BAWHZUI RAWH
ZIRLAI 9
Khawngaihna
Thu bul: “Lâwmte chu lâwmpui ula, ṭapte chu ṭahpui rawh u.”—Rom 12:15.
Isua Tih Dân
1. VIDEO chu en la, a nih loh leh Marka 6:30-34 chhiar rawh. Chumi hnuah, a hnuaia zawhnate hi ngaihtuah ang che:
Engvângin nge Isua leh a tirhkohte chu ‘kal hran’ an tum?
Engin nge Isua chu mipuite zirtîr tûra chêttîr?
Isua Hnên Aṭangin Eng Nge Kan Zir?
2. Khawngaihna chuan mite hnênah thu hril tûr mai ni lovin, anmahni ngaihsak tûrin min chêttîr a ni.
Isua Entawn Rawh
3. Ngun takin ngaithla rawh. Mi chu a rilrua awmte sawi chhuahna hun pe ang che. An thusawi laiin pawtchat lo la, an rilru vei zâwng te, lungkhamna te, leh an hnialnate chu ngaihthah mai suh. Ngun taka ngaihthlâksakin, an thlîr dânte i ngaih pawimawhzia lantîr ang che.
4. Tuina neite chu ngaihtuah rawh. In tîtîna ṭanchhanin, heti hian inzâwt ang che:
‘Engvângin nge thutak a hriat a ngaih?’
‘Engtin nge Bible zirnain a nî tin nun leh a hma lam hun chu ṭha lehzuala a siam theih?’
5. A hlâwkpui theih tûr thute hrilh rawh. A theih phawt chuan, Bible zirnain zawhna a neihte a chhân dân leh Bible zirna a hlâwkpui theih dânte chu hmuhtîr ang che.