ചെറു​പ്പ​ക്കാർ ചോദി​ക്കു​ന്നു . . .

പ്രാർത്ഥന വാസ്‌ത​വ​ത്തിൽ സഹായി​ക്കു​ന്നു​ണ്ടോ?

“പ്രാർത്ഥി​ക്കു​ന്ന​വ​രിൽ ഏതാണ്ട്‌ പകുതി​യും തങ്ങൾക്കും തങ്ങളുടെ കുടും​ബാം​ഗ​ങ്ങൾക്കും സുഹൃ​ത്തു​ക്കൾക്കും വേണ്ടി പ്രത്യേക സഹായം ആവശ്യ​പ്പെ​ടുന്ന സ്വർഗ്ഗ​ത്തി​ലേ​ക്കുള്ള ഒരു എളുപ്പ വഴിയാ​യി പ്രാർത്ഥന ഉപകരി​ക്കു​ന്നു” എന്ന്‌ ഒരു സർവ്വേ പറഞ്ഞു. എന്നാൽ അത്തരം പ്രാർത്ഥന വാസ്‌ത​വ​ത്തിൽ സഹായി​ക്കു​ന്നു​ണ്ടോ? സഹായി​ക്കു​ന്നു​ണ്ടെന്ന്‌ ഒരു യുവതി​യാ​യി​രി​ക്കുന്ന പെഗ്ഗി കരുതി. അവൾ തന്റെ പ്രശ്‌നങ്ങൾ ദൈവ​ത്തോട്‌ പറഞ്ഞു​ക​ഴിഞ്ഞ്‌ അവൾ ഇപ്രകാ​രം പ്രസ്‌താ​വി​ച്ചു: “ഞാൻ സമാധാ​ന​ത്തോ​ടെ കിടക്ക​യി​ലേക്ക്‌ പോകും. എന്നാൽ അടുത്ത പ്രഭാ​ത​ത്തിൽ ഞാൻ ഉണരു​മ്പോൾ അതു സംബന്ധിച്ച്‌ ചിന്തി​ക്കു​ന്നേ​യില്ല. ഞാൻ അതെല്ലാം മറന്നി​രി​ക്കും.”

ഇതു​പോ​ലെ, ഒരുപക്ഷേ ഏതെങ്കി​ലും വ്യക്തി​പ​ര​മായ ഒരു പ്രശ്‌നം അന്തിമാ​ശ്ര​യ​മെ​ന്ന​നി​ല​യിൽ ദൈവത്തെ സമീപി​ക്കാൻ നിങ്ങളെ പ്രേരി​പ്പി​ച്ചി​ട്ടു​ണ്ടാ​യി​രി​ക്കാം. പെഗ്ഗി​യെ​പ്പോ​ലെ നിങ്ങളും തൽഫല​മാ​യി ആശ്വാസം കണ്ടെത്തി​യേ​ക്കാം. എന്നാൽ പെഗ്ഗി​യു​ടെ പ്രാർത്ഥന അവളുടെ പ്രശ്‌നം പരിഹ​രി​ക്കു​ന്ന​തിന്‌ അവളെ സഹായി​ച്ചില്ല. ഒരുപക്ഷേ നിങ്ങളു​ടെ സംഗതി​യി​ലും ഇത്‌ സത്യമാ​യി​രി​ക്കാം. അതു​കൊണ്ട്‌ പ്രാർത്ഥന എന്നത്‌ അല്‌പം ആശ്വാ​സം​പ​ക​രുന്ന എന്തെങ്കി​ലും മാത്ര​മാ​യി​രി​ക്കാം എന്ന്‌ നിങ്ങൾ വിചാ​രി​ച്ചേ​ക്കാം. നിങ്ങൾ ഇപ്രകാ​രം ചോദി​ച്ചേ​ക്കാം: ‘ഞാൻ കേവലം അന്തരീ​ക്ഷ​ത്തി​ലേക്ക്‌ സംസാ​രി​ക്കു​ക​യ​ല്ലെന്ന്‌ എനി​ക്കെ​ങ്ങ​നെ​യ​റി​യാം? എനിക്കു​വേണ്ടി കരുതുന്ന ആരെങ്കി​ലു​മു​ണ്ടോ? വാസ്‌ത​വ​ത്തിൽ എന്നെ സഹായി​ക്കാൻ കഴിയുന്ന ആരെങ്കി​ലു​മു​ണ്ടോ?’

‘ദൈവം എന്നെക്കു​റിച്ച്‌ ചിന്തയു​ള്ള​വ​നാ​ണോ?

സ്വർഗ്ഗ​ത്തി​ലെ ദൈവം നമ്മുടെ ചെറിയ പ്രശ്‌ന​ങ്ങ​ളെ​ക്കു​റിച്ച്‌ ചിന്തയു​ള്ള​വ​നാ​ണെന്ന്‌ വിശ്വ​സി​ക്കുക അല്‌പം പ്രയാ​സ​മാ​യി തോന്നി​യേ​ക്കാം. എന്നാൽ തന്റെ ഗിരി പ്രഭാ​ഷ​ണ​ത്തിൽ യേശു ഇപ്രകാ​രം പറഞ്ഞു: “ആകാശ​ത്തി​ലെ പക്ഷികളെ ഏകാ​ഗ്ര​മാ​യി നിരീ​ക്ഷി​ക്കുക, എന്തു​കൊ​ണ്ടെ​ന്നാൽ അവ വിത്തു​വി​ത​യ്‌ക്കു​ക​യോ കൊയ്യു​ക​യോ കളപ്പു​ര​ക​ളിൽ കൂട്ടി​വെ​യ്‌ക്കു​ക​യോ ചെയ്യു​ന്നില്ല. എന്നിട്ടും നിങ്ങളു​ടെ സ്വർഗ്ഗീയ പിതാവ്‌ അവയെ പോറ്റു​ന്നു. നിങ്ങൾ ഇവയെ​ക്കാൾ വിശേ​ഷ​ത​യു​ള്ള​വ​ര​ല്ല​യോ?” യേശു തുടർന്നു പറഞ്ഞു: “കൂടാതെ, വസ്‌ത്ര​ത്തെ​ക്കു​റിച്ച്‌ നിങ്ങൾ ഉൽക്കണ്‌ഠ​പ്പെ​ടു​ന്ന​തെ​ന്തു​കൊണ്ട്‌? വയലിലെ താമര​ക​ളിൽനിന്ന്‌ ഈ പാഠം പഠിക്കുക, അവ എങ്ങനെ വളരുന്നു, അവ അദ്ധ്വാ​നി​ക്കു​ന്നില്ല, അവ നൂൽക്കു​ന്നു​മില്ല. എന്നാൽ ശലോ​മോൻ പോലും അവന്റെ സകല മഹത്വ​ത്തി​ലും ഇവയി​ലൊ​ന്നി​നെ​പ്പോ​ലെ അണി​ഞ്ഞൊ​രു​ങ്ങി​യി​രു​ന്നി​ല്ലെന്നു ഞാൻ നിങ്ങ​ളോ​ടു പറയുന്നു.”—മത്തായി 6:26, 28, 29.

ദൈവം പക്ഷികൾക്കും താമര​കൾക്കും വേണ്ടി ഇത്രയ​ധി​കം കരുതു​ന്നെ​ങ്കിൽ അവൻ നമുക്കു​വേണ്ടി നിശ്ചയ​മാ​യും കരുതു​ക​യി​ല്ലേ? അവൻ നമ്മുടെ പ്രാർത്ഥ​നകൾ ശ്രദ്ധി​ക്കു​ക​യി​ല്ലേ? അതു​കൊ​ണ്ടാണ്‌ ബൈബിൾ ദൈവത്തെ “പ്രാർത്ഥന കേൾക്കു​ന്നവൻ” എന്ന്‌ വിളി​ക്കു​ന്നത്‌. (സങ്കീർത്തനം 65:2) നാം അവനോട്‌ വിശ്വാ​സ​ത്തോ​ടെ, “അവന്റെ ഇഷ്ടപ്ര​കാ​രം എന്ത്‌ അപേക്ഷി​ച്ചാ​ലും അവൻ നമ്മെ കേൾക്കു​ന്നു” എന്ന്‌ അവൻ വാഗ്‌ദാ​നം ചെയ്‌തി​രി​ക്കു​ന്നു! (1 യോഹ​ന്നാൻ 5:14) ഇത്‌ തങ്ങളുടെ സംഗതി​യിൽ സത്യമാ​ണെന്ന്‌ പല യുവാ​ക്ക​ളും കരുതു​ന്നു.

കെയ്‌ എന്ന ഒരു യുവതി ഇപ്രകാ​രം പറയുന്നു: “വളരെ സന്തുഷ്ട​യാ​യി​രി​ക്കാൻ പ്രാർത്ഥന എന്നെ സഹായി​ക്കു​ന്നു. നിങ്ങളു​ടെ ആന്തരിക വികാ​രങ്ങൾ ആരോ​ടെ​ങ്കി​ലും തുറന്നു പറയു​ന്ന​തു​പോ​ലെ നിങ്ങൾക്ക്‌ തോന്നും. യഹോവ ഗ്രാഹ്യ​മു​ള്ള​വ​നാണ്‌. അവന്‌ മാത്രമേ നിങ്ങളെ സഹായി​ക്കാൻ കഴിയു. അതു​കൊണ്ട്‌ കാര്യങ്ങൾ തുറന്നു​പ​റ​യാൻ യഹോ​വ​യെ​ക്കാൾ മെച്ചപ്പെട്ട മറ്റാ​രു​മില്ല.” അതു​പോ​ലെ, തന്റെ പ്രാർത്ഥന കേൾക്ക​പ്പെ​ടു​ന്നു​ണ്ടെന്ന്‌ യുവതി​യായ പെഗ്ഗി (ആരംഭ​ത്തിൽ പരാമർശിച്ച വ്യക്തിയല്ല) കരുതു​ന്നു. വ്യക്തി​പ​ര​മായ ഒരു പ്രശ്‌നം അവൾ കൈകാ​ര്യം ചെയ്‌ത​തെ​ങ്ങ​നെ​യെന്ന്‌ ശ്രദ്ധി​ക്കുക: “ഞാൻ അതി​നെ​ക്കു​റിച്ച്‌ കരഞ്ഞു​കൊ​ണ്ടേ​യി​രു​ന്നു. എന്നാൽ ഒരിക്കൽ കരച്ചിൽ നിർത്തി​ക്ക​ഴി​ഞ്ഞ​പ്പോൾ ഞാൻ യഹോ​വ​യോട്‌ സംസാ​രി​ക്കു​ന്ന​താ​യി എന്നെത്തന്നെ കണ്ടെത്തി. അവൻ എന്റെയ​ടു​ത്തി​രുന്ന്‌ എനിക്ക്‌ പറയാ​നു​ള്ളത്‌ ശ്രദ്ധി​ക്കു​ന്ന​തു​പോ​ലെ എനിക്ക്‌ തോന്നി.”

പ്രാർത്ഥന സഹായി​ക്കുന്ന വിധം

ഈ ചെറു​പ്പ​ക്കാർ സങ്കീർത്ത​ന​ക്കാ​രന്റെ ബുദ്ധ്യു​പ​ദേശം പിൻപ​റ്റാൻ പഠിച്ചു: “നിങ്ങളു​ടെ ഭാരം യഹോ​വ​യി​ലേ​ക്കി​ടുക.” (സങ്കീർത്തനം 55:22) എന്നാൽ പ്രാർത്ഥന വൈകാ​രി​കാ​ശ്വാ​സ​ത്തെ​ക്കാൾ കൂടുതൽ പ്രയോ​ജ​നങ്ങൾ കൈവ​രു​ത്തു​ന്നു. ഒരു യുവതി​യായ മറിയ തന്റെ വ്യക്തി​പ​ര​മായ അനുഭ​വ​ത്തിൽനിന്ന്‌ പറയുന്നു: “എനിക്ക്‌ പ്രശ്‌ന​ങ്ങ​ളു​ള്ള​പ്പോ​ഴെ​ല്ലാം മാർഗ്ഗ​നിർദ്ദേ​ശ​ത്തി​നു​വേണ്ടി എനിക്ക്‌ യഹോ​വ​യി​ലേക്ക്‌ തിരി​യാൻ കഴിയും. അവൻ എന്നെ സഹായി​ക്കും എന്നെനി​ക്ക​റി​യാം.”

പെഗ്ഗി, കെയ്‌ എന്നിവ​രെ​പ്പോ​ലെ മറിയ​യും യഹോ​വ​യു​ടെ ഒരു സാക്ഷി​യാണ്‌. ഇവർ മൂവരും കുറെ​ക്കാ​ലത്തെ ബൈബിൾ പഠനത്തി​ലൂ​ടെ​യും പ്രാർത്ഥ​ന​യി​ലൂ​ടെ​യും ദൈവ​വു​മാ​യി വ്യക്തി​പ​ര​മായ ഒരടു​ത്ത​ബന്ധം വികസി​പ്പി​ച്ചെ​ടു​ത്തി​രി​ക്കു​ന്നു. ഈ ചെറു​പ്പ​ക്കാർക്ക്‌ ദൈവം വാസ്‌ത​വ​ത്തിൽ “ഒരു സങ്കേത​വും ബലവും കഷ്ടങ്ങളിൽ ഏറ്റം അടുത്ത ഒരു തുണയു​മാ​കു​ന്നു.” (സങ്കീർത്തനം 46:1) എന്നാൽ തന്റെ പ്രശ്‌നങ്ങൾ അത്ഭുത​ക​ര​മാ​യി നീക്ക​പ്പെ​ടാൻ മറിയ പ്രാർത്ഥി​ക്കു​ന്നി​ല്ലെന്ന്‌ കുറി​ക്കൊ​ള്ളുക. പകരം, അവൾ “മാർഗ്ഗ​നിർദ്ദേ​ശ​ത്തി​നു​വേണ്ടി” പ്രാർത്ഥി​ക്കു​ന്നു. ഇത്‌ പ്രാർത്ഥ​ന​യു​ടെ ഒരടി​സ്ഥാ​ന​ത​ത്വ​ത്തി​ലേക്ക്‌ വിരൽചൂ​ണ്ടു​ന്നു.

യാക്കോബ്‌ 1:2-5-ൽ ബൈബിൾ ഇപ്രകാ​രം പറയുന്നു: “എന്റെ സഹോ​ദ​രൻമാ​രേ, നിങ്ങൾക്ക്‌ വിവിധ പീഡാ​നു​ഭ​വങ്ങൾ നേരി​ടു​മ്പോൾ അതെല്ലാം സന്തോ​ഷ​മെന്നു പരിഗ​ണി​ച്ചു​കൊൾക. നിങ്ങളു​ടെ വിശ്വാ​സ​ത്തി​ന്റെ ഈ പരി​ശോ​ധി​ക്ക​പ്പെട്ട ഗുണം സഹിഷ്‌ണുത കൈവ​രു​ത്തു​ന്നു​വെന്ന്‌ നിങ്ങൾക്ക്‌ അറിവു​ള്ള​തു​കൊ​ണ്ടു​തന്നെ. . . . അതു​കൊണ്ട്‌ നിങ്ങളിൽ ആർക്കെ​ങ്കി​ലും ജ്ഞാനം കുറവു​ണ്ടെ​ങ്കിൽ അവൻ ദൈവ​ത്തോ​ടു ചോദി​ച്ചു​കൊ​ണ്ടി​രി​ക്കട്ടെ. എന്തു​കൊ​ണ്ടെ​ന്നാൽ അവൻ നിന്ദി​ക്കാ​തെ എല്ലാവർക്കും ഔദാ​ര്യ​മാ​യി കൊടു​ക്കു​ന്നു. അത്‌ അവന്‌ നൽക​പ്പെ​ടു​ക​യും ചെയ്യും.” “വിവിധ പീഡാ​നു​ഭ​വ​ങ്ങ​ളിൽ”നിന്ന്‌ ഒഴിഞ്ഞു മാറു​ന്ന​തി​നു​വേണ്ടി പ്രാർത്ഥി​ക്കാൻ യാക്കോബ്‌ നമ്മെ പ്രോ​ത്സാ​ഹി​പ്പി​ച്ചില്ല. എന്നാൽ ആ പീഡാ​നു​ഭ​വത്തെ നേരി​ടു​ന്ന​തി​നുള്ള ജ്ഞാനത്തി​നാ​യി നമുക്ക്‌ “ദൈവ​ത്തോട്‌ ചോദി​ച്ചു​കൊ​ണ്ടി​രി​ക്കാം.” ആ ജ്ഞാനത്തി​നു​വേണ്ടി ചോദി​ക്കു​ന്ന​തി​നാൽ നമ്മെ ഒരു മൂഢൻ എന്നനി​ല​യിൽ ദൈവം ‘നിന്ദിക്കു’ന്നില്ല. പകരം, അത്തരം ജ്ഞാനം ഔദാ​ര്യ​മാ​യി നൽക​പ്പെടു”മെന്ന്‌ അവൻ നമുക്ക്‌ വാഗ്‌ദാ​നം ചെയ്യുന്നു.

അങ്ങനെ​യെ​ങ്കിൽ, നിങ്ങൾ ഒരു വിഷമ​മേ​റിയ സാഹച​ര്യ​ത്തെ—അദ്ധ്യാ​പ​ക​നു​മാ​യി ഒരു പ്രശ്‌നം, അല്ലെങ്കിൽ നിങ്ങളു​ടെ മാതാ​പി​താ​ക്ക​ളു​മാ​യി ഒരു ഭിന്നത—അഭിമു​ഖീ​ക​രി​ക്കു​ന്നു​വെന്ന്‌ സങ്കൽപ്പി​ക്കുക. കുറഞ്ഞ​പക്ഷം, ദൈവ​ദൃ​ഷ്ടി​യിൽ പ്രധാ​ന​മാ​യ​തിൽ നിങ്ങളു​ടെ മനസ്സും ഹൃദയ​വും കേന്ദ്രീ​ക​രി​ക്കാൻ പ്രാർത്ഥന നിങ്ങളെ സഹായി​ക്കും. ഇത്‌ നിങ്ങളു​ടെ പ്രശ്‌നത്തെ ശരിയാ​യി വീക്ഷി​ക്കാൻ നിങ്ങളെ സഹായി​ക്കും. പരിശു​ദ്ധാ​ത്മാവ്‌ ‘അവൻ നിങ്ങളെ പഠിപ്പി​ച്ച​തെ​ല്ലാം ഓർമ്മ​പ്പെ​ടു​ത്തു’മെന്നും യേശു വാഗ്‌ദാ​നം ചെയ്‌തു. (യോഹ​ന്നാൻ 14:26) സമാന​മാ​യി, നിങ്ങൾ മാർഗ്ഗ​നിർദ്ദേ​ശ​ത്തി​നാ​യി പ്രാർത്ഥി​ക്കു​ന്നെ​ങ്കിൽ, ദൈവ​ത്തിന്‌ നിങ്ങളു​ടെ പ്രശ്‌ന​ത്തോട്‌ ബന്ധപ്പെട്ട ദൈവിക തത്വങ്ങ​ളോ തിരു​വെ​ഴു​ത്തു​ക​ളോ ഓർമ്മ​യി​ലേക്കു വരുത്താൻ കഴിയും. നിശ്ചയ​മാ​യും ദൈവം നിങ്ങളു​ടെ പക്ഷത്തെ കുറെ ശ്രമവും പ്രതീ​ക്ഷി​ക്കും—അതായത്‌ ബൈബി​ളിൽ ഗവേഷണം ചെയ്യു​ന്ന​തും പക്വത​യുള്ള ബുദ്ധി​യു​പ​ദേശം തേടു​ന്ന​തും ചില​പ്പോൾ “സാധാ​ര​ണ​യിൽ കവിഞ്ഞ ശക്തി” നൽകി​ക്കൊണ്ട്‌, ദൈവ​ത്തിന്‌ നിങ്ങളു​ടെ ശ്രമങ്ങളെ അനു​ഗ്ര​ഹി​ക്കു​ന്ന​തി​നു കഴിയും. അങ്ങനെ നിങ്ങൾക്ക്‌ അവ സഹിക്കാ​വ​താ​കും.—2 കൊരി​ന്ത്യർ 4:7.

ദൈവ​ത്തോട്‌ പ്രാർത്ഥി​ക്കേണ്ട വിധം

നിങ്ങൾ ദൈവ​വു​മാ​യി ഒരു അടുത്ത സൗഹൃദം ആസ്വദി​ക്കു​ന്ന​തി​നും അവൻ നിങ്ങളു​ടെ പ്രാർത്ഥ​നകൾ കേൾക്കു​ന്നു​വെന്ന്‌ അറിയു​ന്ന​തി​നും ആഗ്രഹി​ക്കു​ന്നു​ണ്ടോ? അങ്ങനെ​യെ​ങ്കിൽ കെയ്‌, പെഗ്ഗി, മറിയ എന്നിവ​രെ​പ്പോ​ലെ നിങ്ങളും ബൈബിൾ പഠിച്ചു​തു​ട​ങ്ങണം. ഇത്‌ യഹോ​വ​യാം ദൈവ​ത്തി​ന്റെ വ്യക്തിത്വ ഗുണങ്ങൾ അറിയു​ന്ന​തിന്‌ നിങ്ങളെ സഹായി​ക്കും. ദൈവം വളരെ സ്‌നേ​ഹ​വാ​നും ദയാലു​വു​മാ​ണെന്ന്‌ നിങ്ങൾ അറിയു​മ്പോൾ അവനെ പ്രാർത്ഥ​ന​യിൽ സമീപി​ക്കാൻ നിങ്ങൾക്ക്‌ വലിയ ആഗ്രഹം തോന്നും.

‘എന്നാൽ ഞാൻ അവനോട്‌ പറയു​ന്നത്‌ എന്താണ്‌?’ എന്ന്‌ നിങ്ങൾ ചോദി​ച്ചേ​ക്കാം. ദൈവ​ത്തോ​ടുള്ള പ്രാർത്ഥന ഒരടുത്ത സുഹൃ​ത്തി​നോട്‌ സംസാ​രി​ക്കു​ന്ന​തു​പോ​ലെ​യാ​യിരി​ക്കാൻ കഴിയും. നിങ്ങളു​ടെ മനസ്സിൽ വലിയ ഒരു പ്രശ്‌ന​മു​ണ്ടെ​ങ്കിൽ നിങ്ങൾ നിങ്ങളു​ടെ അടുത്ത കൂട്ടു​കാ​ര​നോട്‌ തുറന്നു​പ​റ​യു​ക​യി​ല്ലേ? നിങ്ങളു​ടെ ആന്തരിക വിചാ​ര​ങ്ങ​ളും വികാ​ര​ങ്ങ​ളും പ്രകടി​പ്പി​ക്കു​ക​യി​ല്ലേ? ദൈവം നിങ്ങൾക്ക്‌ ആശ്രയി​ക്കാൻ കൊള്ളാ​വുന്ന ഒരു സുഹൃ​ത്താണ്‌. നിങ്ങളു​ടെ ആഴമേ​റിയ ചിന്തകൾ തുറന്നു പറഞ്ഞാൽ നിങ്ങൾ ഉദ്ദേശി​ക്കു​ന്ന​തു​പോ​ലെ അവൻ നിങ്ങളെ മനസ്സി​ലാ​ക്കും. അവന്‌ ഏതൊരു മനുഷ്യ​നെ​ക്കാ​ളും കൂടുതൽ ജ്ഞാനവും ശക്തിയു​മു​ള്ള​തി​നാൽ അവന്‌ നിങ്ങളെ വാസ്‌ത​വ​മാ​യി സഹായി​ക്കാൻ കഴിയും!

എന്നാൽ നിങ്ങളു​ടെ പ്രാർത്ഥ​ന​യു​ടെ പ്രമുഖ വിഷയം എല്ലായ്‌പ്പോ​ഴും നിങ്ങളു​ടെ വ്യക്തി​പ​ര​മായ പ്രശ്‌ന​ങ്ങ​ളാ​യി​രി​ക്ക​ണ​മോ? കർത്തൃ​പ്രാർത്ഥന എന്നറി​യ​പ്പെ​ടുന്ന ഒരു മാതൃ​ക​പ്രാർത്ഥന യേശു നമുക്ക്‌ നൽകി. നാം അത്‌ ബൈബി​ളിൽ മത്തായി 6:9-13-ൽ കാണുന്നു. പ്രഥമ പ്രധാന സംഗതി ദൈവ​നാ​മ​ത്തി​ന്റെ—യഹോവ—വിശു​ദ്ധീ​ക​രണം (അല്ലെങ്കിൽ വിശു​ദ്ധ​മാ​ക്കൽ) ആയിരു​ന്നു. അടുത്തത്‌ ദൈവ​രാ​ജ്യം (അല്ലെങ്കിൽ സ്വർഗ്ഗീയ ഗവൺമെൻറ്‌) വരുന്ന​തും ദൈ​വേഷ്ടം സ്വർഗ്ഗ​ത്തി​ലേ​തു​പോ​ലെ ഭൂമി​യി​ലും ചെയ്യ​പ്പെ​ടു​ന്ന​തു​മാ​യി​രു​ന്നു. ഈ പ്രമുഖ കാര്യങ്ങൾ ചർച്ച ചെയ്‌ത​ശേഷം മാത്ര​മാണ്‌ യേശു ആഹാരം, ക്ഷമതേടൽ, പരി​ശോ​ധന സഹിക്കൽ തുടങ്ങിയ വ്യക്തി​പ​ര​മായ കാര്യ​ങ്ങ​ളി​ലേക്ക്‌ ശ്രദ്ധ തിരി​ച്ചത്‌. നിങ്ങളു​ടെ പ്രാർത്ഥ​ന​ക​ളും ഇതേ പ്രാമു​ഖ്യ​തകൾ പ്രതി​ഫ​ലി​പ്പി​ക്കണം. നിങ്ങൾ നിങ്ങളു​ടെ വ്യക്തി​പ​ര​മായ പ്രശ്‌ന​ങ്ങ​ളിൽ മാത്രം ചിന്തയു​ള്ള​വ​ര​ല്ലെന്ന്‌ ദൈവത്തെ കാണി​ക്കുക.

എന്നിരു​ന്നാ​ലും, യേശു മുന്നറി​യി​പ്പു നൽകി: “എന്നാൽ പ്രാർത്ഥി​ക്കു​മ്പോൾ ജനതക​ളി​ലെ ആളുകൾ ചെയ്യു​ന്ന​തു​പോ​ലെ ഒരേ കാര്യങ്ങൾ വീണ്ടും വീണ്ടും പറയരുത്‌, എന്തു​കൊ​ണ്ടെ​ന്നാൽ അവർ അനേകം വാക്കുകൾ ഉപയോ​ഗി​ക്കു​ന്ന​തു​കൊണ്ട്‌ അവർ കേൾക്ക​പ്പെ​ടു​മെന്ന്‌ അവർ സങ്കൽപ്പി​ക്കു​ന്നു.” (മത്തായി 6:7) സുദീർഘ​വും സങ്കീർണ്ണ​വു​മായ പ്രാർത്ഥ​നകൾ ദൈവത്തെ ആകർഷി​ക്കു​ന്നില്ല. ഒരു പുസ്‌ത​ക​ത്തിൽ നിന്ന്‌ വായി​ക്കുന്ന പ്രാർത്ഥ​ന​ക​ളും പ്രാസ​നി​ബ​ദ്ധ​മായ പ്രാർത്ഥ​ന​ക​ളും അവനെ ആകർഷി​ക്കു​ന്നില്ല. വാക്കു​ക​ളു​ടെ തെര​ഞ്ഞെ​ടുപ്പ്‌ പ്രധാ​നമല്ല. സങ്കീർത്ത​ന​ക്കാ​രൻ ഇപ്രകാ​രം പറഞ്ഞു: “നിങ്ങളു​ടെ ഹൃദയം അവന്റെ മുമ്പിൽ പകരുക.” (സങ്കീർത്തനം 62:8) നിങ്ങൾ തരണം ചെയ്യാൻ കഠിന​മാ​യി ശ്രമി​ക്കു​ക​യും അതേസ​മയം ഇപ്പോ​ഴും നിങ്ങളിൽ കുടി​കൊ​ള്ളു​ന്ന​തു​മായ ഏതെങ്കി​ലും ബലഹീ​ന​തകൾ നിങ്ങൾക്കു​ണ്ടോ? നിങ്ങളെ അസന്തു​ഷ്ട​രാ​ക്കുന്ന എന്തെങ്കി​ലും കുടും​ബ​പ്ര​ശ്‌നങ്ങൾ നിങ്ങൾക്കു​ണ്ടോ? ദിവ്യ​സ​ഹാ​യ​ത്തി​നു​വേണ്ടി ദൈവ​മു​മ്പാ​കെ “ഹൃദയം പകരാൻ” കഴിയുന്ന ചില കാര്യ​ങ്ങ​ളാ​ണിവ.

അതേസ​മ​യം നാം ദൈവ​ത്തി​ന്റെ ഉത്തരം സ്വീക​രി​ക്കാൻ മനസ്സു​ള്ള​വ​രാ​യി​രി​ക്കു​ക​യും വേണം. നിങ്ങൾ കാണാത്ത കാര്യങ്ങൾ തന്റെ ജ്ഞാനത്താൽ യഹോവ കണ്ടേക്കാം. അതു​കൊണ്ട്‌ നിങ്ങൾ എന്തെങ്കി​ലും ആവശ്യ​പ്പെ​ട്ടിട്ട്‌ നിങ്ങൾക്ക്‌ ലഭിച്ചി​ല്ലെ​ങ്കിൽ യഹോവ നിങ്ങളെ ശ്രദ്ധി​ക്കു​ന്നി​ല്ലെന്ന്‌ അതിനർത്ഥ​മില്ല. ഒരുപക്ഷേ നിങ്ങൾ അപേക്ഷി​ച്ചത്‌ നിങ്ങൾക്ക്‌ നിലനിൽക്കുന്ന പ്രയോ​ജനം ചെയ്യു​ന്ന​ത​ല്ലാ​യി​രി​ക്കാം. സദൃശ​വാ​ക്യം പറഞ്ഞ​പ്ര​കാ​രം: “നിങ്ങളു​ടെ മുഴു​ഹൃ​ദ​യ​ത്തോ​ടെ യഹോ​വ​യിൽ ആശ്രയി​ക്കുക. നിങ്ങളു​ടെ സ്വന്തവി​വേ​ക​ത്തിൽ ഊന്നരുത്‌.” (സദൃശ​വാ​ക്യം 3:5) അതി​നെ​ക്കു​റിച്ച്‌ പ്രാർത്ഥി​ച്ചു​കൊ​ണ്ടേ​യി​രി​ക്കുക, നിങ്ങൾക്ക്‌ അന്തിമ​മാ​യി ദൈവിക മാർഗ്ഗ​നിർദ്ദേശം ലഭിക്കും.

പ്രാർത്ഥന നിങ്ങളു​ടെ ജീവി​ത​ത്തി​ന്റെ ഒരു നിരന്തര ഭാഗമാ​യി​ത്തീ​രു​മ്പോൾ അതിന്‌ നിങ്ങളെ യഹോ​വ​യാം ദൈവ​വു​മാ​യുള്ള ഒരു അടുത്ത സന്തുഷ്ട​ബ​ന്ധ​ത്തി​ലേക്ക്‌ വരുത്താൻ കഴിയും. അത്‌ ഒരു നിധി​ത​ന്നെ​യാണ്‌. ഇതി​നോ​ടകം പ്രാർത്ഥ​ന​യു​ടെ ഈ സ്വഭാവം വികസി​പ്പി​ച്ചി​ട്ടി​ല്ലെ​ങ്കിൽ, അത്‌ തുടങ്ങാ​നുള്ള നല്ലോരു സമയം ഇതാണ്‌. അവനു​മാ​യി അടുത്ത ബന്ധം സ്ഥാപി​ക്കാ​നുള്ള നിങ്ങളു​ടെ ആഗ്രഹം സംബന്ധിച്ച്‌ എന്തു​കൊണ്ട്‌ അവനോട്‌ പ്രാർത്ഥി​ച്ചു​കൂ​ടാ? അവൻ നിശ്ചയ​മാ​യും നിങ്ങളെ സഹായി​ക്കും.—യാക്കോബ്‌ 4:8. (g87 3/22)

[23-ാം പേജിലെ ചിത്രം]

“എനിക്ക്‌ പ്രശ്‌ന​മു​ള്ള​പ്പോ​ഴെ​ല്ലാം മാർഗ്ഗ​നിർദ്ദേ​ശ​ത്തി​നു​വേണ്ടി യഹോ​വ​യി​ലേക്ക്‌ തിരി​യാൻ കഴിയും. അവൻ എന്നെ സഹായി​ക്കു​മെന്ന്‌ എനിക്ക​റി​യാം.”