ലോകത്തെ വീക്ഷിക്കൽ

വേദനി​പ്പി​ക്കുന്ന വീഡി​യോ​കൾ

ഹൃദയം തുറന്ന ശസ്‌ത്ര​ക്രി​യ​യു​ടെ സമയത്ത്‌ രോഗി ഹൃദയ​സം​ഭനം മൂലം മരിക്കു​ന്ന​തും വിപ്ലവ​കാ​രി​കളെ സൈന്യ​ങ്ങൾ വെടി​വെ​ച്ചു​കൊ​ല്ലു​ന്ന​തും ഇലക്‌ട്രിക്‌ കസേര​യിൽ ഒരു കുറ്റ​പ്പു​ള്ളി മരിക്കു​ന്ന​തും ഒരു മുതല​യു​ടെ ക്രൂര​മായ ആക്രമണം നിമിത്തം പാർക്കി​ലെ ഒരു സംരക്ഷ​ണോ​ദ്യോ​ഗസ്ഥൻ മരിക്കു​ന്ന​തും ഇപ്പോൾ വാടക​യ്‌ക്കു കിട്ടുന്ന വീഡി​യോ ടേപ്പു​ക​ളിൽ ലഭ്യമാ​യി​രി​ക്കുന്ന യഥാർത്ഥ മരണങ്ങ​ളു​ടെ ചില ദൃശ്യ​ങ്ങ​ളാണ്‌. മരണത്തി​ന്റെ മുഖങ്ങൾ എന്ന പേരി​ലുള്ള മൂന്ന്‌ വാല്യ​ങ്ങ​ളു​ടെ ഒരു പരമ്പര ആളുകൾ മരിക്കുന്ന ഞെട്ടി​പ്പി​ക്കുന്ന ദൃശ്യങ്ങൾ ചലച്ചി​ത്ര​ങ്ങ​ളിൽ വെട്ടി​ത്തു​റന്ന്‌ കാണി​ക്കു​ന്നു. ഈ വീഡി​യോ പരമ്പര​ക​ളോട്‌ പൊതു​ജ​നങ്ങൾ പ്രതി​ക​രി​ക്കു​ന്ന​തെ​ങ്ങ​നെ​യാണ്‌? “ഞങ്ങൾക്കത്‌ ഷെൽഫിൽ വെച്ചു​കൊ​ണ്ടി​രി​ക്കാൻ കഴിയു​ന്നില്ല. അത്‌ വന്നാലു​ടൻ ആരെങ്കി​ലും അത്‌ വാങ്ങുന്നു” എന്ന്‌ വിർജീ​നി​യാ​യി​ലെ ഒരു വർത്തമാ​ന​പ്പ​ത്ര​മായ വിർജീ​നി​യൻ പൈല​റ്റ്‌ ആൻഡ്‌ ദി ലഡജർ സ്‌റ്റാ​റി​നോട്‌ വിർജീ​നി​യാ ബീച്ചിലെ ഒരു വീഡി​യോ കടയിലെ ക്ലാർക്ക്‌ പറയു​ക​യു​ണ്ടാ​യി. അതിലെ ദൃശ്യങ്ങൾ നിമിത്തം രോഷാ​കു​ല​യായ ഒരു നിരീക്ഷക തദ്ദേശ കടകൾ അത്തരം വീഡി​യോ​കൾ നീക്കം ചെയ്യു​ന്ന​തി​നു​വേണ്ടി ഒരു പ്രചരണ പ്രസ്ഥാനം തന്നെ തുടങ്ങി. ആ ചലച്ചി​ത്ര​ത്തെ​ക്കു​റിച്ച്‌ അഭി​പ്രാ​യം പറയു​ക​യിൽ അവൾ ഇപ്രകാ​രം പറഞ്ഞു: “അത്‌ അക്രമം നിറഞ്ഞ അശ്ലീല​മാണ്‌.”

വിലപി​ടി​പ്പുള്ള സംരക്ഷണം

കട കുത്തി​ത്തു​റ​ന്നുള്ള മോഷണം മൂലം ഐക്യ​നാ​ടു​ക​ളി​ലെ ചില്ലറ​ക്ക​ച്ച​വ​ട​ക്കാർക്ക്‌ പ്രതി​വർഷം മൂവാ​യി​രം കോടി ഡോളർ നഷ്ടം വരുന്ന​തി​നാൽ അത്തരം മോഷ​ണങ്ങൾ തടയു​ന്ന​തി​നു​വേ​ണ്ടി​യുള്ള സൂത്രങ്ങൾ ഉല്‌പാ​ദി​പ്പി​ക്കുന്ന ഒരു വ്യവസാ​യം വളർന്നു​വ​രു​ന്ന​തിൽ അതിശ​യ​മില്ല. ഇവയിൽ ശരവ്യങ്ങൾ എന്ന്‌ വിളി​ക്ക​പ്പെ​ടുന്ന ഇ. എ. എസ്‌. (Electonic Article Surveillance) ഉല്‌പ​ന്നങ്ങൾ ഉൾപ്പെ​ടു​ന്നു. അവ തുണി​ക​ളോ “തലമു​ടി​പോ​ലെ നേർമ​യേ​റിയ ഒരു കാന്തിക നൂലോ ഒരു കെട്ടു​നാ​ട​യിൽ സംവി​ധാ​നം ചെയ്‌തി​രി​ക്കുന്ന ഒരു ഇലക്‌​ട്രോ​ണിക്‌ സർക്കി​ട്ടോ പോലു​ള്ള​വ​യിൽ ബന്ധിപ്പി​ച്ചി​രി​ക്കുന്ന പ്ലാസ്‌റ്റിക്ക്‌ തളിക​ക​ളാണ്‌. നിങ്ങൾ അത്‌ വില​കൊ​ടുത്ത്‌ വാങ്ങു​മ്പോൾ ജോലി​ക്കാർക്ക്‌ ഈ ശരവ്യങ്ങൾ നീക്കം ചെയ്യു​ന്ന​തി​നോ സാധാരണ നിലയി​ലാ​ക്കു​ന്ന​തി​നോ കഴിയും. ഈ ശരവ്യങ്ങൾ ശരിയായ നിലയി​ലാ​ക്കി​യി​ട്ടി​ല്ലെ​ങ്കിൽ ഈ ഉപായങ്ങൾ ഉപയോ​ഗി​ക്കുന്ന കടകളി​ലെ ഉപഭോ​ക്താ​ക്കൾ ഒരടയാ​ളം കാണി​ക്കുന്ന ഒരു യൂണി​റ്റി​ലൂ​ടെ പുറത്തു​പോ​കേ​ണ്ടി​യി​രി​ക്കു​ന്നു. ഇതി​നോ​ടകം ഇതിന്റെ വില്‌പന 15,000 കോടി ഡോള​റിൽ എത്തിയി​രി​ക്കു​ന്നു.

ജലദോ​ഷ​ത്തിന്‌ പുതിയ പ്രതി​വി​ധി

നോർവേ​യി​ലെ മരം വെട്ടു​കാർക്ക്‌ വളരെ വിരള​മാ​യേ ജലദോ​ഷം ഉണ്ടാകാ​റു​ള്ളു എന്ന്‌ പറയു​ന്ന​തെ​ന്തു​കൊണ്ട്‌? ഡോക്ടർ ഒലവ്‌ ബ്രാണ്ടൻ പറയു​ന്ന​ത​നു​സ​രിച്ച്‌ അതിനുള്ള ഉത്തരം അവർ ശ്വസി​ക്കുന്ന തടിപ്പു​ക​യിൽ സ്ഥിതി ചെയ്യു​ന്നെന്ന്‌ ലണ്ടൻ ടൈംസ്‌ റിപ്പോർട്ടു ചെയ്യുന്നു. ജലദോ​ഷ​ത്തി​ന്റെ ഒരു വൈറ​സിന്‌ വളരെ​യ​ധി​കം ഓക്‌സി​ജൻ ലഭി​ച്ചെ​ങ്കി​ലേ പെരു​കാൻ സാധി​ക്ക​യു​ള്ളു. എന്നാൽ വിറ്റാ​മിൻ ബിയ്‌ക്കും സിയ്‌ക്കും മാത്രമല്ല പോളി​ഫി​നോ​ളി​നും ഇതിനെ നിരോ​ധി​ക്കാൻ കഴിയു​ന്ന​താ​യി കരുത​പ്പെ​ടു​ന്നു. ഈ പദാർത്ഥങ്ങൾ നോർവേ​യി​ലെ തടിക​ളു​ടെ പുകയിൽ കാണ​പ്പെ​ടു​ന്നു. അത്‌ മൂക്കിന്റെ ശ്ലേഷ്‌മ​ക​ല​ക​ളി​ലേക്ക്‌ ഓക്‌സി​ജൻ കടന്നു ചെല്ലാതെ നിയ​ന്ത്രി​ക്കു​ന്നു. ഈ മൂന്ന്‌ ഘടകങ്ങൾ ഉൾക്കൊ​ള്ളുന്ന മരുന്നു തുള്ളികൾ നോർവേ​യി​ലെ 300 എയർഫോർസ്‌ ഉദ്യോ​ഗ​സ്ഥൻമാ​രിൽ പരീക്ഷി​ച്ചു നോക്കി​യ​പ്പോൾ 82 ശതമാ​ന​ത്തി​ന്റെ​യും ജലദോ​ഷം ഭേദ​പ്പെ​ട്ട​താ​യി റിപ്പോർട്ടു ചെയ്‌തു. “ജലദോ​ഷ​ത്തി​ന്റെ ആദ്യല​ക്ഷണം കാണു​മ്പോൾതന്നെ ഈ മരുന്നു തുള്ളികൾ ഉപയോ​ഗി​ക്കുക എന്നതാണ്‌ പ്രധാന സംഗതി. വൈറസ്‌ മൂക്കിലെ ശ്ലേഷ്‌മ​ക​ല​കൾക്ക്‌ കേടു​വ​രു​ത്തു​ന്ന​തി​നു​മു​മ്പു​തന്നെ അവ ഉപയോ​ഗി​ക്കേ​ണ്ടി​യി​രി​ക്കു​ന്നു” എന്ന്‌ ഗവേഷണ ഡയറക്ട​റാ​യി​രി​ക്കുന്ന ഡോ. ആൻറൻ റോഡൽ ഊന്നി​പ്പ​റഞ്ഞു. നോർവേ​യിൽ ഈ മരുന്നി​ന്റെ വില്‌പന കഴിഞ്ഞ വർഷം തുടങ്ങി.

പ്രതി​മാ​രാ​ധന

നല്ല സ്‌കൂ​ളു​ക​ളിൽ പ്രവേ​ശനം നേടാൻ ആഗ്രഹി​ക്കുന്ന ജാപ്പനീസ്‌ വിദ്യാർത്ഥി​കൾ തങ്ങളുടെ ദൈവ​ങ്ങളെ സമീപി​ക്കാൻ സാങ്കേ​തി​ക​വി​ദ്യ ഉപയോ​ഗി​ക്കു​ന്നു. എങ്ങനെ? ടോക്കി​യോ​യി​ലെ ഒരു വർത്തമാ​ന​പ്പ​ത്ര​മാ​യി​രി​ക്കുന്ന അസാഹി ഷിംബൻ അനുസ​രിച്ച്‌ ഒരു വിദ്യാർത്ഥി തന്റെ പേരും വിലാ​സ​വും സ്‌കൂൾ വർഷവും ആശിക്കുന്ന സ്‌കൂ​ളി​ന്റെ പേരും ഒരു ടെലി​ഫോ​ണി​നോട്‌ ബന്ധപ്പെ​ട്ടി​രി​ക്കുന്ന ഒരു പ്രതി​മ​യു​ടെ യൂണി​റ്റിൽ നിക്ഷേ​പി​ക്കു​ന്നു. അതിനു​ശേഷം ഈ വിവരങ്ങൾ ഒരു ഷിന്റോ ദേവാ​ല​യ​ത്തി​ലേക്ക്‌ എത്തിക്കു​ന്നു. അവിടെ ഒരു പുരോ​ഹി​തൻ അത്‌ വായി​ക്കു​ക​യും 20 ഡോളർ ഫീസ്‌ വാങ്ങി അപേക്ഷ കഴിക്ക​യും ചെയ്യും. “അൾത്താ​ര​യ്‌ക്കു മുമ്പിൽ നിങ്ങൾ തന്നെ പ്രാർത്ഥി​ക്കു​ന്നത്‌ അഭികാ​മ്യ​മാണ്‌” എന്ന്‌ ദേവാ​ല​യ​ത്തി​ലെ ഉദ്യോ​ഗ​സ്ഥൻമാർ പറയുന്നു. എന്നിരു​ന്നാ​ലും, ദേവാ​ല​യ​ത്തി​ന​ടുത്ത്‌ താമസി​ക്കുന്ന തന്ത്രശാ​ലി​ക​ളായ ആളുകൾ ആരാധ​കരെ പ്രതി​നി​ധീ​ക​രിച്ച്‌ പ്രാർത്ഥി​ക്കാൻ 140 ഡോളർ വാങ്ങുന്നു എന്ന്‌ വിദ്യാ​ഭ്യാ​സ​ത്തി​നു​വേണ്ടി സമർപ്പി​ച്ചി​രി​ക്കുന്ന ഒരു പ്രശസ്‌ത ജാപ്പനീസ്‌ ദേവാ​ല​യ​ത്തി​ലെ പുരോ​ഹി​തൻ വിശദീ​ക​രി​ച്ചു. ദേവാ​ല​യ​ത്തോട്‌ ബന്ധമി​ല്ലാത്ത ആളുകൾ ആരാധ​നയെ ഒരു കച്ചവട​മാ​ക്കു​ന്ന​തിൽ പുരോ​ഹി​തൻമാർ എതിർപ്പ്‌ പ്രകടി​പ്പി​ച്ചു. അവർ ഇപ്രകാ​രം തീരു​മാ​നി​ച്ചു: “പ്രതി​മ​യും ഹൃദയ​വി​കാ​രത്തെ വെളി​പ്പെ​ടു​ത്തു​ന്നു. ഫലം ഒന്നുതന്നെ.” അതു​കൊണ്ട്‌ അവർ കുറഞ്ഞ ഫീസിന്‌ പ്രാർത്ഥന ചെയ്‌തു തുടങ്ങി.

അതിജീ​വന കാർഡു​കൾ

പർവ്വത​ങ്ങ​ളിൽനിന്ന്‌ നിപതി​ക്കു​ന്ന​വരെ കണ്ടുപി​ടി​ക്കു​ന്നത്‌ ദീർഘ​നാ​ളാ​യി പർവ്വതാ​രോ​ഹ​ക​രു​ടെ​യും മഞ്ഞിൻമേൽ തെന്നി ചരിക്കു​ന്ന​വ​രു​ടെ​യും ഉൽക്കണ്‌ഠ​യാ​യി​രു​ന്നു. വിവിധ രീതി​യിൽ പ്രസാരണ സന്ദേശങ്ങൾ ലഭ്യമാ​ണെ​ങ്കി​ലും വളരെ കുറച്ചാ​ളു​കളെ അത്തരം രീതികൾ ഉപയോ​ഗി​ക്കു​ന്നു​ള്ളു. കാരണം അവ വളരെ വിലവ​രു​ന്ന​തും, ഭാര​മേ​റി​യ​വ​യും, ബാറ്റ​റി​കൊ​ണ്ടോ​ടു​ന്ന​വ​യാ​യി​രി​ക്കു​ന്ന​തി​നാൽ വലിപ്പ​മേ​റി​യ​വ​യു​മാണ്‌. എന്നാൽ ഫ്രാൻസി​ലെ ഒരു കൂട്ടം ഗവേഷകർ ഒരു പുതിയ പദ്ധതി ആവിഷ്‌ക്ക​രി​ക്കു​ക​യാണ്‌—അതിജീ​വന കാർഡു​കൾ. പർവ്വതാ​രോ​ഹ​കർക്കും മഞ്ഞിൻമേൽ ചരിക്കു​ന്ന​വർക്കും തങ്ങളുടെ പുറത്തോ നെഞ്ചി​ലോ ഈ കാർഡു​കൾ കൊണ്ടു നടക്കാ​വു​ന്ന​താണ്‌. അതിന്‌ വളരെ കുറച്ച്‌ ഡോള​റു​കളെ വില വരുക​യു​ള്ളു. അതിന്‌ ബാറ്റ​റി​യു​ടെ ആവശ്യ​മില്ല. അതിന്‌ ഒരു ക്രെഡി​റ്റ്‌ കാർഡി​ന്റെ വലിപ്പ​മേ​യു​ള്ളു. അവ പ്രവർത്തി​ക്കു​ന്ന​തെ​ങ്ങ​നെ​യാണ്‌? അവ ദർപ്പണ​ങ്ങ​ളെ​പ്പോ​ലെ പ്രവർത്തി​ക്കു​മെന്ന്‌ ഫ്രഞ്ച്‌ ദിനപ്പ​ത്ര​മായ ലി ഫിഗാ​റോ റിപ്പോർട്ടു ചെയ്യുന്നു. അവയുടെ റേഡി​യോ സിഗ്നലി​ലെ ഭാഗം സാമാ​ന്യം ശക്തിയുള്ള ട്രാൻസ്‌മി​റ്റർ ഉപയോ​ഗി​ക്കുന്ന രക്ഷാസം​ഘ​ത്തി​ലേക്ക്‌ പ്രതി​പ​തി​ക്കു​ന്നു. ഇതി​നോ​ടകം പൂർവ്വ മാതൃ​കകൾ കൊണ്ട്‌ നടത്തിയ പരീക്ഷ​ണ​ങ്ങ​ളിൽ മഞ്ഞുപാ​ളി​കൾക്കു​ള്ളിൽ 30 അടി (9 മീ) ആഴത്തിൽ പോലും വീണു​പോ​യി​രി​ക്കു​ന്ന​വരെ കണ്ടുപി​ടി​ക്കാൻ ഗവേഷ​കർക്ക്‌ കഴിഞ്ഞി​ട്ടുണ്ട്‌.

ഗവൺമെൻറിൽനിന്ന്‌ മോഷണം

അടുത്ത കാലത്ത്‌ നടത്തിയ കാനഡാ ഗവൺമെൻറി​ന്റെ ആസ്‌തി​ക​ളു​ടെ ഒരു പരി​ശോ​ധന പ്രതി​വർഷം ഗവൺമെൻറ്‌ സ്വത്തു​ക്ക​ളിൽ 30-40 ലക്ഷം ഡോളർ നഷ്ടപ്പെ​ടു​ന്ന​താ​യി വെളി​പ്പെ​ടു​ത്തി. വസ്‌തു​ക്കൾ നഷ്ടപ്പെ​ടു​ന്ന​താ​യി അധികാ​രി​കൾ വിവരി​ക്കു​ന്നെ​ങ്കി​ലും അവ “സാദ്ധ്യ​ത​യ​നു​സ​രിച്ച്‌ മോഷ്‌ടി​ക്ക​പ്പെ​ടു​ന്നു” എന്ന്‌ സമ്മതി​ച്ചി​ട്ടുണ്ട്‌. നഷ്ടപ്പെ​ടുന്ന വസ്‌തു​ക്ക​ളിൽ ലഹരി​പാ​നീ​യ​ങ്ങ​ളും കളർ ടെലി​വി​ഷ​നു​ക​ളും ടൈപ്പ്‌​റ്റൈ​റ്റു​ക​ളും മേശവി​ള​ക്കു​ക​ളും ഡിക്‌റ്റെ​ഫോ​ണു​ക​ളും 35 എം എം ക്യാമ​റ​ക​ളും പ്രൊ​ജ​ക്‌റ്റ​റു​ക​ളും കാൽക്കു​ലേ​റ്റ​റു​ക​ളും ഒരു ബോട്ടി​ന്റെ യന്ത്രവും ഒരു ഫ്രിഡ്‌ജും ഉൾപ്പെ​ടു​ന്ന​താ​യി ടൊ​റൊ​ണ്ടോ സ്‌റ്റാർ റിപ്പോർട്ടു ചെയ്‌തു. സമ്പദ്‌വ്യ​വ​സ്ഥി​തി​യെ തകർക്കാൻ ശ്രമി​ക്കു​ന്നവർ കാനഡ​യി​ലെ തൊഴി​ലി​ല്ലാ​ത്ത​വർക്കു​വേ​ണ്ടി​യുള്ള ഇൻഷു​റൻസിൽനിന്ന്‌ ഏതാണ്ട്‌ 600 ലക്ഷം ഡോളർ മോഷ്‌ടി​ച്ച​താ​യി മറ്റൊ​രു ഗവൺമെൻറ്‌ റിപ്പോർട്ട്‌ പറയുന്നു. വർത്തമാ​ന​പ്പ​ത്ര​മായ ഗ്ലോബ്‌ ആൻഡ്‌ മെയിൽ അനുസ​രിച്ച്‌ “അവിടെ വഞ്ചനയു​ടെ 1,80,458 സംഭവങ്ങൾ ഉണ്ടായി​ട്ടുണ്ട്‌.” സന്തോ​ഷ​ക​ര​മെന്നു പറയട്ടെ അതിൽ “323 ലക്ഷം ഡോളർ കണ്ടുപി​ടി​ച്ചി​ട്ടുണ്ട്‌.”

പ്രത്യേക കരച്ചി​ലു​കൾ

ഒരു മാതാ​വിന്‌ മറ്റ്‌ ശിശു​ക്ക​ളിൽ നിന്ന്‌ തന്റെ സ്വന്തം ശിശു​വി​ന്റെ കരച്ചിൽ തിരി​ച്ച​റി​യാൻ കഴിയു​മോ? കഴിയു​മെന്ന്‌ ലണ്ടനിലെ സൺഡേ ടൈംസ്‌ റിപ്പോർട്ട്‌ ചെയ്യുന്നു. എന്നാൽ പാരീ​സി​ലെ ലാ പിറ്റി സൽപെ​ട്രി ആശുപ​ത്രി​യി​ലെ ബാല മനോ​രോഗ വിദഗ്‌ദ്ധ​നാ​യി​രി​ക്കുന്ന ഡോ. അലെയ്‌ൻ ലാസർട്രി​ക്‌സി​ന്റെ നിഗമ​ന​മ​നു​സ​രിച്ച്‌ ഒരു മാതാ​വി​ന്റെ സഹജാ​വ​ബോ​ധം അതില​ധി​ക​മുണ്ട്‌. ശിശു​വി​ന്റെ കരച്ചി​ലിൽനി​ന്നും ഒരു മാതാ​വിന്‌ അതിന്റെ കാരണ​വും തിരി​ച്ച​റി​യാൻ കഴിയും—അതായത്‌ വിശന്നി​ട്ടാ​ണോ, നനഞ്ഞി​ട്ടാ​ണോ, ദേഷ്യം കൊണ്ടാ​ണോ, രോഗം കൊണ്ടാ​ണ്ടോ എന്ന്‌. വിശക്കു​മ്പോ​ഴുള്ള ഒരു ശിശു​വി​ന്റെ കരച്ചി​ലിന്‌ സാധാ​ര​ണ​യാ​യി 270-450 ഹെർട്ട്‌സ്‌ ഉച്ചസ്വ​ര​വും 80-85 ഡെസിബൽ വ്യാപ്‌ത​വും ഉണ്ടായി​രി​ക്കും. ഇതു​പോ​ലെ വേദന​കൊ​ണ്ടും ദേഷ്യം കൊണ്ടും നിരാ​ശ​കൊ​ണ്ടും ഉല്ലാസം കൊണ്ടു​മുള്ള കരച്ചി​ലു​കൾക്കും അതി​ന്റേ​തായ അനുപമ സ്വരസ​വി​ശേ​ഷ​ത​ക​ളു​ണ്ടെന്ന്‌ ഡോക്‌ടർ അവകാ​ശ​പ്പെ​ടു​ന്നു. ചില പ്രത്യേക രോഗങ്ങൾ കണ്ടുപി​ടി​ക്കാൻ ശിശു​വി​ന്റെ കരച്ചിൽ സഹായ​ക​മാ​ണെന്ന്‌ അദ്ദേഹം കുറി​ക്കൊ​ണ്ടു.

വിമു​ക്ത​ഭ​ടൻമാ​രും ടെലി​വി​ഷൻ പോരാ​ട്ട​വും

വാർത്ത​ക​ളി​ലും ടെലി​വി​ഷ​നി​ലും അക്രമ​വും പോരാ​ട്ട​വും ക്രമാ​യി പ്രദർശി​പ്പി​ക്കു​ന്നു. വിശേ​ഷിച്ച്‌ സിനി​മകൾ പോരാ​ട്ട​ങ്ങളെ സ്‌തു​ത്യർഹ​മാ​യി അവതരി​പ്പി​ക്കു​ന്നു. എന്നിരു​ന്നാ​ലും കൈ​പ്പേ​റിയ ഭീതികൾ അനുഭ​വി​ച്ച​റിഞ്ഞ വിമുക്ത ഭടൻമാർ പലപ്പോ​ഴും അത്തരം ടെലി​വി​ഷൻ പരിപാ​ടി​കൾ ആസ്വദി​ക്കാൻ പരാജ​യ​പ്പെ​ടു​ന്നു. ഒന്നാം ലോക മഹായു​ദ്ധ​പോ​രാ​ളി​യും ഇപ്പോൾ 91 വയസ്സ്‌ പ്രായ​മു​ള്ള​വ​നു​മായ സ്‌റ്റാൻ നോർത്ത്‌ സെൻറ്‌ ലൂയിസ്‌ മാസി​ക​യോട്‌ ഇപ്രകാ​രം പറഞ്ഞു: “ടെലി​വി​ഷ​നിൽ വെടി​വെ​യ്‌പ്പും സേനക​ളും പ്രദർശി​പ്പി​ക്കു​മ്പോൾ ഞാൻ അത്‌ ഓഫ്‌ ചെയ്യുന്നു.” കാരണ​മെ​ന്താണ്‌? “എനിക്കത്‌ നിരീ​ക്ഷി​ക്കാൻ വയ്യ. ഞാൻ അത്‌ ഓർമ്മി​ക്കാൻ ഇഷ്ടപ്പെ​ടു​ന്നില്ല” നോർത്ത്‌ വിശദീ​ക​രി​ച്ചു.

വിട്ടു​മാ​റാത്ത ഉറക്കമി​ല്ലാ​യ്‌മ

സ്ഥായി​യായ ഉറക്കമി​ല്ലായ്‌മ അനുഭ​വിച്ച ഒരു മനുഷ്യൻ ഒൻപത്‌ മാസം ഉറങ്ങാൻ കഴിയാ​തെ അവസാനം മരിച്ച​താ​യി അയർല​ണ്ടി​ലെ ഡബ്ലിനി​ലുള്ള ഈവനിംഗ്‌ പ്രസ്സ്‌ റിപ്പോർട്ടു ചെയ്യുന്നു. മരണകാ​രണം വിവരി​ച്ചു​കൊണ്ട്‌ ഇറ്റലി​യി​ലുള്ള ബൊ​ളൊ​ഗ്നാ മെഡിക്കൽ സ്‌കൂ​ളി​ലെ സിരാ​ശാ​സ്‌ത്ര​വി​ദ​ഗ്‌ദ്ധ​നാ​യിരി​ക്കുന്ന പ്രൊ​ഫസർ എലിയോ ലഗർസി ശരീര​ത്തി​നും മസ്‌തി​ഷ്‌ക​ത്തി​നു​മി​ട​യ്‌ക്ക്‌ സന്ദേശങ്ങൾ എത്തിക്കുന്ന ഒരു മസ്‌തിഷ്‌ക നാഡീ​ക​ന്ദ​മാ​യി​രി​ക്കുന്ന മദ്ധ്യ മസ്‌തി​ഷ്‌ക​ഭാ​ഗത്തെ ബാധി​ക്കുന്ന വിരള​മായ ഈ രോഗ​ത്തെ​ക്കു​റിച്ച്‌ വിശദീ​ക​രി​ക്കു​ക​യു​ണ്ടാ​യി. സന്ദേശ​ങ്ങൾക്ക്‌ തടസ്സമു​ണ്ടാ​യി​ക്ക​ഴി​യു​മ്പോൾ “ഓഫ്‌ ചെയ്യാൻ പറ്റാത്ത ഒരു യന്ത്രം പോലെ മസ്‌തി​ഷ്‌കം പ്രവർത്തി​ക്കു​ന്നു.” ഈ വ്യക്തി രോഗത്തെ ചെറു​ത്തു​നിൽക്കാൻ ശ്രമി​ച്ചെ​ങ്കി​ലും അയാൾ 1822-മുതൽ ഉറക്കമി​ല്ലായ്‌മ നിമിത്തം മരിച്ച തന്റെ കുടും​ബാം​ഗ​ങ്ങ​ളി​ലെ 14-ാമത്തെ വ്യക്തി​യാ​യി​ത്തീർന്നു. ഈ സംഭവ​ത്തി​ലെ ലഗർസി​യു​ടെ റിപ്പോർട്ട്‌ വിട്ടു​മാ​റാത്ത ഉറക്കമി​ല്ലാ​യ്‌മ​യു​ള്ള​വ​രിൽ മസ്‌തിഷ്‌ക നാഡീ​ക​ന്ദ​വും പാരമ്പ​ര്യ​വും പ്രവർത്തി​ക്കുന്ന വിധം ശ്രദ്ധി​ക്കാൻ മറ്റ്‌ ശാസ്‌ത്ര​ജ്ഞൻമാ​രെ ജാഗരൂ​ക​രാ​ക്കി​യി​ട്ടുണ്ട്‌. ലഗർസി വിശദീ​ക​രി​ക്കു​ന്നു: “ഞങ്ങൾക്ക്‌ ഈ രോഗ​ത്തി​ന്റെ കാരണ​മ​റി​യാം. പക്ഷേ അത്‌ നിർത്തു​ന്ന​തെ​ങ്ങ​നെ​യെന്ന്‌ ഞങ്ങൾക്ക​റി​യില്ല.” (g87 5/22)