BAWHZUI RAWH
ZIRLAI 7
Beih Fan Fanna
Thu bul: “Chanchin ṭha zirtîr leh hrilh erawh an bâng chuang lo.”—Tirh. 5:42, Baptist Mid-Missions’ Translation.
Paula Tih Dân
1. VIDEO chu en la, a nih loh leh Tirhkohte 19:8-10 chhiar rawh. Chumi hnuah, a hnuaia zawhnate hi ngaihtuah ang che:
Mi ṭhenkhatin an dodâl avânga tlâwm mai aiin, engtin nge Paula chuan tuina neite ṭanpui tûra a beih fan fan?
Paula’n chûng tuina neite chu engtianga zingin nge a tlawh nawn a, chutiang chuan eng chena rei nge a tih?
Paula Hnên Aṭangin Eng Nge Kan Zir?
2. Tlawhkîrna hlawhtling tak leh Bible zirna ṭan thei tûr chuan hun kan pêk a, kan thawhrim a ngai.
Paula Entawn Rawh
3. Mite hman hun milin i hun duan siamrem rawh. Heti hian inzâwt ang che: ‘Mite chu eng hun leh hmunah nge ka biak theih tlângpui? Eng hun leh hmunah nge min chhân lêt theih tlângpui?’ tiin. Nangma lama i remchân hun a nih loh pawhin, va tlawh theih hrâm tum ang che.
4. Hun tiam nei rawh. Tîtîna in neih zawh apiangin, in inkawm leh theih hun tûr chu ruat theih tum la. Hun tiam chu vawng dik tlat ang che.
5. Beisei tlat rawh. Ina awm ngai vak lo leh buai reng ṭhîn tuemaw chu tuina nei lo niin ngai nghâl mai suh. (1 Kor. 13:4, 7) Chu aiin, ani chu hmuh theih tumin bei fan fan ang che; mahse, fing takin i hun hmang rawh.—1 Kor. 9:26.