Indona Sawhkhâwk
Indona chuan mite chungah nghawng râpthlâk tak a nei a. Chu chu khawvêl hmun hrang hranga sipaite leh mipuite chuan an tuar a ni.
SIPAITE
“Thilthleng râpthlâk tak tak—nasa taka inhliamna leh thihna te—chu hmuh tûr a awm reng a. Him niin ka inhre ngai lo.”—Gary-a, Britain.
“Ka hnungzâng leh ka hmaiah kah ka ni a, naupangte leh kum upate pawh tiamin mi tam tak tih hlum an nih lai ka hmu bawk a. Indonain chûngte chu ngaiah min neihtîr a ni.”—Wilmar-a, Colombia.
“Tu emaw i hmaa an kâp lai i hmuh chuan i theihnghilh mai mai thei tawh lo vang. Na tuara a rûm rîte chu i bengah a châm reng ang a. Ani chu engtikah mah i theihnghilh thei tawh lo vang.”—Zafirah-i, United States.
MIPUITE
“Ka hlim leh theih ngai ka ring tawh lo. Thih ka hlau va, chu aiin ka chhûngte leh ṭhiante chân chu ka hlauh ber a ni.”—Oleksandra-i, Ukraine.
“Silaia kah fuh hlau reng chunga zîng dâr 2 aṭanga zân dâr 11 thlenga chaw dawnh tûra intlar chu a thlabârthlâk thei hle.”—Daler-a, Tajikistan.
“Indona chuan ka nu leh pate min lâksak a. Thlamuantu leh ngaihsaktu nei lo fahrahah min siam a ni.”—Marie-i, Rwanda.
A chunga târ lante hian indona sawhkhâwk râpthlâk tak chu tuar mah se, thlamuanna an hmu a. Chu bâkah, indona leh buaina zawng zawng a tâwp thuai dâwn tih an ring nghet tlat a ni. He Vênnainsâng thuziak hian chutiang a nih theih dân tûr chu Bible hmangin a rawn târ lang ang.