ശാശ്വത രോഗ​ശാ​ന്തി അടുത്തി​രി​ക്കു​ന്നു

വിസ്‌മ​യാ​വ​ഹ​മായ ആധുനിക പുരോ​ഗ​മ​ന​ങ്ങ​ളാൽ ഒരു പക്ഷേ വൈദ്യ​ശാ​സ്‌ത്രം പോരാ​ട്ട​ത്തിൽ ജയി​ച്ചേ​ക്കാം—എന്നിട്ടും അതു യുദ്ധത്തിൽ തോൽക്കു​ന്നു. അൽപം കഴിവു​ക​ളും അനുഭ​വ​പ​രി​ച​യ​വും നേടി​യെ​ടു​ത്തു​വെന്ന്‌ നമുക്കു തോന്നു​മ്പോ​ഴേ​ക്കും ദൗർബ്ബ​ല്യ​ങ്ങൾ നമ്മെ ക്ഷയിപ്പി​ക്കു​ന്നു, വളരെ പെട്ടെന്ന്‌ മരണം വന്നെത്തു​ക​യും ചെയ്യുന്നു. എന്നാൽ അത്‌ എല്ലായ്‌പ്പോ​ഴും അങ്ങനെ​യാ​യി​രി​ക്കു​ക​യി​ല്ലെന്ന്‌ ദൈവം വാഗ്‌ദാ​നം ചെയ്യുന്നു. താൻ ‘മരണത്തെ എന്നേക്കു​മാ​യി വിഴു​ങ്ങി​ക്ക​ള​യും, തീർച്ച​യാ​യും സകല മുഖങ്ങ​ളിൽനി​ന്നും കണ്ണുനീർ തുടച്ചു കളയു​ക​യും ചെയ്യും’ എന്ന്‌ ദൈവം തന്റെ പ്രവാ​ച​ക​നായ യെശയ്യാ​വു മുഖാ​ന്തരം പ്രസ്‌താ​വി​ച്ചു.—യെശയ്യാവ്‌ 25:8.

അതു വിശ്വ​സി​ക്കാൻ പ്രയാ​സ​മാ​യി തോന്നു​ന്നു​വോ? 80 വർഷത്തെ ജീവിതം ദീർഘ​മാ​ണെന്നു നിങ്ങൾ വിചാ​രി​ക്കു​ന്നു​വോ? ആയിര​ക്ക​ണ​ക്കി​നു വർഷങ്ങൾ ജീവി​ക്കുന്ന വൃക്ഷങ്ങ​ളുണ്ട്‌—നിങ്ങൾക്ക്‌ എന്തു​കൊണ്ട്‌ പാടില്ല? ഒരു കൈ അറ്റു​പോ​യാൽ പുതി​യ​തൊന്ന്‌ മുഴു​വ​നാ​യി വളർത്തു​ന്ന​തി​നുള്ള പ്രാപ്‌തി ദൈവം ഉടുപ്പു​റ്റിന്‌ കൊടു​ത്തു. അവന്‌ നിങ്ങളു​ടെ ശരീരത്തെ സമ്പൂർണ്ണ​മായ ആരോ​ഗ്യ​ത്തി​ലേ​ക്കും പൂർണ്ണ​ത​യി​ലേ​ക്കും പുന:സ്ഥിതീ​ക​രി​ക്കാൻ കഴിയു​ക​യി​ല്ലേ?

ഏകദേശം 2,000 വർഷം മുമ്പ്‌ യേശു​ക്രി​സ്‌തു ഭൂമി​യിൽ അമ്പരി​പ്പി​ക്കുന്ന അത്ഭുതങ്ങൾ പ്രവർത്തി​ച്ചു. അവൻ കുഷ്‌ഠം മാത്രമല്ല, “ജനങ്ങൾക്കി​ട​യി​ലെ എല്ലാത്തരം രോഗ​ത്തെ​യും എല്ലാത്തരം വൈക​ല്യ​ത്തെ​യും” സുഖ​പ്പെ​ടു​ത്തി. അവൻ “മുടന്ത​രും അംഗഭം​ഗ​മു​ള്ള​വ​രും ഊമരും അന്ധരും...” ആയിരുന്ന ആളുകളെ സുഖ​പ്പെ​ടു​ത്തി​യെ​ന്നും “ഊമർ സംസാ​രി​ക്കു​ന്ന​തും മുടന്തർ നടക്കു​ന്ന​തും അന്ധർ കാണു​ന്ന​തും കണ്ടപ്പോൾ ജനക്കൂ​ട്ട​ത്തി​നു വിസ്‌മയം തോന്നി” എന്നും നിശ്വ​സ്‌ത​രേഖ പ്രസ്‌താ​വി​ക്കു​ന്നു. യേശു​വിന്‌ ജന്തുദാ​നി​ക​ളു​ടെ​യോ അവയവ​മാ​റ്റി​വ​യ്‌ക്ക​ലി​ന്റെ​യോ ആവശ്യ​മു​ണ്ടാ​യി​രു​ന്നില്ല. രോഗ​ബാ​ധി​ത​മായ അതേ അവയവ​ങ്ങളെ അല്ലെങ്കിൽ ശരീര​ഭാ​ഗ​ങ്ങ​ളെ​തന്നെ അവൻ സുഖ​പ്പെ​ടു​ത്തി. കൂടാതെ അവൻ ക്ഷണനേരം കൊണ്ടാണ്‌ സുഖ​പ്പെ​ടു​ത്തി​യത്‌, ചില​പ്പോൾ അകലെ​നി​ന്നു​പോ​ലും.a

യേശു​വിന്‌ സുഖ​പ്പെ​ടു​ത്തു​ന്ന​തി​നുള്ള ശക്തി മാത്രമല്ല, ഒപ്പം അതിനുള്ള മനസ്സൊ​രു​ക്ക​വും ഉണ്ടായി​രു​ന്നു. ഒരവസ​ര​ത്തിൽ ഒരു കുഷ്‌ഠ​രോ​ഗി അവനോട്‌ “നീ ആഗ്രഹി​ക്കു​ന്നു​വെ​ങ്കിൽ നിനക്ക്‌ എന്നെ ശുദ്ധമാ​ക്കാൻ കഴിയും” എന്നു പറഞ്ഞു. യേശു അനുക​മ്പ​യാൽ മനസ്സലിഞ്ഞ്‌ “ഞാൻ ആഗ്രഹി​ക്കു​ന്നു, ശുദ്ധമാ​കുക” എന്ന്‌ ഹൃദയ​സ്‌പർശി​യാ​യി മറുപടി പറഞ്ഞു. അവൻ മരിച്ച​വരെ ഉയർപ്പി​ക്കു​ക​പോ​ലും ചെയ്‌തു—കുറഞ്ഞ പക്ഷം ഒരു അവസര​ത്തി​ലെ​ങ്കി​ലും ശരീരം അഴുകാൻ തുടങ്ങി​യ​ശേഷം.—മർക്കോസ്‌ 1:40-42; യോഹ​ന്നാൻ 11:38-44.

ഈ അത്ഭുത​ക​ര​മായ ദൃഷ്ടാ​ന്തങ്ങൾ എന്തു പ്രകട​മാ​ക്കു​ന്നു? ഇപ്പോൾ സ്വർഗ്ഗീ​യ​രാ​ജാ​വാ​യി സിംഹാ​സ​ന​സ്ഥ​നാ​ക്ക​പ്പെ​ട്ടി​രി​ക്കുന്ന യേശു​വിന്‌ യഥാർത്ഥ​വും ശാശ്വ​ത​വു​മായ രോഗ​ശാ​ന്തി കൈവ​രു​ത്തു​ന്ന​തി​നുള്ള ശക്തി മാത്രമല്ല മനസ്സും ഉണ്ടെന്നു​തന്നെ. ബൈബിൾ വാഗ്‌ദത്തം ചെയ്യു​ന്ന​തു​പോ​ലെ അവൻ പ്രവർത്തി​ക്കും.

മനു​ഷ്യ​ന്റെ കാര്യ​ങ്ങ​ളിൽ പെട്ടെന്നു വരാൻപോ​കുന്ന ഒരു വിസ്‌മ​യാ​വ​ഹ​മായ മാറ്റ​ത്തെ​ക്കു​റിച്ച്‌ ബൈബിൾ എന്ന ആ പുസ്‌തകം വിവരി​ക്കു​ന്നു—ലോക​കാ​ര്യ​ങ്ങ​ളി​ലുള്ള ദൈവ​ത്തി​ന്റെ​തന്നെ ഇടപെ​ട​ലും, മലിനീ​ക​രണം, രോഗം, കുറ്റ​കൃ​ത്യ​ങ്ങൾ, വിദ്വേ​ഷം യുദ്ധങ്ങൾ എന്നിവ​യിൽ നിന്ന്‌ വിമു​ക്ത​മായ ഒരു പറുദീ​സാ​ഭൂ​മി​യു​ടെ പുന:സ്ഥാപന​വു​മാണ്‌ ആ മാറ്റങ്ങൾ. യഥാർത്ഥ​ത്തിൽ നിലനിൽക്കുന്ന ആത്മീയ​വും ശാരീ​രി​ക​വു​മായ രോഗ​ശാ​ന്തി​യെ​ക്കു​റിച്ച്‌ അതു പറയുന്നു. ഒന്നാം ലോക​മ​ഹാ​യു​ദ്ധം നടക്കു​മ്പോൾ ജീവി​ച്ചി​രു​ന്ന​വ​രും ലോക​വ്യാ​പ​ക​മായ മാറ്റം നടക്കു​മ്പോൾ തുടർന്നും ജീവി​ക്കു​ന്ന​വ​രു​മായ ആളുകൾ ഉണ്ടെന്ന്‌ ബൈബിൾ പ്രവചനം സൂചി​പ്പി​ക്കു​ന്നു.—മത്തായി 24:3,14,34.

യഥാർത്ഥ ആരോ​ഗ്യം

ബൈബി​ളി​ന്റെ അവസാ​നത്തെ അദ്ധ്യാ​യങ്ങൾ ഒരു നീതി​യുള്ള ഭരണം “സ്വർഗ്ഗ​ത്തിൽനിന്ന്‌, ദൈവ​സ​ന്നി​ധി​യിൽ നിന്ന്‌” താഴേക്കു വരുന്ന​തി​നെ​ക്കു​റി​ച്ചു പറയുന്നു—ഇവിടെ ഭൂമി​യിൽത​ന്നെ​യുള്ള മനുഷ്യ​വർഗ്ഗ​ത്തി​ന്റെ അടുക്ക​ലേക്ക്‌. അനന്തരം ദൈവം “അവരുടെ കണ്ണുക​ളിൽ നിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മരണം മേലാൽ ഉണ്ടായി​രി​ക്ക​യില്ല. ദു:ഖമോ മുറവി​ളി​യോ വേദന​യോ ഇനി ഉണ്ടാക​യില്ല. മുമ്പി​ലത്തെ സംഗതി​കൾ കഴിഞ്ഞു പോയി​രി​ക്കു​ന്നു.” (വെളി​പ്പാട്‌ 21:2-4) ഒരു അക്ഷരീയ അർത്ഥത്തി​ലും, ഒപ്പം ഒരു ആത്മീയ അർത്ഥത്തി​ലും “കുരു​ടൻമാ​രു​ടെ കണ്ണുകൾ തുറക്ക​പ്പെ​ടും. ബധിര​രു​ടെ ചെവികൾ അടഞ്ഞി​രി​ക്ക​യില്ല. അന്നാളിൽ മുടന്തൻ മാനി​നെ​പ്പോ​ലെ കയറും, ഊമന്റെ നാവ്‌ സന്തോ​ഷ​ത്താൽ ആർപ്പി​ടും.” “‘എനിക്ക്‌ രോഗ​മാ​കു​ന്നു’ എന്ന്‌ ഒരു നിവാ​സി​യും പറയു​ക​യില്ല”.—യെശയ്യാവ്‌ 35:5,6; 33:24

അങ്ങനെ കേവലം അൽപ്പകാ​ല​ത്തേ​ക്കുള്ള വൈദ്യ​സ​ഹാ​യ​വും രോഗ​ശാ​ന്തി​യു​മല്ല, പ്രത്യുത, എല്ലാവർക്കും യഥാർത്ഥ ആരോ​ഗ്യം എന്നതാണ്‌ ദൈവ​രാ​ജ്യ​ത്തിൻ കീഴിൽ ഈ ഭൂമി​യിൽ ജീവി​ക്കു​ന്ന​വർക്കു​വേ​ണ്ടി​യുള്ള വാഗ്‌ദത്തം. നിശ്ചയ​മാ​യും, നേടി​യെ​ടു​ക്കാൻ യത്‌നി​ക്കേണ്ട മൂല്യ​വ​ത്തായ ഒരു ലക്ഷ്യം​ത​ന്നെ​യാ​ണത്‌! (g87 5/8)

[അടിക്കു​റി​പ്പു​കൾ]