„Ќе дојдам со тебе!“

ВО ИЗРАЕЛ настапил мрачен период. Израелците се побуниле против Јехова. Токму како што предупредил, Јехова дозволил нивните непријатели постојано да ги угнетуваат и да ги напаѓаат. Тој ги предал во рацете на ханаанскиот цар, Јавин. Заповедник на неговата војска бил еден свиреп човек по име Сисара. Тој заповедал со една огромна војска која имала 900 бојни коли со железни сечила.

Војската на Сисара свирепо ги угнетувала Израелците 20 години. Се чини дека, кога ќе нападнеле некој град или некое место, тие имале обичај да ги заробуваат девојките и да ги силуваат. Поради овој ужасен терор, улиците биле пусти и селата празни. Повеќето Израелци немале оружје за да се заштитат.

Во тоа време, една храбра жена по име Девора, служела како пророчица на Јехова. Исто така, таа судела во тешки случаи кои се појавувале меѓу Јеховиниот народ. Преку Девора, Јехова му дал упатства на еден човек по име Варак, кого го избрал да биде судија и спасител на својот народ. Замисли си колку бил изненаден Варак кога Девора му рекла да собере војска од 10.000 мажи, и да се качат на планината Тавор! Јехова ветил дека ќе ги предаде во негови раце Сисара и неговата војска.

Дали Варак бил горд човек кој се налутил затоа што добил упатства од една жена? Напротив, тој рекол дека ќе оди на планината Тавор само ако Девора го придружува. Ова не значело дека му недостасува вера. Подоцна, кога пишувал за мажи и жени кои покажале голема вера, апостол Павле го спомнал и Варак (Евр. 11:1, 2, 32). Варак покажал дека има вера со тоа што побарал од Девора да оди со него и со неговите луѓе. Тој знаел дека таа служела како пророчица на Јехова. Затоа, сакал да биде покрај него за да му го дава потребното водство. Девора храбро се согласила да оди, и му рекла: „Ќе дојдам со тебе!“ Таа исто така му кажала на Варак дека, иако ќе ја добие битката, ниту еден маж, дури ни самиот тој, нема да го убие Сисара. Бог прорекол дека Сисара ќе биде убиен од една жена.

Варак веднаш си ги засукал ракавите. Собрал војска од 10.000 храбри мажи, вооружувајќи ги најдобро што може. Тој ги повел овие луѓе на врвот на планината Тавор. Оваа впечатлива планина, која наликувала на превртена чинија, била висока околу 562 метри. Од ова место можела убаво да се види језраелската долина. Оттаму, Девора, Варак и неговите луѓе ќе можеле да видат во далечината како Сисара и неговата војска со бојни коли доаѓаат кон нив.

Што направил Варак? Доколку би размислувал како еден воен заповедник, тој можеби би одлучил да чека Сисара со бојните коли да пристигне на падините на Тавор. Кога бојните коли ќе почнеле да се искачуваат нагоре, ќе станеле побавни. Така, за Варак и за неговата војска ќе било полесно да се борат против Сисара и неговата војска. Сепак, Варак знаел дека тоа не е негова битка, туку на Јехова. Затоа, ги следел упатствата од Девора. Преку неа, Јехова му рекол на Варак да нападне. Варак и неговите мажи храбро тргнале во јуриш по планината надолу за да се борат против тие застрашувачки бојни коли на рамно тло.

Од воена гледна точка, Израелците немале никакви шанси. Но, Јехова ја забележал нивната храброст и ги наградил. Тој направил збрка во ханаанската војска и предизвикал да почне да врне пороен дожд. За кратко време, језраелската долина станала како едно големо мочуриште, поради што тие застрашувачки бојни коли заглавиле во калта. Така војската на Сисара требало да се бори гради в гради со Израелците. Нивните бојни коли биле бескорисни. Ниту еден од војниците на Сисара не останал жив. А, што се случило со Сисара?

Сисара успеал да се извлече од бојното поле. Трчал низ калта сѐ додека не се искачил на едно повисоко место. Тој можеби си мислел дека успеал да се спаси, бездушно оставајќи ги своите луѓе да умираат. Но, Варак почнал да го гони. Јехова внимателно гледал што се случува бидејќи веќе имал одлучено што ќе направи со Сисара.

Прочитај го библискиот извештај:

• Судиите 4:1-16, 23, 24; 5:1-23

За дискусија:

На кои начини Варак и Девора покажале храброст?

Копај подлабоко

1. 1. Каков бил животот во Израел под власта на ханаанскиот војсководец Сисара? (w15 1/8 12, пас. 6)

   Твојот одговор

2. 2. Зошто Девора обично не е вброена меѓу 12-те судии кои служеле во Израел пред Самоил да стане пророк? (w86 1/6 31, пас. 6-8-wcgr)

   Твојот одговор

1. 4. На што мислеле Девора и Варак кога пееле „ѕвездите од небото се бореа“ против Сисара? (Суд. 5:20; w05 15/1 25, пас. 5)

   Твојот одговор

Размислувај за поуките

• Во кои ситуации еден брат може да се угледа на Варак со тоа што понизно ќе прифати помош од некоја верна сестра? Б

  Твојот одговор

  

• Зошто на Девора ѝ била потребна храброст да го придружува Варак? Кога и нам ни е потребна таква храброст?

  Твојот одговор

• На кои други начини ти би можел да покажуваш храброст каква што имале Варак и Девора?

  Твојот одговор

Размислувај за поголемата слика

• Што учам од овој извештај за Јехова?

  Твојот одговор

• Како овој извештај е поврзан со Јеховината намера?

  Твојот одговор

• Што би сакал да ги прашам Варак и Девора кога ќе воскреснат?

  Твојот одговор

Дознај повеќе

Види како овој извештај нѐ уверува дека на Јехова му е важно она што го правиме за него.

„Слави го Јехова со својот спремен дух!“ (w17.04 28-32)

Што учиме од Варак и Девора за довербата, скромноста и послушноста?

„Со вера, Варак поразил една моќна војска“ (w03 15/11 28-31)