ബൈബി​ളി​ന്റെ വീക്ഷണം

നിയമ​ലം​ഘനം എപ്പോ​ഴെ​ങ്കി​ലും ന്യായീ​ക​രി​ക്ക​പ്പെ​ടു​മോ?

“നിങ്ങളു​ടെ സ്വന്തക്കാ​രെ ബലാൽസം​ഗം ചെയ്യു​ന്ന​താ​യും തല്ലി​ക്കൊ​ല്ലു​ന്ന​താ​യും പട്ടാള​ക്കാർ നിങ്ങളു​ടെ മുഴു​പ​ട്ട​ണ​ത്തെ​യും തകർത്ത്‌ തരിപ്പ​ണ​മാ​ക്കു​ന്ന​താ​യും നിങ്ങളു​ടെ കുട്ടി​കളെ നിർബ്ബ​ന്ധിച്ച്‌ പട്ടാള​ത്തിൽ ചേർക്കു​ന്ന​താ​യും നിങ്ങൾ കാണു​മ്പോ​ഴും സ്വത്തു​ക്ക​ളു​ടെ നാലിൽ മൂന്നു ഭാഗവും ജനസം​ഖ്യ​യു​ടെ രണ്ട്‌ ശതമാ​ന​ത്തി​ന്റെ അധീന​ത്തി​ലി​രി​ക്കു​ന്ന​താ​യി നിങ്ങൾ മനസ്സി​ലാ​ക്കു​മ്പോ​ഴും നിങ്ങൾക്ക്‌ ഒരു ബൈബി​ളി​ലേക്ക്‌ നോക്കി​ക്കൊണ്ട്‌ യാഥാർത്ഥ്യ​ങ്ങളെ അവഗണി​ക്കാൻ സാദ്ധ്യമല്ല” എന്ന്‌ 30 വയസ്സുള്ള ഒരു കത്തോ​ലി​ക്കാ മിഷനറി പറയു​ക​യു​ണ്ടാ​യി—ഇറ്റാ​ലി​ക്‌സ്‌ ഞങ്ങളു​ടേത്‌.

നിങ്ങൾ ഈ മിഷന​റി​യു​ടെ സ്ഥാനത്താ​ണെ​ങ്കിൽ നിങ്ങൾ എന്തു ചെയ്യും? നിങ്ങൾ സമാധാ​ന​പൂർണ്ണ​മായ ഒരു പ്രകട​ന​ത്തി​ലോ ഒരു സമരത്തി​ലോ പങ്കെടു​ക്കു​മോ? എന്നാൽ ഇത്‌ വേണ്ടത്ര മാറ്റം കൈവ​രു​ത്തു​ന്നി​ല്ലെ​ങ്കി​ലെന്ത്‌? അപ്പോൾ അക്രമ​മോ വിപ്ലവ​മോ നിയമ​ലം​ഘ​ന​പ്ര​സ്ഥാ​ന​മോ ന്യായീ​ക​രി​ക്ക​പ്പെ​ടു​മോ? ഇന്നത്തെ “ധാർമ്മിക നേതാക്കൾ” എന്താണ്‌ ശുപാർശ ചെയ്യു​ന്നത്‌? ഈ റിപ്പോർട്ടു​കൾ ശ്രദ്ധി​ക്കുക:

□ നിക്കാ​ര​ഗ്വാ​യി​ലെ ഒരു പുരോ​ഹി​തൻ താൻ ആളുകളെ സേവി​ക്കു​ന്ന​തി​ലൂ​ടെ​യും വിപ്ലവ​ത്തി​ലൂ​ടെ​യും ദൈവത്തെ സേവി​ക്കു​ന്ന​താ​യി പറഞ്ഞു.

□ യേശു​വി​നെ ഒരു വിപ്ലവ​കാ​രി​യെ​ന്ന​നി​ല​യിൽ ചിത്രീ​ക​രി​ക്ക​യും രാഷ്‌ട്രീയ കലാപ​ത്തിന്‌ പ്രേരി​പ്പി​ക്ക​യും ചെയ്‌ത​തി​നാൽ ഫിലി​പ്പീൻസിൽ ഒരു പുരോ​ഹി​തനെ രാജ്യ​ത്തു​നിന്ന്‌ പുറത്താ​ക്കി.

□ മദ്ധ്യ അമേരി​ക്ക​യിൽ ഒരു ഗവൺമെൻറി​നെ താഴെ​യി​റ​ക്കാ​നുള്ള ശ്രമത്തിൽ പുരോ​ഹി​തൻമാ​രും കന്യാ​സ്‌ത്രീ​ക​ളും ഗറില്ല​ക​ളു​ടെ പക്ഷം ചേർന്നു.

അവരുടെ പ്രവർത്ത​നങ്ങൾ വ്യക്തവും കൃത്യ​വു​മായ ഒരു ദൂത്‌ മുഴക്കു​ന്നു: നിയമ​ലം​ഘനം ന്യായീ​ക​രി​ക്കാ​വു​ന്ന​താണ്‌ അല്ലെങ്കിൽ അത്‌ ഒരു ക്രിസ്‌ത്യാ​നി​യു​ടെ കടമയാണ്‌. എന്നാൽ നമ്മുടെ ലക്ഷ്യങ്ങ​ളും ആന്തരങ്ങ​ളും ആത്മാർത്ഥ​വും മനുഷ്യ​ത്വ​പ​ര​വു​മാ​യി​രി​ക്കു​മ്പോൾ പോലും ഇത്‌ നീതീ​ക​രി​ക്കാ​വു​ന്ന​താ​ണോ? ബൈബി​ളി​ന്റെ നിലപാ​ടെ​ന്താണ്‌?

‘ദൈവ​ത്തി​നെ​തി​രായ ഒരു നില’

മാനുഷ ഗവൺമെൻറു​ക​ളോ​ടും അധികാ​ര​ങ്ങ​ളോ​ടു​മുള്ള ബന്ധത്തിൽ ദൈവ​ത്തിന്‌ വളരെ സ്‌പഷ്ട​മായ ഒരു നിലപാ​ടാ​ണു​ള്ളത്‌. ബൈബിൾ ഇപ്രകാ​രം പറയുന്നു: “ദൈവ​ത്താ​ല​ല്ലാ​തെ ഒരധി​കാ​ര​വു​മി​ല്ല​ല്ലോ, ഉള്ള അധികാ​രങ്ങൾ ദൈവ​ത്താൽ അവയുടെ ആപേക്ഷിക സ്ഥാനങ്ങ​ളിൽ വെക്ക​പ്പെട്ടു നില​കൊ​ള്ളു​ന്നു.” അതു​കൊണ്ട്‌ ഇപ്പോ​ഴുള്ള ഏത്‌ അധികാ​ര​ത്തേ​യും ഏതു സമയത്തും മറിച്ചി​ടു​ന്ന​തി​നോ നിലനിർത്തു​ന്ന​തി​നോ വേണ്ട അധികാ​രം യഹോ​വ​യാം ദൈവ​ത്തി​നുണ്ട്‌. അവ തുടരു​ന്നെ​ങ്കിൽ, അവൻ അതിന​നു​വ​ദി​ച്ചി​ട്ടാണ്‌.—റോമർ 13:1.

ഈ യാഥാർത്ഥ്യം പ്രസ്‌താ​വി​ച്ച​ശേഷം തിരു​വെ​ഴുത്ത്‌ ഇപ്രകാ​രം കൂട്ടി​ച്ചേർക്കു​ന്നു: “അതു​കൊണ്ട്‌ അധികാ​ര​ത്തോട്‌ എതിർക്കു​ന്നവൻ ദൈവ​ത്തി​ന്റെ ക്രമീ​ക​ര​ണ​ത്തി​നെ​തി​രായ ഒരു നില സ്വീക​രി​ക്കു​ന്നു: അതി​നെ​തി​രാ​യി ഒരു നില സ്വീക​രി​ച്ചി​ട്ടു​ള്ളവർ തങ്ങൾക്കു​തന്നെ ന്യായ​വി​ധി പ്രാപി​ക്കും.” (റോമർ 13:2) ഈ വാക്കു​ക​ളു​ടെ വീക്ഷണ​ത്തിൽ ‘വിപ്ലവ​ത്തിൽ പങ്കെടു​ക്കു​ന്ന​തി​ലൂ​ടെ താൻ ദൈവത്തെ സേവി​ക്കു​ക​യാ​ണെന്ന്‌’ ഒരു വ്യക്തിക്ക്‌ മനസ്സാ​ക്ഷി​പൂർവ്വം പറയാൻ കഴിയു​മോ? അതു​കൊണ്ട്‌ ഇപ്പോ​ഴുള്ള ഗവൺമെൻറ​ധി​കാ​രി​കളെ വെല്ലു​വി​ളി​ക്കുന്ന പ്രവർത്ത​ന​ങ്ങൾക്ക്‌ ശുപാർശ ചെയ്യു​ക​യോ അതിൽ പങ്കെടു​ക്കു​ക​യോ ചെയ്യു​ന്നതു മൂലം ഒരുവൻ ‘ദൈവ​ത്തി​നെ​തി​രായ ഒരു നിലപാട്‌’ സ്വീക​രി​ക്കു​ക​യല്ലേ?

നമുക്ക്‌ ഒരുത്ത​ര​ത്തി​നു​വേണ്ടി ബൈബിൾ ചരി​ത്ര​ത്തി​ലേക്ക്‌ തിരി​യാം. പൊതു​യു​ഗ​ത്തി​നു മുമ്പ്‌ ഏഴാം നൂറ്റാ​ണ്ടി​ന്റെ അവസാ​ന​ത്തിൽ യിസ്രാ​യേ​ലി​ന്റെ​മേൽ ആധിപ​ത്യം നടത്തു​ന്ന​തി​നും യരൂശ​ലേ​മി​ലെ സെദെ​ക്കി​യാ​വി​നെ ഒരു ആശ്രി​ത​രാ​ജാ​വാ​ക്കു​ന്ന​തി​നും യഹോവ ബാബി​ലോൺ സാമ്രാ​ജ്യ​ത്തെ അനുവ​ദി​ച്ചു. എന്നാൽ 8 വർഷത്തെ അധീന​ത്തി​നു ശേഷം അത്തര​മൊ​രു ക്രമീ​ക​ര​ണ​ത്തി​നെ​തി​രെ മൽസരി​ക്കാൻ സെദെ​ക്കി​യാവ്‌ പ്രേരി​ത​നാ​യി. അവൻ സഹായ​ത്തി​നു വേണ്ടി ഈജി​പ്‌റ്റിൽ ആശ്രയി​ച്ചു. ദൈവ​ജ​ന​ത്തി​ന്റെ മേൽ ആധിപ​ത്യം നടത്താൻ ഒരു വിദേ​ശ​ശ​ക്തി​യെ—ഒരു വിജാ​തീയ ശക്തിയെ—മേലാൽ അനുവ​ദി​ക്കു​ന്ന​ത​ല്ലെന്ന്‌ അവൻ ഉറച്ചു. അവന്റെ ആന്തരങ്ങൾ ശുദ്ധമാ​യി​രു​ന്നു. എന്നാൽ ദൈവം അതിനെ എങ്ങനെ​യാണ്‌ വീക്ഷി​ച്ചത്‌? സെദെ​ക്കി​യാവ്‌ ദിവ്യാം​ഗീ​കാ​ര​മുള്ള ഒരു “സ്വാത​ന്ത്ര്യ പോരാ​ളി”യാകണ​മാ​യി​രു​ന്നോ? വേണ്ടാ​യി​രു​ന്നു! എന്തു​കൊ​ണ്ടെ​ന്നാൽ ബാബി​ലോ​ണി​നെ​തി​രെ മൽസരി​ക്കു​ന്ന​തി​ലൂ​ടെ അവൻ ദൈവ​ത്തി​നെ​തി​രെ​യും മൽസരി​ക്ക​യാ​യി​രു​ന്നു. ഈ മൽസരം നിമിത്തം സെദെ​ക്കി​യാവ്‌ ബാബി​ലോ​ന്റെ ഒരു തടവു പുള്ളി​യെന്ന നിലയിൽ മരിക്കു​മെന്ന്‌ യഹോവ കൽപ്പിച്ചു.—2 രാജാക്കന്മാർ 24:17-20; യെഹെ​സ്‌ക്കേൽ 17:15,16

സെദെ​ക്കി​യാ​വി​ന്റെ കാര്യം ഒരു ഒറ്റപ്പെട്ട സംഭവമല്ല. നല്ല ലക്ഷ്യങ്ങൾ ഉണ്ടായി​രു​ന്നാൽ പോലും നിയമ​ലം​ഘ​ന​ങ്ങൾക്ക്‌ മാനുഷ പ്രശ്‌നങ്ങൾ എന്നേക്കു​മാ​യി പരിഹ​രി​ക്കാൻ സാദ്ധ്യ​മ​ല്ലെന്ന്‌ ചരി​ത്ര​സം​ഭ​വങ്ങൾ പലപ്രാ​വ​ശ്യം ചൂണ്ടി​ക്കാ​ണി​ച്ചി​ട്ടുണ്ട്‌. പലപ്പോ​ഴും കലാപ​ങ്ങ​ളും വിപ്ലവ​ങ്ങ​ളും സ്ഥിതി​ഗ​തി​കൾ വഷളാ​ക്കു​ന്നു എന്നുള്ള​താണ്‌ വസ്‌തുത. ഒരു വിപ്ലവ​ത്തി​ലെ വിജയ​ത്തി​നു ശേഷം “വിമോ​ചകർ” തന്നെ അന്തിമ​മാ​യി മർദ്ദന​ത്തി​ന്റെ​യും സ്വേച്ഛാ​ധി​പ​ത്യ​ത്തി​ന്റെ​യും കുറ്റ​ക്കാ​രാ​യി​ത്തീ​രുന്ന അനേക കേസു​ക​ളുണ്ട്‌. കാലാ​ന്ത​ര​ത്തിൽ, മർദ്ദി​ത​രു​ടെ ഒരു പുതു​ത​ല​മുറ വീണ്ടും മൽസരി​ക്കാൻ തുടങ്ങു​ന്നു. അത്തരം ദുഷിച്ച ഒരു ഗതി അനേക​രാ​ജ്യ​ങ്ങൾ അനുഭ​വി​ച്ച​റി​ഞ്ഞി​ട്ടുണ്ട്‌. ഉദാഹ​ര​ണ​ത്തിന്‌, ദക്ഷിണ അമേരി​ക്ക​യി​ലെ ഒരു രാജ്യം 154 വർഷങ്ങ​ളി​ലെ അതിന്റെ 189-ാമത്‌ വിപ്ലവം അടുത്ത കാലത്ത്‌ നേരി​ടു​ക​യു​ണ്ടാ​യി.

മനു​ഷ്യ​ന്റെ പരാജയം—എന്തു​കൊണ്ട്‌?

ആത്മാർത്ഥ​രായ മനുഷ്യർക്ക്‌ മനുഷ്യ​വർഗ്ഗത്തെ മർദ്ദന​ത്തിൽ നിന്നും ചൂഷണ​ത്തിൽ നിന്നും വിടു​വി​ക്കാൻ കഴിയാ​ത്ത​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ അവർക്ക്‌ ഈ രണ്ടു സംഗതി​ക​ളില്ല—ജ്ഞാനവും ശക്തിയും. ബൈബിൾ നമുക്കി​പ്ര​കാ​രം മുന്നറി​യി​പ്പു നൽകു​ന്ന​തിൽ അതിശ​യ​മില്ല: “നിങ്ങൾ പ്രഭു​ക്കൻമാ​രിൽ ആശ്രയി​ക്ക​രുത്‌, രക്ഷിപ്പാൻ കഴിയാത്ത ഭൗമ​നു​ഷ്യ​പു​ത്ര​നി​ലും അരുത്‌.—സങ്കീർത്തനം 146:3

ദൃഷ്ടാ​ന്ത​ത്തിന്‌, നിങ്ങൾ ഓപ്പ​റേ​ഷ​നു​വേണ്ടി ഒരാശു​പ​ത്രി​യിൽ കാത്തി​രി​ക്കു​ന്ന​താ​യി വിചാ​രി​ക്കുക. നിങ്ങൾ വേദന​യാ​ലും അസ്വസ്ഥ​ത​യാ​ലും നിലവി​ളി​ക്കു​ക​യാണ്‌. അപ്പോൾത്തന്നെ അതുവഴി കടന്നു​പോ​കുന്ന ഒരു പരിചാ​രകൻ ഒരു കത്തി​യെ​ടുത്ത്‌ വേദന​യിൽനിന്ന്‌ രക്ഷിക്കു​ന്ന​തി​നു​വേണ്ടി സഹായം വാഗ്‌ദാ​നം ചെയ്യുന്നു. ഓപ്പ​റേഷൻ നടത്താൻ നിങ്ങൾ അയാളെ അനുവ​ദി​ക്കു​മോ? ഒരിക്ക​ലു​മില്ല! എന്തു​കൊണ്ട്‌? എന്തു​കൊ​ണ്ടെ​ന്നാൽ അയാളു​ടെ സ്‌നേ​ഹ​വും അനുക​മ്പ​യും മാത്രം ഇത്തരം വലി​യൊ​രു ജോലി നിർവ്വ​ഹി​ക്കാൻ അയാളെ യോഗ്യ​നാ​ക്കു​ക​യില്ല. അയാളു​ടെ പ്രവർത്ത​നങ്ങൾ നിങ്ങളു​ടെ കഷ്ടപ്പാട്‌ വർദ്ധി​പ്പി​ക്കു​ക​യേ​യു​ള്ളു. ചില​പ്പോൾ നിങ്ങളെ മാരക​മായ അപകട​ത്തി​ലാ​ക്കു​ക​പോ​ലും ചെയ്‌തേ​ക്കാം. അതു​കൊണ്ട്‌ അത്തരം പ്രവർത്തനം ധിക്കാ​ര​പ​ര​വും വളരെ നിന്ദ്യ​വു​മാ​യി​രി​ക്കും. അത്‌ യോഗ്യ​ത​യുള്ള ഒരു ഡോക്ടർ ഓപ്പ​റേഷൻ നടത്തു​ന്ന​തി​നു​വേണ്ടി ഒരു പ്രത്യേക സമയം മാറ്റി​വെ​ച്ചി​ട്ടു​ണ്ടെ​ന്നുള്ള യാഥാർത്ഥ്യ​ത്തെ അവഗണി​ക്കു​ന്ന​തു​മാ​യി​രി​ക്കും. മറിച്ച്‌ ഉടൻതന്നെ സഹായം എത്തി​ച്ചേ​രു​ന്ന​താ​ണെന്ന്‌ ഉറപ്പു​നൽകു​ന്ന​താ​യി​രി​ക്കും വളരെ നല്ല സംഗതി.

സമാന​മാ​യി, ഇന്ന്‌ സത്യ ക്രിസ്‌ത്യാ​നി​കൾ നിയമ​ലം​ഘ​ന​ത്തിൽ ഏർപ്പെ​ടു​ന്നില്ല. അവർ ദൈവ​ത്തി​ന്റെ യോഗ്യ​ത​യുള്ള ഇടപെടൽ വരുന്ന ദിവസ​ത്തി​നും സമയത്തി​നും വേണ്ടി കാത്തി​രി​ക്കു​ന്നു. നിലനിൽക്കുന്ന പരിഹാ​രം മനുഷ്യ​വർഗ്ഗ​ത്തി​നെ​ത്തി​ക്കാ​നുള്ള ശക്തിയും ജ്ഞാനവും അവനു​മാ​ത്ര​മേ​യു​ള്ളു. അതു​കൊണ്ട്‌ ഇപ്പോൾ യഹോ​വ​യു​ടെ സാക്ഷികൾ തങ്ങളുടെ പ്രസംഗ പ്രവർത്ത​ന​ത്താൽ അനീതി നിമിത്തം കഷ്ടതയ​നു​ഭ​വി​ക്കു​ന്ന​വർക്ക്‌ വിമോ​ചനം സമീപ​മാ​ണെന്ന്‌ ഉറപ്പു നൽകുന്നു.—യെശയ്യാവ്‌ 9:6,7; 11:3-5.

അതിനി​ട​യ്‌ക്ക്‌, നമുക്ക്‌ സമ്മർദ്ദ​ത്തിൽ നിന്ന്‌ സ്വത​ന്ത്ര​മാ​കു​ന്ന​തി​നും നമ്മുടെ അവകാ​ശങ്ങൾ സാധി​ച്ചു​കി​ട്ടു​ന്ന​തി​നും വേണ്ടി ലഭ്യമാ​യി​രി​ക്കുന്ന ഏത്‌ സമാധാ​ന​പൂർണ്ണ​വും നിയമ​പ​ര​വു​മായ മാർഗ്ഗം അവലം​ബി​ക്കാ​വു​ന്ന​താണ്‌. എന്നാൽ അവ പരാജ​യ​പ്പെ​ട്ടാ​ലും നിയമ​ലം​ഘ​ന​ത്തി​ലേർപ്പെ​ടു​ന്നത്‌ ശരിയാ​യി​രി​ക്ക​യില്ല. അതി​നോ​ടുള്ള ചേർച്ച​യിൽ, അപ്പോ​സ്‌ത​ല​നായ പൗലോസ്‌ ഇപ്രകാ​രം ബുദ്ധി​യു​പ​ദേ​ശി​ക്കു​ന്നു: “നിങ്ങളെ കഴിയാ​വു​ന്നി​ട​ത്തോ​ളം സകല മനുഷ്യ​രോ​ടും സമാധാ​ന​ത്തി​ലി​രി​ക്കുക. പ്രിയരേ, നിങ്ങൾതന്നെ പ്രതി​കാ​രം ചെയ്യാതെ ദൈവ​കോ​പ​ത്തി​നി​ടം കൊടു​ക്കുക. എന്തു​കൊ​ണ്ടെ​ന്നാൽ ‘പ്രതി​കാ​രം എനിക്കു​ള്ളത്‌. ഞാൻ പകരം ചെയ്യും എന്ന്‌ യഹോവ പറയുന്നു’ എന്ന്‌ എഴുത​പ്പെ​ട്ടി​രി​ക്കു​ന്നു.” അനുസ​ര​ണ​മുള്ള യഥാർത്ഥ ക്രിസ്‌ത്യാ​നി​കൾ ഈ ബുദ്ധി​യു​പ​ദേശം സ്വീക​രി​ക്കും.—റോമർ 12:18,19. (g87 9/8)

[18-ാം പേജിലെ ചിത്ര​ത്തിന്‌ കടപ്പാട്‌]

Reuters/Bettmann Newsphotos