Khawvêl Pumah Suahsualna A Pung Zêl—Bible-in Eng Nge A Sawi?

Haiti ramah a huhova tharum thawhna a hluar hle a. Tharum thawhna avângin South Africa te, Mexico te leh, Latin America khawmuala ram dangahte chuan mite’n hrehawm an tuar nasa hle a. Tharum thawhna awm vak lohna hmunahte pawh rûkrûkna chanchinte chuan mite chu him lo nia inhriatna leh lungkhamna a neihtîr a ni.

Khawvêl puma suahsualna thleng mêk chungchângah Bible-in eng nge a sawi?

Suahsualna chungchâng Bible sawi lâwk

Bible chuan suahsualna chu “khawvêl tâwp” chhinchhiahna zînga tel a nih tûr thu a sawi lâwk a. (Matthaia 24:3) Chu chhinchhiahna tifamkimtu thilthlengte a târ lannaah Isua Kristia chuan heti hian a sawi a ni:

• “Suahsualnaa a pun zêl avângin mi tam zâwk hmangaihna a dai ang.”—Matthaia 24:12.

Chu bâkah, Bible chuan “ni hnuhnûngahte” chuan mite chu “insûm thei lo te, mi kawlhsen te, ṭha duh hauh lo te” an ni dâwn tih pawh a sawi lâwk bawk. (2 Timothea 3:1-5) Chutiang mahni hmasialna miziate avângin tûn laiah suahsualna tam tak kan hmuh phah a ni.

Mahse, beiseina nei tûrin chhan ṭha a awm. Bible chuan nakin lawkah suahsualna chu a bo tawh ang tih a tiam a ni.

• “Rei lo tê achinah mi suaksual chu a awm tawh dâwn si lo; a ni, a awmna hmun chu en en mah la, a awm tawh lo vang. Thuhnuairawlhte erawh chuan ram hi an luah ang a, remna chênin an hmuingîl ang.”—Sâm 37:10, 11.

Beiseina chungchânga Bible sawite leh tûn laia kan hmuh thilthlengte hi Bible hrilh lâwkna thleng famkim a nih chhante chu hriat belh tum rawh. A hnuaia thuziakte hi chhiar ang che.

“Hma Lam Hun Ṭha Zâwk Atâna Beiseina Dik Tak”

“‘Ni Hnuhnûng’ A Nih Loh Leh ‘Tâwpna Hun’ Chhinchhiahna Chu Eng Nge Ni?”

“Bible-in Tûn Laia Mite Ngaihtuah Dân leh Thiltih Dân A Sawi Lâwk Em?”