Isua’n “Thu Awih A Zir”

Isua chuan englai pawhin Jehova thu a âwih reng a. (Joh. 8:29) A nih leh, engvângin nge, Bible-in: “A thil tuarahte chuan thu âwih a zîr ta a ni,” tia a sawi?—Heb. 5:8.

Isua’n leia a awm lai khân, vâna a hmachhawn ngai loh dinhmunte a tâwk a. Entîr nân, a nu leh pate chuan Jehova hmangaih mah se, ṭha famkim lo an ni a. (Lk. 2:51) Chu bâkah, sakhaw hruaitu leh rorêltu sual takte hnên aṭangin dik lo taka cheibâwl a tâwk a ni. (Mt. 26:59; Mk. 15:15) Hrehawm nasa tak tuarin a thi bawk a. Chuvângin, Bible-in: “Nasa taka inngaitlâwmin thih thlengin thu a zâwm a ni,” tiin a sawi.—Phil. 2:8, NWT.

Chûng a thiltawnte chuan Isua chu vâna a zir ngai loh dân kawngin thuawihna a zirtîr a. Chuvângin, kan chak lohnate min hriatthiampuitu Lal ṭha famkim leh Puithiam Lalber a rawn ni thei a ni. (Heb. 4:15; 5:9) Isua chu harsatna a tawrhte aṭanga thuawihna a zir hnuah Jehova tâna mi hlu lehzual a rawn ni a. Keini pawh dinhmun harsa tak hnuaiah thu kan âwih tlat chuan, Jehova min pêk eng chanvo pawh kan thawk theiin, atâna mi hlu lehzual kan ni thei dâwn a ni.—Jak. 1:4.