുത്ത കാലത്തെ എഴുത്തു​കൾ (ഏപ്രിൽ 25-ലെ സബിനാ ലീററ്‌സ്‌മാ​നാ​ലു​ള്ള​തും ഏപ്രിൽ 30-ലെ അന്നാ ഈ. റീസ്‌ഗീ​സി​നാൽ ഉള്ളതും) ഗസ്‌റ​റ​പ്പോ​യാൽ ഘോര​മാ​യി പീഡി​പ്പി​ക്ക​പ്പെ​ട്ട​തും സാധാ​ര​ണ​യാ​യി അവഗണി​ക്ക​പ്പെ​ടു​ന്ന​തു​മായ ഒരു ന്യൂന​പ​ക്ഷ​ത്തെ​ക്കു​റി​ച്ചു പറയാൻ എന്നെ പ്രേരി​പ്പി​ക്കു​ന്നു. അവർ ഏൺസ്‌റെറ ബൈബൽ ഫോർഷർ (ആത്മാർത്ഥ​ത​യുള്ള ബൈബിൾ അദ്ധ്യേ​താ​ക്കൾ) അഥവാ ജഹോ​വാസ്‌ സ്യൂഗൻ (യഹോ​വ​യു​ടെ സാക്ഷികൾ) എന്നറി​യ​പ്പെ​ട്ടി​രു​ന്നു.

ഹിററ്‌ലർ 1933-ൽ അധികാ​ര​ത്തിൽ വന്ന ഉടനെ അദ്ദേഹം രാഷ്‌ട്രീ​യ​ത്തി​ലെ​യും യുദ്ധത്തി​ലെ​യും നിഷ്‌പക്ഷത നിമിത്തം യഹോ​വ​യു​ടെ സാക്ഷി​കളെ വ്യവസ്ഥാ​പി​ത​മാ​യി പീഡി​പ്പി​ക്കാൻ തുടങ്ങി. തത്‌ഫ​ല​മാ​യി ജർമ്മൻ സാക്ഷി​ക​ളി​ലെ ആയിരങ്ങൾ കൂട്ട​ക്കൊ​ല​യു​ടെ ഇരകൾ മാത്രമല്ല രക്തസാ​ക്ഷി​ക​ളു​മാ​യി​ത്തീർന്നു. അതിസൂ​ക്ഷ്‌മ​മായ വ്യത്യാ​സ​മു​ള്ള​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ ഞങ്ങളുടെ മതവ്യ​ത്യാ​സ​ങ്ങളെ തള്ളിപ്പ​റ​ഞ്ഞു​കൊണ്ട്‌ ഒരു കടലാ​സ്സിൽ ഒപ്പു​വെ​ക്കാൻ സന്നദ്ധരാ​യി​രു​ന്നെ​ങ്കിൽ ഞങ്ങൾക്ക്‌ ഏതു സമയത്തും തടങ്കൽപ്പാ​ളയം വിട്ടു​പോ​കാൻ സാധി​ക്കു​മാ​യി​രു​ന്നു.

ഹിററ്‌ലർവാ​ഴ്‌ചയെ ചെറു​ത്തു​നിൽക്കു​ക​തന്നെ ചെയ്‌ത ചില ജർമ്മൻകാ​രു​ടെ നെഞ്ചിൽ എരിഞ്ഞി​രു​ന്നത്‌ ഏതു തരം ആത്മാവാ​യി​രു​ന്നു​വെന്ന്‌ ചുരു​ങ്ങിയ രണ്ടു ദൃഷ്ടാ​ന്തങ്ങൾ പ്രകട​മാ​ക്കും. ബാഡ്‌ ലിപ്പ്‌സ്‌പ്രിം​ഗിൽനി​ന്നുള്ള 25 വയസ്സു​കാ​ര​നായ വില്ലം കുസ്സ​റോവ്‌ ഹിററ്‌ല​റു​ടെ സൈന്യ​ത്തിൽ സേവി​ക്കാൻ വിസമ്മ​തി​ച്ച​തു​കൊണ്ട്‌ 1940 ഏപ്രിൽ 27-ാം തീയതി വെടി​വെച്ച്‌ കൊല്ല​പ്പെട്ടു.

രണ്ടുവർഷം കഴിഞ്ഞ്‌ വില്ലമി​ന്റെ സഹോ​ദ​ര​നായ വോൾഫ്‌ഗാംഗ്‌ അതേ കാരണ​ത്താൽ ബ്രാൻഡൻബർഗ്‌ തടവറ​യിൽ ശിരഃ​ച്‌ഛേദം ചെയ്യ​പ്പെട്ടു. ഹിററ്‌ലു​ടെ കണക്കു​കൂ​ട്ട​ലിൽ മനസ്സാ​ക്ഷി​പ​ര​മാ​യി എതിർപ്പു​ള്ള​വരെ വെടി​വെ​ച്ചു​കൊ​ല്ലു​ന്നത്‌ അപ്പോ​ഴേ​ക്കും മാന്യത കൂടിയ നടപടി​യാ​യി​രു​ന്നു. വോൾഫ്‌ഗാം​ഗിന്‌ 20 വയസ്സാ​യി​രു​ന്നു.

ദൈവ​നാ​മ​ത്തിൽ ദുർഭ​ര​ണ​ത്തി​നെ​തി​രെ ചെറുത്തു നിൽക്കാൻ മുതിർന്ന​തി​നാൽ സമാന​മായ വിധി​ക​ള​നു​ഭ​വിച്ച നൂറു​ക​ണ​ക്കിന്‌ ജർമ്മൻ സ്‌ത്രീ​പു​രു​ഷൻമാ​രെ​ക്കു​റിച്ച്‌ എനിക്കു പറയാൻ കഴിയും. ചെറു​ത്തു​നിൽക്കാ​നും എണ്ണപ്പെ​ടാ​നും വെറും ആയിര​ങ്ങൾക്കു പകരം തത്വ​ബോ​ധ​മുള്ള ദശലക്ഷ​ക്ക​ണ​ക്കിന്‌ ജർമ്മൻകാർ ഇല്ലാഞ്ഞ​തെ​ന്തു​കൊ​ണ്ടെ​ന്നു​ള്ളത്‌ ഒരുപക്ഷേ മററു​ള്ളവർ ഉത്തരം പറയേണ്ട ഒരു ചോദ്യ​മാണ്‌.

മാർട്ടിൻ പോയ​റ​റ്‌സിം​ഗർ

ബ്രൂക്ലിൻ, മെയ്‌ 1, 1985.

[15-ാം പേജിലെ ചിത്രം]

കുസറോവ്‌ കുടും​ബം—വില്ലം (വലത്തു​നിന്ന്‌ രണ്ടാമത്‌) വെടി​വെ​ച്ചു​കൊ​ല്ല​പ്പെട്ടു; വാഷ്‌ഗാംഗ്‌ (ഇടത്തു​നിന്ന്‌ മൂന്നാ​മത്‌) ശിരഃ​ച്‌ഛേദം ചെയ്യ​പ്പെട്ടു; കാൾ-ഹെയിൻസ്‌ (ഇടത്തു​നി​ന്നു രണ്ടാമത്‌) ഡാക്കൗ​വിൽ നിന്ന്‌ മോചി​ത​നാ​യ​ശേഷം ക്ഷയം ബാധിച്ചു മരിച്ചു.

[16-ാം പേജിലെ ചിത്രം]

(1988-ൽ മരിച്ച) മാർട്ടിൻ പോയ​റ​റ്‌സിം​ഗ​റും അദ്ദേഹ​ത്തി​ന്റെ ഭാര്യ ജർട്രൂ​ഡും നാസി​ത​ട​ങ്കൽപാ​ള​യ​ങ്ങ​ളിൽ ഏതാണ്ട്‌ 9 വർഷം​വീ​തം ചെലവ​ഴി​ച്ചു