കൂട്ട​ക്കൊല—അതെ, അത യഥാർത്ഥ​ത്തിൽ സംഭവി​ച്ചു!

അതിശ​യ​ക​ര​മാ​യി, ആധുനിക ചരി​ത്ര​ത്തിൽ വർണ്ണി​ക്ക​പ്പെ​ടു​ന്ന​തു​പോ​ലെ​യുള്ള കൂട്ട​ക്കൊല നടന്നി​ല്ലെന്ന്‌ പറയുന്ന ആളുക​ളു​ടെ ഒരു ചെറിയ ന്യൂന​പ​ക്ഷ​മുണ്ട്‌. യഥാർത്ഥ​ത്തിൽ അറുപതു ലക്ഷം മരിച്ചോ? ഒടുവിൽ സത്യം എന്ന തന്റെ പുസ്‌ത​ക​ത്തിൽ റിച്ചാർഡ്‌ ഹാർവുഡ്‌ ഇങ്ങനെ പ്രസ്‌താ​വി​ക്കു​ന്നു: “നിർമ്മൂ​ല​നാ​ശം വരുത്തു​ക​യെന്ന ഔദ്യോ​ഗിക ജർമ്മൻ നയത്തിന്റെ ഫലമായി രണ്ടാം ലോക​മ​ഹാ​യു​ദ്ധ​ത്തി​ന്റെ സമയത്ത്‌ 60 ലക്ഷം യഹൂദൻമാർ മരിച്ചു​വെന്ന ആരോ​പണം തികച്ചും അടിസ്ഥാ​ന​ര​ഹി​ത​മാണ്‌.”

അതു​കൊണ്ട്‌ ഈ ചോദ്യ​ങ്ങൾ ഉന്നയി​ക്ക​പ്പെ​ടു​ന്നു: രണ്ടാം ലോക​മ​ഹാ​യു​ദ്ധ​സ​മ​യത്ത്‌ നാസികൾ യഹൂദൻമാ​രെ നിർമ്മൂ​ല​മാ​യി നശിപ്പി​ക്കാൻ ആജ്ഞാപി​ച്ചോ? നാല്‌പതു ലക്ഷം മുതൽ അറുപതു ലക്ഷം വരെ യഹൂദൻമാർ യഥാർത്ഥ​ത്തിൽ തടങ്കൽപാ​ള​യ​ങ്ങ​ളിൽ മരിച്ചോ? ഗാസ്‌ചേ​മ്പ​റു​കൾ (വിഷവാ​തകം നിറച്ച അറകൾ) പോ​ലെ​യുള്ള സജ്ജീക​ര​ണങ്ങൾ ഉണ്ടായി​രു​ന്നോ? അതോ ഇവ ജർമ്മൻച​രി​ത്ര​ത്തി​ന്റെ വളച്ചൊ​ടി​ക്ക​ലു​കൾ ആണോ?

ഈ സംഭവങ്ങൾ നടന്നി​ട്ടി​ല്ലെന്ന്‌ തിരു​ത്തൽവാ​ദി​ക​ളായ ചില ചരി​ത്ര​കാ​രൻമാർ വാദി​ച്ചി​രി​ക്കു​ന്നു. കൂടി​യാൽ യഹൂദൻമാ​രു​ടെ ഏതാനും ചില ആയിരങ്ങൾ മരിച്ചു​വെ​ന്നും ഭൂരി​പ​ക്ഷ​വും മററു രാജ്യ​ങ്ങ​ളി​ലേക്ക്‌ കൊണ്ടു​പോ​ക​പ്പെ​ട്ടു​വെ​ന്നും അവർ വാദി​ക്കു​ന്നു.

കാനഡാ​യിൽ നടന്ന അടുത്ത കാലത്തെ ഒരു കേസ്‌ ഈ വിവാ​ദത്തെ പ്രദീ​പ്‌ത​മാ​ക്കി. കൂട്ട​ക്കൊല നടന്നി​ട്ടു​ണ്ടെ​ന്നു​ള്ള​തി​നെ നിഷേ​ധി​ച്ചു​കൊണ്ട്‌ “സാമൂ​ഹി​ക​മോ വർഗ്ഗീ​യ​മോ ആയ സഹിഷ്‌ണു​തക്ക്‌ ഹാനി​വ​രു​ത്താ​നി​ട​യുള്ള തെററായ വിവരങ്ങൾ അറിഞ്ഞു​കൊണ്ട്‌ പ്രസി​ദ്ധ​പ്പെ​ടു​ത്തി”യതിനാൽ, കാനഡാ​യിൽ കുടി​യേ​റി​പ്പാർത്ത ഒരു ജർമ്മൻകാ​രൻ ശിക്ഷി​ക്ക​പ്പെ​ട്ടു​വെന്ന്‌ റെറാ​റൊ​ണ്ടോ​യി​ലെ ദി ഗ്ലോബ ആൻഡ മെയൽ റിപ്പോർട്ടു​ചെ​യ്‌തു. ഫലം 15 മാസത്തെ ജയിൽവി​ധി​യും കൂട്ട​ക്കൊ​ലയെ സംബന്ധിച്ച അയാളു​ടെ തിരുത്തൽ വീക്ഷണങ്ങൾ പ്രസി​ദ്ധീ​ക​രി​ക്കു​ന്ന​തു​സം​ബ​ന്ധി​ച്ചുള്ള ഒരു നിരോ​ധ​ന​വു​മാ​യി​രു​ന്നു.

പശ്ചിമ​ജർമ്മ​നി​യിൽ “നാഷനൽ സോഷ്യ​ലി​സ്‌ററ്‌ ഭരണത്തി​ന്റെ അല്ലെങ്കിൽ ക്രൂര​മോ സ്വേച്ഛാ​ധി​പ​ത്യ​പ​ര​മോ ആയ മറേറ​തെ​ങ്കി​ലും തരം ഭരണത്തി​ന്റെ ഇരകളെന്ന നിലയിൽ തങ്ങളുടെ ജീവൻ നഷ്ടപ്പെട്ട ആളുകളെ നിന്ദി​ക്കു​ക​യോ ദുഷി​ക്കു​ക​യോ അപകീർത്തി​പ്പെ​ടു​ത്തു​ക​യോ അവഹേ​ളി​ക്കു​ക​യോ ചെയ്യുന്ന ഏതൊ​രു​വ​നും” എതിരാ​യി പരാതി​പ്പെ​ടാൻ യഹൂ​ദേ​ത​ര​രെ​പ്പോ​ലും അനുവ​ദി​ക്കു​ന്ന​തിന്‌ 1985-ൽ ഒരു അപകീർത്തി​വി​രു​ദ്ധ​നി​യമം ഭേദഗ​തി​ചെ​യ്യ​പ്പെട്ടു. ഈ നിയമ​ത്തി​ന്റെ ഫലം “നാസി സ്വേച്ഛാ​ധി​പ​ത്യ​ഭ​ര​ണ​കാ​ലത്ത്‌ തടങ്കൽപാ​ള​യ​ങ്ങ​ളിൽ യഹൂദൻമാ​രെ കൊല​ചെ​യ്‌തു​വെ​ന്ന​തി​നെ നിഷേ​ധി​ക്കു​ന്നത്‌ ശിക്ഷാർഹ​മായ കുററ​മാ​ക്കി​ത്തീർക്കു​ന്നു”വെന്നതാണ്‌. ഹാം​ബേർഗ്ഗർ അബൻബ്ലാ​ററ പ്രസ്‌താ​വി​ച്ച​താ​ണിത്‌.

കൂട്ട​ക്കൊ​ല നടന്നു​വെ​ന്ന​തി​ന്റെ നിരസനം സാധാ​ര​ണ​യാ​യി “ആഷ്വി​റ​റ്‌സ്‌ വ്യാജം” എന്നു വിളി​ക്ക​പ്പെ​ടു​ന്നു. ആഷ്വി​റ​റ്‌സ്‌ (ഇപ്പോൾ ഓസ്വീ​സിം) നാസികൾ കൂട്ട​ക്കൊല നടത്തിയ പോള​ണ്ടി​ലെ കുപ്ര​സിദ്ധ തടങ്കൽ പാളയ​മാ​യി​രു​ന്നു. പശ്ചിമ​ജർമ്മൻ മാദ്ധ്യ​മങ്ങൾ പറയു​ന്ന​ത​നു​സ​രിച്ച്‌ വലതുപക്ഷ തീവ്ര​വാ​ദി​കൾ ഈ സംഭവ​ങ്ങളെ മറക്കാ​നോ നിഷേ​ധി​ക്കാ​നോ ശ്രമി​ച്ചി​ട്ടുണ്ട്‌, അങ്ങനെ “ആഷ്വി​റ​റ്‌സ്‌ വ്യാജം” എന്ന പ്രയോ​ഗ​മു​ണ്ടാ​യി.

കുടി​യേ​റ​റ​മോ നിർമ്മൂ​ല​നാ​ശ​മോ?

യൂറോ​പ്പിൽ വംശോ​ല്‌പ​ത്തി​യുള്ള ദശലക്ഷ​ക്ക​ണ​ക്കി​നു യഹൂദൻമാ​രു​ടെ ഇന്നത്തെ അസ്‌തി​ത്വം യൂറോ​പ്യൻ യഹൂദ​സ​മൂ​ഹത്തെ നശിപ്പി​ക്കു​ന്ന​തിൽ നാസികൾ വിജയി​ച്ചി​ല്ലെന്നു തെളി​യി​ക്കു​ന്നു. തടങ്കൽ പാളയ​ങ്ങ​ളി​ലെ നിർമ്മൂ​ല​നാ​ശ​ത്തിൽനിന്ന്‌ അത്രയ​ധി​കം യഹൂദൻമാർ രക്ഷപ്പെ​ട്ടു​വെ​ന്നത്‌ ചരി​ത്ര​കാ​ര​നായ വില്യം എൽ. ഷേറർ സ്ഥിരീ​ക​രി​ക്കു​ന്നു. അദ്ദേഹം തന്റെ ഇരുപ​താം നൂററാ​ണ്ടി​ലെ യാത്ര—1930-1940ലെ പേടി​സ്വ​പന​ത്തി​ന്റെ വർഷങ്ങൾ എന്ന പുസ്‌ത​ക​ത്തിൽ ഇങ്ങനെ എഴുതി: “എല്ലാ ആസ്‌ത്രി​യൻ യഹൂദൻമാ​രും നാസി​ക്യാ​മ്പു​ക​ളി​ലും തുറു​ങ്കു​ക​ളി​ലും നശിച്ചില്ല. അനേകം യഹൂദൻമാർ അടിമ​ത്വ​ത്തിൽനിന്ന്‌ വിടുതൽ നേടി വിദേ​ശ​ങ്ങ​ളിൽ പോകാൻ അനുവ​ദി​ക്ക​പ്പെട്ടു. സാധാ​ര​ണ​യാ​യി, അതിന്‌ അവരുടെ സകല ആസ്‌തി​യും ചെലവാ​യി. . . . ഒരുപക്ഷേ വിയന്നാ​യി​ലെ 1,80,000 യഹൂദൻമാ​രിൽ പകുതി​യോ​ളം പേർക്ക്‌ കൂട്ട​ക്കൊല തുടങ്ങു​ന്ന​തി​നു മുമ്പ്‌ തങ്ങളുടെ സ്വാത​ന്ത്ര്യം വിലക്കു​വാ​ങ്ങാൻ കഴിഞ്ഞു. ഈ നയം 1930കളിൽ വിശേ​ഷാൽ ഫലത്തി​ലു​ണ്ടാ​യി​രു​ന്നു.

എന്നിരു​ന്നാ​ലും, റെയ്‌ൻഹാഡ്‌ ഹേഡ്രി​ക്കി​ന്റെ കീഴിൽ യഹൂദ കുടി​യേററ ഓഫീസ്‌ സ്ഥാപി​ക്ക​പ്പെ​ട്ടെ​ങ്കി​ലും “പിന്നീട്‌ അത്‌ കുടി​യേ​റ​റ​ത്തി​ന്റേതല്ല, പിന്നെ​യോ നിർമ്മൂല നാശത്തി​ന്റെ ഒരു ഏജൻസി​യാ​യി​ത്തീ​രു​ക​യാ​ണു​ണ്ടാ​യത്‌, നാല്‌പതു ലക്ഷം യഹൂദൻമാ​രു​ടെ വ്യവസ്ഥാ​പി​ത​മായ സംഹാരം സംഘടി​പ്പി​ക്കു​ക​യും ചെയ്‌തു”വെന്ന്‌ ഷേറർ വിശദീ​ക​രി​ക്കു​ന്നു. ഈ “അന്തിമ പരിഹാ​രം” കാൾ അഡോൾഫ്‌ ഐക്‌മാ​നാൽ നയിക്ക​പ്പെട്ടു, അയാൾ ഒടുവിൽ അയാളു​ടെ യുദ്ധ കുററ​കൃ​ത്യ​ങ്ങൾ നിമിത്തം ഇസ്ര​യേ​ലിൽ വധിക്ക​പ്പെട്ടു.

നാസികൾ മനുഷ്യാ​ധ​മ​വർഗ്ഗങ്ങൾ അഥവാ താണ വർഗ്ഗങ്ങൾ എന്ന്‌ കരുതി​യ​വ​രു​ടെ നിർമ്മാർജ്ജ​ന​ത്തി​നുള്ള ഏകമാർഗ്ഗം തടങ്കൽപാ​ള​യ​ങ്ങ​ളാ​യി​രു​ന്നില്ല. ഭയഹേ​തു​ക​മാ​യി​രുന്ന എയൻസാ​റ​റസി​ഗ്രൂ​പ്പ​നും (പ്രത്യേക കർമ്മസം​ഘങ്ങൾ) കൂടെ ഉണ്ടായി​രു​ന്നു. അവർ ആക്രമണം നടത്തുന്ന സൈന്യ​ങ്ങൾക്കു പിന്നിൽ പോയ നിർമ്മൂ​ല​നാശ സന്നദ്ധസം​ഘങ്ങൾ ആയിരു​ന്നു. “അവരുടെ മുഴു​ല​ക്ഷ്യ​വും യഹൂദൻമാ​രു​ടെ കൂട്ട​ത്തോ​ടെ​യുള്ള സംഹാ​ര​മാ​യി​രു​ന്നു. . . . അധികം​പേർക്ക്‌ അവരുടെ വലയിൽവീ​ഴാ​തെ രക്ഷപെ​ടാൻ കഴിയാ​തെ​വണ്ണം മുന്നണി​ക്കു പിന്നിൽ നീങ്ങി​ക്കൊണ്ട്‌ ഈ കർമ്മസം​ഘങ്ങൾ ആക്രമ​ണ​ത്തി​ന്റെ ആദ്യത്തെ ആറു മാസങ്ങ​ളിൽ ഏതാണ്ട്‌ അഞ്ചു ലക്ഷം യഹൂദൻമാ​രെ നിഷ്‌ക്ക​രു​ണം വെടി​വെ​ക്കു​ക​യോ ബയണറ​റു​കൊ​ണ്ടു കുത്തു​ക​യോ ദഹിപ്പി​ച്ചു​ക​ള​യു​ക​യോ ദണ്ഡിപ്പി​ക്കു​ക​യോ മുട്ടവ​ടിക്ക്‌ അടിച്ചു​കൊ​ല്ലു​ക​യോ ജീവ​നോ​ടെ കുഴി​ച്ചി​ടു​ക​യോ ചെയ്‌തു.”—ബ്രൂസ്‌ ക്വാറി എഴുതിയ ഹിററലേ​ഴസ സാമുറേ—ദി വാഫൻ-എസ്സെസ്സ ഇൻ ആകഷൻ.

ആ സംഖ്യ വിശ്വ​സി​ക്കാൻ പ്രയാ​സ​മാ​ണോ? അത്‌ 3,000 പേരുടെ സംഘത്തിൽപെട്ട ഓരോ​രു​ത്തർക്കും ദിവസ​വും ശരാശരി ഒരാളിൽ കുറഞ്ഞ സംഖ്യ​യാണ്‌. ഈ പ്രത്യേക കർമ്മസം​ഘങ്ങൾ സോവ്യ​ററ്‌ പ്രദേ​ശ​ങ്ങ​ളിൽ എത്തിയ​പ്പോൾ ഭാഗി​ക​മായ മരണസം​ഖ്യ “9,00,000-ൽ അധികം ആയിരു​ന്നു, ഇത്‌ ചലനാ​ത്മ​ക​പ്ര​വർത്ത​ന​ങ്ങ​ളി​ലെ യഹൂദ ഇരകളു​ടെ മൊത്തം സംഖ്യ​യു​ടെ മൂന്നിൽ രണ്ടു മാത്രമേ ആയിരി​ക്കു​ന്നു​ള്ളു.”—റോൾ ഹിൽബർഗ്ഗി​നാൽ വിരചി​ത​മായ യൂറോ​പ്യൻ യഹൂദൻമാ​രു​ടെ നാശം.

സേനാ​പതി ഏററു​പ​റ​യു​ന്നു

തടങ്കൽപാ​ള​യ​ങ്ങ​ളി​ലെ വധനിർവ​ഹ​ണ​ങ്ങ​ളിൽ പങ്കെടു​ത്ത​വ​രിൽനി​ന്നു​തന്നെ എന്തു സാക്ഷ്യ​മുണ്ട്‌? ആഷ്വി​റ​റ്‌സ്‌ പാളയ​ത്തി​ലെ മുൻ സേനാ​പ​തി​യാ​യി​രുന്ന റുഡോൾഫ്‌ ഹോസ്‌ ഇങ്ങനെ പരാതി​പ്പെട്ടു: ‘എന്നെ വിശ്വ​സി​ക്കുക, ആ മൃതദേഹ കൂമ്പാ​രങ്ങൾ കാണു​ന്ന​തും സ്ഥിരമായ ദഹനത്തി​ന്റെ മണമടി​ക്കു​ന്ന​തും എല്ലായ്‌പ്പോ​ഴം ഉല്ലാസ​ക​ര​മാ​യി​രു​ന്നില്ല.’ അദ്ദേഹം “പ്രത്യേക യഹൂദ സേനാ​ദ​ളങ്ങൾ (സോണ്ടർക​മാൻഡോസ) തങ്ങളുടെ സ്വന്തം ജീവൻ അല്‌പം നീട്ടി​ക്കി​ട്ടാൻ തങ്ങളുടെ സ്വന്തം വർഗ്ഗത്തി​ലെ അംഗങ്ങളെ വിഷവാ​ത​ക​പ്ര​യോ​ഗ​ത്താൽ കൊല്ലു​ന്ന​തിന്‌ സഹായി​ക്കാൻ സന്നദ്ധരാ​യി​രു​ന്നു​വെ​ന്ന​തി​നെ അതിശ​യ​ത്തോ​ടെ നിരാ​ക​രി​ക്കു​ക​യും​ചെ​യ്‌തു.” (യോവാ​ക്കിം സി. ഫെസ്‌ററ്‌ രചിച്ച ദി ഫേസ ഓഫ ദി തേർഡ റീക്കന്റെ 285-ാം പേജ്‌) ജർമ്മൻ ഗ്രന്ഥകാ​ര​നായ ഫെസ്‌ററ്‌ ഇങ്ങനെ കൂട്ടി​ച്ചേർക്കു​ന്നു: “‘രഹസ്യ​പ്പോ​ലീസ്‌ ഭരണ​മേ​ധാ​വി​യു​ടെ [ഹെൻറിക്ക്‌ ഹിംലർ] ഇച്ഛയാൽ ആഷ്വി​റ​റ്‌സ്‌ ഏതു കാല​ത്തേ​തി​ലും ഏററം വലിയ മാനു​ഷ​സം​ഹാര കേന്ദ്ര​മാ​യി​ത്തീർന്നു’വെന്ന ഹോസ്സി​ന്റെ പ്രസ്‌താ​വ​ന​യിൽ അല്ലെങ്കിൽ തന്റെ സ്വന്തം പാളയ​ത്തിന്‌ ട്രെം​ബ്ല്രി​ങ്കാ​യി​ലേ​തി​നെ​ക്കാൾ പത്തു മടങ്ങു ശേഷി​യു​ണ്ടാ​യി​രു​ന്നു​വെന്ന്‌ വിജയ​പ്ര​ദ​നായ ആസൂ​ത്ര​കന്റെ സംതൃ​പ്‌തി​യോ​ടെ അയാൾ ചൂണ്ടി​ക്കാ​ണി​ക്കു​മ്പോൾ വിദഗ്‌ദ്ധന്റെ ഏകപക്ഷീയ പൂർണ്ണ​താ​വാ​ദ​പ​ര​മായ അഹങ്കാ​ര​ത്തിൽ കുറേ പുറത്തു​വ​രു​ന്നു.”

ഹോസ്സ്‌ തന്റെ ആത്മകഥ​യിൽ ഇങ്ങനെ എഴുതി: “ഞാൻ അറിയാ​തെ ജർമ്മൻ ഭരണകൂ​ട​ത്തി​ന്റെ നിർമ്മൂ​ല​നാശ യന്ത്രത്തി​ന്റെ വലിയ ചങ്ങലയി​ലെ ഒരു കണ്ണിയാ​യി​ത്തീർന്നു.” “രഹസ്യ​പ്പോ​ലീസ്‌ ഭരണ​മേ​ധാ​വി [ഹിംലർ] യഹൂദൻമാ​രു​ടെ നിർമ്മൂ​ല​നാ​ശ​പ്ര​ക്രിയ നേരിൽ കാണാൻക​ഴി​യേ​ണ്ട​തിന്‌ ഉന്നതസ്ഥാ​ന​ത്തുള്ള വിവിധ കക്ഷി​നേ​താ​ക്ക​ളെ​യും രഹസ്യ​പ്പോ​ലീസ്‌ ഉദ്യോ​ഗ​സ്ഥൻമാ​രെ​യും ആഷ്വി​റ​റ്‌സി​ലേ​ക്ക​യച്ചു. അവർക്കെ​ല്ലാം തങ്ങൾ കണ്ടതിൽ ആഴമായ മതിപ്പു​ണ്ടാ​യി.”a

എന്നിരു​ന്നാ​ലും, പ്രത്യ​ക്ഷ​ത്തിൽ “യഹൂദ​പ്ര​ശ്‌ന​ത്തി​ന്റെ അന്തിമ പരിഹാ​രം” എന്ന പദപ്ര​യോ​ഗ​വും ഗാസ്‌ചേ​മ്പ​റു​ക​ളി​ലെ അതിന്റെ ഭീതി​ജ​ന​ക​മായ യാഥാർത്ഥ്യ​വും തമ്മിലുള്ള വ്യത്യാ​സ​ത്താൽ അവർ ബാധി​ക്ക​പ്പെട്ടു. അത്‌ എങ്ങനെ സഹിച്ചു​നിൽക്കാൻക​ഴി​ഞ്ഞു​വെന്ന്‌ ഹോസ്സി​നോ​ടു ചോദി​ച്ച​പ്പോൾ അയാൾ ഇങ്ങനെ ഉത്തരം പറഞ്ഞു: “സകല മാനു​ഷ​വി​കാ​ര​ങ്ങ​ളെ​യും അടിച്ച​മർത്തു​ന്ന​തി​നാൽ മാത്രമേ ഹിററ്‌ല​റു​ടെ ആജ്ഞകൾ നടപ്പി​ലാ​ക്കാ​നുള്ള നിശ്ചയ​ദാർഢ്യം നേടാൻ കഴിയു​മാ​യി​രു​ന്നു​ള്ളു​വെ​ന്ന​താ​യി​രു​ന്നു എന്റെ സുനി​ശ്ചി​ത​മായ ഉത്തരം.”

അങ്ങനെ, കൂട്ട​ക്കൊല ഒരു യാഥാർത്ഥ്യ​മാ​ണെ​ന്നും താൻ ആഷ്വി​റ​റ്‌സി​ലെ പാളയ​ക​മാൻഡർ എന്ന നിലയിൽ അതിലെ കുററ​വാ​ളി​ക​ളി​ലൊ​രാ​ളാ​യി​രു​ന്നു​വെ​ന്നും ആ വി​ദ്രോ​ഹ​പ്രി​യ​നായ ഏറാൻമൂ​ളി, ഹോസ്സ്‌, ധീരമാ​യി സമ്മതിച്ചു.

ആദ്യം പോളീ​ഷിൽ പ്രസി​ദ്ധ​പ്പെ​ടു​ത്തിയ മൂല്യ​ങ്ങ​ളും അക്രമ​വും എന്ന പുസ്‌ത​ക​ത്തിൽ തടങ്കൽപാ​ള​യ​ങ്ങ​ളി​ലെ കൂട്ട​ക്കൊ​ല​ക​ളും ദണ്ഡനവും അടിമ​പ്പ​ണി​യും നിമിത്തം 32,00,000 പോളീഷ്‌ യഹൂദൻമാർക്ക്‌ ജീവനഷ്ടം ഭവിച്ചു​വെന്ന്‌ വിവർത്ത​ക​യായ കാതറീൻ ലീച്ച്‌ പ്രസ്‌താ​വി​ക്കു​ന്നു. അവർ ഇങ്ങനെ പറയുന്നു: “യൂറോ​പ്പി​ലെ യഹൂദൻമാ​രു​ടെ കൂട്ട​ക്കൊല നടന്നത്‌ പോള​ണ്ടി​ന്റെ പ്രദേ​ശ​ത്താ​യി​രു​ന്നു.”

മുങ്ങി​മ​ര​ണം

പാളയ​ങ്ങ​ളിൽ പല പ്രകാ​ര​ത്തിൽ മരണം ഭവിക്കാ​മാ​യി​രു​ന്നു—പട്ടിണി, രോഗം, കഴുത്തി​ലെ വെടി​യുണ്ട, ഗാസ്‌ചേമ്പർ, പ്രഹരങ്ങൾ, തൂക്കി​ക്കൊല, ഗില്ലോ​ട്ടിൻ, മുങ്ങൽ എന്നിവ​യാൽ. മുങ്ങൽ ഒരു പ്രത്യേ​ക​പ​രി​ഷ്‌ക്കാ​ര​മാ​യി​രു​ന്നു.

എഴുത്തു​കാ​ര​നാ​യ റെററൻസ്‌ ഡസ്‌ പ്രസ്‌ വിശദീ​ക​രി​ക്കു​ന്നു: “തടവു​കാർ വ്യവസ്ഥാ​പി​ത​മാ​യി അഴുക്കിന്‌ വിധേ​യ​മാ​ക്ക​പ്പെട്ടു. അവർ മനഃപൂർവം വിസർജ്ജ​നം​കൊ​ണ്ടുള്ള ആക്രമ​ണ​ത്തി​നു വിധേ​യ​രാ​ക്ക​പ്പെട്ടു. . . . നാസി​ക്യാ​മ്പു​ക​ളി​ലെ തടവു​പു​ള്ളി​കൾ യഥാർത്ഥ​ത്തിൽ തങ്ങളുടെ സ്വന്തം മാലി​ന്യ​ത്തിൽ മുങ്ങി​മ​രി​ക്കു​ക​യാ​യി​രു​ന്നു. യഥാർത്ഥ​ത്തിൽ അമേദ്ധ്യ​ത്താ​ലുള്ള മരണം സാധാ​ര​ണ​മാ​യി​രു​ന്നു. ഉദാഹ​ര​ണ​ത്തിന്‌, ബുച്ചെൻവാൾഡിൽ കക്കൂസു​കൾ ഇരുപ​ത്ത​ഞ്ചടി നീളവും പന്ത്രണ്ടടി ആഴവും പന്ത്രണ്ടടി വീതി​യും ഉള്ള തുറന്ന കുഴി​ക​ളാ​യി​രു​ന്നു. . . . എപ്പോ​ഴും നിറഞ്ഞു​ക​വി​ഞ്ഞി​രുന്ന ഈ കുഴികൾ രാത്രി​യിൽ തടവു​പു​ള്ളി​കൾ വററി​ച്ചി​രു​ന്നു, കൈപി​ടി​യുള്ള തൊട്ടി​കൾകൊ​ണ്ടു​മാ​ത്ര​മാണ്‌ അവർ പണി​ചെ​യ്‌തത്‌.” ഒരു ദൃക്‌സാ​ക്ഷി ഇങ്ങനെ വിവരി​ക്കു​ന്നു: “ആ സ്ഥലം തെററു​ന്ന​താ​യി​രു​ന്നു, വെളി​ച്ച​വു​മി​ല്ലാ​യി​രു​ന്നു. ഈ ജോലി​ക്കു നിയമി​ക്ക​പ്പെട്ട മുപ്പതു​പേ​രിൽ ശരാശരി പത്തുപേർ ഓരോ രാത്രി​യി​ലെ​യും ജോലി​ക്കി​ട​യിൽ കുഴി​യിൽ വീണു. വീണവരെ പുറത്തു വലി​ച്ചെ​ടു​ക്കാൻ മററു​ള്ളവർ അനുവ​ദി​ക്ക​പ്പെ​ട്ടില്ല. ജോലി പൂർത്തി​യാ​യി കുഴി ശൂന്യ​മാ​കു​മ്പോൾ മാത്രമേ ശവങ്ങൾ നീക്കം​ചെ​യ്യാൻ അവർ അനുവ​ദി​ക്ക​പ്പെ​ട്ടു​ള്ളു.”

കൂടുതൽ കൂടുതൽ യൂറോ​പ്യൻരാ​ജ്യ​ങ്ങൾ കീഴട​ക്ക​പ്പെ​ട്ട​പ്പോൾ നിർമ്മൂ​ല​മാ​ക്കൽ നാസി​ന​യ​ത്തി​ന്റെ ഭാഗമാ​യി​ത്തീർന്നു​വെന്ന്‌ തെളി​യി​ക്കാൻ വളരെ​ക്കൂ​ടു​തൽ സാക്ഷ്യം​കൂ​ടെ ഉദ്ധരി​ക്കാൻ കഴിയും. ഈ വിഷയം സംബന്ധിച്ച ഗ്രന്ഥവി​വ​ര​ണങ്ങൾ അനന്തമാണ്‌, ചിത്ര​ത്തെ​ളി​വോ​ടു​കൂ​ടിയ ദൃക്‌സാ​ക്ഷി​വി​വ​ര​ണങ്ങൾ ഭീതി​ജ​ന​ക​ങ്ങ​ളാണ്‌. എന്നാൽ കൂട്ട​ക്കൊല ഒരു യഹൂദ അനുഭവം മാത്ര​മാ​യി​രു​ന്നോ? നാസികൾ പോള​ണ്ടാ​ക്ര​മി​ച്ച​പ്പോൾ അവർ യഹൂദൻമാ​രെ മാത്രം കൊല്ലാ​നാ​ണോ ആഗ്രഹി​ച്ചത്‌? (g89 4⁄8)

[അടിക്കു​റി​പ്പു​കൾ]

[5-ാം പേജിലെ ആകർഷ​ക​വാ​ക്യം]

“[അടിമ​പ്പ​ണി​ക്യാ​മ്പു​ക​ളി​ലേക്കു മാററ​പ്പെട്ട] തടവു​കാർ ആഷ്‌വി​റ​റ്‌സി​ലെ ഗാസ്‌ചേ​മ്പ​റു​ക​ളി​ലേക്ക്‌ നേരിട്ടു മാററ​പ്പെ​ട്ടി​രു​ന്നെ​ങ്കിൽ അവർ ഒട്ടേറെ ദുരി​ത​ങ്ങ​ളിൽനിന്ന്‌ ഒഴിവാ​ക്ക​പ്പെ​ടു​മാ​യി​രു​ന്നു.”—റുഡോൾഫ്‌ ഹോസ്സ്‌, ആഷ്‌വി​റ​റ്‌സ്‌ സേനാ​പ​തി

[8-ാം പേജിലെ ആകർഷ​ക​വാ​ക്യം]

“കൂടുതൽ ആളുകൾ വന്നു​കൊ​ണ്ടി​രു​ന്നു, എല്ലായ്‌പോ​ഴും കൂടുതൽ, അവരെ കൊല്ലു​ന്ന​തി​നുള്ള സൗകര്യ​ങ്ങൾ ഞങ്ങൾക്കി​ല്ലാ​യി​രു​ന്നു. . . . മുഴു​ഭാ​ര​വും കൈകാ​ര്യം​ചെ​യ്യാൻ ഗാസ്‌ചേ​മ്പ​റു​കൾക്ക്‌ കഴിവി​ല്ലാ​യി​രു​ന്നു.”—രഹസ്യ​പ്പോ​ലീസ്‌ ഉദ്യോ​ഗ​സ്ഥ​നായ ഫ്രാൻസ്‌ സുചോ​മെൽ

[6-ാം പേജിലെ ആകർഷ​ക​വാ​ക്യം]

‘എന്നെ വിശ്വ​സി​ക്കുക, ആ മൃത​ദേ​ഹ​കൂ​മ്പാ​രങ്ങൾ കാണു​ന്ന​തും സ്ഥിരമായ ദഹനത്തി​ന്റെ മണമടി​ക്കു​ന്ന​തും എല്ലായ്‌പ്പോ​ഴം ഉല്ലാസ​ക​ര​മാ​യി​രു​ന്നില്ല.’—റുഡോൾഫ്‌ ഹോസ്സ്‌

[6-ാം പേജിലെ ചതുരം]

തെളിവിന്‌ കൂലി

“നാസികൾ യഹൂദൻമാ​രായ ഇരകളെ തടങ്കൽപാ​ള​യ​ങ്ങ​ളിൽ വിഷവാ​ത​ക​മു​റി​യി​ലി​ട്ടു കൊന്നു​വെ​ന്ന​തി​ന്റെ ‘തെളി​വിന്‌’ വാഗ്‌ദാ​നം​ചെ​യ്യ​പ്പെട്ട 50,000 ഡോള​റി​ന്റെ പ്രതി​ഫലം ഒരു കോട​തി​വി​ധി​യു​ടെ വ്യവസ്ഥ​പ്ര​കാ​രം ഒരു ആഷ്വി​റ​റ്‌അ​തി​ജീ​വ​കന്‌ കൊടു​ക്ക​ണ​മെന്ന്‌ അതിജീ​വ​കന്റെ വക്കീൽ ഇന്നു പറയു​ക​യു​ണ്ടാ​യി.

“[ലോസ്‌ ആൻജലി​സി​ലെ] സുപ്പീ​രി​യർ കോട​തി​യി​ലെ ജഡ്‌ജ്‌ റോബർട്ട്‌ വെങ്കേ ഇൻസ്‌റ​റി​റ​റ്യൂട്ട്‌ ഫോർ ഹിസ്‌റേ​റാ​റി​ക്കൽ റിവ്യൂ ആഷ്വി​റ​റ്‌സ്‌ അതിജീ​വ​ക​നായ മെൽ മേമെൽസ്‌റ​റീന്‌ കൊടു​ക്ക​ണ​മെ​ന്നാ​വ​ശ്യ​പ്പെ​ടുന്ന വിധി അംഗീ​ക​രി​ച്ചു. . . .

“കൂട്ട​ക്കൊല ഒരിക്ക​ലും സംഭവി​ച്ചി​ല്ലെന്നു പറയുന്ന ഇൻസ്‌റ​റി​റ​റ്യൂട്ട്‌ പ്രതി​ഫ​ല​വാ​ഗ്‌ദാ​നം​നി​മി​ത്തം ഉണ്ടായ വേദന​യെ​യും കഷ്ടപ്പാ​ടി​നെ​യും പ്രതി മി. മേമെൽസ്‌റ​റീന്‌ 1,00,000 ഡോള​റും​കൂ​ടെ കൊടു​ക്ക​ണ​മെന്ന്‌ വക്കീൽ പറഞ്ഞു. . . 

“‘ഈ കേസിലെ മി. മേമെൽസ്‌റ​റീ​നി​ന്റെ വിജയം കൂട്ട​ക്കൊ​ലയെ അതിജീ​വി​ച്ചവർ തങ്ങളെ​ത്തന്നെ സംരക്ഷി​ക്കു​ന്ന​തി​നും തങ്ങളുടെ ജീവനെ സംബന്ധിച്ച സത്യം സംസ്ഥാ​പി​ക്കു​ന്ന​തി​നും നിയമ​വ്യ​വ​സ്ഥ​മു​ഖേന പോരാ​ടു​മെന്ന്‌ ചരി​ത്രത്തെ വളച്ചൊ​ടി​ക്കു​ക​യും യഹൂദൻമാർക്കു ദുരി​ത​വും കഷ്ടപ്പാ​ടും വരുത്തി​ക്കൂ​ട്ടു​ക​യും ചെയ്യു​ന്ന​വ​രാ​യി ലോക​ത്തി​ലെ​ങ്ങു​മുള്ള സകലർക്കും ഇപ്പോൾ ഒരു വ്യക്തമായ താക്കീതു കൊടു​ക്കും’ [വക്കീൽ ഗ്ലോറി​യാ ആൽ​ഫ്രെഡ്‌ പറഞ്ഞു].”—ദി ന്യൂ​യോർക്ക്‌ റൈറംസ്‌, ജൂലൈ 25, 1985.

[7-ാം പേജിലെ ചതുരം]

സാക്‌സെൻഹോസൻ—“സുരക്ഷിത തടവു​പാ​ളയം”?

സാക്‌സെൻഹോ​സൻ യഥാർത്ഥ​ത്തിൽ ഒരു സംഹാ​ര​പാ​ള​യ​മാ​യി​രു​ന്നോ? അതോ അത്‌ ഒരു “സുരക്ഷിത തടവു​പാ​ളയം” ആയിരു​ന്നോ?

കൂട്ട​ക്കൊ​ലയെ അതിജീ​വിച്ച യഹൂദ ഇരയായ മാക്‌സ്‌ ലീബ്‌സ്‌റെ​റ​റി​ന്റെ ഉത്തരം:

“എന്റെ പ്രസ്‌താ​വന ഈ പാളയ​ത്തി​ലെ എന്റെ വ്യക്തി​പ​ര​മായ അനുഭ​വ​ത്തെ​യും ഞാൻ നേരിൽ കണ്ടതി​നെ​യും അടിസ്ഥാ​ന​പ്പെ​ടു​ത്തി​യു​ള്ള​താണ്‌. സാക്‌സെൻഹോ​സൻ എങ്ങനെ​യാ​യി​രു​ന്നു​വെന്ന്‌ കണ്ടുപി​ടി​ക്കു​ന്ന​തിന്‌ എനിക്ക്‌ പുറത്തു​നി​ന്നുള്ള ഒരാളു​ടെ ഒരു വർഗ്ഗീ​ക​രണം ആവശ്യ​മില്ല. മാദ്ധ്യ​മ​ങ്ങ​ളും നാസി​ഗ​വൺമെൻറും അത്‌ ഒരു സ്‌ക്കൂ​റ​റ്‌ഷാ​ഫ്‌റ​റ്‌ലാ​ഗർ, അതായത്‌ ഒരു ‘സുരക്ഷിത തടവു​പാ​ളയം’ ആണെന്ന്‌ അവകാ​ശ​പ്പെ​ട്ടു​വെ​ന്നതു സത്യം​തന്നെ. ചുവടെ ചേർക്കുന്ന അനുഭ​വങ്ങൾ സ്വയം അനുകൂ​ല​മാ​യി സംസാ​രി​ക്കു​ന്നു:

“ആയിര​ത്തി​ത്തൊ​ള്ളാ​യി​ര​ത്തി​നാൽപ്പതു ജനുവ​രി​യിൽ ഗെസ്‌റ​റ​പ്പോ (രഹസ്യ​സം​സ്ഥാ​ന​പോ​ലീസ്‌) എന്നെ പ്‌ഫോർഷീ​മിൽനിന്ന്‌ കാൾസ്‌റൂ​ഹെ​യി​ലെ തുറു​ങ്കി​ലേക്കു കൊണ്ടു​വ​ന്ന​പ്പോൾ എന്നെ ഒരു സംഹാ​ര​പാ​ള​യ​ത്തി​ലേക്കു കൊണ്ടു​പോ​കു​ക​യാ​ണെന്ന്‌ ഗസ്‌റ​റ​പ്പോ എന്നോടു പറഞ്ഞു. ഗസ്‌റ​റ​പ്പോ എന്നോടു അസഭ്യം പറഞ്ഞു: ‘ഡു സ്‌ററിം​ക്‌ജു​ഡൂ വിർസ്‌ററ്‌ ഡോർട്ട്‌ വെറെ​ക്കെൻ കോം​സ്‌ററ്‌ നിക്‌ററ്‌ മെർ സൂറുക്ക്‌!’ (നീ നാറുന്ന യഹൂദ​നാണ്‌. നീ ഒരു മൃഗ​ത്തെ​പ്പോ​ലെ മരിക്കും. നീ ഒരിക്ക​ലും മടങ്ങി​വ​രു​ക​യില്ല!)

“സാക്‌സെൻഹോ​സ​നിൽ ഞങ്ങൾ എത്തിയ​പ്പോ​ഴത്തെ ദുഷ്‌പെ​രു​മാ​ററം മനുഷ്യ​ഗ്ര​ഹ​ണ​ത്തി​ന​തീ​ത​മാണ്‌. യഹൂദൻമാർ മുഖ്യ​പാ​ള​യ​ത്തി​നു​ള്ളി​ലെ ഒരു വേറിട്ട പാളയ​ത്തി​ലേക്ക്‌ അയക്ക​പ്പെട്ടു. അവർക്ക്‌ മററു​ള്ള​വ​രെ​ക്കാൾ ഹീനമായ അവസ്ഥക​ളാ​ണു​ണ്ടാ​യി​രു​ന്നത്‌. ഉദാഹ​ര​ണ​ത്തിന്‌, യഹൂദൻമാർക്ക്‌ ഉറങ്ങാ​നുള്ള ഷെൽഫു​ക​ളി​ല്ലാ​യി​രു​ന്നു, തറയിൽ വൈ​ക്കോൽചാ​ക്കു​കൾ മാത്രം. മത്തി അടുക്കു​ന്ന​തു​പോ​ലെ കിട​ക്കേ​ണ്ടി​വ​ര​ത്ത​ക്ക​വണ്ണം ബാരക്കു​ക​ളിൽ അത്ര തിക്കലാ​യി​രു​ന്നു. ഒരു മമനു​ഷ്യ​ന്റെ പാദങ്ങൾ മറെറാ​രാ​ളു​ടെ തലയി​ലാ​യി​രു​ന്നു. രാവിലെ ജീവനു​ള്ള​വ​രു​ടെ അടുത്തു മരിച്ചവർ കിടക്കു​ന്നതു കാണ​പ്പെട്ടു. യഹൂദൻമാർക്ക്‌ വൈദ്യ​ശു​ശ്രൂഷ ഇല്ലായി​രു​ന്നു.

“എന്റെ പിതാവ്‌ മൂന്നു ബാരക്കു​കൾക്ക​പ്പു​റ​ത്താ​ണെന്ന്‌ ഞാൻ കേട്ടു. അദ്ദേഹം വൈ​ക്കോൽചാ​ക്കു​കൂ​ന​യു​ടെ പിന്നിൽ കിടക്കു​ന്നതു ഞാൻ കണ്ടു. അദ്ദേഹ​ത്തി​ന്റെ കാലു​ക​ളിൽ നീരു​വെച്ചു വെള്ള​മൊ​ലി​ക്കു​ക​യും കൈകൾ മരച്ചു​പോ​ക​യും ചെയ്‌തി​രു​ന്നു. അദ്ദേഹം മരിച്ച​പ്പോൾ അദ്ദേഹ​ത്തി​ന്റെ മൃത​ദേഹം ഞാൻ ദഹനസ്ഥ​ല​ത്തേക്കു തോളിൽ ചുമന്നു​കൊ​ണ്ടു​പോ​കേ​ണ്ടി​വന്നു. അവിടെ അവർക്കു ദഹിപ്പി​ക്കാൻ കഴിയു​ന്ന​തി​നെ​ക്കാൾ കൂടുതൽ ശവങ്ങൾ കുനകൂ​ട്ടി​യി​ട്ടി​രി​ക്കു​ന്നതു ഞാൻ കണ്ടു.

“മനുഷ്യ​ത്വ​മി​ല്ലാത്ത പെരു​മാ​റ​റ​ത്താൽ ആയിരങ്ങൾ മരിച്ചു. അനേക​രെ​സം​ബ​ന്ധി​ച്ചും സാക്‌സെൻഹോ​സ​നിൽ മരിക്കു​ന്നത്‌ ആഷ്വി​റ​റ്‌സി​ലെ ഗാസ്‌ചേ​മ്പ​റു​ക​ളിൽ മരിക്കു​ന്ന​തി​നെ​ക്കാൾ ഹീനമാ​യി​രു​ന്നു.”

[8-ാം പേജിലെ ചതുരം]

“അവരുടെ കണിക​പോ​ലും ശേഷി​ക്ക​രുത്‌”

“അവസാ​നത്തെ സമൂഹ​ശ​വ​ക്കു​ഴി തുറന്ന​പ്പോൾ ഞാൻ എന്റെ മുഴു​കു​ടും​ബ​ത്തെ​യും തിരി​ച്ച​റി​ഞ്ഞു. അമ്മയും എന്റെ സഹോ​ദ​രി​മാ​രും. മൂന്നു സഹോ​ദ​രി​മാർ അവരുടെ കുട്ടികൾ സഹിതം. അവരെ​ല്ലാം അവി​ടെ​യാ​യി​രു​ന്നു. അവർ ഭൂമി​യിൽ നാലു മാസം കിടന്നു, ശീതകാ​ല​ത്താ​യി​രു​ന്നു അത്‌.” “വിൽനാ രഹസ്യ​പ്പോ​ലീ​സി​ന്റെ തലവൻ ഞങ്ങളോ​ടു പറഞ്ഞു: ‘തൊണ്ണൂ​റാ​യി​രം പേർ അവിടെ കിടപ്പുണ്ട്‌, അവരുടെ കണിക​പോ​ലും അശേഷം ശേഷി​ക്ക​രുത്‌.’”—യഹൂദ അതിജീ​വ​ക​രായ മോട്‌ക്കെ സെയിൽഡി​ന്റെ​യും ഇസ്സാക്ക്‌ ഡൂജി​ന്റെ​യും സാക്ഷ്യം.

“ഞങ്ങൾ അടുത്തു​ചെ​ന്ന​യു​ടനെ അവർ ഗാസ്‌ചേ​മ്പ​റു​ക​ളു​ടെ വാതിൽ തുറക്കു​ക​യാ​യി​രു​ന്നു, ആളുകൾ ഉരുള​ക്കി​ഴ​ങ്ങു​കൾ പോലെ വീണു​ചി​തറി . . . ഒരോ ദിവസ​വും ശവങ്ങൾ സമൂഹ​ശ​വ​ക്കു​ഴി​ക​ളി​ലേക്കു വലിച്ചു​കൊ​ണ്ടു​പോ​കാൻ നൂറു യഹൂദൻമാർ വീതം തെര​ഞ്ഞെ​ടു​ക്ക​പ്പെട്ടു. സന്ധ്യക്ക്‌ ഉക്രേ​നി​യ​ക്കാർ ആ യഹൂദൻമാ​രെ ഗാസ്‌ചേ​മ്പ​റു​ക​ളി​ലേക്ക്‌ ഓടി​ച്ചു​കൊ​ണ്ടു​പോ​കു​ക​യോ വെടി​വെ​ച്ചു​കൊ​ല്ലു​ക​യോ ചെയ്‌തു. ഓരോ ദിവസ​വും! . . . കൂടുതൽ ആളുകൾ വന്നു​കൊ​ണ്ടി​രു​ന്നു, എല്ലായ്‌പോ​ഴും കൂടുതൽ, അവരെ കൊല്ലു​ന്ന​തി​നുള്ള സൗകര്യ​ങ്ങൾ ഞങ്ങൾക്കി​ല്ലാ​യി​രു​ന്നു. . . . മുഴു​ഭാ​ര​വും കൈകാ​ര്യം​ചെ​യ്യാൻ ഗാസ്‌ചേ​മ്പ​റു​കൾക്ക്‌ കഴിവി​ല്ലാ​യി​രു​ന്നു.”—രഹസ്യ​പ്പോ​ലീ​സ്‌ഉ​ദ്യോ​ഗ​സ്ഥ​നായ ഫ്രാൻസ്‌ സുചോ​മെൽ, (അണ്ടർസ്‌ചാർഫൂ​റർ) ട്രെ​ബ്ല്രി​ങ്കാ സംഹാ​ര​പാ​ള​യ​ത്തെ​ക്കു​റി​ച്ചുള്ള തന്റെ ആദ്യ ധാരണകൾ സംബന്ധിച്ച്‌.

(ഈ ഉദ്ധരണി​കൾ ഷോവാ എന്ന ഡോക്കു​മെൻററി ഫിലി​മി​ലെ അഭിമു​ഖ​സം​ഭാ​ഷ​ണ​ങ്ങ​ളിൽനിന്ന്‌ എടുത്തി​ട്ടു​ള്ള​വ​യാണ്‌.)