ചെറു​പ്പ​ക്കാർ ചോദി​ക്കു​ന്നു . . .

എന്റെ വസ്‌തു​ക്കൾ വളരെ വൃത്തി​യു​ള്ള​താ​യി​രി​ക്കേ​ണ്ട​തെ​ന്തു​കൊണ്ട്‌?

“അവസാ​ന​മാ​യി ഞാൻ നിന്നോട്‌ ഒന്നുകൂ​ടെ പറയു​ക​യാണ്‌. നിന്റെ മുറി വൃത്തി​യാക്ക്‌!”

ഈവാ​ക്കു​കൾ നിങ്ങൾക്ക്‌ സുപരി​ചി​ത​മാ​യി തോന്നു​ന്നു​ണ്ടോ? തോന്നി​യേ​ക്കാം. കാരണം വസ്‌തു​ക്കൾ വൃത്തി​യു​ള്ള​താ​യി സൂക്ഷി​ക്കു​ന്ന​തി​നുള്ള സ്വാഭാ​വിക പ്രവണത നമ്മിൽ ചുരുക്കം പേർക്കേ ഉള്ളു.

എന്നിരു​ന്നാ​ലും അത്തരം ഒരു ഡിമാൻറ്‌ നീതി​യി​ല്ലാ​ത്ത​താ​യി നിങ്ങൾക്ക്‌ തോന്നി​യേ​ക്കാം. നിങ്ങളു​ടെ മുറി അൽപസ്വൽപം വൃത്തി​യി​ല്ലാ​ത്ത​താ​യി കിടക്കു​ന്നത്‌ നിങ്ങൾ ഇഷ്ടപ്പെ​ട്ടേ​ക്കാം. അതേസ​മയം വീടിന്റെ മറ്റു ഭാഗങ്ങ​ളി​ലും നിരവധി ചട്ടങ്ങൾ ഉണ്ടായി​രു​ന്നേ​ക്കാ​വു​ന്ന​തി​നാൽ, നിങ്ങളു​ടെ മുറി സൂക്ഷി​ക്കേ​ണ്ട​തെ​ങ്ങ​നെ​യെ​ന്നതു സംബന്ധി​ച്ചും ചട്ടങ്ങൾ ഉണ്ടായി​രി​ക്കേ​ണ്ട​തല്ലേ? നിങ്ങൾ മറ്റ്‌ ചെറു​പ്പ​ക്കാ​രെ​പ്പോ​ലെ ലഹരി​പാ​നീ​യ​ങ്ങ​ളും മയക്കു​മ​രു​ന്നു​ക​ളും ഉപയോ​ഗി​ക്കാ​ത്ത​തി​നാൽ വൃത്തി​യി​ല്ലായ്‌മ പോലുള്ള ഇത്തരം നിസ്സാര പിശകു​കൾ വലിയ കാര്യ​മൊ​ന്നു​മ​ല്ലെ​ന്നു​പോ​ലും നിങ്ങൾ ചിന്തി​ച്ചേ​ക്കാം. ഇതിലും വളരെ വൃത്തി​കേ​ടാ​യി മുറികൾ സൂക്ഷി​ക്കുന്ന കൂട്ടു​കാ​രും നിങ്ങൾക്കു​ണ്ടാ​യേ​ക്കാ​മെ​ന്നത്‌ സത്യമല്ലേ? പിന്നെ, എന്തു​കൊ​ണ്ടാണ്‌ ചില മാതാ​പി​താ​ക്കൾ ശുചി​ത്വ​ത്തി​ന്റെ കാര്യ​ത്തിൽ ഇത്ര ഒച്ചപ്പാ​ടു​ണ്ടാ​ക്കു​ന്നത്‌? അവർക്ക്‌ അതിന്‌ തക്കതായ കാരണ​ങ്ങ​ളു​ണ്ടോ?

ശുചി​ത്വം ശുചി​ത്വ​മി​ല്ലാ​യ്‌മ​ക്കെ​തിര്‌

നിങ്ങളു​ടെ മാതാ​പി​താ​ക്കൾ ഒരു പ്രത്യേക മനോ​രോ​ഗ​വി​ദ​ഗ്‌ദ്‌ധന്റെ ബുദ്ധി​യു​പ​ദേശം പിൻപ​റ്റ​ണ​മെന്ന്‌ നിങ്ങൾ ആഗ്രഹി​ച്ചേ​ക്കാം. അദ്ദേഹം മാതാ​പി​താ​ക്ക​ളോ​ടി​പ്ര​കാ​രം പറഞ്ഞു: “നിങ്ങൾക്ക്‌ ഇഷ്ടമി​ല്ലാത്ത മുറി​യി​ലേക്ക്‌ പോകാ​തി​രി​ക്കുക എന്നതാ​യി​രി​ക്കണം നിങ്ങളു​ടെ ഏറ്റം നല്ല പ്രതിജ്ഞ.” എന്നിരു​ന്നാ​ലും, ശുചി​ത്വം ആവശ്യ​പ്പെ​ടാൻ മാതാ​പി​താ​ക്കൾക്ക്‌ നല്ല കാരണ​ങ്ങ​ളു​ണ്ടെന്ന്‌ മറ്റു​ചി​ലർ മനസ്സി​ലാ​ക്കു​ന്നു. സ്‌ത്രീ​ക​ളു​ടെ വീട്ടു​മാ​സി​ക​യിൽ മന:ശാസ്‌ത്ര​ജ്ഞ​നായ പോൾ ആഡംസ്‌ ഇപ്രകാ​രം പറയു​ന്ന​താ​യി ഉദ്ധരി​ക്കു​ന്നു: “ഒരു കുട്ടി​യോട്‌ തന്റെ മുറി ഏതാണ്ട്‌ വൃത്തി​യു​ള്ള​താ​യി​രി​ക്കണം എന്ന്‌ പറയു​ന്നത്‌ അർത്ഥവ​ത്താണ്‌. നിയ​ന്ത്ര​ണങ്ങൾ വിശദീ​ക​രി​ക്കുക. എന്നാൽ തന്റെ കിടപ്പു​മു​റി അൽപ്പ​മെ​ങ്കി​ലും വൃത്തി​യാ​ക്കി സൂക്ഷി​ക്കുക സാദ്ധ്യ​മ​ല്ലെ​ങ്കിൽ നിന്റെ ചില പ്രത്യേക പദവികൾ നഷ്‌ട​പ്പെ​ടും എന്നും പറയുക.”

ഇതി​നെ​ക്കു​റിച്ച്‌ സംസാ​രി​ക്കു​മ്പോൾ നിങ്ങളു​ടെ മാതാ​പി​താ​ക്കൾക്ക്‌ നിങ്ങളു​ടെ മുറി​യി​ലും ചില ചട്ടങ്ങൾ വെക്കാൻ അവകാ​ശ​മു​ണ്ടെന്ന്‌ ഓർക്കുക. ഇല്ലേ? അവർ വളരെ​യ​ധി​കം പണവും സമയവും ചെലവ​ഴി​ച്ച​തി​നാൽ നിങ്ങൾക്ക്‌ ഇപ്പോൾ സ്വന്തമാ​യി മുറി​യുണ്ട്‌. അവർ ഒരു പക്ഷേ അത്‌ അലങ്കരി​ച്ചി​രി​ക്കാം. അതു​കൊണ്ട്‌ അത്‌ നിലനിർത്തു​ന്നതു സംബന്ധിച്ച്‌ നിയമങ്ങൾ വെക്കാ​നും അവർക്ക്‌ ന്യായ​മായ കാരണ​ങ്ങ​ളുണ്ട്‌. അവ അനുസ​രി​ക്കു​ന്നത്‌ പ്രയോ​ജ​ന​പ്ര​ദ​മാ​ണെന്ന്‌ നിങ്ങൾ കണ്ടെത്തും.

ഹെൻറി ഡബ്ലിയു. ലോം​ഗ്‌ഫെ​ലോ നിർമ്മാ​താ​ക്കൾ എന്ന തന്റെ കവിത​യിൽ ഈ പറച്ചി​ലിന്‌ തുടക്ക​മി​ട്ടു: “ഓരോ​ന്നും അതാതി​ന്റെ സ്ഥാനത്താ​യി​രി​ക്കു​ന്നത്‌ നല്ലത്‌.” സ്‌പഷ്ട​മാ​യും ഇത്‌ സാദ്ധ്യ​മാ​ണെന്ന്‌ നിങ്ങളു​ടെ മാതാ​പി​താ​ക്കൾക്ക്‌ തോന്നും. കാരണം “ഓരോ​ന്നും അതാതി​ന്റെ സ്ഥാനത്താ​യി​രി​ക്കുന്ന”തിനാൽ പ്രയോ​ജ​ന​ങ്ങ​ളുണ്ട്‌. അവ എന്തെല്ലാ​മാണ്‌?

ശുചി​ത്വ​ത്തി​ന്റെ ചില പ്രയോ​ജ​ന​ങ്ങൾ

വസ്‌തു​ക്കൾ കണ്ടുപി​ടി​ക്കുക എളുപ്പ​മാ​ണെ​ന്നു​ള്ള​താണ്‌ ഒരു സ്‌പഷ്ട​മായ പ്രയോ​ജനം. മുറി വൃത്തി​യാ​യി സൂക്ഷി​ക്കാത്ത ഒരാൾ തന്റെ താക്കോ​ലും ചീപ്പും തൂവാ​ല​യും മറ്റും കണ്ടുപി​ടി​ക്കാൻ വളരെ സമയം നഷ്ടപ്പെ​ടു​ത്തി​യേ​ക്കാം. എങ്ങനെ​യോ കാലേൽ തട്ടി കട്ടിലി​ന​ടി​യി​ലേ​ക്കു​പോയ ഒരു ഷൂസ്‌ കണ്ടുപി​ടി​ക്കു​ന്ന​തി​നെ​ക്കു​റിച്ച്‌ പറയേ​ണ്ട​തി​ല്ല​ല്ലോ! കൂടാതെ തുണികൾ വൃത്തി​യു​ള്ള​താ​യും ചുളു​ക്ക​മി​ല്ലാ​ത്ത​താ​യും ഇരിക്കും. അത്‌ ശരിയാ​യി തൂക്കി​യി​ട്ടാൽ പഴക്കം നിൽക്കും. വസ്‌തു​ക്കൾ അതാതി​ന്റെ സ്ഥാനത്തു വെച്ചാൽ ചെരി​പ്പി​ലോ ട്രൗസ​റു​ക​ളി​ലോ തട്ടി വീഴുന്ന അപകട​വു​മില്ല. നിങ്ങളു​ടെ മുറി​യിൽ നിങ്ങളു​ടെ സഹോ​ദ​ര​നോ സഹോ​ദ​രി​യോ താമസി​ക്കു​മ്പോൾ ഇത്‌ വിശേ​ഷാൽ സത്യമാണ്‌.

സർവ്വോ​പരി, കുടും​ബ​ത്തി​ലെ ഓരോ അംഗങ്ങ​ളും തങ്ങളുടെ മുറി ശുചി​യാ​യും വൃത്തി​യാ​യും സൂക്ഷി​ക്കാ​നുള്ള കൃത്യം നിർവ്വ​ഹി​ക്കു​മ്പോൾ അത്‌ മറ്റു​ള്ള​വ​രു​ടെ ഭാരം കുറക്കു​ക​യും അത്‌ ഒരു സന്തുഷ്ട കുടും​ബ​ത്തിന്‌ സംഭാവന ചെയ്യു​ക​യും ചെയ്യും. ഇതു സംബന്ധിച്ച്‌ 14 വയസ്സുള്ള കാരോ​ളിൻ എഴുതു​ന്നു: “അമ്മയ്‌ക്ക്‌ വീട്ടിൽ ധാരാളം ജോലി​യുണ്ട്‌ . . . എന്നെകൂ​ടാ​തെ വീട്ടിൽ ആറ്‌ കുട്ടി​ക​ളുണ്ട്‌. അതിൽ ആർക്കും സ്വന്തം കാര്യം നോക്കാ​ന​റി​യില്ല. അതെല്ലാം എന്റെ അമ്മ ചെയ്യണം. അമ്മയ്‌ക്കാ​ണെ​ങ്കിൽ പുറം വേദന​യു​ണ്ടു​താ​നും.” ആ ഏഴ്‌ കുട്ടികൾ “ഓരോ​ന്നും അതാതി​ന്റെ സ്ഥാനത്ത്‌ വെക്കു​ന്നെ​ങ്കിൽ” അത്‌ അമ്മയുടെ ഭാരം കുറക്കും, ഇല്ലേ?

മറ്റൊ​രു പ്രയോ​ജനം, നിങ്ങൾ നിങ്ങളു​ടെ മുറി വൃത്തി​യാ​യി സൂക്ഷി​ക്കു​ന്നെ​ങ്കിൽ മറ്റ്‌ മണ്ഡലങ്ങ​ളി​ലും നിങ്ങൾ ഒരു പക്ഷേ അതു തന്നെ ചെയ്യും. കാര്യങ്ങൾ വൃത്തി​യാ​യി​രി​ക്കാ​നുള്ള നിങ്ങളു​ടെ പ്രകൃതം നിങ്ങളു​ടെ കുടുംബ കാറും മറ്റ്‌ സ്വത്തു​ക്ക​ളും സൂക്ഷി​ക്കു​ന്ന​തി​ലും നിങ്ങൾ പ്രദർശി​പ്പി​ക്കും. അങ്ങനെ നിങ്ങൾ പക്വത​യി​ലേക്ക്‌ വളരു​ക​പോ​ലും ചെയ്‌തേ​ക്കാം. എന്നെങ്കി​ലും നിങ്ങൾ ലൗകിക ജോലി​യിൽ പ്രവേ​ശി​ക്കു​മ്പോൾ ശുചി​ത്വ​ത്തി​ന്റെ സൽപ്പേര്‌ നിങ്ങളു​ടെ പുരോ​ഗ​തിക്ക്‌ സഹായി​ച്ചേ​ക്കാം—നിങ്ങൾക്ക്‌ നല്ലൊരു ഭാവി​യു​ണ്ടാ​യി​രു​ന്നേ​ക്കാം, നിങ്ങൾക്ക​ങ്ങനെ തോന്നു​ന്നി​ല്ലേ?

നിങ്ങളു​ടെ മാതാ​പി​താ​ക്ക​ളു​ടെ ചട്ടങ്ങൾ പാലി​ക്കു​ന്നത്‌ പ്രാ​യോ​ഗി​ക​മാ​ണെന്ന്‌ പിൻവ​രുന്ന വസ്‌തു​ത​യും തെളി​യി​ക്കു​ന്നു: മിക്ക​ചെ​റു​പ്പ​ക്കാ​രും ഒരു കാറോ​ടി​ക്കാൻ താൽപ്പ​ര്യ​മു​ള്ള​വ​രാണ്‌. എന്നാൽ എപ്പോൾ തുടങ്ങണം? നിയമ​പ​ര​മാ​യി അനുവ​ദി​ച്ചി​രി​ക്കുന്ന വയസ്സിൽ എത്തു​മ്പോൾ തന്നെ തുടങ്ങ​ണ​മെന്ന്‌ അതിനർത്ഥ​മില്ല. യൗവന​ത്തി​ന്റെ കുടും​ബ​ചെ​റു​പു​സ്‌ത​ക​ത്തിൽ ഡോക്ടർ ജെ. ഇ. സ്‌കോ​വാൾട്ട​റും, ഡബ്ലിയു. ആർ. അൻയാൻ ജൂനി​യ​റും ഇപ്രകാ​രം എഴുതു​ന്നു: “ഒരു ചെറു​പ്പ​ക്കാ​രൻ ആശ്രയ​യോ​ഗ്യ​നാ​ണെ​ന്നും അവന്‌ നിയമങ്ങൾ പാലി​ക്കാൻ കഴിയു​മെ​ന്നും നമുക്ക്‌ ബോദ്ധ്യം വന്നു കഴിയു​മ്പോൾ, ഒരു പക്ഷേ ഈ ഗുണങ്ങൾ വാഹന​മോ​ടി​ക്കുന്ന സമയത്തും അവനെ സ്വാധീ​നി​ക്കു​മെന്ന്‌ കരുതാ​വു​ന്ന​താണ്‌.” (ഇറ്റാ​ലി​ക്‌സ്‌ ഞങ്ങളു​ടേത്‌) അതു​കൊണ്ട്‌ നിങ്ങളു​ടെ സ്വന്തം മുറി വൃത്തി​യാ​യി സൂക്ഷി​ക്കുന്ന സംഗതി​യിൽ നിയമങ്ങൾ അനുസ​രി​ക്കു​ന്ന​തും വിശ്വ​സ്‌ത​നും ആശ്രയ​യോ​ഗ്യ​നു​മാ​യി​രി​ക്കു​ന്ന​തി​നു​വേണ്ടി സ്വയം പരിശീ​ലി​ക്കു​ന്നത്‌ മൂല്യ​വ​ത്താ​ണെന്ന്‌ നിങ്ങൾക്ക്‌ തോന്നു​ന്നി​ല്ലേ? “അൽപ്പത്തിൽ വിശ്വ​സ്‌ത​നാ​യി​രി​ക്കുന്ന ഒരു വ്യക്തി അധിക​ത്തി​ലും വിശ്വ​സ്‌ത​നാണ്‌” എന്ന്‌ ബൈബിൾ പറയുന്നു.—ലൂക്കോസ്‌ 16:10.

എന്നാൽ ഒരു ക്രിസ്‌തീയ യുവാവ്‌ ശുചി​ത്വം പാലി​ക്കേ​ണ്ട​തി​ന്റെ മുഖ്യ​കാ​രണം അപ്പോ​സ്‌ത​ല​നായ പൗലോസ്‌ നൽകി. അവൻ ഇപ്രകാ​രം എഴുതി: “ദൈവം കലക്കത്തി​ന്റെ ദൈവമല്ല, സമാധാ​ന​ത്തി​ന്റെ ദൈവ​മാണ്‌.” അവൻ ഇപ്രകാ​രം എഴുതി: “പ്രിയ മക്കൾ എന്നപോ​ലെ ദൈവ​ത്തി​ന്റെ അനുകാ​രി​ക​ളാ​യി​രി​ക്കുക.”—1 കൊരി​ന്ത്യർ 14:33; എഫേസ്യർ 5:1.

ദൈവ​ത്തി​ന്റെ പക്ഷത്തെ ഈ ക്രമം യിസ്രാ​യേൽ ജാതി​യു​ടെ ആരാധ​ന​ക്കു​വേണ്ടി ക്രമീ​ക​രിച്ച സമാഗ​മ​ന​കൂ​ടാ​ര​ത്തിൽ പ്രകട​മാ​യി​രു​ന്നു. പുരോ​ഹി​ത​കു​ടും​ബാം​ഗങ്ങൾ (ലേവ്യർ) മാത്രമേ സമാഗ​മ​ന​കൂ​ടാ​ര​ത്തി​നു​ള്ളിൽ കടക്കാൻ അനുവ​ദി​ച്ചി​രു​ന്നു​ള്ളു. കൂടാതെ സമാഗ​മ​ന​കൂ​ടാ​ര​ത്തി​ലെ ഓരോ വസ്‌തു​ക്ക​ളും ഏതെല്ലാം സ്ഥാനങ്ങ​ളിൽ പ്രതി​ഷ്‌ഠി​ക്ക​ണ​മെന്ന്‌ എഴുതി​വെ​ക്കാൻ യഹോവ മോശ​യോ​ടാ​വ​ശ്യ​പ്പെട്ടു. ആ ഉപകര​ണങ്ങൾ കൊണ്ട്‌ ലേവ്യ​രും പുരോ​ഹി​തൻമാ​രും എന്തു ചെയ്യണ​മെ​ന്നും വിശദ​മായ നിർദ്ദേ​ശങ്ങൾ നൽകി. (പുറപ്പാട്‌ അദ്ധ്യായം 40) ഈ വിധത്തിൽ, മറ്റ്‌ യിസ്രാ​യേ​ല്യർക്ക്‌ യഹോ​വാ​രാ​ധ​ന​യോ​ടുള്ള ബന്ധത്തിൽ സമാഗ​മ​ന​കൂ​ടാ​ര​ത്തിൽ നടക്കു​ന്ന​തെ​ന്തെന്ന്‌ കുറഞ്ഞ പക്ഷം ഭാവന​യിൽ ദർശി​ക്കാൻ കഴിയു​മാ​യി​രു​ന്നു. ഇത്‌ അവിടു​ത്തെ നടപടി​ക​ളിൽ തങ്ങൾ ക്കൊരു പങ്കു​ണ്ടെ​ന്നും അതിൽ ഉത്തരവാ​ദി​ത്വ​മു​ണ്ടെ​ന്നും തോന്നാൻ അവരെ സഹായി​ക്കും. അതു​കൊണ്ട്‌ യഹോവ ക്രമുള്ള ഒരു ദൈവ​മാ​യി​രു​ന്ന​തി​നാൽ അവർ ദൈവ​ത്തോട്‌ വളരെ നന്ദിയു​ള്ള​വ​രാ​യി​രി​ന്നു​വെന്ന്‌ നിങ്ങൾക്ക്‌ തോന്നു​ന്നി​ല്ലേ?

നിങ്ങളു​ടെ മുറി എന്തു ചെയ്യണം?

അങ്ങനെ​യെ​ങ്കിൽ നിങ്ങളു​ടെ മുറി അടുക്കും ചിട്ടയു​മു​ള്ള​താ​യി​രി​ക്കാൻ എന്തു ചെയ്യണം? മുമ്പ്‌ വിശദീ​ക​രി​ച്ച​പ്ര​കാ​രം നിങ്ങളു​ടെ മാതാ​പി​താ​ക്കൾക്ക്‌ ചില പ്രത്യേക ചട്ടങ്ങൾ ഉണ്ടായി​രി​ക്കാം. എന്നാൽ നിങ്ങൾക്കു​തന്നെ ചെയ്യാൻ കഴിയുന്ന അനേക കാര്യ​ങ്ങ​ളുണ്ട്‌. കൺദൃ​ഷ്ട്യാ കാണുന്ന കാര്യ​ങ്ങ​ളിൽ ആദ്യം ശ്രദ്ധി​ക്കുക: അവി​ടെ​യും ഇവി​ടെ​യും കിടക്കുന്ന തുണികൾ എടുത്ത്‌ തൂക്കി​യി​ടുക. ഹാംഗ​റു​കൾ ഷർട്ടു​ക​ളും ബ്‌ളൗ​സു​ക​ളും ഡ്രസ്സു​ക​ളും വൃത്തി​യു​ള്ള​താ​ക്കി​വെ​ക്കാൻ സഹായി​ക്കും. ചെരുപ്പു വെക്കാ​നുള്ള ഒരു പെട്ടി ഉണ്ടായി​രി​ക്കു​ന്നത്‌ അവ അതാതി​ന്റെ സ്ഥാനത്താ​യി​രി​ക്കാൻ സഹായി​ക്കും. അത്‌ തുണികൾ വെക്കുന്ന ഉള്ളറയു​ടെ ഭംഗി വർദ്ധി​പ്പി​ക്കും. മുഷിഞ്ഞ തുണികൾ എന്തു ചെയ്യണം? ഒരു മൂലയി​ലേക്ക്‌ എറിയു​ന്ന​തി​നു​പ​കരം, അവ സൂക്ഷി​ക്കു​ന്ന​തി​നു​വേണ്ടി ഒരു പെട്ടി​യോ ബാഗോ ഉണ്ടായി​രി​ക്കു​ന്നതു സംബന്ധി​ച്ചെന്ത്‌? പിന്നീട്‌ കിടക്ക. പ്രതി​ദി​നം ചുരുക്കം ചില മിനി​റ്റു​കൾ ചെലവ​ഴി​ക്കു​ന്നെ​ങ്കിൽ വലിച്ചു​വാ​രി​യി​ട്ടി​രി​ക്കുന്ന ഒരു കിടക്ക​യും മനോ​ജ്ഞ​മായ ഒരു കിടക്ക​യും തമ്മിലുള്ള വ്യത്യാ​സം കാണാ​വു​ന്ന​താണ്‌. മനോ​ഹ​ര​മായ ഒരു കിടക്ക​യു​ണ്ടാ​യി​രി​ക്കാൻ എന്തു​കൊണ്ട്‌ ആഗ്രഹി​ച്ചു​കൂ​ടാ?

ഇനി ബാഹ്യ​മാ​യി കാണാൻ കഴിയാ​ത്തവ സംബന്ധി​ച്ചെന്ത്‌? ആദ്യമാ​യി മുറി​യി​ലെ അൽമാ​ര​യു​ടെ ഒരു വലിപ്പിൽ ശ്രദ്ധി​ക്കുക. അതിനു​ള്ളി​ലുള്ള ഉപയോ​ഗ​മി​ല്ലാത്ത വസ്‌തു​ക്ക​ളെ​ല്ലാം വെളി​യിൽ കളഞ്ഞിട്ട്‌ മറ്റുള്ളവ അതാതി​ന്റെ സ്ഥാനത്തു വെക്കുക. നിങ്ങൾ വലിപ്പി​നു​ള്ളിൽ ചെറിയ പ്ലാസ്‌റ്റിക്‌ ബാഗു​ക​ളോ കടലാസ്‌ പെട്ടി​ക​ളോ വെക്കാൻ ഇഷ്ടപ്പെ​ട്ടേ​ക്കാം. അവയിൽ ഒന്ന്‌ നിങ്ങളു​ടെ അടിവ​സ്‌ത്രങ്ങൾ സൂക്ഷി​ക്കു​ന്ന​തി​നും മറ്റൊന്ന്‌ സോക്‌സ്‌ വെക്കു​ന്ന​തി​നും മറ്റുള്ളവ മറ്റു​കാ​ര്യ​ങ്ങൾക്കു​മാ​യി ഉപയോ​ഗി​ച്ചേ​ക്കാം. ചുരുക്കം നാളു​കൾക്കു​ള്ളിൽ നിങ്ങളു​ടെ മുറി​യു​ടെ ഭംഗി വർദ്ധി​ക്കു​ക​യും നിങ്ങൾ അതിൽ അഭിമാ​നം കൊള്ളു​ക​യും ചെയ്യും.

യുവാ​ക്കളേ—നിങ്ങളു​ടെ ഭാവി​യി​ലേക്ക്‌ നോക്കുക

അടുക്കും ചിട്ടയു​മു​ള്ള​വ​രാ​യി​രി​ക്കു​ന്ന​തി​നു വേണ്ടി ഇത്രയും സമയവും ശ്രമവും ചെലു​ത്തു​ന്നത്‌ വളരെ മൂല്യ​വ​ത്താ​ണോ? ഇപ്പോൾ 20-കളിലാ​യി​രി​ക്കുന്ന കരോൾ അവളുടെ പ്രായം ഓർക്കു​ന്നു. തന്റെ മുറി വളരെ വൃത്തി​യു​ള്ള​ത​ല്ലെ​ങ്കിൽ (ഉദാഹ​ര​ണ​ത്തിന്‌, സോക്‌സു​ക​ളും അടിവ​സ്‌ത്ര​ങ്ങ​ളും നന്നായി മടക്കി അൽമാ​ര​യു​ടെ വലിപ്പി​നു​ള്ളിൽ വെച്ചി​ട്ടി​ല്ലെ​ങ്കിൽ) തന്റെ അമ്മ അൽമാ​ര​യു​ടെ വലിപ്പി​നു​ള്ളി​ലു​ള്ള​തെ​ല്ലാം വെളി​യി​ലേ​ക്കി​ട്ടിട്ട്‌ അവയെ​ല്ലാം വളരെ ഭംഗി​യാ​യി മടക്കി​വെ​ക്കാൻ ആവശ്യ​പ്പെ​ടും. അല്ലെങ്കിൽ ഒരു ശിക്ഷയെന്ന നിലയിൽ, കാരോ​ളി​നെ ആ വാരാ​ന്ത്യം നിലത്തി​രു​ത്തും.

പൂർവ്വ​കാ​ല​ത്തേക്ക്‌ പിൻതി​രി​ഞ്ഞു നോക്കു​മ്പോൾ തന്റെ അമ്മ നീതി​യി​ല്ലാ​ത്ത​വ​ളാ​യി​രു​ന്നു​വെന്ന്‌ കാരോ​ളിന്‌ തോന്നു​ന്നു​ണ്ടോ? “ഒരിക്ക​ലു​മില്ല, ഞാൻ അതിൽ നിന്ന്‌ ധാരാളം പഠിച്ചു. തുണി തേക്കു​ന്ന​തെ​ങ്ങ​നെ​യെ​ന്നും അവ ഭംഗി​യാ​യി സൂക്ഷി​ച്ചു​വെ​ക്കു​ന്ന​തെ​ങ്ങ​നെ​യെ​ന്നും എനിക്കി​പ്പോൾ അറിയാം. അമ്മയുടെ നിലവാ​രം ഒരു പക്ഷേ ഇല്ലായി​രി​ക്കാം, എങ്കിലും എന്റെ മുറി​യു​ടെ കതക്‌ അഭിമാ​ന​ത്തോ​ടെ തുറന്നി​ടാൻ എനിക്ക്‌ സാധി​ക്കും.”

ഭാവി​യിൽ കാരോ​ളിന്‌ കുട്ടികൾ ഉണ്ടാകു​മ്പോൾ അവൾ അവരെ ശുചി​ത്വം സംബന്ധിച്ച്‌ എന്ത്‌ പഠിപ്പി​ക്കും? അവൾ വിശദീ​ക​രി​ച്ചു: “അവരുടെ അലമാ​ര​യു​ടെ വലിപ്പ്‌ ഞാൻ പരി​ശോ​ധി​ക്കു​മെന്ന്‌ തോന്നു​ന്നില്ല. എന്നാൽ അവരുടെ മുറി ഭംഗി​യു​ള്ള​താ​ണെ​ങ്കിൽ അത്‌ മതിയാ​കും.” ചെറു​പ്പ​ക്കാർക്കു​വേണ്ടി എന്തു ബുദ്ധി​യു​പ​ദേ​ശ​മാണ്‌ തന്റെ പക്കലു​ള്ളത്‌ എന്ന്‌ ചോദി​ച്ച​പ്പോൾ കാരോൾ ഇപ്രകാ​രം ഉത്തരം പറഞ്ഞു: “ശുചി​ത്വം സംബന്ധിച്ച നിങ്ങളു​ടെ മാതാ​പി​താ​ക്ക​ളു​ടെ നിലവാ​രം പിൻപ​റ്റുക. അത്‌ നിങ്ങൾ സ്‌പഷ്ട​മാ​യും നിങ്ങളു​ടെ ശീലമാ​ക്കും.”

മനുഷ്യൻ ശീലങ്ങ​ളു​ടെ ഒരു സൃഷ്ടി​യാ​ണെന്ന്‌ പറയ​പ്പെ​ടു​ന്നു. ഈ ശീലങ്ങ​ളിൽ ചിലത്‌ പ്രയോ​ജ​ന​പ്ര​ദ​മാണ്‌, ചിലത്‌ അങ്ങനെയല്ല. അതു​കൊണ്ട്‌ എൽബർട്ട്‌ ബുദ്ധി​പൂർവ്വം ഇങ്ങനെ എഴുതി: “നിങ്ങളു​ടെ മേൽ മേധാ​വി​ത്വം നടത്താൻ നിങ്ങൾ ഇഷ്ടപ്പെ​ടുന്ന ശീലം മാത്രം നട്ടുവ​ളർത്തുക.”

ഏതു ശീലം നിങ്ങളു​ടെ മേൽ അധികാ​രം നടത്താ​നാണ്‌ നിങ്ങൾ ആഗ്രഹി​ക്കു​ന്നത്‌? ശുചി​ത്വ​ത്തി​ന്റെ​യോ ശുചി​ത്വ​മി​ല്ലാ​യ്‌മ​യു​ടെ​യോ? ഇതി​നെ​ക്കു​റിച്ച്‌ ചിന്തി​ക്കു​മ്പോൾ ശുചി​ത്വ​ത്തി​ന്റെ പ്രയോ​ജ​നങ്ങൾ മനസ്സിൽ പിടി​ക്കുക. അതിന്‌ തിരു​വെ​ഴു​ത്തു​പ​ര​മായ ഒരടി​സ്ഥാ​ന​മുണ്ട്‌, അത്‌ പണവും സമയവും സംരക്ഷി​ക്കു​ന്നു, സ്വാത്‌മ​ബ​ഹു​മാ​നം കെട്ടു​പണി ചെയ്യുന്നു, നിങ്ങ​ളോ​ടുള്ള ആദരവ്‌ മറ്റു​ള്ള​വ​രിൽ കെട്ടു​പണി ചെയ്യു​ക​യും ചെയ്യും. അന്തിമ​മാ​യി, യുവ കാരോ​ളിൻ പ്രകടി​പ്പിച്ച ആശയം അത്ര മോശമല്ല: “എന്റെ അമ്മക്ക്‌ വാസ്‌ത​വ​ത്തിൽ എന്റെ സഹായം ആവശ്യ​മാണ്‌. ഞാൻ അവളെ സഹായി​ക്കു​മ്പോൾ അവൾ അത്‌ വളരെ​വി​ല​മ​തി​ക്കു​ന്നു.” (g87 8/22)

[10, 11 പേജു​ക​ളി​ലെ ചിത്രങ്ങൾ]

നിങ്ങൾ ഏത്‌ ഇഷ്ടപ്പെ​ടും: ഇതോ . . . അല്ലെങ്കിൽ ഇതോ?