Intiamna

Isua Tih Dân

VIDEO: Isua’n Nikodema A Zirtîr

1. VIDEO chu en la, a nih loh leh Johana 3:1, 2 chhiar rawh. Chumi hnuah, a hnuaia zawhnate hi ngaihtuah ang che:

1. Engvângin nge Nikodema’n Isua chu zânah kher a va tlawh ni thei ang?—Johana 12:42, 43 en rawh.

2. Nikodema chu zâna a kawmna hmangin, engtin nge Isua’n ani chu zirtîra siam a tum tih a lantîr?

Isua Hnên Aṭangin Eng Nge Kan Zir?

2. Mite chu zirtîrahte siam tûra kan tum tlatna hmangin, anmahni kan hmangaihzia kan lantîr a ni.

Isua Entawn Rawh

3. I Bible zirpui chu a remchân hun leh hmunah zirpui rawh. Chawlhkâr chhûnga ni engemaw, a nih loh leh hun engemaw bîka zir chu a duh zâwk mai thei a. A hnathawhna hmun, a chênna in, a nih loh leh vântlâng hmun pakhat khata zirpui chu a tân a nuam zâwk ang em? A tâna a remchân ber huna Bible in zir theih nân, i hun duan chu a theih chen chen siamrem ang che.

4. Zirpui ziah rawh. I zin chhuak dâwn a nih chuan, zirna chu ṭhulh chuang suh. Chu aiin, he hi ngaihtuah ang che:

1. Zirna chu chawlhkâr chhûnga hun dangah i kaihruai thei ang em?

2. Zirna chu phone emaw, zoom emaw hmangin i kaihruai thei ang em?

3. Zirna kaihruai tûrin thuchhuahtu dang tuemaw hnênah ṭanpuina i dîl thei ang em?

5. Rilru dik tak nei tûrin ṭawngṭai rawh. I Bible zirpui chuan zir tûrin hun a pe thei lo fo che emaw, a thu zirte chu nunpui nghâl a harsat emaw a nih pawhin, a chunga beidawng mai lo tûrin Jehova hnênah ṭanpuina dîl ang che. (Phil. 2:13) I Bible zirpui chuan mize ṭha tak tak a nei mai thei a; chûng a miziate chu ngaihven zâwk tûrin ṭawngṭai ang che.