Dawhtheihna

Isua Tih Dân

VIDEO: Isua’n Dawhthei Takin A Unaupa A Ṭanpui

1. VIDEO chu en la, a nih loh leh Johana 7:3-5 leh 1 Korinth 15:3, 4, 7 chhiar rawh. Chumi hnuah, a hnuaia zawhnate hi ngaihtuah ang che:

1. Engtin nge Isua thuchah ken chu a tîrin a unaute’n an chhân lêt?

2. Isua chu a unaupa Jakoba chungah a beidawng lo tih engin nge târ lang?

Isua Hnên Aṭangin Eng Nge Kan Zir?

2. Mi ṭhenkhat chuan chanchin ṭha an pawm nghâl mai ṭhin loh avângin dawhtheihna kan neih a ngai.

Isua Entawn Rawh

3. Tih dân dang hman tum rawh. Miin Bible zirpui a duh nghâl mai lo a nih chuan, nawrlui suh. Chu aiin, Bible zirna chu eng nge a nih a, chu chu engtin nge a hlâwkpui theih tih hre thiam tûrin video-te, a nih loh leh thuziakte chu hmang zâwk ang che.

4. Khaikhin suh. Mi tin hian danglam bîkna kan nei ṭheuh va. Chhûngkaw member pakhatin, a nih loh leh kan tlawhkîr pakhatin Bible zirpui a duh lo emaw, Bible zirtîrna a pawm duh lo emaw a nih chuan, a chhan hriat tum ang che. Sakhaw thurin engemaw pakhat khat pawm ngheh bur a nei em? A chhûngkhat laina te, a nih loh leh a ṭhenawmte nêksâwrna a tâwk em? I thusawite a ngaihtuah theih nân leh Bible zirtîrnate hlutzia a hriatthiam theih nân a tân hun pe ang che.

5. Tuina neite tân ṭawngṭai rawh. A êng zâwnga thlîrna leh mi dâwr thiamna nei tûra ṭanpui tûr chein Jehova hnênah ṭawngṭai la. Tuina nei vak tawh lotu hnêna tlawhkîrna i neih ṭhin tihtâwp hun hre tûrin ṭawngṭai ang che.—1 Kor. 9:26.