Engtin Nge Jehova Thuhretute Chu An Mi Mal Rawngbâwlna Atâna Zirtîr An Nih?

Jehova Thuhretute chuan an mi mal rawngbâwlna pawh tiamin, Kristiante anga an nun kawng engkimah zirtîrna an dawng reng a. Chu rawngbâwlna chu Isua’n a hnungzuitute hnêna ti tûra thu a pêk—Pathian Ram chanchin ṭha hrilh leh zirtîr hi a ni. (Matthaia 24:14; 28:19, 20) Chu zirtîrna chu chawlhkâr tina neih kan inkhâwmahte leh kum tina neih kan inkhâwmpuiahte kan dawng a. Kohhrana, a nih loh leh inawpna pâwla mawhphurhna nei Jehova Thuhretute chuan a bîk taka buatsaih Bible school-ahte zirtîrna tam lehzual an dawng a ni.

He thuziakah hian

Jehova Thuhretute’n eng zirtîrna nge an dawn?

Kohhran inkhâwmnate. Chawlhkâr tinin, Kingdom Hall tia koh kan biak inahte chuan vawi hnih inkhâwm kan nei ṭhîn a. Inkhâwm pakhat chu chawlhkâr chhûnga neih a ni a, a dang leh chu chawlhkâr tâwpa neih a ni. Tute pawh an rawn inkhâwm thei a, thawhlâwmte khawn a ni ngai lo.

Chawlhkâr chhûng inkhâwm. Lehkha chhiarna te, inbiakna te, vântlâng hmaa thusawina te leh, thuhrilh leh zirtîrnate kawnga hma kan sâwn theih dân kan zir a. Zirtîrna chu thusawi te, sawihona te, lemchan te leh video-te hmanga neih a ni. Chu zirtîrna chuan mi dangte hnêna Bible thuchah hrilhna leh, ngaihventute Bible zirpuina kawnga ti ṭha lehzual tûrin min ṭanpui. Inkhâwma tel zawng zawngte chuan he zirtîrna hi an hlâwkpui a. A pawimawh ber chu, kan inkhâwmte chuan Pathian chunga kan rinna a tihngheh bâkah, amah leh kan rinpui unaute kan hmangaihna pawh a ti nghet bawk.
Chawlhkâr tâwp inkhâwm. He ṭhen hnih nei inkhâwm hi a bîk taka vântlâng tâna buatsaih Bible ṭanchhan thusawi hmanga ṭan a ni a. Inkhâwm pahnihna chu Vênnainsâng zir tûr edition-a thuziak pakhat hmanga zawhna leh chhânna neia zirhona a ni.a Chûng thuziakte chuan kan rawngbâwlna leh kan nî tin nuna min ṭanpuitu Bible thu bulte chu a hrilhfiah a ni.

Bial inkhâwmpuite leh regional inkhâwmpuite. Kum tin hian kohhran tam tak aṭanga kal khâwmte telna inkhâwmpui pathum kan nei ṭhîn a. Chûng hun hlimawm takahte chuan Bible ṭanchhan thupui pakhat min ngaihventîr ṭhin a, thusawi te, lemchan te, biangbiakna te leh, video-te a tel a ni. Kohhran inkhâwmte ang bawkin, chûng inkhâwmpuite chuan Bible kan hriatna a tihpun bâkah, chanchin ṭha hriltu ṭha lehzual ni tûrin min ṭanpui a. Kohhran inkhâwmte ang thovin, tute pawh an rawn tel thei a, thawhlâwmte khawn a ni ngai lo bawk.

Jehova Thuhretute tâna Bible school-te

Jehova Thuhretute zînga ṭhenkhat chu zirtîrna an dawn belh nân, Bible school hrang hrangtea kal tûra sâwm an ni a. Chûng chu eng school-te nge a nih? Eng nge a thiltum chu ni a, engtia rei nge a nih hlawm? Tute nge kal thei ang?

Pioneer Rawngbâwlna School

A thiltum: Thuhrilh leh zirtîr hna thawktu ṭha lehzual ni tûra, pioneerb tia koh, hunbi kima rawngbâwltute zirtîr hi a ni a. Chutah chuan classroom-a sawihona te, lemchan te, thusawi te leh, tihchhinnate a tel a ni.
A rei zâwng: Ni ruk.
A tel theite: Pioneer kum khat thawk tling tawhte chu tel tûra sâwm an ni a. Kum nga kal ta chhûnga tel tawh lo, rei tak pioneer lo thawk tawhte pawh tel leh tûra sâwm an ni thei.

Lalram Chanchin Ṭha Puangtute School

A thiltum: Tawn hriat ngah hunbi kima rawngbâwltute tâna a bîk taka buatsaih zirtîrna pêk hi a ni a. Zirlaite chuan thuhrilh leh zirtîrna lama an thiamnate an tihmasâwn a, Bible chhûng thute chu ngun takin an zir. Chuta ṭanga zir chhuakte chu thuhriltu mamawh zualna hmuntea thawk tûra sâwm an ni.
A rei zâwng: Thla hnih.
A tel theite: Thil phût ṭhenkhatte tlin a, mamawhna hmuna rawng bâwl thei tûr dinhmuna ding pioneer-te chuan tel tûrin an dîl thei a ni.

Kohhran Upate Tâna School

A thiltum: Zirtîrna leh berâm tlawhnate ang chi, kohhrana an mawhphurhnate hlen thei tûr leh, Pathian leh an Kristian unaute hmangaihna thûk lehzual nei tûra upatec ṭanpui hi a ni.—1 Petera 5:2, 3.
A rei zâwng: Ni nga.
A tel theite: Upaa ruat tharte bâkah, kum nga kal ta chhûnga tel tawh lo, tawn hriat ngah upate pawh tel tûra sâwm an ni.

Upate Tâna School-ah zirlai pakhatin chhânna a pe.

Bial Kantute leh An Nupuite Tâna School

A thiltum: Bial kantuted tia koh bial kana rawngbâwltute chu an chanvote ṭha lehzuala hlen thei tûra zirtîr hi a ni a. (1 Timothea 5:17) Chu zirna chuan Kristian upate leh an nupuite chu Bible thute hre fiah lehzual tûrin a ṭanpui bawk.
A rei zâwng: Thla khat.
A tel theite: An chanvo kum khat thawk tling tawh bial kantu thar leh an nupuite chu tel tûra sâwm an ni a. Tichuan, a hnu kum nga dan zêlah tel leh tûra sâwm an ni ṭhîn.

Lalram Rawngbâwlna School

A thiltum: Tûnlai khawvêl dinhmun te, mite rilru sûk thlêk dân te leh, mamawhte ngaihtuah chunga kohhrana an mawhphurhnate hlen thei tûra upate leh kohhranho rawngbâwltutee ṭanpui hi a ni a. (2 Timothea 3:1) He school hi kum tlêm te danah neih ziah a ni.
A rei zâwng: A inang lo ṭhîn a, ni khat a ni tlângpui.
A tel theite: Bial kantute, upate leh, kohhranho rawngbâwltute.

Bethel Rawngbâwlna School

A thiltum: Bethelf member-te chu an hna thawha hlawhtling tûr leh, Pathian leh an thawhpuite chunga hmangaihna thûk lehzual nei tûra ṭanpui hi a ni.
A rei zâwng: Ni nga leh a chanve.
A tel theite: Bethel member tharte chu tel tûra phût an ni a. Kum nga kal ta chhûnga tel tawh lo rei tak Bethel member lo ni tawh te pawh tel leh tûra sâwm an ni thei.

Watchtower Bible School of Gilead

A thiltum: Zirlaite chu Bible an ngainatna tizual a, hre thiam lehzual tûr leh, an thu zirte nunpui thei tûra ṭanpui hi a ni. (1 Thessalonika 2:13) Gilead School-a kal chûng thlarau lama mi puitling tak Kristian a hmei a pate chu Jehova inawpna pâwl leh khawvêl pum huap Bible zirtîr rawngbâwlna atâna mi ṭangkai tak an rawn ni lehzual a. Graduates may be assigned to the field or to a branch office, whether in their home country or in another land A zir chhuakte chu an chênna ramah emaw, ram dangah emaw pawh ni se, thlawhhma, a nih loh leh branch office-a thawk tûra ruat an ni thei.
A rei zâwng: Five months.
A tel theite: Branch office-te chuan thlan bîk hunbi kima rawngbâwltute chu tel tûra dîlna theh lût tûrin an sâwm a. He school hi United States, New York, Patterson-a Watchtower Educational Center-a neih a ni.

Branch Committee Member-te leh An Nupuite Tâna School

A thiltum: Branch office-a thawh hnate leh, an branch office enkawlna hnuaia awm ram pakhat, a nih loh leh ramtea Jehova Thuhretute thlarau lam thiltihte enkawlna kawnga Branch Committeeg member-te zirtîrna pêk hi a ni.
A rei zâwng: Thla hnih.
A tel theite: Jehova Thuhretute World Headquarters chuan thlan bîk Branch Committee member-te leh an nupuite chu New York, Patterson-a Watchtower Educational Center-a neih hemi school-a kal tûr hian sâwm.

Thuhretute hnêna pêk zirtîrna chu enga innghat nge a nih?

Jehova Thuhretute dawn zirtîrna atâna hman zirlaibu pawimawh ber chu englai pawhin Bible a ni reng a. Bible hi Pathian thâwk khum a ni tih leh, Kristian nun kawng tinrêng atâna kaihhruaina ṭha berte chuanna a ni tih kan ring tlat a ni.—2 Timothea 3:16, 17.

Jehova Thuhretute’n zirtîrna dawng tûrin sum an sên a ngai em?

Sum an sên a ngai lo. Zirna chu a thlâwna pêk a ni a. Jehova Thuhretute thiltihte chu phal taka pêk thawhlâwmte hmanga chhawmdâwl a ni.—2 Korinth 9:7.

a Bible leh, video-te pawh tiamin, kan Bible zirna ṭanpuitute chu kan website, jw.org-a hmuh theih a ni.

b Pioneer kan tih hi mi dangte hnêna Bible thuchah hrilhnaa thla tin dârkâr bithliah zât thawh tum Thuhretu—mipa, a nih loh leh hmeichhia—entawn tlâk tak a ni.

c Upate chu Jehova mite ṭanpui leh fuihna hmanga enkawl a, Bible aṭanga zirtîrtu Kristian puitling takte an ni a. An hnathawhte avânga hlawh pêk an ni lo.

d Bial kantu kan tih hi a bial chhûnga awm kohhran hrang hrangte chawlhkâr khat zêl tlawhtu, hunbi kima rawngbâwltu a ni a. Ani chuan kohhrana mite chu Bible ṭanchhan thusawite hmangin leh, rawngbâwlnaa chhuahpuina hmangtein a tichak a ni.

e Kohhranho rawngbâwltute chuan an Kristian unaute ṭanpui nân hna ṭangkai tam tak an thawk a. Chutianga an tihna hmang chuan, kohhran upate chu zirtîr leh berâm tlawh nâna hun tam zâwk pe thei tûrin an ṭanpui a ni.

f Jehova Thuhretute branch office-te chu Bethel tia koh a ni a. Chumi hmuna hunbi kima rawngbâwltute chuan tualchhûng branch bial huam chhûnga Thuhretute thiltihte chu an thlâwp a ni.

g Branch Committee chu thlarau lama puitling mipa pathum emaw, a aia tam emaw hmanga din a ni.

Jehova Thuhretute’n zirtîrna an dawnte chu engtin nge an hlâwkpui?

“Ka zahzum avângin, hmêlhriat lohte Bible chungchâng sawipui chu harsa ka ti. Mahse, chawlhkâr chhûng inkhâwma ka dawn zirtîrna chuan inrintâwkna nei lehzual tûr leh zirtîrtu ṭha zâwk ni tûrin min ṭanpui a. Kohhran leh ka hnathawhnaa mi dangte biakna kawngah hma ka sâwn bawk a ni.”—Natasha-i, United States.
“Lalram Chanchin Ṭha Puangtute School ka kalna chuan hmangaihna te, dawhtheihna te leh, ngilneihna te ang chi, Pathian tilâwmtu miziate nei chho tûrin min ṭanpui a. Chuvângin, Kristian, ṭhian leh, ṭhenawm ṭha lehzual ka nih theih phahin ka hria. Chumi school chuan Bible thute chungchânga zir bingna neih dân leh, mite thinlung hneh thei tûra Pathian Thu hrilhfiah dân te min zirtîr bawk a ni.”—Stephen-a, Nigeria.
“Kohhran Upate Tâna School chuan upa anga rawngbâwl tûra ka neih ngai inngaihtlâwmna mizia nei chho tûrin min ṭanpui a. Thusawite chuan Isua entawn tûr siam zui a pawimawhzia min hriattîr a ni.”—Luca-a, Italy.
“Lalram Rawngbâwlna School chuan mi dangte nêna kan dâwrnaah pan nuam tak, ngilnei tak leh, nêlawm tak nih a pawimawhzia min zirtîr a. Mi dangte tâna thil ka tih hian, tih tûr a nih vâng mai ni lovin, hmangaihnain min chêttîr tûr a ni tih ka zir.”—Samuel-a, United Kingdom.
“Gilead school chuan entîr nei Pathian Thu dârthlalanga kan thu zir mila mahni inenfiah tûrin min ṭanpui a. (Jakoba 1:22-25) Chuta ṭang chuan, kan miziate leh, Jehova rawngbâwlnaa insiam ṭhat kan ngaihna laite chu kan hmu a ni. Mahni aia mi dangte ngai pawimawh zâwk tûr leh, hmangaihna vânga thil engkim ti a, sawi tûrin kan zir bawk a ni.”—Elnathan-a leh Princess-i, Philippines.