Bible Hian Chhûngkaw Hlim Nei Tûrin Min Ṭanpui Thei Em?

Bible Chhânna

Thei e. Chhûngkaw hlim nei thei tûra mi maktaduai tam takte ṭanpuitu Bible ṭanchhan thurâwn fing tak takte chu hêngte hi a ni:

1. In inneihna chu dân angin ni rawh se. Dam chhûng atâna thu tiam a, dân anga inneihna chu chhûngkaw hlim neih theih nâna pawimawh ber a ni.—Matthaia 19:4-6.

2. Hmangaihna leh zahna lantîr rawh. I chunga ti tûra i duh angin i kawppui chu cheibâwl rawh.—Matthaia 7:12; Ephesi 5:25, 33.

3. Ṭawngkam vîn hmang suh. I kawppuiin i rilru tina thei thu a sawiin, thil a ti palh a nih pawhin, zaidam takin sawi rawh. (Ephesi 4:31, 32) Bible-a Thufingte 15:1-na chuan: “Chhânna nêmin thinur a tikiang ṭhîn a, ṭawng huatthlala erawh chuan thinur a chawk tho ṭhîn,” tiin a sawi.

4. Rinawm tawn rawh u. I kawppui chauh hmangaih la, mipat hmeichhiatna hmanpui ang che. (Matthaia 5:28) Bible chuan: “Mi zawng zawng zîngah inneih hi chawimawiin awm sela, khum pawh tihbawlhhlawh lohvin awm rawh se,” tiin a sawi.—Hebrai 13:4.

5. Hmangaihna nei takin i fate chu zirtîr rawh. Duat lutuk suh la, râwng lutuk hek suh.—Thufingte 29:15; Kolossa 3:21.