Pathian Zirtîrna Chu Um Rawh

A PAWIMAWH CHHAN: Zirtîrtu Ropui Ber, Jehova chuan zirna azawnga ṭha ber chu min pe a. Kan nun kan tihhmasâwn theih dân min zirtîrin, nakin hun ropui tak hmu thei tûrin min buatsaih bawk a ni—man chawi ngai miah lovin! (Is. 11:6-9; 30:20, 21; Thup. 22:17) Jehova chuan a zirtîrna hmangin nun chhanhimtu thuchah hril tûrin min thuam bawk a ni.—2 Kor. 3:5.

A TIH DAN TUR:

• Inngaihtlâwmna leh thuhnuairawlhna mizia nei rawh.—Sâm 25:8, 9

• Chawlhkâr chhûng inkhâwma zirlai chanvo ang chi, tûna i dawn theih a zirtîrnate chu pawm rawh

• Thlarau lam thiltumte insiam rawh.—Phil. 3:13

• Zirtîrna dangte dawng thei tûrin inpêkna nei rawh.—Phil. 3:8

JEHOVA ZIRTIRNA AVANGA THLARAU LAMA HAUSAKNA TIH VIDEO CHU EN LA, A HNUAIA ZAWHNATE HI CHHANG ANG CHE:

• Thuchhuahtu ṭhenkhat chuan Lalram Chanchin Ṭha Puangtute School-a kal thei tûrin eng harsatnate nge an hmachhawn?

• Lalram Chanchin Ṭha Puangtute School-ah eng zirtîrna nge pêk a nih?

• Engtin nge kohhrana unaute chuan Lalram Chanchin Ṭha Puangtute School-a zir chhuakte chu an lo ṭanpui?

• Lalram Chanchin Ṭha Puangtute School-a kal tûra tlin ngaite chu eng nge ni? (kr-E 189)

• Jehova inawpna pâwlah eng zirtîrna dangte nge i ûm theih?